رفقـــا باهلنــا في الــــــدبة والنهــــود ايها المهــووسون؟؟

مكتبة هشام هباني رفقـــا باهلنــا في الــــــدبة والنهــــود ايها المهــووسون؟؟
07-12-2005, 01:30 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200202018&rn=0


--------------------------------------------------------------------------------
مداخلة: #1
العنوان: رفقـــا باهلنــا في الــــــدبة والنهــــود ايها المهــووسون؟؟
الكاتب: هشام هباني
التاريخ: 07-12-2005, 01:30 م


انه زمن العجائب زمن اللوثة والهوس المخيف يضرب اطنابه في سودان التصالح والتسامح وقد ظهرت فيه جماعات التكفير وبراغيث التنفير من دين الله الكبير... زمن جاهدت فيه القرود وكبرت الاشجار والاطيار والاحجار...وتلى (الشهيد) ميتا ايات من الذكر الحكيم واستنفر الجان المسلم لبناء سد الحماداب الكبير بعلم من دكتور خبير..ورقص الرئيس وهلل التيوس... انه زمن الانقاذ التعيس ؟؟

وهاهو بالامس خطيب احد المساجدفي احد مساجد الهوس و الخراب واليباب يتطاول لمسخ تاريخنا العفيف منطلقا من نفسية المريض السخيف وهويتحدث عن التمكين والتأصيل وهو امر لا بد ان يطال كل شيء حتى اسماء مدن البلاد اذ كيف ظلت بعض من اسماء مدننا العريقة لا تتساوق وشرع الله القدير وهي اسماء الفحش والعورات والوعي السقيم... اذ كيف لاهل الدبة المسلمين واهل النهود المؤمنين القانتين العابدين ان لا زالت تتصدر اسمي مدينتيهما فاحش القول البغيض من اسماء العورات وقد طالب بتسمية مدينةالنهود بدلا منها الى اسم جديد هو( ثدي السعدية)تيمنا باسم مرضعة الرسول المصطفى صلى الله علي وسلم حليمة السعدية وطالب اهل الدبـــــةبابدال الاسم الفاحش الى ( جبل عرفات) تيمنا بهذا الصعيد الطاهر ... وهلل الحاضرون وكبر المهووسون لهذا المنجز العظيم......فيا اهلنا في الدبة والنهود لا تؤاخذوا السفهاء فيما يحلمون ويقولون وتمسكوا بعروة اللب والجوهر فالدين اكبر من القشور والخزعبلات ..... انه زمن الانقاذ زمن الاعجاز في الالفاظ وغيبة العقل والضمير ............ ولله في خلقه شئون؟؟

--------------------------------------------------------------------------------
مداخلة: #2
العنوان: Re: رفقـــا باهلنــا في الــــــدبة والنهــــود ايها المهــووسون؟؟
الكاتب: ادريس خليفة علم الهدي
التاريخ: 07-12-2005, 03:28 م
Parent: #1


الخال ود هباني

تحية وسلام

راجع الماسنجر

كل الود

--------------------------------------------------------------------------------
مداخلة: #3
العنوان: Re: رفقـــا باهلنــا في الــــــدبة والنهــــود ايها المهــووسون؟؟
الكاتب: هشام هباني
التاريخ: 07-12-2005, 08:08 م
Parent: #2


الناظر

صباحاتك بالف خير

لقد سمعت بانهم قد فعلوا بذات الاتجاه في سوق (ابو جهل) المشهور في مدينة الابيض واستبدلوا اسمه باسم اخر....كأنما الاسلام ظل وقفا على الالفاظ والمباني دون المساس بالقيم والاخلاق والمعاني في بلاد دينهاالرسمي ( الاسلام الانقاذي الترابي) يحلل الكذب والدجل و قتل وتعذيب وتشريد وسحل وسرقة العباد... و في ذات السياق الملتاث المهووس في ذالت الراهن اللعين والسودان الازيم قد سألت امرأة ايضا اصابتها اللوثةو الهوس في احدي مناطق الخرطوم في حلقة من حلقات دروس الهوس في مسجد من مساجد الخرطوم وهي تسأل صاحب الدرس ذاك الفقيه الرسالي عن الفتوى في شرعية وعدم شرعية تعريها وستر عورتها امام كلبها الذكــــــــر.... فتلعثم السيد الاستاذ واجابها:اذا كان يشتهيك هذا الكلب فبالطبع حرام وحرام
وسألته: وكيف اعرف انه يشتهيني وهو حيوان لا يعقل؟
اجابها: اذا سال لعابه..وجر ليك نور طـويل وتململ وتنعوص ولولح ضنبو؟؟
سألته:ولكنه دائما مايفعل ذاك وهو طبع الكلاب؟
اجابها العلامة: هــــــــوي يا اختي اعملي حسابك كلبكم ده فاسق وود كلب وشيطان عديل الله العنو..؟؟
وضحكت امرأة شاهدة للحلقة وقالت في نفسهـــا : هسع ات يا مولانا ماسال لعابك عديل وجريت نور طويل ولولحت كمان ضنبك عديل.... الله العنكم ابان دقون الضلاليين.. وطالبت منذ ذلك اليوم تلكم المرأة الشاهدة ان تجلب اناث لتعليم النسوة في هذا المسجد بدل هؤلاء الرساليين الضلاليين... ولله في خلقه شئون.

--------------------------------------------------------------------------------
مداخلة: #14
العنوان: Re: رفقـــا باهلنــا في الــــــدبة والنهــــود ايها المهــووسون؟؟
الكاتب: هشام هباني
التاريخ: 11-12-2005, 08:02 ص
Parent: #3


نعلن تضامننا مع اهلنا في الدبة والنهود؟

--------------------------------------------------------------------------------
مداخلة: #15
العنوان: Re: رفقـــا باهلنــا في الــــــدبة والنهــــود ايها المهــووسون؟؟
الكاتب: هشام هباني
التاريخ: 11-12-2005, 08:03 ص
Parent: #3


نعلن تضامننا مع اهلنا في الدبة والنهود؟

--------------------------------------------------------------------------------
مداخلة: #4
العنوان: Re: رفقـــا باهلنــا في الــــــدبة والنهــــود ايها المهــووسون؟؟
الكاتب: AMNA MUKHTAR
التاريخ: 07-12-2005, 10:03 م
Parent: #1


حقا ..انه زمن الانقاذ زمن الأعجاز فى الالفاظ وغيبة العقل والضمير.. زمن فقه اللحظة وفقه الضرورة وكل أشكال الميكافيلية زمن المظاهر والتظاهر والتمثيل وهذا زمانك يا مهازل .... فامرحى

--------------------------------------------------------------------------------
مداخلة: #5
العنوان: Re: رفقـــا باهلنــا في الــــــدبة والنهــــود ايها المهــووسون؟؟
الكاتب: هشام هباني
التاريخ: 07-12-2005, 10:42 م
Parent: #4


الاخت الكريمة/امنة

تحياتي وشكرا للمرور والاهتمام

كيف بالله ان نتقبل مثل هذا الواقع المهين لا دميتنا ولكرامتنا ونتقبله امراواقعا بهكذا تصالح وتصافح وتسامح مهين من قبل بعض من المطيباتية والمنهزمين والمهووس هولا زال هو المهووس والقاتل ذات القاتل والسارق ذات السارق.... ولله في خلقه شئون..

احترامي

--------------------------------------------------------------------------------
مداخلة: #6
العنوان: Re: رفقـــا باهلنــا في الــــــدبة والنهــــود ايها المهــووسون؟؟
الكاتب: Hassan Abdoun Mohamed Ahmed
التاريخ: 07-12-2005, 11:29 م
Parent: #5


أنت رائع أخي هاشم هباني .. التحية لك
ابو سحر - سنغافورة

--------------------------------------------------------------------------------
مداخلة: #7
العنوان: Re: رفقـــا باهلنــا في الــــــدبة والنهــــود ايها المهــووسون؟؟
الكاتب: هشام هباني
التاريخ: 07-12-2005, 11:34 م
Parent: #6


عشت اخي حسن وسلم لي علي صديقي بسنغافورة( سيد برومة)



محبتي واحترامي

--------------------------------------------------------------------------------
مداخلة: #8
العنوان: Re: رفقـــا باهلنــا في الــــــدبة والنهــــود ايها المهــووسون؟؟
الكاتب: Saifeldin Gibreel
التاريخ: 08-12-2005, 00:03 ص
Parent: #7


يا رائع يا شفيف جينا نقول سلام... فلقد سنحت لى الظروف ان ازور هذه المدن ولى فيها زكريات وانطباعات جميلة عن اهلها خاصة مدينة النهود والعفاض ريفى الدبة.

فلك منى اجمل الود

سيف

--------------------------------------------------------------------------------
مداخلة: #9
العنوان: Re: رفقـــا باهلنــا في الــــــدبة والنهــــود ايها المهــووسون؟؟
الكاتب: هشام هباني
التاريخ: 08-12-2005, 00:20 ص
Parent: #8


ابو السيوف التكاسي الزميل
سلامات وليك وحشة


يا خي ما تخلينا نعمل الرابطة العالمية للتكاسة السودانيين ما تعمل لينا بوست خاص بالحكاية دي وكل زول احكي عن تجربتو مع التاكسي وكمان خلينا نقيف ونتضامن مع اخوانا التكاسةفي السودان ونشوف مشاكلهم هو دحين يا سيف التكاسة في السودان عندهم نقابة وكان ما عندهم نقابة خلينا نهتم بالموضوع بتاعهم اخوانا التكاسة وناس البرنسات والحافلات والركشات في السودان...محبتي واحترامي

سندة:
ونعلن من هنا تضامننا نحن معشر التكاسة السودانيين في المنفي مع اهلنا في النهود والدبة ضد الهوس واللوثة وطمس تراثنا الوطني التليد.

--------------------------------------------------------------------------------
مداخلة: #10
العنوان: Re: رفقـــا باهلنــا في الــــــدبة والنهــــود ايها المهــووسون؟؟
الكاتب: البحيراوي
التاريخ: 08-12-2005, 00:42 ص
Parent: #1




الأخ هشام هباني تحياتي

يا زول أنا غايتو ناس الدبة ما عارف وجهة نظرهم لكن نحن في النهود

الإسم دا عاجبنا بالحيل . والله سموها جدودنا زماااان والإسم بي سببة طبعن

وزولك دا لو عندو فيها طوبة خليه يجي يقلعها . ونحن والله بنريد إسم مرضعة الرسول عليه أفضل الصلاة والسلام بس دا إسم مدينتنا وعاجبانا كمان بي إسمها دا .

دا مش الزول البتكلم في زمن الإنقاذ دا ما غريب علية مش أمس عبد الرحيم حمدي قال عايز السودان يقوم علي تلاتة أضلاع كردفان وسنار ودنقلا . بكرة يجي يقول كردفان دي زاتها في أسماء كدا لازم يتم تبديلها حتي تلحق بينا .

ولو أصلو هناك حق المطالبة بالتبديل نحن عايزين نبدل إسم الإنقاذ دا والمنشية والرياض وكثير من أسماء الشركات لي أسماء سودانية بحتة زي العمدة والخوجلاب والكلاكلات وأم بدة


بحيراوي

--------------------------------------------------------------------------------
مداخلة: #11
العنوان: Re: رفقـــا باهلنــا في الــــــدبة والنهــــود ايها المهــووسون؟؟
الكاتب: gamal elsadig
التاريخ: 08-12-2005, 05:32 ص
Parent: #10


هشام هباني

لك التحية و السلام ....

Quote: لقد سمعت بانهم قد فعلوا بذات الاتجاه في سوق (ابو جهل) المشهور في مدينة الابيض واستبدلوا اسمه باسم اخر....



بالفعل سوق ابوجهل من اشهر الاسواق الشعبية في الابيض بل في السودان ...وفي بداية حكومة الهوس استبدل الاسم الى سوق ابن مسعود .... وتم الزج باسم الصحابي الجليل ابن مسعود في تسمية السوق ...ومازال اسم السوق عند المواطنين هو سوق ابوجهل رغم انف الانقاذيين .....
هشام هنالك الكثير من اسماء القرى و الاماكن في السودان طالها هوس الجماعة من ضمنهم قرية جنوب الابيض تابعة الى كازقيل تحول اسمها الان الى البركة (بكسر الباء)

--------------------------------------------------------------------------------
مداخلة: #12
العنوان: Re: رفقـــا باهلنــا في الــــــدبة والنهــــود ايها المهــووسون؟؟
الكاتب: هشام هباني
التاريخ: 08-12-2005, 05:56 ص
Parent: #11


العزيز/ بحيراوي

لك التحايا
والله يا اخوي اهلنا في النهود احرار في بلدهم باسمها السمح ده كل زول حر في بلدو ان شاء الله اسموها (الشطــــورمن غير ستيانات)ظاااطها مش بلدهم واحرار فيها ورضيانين باسممهاده لي يوم القيامة .. هم اولاد الكلب ايه الدخلهم في الشغلانية بتاعة اسماء مدنا وقرانا البنحبها .. والله انا خايف بعد بكرة اقوموا اغيروا كمان اسم حلة جنبنا اسمها ( جعيبات) اقوموا اسموها عرفات.. ولله في خلقه شئون.. محبتي


الحبيب جمال

يا خي في ابو جهـــل اكبر من عمر البشير ظااااااطو مالهم ومال سوق (ابو جهل) سوقنا بتاع اهلنا في الابيض طيب ما اغيروا ابو جهل الحاكم البلد ده بعدين الاسواق هينة...محبتي

--------------------------------------------------------------------------------
مداخلة: #13
العنوان: Re: رفقـــا باهلنــا في الــــــدبة والنهــــود ايها المهــووسون؟؟
الكاتب: Mannan
التاريخ: 09-12-2005, 01:53 م
Parent: #1


عزيزى هشام هبانى
سلام يا ظريف.. اتابع تعليقاتك الظريفة والجريئة باهتمام.. ما العيب فى الدبة والنهود؟؟

قال ابو القاسم الشابى:

كل شيئ موقع فيك حتى
لفتة الجيد واهتزاز النهود

وقال المحجوب يداعب صديقه خلف الله الرشيد الذى لامه على تغيبه:

الناس مرقدها النهود **** وانت مرقدك الخوى
لوكنت تدرى يا اخي (بضم الألف) *** لطويت ظهر الارض طيى

وفى كوز اقترح تغيير اسم السودان الى سنار لأن اسم السودان فيه عنصرية ونعت بسواد اللون.. مالو اللون الاسود.. إنه جميل.. ولولا سواد الليل ما طلع الفجر.. وف سكون الليل.. الخ..
لك المودة..

نورى جليلة (نورالدين منان)

--------------------------------------------------------------------------------
مداخلة: #16
العنوان: Re: رفقـــا باهلنــا في الــــــدبة والنهــــود ايها المهــووسون؟؟
الكاتب: هشام هباني
التاريخ: 14-12-2005, 11:16 ص
Parent: #1


...............


--------------------------------------------------------------------------------