كنـا اثنين والجـو فـولا والطاكسـي ثالثنـا

مكتبة هشام هباني كنـا اثنين والجـو فـولا والطاكسـي ثالثنـا!!
13-06-2006, 06:57 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1199947233&rn=0


--------------------------------------------------------------------------------
مداخلة: #1
العنوان: كنـا اثنين والجـو فـولا والطاكسـي ثالثنـا!!
الكاتب: هشام هباني
التاريخ: 13-06-2006, 06:57 ص




كنت اسال نفسي وبينما انا اقود هذا التاكسي اللعين بعد منتصف الليل والصيف في تكساس عورة والليل عورة والجهة التي اقصدها تبعد عشرات ( الفراسخ) وفي معيتي حورية من حور الله بل اية من اياته في كامل عورتها رسمها الخالق اية من خلقه ليسهل الولوج الي ملكوته من خلال التأمل في هذه الاية الربانية التي تدخل الايمان في متأملهاوهي من ابداع رب خلاق عظيم..عطرها عورة وشعرها عورة وصوتها عورة ولونها عورة!!!
امراة في جمالها بالتاكيد مجتمعاتنا البسوسية سوف تتقاتل لاجل الظفر بها وسيتنافس فوارس من قبائل وعشائرللظفر بها والمحصلة حروب وقتل وغارات وترويع وثارات وشعر وهجاء.....وكنت اسال نفسي طيلة هذا المشوار الليلي عن عدم وجود الوسواس الخناس ابليس بيننا في هذا الجو( الفولي) وهو حسب الفرضية العقدية وفي هذا الجو الفتنة ان يكون ثالثنا والذي لم احظى بوسوسته طيلة هذا المشوار العورة...حيث كان القلب والجوارح فقط تجاه( العداد) فسالت نفسي ما الذي منع هذا الابليس من حضور هذا ( المولد) للتلاعب بهذا العبد الاسود ( المسقرط للحم الابيض) مثل كل اهل بلاده وحشراتها وحيواناتها...حيث يستميت بعض البشر في بلادي جهادا لاجل الظفر بالحوريات البيض في الجنة الموعودة وهم يعلنون الطلاق النهائي بينهم وبين نسائهم السوداوات في الدنياوهم بذلك يستنكرون خلق الله العظيم والذي خلق الانسان في احسن تقويم....وتستميت ايضا حميرنا (المكادية) السوداء والغبشاء في الحمير البيضاء ( الحرة) وايضا يستميت ( ابو الجعران الاسود) من حشراتنا وهو ينظف الارض للظفر بالقمر الابيض الجميل؟؟اين ابليس الا يعيش هذا الوسواس هنا في امريكا.....هل لديه مناطق محددة للعيش في هذا الكون؟؟ وهل هنالك مناطق محظورة عليه ؟؟...ولماذا يفوت الفرصة الان في هذا الجو المشحون والمكفهر بالغواية لاغواء هذا الاسود الشقي؟؟؟؟
وسالت نفسي ..كيف بالله لو حقنا واحدا من مهووسي بلادي بمخدر وحملناه علي طائرة من مسرح العمليات في جنوب الوطن مباشرة الي شواطيء كالفورنيا او ميامي الساحرة او الي منتجعات هونولولو في هاواي الامريكية..وايقظناه بعد ذلك وهو محاط بهذه النوعية من النساء وفي وسط كل الترف الامريكي ومباهج الحياة الامريكية.....ماذا تتوقعون من ردة فعل هذا المهووس؟؟؟
وسالت نفسي ايضا سؤالا اخر عن كيفية الدعوة لديننا وتوصيف الجنة والحياة الاخرى لتحفيز شخص تود ان تدعوه لدينك وهو يعيش في كل هذه المباهج المترفة....فكيف تصيغ له خطاب
دعوة وانت تحفزه بالحور العين وهو الذي يضاجعهن ليل صباح؟؟..... وكيف تحفزه بانهار من خمر في الجنة وهو يعاقرها اشكالا والوانا؟؟وكيف تحفزه بالجيد من الاكل والشرب وهو ياكل ما لذ وطاب من صنوف الاكل والشراب؟؟...وكيف تحفزه بان الجنة قطوفها دانية وفي امكانه ان يطلب كل شيء ياتيه في بيته بالهاتف والانترنت وكل وسائل النقل والاتصال؟؟
ظللت اتساءل واتساءل وانا غائص في هذه الدوامة من الاسئلة الى ان سمعت صوتها بكل ادب
تنبهني بان ادلف يسارا في الطريق القادم لانها شارفت المحطة النهائية....وقلت في نفسي:الله العنك يا ابليس....وهتف ابليس من السودان قائلا بحسرة: والله ياود هباني كان لقيت فرقة امرق من السجن الفيهو انا ده علي بالطلاق..السودان ده ما اقعد فيهو دقيقة..بعد ما ضايقونا الجماعة ديل في معايشناوشردونا... الله العنن في القبل الاربعة بالله ما تشوف لينا معاك تكسي يا حبيب؟؟


هباني ظاااااطو

--------------------------------------------------------------------------------
مداخلة: #2
العنوان: Re: كنـا اثنين والجـو فـولا والطاكسـي ثالثنـا!!
الكاتب: Muhib
التاريخ: 13-06-2006, 09:28 م
Parent: #1


تعرف يا هباني بوستك هذا ذكرني عهد مضي في السودان ولكن حكي لي عنه خالي...في العهد داك كانت البت السودانيه بتلبس القصير والبنطان والارديه.ومافي التزام خالص بالثوب السوداني ..في العهد داك مافي حد كان بتحرش باخته السودانيه بغض النظر عن لبسها كان فوق خط سته او تحته ..تعرف ليه ..? لان النفوس كانت طيبه صافيه ..تصلي الصلوات الخمس وتصلي عشاك وتشرب كاسك وترقد وتنوم وانت مبتسم ..اها ياهباني ان بشعر بانك من ابناء العهد داك ..الناس الصافيه .عرفت ليه الشيطان مالعب بيك وانت في الجو الفولي داك .. محب

--------------------------------------------------------------------------------
مداخلة: #3
العنوان: Re: كنـا اثنين والجـو فـولا والطاكسـي ثالثنـا!!
الكاتب: هشام هباني
التاريخ: 15-06-2006, 00:54 ص
Parent: #2


محب ازيك


انت عارف انو (ابليس وبنتو) زمان في السودان كانوا بغووا الناس في حاجات تافهة وبسيطة
وليست هدامة...لكن هسه مما جوا الجماعة ديل ودخلوا المساكين الجنة وعرسوا ليهم بنات الحور..والشدر والطير حارب معاهم..اها قالوا ابليس من الصدمة دخلوهو التجاني الماحي
وبنيتو حايمة في شارع ( عبيد ختف) ما لاقية ناس الكداري من كترة الشغلة!!


هباني

--------------------------------------------------------------------------------
مداخلة: #4
العنوان: Re: كنـا اثنين والجـو فـولا والطاكسـي ثالثنـا!!
الكاتب: هشام هباني
التاريخ: 04-11-2006, 09:23 ص
Parent: #1


...................................

--------------------------------------------------------------------------------
مداخلة: #5
العنوان: Re: كنـا اثنين والجـو فـولا والطاكسـي ثالثنـا!!
الكاتب: عصام أحمد
التاريخ: 05-11-2006, 08:16 م
Parent: #1


.

--------------------------------------------------------------------------------
مداخلة: #6
العنوان: Re: لا لا يا ود هباني.. رجال مدني مو زي قولك
الكاتب: المسافر
التاريخ: 06-11-2006, 03:40 ص
Parent: #5


قالوا
أعياهم نضال مدني
شوقي لي
أبوي ود مدني

تسلم دار السني
ساكن القبة


--------------------------------------------------------------------------------