السبت، 26 أبريل، 2008

بكري ابو بكر يقبض ثلاثة ملايين دولار ثمنا لموقع سودانيز اون لاين

مكتبة هشام هباني بكري ابو بكر يقبض ثلاثة ملايين دولار ثمنا لموقع سودانيز اون لاين!!
18-11-2006, 07:53 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1199946666&rn=0


--------------------------------------------------------------------------------
مداخلة: #1
العنوان: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: هشام هباني
التاريخ: 18-11-2006, 07:53 م


افادني صديق لي هاتفته بالامس بالخرطوم بشائعة جديدة( لنج) تسري كالنار في الهشيم في حواري وازقة الخرطوم يتداولها العامة من رواد المنابر الاسفيرية وبالتحديد رواد موقع( سودانيز اون لاين) وهو الاشهر بتجمع المعارضين الشرفاء فيه والمملوك لاخينا المناضل المهندس بكري ابوبكر.. وعقبت هذه الشائعة الزيارات الاخيرة المتكررة لصاحب الموقع للسودان حيث قالت الشائعة انه حصل اتمام صفقة بين صاحب الموقع وبين جهاز الامن بقيادة( صلاح قوش) شخصيا حيث اشتري جهاز الامن الموقع بثلاثة ملايين دولار!!!.. وهي صفقة رابحة للطرفين حسب الشائعة وبالذات الحكومة وهي تسيطر على اخر معقل من معاقل التشويش والفضح لسياساتها الاجرامية محليا وعالميا وذلك بعد ان نجحت في السيطرة علي كل المعاقل الاعلامية في الداخل التي تغض مضاجع افراد العصابة الحاكمة واخطرها هذه المواقع الاسفيرية وتحديدا ( سودانيز اون لاين)و تعتمد الشائعة لكي تكون ذات صدقيةما تلا عودة امين الموقع بعد اتمام الصفقةلامريكا من حشد للمنبر العام بعناصر من جهاز الامن السوداني من اعضاء كثر جدد صاروا ياتون من النوافذ الخلفية للموقع واصطحبتها التوقيفات الاخيرة لبعض العناصر الوطنية الفاعلة والصادعة بالمنبر مثل تراجي مصطفي ودكتور مصطفي وابراهيم بقال واخرين ربما في الطريق حسب الشائعة وايضا تلتها ظاهرة (خور الاخوار) حيث تعدم المواضيع غير المرغوب فيها في مكبات غير معلومة للاعضاء كما تعودوا انم يجدونها في (الخور) القديم!!
و استرسل صاحبي في الشائعة قائلا: ويقول اهل الشائعة كيف يمكن لبكري ابوبكر صاحب هذا الموقع الناري الخطير والذي يفوق خطورة الجيوش المتمردة علي الحكومةان يمرح في شوارع الخرطوم لا حسيب ولا رقيب.. بينما الاجهزة القمعية لا زالت تعمل بذات الكفاءة والشراسةوقبل ايام من مقدم بكري للوطن ضربوا وعذبوا وهتكوا واجلسوا الدكتور النجيب علي( القزازة) لمجرد انه وزع منشورا يحرض الطلاب فيه علي الاضراب ضد ادارة جامعة في قضية مطلبية صغيرة!!!!...بينما موقع السيد بكري جل عناصره من اشرس الوطنيين الشرفاء الذين ينادون بصوت عال لاسقاط العصابة المجرمة بكل الوسائل المتاحة وبصوت جهور ومؤلم
لافراد العصابة...ورغم ذلك قضي السيد بكري امتع العطلات الترفيهية بين الاهل والاحباب
في داخل الوطن لا ( قزاز ولا شلاليت ولا خراطيش)!!
وسالت صديقي مندهشا: طيب يا زول لو باع بكري الموقع ده لناس الحكومة.. وبقى حقهم طيب ليه ما رفدوني انا وبعض الاصوات الحادة جدا!!
فقال لي: يا خوي العافية درجات... وانتو في الطريق!!
فاردفته بسؤال اخـــــر: طيب ناس الامن ديل في السودان حيستفيدوا شنو من الموقع ده وادفعوا القروش الكتيرة دي لبكري؟؟ فاجابني بان الشائعة تقول انهم قالوا لبكري خليك في محلك وخليط ظاهر في الصورة عشان ما تشكك الناس في اية خطوات لاحقة بس خلينا نحن حندخل عناصرنا في المنبر وبعدين هم عندهم ( الباسوورد) وممكن اقروا كل الماسنجرات بتاعة الاعضاء واعرفوا ناس المعارضة كيف بنسقوا مع بعض!!
ومن باب الفضول سالته قائلا: اها دحين يا خوي ورينا الناس الشغالين في المنبر ده من ناس الامن عديل؟؟ فاجابني: ومال ناس ملاسي وناذر ونوبي ديل بسووواا في شنو!!!!!

وهنا ضحكت حتى وقعت سماعة الهاتف من يدي وراجعت المكالمة وانا اقول لصاحبي: يا زول العن الشيطان دي شائعة مغرضة فاكنها ناس الامن عشان اطفشوا الناس الشرفاء من الموقع
واشككوا في وطنية بكري ابوبكر وادمروا كمان المنبر... وانت بتصدق في جبهجي انفق دولارواحد من جيبوعشان موقع زي ده...ات مجنون تلاتة مليون مرة واحدة... وبكري ابوبكر زول كادح علي باب الله القط فيها بالاعلانات الي الليلة !!

ايها الشرفاء مثل هذه الشائعات تطلقها عناصر الاستخبارات والامن القذرة للتشكيك في هذا الموقع الوطني الشريف وهويؤرق المفسدين والظالمين والقتلة في الوطن السليب..

و من هنااناشدكم لنتضامن بشدة مع اخينا المناضل بكري ابوبكر
ضد هذه الهجمة الشرسة التي تنال من هذا الموقع الخندق..
ونعم والف نعم لعودة الشرفاء دكتور مصطفي محمود والمناضلة تراجي مصطفي .
والي الامام ولا نامت اعين الجبناء.

هشام هباني

--------------------------------------------------------------------------------
مداخلة: #2
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: هشام هباني
التاريخ: 18-11-2006, 08:13 م
Parent: #1


الاخوة الشرفاء

للعلم..فقد استاذنت الاخ مدير الموقع بكري ابوبكر
لتناول هذه الشائعة في المنبر وذلك لتاكيد الشفافية
في هذا المنبر وان هذا الموقع الخندق لن تهزه هذه الشائعات
القذرة.. ونحن نفندها وندحضها وندينها.

عشتم

--------------------------------------------------------------------------------
مداخلة: #3
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: نصار
التاريخ: 18-11-2006, 08:17 م
Parent: #1


العزيز هباني

شاخور رحمه الله قال ليك ناس الملاكمة في نادي المريخ شافوهوا
جاي عليهم سخنو في التمرن لبع شديد عشان يلفتوا نظره يفك
ليهم شوية فلوس عمك شاخور عرف قصدهم لكن قال ليهم كان هديتوا
الحيط دي ما دام ما بغلبوا الهلال في المباراة الجاية قرش واحد
ليكم مافي... ناس الامن و حكومتم مركزين مع عنان و لاهاي
و علي الجنجويدي و الما بغلب ليهم ديل ما بدوهوا تعريفة مقدودة

--------------------------------------------------------------------------------
مداخلة: #4
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: Mohamed Adam
التاريخ: 18-11-2006, 08:32 م
Parent: #1


المُنَاضِلْ هُشَامْ هَبَانِي
لَكَ التَحِيّه.

Quote: واصطحبتها التوقيفات الاخيرة لبعض العناصر الوطنية الفاعلة والصادعة بالمنبر مثل تراجي مصطفي و...!!

أنَا قَدْ شَكَكتْ فِي نِضَالَكْ لولا رَدْفَكْ لِهَذِه الفَقرَه :
Quote: و من هنااناشدكم لنتضامن بشدة مع اخينا المناضل بكري ابوبكر
ضد هذه الهجمة الشرسة التي تنال من هذا الموقع الخندق..
.

أبْقَي مَعَ فَائقْ مَوَدَتٍِي وإحتِرامِي.

--------------------------------------------------------------------------------
مداخلة: #5
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: Walid Safwat
التاريخ: 19-11-2006, 01:32 ص
Parent: #1


يابكري عليك الله شوية كدة نصلح ال Credit
ولو بالاشاعة... طيب انشاءالله co-signer


قال احد ظرفاء الخرطوم عندما سمع اشاعة ان صديقه
القبطي هرب من السودان ومعه عشرة ملايين من الدولارات:
" بختو مكرم(الاسم الحركي) لاكن قولولي المليون دي تجيب ليها كم قدرة فول "
وكان مكرم مغرم باكل الفول الغير مصلح من القدرة مباشرة

وللعلم الاشاعة كانت غير حقيقية وصاحبنا كان يعرف ذلك
فعندما سمع الاشاعة من زائر لقعدتهم اليومية كان مكرم
من الجالسين!!!! ومكرم مازال في السودان..

والارانب راحت تشرب من البحر

--------------------------------------------------------------------------------
مداخلة: #6
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: JAD
التاريخ: 19-11-2006, 01:49 ص
Parent: #1


شكراً سيد هشام على كشف هذه الشائعة ..

هي:
محاولة لتكتيك جديد ..

لكن برضو مكشوفة ..

وسوف تمضي مسيرة الإصلاح قدماً .. ليبقى منبر سودانيزأونلاين واجهة معبرة عن آراء السودانيين بمختلف توجهاتهم ..

وأن تكون الكلمة فيه شريفة ونظيفة تشبة أخلاق السودانيين ..

تحياتي،،،

جاد


--------------------------------------------------------------------------------
مداخلة: #7
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: فاروق حامد محمد
التاريخ: 19-11-2006, 02:26 ص
Parent: #6





هباني الفارس


منو القال ليك انه بكري ما عذبوه في السودان

التعذيب يا حبيب تغيرت أنواعه وأنماطه يعني

ممكن يقعدوك ساعة مع أمين حسن عمر (أثقل شخصية

منذ فجر الاسلام وحتى لحظة كتابة هذه السطور)وهذا

أشد أنواع التعذيب والتنكيل ويمكن يساوي 30 سنة سجن .....

ثم يمكن يجبروك على الاستماع للمهندس الصافي جعفر

وهو يحدثك عن النزاهة والأمانة في الاسلام ووجوب رعاية

وصيانة ولي الأمر لكل بعرة تسلحها بغال المسلمين في

بيت مالهم....

أما أنكى أنواع التعذيب (الله لا وراك ليه).........

فهو اجبار المتهم على الجلوس وجها لوجه أمام أمير المؤمنين

عمر بن حسن رضي الله عنه وعن آله الغر الميامين واكراهه

على رؤيته وهو يتنفس ...فيكتشف انه يكذب حتى فى تنفسه...

ثم يجرونه الى غرفة طعامه واجباره على رؤية الخليفة وهو يمزع

(كراع) الخروف مزعا ويحشرها بجملتها في فمه (عوووووووووووووووع)

وهو يصدر نخيرا وهديرا وشخيرا وريحا ما أنزل الله بها من سلطان

"قررررررررف"

أما اذا أرادوا القضاء عليك قضاء مبرما(اعدام يعني) فلا بد من

مشاهدتك عيانا لحصة صغيرة جدا(10) دقائق فقط في النفاق على يد

المايسترو الكوني عبدالباسط سبدرات ... وهنا يكون أجلك بقدر حساسيتك

فان كنت من ذوي الحساسية العادية فان أجلك آت لا محالة -حسب الخبراء-

خلال فترة لا تتجاوز نصف دقيقة الى 40 ثانية وأما اذا كان جهاز مناعتك

(الاحساسي) ضعيفا فانك لن تأخذ (غلوة) في حضرة معاليه فهي مسألة خمس

ثوان فقط منذ بدء الارسال النفاقي !!!!!!!!!

--------------------------------------------------------------------------------
مداخلة: #8
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: محمد عمر الفكي
التاريخ: 19-11-2006, 03:37 ص
Parent: #7


والله يا هشام فكيتا فينا انت وصاحبك بكري ، من بتين بيدوا قروش؟ انترنت!!!! هو الناس لاقية تاكل ولا تشرب عشان يمشوا يقروا الانترنت!!!!!! هو حق قراية الشفع في المدرسة عندهم عشان يجوا يقروا هم؟!!!!!!! الموقع دا عندهم علاج اسمه الحجب


Quote: بسم الله الرحمن الرحيم

أخي الكريم / اختي الكريمة
هذا الموقع تم حجبه بواسطة الهيئة القومية للاتصالات ، لمزيد من المعلومات او الاستفسار يمكنكم مراسلتنا علي البريد الالكتروني :

filtering@ntc.org.sd


ونشكر لكم حسن تعاونكم معنا ونرحب دوما بمقترحاتكم و آراءكم


Dear Internet Users

This page has been blocked by the National Telecommunication Corporation (NTC) , for further information please Email:

filtering@ntc.org.sd

Thank you for your co-operation. Please send your comment and suggestions



www.ntc.org.sd[/QUOTE]

ما تفكوها في رقبتكم ثلاثة مليون بكري بستحقها لكن ديل ما بيدوها ليه.




--------------------------------------------------------------------------------
مداخلة: #9
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: ناصر البطل
التاريخ: 19-11-2006, 03:49 ص
Parent: #1


يا جن إنته
إن كانت هذه شائعه
فأنت الان تروج لها في أكبر موقع
فهمته؟؟؟
أشك بل لا أعتقد
هل هذا جزاء من يدفع من قوت عياله
لتكتب أنت و أمثالك تفاهاتك هذه علي الإنترنت

--------------------------------------------------------------------------------
مداخلة: #11
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: hatim
التاريخ: 19-11-2006, 04:10 ص
Parent: #9


Quote: يا جن إنته
إن كانت هذه شائعه
فأنت الان تروج لها في أكبر موقع
فهمته؟؟؟
أشك بل لا أعتقد
هل هذا جزاء من يدفع من قوت عياله
لتكتب أنت و أمثالك تفاهاتك هذه علي الإنترنت




صدقت أيها العزيز ناصر
هذا الهشام يتخيل الاشياء ليلا في مخيلته العمياء ويسردها في الدغيش البدري ..حتى ولو كانت شائعة، طريقة كتابتك للعنوان وتناولك للموضوع بهذا الشكل يروج لها أكثر مما راجت في أزقة وحواري الخرطوم..
وهذا ما تقصده أنت بالضبط..
ترويج للشائعة..

يا شيخ ماتقوم كده..

--------------------------------------------------------------------------------
مداخلة: #12
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: ود شندي
التاريخ: 19-11-2006, 04:20 ص
Parent: #9


انا محتار
ياهباني
الناس ديل بيجبو الدولارات دي من وين


Quote: و من هنااناشدكم لنتضامن بشدة مع اخينا المناضل بكري ابوبكر



يلا ورينا انت مسكت كم

--------------------------------------------------------------------------------
مداخلة: #10
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: JAD
التاريخ: 19-11-2006, 04:07 ص
Parent: #1


Quote: يا جن إنته
إن كانت هذه شائعه
فأنت الان تروج لها في أكبر موقع
فهمته؟؟؟
أشك بل لا أعتقد
هل هذا جزاء من يدفع من قوت عياله
لتكتب أنت و أمثالك تفاهاتك هذه علي الإنترنت




وأنتهز هذه الفرصة لأبلغ سلامي لصديق هشام هباني في الخرطوم بتاع الشمارات الذي حجب اسمه نظراً لنظرات كلاب الأمن الحادة !!


تحياتي،،

جاد

--------------------------------------------------------------------------------
مداخلة: #13
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: محمد زمراوي عبدالعزيز
التاريخ: 19-11-2006, 05:59 ص
Parent: #10


Quote: الاخوة الشرفاء

للعلم..فقد استاذنت الاخ مدير الموقع بكري ابوبكر
لتناول هذه الشائعة في المنبر وذلك لتاكيد الشفافية
في هذا المنبر وان هذا الموقع الخندق لن تهزه هذه الشائعات
القذرة.. ونحن نفندها وندحضها وندينها.



هباني

بس عايزين نعرف انت اخدت كم من بكري مدير الموقع على هذه الدعاية وهسع كان كلامك دا بقى صاح وناس الحكومة اشتروا الموقع ما يانا رحنا بمجرد اننا مسجلين هنا.. يا زول قلبنا رهيف ما بقدر على الهبباي في عز الصيف ما تقوم تجيب لينا هوا وعمرنا كلوا منظوم محبة (مع الاعتذار للبلابل).

--------------------------------------------------------------------------------
مداخلة: #14
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: حيدر حسن ميرغني
التاريخ: 19-11-2006, 08:49 ص
Parent: #13


Quote: بيان صحفى

السودان: حجب موقع سودانيز اون لاين انتهاك لحرية الرأى والتعبير

يجب على السلطات السودانية أن ترفع الحجب فورا

القاهرة فى 10 يوليو 2004

القاهرة فى 10 يوليو 2004 ، أكدت الشبكة العربية لمعلومات حقوق الإنسان اليوم أن الحجب الذى فرضته السلطات السودانية على موقع سودانيز أون لاين .

http:// www.hrinfo.net/press/04/ www.sudaneseonline.com

يمثل انتهاكا واضحا لحرية الرأى والتعبير وانتكاسة للحق فى تداول المعلومات

فوفقا لما أورده السيد/ بكرى أبو بكر فى رسالته للشبكة العربية لمعلومات حقوق الإنسان قد فوجئ فى السابع من يوليو الجارى بقيام الهيئة القومية للاتصالات بحجب الموقع بالسودان وعلى أثر اتصاله بأحد المسئولين بالهيئة المذكورة تم إبلاغه أن الحجب تم بناء على قرار من جهاز الأمن الداخلى بالسودان.

وقال جمال عيد المدير التنفيذى للشبكة العربية لمعلومات حقوق الإنسان " إن حجب موقع سودانيز اون لاين ، يعد حلقة ضمن سلسلة من الانتهاكات التى تمارسها الحكومة السودانية تجاه مواطنيها، ونفيا لانفراجه سياسة تزعم السلطات السودانية حدوثها"

وطالبت الشبكة العربية السلطات السودانية برفع الحجب فورا عن موقع سودانيز اون لاين ، إعمالا لنص المادة 19 من العهد الدولى للحقوق المدنية والسياسة التى تكفل الحق فى التماس المعلومات والأفكار ونقلها للآخرين لكل إنسان وإن تنأى السودان بنفسها عن الانحدار فى هاوية الدول أعداء الحرية.

خلفية

أنشئ موقع "سودانيز اون لاين " التابع لشركة بيان للمعلوماتية فى عام 2000، ويديره السيد/ بكرى أبو بكر ، وهو موقع يسعى لنشر المعرفة بالأمور السياسية والاجتماعية لسودانيى المهجر ثم أصبح ضمن المواقع الأشهر سودانيا عربيا، لما يمتاز به من احترامه لمبدأ حرية الرأى والتعبير لكافة مشاركيه سواء أكانوا حقوقيين أو سياسيين أو فنانين وغيرهم

للاطلاع على موقع " سودانيز اون لاين " اضغط على الرابط:

http://www.hrinfo.net/press/04www.sudaneseonline.com

ولمطالعة بيان الحجب ، اضغط هنا:

http://www/sudanhosting.com



http://www.aad-online.org/2004/ArabicSite/Arabiclinks/26-8ar/aad24/4.htm

من حاول حظر الموقع بوسعه ان يفعل اكثر من ذلك

--------------------------------------------------------------------------------
مداخلة: #15
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: هشام هباني
التاريخ: 19-11-2006, 09:16 ص
Parent: #14





ولا زلنا نعلن التضامن بشدة مع المناضل بكري ابوبكر ضد كل الحملات والشائعات و محاولات الترغيب والترهيب التي تستهدف النيل من هذا الموقع الخندق النضالي المتقدم والذي صار بعبعا يؤرق الخونة والمجرمين والمفسدين.. ولذلك لن يهدأ لهم بال الا عندما يصحون ذات يوم ليجدوا هذا الخندق تحت مطلق سيطرتهم يعج بكلابهم وربائبهم وهوامر مستحيل طالما يعمره المناضلون الشرفاء!

--------------------------------------------------------------------------------
مداخلة: #16
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: السنجك
التاريخ: 19-11-2006, 09:34 ص
Parent: #15


يااستاذنا فاروق انت مجامل كده مالك ؟امين حسن عمر اثقل شخصيه من فجر الاسلام ياخى حرام عليك دا اثقل شخصيه من زمن سيدنا ادم

والانقاذ دى لو كانت مبراه من العيوب الزول يكرهها عشان امين النخناخ دا
السنجك

--------------------------------------------------------------------------------
مداخلة: #17
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: السر عبدالله
التاريخ: 19-11-2006, 09:44 ص
Parent: #16


الكلام ده يا هشام هبانى اشاعة مغرضة لسبب بسيط جدا وان هذ الموقع الجميل ثمنه اكثر من 10 مليون دولار .. لاننا بنقرا فى مواقع ما عندها اى سمعة ولا صيت اصحابها بيبيعوها بارقام فلكية.. وما ممكن طبعا الاستاذ بكرى يقتنع ب3 مليون فقط ويحرم الجميع من هذا التواصل الفكرى والثقافى والاجتماعى الرائع بين السودانيين فى الدياسبورا وفى داخل السودان .. لكن اذا عرضوا ليه ناس الحكومة 15 مليون ممكن نشجعه يقبل ويقوم ينشئ لينا موقع جديد باسرع فرصة

--------------------------------------------------------------------------------
مداخلة: #18
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: SAdo7
التاريخ: 19-11-2006, 09:49 ص
Parent: #15


والله حلوه الجمله دي

Quote: وسالت صديقي مندهشا: طيب يا زول لو باع بكري الموقع ده لناس الحكومة.. وبقى حقهم طيب ليه ما رفدوني انا وبعض الاصوات الحادة جدا!!




يازول اصواتكم الحاده دى لو منتظرين تعمل حاجه للسودان
تكونوا والله مساكين ومساكين اهلنا الغبش المنتظركم تعملوا حاجه
وبعدين الكيزان لو اشتروا المنبر ده والله مفترض انتو ادوكم مرتبات
عديل لانو الحاجات البتكتبوها دى كلها محسوبه فى رصيد الكيزان

--------------------------------------------------------------------------------
مداخلة: #19
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: السر عبدالله
التاريخ: 19-11-2006, 09:58 ص
Parent: #18


يا خوى احتمال كلامك يكون صحى وانا قلت الكلام ده فى بوست اخر وقلت اسلوب المعارضة من بعض الاخوة بتخلى الكثيرين يتعاطفوا مع النظام الحاكم وعشان كده قلنا غيروا اسلوب الشتيمة الشخصية ولازم المعارضة تكون بالمنطق والاقناع

--------------------------------------------------------------------------------
مداخلة: #20
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: عصام دهب
التاريخ: 19-11-2006, 11:32 ص
Parent: #19


Quote: طيب ليه ما رفدوني انا وبعض الاصوات الحادة جدا!!


عشان انت لاعب لصالح ورقهم ..

--------------------------------------------------------------------------------
مداخلة: #21
العنوان: Re: بكري ابو بكر يقبض ثلاثة ملايين دولار ثمنا لموقع سودانيز اون لاين!!
الكاتب: هشام هباني
التاريخ: 19-11-2006, 11:39 ص
Parent: #20


الجردلان ابو سبعة وضهب

لسع ما حتخلو الجردلة دي وتبقوا رجال عديل!!؟

--------------------------------------------------------------------------------
مداخلة: #22
العنوان: In Solidarity with Sudaneseonline
الكاتب: Mohamed Elgadi
التاريخ: 19-11-2006, 12:18 م
Parent: #1


Quote:
ايها الشرفاء مثل هذه الشائعات تطلقها عناصر الاستخبارات والامن القذرة للتشكيك في هذا الموقع الوطني الشريف وهويؤرق المفسدين والظالمين والقتلة في الوطن السليب..

و من هنااناشدكم لنتضامن بشدة مع اخينا المناضل بكري ابوبكر
ضد هذه الهجمة الشرسة التي تنال من هذا الموقع الخندق..




In spite of all these threats and harassements that Bakeri is facing from the regime in Sudan, he's still that strong supporter of freedom of expression and fighter against NIF ..
It's not a secret now that he courageously agreed to run the al-Bashir Trial for a whole month on the front page... some other competitors declined when we contacted them..

Thanks Ya Hisham Habani for this post...

mohamed elgadi
www.judgmentongenocide.org



--------------------------------------------------------------------------------

ليست هناك تعليقات:

إرسال تعليق