من يسلفني قملتين جائعتين حين اعود لبلادي

مكتبة هشام هباني من يسلفني قملتين جائعتين حين اعود لبلادي!!
15-03-2007, 05:24 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1188806480&rn=0


--------------------------------------------------------------------------------
مداخلة: #1
العنوان: من يسلفني قملتين جائعتين حين اعود لبلادي!!
الكاتب: هشام هباني
التاريخ: 15-03-2007, 05:24 ص


من فرط اشواقي صرت احلم بقمل بلادي المنسي في عوالمه البائسة حيث وحده الشريف من كائنات الله الذي ظل حليف البؤساء رغم فقر دمهم وهو اشرف من كل اللا شرفاء من تخلوا عن قضية شعب البؤساء! واحلم بعود يا وطني ايها المعشوق الاسمرالجميل ايها الفضاء المقدس النبيل ومن دون تفاصيلك الجميلة حددت خياري الاوحد وانا اتقدم بطلب لبائس متسخ من قعر بلادي لا زالت تؤانسه في الفقر قملتان ناحلتان منحازتان لبؤسه وهو يفتقر الي دم العافية المنحاز دوما للسراق والحذاق ولم تفارقا راس هذا البائس الفقير المليء بعافية المبدأ وشرف الصمود كموقف تكبره حتى الاشياء ومنها قملة!!واستجديه ان يهبني ولو الي حين هاتين القملتين الجائعتين اربيهما من دم المنافي الفاسد اللئيم لتتوسطايافوخي الموكح بالشقاء ذريعة للتوهط في حجر امي تهدهدني تفليني تحجيني بان النور دوما سيهزم الظلام وان الغول سيهزمه احمد الصغير وكل طفل في بلادي مضام يفقد الحنان والكساء والامان والطعام ..وانام وانام حتي يستفيق الانام من ذلك النوم الزؤام! ولن اذهب الي الحمام اواهرش راسي حتى لا يموت القمل وافقد ذريعة التوهط في حجر امي التي لا زالت تهدهد طفلها الشيخ المضام ولا يرغب في وحشة المنفي والعود ثانية لذاك الزحام ولهاث الرزق وسط افات اللئام والموت كمدا في صقيع عنده تهون الروح ويمتنع الكلام عن الكلام!

--------------------------------------------------------------------------------
مداخلة: #2
العنوان: Re: من يسلفني قملتين جائعتين حين اعود لبلادي!!
الكاتب: حيدر حسن ميرغني
التاريخ: 15-03-2007, 05:40 ص
Parent: #1


عاوزهم ازواج

ام فرادى

--------------------------------------------------------------------------------
مداخلة: #3
العنوان: Re: من يسلفني قملتين جائعتين حين اعود لبلادي!!
الكاتب: هشام هباني
التاريخ: 15-03-2007, 06:16 ص
Parent: #2


احتاج لاثنين متفاهمين من كائنات القمل يا حيدر ولديهما القابلية لامتصاص دم المنافي البارد الثقيل ولديهما القدرة علي اقناع امي بان تاويني الي حجرهاالدفيء لتفليني وتهدهدني وتحجيني...واناشيخ طفل لا زلت احتاج الحنان!

--------------------------------------------------------------------------------
مداخلة: #4
العنوان: Re: من يسلفني قملتين جائعتين حين اعود لبلادي!!
الكاتب: حيدر حسن ميرغني
التاريخ: 15-03-2007, 06:30 ص
Parent: #3


طيب ياهشام

مدّ لي سبيبة من عندك لليابان

عشان اصلو انا اللي عندي ديل ازواج مركبين مكنة هوندا

يعني دقيقة واحدة تكفيهم

--------------------------------------------------------------------------------
مداخلة: #5
العنوان: Re: من يسلفني قملتين جائعتين حين اعود لبلادي!!
الكاتب: Mustafa Mahmoud
التاريخ: 15-03-2007, 02:25 م
Parent: #4


careful hishamthey might go
below the navel


andthen god bless u

mustafa

--------------------------------------------------------------------------------
مداخلة: #6
العنوان: Re: من يسلفني قملتين جائعتين حين اعود لبلادي!!
الكاتب: هيثم بابكر
التاريخ: 15-03-2007, 02:39 م
Parent: #5


سلام هشام
انت بتاعينك الكتار ديلك شبعو ولا شنو ؟
اعجبنى المدخل ، واحسست وانك تدخل بنا الى عالم لا يرى فيه فى الافق الا سواد الشعر ، والمحيط اسود والعوالم سوداء وحتى " القملة " العروس ما بتعمل كريمات ووجهها اسود ، تخيلت حينما يكون افق العالم اسود واستوقفنى فى قملتيك " الطاقية " هى كلها سواد كمان جايب ليها قفل من فوق ؟ .
الاسود ليس سيئاً بل فيه احساس الوحده ، والقتامة والانعزال ...
احساس الوحدة لا يسليك فيه الا دبيب الحركة لواحدة تجد صعوبة العبور بين السبيب ، ورغم صغر السبيب او حتى الشيبات الا انها فى عالم الاخرين مزيدا من الجهد والاجتهاد وتغرق القملة فى سبية ...
بعضنا يفعل ذلك ويغرق فى سبيب لا يساوى فى رؤس بعضنا ما يفرش بلاط فرشة المعجون ....
العبرة بالمدخل ...
وليت تعود ايام نحن اليها وان كنا نراها فى حينها لحظات من المعاناة وقهر الذات ..
مضت الايام ...
وتبخرت الاحلام ...
وصرنا نذكر لحظات الان كاحداث الامس ... واحداث الامس تظل تاريخا لا يعود ...
الاحساس لا يتكرر ...
عجلة الزمان لا ترجع ...
ما اقوله فى اذنك ستسمعه وتسمعه " القملة " وتكون عليه شاهده، اقرب المخلوقات الحية الى الرأس والاذن ، تتفسح وتسترق السمع ...
اعجبنى مدخلك ... فاردت ان اسمعك واسمع التى فوق الجبين ... ما اقول ...
الا ليت الزمان يعود يوما .... واخبره بما فعل المشيب ....
واقول ...
لن تعود القملة والحملة والجملة والخملة والشملة والسملة ... ياهبانى
ولك ودى

--------------------------------------------------------------------------------
مداخلة: #13
العنوان: Re: من يسلفني قملتين جائعتين حين اعود لبلادي!!
الكاتب: هشام هباني
التاريخ: 17-03-2007, 01:13 ص
Parent: #6


العزيز هيثم


Quote:
انت بتاعينك الكتار ديلك شبعو ولا شنو ؟



يا ريت لو كانوا قاعدين يا هيثم انت عارف الواحد محتاج ليهو مرات في الغربة دي لقملة سودانية تسليهو وتحسسو بالامان كلما تتحرك في راسك بحنان تحسسك بالالفة وهي تمرح في دم المنفي الفاسد ترعي بمطلق الحرية بشرط ما تفطسها... ولو في مكان باجروا فيه القمل كان مشينا ليهو والواحد ااجر ليهو عشرين قملة في الويك اندعشان تظل تذكرك بالوطن والفقراء الماعندهم بقي دم حتى للقمل شان اعيش ولا ابو الدرداق ما قادر اعيش عشان الناس بقت ما بتطلع زي الناس!!

--------------------------------------------------------------------------------
مداخلة: #12
العنوان: Re: من يسلفني قملتين جائعتين حين اعود لبلادي!!
الكاتب: هشام هباني
التاريخ: 17-03-2007, 01:04 ص
Parent: #4


دحين يا حيدر اليابان دي فيها قمل ولا القمل ده كائن سوداني بس!
الغريبة ماعارف اذا كان امريكا دي فيها قمل ولا لا! غايتو بسعل لي خواجة rريب ده والزارعة الله في الحجر بتقوم واظن اسمها بالتنقليزيlouse؟

--------------------------------------------------------------------------------
مداخلة: #17
العنوان: Re: من يسلفني قملتين جائعتين حين اعود لبلادي!!
الكاتب: هشام هباني
التاريخ: 19-03-2007, 08:29 م
Parent: #2


.......

--------------------------------------------------------------------------------
مداخلة: #7
العنوان: Re: من يسلفني قملتين جائعتين حين اعود لبلادي!!
الكاتب: مهند مامون
التاريخ: 15-03-2007, 02:59 م
Parent: #1


بطرفنا (ضكر قمل)
طرحت عليه طلبكم فقال أنه يخشى السفر وحده لتكساس
لأنو خايف يمسكوه في المطار ...
قلت ليهو مالك انت عامل ليك حاجة ؟!!!
تنهد وقال :
انو كان قبل كده مغترب في ليبيا والحكاية قشطت معاهو
قام قابل ليهو (بشري) (حشري) اسمو هاشم
وحكى ليهو مشكلتو
البشري التفتيحة قال ليهو تعمل (كده كده) وستضطر السفارة
لإتخاذ اجراءات وسحب الجواز حسب القانون الساري من الخمسينات
وكده بتكون صالح لطلب (اللجوء) والدرج في قوائم
المناضلين ... وقال ليهو انا خشيت الفيلم ده ...
واضاف (ضكوري) : اتبعت الوصفة البئيسة ... لكن وانا في (خط ستة)
استدركت وتنبهت لشئ ... ونجوت من الكارثة ...
تقبلت عذره وانصرفت ...
معزتي

--------------------------------------------------------------------------------
مداخلة: #8
العنوان: Re: من يسلفني قملتين جائعتين حين اعود لبلادي!!
الكاتب: هشام هباني
التاريخ: 16-03-2007, 06:13 م
Parent: #1


؟؟؟؟؟؟؟؟؟؟؟؟؟

--------------------------------------------------------------------------------
مداخلة: #9
العنوان: Re: من يسلفني قملتين جائعتين حين اعود لبلادي!!
الكاتب: محمد مكى محمد
التاريخ: 16-03-2007, 09:01 م
Parent: #1





how about a sheep?




--------------------------------------------------------------------------------
مداخلة: #10
العنوان: Re: من يسلفني قملتين جائعتين حين اعود لبلادي!!
الكاتب: سلمى الشيخ سلامة
التاريخ: 16-03-2007, 11:54 م
Parent: #1


تعرف يا هشام ما جيت قبل فترة ما طويلة ، القمل ما بقى قمل حق الطبيعة البتعرفو وبعرفو بقوا فى ناس قمليين وديل بتلصقو فيك ، يعنى القمل بقى خشوم بيوت ، داك مقدور عليهو حبه ( جاز ) وبنتهى لكين (الجاز )ذاتو بقى مشكلة تحلها كيف دى يا هشام

--------------------------------------------------------------------------------
مداخلة: #11
العنوان: Re: من يسلفني قملتين جائعتين حين اعود لبلادي!!
الكاتب: عبد المنعم ابراهيم الحاج
التاريخ: 17-03-2007, 00:24 ص
Parent: #10


هباني سلامات


تصدق يامان

اول ماشفت العنوان ...قلت ودهباني الليلة

يكون جايب خبر القملتين ديييك..

القاعدات في مقرن النيلين وبتحكن .....



لكن مالقيتن من النوع داك التلقاهو ملبس

شفعو عرارريق وطواريهو شغالة "امبحتي"

في شدر الراس .


واقف وقفة جد مع الغلابة .


لك التحية

--------------------------------------------------------------------------------
مداخلة: #15
العنوان: Re: من يسلفني قملتين جائعتين حين اعود لبلادي!!
الكاتب: هشام هباني
التاريخ: 17-03-2007, 01:30 ص
Parent: #11


الجميل عبد المنعم الحاج


Quote:


لكن مالقيتن من النوع داك التلقاهو ملبس

شفعو عرارريق وطواريهو شغالة "امبحتي"

في شدر الراس .



كتلتهن تب ياالعريريف...والله جنس ( امبحتي) شغل ناس الدالي والمزموم والقرابين اخلي الراس اقول الصي!
مو اصلو الراس فاضي..المخ الجواهو جديد لنج واسلموهو رب العباد لنج!
بس القمل ببقي الشاهد الوحيد يوم القيامة انو فلان ودفلانة كان زبونا دائما
لشركة اقمال السودان وهومن البؤساء والمقشطين والذين لم ينهبوا مليما من خزينة الشعب!

--------------------------------------------------------------------------------
مداخلة: #14
العنوان: Re: من يسلفني قملتين جائعتين حين اعود لبلادي!!
الكاتب: هشام هباني
التاريخ: 17-03-2007, 01:20 ص
Parent: #10


العزيزة اختنا المبدعة سلمي الشيخ


Quote: القمل ما بقى قمل حق الطبيعة البتعرفو وبعرفو بقوا فى ناس قمليين وديل بتلصقو فيك ، يعنى القمل بقى خشوم بيوت ، داك مقدور عليهو حبه ( جاز ) وبنتهى لكين (الجاز )ذاتو بقى مشكلة تحلها كيف دى يا هشام



والقملة يا سلمي لمن تبقي برتبة مشير في بلدنا يعني بتبقي قرادة ولا شنو!!
حاجة عجيبة القراد يلازم الكلاب والقمل يلازم العباد وكل واحد عارف وظيفتو
لكن قمل الانقاذ زي الجوكر بشتغل عباد وكلاب ومرات ضبان حمير المهم الهط وامص اي دم
عشان كده دمهم تقيل!!

--------------------------------------------------------------------------------
مداخلة: #16
العنوان: Re: من يسلفني قملتين جائعتين حين اعود لبلادي!!
الكاتب: هشام هباني
التاريخ: 17-03-2007, 06:30 م
Parent: #14


حبة دم وملاذ يا محسنين لقمل السودان المشرد الجوعان وهو مهدد بالانقراض لانعدام الدم في جلود رؤوس الفقراءوايضا لاصابتهم بداء الصلع وقد صار القمل بلا ماوى وغذاء!
وانقذوا حشرة ابو الدرداق من الانقراض لان الناس ما بطلعوا زي الناس لانعدام الكسرة
والفتات وهو المسكين بقي لافي في الشوارع ما قادر ادردق ابو النوم شان اعيش جنياتو الصغار!!

--------------------------------------------------------------------------------
مداخلة: #18
العنوان: Re: من يسلفني قملتين جائعتين حين اعود لبلادي!!
الكاتب: هشام هباني
التاريخ: 21-03-2007, 12:08 م
Parent: #1


.....


--------------------------------------------------------------------------------