الأربعاء، 30 أبريل، 2008

انا بحب عبد الرحيم حسين ابور يالة...اذن انا حــرامي؟؟

مكتبة هشام هباني انا بحب عبد الرحيم حسين ابور يالة...اذن انا حــرامي؟؟
02-04-2006, 04:38 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1199944619&rn=0


--------------------------------------------------------------------------------
مداخلة: #1
العنوان: انا بحب عبد الرحيم حسين ابور يالة...اذن انا حــرامي؟؟
الكاتب: هشام هباني
التاريخ: 02-04-2006, 04:38 م


طبعا بلد بت مليون كلب لمن اكون وزير دفاعها ظااااطو حرامي عينك عينك وبدل الرئيس التمبل اقطع لينا ايدو واطبق فيهو شرع الله المطلعين بيهو دينا ده اجي برا خجلةارقيهو لمرتبة وزير وكمان اديهو رتبة فريق اول واقول للناس مالو عبد الرحيم ما عمل ليكم الف عمارة شنو لو وقعت عمارة واحدة) تقع لهاتك يا عرة الرجال يا دلوكةيا سجمان.. طبعا ما بهمك تموت الناس الكانت في العمارة ما انت ظاااتك كتال الكتلة وحرامي الحرامية؟؟
طبعا الود النشال عبد الرحيم اليومين ديل في زيارة للصين لاكثر من اسبوع .... والبلد طبعا في حالات سلام واتفاقيات... يعني الزول ده ماشي الصين اجيب عناقريب ولا شنو .. الله اعينكم يا اهلنا في دارفور.... طبعا الزيارة دي زيارة لقف وصفقات وبالطبع وزير الدفاع الحرامي ملك اللقف والسرقة.. ويبدو اللبعة حتكون كبيرة وبعدين القسمة النص النص مع الرئيس شيخ الحرامية ؟؟
ــــــــــــــــــــــــــــــــــــــ


اهداء خاص الى شعبنا البطل

يا ساجدة .. يا ساجدة*
يا عمارة لله صلّت مائدة
ويحهم كلاب السوء والاوغاد
أسموك جهرا ساجدة؟
بل قالوا عنك مجاهدة؟
يا خورنق* البلد المعهر جهرة
عنك أيضا قالوا عابدة؟
وقالوا لله سجدت تبتلا
وما كنت صرحا بخيسا كاسدا؟
و كنت رمزا للنقاء والتقى
ولا حرام في جيب بانيك ارتقى
وأمام الله انت الشاهدة؟
أسهوا يا ترى كان السجود
أم كنت للتراب عمدا قاصدة؟
لتشهدي ان الفساد مذاهب
وحق الشعب أضحى مهددا
ألله كان السجود ياترى؟
وها أنت واروك الثرى
وهل كنت حقا هاجدة؟
أم لغير الله كنت ساجدة
وهو طبع ملاحدة؟
وبماذا أمام الله أنت شاهدة؟
هل كان (عبده) عبدا تقيا زاهدا
أم كان لصا ثريا فاسدا؟؟
سجودك كان شارة النهب( المصلّح)
ليبقى درسا للناظرين و شاهدا
وتبقين قبرا للسارقين الاتقياء
والقبرأيضا يحتاج شواهد
أشهد الله أن من بناك يا ساجدة
كان يطلب ربحا ومغانما وفوائد
وكان لصا مواربا ومضاربا
وللحق أبدا ما اهتدى
وظل يسعى للحياة بخسّة
نهبا وسلبا وضربا ومكائد
بالله كيف يلاقي هذا ربه ونبيه
وقد ظل ابليسا خسيسالابدا
وهو التقي المنتقى
ولأمن البلاد كان المرتضى
واليوم يمدحه الامير المفتدى
اذ قال عنه شيخا تقيا زاهدا
سيبقى عزيز امينا رائدا
وما كان أبدا لمال العباد مهددا
ما حدوه ما قطعوه أهل التقى
بشرع قد صار دينا بائدا
والجرم يبدو مؤكدا
مثل آلاف التيوس اللصوص
شادوا بالافك معابدا ومساجد
وشادوا باسم الدين مصارفا ومصائد
لنهب اموال العباد ( دقنية وقبانة وعوائد)
وبلغوا الثريات الحرام باثمهم
من مال شعب للفقرظل مكابدا
والرضع الاطفال بالجوع اهتروا
ما وجدوا حليبا بل نحيبا
فأبواب الرزق ظلت موصدة
والتيوس الاتقياء بالحرام شادوا موائد
والله لو سرقت بنتك يا خير الورى
لقطعت يدها وستظل ابدا محمدا
محمد ماكان سمسارا وزنارا مثلكم
وما كان نهابا وسلاّبا حاقدا
كان التطهر والعفاف سيرة و سريرة
و كان بشيرا امينا مقتدى
وامير المصائب بشرنا بعهده
يحمي اللصوص جهرة مستأسدا
و( مجدي) قتلوه بغير رحمة
وما نهب ابدا اموال العباد عامدا
ولاضير ان ضاعت بينكم ساجدة
فالساجدات العابدات القانتات
ملأن الافق عزا وسؤددا
وليس مهما وليس امرا باهظا
ان يضيع المال سهوا مبددا
فالمال ليس مال ابيك ياقاتلي
فالمال مال الشعب
ولا زال الشعب حيا صامدا
ولن يضيع الحق في زمن المطالب
فالحق حق سيظل صوتا صاعدا




لك الله يا وطنا تخطفه اللصوص (الاتقياء)
ويا شعبا يعيش ذلا وقهرا وشدائد
اصبروا وصابروا
فالظلم حتما ينجلي والنصر حتما عائدا
ليس هذا الوطن ارضا للمساخر
ولسنا شعبا مستكينا هامدا
نحن ميراث الفوارس وذخرهم
قد صاغوا مجدا ظل ارثا خالدا
لاجل سودان سيبقى اسما ماجدا
فما لا نوا ابدا هناك في وجه العدا
بل كانوا شعبا و ارضا وروحا واحدة
سنظل درعك يا سودان ياموطني
وعقدنا مع النصر ايضا موعدا
وسندك اركان الضلال بعزمنا
بشعب ظل دوما مكافحا و قائدا

هشام هباني

* ساجدة : هو الاسم الشهير لعمارة الاستثمار التي تتبع لوزارة الداخلية السودانية سقطت يوم افتتاحهاالامر الذي اثار فضيحة كبرى وكان سقوطها سببا في استقالة وزير الداخلية.
* الخورنق: هو اسم لقصر شهير اعجوبة زمانه وكان لاحد العرب المناذرة في فترة ما قبل الاسلام

--------------------------------------------------------------------------------
مداخلة: #2
العنوان: Re: انا بحب عبد الرحيم حسين ابور يالة...اذن انا حــرامي؟؟
الكاتب: عبد الوهاب المحسى
التاريخ: 02-04-2006, 06:43 م
Parent: #1




المتعوس الريال نفذ اوامر سيده (الهبل) وكشح ليك ضباط المتعوس الآخر على عثمان محمد طه من الجيش وخلاهو محتار يسوى شنو . وربنا يستر على الحكاية حترسى على شنو من التوتر السائد بين الاجنحه المتصارعه فى السلطه - والمعارضه الضعيفه الخيبانه قاعده تتفرج ومش قادره تحرك شئ .

--------------------------------------------------------------------------------
مداخلة: #3
العنوان: Re: انا بحب عبد الرحيم حسين ابور يالة...اذن انا حــرامي؟؟
الكاتب: Rashid Elhag
التاريخ: 02-04-2006, 06:59 م
Parent: #2


Quote: يعني الزول ده ماشي الصين اجيب عناقريب ولا شنو


هباني ياخوي...سمعنا تحت تحت إنو الزول ده ماشي يستورد سراويل وعراريق للجيش السوداني العريان...وإحتمال يجيب ليهم سفنجات صينية تقيهم شر الحفي...دا كان فضلت معاه شوية قروش

--------------------------------------------------------------------------------
مداخلة: #4
العنوان: Re: انا بحب عبد الرحيم حسين ابور يالة...اذن انا حــرامي؟؟
الكاتب: هشام هباني
التاريخ: 02-04-2006, 07:19 م
Parent: #3


المحسي اخوي وراشد النجيض

الله اديكم العافية

ما البلد بقت هاملة وزبالة والرجالة بقت فيها خشم بيوت...الزي ناس عبد الرحيم العرة ابو ريالة زول حرامي عديل من غير لف ودوران....ليهم حق اقدلوا فيها لانو الناس قلوبها ماتت وبقت خايبة والناس السمحة الشريفة مكتفهم الفقر والمعايش الله اعينك يا بلد وتف يا زمن الف تفتفففففففففففففففففففففففففففففف.

هباني

--------------------------------------------------------------------------------
مداخلة: #5
العنوان: Re: انا بحب عبد الرحيم حسين ابور يالة...اذن انا حــرامي؟؟
الكاتب: ABDELMAGID ABDELMAGID
التاريخ: 02-04-2006, 07:57 م
Parent: #4


Quote: انا بحب عبد الرحيم حسين ابور يالة


ود هبانى أخوى
العاجبك شنو كمان فى ( العوقه !!! ) ( اب ريالة سبلوقه ؟؟؟؟ )
عبدالماجد

--------------------------------------------------------------------------------
مداخلة: #6
العنوان: Re: انا بحب عبد الرحيم حسين ابور يالة...اذن انا حــرامي؟؟
الكاتب: هشام هباني
التاريخ: 03-04-2006, 12:38 م
Parent: #5


الزول الضكر عبد الماجد

عوافي...عوافي.... زولك الحرامي اليومين ديل خريف ابو السعن جراد وقعوي في الصين قالوا اسبوع بالتمام دحين اكون ماشي اشتري سفاريق ولا عكاكيز ولا بساطين ....الله اعين اهلنا في دارفور...يعني معناها عندهم قروش وماشي اشتري اسلحة والاسلحة دي يا الله مودنها وين... والله حيرتونا يا اوغاد....

--------------------------------------------------------------------------------
مداخلة: #7
العنوان: Re: انا بحب عبد الرحيم حسين ابور يالة...اذن انا حــرامي؟؟
الكاتب: هشام هباني
التاريخ: 04-04-2006, 06:24 ص
Parent: #6


....................


--------------------------------------------------------------------------------

ليست هناك تعليقات:

إرسال تعليق