لمـاذا يرتدي غالبية السودانيين الملابس البيضاء عند الحداد

مكتبة هشام هباني لمـاذا يرتدي غالبية السودانيين الملابس البيضاء عند الحداد!؟
15-06-2006, 10:31 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200199826&rn=0


--------------------------------------------------------------------------------
مداخلة: #1
العنوان: لمـاذا يرتدي غالبية السودانيين الملابس البيضاء عند الحداد!؟
الكاتب: هشام هباني
التاريخ: 15-06-2006, 10:31 ص


كلما رجعت بي الذاكرة للوراء للغوص في بعض من تفاصيل الشخصية السودانية الغامضة
وارجع للوطن وللريف وللقرية والي بيت امي..يوم مات ابي كانت النسوة من اهلي واقاربي يرتدين ملابس بيضاء تعبيرا عن الحداد من ( القنج والدمور والوزن عشرة والساكوبيس)بينمانحن سود السودان ثقافتناترفض الاسود ومفرداتها تقول( يوم السواد والهواد..الزول اب قلبا اسود وهلم جرا)وديننايقول( يوم تبيض وجوه وتسود وجوه)!!
وسؤالي هو: لماذا الاستثناء هاهنا والخروج عن القاعدة ونحن في حالة الحداد بدلا من ارتداء الاسود كماتفعل كل شعوب الارض نرتدي وحدناالابيض تعبيرا عن الحزن والحداد!؟

محبتي واحترامي


هباني

--------------------------------------------------------------------------------
مداخلة: #2
العنوان: Re: لمـاذا يرتدي غالبية السودانيين الملابس البيضاء عند الحداد!؟
الكاتب: Sobajo
التاريخ: 15-06-2006, 10:39 ص
Parent: #1






السخانة يا هباني ...

داير ريحة العفنة تطق ...

--------------------------------------------------------------------------------
مداخلة: #3
العنوان: Re: لمـاذا يرتدي غالبية السودانيين الملابس البيضاء عند الحداد!؟
الكاتب: lana mahdi
التاريخ: 15-06-2006, 10:47 ص
Parent: #1


Quote: وسؤالي هو: لماذا الاستثناء هاهنا والخروج عن القاعدة ونحن في حالة الحداد بدلا من ارتداء الاسود كماتفعل كل شعوب الارض نرتدي وحدناالابيض تعبيرا عن الحزن والحداد!؟


أخي الحبيب هشام
قرأت مرة أن الصينيين يلبسون الأبيض عند الحداد تماماً مثل السودانيين
لك تقديري

--------------------------------------------------------------------------------
مداخلة: #4
العنوان: Re: لمـاذا يرتدي غالبية السودانيين الملابس البيضاء عند الحداد!؟
الكاتب: هشام هباني
التاريخ: 15-06-2006, 11:03 ص
Parent: #3


الاعزاء /لنا وسوباجو

لا اعتقد ياسوباجو ان القصة قصة مناخ حسب اعتقادي ايضامثلك انواللون الاسود بمتص الحرارة عشان كدة السخانة وبالتالي الخوف من (الون مان شو السوداني الشهير)..وطيب ما زينا كتيرين وسخانتهم تلحم برضو بلبسوا الاسود!!
الاخت لنا اول مرة اعرف في انو شعوب بتشاركنا ذات الاحزان البيضاء ورغم انواهلنا بقولوا صافية لبن وفلان نيتو بيضاء )!!

ولسع في انتظار مساهماتكم.

--------------------------------------------------------------------------------
مداخلة: #5
العنوان: Re: لمـاذا يرتدي غالبية السودانيين الملابس البيضاء عند الحداد!؟
الكاتب: معتصم الطاهر
التاريخ: 15-06-2006, 11:38 ص
Parent: #1


لأنه قبول بالقدر
ورضاء بحكم الله رب العالمين

ولأن نفوسنا بيضاء

--------------------------------------------------------------------------------
مداخلة: #6
العنوان: Re: لمـاذا يرتدي غالبية السودانيين الملابس البيضاء عند الحداد!؟
الكاتب: نيازي مصطفى
التاريخ: 15-06-2006, 11:47 ص
Parent: #5


هشام كيفك يا حبيب

شكلك بتبحث عن المشاكل حا يجيك واحد ناطي يقول ليك دليل عنصرية


انا في رأي ان المساله لها علاقة بالصفاء وقد لا تخلو من علاقة بينها والطقس

تحياتي ..
*********
الضد يظهر حسنه الضد
.

--------------------------------------------------------------------------------
مداخلة: #7
العنوان: Re: لمـاذا يرتدي غالبية السودانيين الملابس البيضاء عند الحداد!؟
الكاتب: النصرى أمين
التاريخ: 15-06-2006, 11:58 ص
Parent: #1


سلام ياهشام

اعتقد (والله اعلم) انها عاده متوارثه منذ الاف السنين....
احتمال من بعانخى ظاااااااطو

مثلها مثل ذهابنا للبحر(ونحن اطفال) واداء بعض الطقوس العجيبه

--------------------------------------------------------------------------------
مداخلة: #8
العنوان: Re: لمـاذا يرتدي غالبية السودانيين الملابس البيضاء عند الحداد!؟
الكاتب: Zongiya
التاريخ: 15-06-2006, 12:40 م
Parent: #1


لسنا وحدنا من نلبس الابيض عند الحداد
كذلك نساء الهند و نساء المغرب
ربما لها علاقه بالنقاء و النظافه و النصاع

--------------------------------------------------------------------------------
مداخلة: #9
العنوان: Re: لمـاذا يرتدي غالبية السودانيين الملابس البيضاء عند الحداد!؟
الكاتب: Abureesh
التاريخ: 15-06-2006, 06:45 م
Parent: #8


ود هبانى،
سلامـات..

الرب رب قلوب.. (إن الله لا ينظـر الى صوركم وأجسـامكم)
بعدين القميص واللا الكرافتـة السـوداء دى عادة الغربيين وليست عادة السـودانيين.. أما إذا جيت للحزن، فإن حزن السـودانيين (بصورة عامـة) على موتاهـم وموتى أصـدقائهـم أنبل من كثيـر من حزن اللابسين أسـود لزوم البزنس.. شـوف ضحك السـودانيين وفرحهـم أيضـا.. وقارنـه بإبتسـامـة جماعتك ديل الباهتـة المصطنعـة المكانيكيـة.. لا تعميـم طبعـا.. لا هنا ولا هناك.. ولكن إجمالا، ولكل قاعـدة إستثنـاء.
السـودانيـة لما تشتعل فى حتـة، يوروهـا تطبـع إبتسـامـة مصطنعـة فى وشهـا كيف (أو على الأصح فى خشمهـا فقط).
لو شفت أى فيونرلهـوم، تلقى الناس برة مستنين الجنازة ولا بسين أخـر أسـود فى أسـود، ولكنهـم يتسـامرون ويضحكون.. (موش لابسين أسـود أهـو!!).. وأهل الميت أخيـر ليهـم زول لابس أبيض ومواسى بحزن حقيقى، بدل واحـد جاء قاشــر لبســة سـوداء من أجل فرص عقـود مع ناس البزنس الجايين!!

--------------------------------------------------------------------------------
مداخلة: #10
العنوان: Re: لمـاذا يرتدي غالبية السودانيين الملابس البيضاء عند الحداد!؟
الكاتب: Saifeldin Gibreel
التاريخ: 15-06-2006, 07:36 م
Parent: #9


الاخ العزيز هشام هبانى أعتقد والله اعلم اننى قرات كتاب من قبل للمؤرخ البريطانى الكبير أرنولد توينبى يتحدث فى هذا الشأن حيث يقول كان اصحاب الحضارات النيلية والسومرية والايكوميين من حضارات الصين القديمةوالحضارة الهيلينية كانو يلفون موتاهم بالاقمشة البيضاء وعندما انتحرت كليوباترا السابعة وهى آخر ملكة اغريقية ، كُفنت بالثوب الابيض ، ولنا كثير من العادات المتوارثة من عهود الممالك المسيحية وخاصة فى مناطق وسط السودان ، حيث كان لوقت قريب اهلنا فى الجريف يزهبون بالاطفال بعد الاربعين للنيل لغسل وجهه وهو ما يعرف بالتعميد عند المسيحيين ، كما للشلوخ ايضآ حيث الشلخ النقرابي وهو عبارة عن صليب موروث من بقايا مملكة سوبا المسيحية. فهنالك الكثير من العادات المو######## من الممالك القديمة والله اعلم.

سيف

--------------------------------------------------------------------------------
مداخلة: #11
العنوان: Re: لمـاذا يرتدي غالبية السودانيين الملابس البيضاء عند الحداد!؟
الكاتب: bashir adam abdalla
التاريخ: 16-06-2006, 06:19 ص
Parent: #1


الاخ هشام السلام عليكم

انا زاتي فكرت في الكلام دا قبال كدا...

بس افتكر انو باللون الابيض بشاركو الميت

واهلو في رسالة تنبيه ..ان الموت حق

--------------------------------------------------------------------------------
مداخلة: #12
العنوان: Re: لمـاذا يرتدي غالبية السودانيين الملابس البيضاء عند الحداد!؟
الكاتب: othman mohmmadien
التاريخ: 18-06-2006, 01:06 ص
Parent: #11


سلام من الله عليكم
يديكم العافية
لو سلمنا بأن العالم أجمع يتعامل مع قضايا الإستسلام بشعار الراية البيضاء
- أليس من الجائز أننا بذلك اللون نعبر عن إستسلامنا بقدرية الموت وإستسلامنا له
* ****** *
الأرانب هي الحيوان الوحيد الذي يمارس طقوس الزواج ويزفون الذكر للمرأة والسودانيون كذلك يزفون العريس لبيت العروس أما بقية الأجناس تزف المرأة لبيت الرجل ،،،،
الحيوانات جبلت على الفطرة فهل السودانيون كذلك ام أن هنالك تفسير آخر
هنالك بشر يحبون الجزر أكثر من الأرانب (أبو يمن) مثلاً ***
هل هنالك تفسير دارويني يتعلق بهذه المسأئل،،،،،،،،،


--------------------------------------------------------------------------------