يا جماعة :شنــو حكاية كيزان شغالين بره السودان واجانب مغتربين في السودان؟؟

مكتبة هشام هباني يا جماعة :شنــو حكاية كيزان شغالين بره السودان واجانب مغتربين في السودان؟؟
29-12-2005, 11:33 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1155305850&rn=0


--------------------------------------------------------------------------------
مداخلة: #1
العنوان: يا جماعة :شنــو حكاية كيزان شغالين بره السودان واجانب مغتربين في السودان؟؟
الكاتب: هشام هباني
التاريخ: 29-12-2005, 11:33 م


الاخوة /اهل الفهم والحكمةبالمنبر افيدونا بالله

السودان في زمن الانقاذ كما يزعم اهل الانقاذ انه قد تحقق فيه الاستقرار وحصلت التنمية بعد استخراج النفط وادعائهم بتمزيق فواتير الدواء و القمح والوقود وقد جاء السلام............ ونتيجة لهذا التقدم المزعوم الان في السودان اصبح السودان بلدا جاذباللاغيارحيث هنالك شركات اجنبية خدمية تعمل في السودان شركات تعمل في مجال البناء والطرق والنقل و شركات سودانية تستقدم خادمات المنازل من اندونيسيا وماليزيا بعقودات للعمل يصل راتب الاجيرة احياناالى ثلاثمائة دولار في الشهر في بيوت بعض المرتاحين السودانيين.. وايضا هنالك شركات من كل انحاء العالم في قلب الخرطوم حيث راجت ظاهرة استئجار الشقق والفلل المفروشة للاجانب بالدولار واليورو حيث بلغت ايجارات بعض الشقق والفلل الى ما فوق الخمسة الاف دولار في الشهر والان يشاهد اخوة سوريون وعراقيون ومصريون واتراك واردنيون اصحاب متاجر ووسائل نقل في قلب الخرطوم يمتلكون الشركات والمنازل ..... اي اصبحنا كحال دويلات الخليج في اوائل ايام استخراج النفط فيها حيث اصبحت تلكم الدول والامارات جاذبة للعمالة الاجنبية من كل انحاء العالم وحصلت النقنقة فيها وانعكس ذلك النجاح في مستوى حياة الناس وتطورهافي تعليمهم وصحتهم وبقية الخدمات الضرورية التي كفلتها تلكم الخكومات لمواطنيها.... بينما نجدالمفارقة هنا في السودان حيث الصورة في السودان مختلفة تماما بعد هذا الزعم بالتنمية والاستقرار وتدفق نعمة النفط حيث لم ينعكس ذلك ايجابا على دخل وحياة المواطنين السودانيين ورفاهيتهم بينمانجد الخادمةالمنزلية المستجلبة من الخارج ذات دخل اعلي من الطبيب الخريج او المهندس الخريج وايضا استاذ الثانوي العالي السوداني وايضا اصبح التاجر السوري او الاردني او التركي صاحب امتيازات اكثر من التاجر المحلي ولديه تسهيلات مصرفية وضرائبية افضل من المحلي........ ووتتسع المفارقة ايضامع تدفق النفط السوداني حيث ارتفعت اسعار المحروقات وبقية السلع الاساسية بشكل طردي وتنصلت الدولة الرسالية عن كل واجباتها تجاه رعاياها حيث انصبت كل الميزانية في الامن والدفاع والدعاية للدولة الرسالية بفللها الرئاسية ويختها الملوكي وبقية المال العام في جيوب السراق المتنفذين وازداد الفقراء فقرا وازدادالاغنياء المتنفذون ثراء......(ده كلو كوم والكوم التاني والمحيرني رغم كل هذه الاكاذيب من اوهام التقدم والاستقرار في الوطن والدعاوي الفاضية للمغتربين للعودة لبلادهم للمساهمة في التنمية وتحسين اوضاعهم وفي ذات الوقت نجد مجموعات من ( الكيزان)ما زالوا يعملون في دول الخليج وفي اوروبا بالالاف مهاجرين وايضا(لاجئين سريين)؟؟....وهنا تبرز الاسئلة التالية:
1/ ماهو سبب تواجد هؤلاء الكيزان حتى الان بخارج جدران دولتهم المزعومة؟
2/وان كانوا كيزان بحق اليست الدولة العصابة في حوجة لخدماتهم بالداخل لتأمينها وحمايتها والدعاية لها...ام ان الدولة قد اكتفت بكوادر الداخل وهذا فائض للعمل في الخارج في مهام اخرى؟
3/وهل هم بحق كيزان ام متعاطفين فقط غير ملتزمين باية برامج تنظيمية؟
4/ وما هو دور القوى الوطنية في الخارج في التعامل مع هذه الشرائح ان ثبت تورطها في اعمال مناوئة لكل افق وطني بالخارج يستهدف استعادة الوطن من مغتصبيه؟

ارجو ان تكون قد وضحت التساؤلات واتمنى ان اسمع اجابات شافية في هذا الموضوع الحيوي والهام..


--------------------------------------------------------------------------------
مداخلة: #2
العنوان: Re: يا جماعة :شنــو حكاية كيزان شغالين بره السودان واجانب مغتربين في السودان؟؟
الكاتب: هشام هباني
التاريخ: 17-01-2006, 06:40 م
Parent: #1


فوووووووووووووووووووووووق

--------------------------------------------------------------------------------
مداخلة: #3
العنوان: Re: يا جماعة :شنــو حكاية كيزان شغالين بره السودان واجانب مغتربين في السودان؟؟
الكاتب: AMNA MUKHTAR
التاريخ: 17-01-2006, 08:54 م
Parent: #1


UP

--------------------------------------------------------------------------------
مداخلة: #4
العنوان: Re: يا جماعة :شنــو حكاية كيزان شغالين بره السودان واجانب مغتربين في السودان؟؟
الكاتب: Tragie Mustafa
التاريخ: 17-01-2006, 09:14 م
Parent: #3


العزيز ود هباني

كيفنك,وبعيد عن موضوع البوست

اتاوا الكندية تشهد اكبر مظاهرة سودانية استنكارنا لمذبحة القاهرةـ توجد صور

شفته لو مشيت للبوست ده

في اول صوره به

الذول الوخيد الظاهر فب الركن الايمن للصوره

هو قريبك بشرى الذي تعرفت عليه في آتوا

وزي ما قلت لك راجل وطني جدا,وبيسلم عليك.

تراجي.

--------------------------------------------------------------------------------
مداخلة: #5
العنوان: Re: يا جماعة :شنــو حكاية كيزان شغالين بره السودان واجانب مغتربين في السودان؟؟
الكاتب: bayan
التاريخ: 17-01-2006, 09:54 م
Parent: #3


سلام يا هشام

قلت 300 دولار للخدامة؟!!

النقوم نشوف لينا طريقة بدل نخدم الراجل دا واولادو بنظام السخرة...
بعدين 300 دولار دي موش خريجين جداد اختى عندها دكتوراه من سنة 1997 شغالة في جامعة الخرطوم مرتبها اقل من كدا..

وكل سنة وانت طيب يديك العافية في عتالة بوستاتك دي


--------------------------------------------------------------------------------
مداخلة: #14
العنوان: Re: يا جماعة :شنــو حكاية كيزان شغالين بره السودان واجانب مغتربين في السودان؟؟
الكاتب: هشام هباني
التاريخ: 24-01-2006, 09:14 ص
Parent: #3


,,,,,,,,,,,,,,,,,,,,,,,,

--------------------------------------------------------------------------------
مداخلة: #6
العنوان: Re: يا جماعة :شنــو حكاية كيزان شغالين بره السودان واجانب مغتربين في السودان؟؟
الكاتب: ABDELMAGID ABDELMAGID
التاريخ: 17-01-2006, 10:22 م
Parent: #1


ود العم هشام
مساك الله بالخير و انشاء الله تكون الوعكه زالت
ما تنسى كمان حكاية شركات الفندقه الفرنسيه التى سوف تدير الخدمات بالفلل الرئاسية اثناء سلسلة عقد المؤتمراتا المليونية القادمة ...
كسره
يعنى بقينا نشغل حتى الفرنسيين خدم مش بس ماليزيين و فليبيين و الله انفعنا ب جاهك يا انقاذ ... و الله اكون فى عون ضحايا المجاعة و الملاريا و الحمى النزفية ...
عبدالماجد

--------------------------------------------------------------------------------
مداخلة: #7
العنوان: Re: يا جماعة :شنــو حكاية كيزان شغالين بره السودان واجانب مغتربين في السودان؟؟
الكاتب: othman mohmmadien
التاريخ: 18-01-2006, 00:52 ص
Parent: #6


multi <‎/FONT>يا هشام
كل العام وأنت بخير
رجعوا ناس اليمن مجبرين
الكيزان كانت وظائفهم جاهزة
في المغتربين او غيرها مع توفير عربة وبيت
أشباه الكيزان رجعوهم التعليم نفس الوظيفة وبسرع عاجلة كالبرق
أما الكافرات المرجفات "أخوات أم جميل" من الرجال طبعاً في نظرهم قالوا والله حايمين ومندهشين ما لاقين كرعة المويه والشغالة ب 300 $ إنها المتناقضات بعينها "والساعة بخمسة دينار والحسابة بتحسب"
أم الزيي وزيك حايمين ببره

--------------------------------------------------------------------------------
مداخلة: #8
العنوان: Re: يا جماعة :شنــو حكاية كيزان شغالين بره السودان واجانب مغتربين في السودان؟؟
الكاتب: bayan
التاريخ: 18-01-2006, 01:41 ص
Parent: #7


Quote: ماليزيين و فليبيين



نقطة نظام هنا
الماليزين بيشتروا في السودان بالقطعة.. قربو يشترو النيل
مافي ماليزية بتشتغل خادمة.. لانه بختصار مافي ماليزية ما قارية جامعة
البلد دي مشغلاتنها النسوان عشان كدي ماشة تمام..
بس لو ليقتو لي الناس البتشغل ب 300 ديل انا جاهزة..

محمدين نهرو دا ود عطبرة؟


--------------------------------------------------------------------------------
مداخلة: #9
العنوان: Re: يا جماعة :شنــو حكاية كيزان شغالين بره السودان واجانب مغتربين في السودان؟؟
الكاتب: هشام هباني
التاريخ: 18-01-2006, 07:36 ص
Parent: #8


الاخت العزيزة الجسورة تراجي

صباحاتك بالف خير

كتر خيرك علي هذه الشهادة في حق قريبي ايتها النبيلة وحالا سأبلغه هذه الاشادة ومت في رعاية الله وحفظه ايتها الباسلة.




الاخت/ بيان

سلام وكل العام وانتم والوطن بالف خير

غايتو انت لو قاعدة لهسع بالسخرة حسبما قلت الحقي المولد ده بتاع الشركات القاعدة في قلب الخرطوم البتشغل في الاجنبيات بالدولار انت واختك الدكتورة الطيبة والتي ارجو لها التوفيق و كان الله في عونها.


الاخ/ عثمان محمدين

ناس اليمن (الله ليهم وعيشة السوق )زي ما الله ادا ناس عمنا تاج الدين المهدي بالكوريك ادي المساكين المعلمين الغلبانين بالملعقة وان شاء الله شيخ ميرغني افاء الله عليه بنفحات انقاذية جزاء ووفاء لمجالسه ( القاتية) الانقاذية العامرة وتشكر علي الوصية وتحياتي للجميع.


العزيز بن العم دكتور عبد الماجد

الساكن جنب (جوانتنامو) الحيطة بالحيطة....كان الله في عون شعب السودان الطيبان والجايات اكتر من الرايحات؟؟؟


اخوكم هباني التكاسي ظااااطو

--------------------------------------------------------------------------------
مداخلة: #10
العنوان: Re: يا جماعة :شنــو حكاية كيزان شغالين بره السودان واجانب مغتربين في السودان؟؟
الكاتب: محسن عبدالقادر
التاريخ: 18-01-2006, 07:46 ص
Parent: #9


حبيبنا هشام

الناس ديل دايرين يخموها برة وجوة

طبعا لقوا الناس خلوا البلد قاموا ملوها بالأجانب

قالوا لازم يلحقوكم برة يضيقوها عليكم
ديل غايتو الله يكفينا شرّهم

--------------------------------------------------------------------------------
مداخلة: #11
العنوان: Re: يا جماعة :شنــو حكاية كيزان شغالين بره السودان واجانب مغتربين في السودان؟؟
الكاتب: هشام هباني
التاريخ: 18-01-2006, 09:59 ص
Parent: #10


بن عمي الحبيب محسن

سلامات

انت عارف يا محسن اخوي البلد دي اهلنا الغلبانين ديلك ما في شي عايشهم غير عيالهم المغتربين وكمان (اللاجئين) وبعض من اولادهم ( بلاعيط الفتات) في سوق ( الله واكبر) في السودان وكان انسد الاغتراب واللجوء امانة ما راحت الانقاذ في جقمة موية...عشان كده هم مهتمين جدا ببقاء السودانيين بالخارج لهريهم بالجبايات الباهظة عبر جهاز شئون المغتربين اكبر مؤسسة همبتة رسمية لجيوب العلبانين المغتربين وكان ما خايفين الخجل ساكت كان عملواليهم حاجة اسموها جهاز شئون اللاجئين لمزيد من اللقف...وحكاية انو اللاجئين بطلعوا من السودان سرا ده كلام فاضي الناس بتطلع عينك عينك بل بتسهيلات ربما من الحكومة لانو الحكومة الرسالية اكتشفت كمان انو اللاجشين ديل اهم (نقاطة) يا عمو بالدولار واليورو يعني افضل من مغتربين زمان بتاعين السعودية والخليج ناس الريال والدينار بعد ما قطت الحكاية في الخليج.... يعني الحكومة حكاية تشجع اللجوء دي حاجة مفروغ منها اولا لانها في المقام الاول لاسباب امنية فقد تخلصوا من فائض قوة بشرية مشاكسة قد تسبب لهم متاعب في الداخل وثانيا بتضمن انو اولئك اللاجئين سيخففون عليها كثيرا من الضغوط الاقتصادية في تخفيف الضائقة المعيشية لذويهم بالداخل من الذين حتما لن يبخلوا عليهم بدولارات العمل في مهاجر اللجوء وبالاضافة للجبايات الباهظة للاجي القادم للوطن بجنسية اجنبية حيث تفرض عليه اتاوات هي اضعاف ما يجبونه من المغتربين الكحيانين تنتيفا لريشه وانتقاما منه لوجه الله ورسوله.. محبتي واحترامي

--------------------------------------------------------------------------------
مداخلة: #12
العنوان: Re: يا جماعة :شنــو حكاية كيزان شغالين بره السودان واجانب مغتربين في السودان؟؟
الكاتب: هشام هباني
التاريخ: 19-01-2006, 07:12 ص
Parent: #11


.......................

--------------------------------------------------------------------------------
مداخلة: #13
العنوان: Re: يا جماعة :شنــو حكاية كيزان شغالين بره السودان واجانب مغتربين في السودان؟؟
الكاتب: عثمان فضل الله
التاريخ: 19-01-2006, 11:07 ص
Parent: #11


.......................


--------------------------------------------------------------------------------