الاثنين، 28 أبريل، 2008

عـوض الجاز خلو اليشتغل الشغل بالجاز؟؟

مكتبة هشام هباني عـوض الجاز خلو اليشتغل الشغل بالجاز؟؟
10-05-2006, 06:13 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200199241&rn=0


--------------------------------------------------------------------------------
مداخلة: #1
العنوان: عـوض الجاز خلو اليشتغل الشغل بالجاز؟؟
الكاتب: هشام هباني
التاريخ: 10-05-2006, 06:13 ص


الشيخان الجليلان( قدورة وحمادة البت)

اهديكما هذه الخاطرة والتي تنفع في اجواء الهجيج والسكسكةفي زمن الانقاذوانا متاكد جدا انها تناسب الذوق العام في البلد هذه الايام والاغنية دي علي وزن اغنية عوض دكام.

(عوض الجاز)

عوض الجاز خلو اليشتغل الشغل بالجاز...خلو اليشتغل
عوض الجاز خلو اليشتغل.....حرامي في الانقاذ خلو اليشتغل
عوض الجاز خلو اليشتغل.... ماعمل اعجاز خلو اليشتغل
عوض الجاز خلو اليشتغل ما الحكم عكاز خلو اليشتغل
عوض الجاز خلو اليشتغل ما عمل انجاز خلو اليشتغل
عوض الجاز خلو اليشتغل ابو الاكواز خلو اليشتغل
عوض الجاز خلو اليشتغل في الدهب والماظ خلو اليشتغل
وفي البترول خلو اليشتغل الولدمعقول خلو اليشتغل
والولد مسئول خلو اليشتغل قريب الزول خلو اليشتغل
محمد خير خلو اليشتغل وشو وش الخير خلو اليشتغل
شلخو شايقي اصيل خلو اليشتغل طبعو هادي تقيل خلو اليشتغل
تاج السر خلو اليشتغل...محلك سر خلو اليشتغل
السنجك المغرور خلو اليشتغل..وشو زي بلور خلو اليشتغل
عوض الجاز خلو اليشتغل وزيرناسيد الجاز خلو اليشتغل
وبالبنزين خلو اليشتغل اركب الليموزين خلو اليشتغل
واعرس المرتين خلو اليشتغل ويسكن القصرين خلو اليشتغل
كوز الدين خلو اليشتغل واضرب التموين خلو اليشتغل
حسابو في برلين خلو اليشتغل والبورصة في البحرين خلو اليشتغل
صلاح كرار خلو اليشتغل واللعب دولار خلو اليشتغل
ورامبو يا مكار خلو اليشتغل واللبع دينار خلو اليشتغل
عوض الجاز خلو اليشتغل وزيرنا سيد الجاز خلو اليشتغل
وزيرنا سيد الجاز خلو اليشتغل والمولدالانقاذ خلو اليشتغل

( بالله تموها معاناالملحمة دي)

هباني ظاااااااااااطو

--------------------------------------------------------------------------------
مداخلة: #2
العنوان: Re: عـوض الجاز خلو اليشتغل الشغل بالجاز؟؟
الكاتب: ناصر محمد خليل
التاريخ: 10-05-2006, 06:22 ص
Parent: #1


الاخ هشام هباني

شكرا لك لأمتاعنا .

بدون ان اشعر وجدت نفسي اغنيها بذات القافية المدوزنة


ناصر

--------------------------------------------------------------------------------
مداخلة: #3
العنوان: Re: عـوض الجاز خلو اليشتغل الشغل بالجاز؟؟
الكاتب: هشام هباني
التاريخ: 10-05-2006, 06:37 ص
Parent: #2


ناصر يا جميل
سلامات

من حقك يا زول تسكسك وتهجج في الزمن الكعب ده واضرب الهم بالفرح وكان لقيتوا الفرح المعبأ علي حسب وصفة شيخ الترابي من غير ما يسوي الزعل ما تقصروا منو كتروا فيهو والحكاية علقوها في رقبة شيخ حسن....والناس علي دين ملوكها وشيوخها وكشكوشها؟؟

محبتي

ظاااااااطو

--------------------------------------------------------------------------------
مداخلة: #4
العنوان: Re: عـوض الجاز خلو اليشتغل الشغل بالجاز؟؟
الكاتب: هشام هباني
التاريخ: 10-05-2006, 08:46 ص
Parent: #3


التتمة الاتية من الاخ ابو العز



شيخو دجال دين خلو الايشتغل دقا بدر الدين خلو اليشتغل
لي حماية الدين خلو الايشتغل جاهزين جاهزين خلو الايشتغل

للحور العين خلو الايشغل طولنا منتظرين خلو الايشتغل
ترابي جلدوا تخين خلو اليشتغل غشا دبابين ورانا الشغل

سيخه ياناس وين خلو اليشتغل ببني فى قصرين خلو اليشتغل
ببني في قصرين خلو اليشتغل كايس المرتين والدين يكتمل


ده الشغل يا ابو العز

--------------------------------------------------------------------------------
مداخلة: #5
العنوان: Re: عـوض الجاز خلو اليشتغل الشغل بالجاز؟؟
الكاتب: هشام هباني
التاريخ: 10-05-2006, 10:28 ص
Parent: #4


خلو اليشتغل

--------------------------------------------------------------------------------
مداخلة: #6
العنوان: Re: عـوض الجاز خلو اليشتغل الشغل بالجاز؟؟
الكاتب: عصام أحمد
التاريخ: 10-05-2006, 10:43 ص
Parent: #5


يا ود هباني لمتين لكن؟؟؟؟؟؟؟؟؟؟؟؟؟؟




خلو اللي شتغل......!!

مـــا بنخليهو..

نأنو الشغل بالجاز..

خلو اللي يشتغل

عوض الطرمبة ..وللا عوض الجاز

والشغل بالجاز

ما بنخلي اللي يشتغل

تحياتي

--------------------------------------------------------------------------------
مداخلة: #7
العنوان: Re: عـوض الجاز خلو اليشتغل الشغل بالجاز؟؟
الكاتب: هشام هباني
التاريخ: 11-05-2006, 05:49 ص
Parent: #6


عصومي


انت في البلد الموية بتقطع والبنزين ما بقطع؟؟

خلو اليشتغل...........................محبتي
هباني

--------------------------------------------------------------------------------
مداخلة: #8
العنوان: Re: عـوض الجاز خلو اليشتغل الشغل بالجاز؟؟
الكاتب: هشام هباني
التاريخ: 12-05-2006, 10:11 ص
Parent: #7


خلو اليشتغل والشغل بالجاز!!

--------------------------------------------------------------------------------
مداخلة: #9
العنوان: Re: عـوض الجاز خلو اليشتغل الشغل بالجاز؟؟
الكاتب: Mohamed Elgadi
التاريخ: 12-05-2006, 10:34 ص
Parent: #1


( بالله تموها معاناالملحمة دي)

Thanks Ya habani... I suggest we call it Almalhama Alhabania....

I sugg4est you tape record it with your voice and circulate the tape among human rights activists....

mohamed elgadi

--------------------------------------------------------------------------------
مداخلة: #10
العنوان: Re: عـوض الجاز خلو اليشتغل الشغل بالجاز؟؟
الكاتب: هشام هباني
التاريخ: 12-05-2006, 11:10 ص
Parent: #9


دكتور القاضي

سلامات

انا الملحمة دي اهديتهاللشيخين الجليلين( قدورة وحمادة البت) وهما من ابدع فناني الفترة الانقاذية تماشيا مع الذوق العام الذي صار يتداول مثل هذا الفن الانقاذي ( البديع) غايتو انا في انتظار الرد من الفنانين قدورة وحمادة .. وقلت ليهم ما تخافوا البلد فيها قوات دولية.. والشكية للقوات الدولية.. والحمد لله علي كرتي ظاااااااااطو بتاع الهوس حايم في ماما امريكا. وبعدين لمن اطبعوا الشريط بعد اداء الاغنية حنديكم يا جماعات حقوق الانسان نسخة ولازم من الان تشكلوا حماية لقدورة وحمادة من اي محاولات لمنعهم اداء هذه الملحمة الجازوية................!! محبتي

هباني

--------------------------------------------------------------------------------
مداخلة: #11
العنوان: Re: عـوض الجاز خلو اليشتغل الشغل بالجاز؟؟
الكاتب: هشام هباني
التاريخ: 14-05-2006, 09:48 ص
Parent: #10


خلو اليشتغل

--------------------------------------------------------------------------------
مداخلة: #12
العنوان: Re: عـوض الجاز خلو اليشتغل الشغل بالجاز؟؟
الكاتب: هشام هباني
التاريخ: 16-07-2006, 02:56 ص
Parent: #11


خلو اليشتغل


--------------------------------------------------------------------------------

ليست هناك تعليقات:

إرسال تعليق