الثلاثاء، 22 أبريل، 2008

ابو البنيات قرر اخلي امريكا خايف علي البنيات

مكتبة هشام هباني ابو البنيات قرر اخلي امريكا خايف علي البنيات!؟
25-08-2007, 12:54 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1190793262&rn=0


--------------------------------------------------------------------------------
مداخلة: #1
العنوان: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 25-08-2007, 12:54 م


هاتفني بالامس محتارا يريد مشورة عاجلة وهو محتار ماذا يفعل في مستقبل بناته الثلاث وهن في السن الحرجة حيث الابنةالكبرى علي اعتاب الجامعة والوسطي بالسنة الاولي الثانوية والصغرى لا زالت بالمتوسطة وهو خائف علي مستقبلهن واخلاقهن في هذه البلاد
( المخيفة والمتهتكة) علي حد قوله وهو ابن الاسرة الريفية المحافطة وقد اتي مهاجرا هجرة قسرية الي هذه البلاد بسبب الاوضاع السياسية شانه شان الكثيرين من اللاجئين وجماعات اعادة التوطين و(اللوتراب) الذين هاجروا الي الولايات المتحدة... وهو الان واسرته حائزون علي المواطنة الامريكية!
اخبرني انه ممزق جدامابين العودة للوطن خوفا علي بناته من الضياع والبقاء في امريكا بكل مخاطرهاحيث لم يستطع حتى هذه اللحظةان يحسم قراره بالعودة للوطن وقد تناقش كثيرا مع اهله بالسودان وقد الحوا عليه شديد ان يرجع ببناته الي السودان نهائيا خوفا علي مصيرهن من الضياع في تلكم البلاد( المشركة المتهتكة)وهومقتنع بملحة اهله عليه بالعودة خوفا علي مصير البنات وفي نفس الوقت متردد جدا في اتخاذ مثل هذا الاجراء القاسي في حق بناته واسرته وهوموقن انه في السودان ليست لديه وظيفة مريحة تنتظره يستطيع من خلالها ان يعيش اسرته حياة حرة كريمة والاحوال بائنة في السودان و ايضا لم يوفر مبلغا من المال ما يكفل له العيش لفترة عام واحد فقط بقريته بالسودان لانه يعمل هنا في عمل بسيط ولكنه مستور الحال في بلاد تكفل له الان بدخله البسيط السكن الصحي المريح والتغذية الجيدة والعلاج المجاني لاطفاله وايضا التعليم المجاني الان في مرحلة الاساس حتى الثانوية والتعليم الجامعي ايضا سهل جدا بواسطة نظام الاقراض الذي تقوم به مؤسسات فيدرالية وولائية!
اخبرني انه خائف ان يظلم بناته بارجاعهن من امريكا الي السودان الي قريته البائسة وهو يحرمهن من متع الحياة ورقيها وكل امتيازاتها هنا بامريكا وهوقرار مجحف في رايه و يخاف ان يسيء هذا القرار الي العلاقة بينه وبين بناته اللواتي مولعات بهذه البلاد والعيش فيها وقد خلقن صديقات فيها ومعارف جيدة من الجيران من ابناء هذه البلاد واجانبها وايضامن ابناء الوطن.. وفي ذات الوقت يخاف عليهن من الضياع حيث فكرته عن المدارس والجامعات والشارع الامريكي هي الفكرة المسبقة عن المجتمعات الغربية المتهتكة والمنحلة وحتى ان قبل العيش هنا بشكل محافظ جدا لا يستطيع ان يكفل لهن تعليما اسلاميا لتحصينهن في هذه البلاد لان المدارس الاسلامية مكلفة جدا ودخله لا يستطيع ان يغطي ربع تكلفة واحدة من بناته اذا قرر ان يدخلها مدرسة اسلامية!
وقد اخبرني انه لازال في مرحلة التفكير المشترك مع زوجته السودانية البسيطة والتي تؤيد ايضا فكرة العودة للقرية في السودان حفاظا علي الشرف والفضيلة حيث هي افضل مكان لعيش بناته مستورات بين اهله وذويه حتي يجدابناء الحلال من ابناء اخوته واقربائه للاقتران بكريماته بدلا من هذا المستقبل المجهول في بلاد غريبة!
وقد اخبرني انه لا يستطيع ابدا مناقشة بناته حول هذه الفكرة لولعهن الشديد بالحياة هنا في امريكاحيث كل شيء متوافرلديهن في البيت من وسائل الترفيه والمتعة وهو موقن تماما انه لو ذهب بهن الي القرية في السودان للعيش هناك سينتحرن حيث لا يملك بيتا منفصلا هناك بل سيعيش مضطرا كما في السابق في حوش العائلة في حجرة بائسة مع اخواته واخوانه الفقراء المزارعين بالقرية!
وقد اخبرني انه قرر اخيرا فكرة جهنمية وهو غير مقتنع بها ولكنها الحل الامثل هي ان يخدع بناته بالسفر الي السودان في العام القادم لقضاء عطلة الصيف هناك وعند وصوله الي القرية سيكون البقاء امرا واقعا هناك بين الاهل والعشيرة وسيمزق الجوازات الامريكية و(يا دار ما دخلك شر)!
حزنت جدا لهذا الاخ الممزق فعلا وقد كانت اجابتي لصديقي هي اني ساطرح مشكلته علي (السايبر) حتى تاتيه الردود المتعددة من كل الاطراف اي من سودانيي الداخل وايضا من السودانيين المهاجرين الذين واجهوا ويواجهون ذات الاسئلة وقد اوجدوا لها اجابات... واعتقد انها اجابة عادلة وواقعية ان احيل هذه المشكلة الي المنبر لانها قضية عامة وهامة تواجه كل السودانيين بالمهاجر والكل يتناولها بحسب وعيه وثقافته وبها يوجد اجابات لها..وانا في انتظار مقترحاتكم واجاباتكم لصديقي المحتار!

--------------------------------------------------------------------------------
مداخلة: #2
العنوان: Re: ابو البنيات قرر اخلي امريكا خايف علي البنيات!؟
الكاتب: هجو الأقرع
التاريخ: 25-08-2007, 01:08 م
Parent: #1


ود هبانى سلام ، ورد فى سيرة الصالحين ان من اعظم الذنوب التى تلحق بالانسان ان يضيع من يعيل ، وحديث كلكم راع واضح ولا لبس فيه ، ورغم كلماتى هذه فان هنالك ومن اهل تلك الديار من يقبلون على الاسلام. اخى الكريم مهما كانت الظروف المحيطة بالانسان فان المتعلق قلبه بالله لا خوف عليه . على هذا الرجل وبل ولنا كلنا ان نتأخذ من قول المصطفى عليه السلام( عفوا تعف نسائكم) صدق النبى الكريم . لا اعتقد ان وجود البنات سواء كان فى السودان وبريفه المتخلف على حد قولك سيكون بمثابة حصن لم اراد ان يعبث .

--------------------------------------------------------------------------------
مداخلة: #32
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 10-09-2007, 05:27 ص
Parent: #2


....

--------------------------------------------------------------------------------
مداخلة: #3
العنوان: Re: ابو البنيات قرر اخلي امريكا خايف علي البنيات!؟
الكاتب: Hatim Yousif
التاريخ: 25-08-2007, 01:11 م
Parent: #1


أخي / هشام هباني ....................... سلام

أمرين .... أحلاهما مرُ .....
-
-
-
تدمير مستقبل البنيات من ناحية الأكاديميات والمعرفه والمستقبل .. في حالة العودة الى السودان ...
-
-
أما في حالة الإستمرار في الغربة .... تجربة / زينب بدوي .... كمثال
(النجاح في الحياة العملية ... إنقطاع عن السودان .. الأرتباط ب خواجة .. وإستمرار الحياة الى النهاية في الغرب )
-
-

--------------------------------------------------------------------------------
مداخلة: #4
العنوان: Re: ابو البنيات قرر اخلي امريكا خايف علي البنيات!؟
الكاتب: Nasser Mousa
التاريخ: 25-08-2007, 02:37 م
Parent: #3


الاخ / هشام هباني

الموضوع حقا شايك
والقصة هذه متكررة خاصة لنا نحن المتواجدون في امريكا او الدول الاوربية عموما
اما عن التربية
فاعتقد بحكم تواجدي هنا انت لا تربي ابنائك وللمجتمع دور كبير جدا وممكن يكون له تاثير اكبر من تاثبرك في بعض الاحيان والمجتمع هنا هو المدرسة .. الشارع ,, التلفزيون ومن جانب اخر كم ساعة يشتغل رب الاسرة حتى يوفر الحياة الكريمة لاسرته وما هي طبيعة عمل رب الاسرة اي يعمل بالليل او بالصباح او في منتصف اليوم وتوجد ناحية اخر كم وظيفة يعملها رب الاسرة .
اما بالنسبة لي انا شخصيا الموضوع ليس فيه خيار وفقوس يعني ثلاثة بنات او ثلاثة اولاد فهم واحد بالنسبة للفهم التربوي وبالنسبة للضياع ,,,, يعني الواحد لو عندو ولد وطلع عديم التربية حا يكون عادي الموضوع وفقط يختلف لمن تكون بت ... وده نقطة تانية

ارجع واقول الموضع شايك وبحتاج لكثير من التدقيق وانا بفتكر انو الموضوع ده الافيد فيهو الناس القاعدين هنا لانهم هم الضايقين الامريين

ولي عوده

ومع تحياتي
ناصر موسى

--------------------------------------------------------------------------------
مداخلة: #5
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 25-08-2007, 02:59 م
Parent: #4


الاقرع وحاتم وناصر

سلامات وشكرا علي المرور المفيد
غايتو انابالجد بالجد ناصحت صاحبي المتجرس ده انو اخير ليهو اقعد في امريكا وبنياتو تحت عينو افضل ليهو من ملاح الشرموط الحايم في السودان داااك والايدز البقي اجي باكل الويكة والزواج العرفي وحاجات طبيعية!!واقوم اشتري ليهو حصان واسعي ليهو مسدسين والبنيات بس من البيت لمدرستو واسكن ليهو قرية امريكية ولا تلفزيون ولا انترنت ولا تلفون واعمل ليهو جامع جو بيتو وما في تب راجل ضكر اقرب من بيتو والله الا الرصاص اياباهو....!!

--------------------------------------------------------------------------------
مداخلة: #6
العنوان: Re: ابو البنيات قرر اخلي امريكا خايف علي البنيات!؟
الكاتب: yasir Abdelgadir
التاريخ: 25-08-2007, 07:36 م
Parent: #5


الاخ الفاضل : هشام هباني: سلام من الله ورحمة

هذه اول مداخلة لي معك بالرغم من انني اقرأ لك عندما اجد بعض الوقت

اولا الموضوع مهم جدا وحساس جدا

Quote: انه في السودان ليست لديه وظيفة مريحة تنتظره يستطيع من خلالها ان يعيش اسرته حياة حرة كريمة والاحوال بائنة في السودان و ايضا لم يوفر مبلغا من المال ما يكفل له العيش لفترة عام واحد فقط بقريته بالسودان



علي ضوء حالته المعيشية اعلاه نفترض انه رجع للسودان حفاظا كما يقول علي بناته:

البنات سيدخلن الجامعة في السودان عما قريب من خلال اعمارهن...وكلنا يعلم تكاليف الجامعة من رسوم الجامعة نفسها الي مصاريف الطالبات ..من اعاشة وترحيل وخلافه..

بناء علي حالته اعلاه لااعتقد انه سيوفر هذه التكاليف ليكون هناك احد الاحتمالات:

1. تأجيل دخول البنات للجامعات مما يترتب عليه مشاكل نفسية قد تؤدي الا مالايحمد عقباه للبنات وربما الانتحار الذي سمعت عنه وسط الطلاب الذين لم يتمكن اولياء امورهم من توفير رسوم الدراسة لهم.
2. محاولة ان يتصرف هو وقد يلجأ تحت الضرورة لاساليب غير محمودة العواقب.
3. قد تحاول البنات من تلقاء انفسهن ايجاد حلول وقد تكون احد هذه الحلول مالايرضاه احد لبناته...كما سمعت انه يحدث الان وبكثرة...

من كل هذه التحاليل التي قد يجانبها الصواب يتضح انه ربما تكون العودة تنتهي الي كما يقولون ميتة وخراب ديار بعد ان يمزق الجواز ويقنع بالبقاء

علي الجانب الاخر:


Quote: لانه يعمل هنا في عمل بسيط ولكنه مستور الحال في بلاد تكفل له الان بدخله البسيط السكن الصحي المريح والتغذية الجيدة والعلاج المجاني لاطفاله وايضا التعليم المجاني الان في مرحلة الاساس حتى الثانوية والتعليم الجامعي ايضا سهل جدا بواسطة نظام الاقراض الذي تقوم به مؤسسات فيدرالية وولائية



يبقي الاساسيات متوفرة هنا بالرغم من امكانية تأثير المجتمع وهو تأثير وارد ...ولكن اجتهاد الاسرة مع التوكل علي الله قد يأتي بنتائج مقبولة قياسا علي ماشاهدت من حالات مماثلة احسنت فيها الاسر تربية ابناءهم وبناتهم وزوجوهم..اود ان انوه ان للاسرة دور كبير...

وفي النهاية هي قراءة قابلة للصواب والخطأ

تحياتي

التعديل لاستعمالي كي بورد صعب شوية

--------------------------------------------------------------------------------
مداخلة: #7
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 25-08-2007, 07:53 م
Parent: #6


حبيبنا ياسر

اهلا بيك يا زول ياسمح ويشرفني جدا ان تداخلني بهذه المداخلة الهامة مع سابقتيها الهامتين لاخوتي الاقرع وناصر وحاتم..
لكن ما اتعجب له هو هذه الردة في تفكير بعض السودانيين وهم في الالفية الثالثة وهم في مهاجر امنة ينحدرون بافكارهم الي هذا الدرك السحيق من الوساوس وعدم الثقة و عدم الواقعية ونسوا ان اهلهم السودانيين من بداية الستينيات كان يسمحون لبناتهم بالدراسة خارج الوطن لوحدهن في الدول العربية والاوروبية واميريكا والان في الهند وماليزيا وتعلمن افضل التعليم وهن مفخرة لبلادنا في كل المحافل و ايضاالان القرويون في السودان يسمحون لبناتهم بالذهاب الي الخرطوم للدراسة الجامعية وهن يسكن في منازل لوحدهن يستاجرنها في احياء الخرطوم بكل علاتها وافاتها وايضا يعملن في الخرطوم!
اذن لم الخوف وبناتك واولادك امام ناظريك وتحت يدك واشرافك..اهو خوف مبرر ام ان اولئك السودانيين الذين سمحوا لبناتهم بالدراسة لوحدهن في المهاجر سودانيون عديمو الاخلاق والقيم ...حاجة غريبة واوهام فقط!؟

--------------------------------------------------------------------------------
مداخلة: #8
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 25-08-2007, 08:32 م
Parent: #7


والسؤال الهام والمباشر: هل سودان اليوم( الرسالي) الذي تستقبل عاصمته التقيةالرسالية في اليوم الواحد اربعة اطفال او اكثر بالسفاح والرذيلة ويحصد شبابه الايدز و ادمان المخدرات و تقتلهم وتطاردهم وتعذبهم ايضا العصابة الحاكمة والفاسدة والقاتلة باسم الله هل وطن امن تامن فيه علي شرفك وكرامتك وروحك وهو الافضل من المهاجر....ام العكس هو الصحيح!؟

--------------------------------------------------------------------------------
مداخلة: #9
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 26-08-2007, 08:24 ص
Parent: #8


فوق

--------------------------------------------------------------------------------
مداخلة: #10
العنوان: Re: ابو البنيات قرر اخلي امريكا خايف علي البنيات!؟
الكاتب: abubakr
التاريخ: 26-08-2007, 12:13 م
Parent: #1


عزيزنا هشام


Quote: لا اعتقد ان وجود البنات سواء كان فى السودان وبريفه المتخلف على حد قولك سيكون بمثابة حصن لم اراد ان يعبث .


ربما في كتاب اخونا هجو خلاصة لامر ان تبعه صاحبك لاراح نفسه وبناته . وفي خضم نظرتنا الممعنة في ذكوريتها ننسي ان الولد كالبنت قابل للعبث وربما اكثر منها ...واحوال اولاد ارسلو الي معاهد وكليات في بلاد العالم المختلفة شاهد فنسبة من فسد منهم يتجاوز بكثير الم يكن الغالب الاوحد نسبة الاناث ..
لك مودتي
ابوبكر

--------------------------------------------------------------------------------
مداخلة: #11
العنوان: Re: ابو البنيات قرر اخلي امريكا خايف علي البنيات!؟
الكاتب: shammashi
التاريخ: 26-08-2007, 12:25 م
Parent: #10


هباني

واحد صاحبنا استاذ جامعي في مجال الكمبيوتر ومن الأساتذة المعروفين في العديد من الجامعات الأمريكية.
أصرت زوجنه بأن يرجعوا السودان لأن البنات في سن حرجة.
قال قلت ليها الانحلال الأخلاقي الفي السودان أسي أكتر من الفي أمريكا.
فاقتنعت وبطلت النقة وخاصة بعد أن جات إجازة ورايت بعينها.

قول لي لصاحبك دا اركز.

--------------------------------------------------------------------------------
مداخلة: #12
العنوان: Re: ابو البنيات قرر اخلي امريكا خايف علي البنيات!؟
الكاتب: عبدالله ادريس محمد
التاريخ: 26-08-2007, 04:02 م
Parent: #1


الاخ العمدة هبانى التحايا بالطن والله زولك دا اخير ليهو يقعد فى امريكا ويدخل بناته مدارس اسلامية لانو بالحصل فى السودان ادهى وامر من ذالك عندى صاحبى فى امريكا زوجته بتدرس فى جامعة من ولاية السودان اتصل عليها قالت ليهو حصلت مشكلة فى الجامعة انو الموظفة بتاعت النظافة لقيت طفل رضيع فى البرميل بتاع الوساخة المهم لمو ليك البنات الفى الداخليه وكانت فى واحدة بتلم ليك فى البنات قالو يكشفو عليهم واحدة واحدة المهم القابلة بذكاء منها شافت ملاح على البنت البتجمع فى البنات لقوا ليك صاحبت الطفل فلما دغضوها شديد اعترفت قالت ذهبت الى اختى اوضعت فقام زوج اختى مارس معى الجنس ?????خالص والتحايا يا اب احمد

--------------------------------------------------------------------------------
مداخلة: #13
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 26-08-2007, 10:38 م
Parent: #12


ابو بكر وشماشي وعبدالله

سلامات

شكرا علي النصائح الغالية لصديقي والله( يطمنكم) وهو متابع بكل
جوانياته هذا البوست بحثا عن الحقيقة....شكرا نبيلا

--------------------------------------------------------------------------------
مداخلة: #14
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 28-08-2007, 02:43 ص
Parent: #1


؟؟؟؟

--------------------------------------------------------------------------------
مداخلة: #15
العنوان: Re: ابو البنيات قرر اخلي امريكا خايف علي البنيات!؟
الكاتب: ولياب
التاريخ: 28-08-2007, 05:15 ص
Parent: #14


الأخ / هشام

لك التحية

قبل عدة أعوام حضر إلينا متعاقداً إلى السعودية لبناني يحمل الجنسية الأمريكية ، وكنت أرى فيه وقارأً ندر ما يوجد في اللبنانيين وشاءت الظروف أن أتداخل معه في بعض الدردشات والونسات ، وحدثني عن وضعه الممتاز في أمريكا وسألته وماذا أتى بك إلى هنا؟؟

قال لي بالحرف الواحد ولدي وبنتي على أعتاب المراهقة وأريد أن أبعدهم عن المجتمع الأمريكي لعدة سنوات ومن ثم أعود وأنا مطمئن وبالفعل ، الرجل أمضى قرابة خمسة أعوام ومن ثم عاد لبلاده .

زولك الله يعينوا لا بيقدر يمشى هنا ولا هناك إلا السودان وكان مشي السودان طبعاً ما في طريقة رجعة (مش كده برضو ولا أن فاهم غلط) .

عليه البحث عن المدارس الأسلامية والتجمعات المحافظة واكيد زولك ما محتاج لنصيحة في كيفية المحافظة وإسداء النصح لكريماته .

اللهم يحفظهن ويسترهن .

--------------------------------------------------------------------------------
مداخلة: #16
العنوان: Re: ابو البنيات قرر اخلي امريكا خايف علي البنيات!؟
الكاتب: خالد سيد أحمد محمد
التاريخ: 28-08-2007, 07:42 ص
Parent: #15


الأخ/ هشام
لك التحية والاحترام
مداخلة أولى لها مابعدها
دعنا نثبت أولاً انو صديقك دا مافي زول حيديهو راسو الا انت أو شخص واعي عايش في الولايات المتحدة.
ولكن هذا لايمنع من بعض المعينات:
* لاأنصحه بالعودة النهائية الى السودان خصوصاً اذا بناته عاشن فترة طويلة في أمريكا. هذا الارتداد
الكبير لبنات في مرحلة التكوين له آثر نفسي سالب.
* أنصحه بالتفكير في فرص النجاح المتاحة لبناته.
* النظر لتجارب الآخرين المماثلة.
* الانتباه لدوره جيداً في التنشئة وخصوصا دور الأم.
وأخيراً أقول له لاتبارح مكانك وانشاءالله مافي مشكلة.
____________________

--------------------------------------------------------------------------------
مداخلة: #17
العنوان: Re: ابو البنيات قرر اخلي امريكا خايف علي البنيات!؟
الكاتب: أحمد أمين
التاريخ: 28-08-2007, 08:43 ص
Parent: #16


التعليم اسؤ مما يتصور ومكلف وبالذات للدارسين باللغة الانجليزية (عايز ليهو اقل شئ 10 الف دولار فى السنة لبناته الثلاثة).


البنات تعلمن على ثقافة اخرى واصبحت جزء من هويتهم محاولة قسرهم بالعودةالى السودان جريمة لن يغفرنها له (المسألة لا بد ان تتم برغبتهم هم)

لأنه برغبته الخاصة جدا قرر وبكامل قواه العقلية ان يعيش فى امريكا مع اسرته(بكل "بلاويه" التى كانه اكتشفها الان)، واطفاله وجدوا هذا هو الامر الواقع وتعاملوا معه ودرجة انصهار الصغار دائما عالية فى مثل هذه الحالات، فلماذ يدفع الصغار ثمن قرارات الكبار.

بالنسبة له فرص العمل هنا فى السودان محدودة جدا الا للعنده واسطة و واسطة قوية ده خليك من الغش والكضب (ولا يشوف ليهو امجاد او ركشة (ده لو ناس الجبايات وقطاعين الطرق والرزق خلوك (ناس المرور)) يسوقها اليوم كله عشان حق الاكل والشراب)

وكل ما يصنف فى دائرة الحريات الشخصية (التى تشكل بعبع لبعض الرجال السودانين فى المهجر) موجودة بالسودان كان بالدس ولا العلن.
فلو كان هذا هو سببه فصحبك ده لا يدرى ماهو السودان الان.

لو تدخين السجاير، شراب المريسة..........الخ ده كل موجود فى السودان
لو صحبه الاولاد دى فى السودان موجوده اكثر من 18 سنة مضت والمصيبة بدون وفهم او وعى (يسبب امراض وحمل ومشاكله). لأن الجميع دافن رأسه فى الرمال.

دعه يفكر فى الايجابى (ويتخلى عن ثقافة ما تحت الصرة):
فرص التعليم، العمل، الانفتاح على العالم، مساعدة اهله، الحرية السياسية والفكرية (ده كله فى السودان مافى)

بعدين يا خى خليهو يصاحب بناته ويفهم ماهى طبيعة مشاكلهم بدل التوجس والريبة التى تسيطر عليه

--------------------------------------------------------------------------------
مداخلة: #18
العنوان: Re: ابو البنيات قرر اخلي امريكا خايف علي البنيات!؟
الكاتب: elameen
التاريخ: 28-08-2007, 08:53 ص
Parent: #1


اخي هشام التحية لك وانت تتناول هذا الموضوع من ناحية اجتماعية ودينية واقتصادية...

لكن نصيحتى الى زولك ده احســن ليه يكون في امريكا مع بنياته..

واثني على كلام اخونا ياسر

تحياتي

امين

--------------------------------------------------------------------------------
مداخلة: #19
العنوان: Re: ابو البنيات قرر اخلي امريكا خايف علي البنيات!؟
الكاتب: المسافر
التاريخ: 28-08-2007, 10:16 ص
Parent: #18


الهشوم.. الحامينا النوم..أزيك..

هناك ملاحظة أكاد أن أجزم بخطورتها..

وهي أن الأخ سوف يرجع للريف..

هناك حالات منذ أربعون عاما للرجوع إلى الريف أثبتت الفشل الكامل في موضوع الرجوع للريف وخاصة في الظروف الحالية..

بعض الحالات فقد فيها الشخص حياته ( تصرف إجرامي ) وذلك لأنه يملك الأرض التي يستفيد منها آخرون وفي رجوعه فقدان لتلك المصلحة .. فتجرأوا عليه وعقروه..

هناك من قرر الرجوع لأنه يملك الأرض مشاركة مع أخوته .. فنكروا عليه حقوقه .. واستولوا عليها بوضع اليد..بل بعضهم استحوذ على داره التي بناها من حر ماله.. والآن يحدث مثل هذا في أغلب القرى التي فقد فيها أناس بيوتهم من الفيضان ومن السيول ونزحوا إلى بيوت أخرى بوضع اليد..

أصحاب الحرف والتجارة يتوجسون من العائد.. ويتآمرون عليه.. وإن لم ينهبوه عياناً بياناً سوف يحرموه من ممارسة حرفته .. وإن كانت مطلوبة.. وإن كان سوف يعمل عمل حر.. فالمنافسون أخطر من عصابات جزيرة صقلية..وسوف يتألم كثيراً عندما يرى أن الذين يتآمرون عليه هم بني عمومته وأصهاره ..

الحقيقة المرة هي إذا أراد الرجوع إلى الريف فلن يجد ما يعتقد أنه موجود .. طبعاً الأرزاق بيد الله ولن يموت من الجوع ولكن سوف يواجه أشياء مدمرة لكل معاني الإنسانية.. وهذا ليس حدثاً عارضا أو نتاج سياسة حالية وإنما تدهور في مستوى الحياة بدأ من أوسط القرن الماضي واستمر حتى القرن هذا وتطورت الحياة إلى الأسوأ..

إذا كان يرغب في استشارة في هذا الموضوع كما ذكرت وأنك عرضت هذا الموضوع علينا فنحن نرى أن واجبه في الوقت الحالي مساعدة البنات لإكمال تعليمهن وتقوية عزيمتهن وأن واجبه ينحصر فيما يستطيع أن يقدمه لهن من مساعدة أما ما سوف يواجهنه في حياتهن المستقبلية فهذا على الله فهو الذي يدبر الأمر..

قل له أبقى راشداً حفظكم الله.. نصركم الله .. أواكم الله.. وتمسكوا بأخلاقكم ومثلكم بقدر ما استطعتم.. فإنكم ربما تجدوا من يعينكم..

--------------------------------------------------------------------------------
مداخلة: #20
العنوان: Re: ابو البنيات قرر اخلي امريكا خايف علي البنيات!؟
الكاتب: سلمي النصري
التاريخ: 28-08-2007, 12:39 م
Parent: #1


سلام

اخي هشام الغضبان علي طول.. تحياتي وسلامي

استغربت بشده منطق هذا الاخ....!!!!

يعني شنو يرجع ويقطع الجوازات....حاجه غريبه.
يعني هو مفتكر انوا خلاص كده البنات حيتحبسوا في السودان...
ياخي ديل بنات اتربن في امريكا وبعرفن كيف يجيبن حقوقن...صاح ولا انا غلطانه...؟
بعدين اتصور انوا البنات تجاوزن او قاربن علي تجاوز مرحله الخطر....؟

لقد رجعت للسودان عام 2005 وكان دافعي هو نفس دافع الاخ صاحب المشكله حيث لي ابنه في التاسعه من عمرها , صدقوني ما واجهته في المدرسه التي قيل عنها دبلوماسيه.., وبها خيار الاسر هو , نفسه ما واجهته هنا في مونتريال, وزد عليها مستوي التعليم المتدني , صحيح المناهج ممتازه لكن المدرسين حدث ولا حرج , الايجابيه الوحيده هي انه ما يواجهونه في امريكا هو ما يجري في المجتمع فعلا ويرونه راي العين , لكن في السودان الامر اقل وطاه , لان المجتمع نوعا ما محافظ شكليا, وهذا مهم للاطفال, يعني قصدي بسمعوا لكن ما بيشوفوا وهذا في راي له تاثير بالغ علي طفولتهم.

صدقوني لي صديقه ربت ابنتها في كندا , ووحدها, والان هذه البنت قمه في الادب والاخلاق والوعي ويزيدها جمال حجابها الزاهي , درست هذه البنت بمدرسه اسلاميه وبعدها درست الجامعه بامريكا .. وتعمل الان بامريكا ..ماشاءالله تعالي.


اذن المخاوف موجوده لكن المطلوب جهد كبير وكبير جدا وحكمه ..والله المستعان.

سلام

--------------------------------------------------------------------------------
مداخلة: #21
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 28-08-2007, 09:49 م
Parent: #20


الاعزاء/ولياب واحمد وخالد والامين والمسافر وسلمي

سلامات وشكراعلي ارائكم المفيدة لصديقي العزيز وهو يثمنها جدا
فقد وجد فيها المفيد وقد بدا بالفعل يراجع بعض افكاره بفضل هذه الكتابات
الثرة ويشكركم كثيرا عليها.
مودتي واحترامي

--------------------------------------------------------------------------------
مداخلة: #22
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 05-09-2007, 09:39 م
Parent: #1


....

--------------------------------------------------------------------------------
مداخلة: #23
العنوان: Re: ابو البنيات قرر اخلي امريكا خايف علي البنيات!؟
الكاتب: Mohamed Abdelmotalib Hassan
التاريخ: 05-09-2007, 10:21 م
Parent: #22


Quote: واعمل ليهو جامع جو بيتو وما في تب راجل ضكر اقرب من بيتو والله الا الرصاص اياباهو....!!



بذئ تكساس

انو يعمل جامع دي فكره ما راجحة , قولي ليه؟؟؟؟؟
لأنو حيجي واحد وهم زيك ويلفق ليهو قصة ويطلعو ارهابي أو حرامي أو نسيب الرئيس القادم أو ان عندو منتجعات في تركيا أو هاااااااواي.

صحبك ما عندو شغلة لما سألك, انت في روحك عايز ليك ناصح!!
نصيحتي لي صحبك انو يختي دربك يشوف ليهو زولا صادق وأمين وعفيف اللسان!!

فهمت؟؟؟ِ

--------------------------------------------------------------------------------
مداخلة: #24
العنوان: Re: ابو البنيات قرر اخلي امريكا خايف علي البنيات!؟
الكاتب: مصطفي سري
التاريخ: 05-09-2007, 11:59 م
Parent: #23


الاخ هشام سلام
قضية ما يعرف بالاخلاق نسبية ، ما نعتقده ان هناك مجتمعات محافظة تكذبها

الارقام التي ترد في التقارير الرسمية للدول المحافظة - السعودية وبقية الدول

العربية على مختلف الدرجات- ومعايير قياس الاخلاق تختلف من مجتمع الى اخر ، ولا اعتقد

ان كل المجتمعات الغربية شرا مستطيراً فان لها مقاييس في التربية ، واظنك تعرف ان

التقارير التي صدرت عن المجتمع الايراني الذي تحكمه الثيوقراطية الاسلامية لاكثر من

ست وعشرين عاما تجد ان مسالة البغاء واحدة من القضايا التي تواجه الحكومة الحالية

وهذا من تقارير الدولة نفسها .

القضية المركزية ان الاتجاه الان في كل العالم هو المجتمع الاستهلاكي وهذا له قوانينه

وما ينتج عنه ، وحتى مجتمعات كانت تعتقد انها يمكن ان تحكم انسانها بضوابط الاخلاق

والذي اعتقد انه (مطاط) فانها وقفت محتارة امام التطور الهائل الذي حدث من حول تلك

المجتمعات ، ودك اسفين بكل ما تم وضعه ، واظن اقرب مثال ما ظلت تقدمه الانقاذ لثمانية

عشر عاماً من نظام عام وامن مجتمع وغيره من محاولات تربية المجتمع بتراث الدين حسب

فهمهم ، ماذا كانت النتيجة انقلاب على هذا المشروع وهذا الانقلاب ليس بالضرورة ضد

اخلاق الانسان ، لكن فرض هذه الاشياء سواء كان من البيت والاسرة او الدولة نتائجه عكسية

، نحن اسيرين لاوهام نعتقد انها اتية من الدين والتقاليد وهي نسبية ، فمابالك للمجتمع

الفاضل في حياة الرسول الكريم ومظاهر البغاء التي تنزلت فيه ايات كريمات ، ونذهب ايضا

الى التاريخ الاسلامي اذ كانت هناك الجواري ، القضية بالنسبة لي تتعلق بحرية الانسان

سواء من رب الاسرة او المجتمع او الدولة وكل له في السودان مقولة ان تراثنا يرفض

هذا او ذاك وايضا يتعلق بالتظور الاقتصادي وتطورات المجتمعات المغلقة مثل مجتمعنا السوداني

والسؤال الجوهري لماذا نضع البنات في قفص الاتهام في العفة والاخلاق عندما ياتي الحديث عن

الاخلاق ، اهي العودة لعصر الحريم ، كل ذلك لا يجدي ان التربية تبدا بان يعرف كل فرد

حقوقه وواجباته وانه حر بت او ولد ، وندعهم حسب ظروفهم وتطور العالم ومجتمعهم وهو

الذي يضع محدداتهم ، لان الكبت يقود الى التطرف ، وشكرا

--------------------------------------------------------------------------------
مداخلة: #25
العنوان: Re: ابو البنيات قرر اخلي امريكا خايف علي البنيات!؟
الكاتب: عواطف ادريس اسماعيل
التاريخ: 06-09-2007, 04:11 ص
Parent: #24


الأخ العزيز هشام !!!

مودتي ,,,

والله التربية في الغربة حارة جدا وفي السودان أحر من الجمر لذلك فليلجأ صديقك إلى أخف الضررين

وليكن رقيبا على بناته من الآخرين و أعتقد أنه إذا أحسن تربيتهن فلن يصيبهن مكروه وشكرا على طرحك

لهذا البوست الهام .

--------------------------------------------------------------------------------
مداخلة: #26
العنوان: Re: ابو البنيات قرر اخلي امريكا خايف علي البنيات!؟
الكاتب: Ammir Mohamed
التاريخ: 06-09-2007, 05:12 ص
Parent: #1


العزيز هباني

قول لي صحبك أركز وحاول خليك قريب من بناتك لأنو المسألة زي ما ذكر كثير من المتداخلين بتتوقف على التربية ... وبعدين تعال هنا هو الزول ده لمن ولد البنات الثلاثة ديل ما كان عارف إنو يوم حيكبروا ويصلوا مرحلة الثانوي والجامعة ..لي ما عمل حسابو من بدري بس وقت الفاس يقع في الراس يبدا يكب الجرسلين... قول ليه أركز وركز معاهم وخليك قريب منهم أفضل مما تمشي بيهم السودان وتجيهم جلطة حضارية.

قول لي زولك انكرب!!

أمير

--------------------------------------------------------------------------------
مداخلة: #28
العنوان: Re: ابو البنيات قرر اخلي امريكا خايف علي البنيات!؟
الكاتب: عامر تيتاوى
التاريخ: 06-09-2007, 07:51 ص
Parent: #26


الاخ هشام
تحية وتقدير
شكرا لهذا الموضوع القيم والذى يشغل بال الكثيرين فى المهاجر والمنافى تجاه
ابنائهم وبناتهم على حد سواء وقد ذكر احد الاخوة فى مداخلته ان فساد الابن قد
لا يقل عن ضياع البنت وكله يؤرق الاباء خاصة كلما اتسعت الفجوة بين المجتمع الاصلى
ومجتمعات الهجرة ولكن اعتقد ان المخاطر موجودة فى كل مكان على اختلاف درجاتها
ولكن النتيجة واحدة فى النهاية لذلك لن يكون عاصما لاحد سوى التمسك بالدين والاخلاق
التى نشا عليها وكذلك وهو فى نظرى من الاهمية بمكان الترابط الاسرى والانفتاح بين
افراد الاسرة بالدرجة التى تجعل هذا الاب المشفق على مستقبل بنياته قريبا منهم
ومطلع على كل جديد فى حياتهم من خلال التواصل بين كافة افراد الاسرة كما ان الامر لا ينفصل
عن التربية والتنشئة طوال السنوات الماضية
والحلول كثيرة ونسال الله ان يطمئن قلب هذا الرجل عالى الهمة والاحساس وان يحفظه واسرته
الكريمة وان يلهمه الله افضل الحلول

--------------------------------------------------------------------------------
مداخلة: #27
العنوان: Re: ابو البنيات قرر اخلي امريكا خايف علي البنيات!؟
الكاتب: jini
التاريخ: 06-09-2007, 07:38 ص
Parent: #1


لاقاكم سودانى مرتاح!

الواحد لو ما قال آخ او آح يكون سودانى كيف!
يشوف ليهو اى كوميونيتى مسلم ويصمد لحدى البنيات ما يتعلمن لان الرجوع لسودان البشير سيواجه بما لا عين رات ولا اذن سمعت ولا خطر على قلب بشر!
وزولك دا ما بقدر على المفاجات واقلاها النقلة من امريكا الى الريف سوف تصيب البنيات بالصمم والخرس وسيصرف كل ما جمعه من مال فى امريكا على علاجهم النفسى والذى لن يجدى! والحل التانى يشلخهن مطارق ويمشى يدخل السجن ويغنى
اندب حظى ام آمالى
دهرى قصدنى مالو ومالى!
تحياتى له وقول ليهو مستقبل البنيات اهم من ما تفكر فيهو وانت لن تعيش الى ابد الابدين حدثهن عن بلدهن وعن خالاتهن وعماتهن وعن القيم والمثل والامراض النفسية والعضوية التى تنجم عن مثل هذه الاشيا وعلمهن الكراتيه والجودو وسائر رياضات الدفاع عن النفس وتوكل على الله فلست انت المسلم الوحيد!
جنى

--------------------------------------------------------------------------------
مداخلة: #29
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 06-09-2007, 12:27 م
Parent: #27


الاعزاء/سري وعواطف وامير وعامر وجني


شكرا علي هذه المداخلات الثرة وانتم تقدمون جهدا مقدرا في حل واحدة من اعقد المشاكل التي تواجه المهاجرين السودانيين وتكاد ان تعصف بمستقبل كثير من الاسر بالمهجر ومن الاسر من عبر بوعيه وتجاوز المشكل ونجح ومنهم من انهزم في المهجر وفقد الاسرة ووجم ومنهم من رجع الي الوطن ليحافط علي الاسرة ولم يصمد لانه لم يمتلك من اسباب استقرارها والمال سيد الاسباب فافقر وساءت احواله وانهزم وسقطت الاسرة بسبب العدم ...شكرا

--------------------------------------------------------------------------------
مداخلة: #30
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 07-09-2007, 03:41 ص
Parent: #1


>>>

--------------------------------------------------------------------------------
مداخلة: #31
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 08-09-2007, 01:56 م
Parent: #1


.....

--------------------------------------------------------------------------------
مداخلة: #33
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 10-09-2007, 03:56 م
Parent: #1


.....

--------------------------------------------------------------------------------
مداخلة: #34
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 10-09-2007, 10:11 م
Parent: #33


......

--------------------------------------------------------------------------------
مداخلة: #35
العنوان: Re: ابو البنيات قرر اخلي امريكا خايف علي البنيات!؟
الكاتب: elnawrani margan
التاريخ: 10-09-2007, 11:18 م
Parent: #1


هشام هبانى السلام عليكم

والله اولا احى الغيرة الفاضلة عند صحبك لان الغيرة اليوم انعدمت عند كثير من الناس .
مااود ان اقوله لصاحبك اذا كان علم بناته على الاسلام الحق والفضيلة الصحيحة وكيف ان تكون المراءة المسلمة امام الغرباء متسترة متحجبة بالحجاب الاسلامى الصحيح !!!!!
هو ان يصارحن بالحقيقة المرة وهى ان كن يردن المحافظة على دينهن وعرضنهن اسلم لهن ان لايخالطن الرجال وسيما الخواجات.
فهو اسلم له يرجع الى بلاده ويفر بدينه وعرضه امام اهله وعشيرته واذا اصبح لايسطيع العيش فى السودان بسبب الاحوال الاقتصادية فنصيحتى له ان يترك بناته وزجته مع الاهل والقبيلة ويرجع يوفر لهم لقمة العيش فى امريكا او اى دولة يريدها.
فهو من ملخص كلامى لابد له من/
* البقاء فى امريكا ويجتهد على تربية البنات
*الرجوع بهم الى السودان ويرضى القسمة من الله
*يتركهم بالسودان هن وامهن براعية اهله وعشيرته ويسافر مة اخرى ويوفر لهم لقمة العيش الكريمة.
والاخيرة فيها تضحية منه .

وحقيقة الامر صعب
مع مودتى

...........................ابو محمد..............................

--------------------------------------------------------------------------------
مداخلة: #36
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 10-09-2007, 11:35 م
Parent: #35


Quote: والله اولا احى الغيرة الفاضلة عند صحبك لان الغيرة اليوم انعدمت عند كثير من الناس .
مااود ان اقوله لصاحبك اذا كان علم بناته على الاسلام الحق والفضيلة الصحيحة وكيف ان تكون المراءة المسلمة امام الغرباء متسترة متحجبة بالحجاب الاسلامى الصحيح !!!!!
هو ان يصارحن بالحقيقة المرة وهى ان كن يردن المحافظة على دينهن وعرضنهن اسلم لهن ان لايخالطن الرجال وسيما الخواجات.
فهو اسلم له يرجع الى بلاده ويفر بدينه وعرضه امام اهله وعشيرته واذا اصبح لايسطيع العيش فى السودان بسبب الاحوال الاقتصادية فنصيحتى له ان يترك بناته وزجته مع الاهل والقبيلة ويرجع يوفر لهم لقمة العيش فى امريكا او اى دولة يريدها.
فهو من ملخص كلامى لابد له من/
* البقاء فى امريكا ويجتهد على تربية البنات
*الرجوع بهم الى السودان ويرضى القسمة من الله
*يتركهم بالسودان هن وامهن براعية اهله وعشيرته ويسافر مة اخرى ويوفر لهم لقمة العيش الكريمة.
والاخيرة فيها تضحية منه .


وحقيقة الامر صعب
مع مودتى





شكرا استاذي النوراني علي هذه النصائح الغالية لصديقي الحائر
وجزاك الله كل خير.

(بس داير الصراحة يا نوراني حكاية صاحبي هنا بقت زي غلوتية المرفعين والخروف وكليقة القصب والمركب!)

--------------------------------------------------------------------------------
مداخلة: #37
العنوان: Re: ابو البنيات قرر اخلي امريكا خايف علي البنيات!؟
الكاتب: هشام هباني
التاريخ: 11-09-2007, 12:48 م
Parent: #1


>>>>


--------------------------------------------------------------------------------

ليست هناك تعليقات:

إرسال تعليق