متى ستبدأ رحلة البحث عن المك نمر ايها اللا اوفياء

مكتبة هشام هباني متى ستبدأ رحلة البحث عن المك نمر ايها اللا اوفياء!!
27-02-2007, 06:03 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1188806864&rn=0


--------------------------------------------------------------------------------
مداخلة: #1
العنوان: متى ستبدأ رحلة البحث عن المك نمر ايها اللا اوفياء!!
الكاتب: هشام هباني
التاريخ: 27-02-2007, 06:03 ص


هذا البطل العظيم المك نمر منذ ان هاجر ومات خارج تراب الوطن في ارض الحبشة بعد حادثةحرقه وقتله الشهيرة للباشا اسماعيل بن محمد علي باشا فاتح السودان في شندي في العقد الثالث من القرن التاسع عشر اي في فترة تقدر بحوالي المائة وثمانين عاما تقريبا
لم نسمع باخبار المك في دوريات التاريخ الاكاديمية الا لماما من الاخبار غير مستوثقة تقول انه اسس بارض الحبشة مدينة باسم المتمة علي اسم متمة الجعليين بالسودان واقام فيها واحفاده الي ان مات وان بعضا من اشقائه كالمك سعد رجع ذات يوم وناصر المهدية في معاركها في شرق السودان!
ولكن لا توجد اخبار موثقة صادفتني حتى الان تتحدث عن مكان قبر هذا البطل المك نمر تضم صوراوبحوثا لذات المكان الذي اقام ومات فيه المك نمر وصورا لقبره ومقابلات لبعض من احفاده بارض الحبشة ممن هم مواطنون احباش الان يتحدثون عن جدهم المك نمر.. وهل يا تري هنالك وثائق تاريخية في المكتبة الاثيوبية تتتحدث عن المك نمر لاجئا سودانيا ومواطنا اثيوبيا!!
وسؤالي: هل يا تري قامت وحدات دراسات التاريخ السودانية في اكاديمياتنا الوطنيةباجراء دراسات ميدانية للتقصي عن رحلة المك نمر الي اثيوبيا وقد وصلت ارض اثيوبيا الي اخر منطقة عاش ومات بها المك نمر وقد زودت بنتائج دراساتها المكتبة السودانية لطلاب التاريخ الوطني!؟ وينشا السؤال التالي اذا لم تكن بالفعل قد تمت دراسات بهذا الموضوع علي نحو ما تصورت: متي ستبدأ رحلة البحث عن البطل المك نمر ايها السودانيون اللا اوفياء!!؟

هشام هباني

--------------------------------------------------------------------------------
مداخلة: #2
العنوان: Re: متى ستبدأ رحلة البحث عن المك نمر ايها اللا اوفياء!!
الكاتب: هشام هباني
التاريخ: 27-02-2007, 06:26 ص
Parent: #1


ويا بئس امة لا تحمل الوفاء لابطالها وشهدائها الذين ضحوا بارواحهم الغالية والذكية لاجلها.. فهو امر محزن بل خطير جدا لانه مثبط لهمم ابطال المستقبل من الاجيال اللاحقة وهم يتقاعسون عن البذل والعطاء بالشكل المطلوب طالما مثبت بالوقائع في ذاكراتهم ان شعوبهم جاحدة وناكرة للجميل وبالتالي غير جديرة بالزود عنها والبذل والتضحيات لاجلهاوهو امر ينذر بالخراب والوهن العظيم لاية امة بهذه الحالة اللاخلاقية!

--------------------------------------------------------------------------------
مداخلة: #3
العنوان: Re: متى ستبدأ رحلة البحث عن المك نمر ايها اللا اوفياء!!
الكاتب: abuguta
التاريخ: 27-02-2007, 07:50 ص
Parent: #2


هشام
تعرفت على حبشية فى قطار نيو دلهى..جاية من مدن جنوب الهند
اسمها سارة نمور..قالت من غرب اديس ...ياترى تكون دى قريبتناِ
ديل شردهم مستعمر...ليكن كثيرين شردهم عساكر..
شفت ظلم قافية الراء..
مستعمر
عسكر
عار
حمار
...وعكسو تماما..
دار
جار
قلب حار
وطن منار

ودى لك وانت تبحث عن الوطن...حتى فى العظام الرميم..

--------------------------------------------------------------------------------
مداخلة: #4
العنوان: Re: متى ستبدأ رحلة البحث عن المك نمر ايها اللا اوفياء!!
الكاتب: هشام هباني
التاريخ: 27-02-2007, 08:43 ص
Parent: #3


بن العم ابو قوتة

سلااااام


Quote: تعرفت على حبشية فى قطار نيو دلهى..جاية من مدن جنوب الهند
اسمها سارة نمور..قالت من غرب اديس ...ياترى تكون دى قريبتناِ
ديل شردهم مستعمر...ليكن كثيرين شردهم عساكر..
شفت ظلم قافية الراء..
مستعمر
عسكر
عار
حمار
...وعكسو تماما..
دار
جار
قلب حار
وطن منار




والله طلعت مو كاهليا نجيض...كان تلم في البنية بت اعمك وتسافر معاها الحبشة تب وتخطبها من اهلها وهناك تاتر لينا قبر جدنا المك نمر!

--------------------------------------------------------------------------------
مداخلة: #5
العنوان: Re: متى ستبدأ رحلة البحث عن المك نمر ايها اللا اوفياء!!
الكاتب: هشام هباني
التاريخ: 27-02-2007, 09:03 ص
Parent: #4


" target="_blank"><...l />

--------------------------------------------------------------------------------
مداخلة: #6
العنوان: Re: متى ستبدأ رحلة البحث عن المك نمر ايها اللا اوفياء!!
الكاتب: هشام هباني
التاريخ: 27-02-2007, 09:30 ص
Parent: #5


...............

--------------------------------------------------------------------------------
مداخلة: #7
العنوان: Re: متى ستبدأ رحلة البحث عن المك نمر ايها اللا اوفياء!!
الكاتب: عبد اللطيف عبد الحفيظ حمد
التاريخ: 27-02-2007, 10:04 ص
Parent: #1


لك التحية أخي والمك نمر هو نموذج للمناضل السوداني الجسور:
وأقدم لك نموذج شعري يتحدث عن شجاعة وكرم المك نمر:

مو نمر الشدر حاضن فروعو مقيل
نمراً يداير الصف محل ما يميل
وكفو بيخجل العينة السحابا منيل
كل ما أقول شكر ألقاهو فيهو قليل
لك التحية ولنمر البطل الشجاع، ولكل مناضلي السودان قديما وحديثاً.

--------------------------------------------------------------------------------
مداخلة: #9
العنوان: Re: متى ستبدأ رحلة البحث عن المك نمر ايها اللا اوفياء!!
الكاتب: هشام هباني
التاريخ: 03-03-2007, 11:36 ص
Parent: #7


الاخ الفاضل عبد اللطيف


سلامات واسف علي التاخير في الرد

نعم ليكن هنالك شيء من وفاء لابطالنا التاريخيين
ورموز شموخنا ومن مواقفهم نستمد عزتنا
وكان المك العظيم واحدا من ابرز قادة هذا الوطن علي مر التاريخ
بابائه ورفضه الذل والاحتقار وهو يرد اعتباره له ولاهله ولوطنه
يوم حرق الباشا اسماعيل حيث كان ذاك اليوم المشهود تاريخ عزة لشعب السودان
ولكن ليس هنالك احد يحتفي بمثل هذا اليوم العظيم...وللاسف فقط
ظل المك نمر كما اراد المؤرخون قائدا قبليا وقد ظلمه المؤرخون والاحفاد وهم حتى اليوم
لم يرفعوه لمصاف البطل القومي ولا يعرفون مرقده وماذا عن اخبارة الي ان مات بارض الحبشة!؟
مودتي واحترامي

--------------------------------------------------------------------------------
مداخلة: #8
العنوان: Re: متى ستبدأ رحلة البحث عن المك نمر ايها اللا اوفياء!!
الكاتب: أحمد طه
التاريخ: 27-02-2007, 12:22 م
Parent: #1


الاخ هباني
لك التحيه وانت تفتح هذا الباب الذي ظل مواريا
في عام 77 اقتفيت اتر رحلة المك نمر من شندي عبر سهل البطانه وملتقى ت\نهر عطبره وسيتيت في (تومات ودزايد شحم البل ) ومنها حتي القلابات والمتمه
عدت الي شندي منقبا عن اشعار ( ودالنعيسان) شاعر المك ومستشاره علها تكون ذات جدوي ودلوني علي احد الترزيه بالمدينه وبدوره دلاني علي احد المعلمين بقرية القليعه وعرفت انه معتقل بسجن شندى بتهمة الشيوعيه وعرفت منه بأن اسرته تخلصت من اوراقه بالحرق ومن ضمنها اشعار ودالنعيسان
كتبت (احزان المك المهاجر) وكانت عباره عن ديالوج بين المك وجواده بعد الخروج من شندي في تلك الرحله المقبنه نحو الشرق
وجدت فى دار الوثائق غي احد اعداد الموسوعه ( السودان في مدونات ) udan notes and records..ماده في حوالي 13 صفحه بعنوان NIMIR THE LAST KING OF SHENDI..ارحو ان يكون هذا البوست دعوه للنبش في تاريخنا المنسي .
بعد فتره بسيطه قضاها المك فىالقلابات والقريه التى اطلق عليها المتمه وكانت آنذاك تابعه للاراضي السودانيه قبل اعادة ترسيم الحدود وجعل خور اونخيره الفاصل بين القريتين خط حدودي جقرافي بين السودان واثيوبيا .....واواصل

--------------------------------------------------------------------------------
مداخلة: #10
العنوان: Re: متى ستبدأ رحلة البحث عن المك نمر ايها اللا اوفياء!!
الكاتب: هشام هباني
التاريخ: 03-03-2007, 11:45 ص
Parent: #8


استاذي العزيز النبيل والوفي احمد طه

تحياتي الطيبات اليك واسفي كبير علي تاخري في الرد

وتشكر ايها النبيل الوفي علي هذا الجهد الذاتي المقدر كموقف وطني وفي لهذا البطل القومي العظيم وانت تقتفي اثره باحثا عن اخباره وحقيقة نهايته بارض الحبشة والذي عجزت كل مؤسساتنا الاكاديمية للاسف بكل امكانياتها ان تمارس هذا الدور بوازع اكاديمي قبل ان يكون وطنيا لان الوطنية يبدو كما يعتقد بعض الاكاديميين كانها قد تحول بينهم كعواطف وبين الموضوعية!! وللاسف قصروا في واجبهم الاكاديمي نفسه واسقط في ايديهم!
ولا زلت اتابع معك يا استاذي رحلتك اي رحلة الوفاء مقتفيا اثر هذا البطل العظيم لاعرف ما خلصت اليه في خاتمة هذه الرحلة المهمة ولك ودي واحترامي


هشام

--------------------------------------------------------------------------------
مداخلة: #11
العنوان: Re: متى ستبدأ رحلة البحث عن المك نمر ايها اللا اوفياء!!
الكاتب: هشام هباني
التاريخ: 02-04-2007, 04:08 ص
Parent: #10


?????

--------------------------------------------------------------------------------
مداخلة: #12
العنوان: Re: متى ستبدأ رحلة البحث عن المك نمر ايها اللا اوفياء!!
الكاتب: خالد علي محجوب المنسي
التاريخ: 02-04-2007, 07:25 م
Parent: #11



الحبيب الطيب هشام هباني
سلام .. سلام من دار جعل يغريك يا الزين
حقيقة وقد ذكرتها هناك إهمال شديد لتقفي أثر بطل من رموزنا الوطنية وغيره من رموز السودان وهم كُثر

لكن أبشرك والدعوة مفتوحة لمن يريد مادة دسمة في صدر شيخنا ودالبشير مقيم في شندي كان في السابق خياط في سوق شندي .. وانا عندي النية أن اقوم بتسجيل كامل من صدر ذلك الرجل الموسوعة في تاريخ تلك المنطقة من بربر لجبل جاري ( شلال السبلوقة )

نمر توفى كما سمعت من ود البشير بعد مدة قصيرة من خروجه من شندي وكان عندما حرق جنى الباشا قد قارب عمره العقد الثامن رحم الله المك نمر ورحم الله كل رموزنا الوطنية في سوداننا الحبيب

نحن ولاد جعل وين ما نمشي بنسوي شندي فوق والمتمه .. عليك امان الله أنا ساعي سعي حثيث حتى أتملك ارض في المجر واسميها شندي فوق (( حلوة دي موش كده ))

خالد محجوب

--------------------------------------------------------------------------------
مداخلة: #13
العنوان: Re: متى ستبدأ رحلة البحث عن المك نمر ايها اللا اوفياء!!
الكاتب: هشام هباني
التاريخ: 05-04-2007, 07:42 ص
Parent: #12


حبيبناخالد ود المنسي

سلامات


Quote:
نحن ولاد جعل وين ما نمشي بنسوي شندي فوق والمتمه .. عليك امان الله أنا ساعي سعي حثيث حتى أتملك ارض في المجر واسميها شندي فوق (( حلوة دي موش كده ))




انت كان جعليا جد جد وما فيك طق امشي جيب لينا خبر جدك المك وانا من هسع بوكلك تقوم بالمهمة التاريخية دي تجيب لينا رفات المك نمر من الحبشة وندفنو هناك في شندي وانا معاك تب.....اها النشوف جعوليتك دي.... افو افو ما في جعلي فكر ساكت امشي اجيب لينا صورة من قبر المك في الحبشة ولا ااتروا وليداتو واهلو هناااااااك...علي بالحرااام لو كنت جعلي كان من دربي ده لو اعووووووم عوم اقطع المحيط الاطلنطي وفت عومة لي البحر الاحمر ومن هناك لمصوع ومن هناك كداري للحبشة لقبر جدي المك!!
هسع صلاح ادريس ده متنفخ فينا كل مرةانا حبوبتي بنونة بن المك ومعاهو حسين شندي اشيل واغني في دار جعل والمك نمر الفروع....واضيع في القروش في الفارغة والمقدودة....هسع لو قام بنفسو واستاجر ليهو طيارة خاصة ومشي للحبشة وجاب لينا المك ودفنو في قلب الخرطوم ولا شندي.... والله ابقي جعلي برنجي عديل.........غايتو يا خالد طلعتو جعليين فشنك ساكت.....!!
مودتي واحترامي


--------------------------------------------------------------------------------