السبت، 26 أبريل 2008

شوفو فيلم زرزرة الترابي ونميري والبشير يوم القيامة

مكتبة هشام هباني شوفو فيلم زرزرة الترابي ونميري والبشير يوم القيامة!!
04-11-2006, 09:30 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1199946877&rn=0


--------------------------------------------------------------------------------
مداخلة: #1
العنوان: شوفو فيلم زرزرة الترابي ونميري والبشير يوم القيامة!!
الكاتب: هشام هباني
التاريخ: 04-11-2006, 09:30 ص



امبارح يعني دغش الليلة ده بعد سهرة صباحية مع التاكسي و( الويك اند) وما خلينا سكران ما رجعناهو لبيتو ووليداتو قبل ما يرتكب الكبائر وتبقي الشربة ام الكبائر( يعني لسه في حالتهاالقال عليها شيخ حسن حلال)..وما خلينا مطلوقة ما وصلناها لبيتها قبل( الشروع في الزنا) اخوكم قال اياخد ليهو دقسة قدام طلمبة بنزين وبعد داك اواصل الرجعة للبيت الذي بناهو الجاك؟؟؟
المهم الحلم حصل وحمدا لله بت ابليس ما عندها طريقة في بلاد العم سام..المهم حلمت انو القيامة قامت....ونحن في طريقنا ( ام فكو) نفتش لرسولنا الشفيع يعني قافلين علي الشفاعة....المهم شايفين العجاج اكتح وشكله وكواريك وناس ام فكو وتكبير وتهليل ..
اول ما قربنا وكل زول طبعا قابض ( عدتو) بندور السترة في الزمن الصعب داك....المهم لقيت ليك علي عبد الفتاح ومعاهو جماعة من اصحابو المجاهدين كلهم ام فكو وما في زول ساتر عورتو لانو الشكلة والزرزرة شديدة...وما في زول عندو وقت للسترة..المهم لقيتم قابضين شيخ الترابي والبشير الاتنين وهم ام فكو وخانقنهم خنق شديد....وعلي عبد الفتاح اقول للترابي :انا فطيسة يا فطيسة انت يا رمة يا مجنون ....تغشونا وتودوناوتكتلونا وتقعدوا لي في بيوتكم في المنشية وضاربين الراحات انتو واولادكم وتودوا اولاد الناس اموتوا في الجنوب ..وبعد ده تقولوا علينا فطايس والشريعة غيرتوها يا زنديق وصاحبنا الترابي اكورك كواريك شديدة.... الحقوني يا ابو مروة...وسامع ليك صوت مرة من بعيد اظنو صوت حاجة سعاد وتقول لي ناس علي عبد الفتاح : فطسوهو الزنديق السود وشنا قدام العالم ..ده مجنون..وقعدت اتاوق عشان اشوف ست الصوت. قام صاحبي قرصني وقال لي : ات يا زول عوير ده جو بتمرق فيه حرمة..الحريم ديل ما عندهن غير اطلعن ريسينن من القبور والا الحكاية بتضربها الهبوب ساكت...هناك شفنا بقية المجاهدين مزرزرين ليكم البشير ظااااطو بتلاليشو الكبار ديل خانقنو من رقبتو واخونا قاعد ام فكو ساكت.... واقولوا ليهو: صدقنا انك امير المؤمنين وتودونا نكاتل في الجنوب وتقولوا لينا الحور العين ونحن نموت وانتوا قاعدين تنهبوا في المال وتعرسوا في النسوان وحتى انت يا سعادتك تقوم بلا خجلة تعرس يا تافه يا كضاب....يا حرامي والشريعة طلعت فشنك ساكت ودفنتونا في الجنوب وهملتونا و صاحبنا البشير اعيط....واكورك وجنبو كالعادة عبد الرحيم ابوريالة لاصق فيهو وكلما الجماعة اشلتوا البشير تروح عورتو طالعة بره وفي اللحظة اروح عبد الرحيم مغتي للبشير عورتو واقوم ليك في اللحظة ديك واحد من الدبابين مشلت ليك عبد الرحيم في بلنجاتو واقول ليهو : ات تعرصتك دي حتى ليوم القيامة ما بتخليها... و شوال الكبس حسين خوجلي شايل دلوكة احرر في الشكلة و عندو بلنجات بت كلب (ايام لها بلنجات) .... وهناك شايفين ليك عجاجة عاكلة بس دهمة زرقة طلعت ده علي الحاج جاري فاكي البيرق ازرق بس زي شوال الفحم طاير والله جراي جري والجماعة ساكنو ياهو ياهو ياهو والعدة ضاربها الهوا واشلتوا فيهو في بلنجاتو وهو اكورك واقول ليهم : يا جماعة خلوها مستورة...خلوها مستورة وطلعوا الجماعة ديل اهلنا ناس الغرب بتاعين طريق الانقاذ الغربي وبعد لحظات نشوف ليك جماعة طايرين طير وانطوا ليك في عبد الرحيم ابو ريالة واقوم جاري ام فكو واروحو ساكنو الجماعة وصاحبي اقول لي عارف ديل منو ..ديل ما ناس ضحايا مستشفى الشرطة الوقع وفعلا قعدواشلتوا فيهو في بلنجاتو..وريالتو سايلة وشايل كتابو بشمالو واكورك البتاع في البتاع في البتاع والمهم شكلةلرب السما وبعد داك شفت ليكم ابليس ميت بالضحك واعاين للترابي واقول ليهوشمتان براي السويته في نفسي والتسوي كريت في القرض تلقاهو في جلدها)....وهناك في حتة بعيدة نشوف ليكم العجاج كاتح واب عاج نميري ببلنجاتو جاري فللي ساكنو جماعة انططوا زي حيوانات الكنغارو ولمن قربنا منهم طلعوا مقطعين من كرعينن ويدينن وبس حصلوا ليكم نميري ووقعوا فيها شلاليت وعض شديد وبس صاحبي قرصني قال لي ما عرفت ديل منو؟؟ قلت ليهو ابدا قام قال لي ديل جماعة الشريعة المقطعين من خلاف وواحد فيهم من الزعل قعد اعضي نميري من بلنجاتو ونميري اكورك والزول اعضي فيهو من بلنجاتو عض شديد والنميري اكورك واعاين للترابي من بعيد واقول ليهو : ده كلو منك يا دجال يا ضلالي يا مجنون.. وحاجة سعاد براسها الكبير مارق من القبر تقول للنميري الترابي الله العنو السود وشنا قدام الدنيا المجنون ... وطبعا مافي طريقة تمرق من القبر تفرفر في محلها والا الحكاية بتبوظ ساكت... قمت بعد داك سالت صاحبي لزوم شمشرة ساكت عن الرفيق (نقد) وين محلو صاحبي قال لي والله ده بكونوا الملايكةلهسع لافين بدوروا عليهو و ما عارفين قبرو بي وين ولابد وين؟؟ وسالتو عن الامام فقال لي والله ده بكون حلج منكر ونكير نقة تقيلة ( بالجنة المستدامة وحيث انو كما ينبغي تكوين مؤتمر قومي جامع لمراحيم السودان) وهسع بكون نكير ظاااطو ما فاهم حاجة واكون بقي انصاري عديل...وسالتو عن مولانا واخبارو شنو بكون وين فاجابني :ات يا زول مودر مولانا ما بطلع في حر زي ده ده جدو النبي جنتو مضمونة و ده بكون لهسع نايم ما جايب خبر القيامة ظاااطها وما سمع الصفارة لهسع وضارب النوم تقيل....ديل اولاد راحات ... المهم فجاة اخوكم اصحى والقي نفسو قدام الطرمبةبتاعة البنزين...وهناك زبون في راسي منتظر الطاكسي وقلت اللهم اجعلو خير.....كدي بالله فسروها لي الحلمة دي..


ظااااطو

--------------------------------------------------------------------------------
مداخلة: #2
العنوان: Re: شوفو فيلم زرزرة الترابي ونميري والبشير يوم القيامة!!
الكاتب: Mustafa Mahmoud
التاريخ: 04-11-2006, 09:40 ص
Parent: #1


wonderful dream
i think hisham you need to ask
Ali osman
where was he??????????
you never saw him in your dream
he might be plotting as military coup even on doomsday
mustafa

--------------------------------------------------------------------------------
مداخلة: #3
العنوان: Re: شوفو فيلم زرزرة الترابي ونميري والبشير يوم القيامة!!
الكاتب: Mahjob Abdalla
التاريخ: 04-11-2006, 03:28 م
Parent: #1


Quote: .....كدي بالله فسروها لي الحلمة دي..


حذه ادخاث اهلام وما نهن بتاويل الاهلام بالمين...

--------------------------------------------------------------------------------
مداخلة: #4
العنوان: Re: شوفو فيلم زرزرة الترابي ونميري والبشير يوم القيامة!!
الكاتب: هشام هباني
التاريخ: 04-11-2006, 07:01 م
Parent: #3


دكتور مصطفي ومحجوب

سلامات

بالله فسروا لينا الحلمة دي!!

--------------------------------------------------------------------------------
مداخلة: #5
العنوان: Re: شوفو فيلم زرزرة الترابي ونميري والبشير يوم القيامة!!
الكاتب: معتصم مصطفي الجبلابي
التاريخ: 04-11-2006, 08:18 م
Parent: #4


الاخ هشام :مع تحفظي علي المفردة المستخدمة
لكن فيها شئ من الطرافة وباالذات حكاية نقد الما لاقين قبرو.
وبعدين وكت وديتنا لليوم داك وربنا يجعلنا جميعا من اصحاب اليمين
حكى لي صديق اتحادي مع العلم:انه وفي ذاك اليوم وكت جات لحظة محاكمة الصادق المهدى الجماعة زرزروه زرزرة شديدة. اها لما جا دور الميرغني الجماعة قالو ليه انت امش العملتو دا قدر العقيل الاديناك ليه. ربنا يغفر لهم ويرحمناجميعا.
وتحضرنى نكته زكرها الحبيب حسن اسماعيل (كادر خطابي) حزب امة في احد الاركان وكان ذاك في فترة انتشار ظاهرةمحلات الاتصال في السودان.
فذكر ان كلينتون يوم القيامة وهو في النار اتصل بالملك فهد في الجنة
ليتوسط لاخراجه من النار والملك فهد قال ليه انشاءالله بنشوف الموضوع دا وقفل الخط وعندما اراد كلينتون ان يدفع حساب المكالمة قلو ليه الحساب 10دولارات .وكذلك اتصل بحسني مبارك فحسنى قال ليه تدفع كم ودفع كلنتون 10 دولارات اخري وتزكر حسن الترابي قال اضرب ليه دا كان مغلبنا بالدين فلو ما طلعنى مافي زول حيطلعني .
فلما اتصل بيه الترابي ما قال ليه لا قال ليه طوالي وانا ساضمنها لك ان شاءالله وستستمتع بالنساء الحور حلالا بلالا مش زى مونيكا.
فلما خلصت المكالمة واراد كلينتون ان يدفع قالو ليه الحساب 3 دولارات فكلينتون احتجه قال طيب ليه حاسبتونى في البداية ب
10 قالو ليه لانو دى مكالمة داخلية.
ونستغفر الله
مع تحياتي

--------------------------------------------------------------------------------
مداخلة: #6
العنوان: Re: شوفو فيلم زرزرة الترابي ونميري والبشير يوم القيامة!!
الكاتب: Mustafa Mahmoud
التاريخ: 05-11-2006, 04:11 ص
Parent: #5


up

--------------------------------------------------------------------------------
مداخلة: #7
العنوان: Re: شوفو فيلم زرزرة الترابي ونميري والبشير يوم القيامة!!
الكاتب: Manal Mohamed Ali
التاريخ: 05-11-2006, 07:42 ص
Parent: #6


يا هباني ...لاتوجد قلة ادب في مواضيعك ... انها ادب ساخر من وضعنا...وساستنا ولغتك هي اللغة المتداوله تحت تحت ...انت طلعتها للسطح ...
وتفسيري لحلمك .. انك موجوع وومكون شديد ...وصابر...
وتحياتي
منال

--------------------------------------------------------------------------------
مداخلة: #8
العنوان: Re: شوفو فيلم زرزرة الترابي ونميري والبشير يوم القيامة!!
الكاتب: هشام هباني
التاريخ: 05-11-2006, 05:48 م
Parent: #5


الجبلابي

سلامات
ياخي عندك كل الابداع ده ولابد....الله اديك الصحة...
Quote: لكن فيها شئ من الطرافة وباالذات حكاية نقد الما لاقين قبرو.
وبعدين وكت وديتنا لليوم داك وربنا يجعلنا جميعا من اصحاب اليمين
حكى لي صديق اتحادي مع العلم:انه وفي ذاك اليوم وكت جات لحظة محاكمة الصادق المهدى الجماعة زرزروه زرزرة شديدة. اها لما جا دور الميرغني الجماعة قالو ليه انت امش العملتو دا قدر العقيل الاديناك ليه. ربنا يغفر لهم ويرحمناجميعا.
وتحضرنى نكته زكرها الحبيب حسن اسماعيل (كادر خطابي) حزب امة في احد الاركان وكان ذاك في فترة انتشار ظاهرةمحلات الاتصال في السودان.
فذكر ان كلينتون يوم القيامة وهو في النار اتصل بالملك فهد في الجنة
ليتوسط لاخراجه من النار والملك فهد قال ليه انشاءالله بنشوف الموضوع دا وقفل الخط وعندما اراد كلينتون ان يدفع حساب المكالمة قلو ليه الحساب 10دولارات .وكذلك اتصل بحسني مبارك فحسنى قال ليه تدفع كم ودفع كلنتون 10 دولارات اخري وتزكر حسن الترابي قال اضرب ليه دا كان مغلبنا بالدين فلو ما طلعنى مافي زول حيطلعني .
فلما اتصل بيه الترابي ما قال ليه لا قال ليه طوالي وانا ساضمنها لك ان شاءالله وستستمتع بالنساء الحور حلالا بلالا مش زى مونيكا.
فلما خلصت المكالمة واراد كلينتون ان يدفع قالو ليه الحساب 3 دولارات فكلينتون احتجه قال طيب ليه حاسبتونى في البداية ب
10 قالو ليه لانو دى مكالمة داخلية.
ونستغفر الله



--------------------------------------------------------------------------------
مداخلة: #9
العنوان: Re: شوفو فيلم زرزرة الترابي ونميري والبشير يوم القيامة!!
الكاتب: Mustafa Mahmoud
التاريخ: 06-11-2006, 03:24 ص
Parent: #8


up

--------------------------------------------------------------------------------
مداخلة: #10
العنوان: Re: شوفو فيلم زرزرة الترابي ونميري والبشير يوم القيامة!!
الكاتب: Mustafa Mahmoud
التاريخ: 06-11-2006, 03:47 م
Parent: #9


*********************************

--------------------------------------------------------------------------------
مداخلة: #11
العنوان: Re: شوفو فيلم زرزرة الترابي ونميري والبشير يوم القيامة!!
الكاتب: Mahjob Abdalla
التاريخ: 06-11-2006, 09:32 م
Parent: #1


*


--------------------------------------------------------------------------------

ليست هناك تعليقات:

إرسال تعليق