السبت، 26 أبريل، 2008

انزعوا الخوف من قلوبكم ولن يرهبنكم قاتل ولص وفاسد وقواد حقير

مكتبة هشام هباني انزعوا الخوف من قلوبكم ولن يرهبنكم قاتل ولص وفاسد وقواد حقير!!
21-10-2006, 10:14 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1199947000&rn=0


--------------------------------------------------------------------------------
مداخلة: #1
العنوان: انزعوا الخوف من قلوبكم ولن يرهبنكم قاتل ولص وفاسد وقواد حقير!!
الكاتب: هشام هباني
التاريخ: 21-10-2006, 10:14 ص



والموت واحد يدرككم اني كنتم ولو كنتم في بروج مشيدة ..فالاشجار تموت واقفة...حيث لا معني للحياة بمذلة وهوان وخضوع ..فالحياة عزة ومواقف وكبرياء واخلاق... وهذا المفهوم فاصل بين البواسل الشرفاء و الجبناءالاوغاد!!

--------------------------------------------------------------------------------
مداخلة: #2
العنوان: Re: انزعوا الخوف من قلوبكم ولن يرهبنكم قاتل ولص وفاسد وقواد حقير!!
الكاتب: Mustafa Mahmoud
التاريخ: 21-10-2006, 11:17 ص
Parent: #1


اهتف ...اصرخ...
اكتب كل هتاف هتفت بة ففى مظاهرة خرجت قدتها،خرجت فيها...
من قلبك ...
من قلب يابلادى...
تذكروا اين كنتم فى {اكتوبر} في {ابريل}...
اتذكرون يوم المتاريس؟
اتذكرون تلك الايام الخاالدات؟...
ابدا ماهنت باسوداننا يوماً....
هبى هبي رياح اكتوبر ......
الرصاص لن يفنينا ......
ثورة ثورة حتى النصر...





20-10-2006, 06:13 م

Mustafa Mahmoud


.

ما الليل الظالم طوّل
وفجر النور من عينّا اتحول
قلنا نعيد الماضى الأول
ماضى جدودنا الهَزَمُوا الباغى
وهدّوا قلاع الظلم الطاغى.

وفي ليله وكنا حُشود بِتصارع
عهد الظلم الشبَّ حواجز
شبَّ موانع
جانا هتاف من عِند الشارع
قسماً...قسماً
لن ننهار
طريق الثورة
هُدى الاحرار.
والشارع ثار
وغضب الامه اتمدد نار
والكل يا وطنى حشود ثوار
وهزمنا الليل
هزمنا الليل.
والنور فى الآخر طل الدار
والعزة اتهادت للأحرار.

وطنى أنحنا سيوف امجادك
ونحنا مواكب تفدى تُرابك
ولِسّه الشارع بِشهَد لينا
فى يوم الغضبه حصاد ماضينا
مشينا نَعَطّر حقل الثوره
بِدَم نَفْدِيها بلادنا الحره
وكان اكتوبر فجر الغضبه
كسرنا قيود الماضى الصَعَبه
لما مشينا مواكب صَامده
تهدر- وتغلى ... وتهتف راعده:
الرصاص لن يفنينا.
الرصاص لن يفنينا
وسال الدم فى أرض الوادى
فَدينا النور بالروح يا بلادى
وكانت صفحة حكاها العالم
وفجر اكتوبر طَلّ وسَالَم
كان فى الجامعه موكب هادر
صمَّم يجلى الليل السّادر
وكان الليل السادر غادر
فجّر غدرو سموم دخان
ورُصاص من صوته صِحَا السودان
والشعب الثائر
صمّم هادر
يصرع ليلنا الداجى الطَّوَّل
وكان القرشى شهيدنا الاول
وما اتراجَعنا
حلفنا نقاوم ليلنا وسِرنَا
نذرنا الروح ومَسَكْنَا دَرِبنَا
للشمس النايرة قطعنا بحور
حلفنا نموت أو نلقى النور
وكان فى الخطوه بنلقى شهيد
بى دمه بِيِرسُم فجر العيد.
يا اكتوبر
أنِحْنا العِشنا ليالى زمان
فى قيود ومظالم وويل وهوان
كان فى صدورنا غضب بركان
وكنا بنقسم بالاوطان
نَسَطَّر اسمك يا سودان

بدمانا السّالت راويه الساحه.
وحلفنا نسير ما نْضوق الراحه
شهرنا سيوف عِصيانّا المدنى
وكانت وحدة صف يا وطني
إيد فى ايد حلفنا نقاوم
ما بنِترْاَجع وما بِنسَاوم
بينّا وبينك تار يا ظالم

خُطانا تسير فى درب النصر
هتافنا يدَوّى يهز القصر
كسرنا حواجز ..أزِلنا موانع
صفنا واحد
عامل.وطالب..زارع وصانع
وهزمنا الليل
هزمنا الليل
والنور فى الآخر طل الدار
والعِّزه اتهادت للأحرار
يا ساحة القصر..يا حقل النور
ويا واحهَ بتَحَضِن روح نَصّار
روينا ورودك دم ثوار
وشتَلنا فضاك هتاف أحرار
خَطّينا ترابك احرف نايره
بتحكى سطور ايامنا الثايره.
وشلنا الشهدا مشينا ونهتف
وجرح النار فى قلوبنا بينزف
سَجّينا الشُهدا وجينا نقاوم
ما بنِتراجع وما بِنساوم

وفجأه ونحنا صفوف بتصمم
زغرد فجر الثوره الحالم
والنور فى الآخر طل الدار
والعزه اتهادت للأحرار
قسماً..قسماً يا اكتوبر
نحمى شعارك
ونجنى ثمارك
ونرفع راية الثوره الغاليه
عاليه ترفرف فوق الساريه
عليها شعار الثوره الأكبر
رسُمه النادر زاهى واخضر
ولِسّه بنقسم يا اكتوبر
لما يطل فى فجرنا ظالم
نحمى شعار الثوره نقاوم
نبقى صفوف تمتدّ وتهتف
لما يعود الفجر الحالم يا اكتوبر
&&&&&&

--------------------------------------------------------------------------------
مداخلة: #3
العنوان: Re: انزعوا الخوف من قلوبكم ولن يرهبنكم قاتل ولص وفاسد وقواد حقير!!
الكاتب: Mustafa Mahmoud
التاريخ: 23-10-2006, 09:27 ص
Parent: #2


B]happy eid to you and to your family too
أهلا أهلا بالأعياد
محجوب شريف


أهلا أهلا بالأعياد
مرحب مرحب يا أجداد
أفتح أفتح يا تاريخ
أبعاد أبعاد
وأملا عيون كل الأحفاد
بالأمجاد
أفتح محضر باسم الشعب
بخط الشعب
لوجه الشعب
ومجد الشعب
سجل
أنحن الغضب الواعى
ضمير الثورة على استعداد
وبالمرصاد
لكل عميل وكل دخيل

--------------------------------------------------------------------------------
مداخلة: #4
العنوان: Re: انزعوا الخوف من قلوبكم ولن يرهبنكم قاتل ولص وفاسد وقواد حقير!!
الكاتب: عصام أحمد
التاريخ: 05-11-2006, 08:09 م
Parent: #3


.

--------------------------------------------------------------------------------
مداخلة: #5
العنوان: Re: انزعوا الخوف من قلوبكم ولن يرهبنكم قاتل ولص وفاسد وقواد حقير!!
الكاتب: Mustafa Mahmoud
التاريخ: 06-11-2006, 03:41 ص
Parent: #4


اهتف ...اصرخ...
اكتب كل هتاف هتفت بة ففى مظاهرة خرجت قدتها،خرجت فيها...
من قلبك ...
من قلب يابلادى...
تذكروا اين كنتم فى {اكتوبر} في {ابريل}...
اتذكرون يوم المتاريس؟
اتذكرون تلك الايام الخاالدات؟...
ابدا ماهنت باسوداننا يوماً....
هبى هبي رياح اكتوبر ......
الرصاص لن يفنينا ......
ثورة ثورة حتى النصر...

--------------------------------------------------------------------------------
مداخلة: #6
العنوان: Re: انزعوا الخوف من قلوبكم ولن يرهبنكم قاتل ولص وفاسد وقواد حقير!!
الكاتب: Mustafa Mahmoud
التاريخ: 07-11-2006, 01:23 م
Parent: #5


****************************


--------------------------------------------------------------------------------

ليست هناك تعليقات:

إرسال تعليق