وبكى صديقي سعيد في حضرة الكائن السوداني الجميل

مكتبة هشام هباني وبكى صديقي سعيد في حضرة الكائن السوداني الجميل!!
05-07-2007, 06:21 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1199588145&rn=0


--------------------------------------------------------------------------------
مداخلة: #1
العنوان: وبكى صديقي سعيد في حضرة الكائن السوداني الجميل!!
الكاتب: هشام هباني
التاريخ: 05-07-2007, 06:21 م


بالامس رن هاتفي الجوال اثناء مشوار تاكسي سجمان وكان علي الخط من ولاية داكوتا الجنوبية الاخ سعيد علي سعيد اخ سوداني جمعتني به صدفة من صدف العمر السعيدة في اليمن السعيد في صنعاء الجميلة في اخريات القرن المنصرم في1998 في بيت احد السودانيين المثقفين والوطنيين الجميلين وهو عضو البورد اخوناالاستاذ عثمان ( تراث) وفي مجلس (قات) من عدة مجالس ظل يقيمهاالسودانيون كمجالس انس وسمر ومثاقفة احالوها واحالوا(قات) اليمن من اداة خمول و(ترخيم) الي منتديات ثقافية وفكرية وسياسية يناقشون فيها امر وطنهم وهمومهم وشئون ثقافتهم يشارك فيها نفر من خيرة ابناء الوطن قذفت بها الاقدار الي ديار اهلهم باليمن السعيد. وقد كان بعدها بعام السيد سعيد علي سعيد واحدا من ثلاثة سودانيين اعتقلتهم السلطات اليمنية بوشاية من سفارة السودان بصنعاء جراء نشاطهم الوطني كاعضاء قياديين في تجمع المعارضة القوى جدا جدا باليمن ضد سلطة القهر والبطش في بلادنا التعيسة والمستباحة وايضا قد شاءت الصدف ان كلفت بحمل رسالة من التجمع الوطني باليمن الي رئاسة التجمع الوطني باسمرا تحوي اسماء ثلاثة من السودانيين معتقلين باليمن تطلب منهم الرسالة ان يتدخلوا لدي الحكومة اليمنية لاطلاق سراح السادة وهم :حسن مصطفي الفكي (خولان) رئيس التجمع باليمن عن الحزب الاتحادي الديموقراطي وايضا كان منهم سعيد علي سعيد عن حزب الامة وحسن التوم عن الحزب الشيوعي السوداني!
نعم كان مهاتفي اخي سعيد علي سعيد الذي رايته مرة واحدة في اليمن وعندما تم اعادة توطينهم بامريكا بعد ان اطلق سراحهم باليمن ومنحوا اللجوء السياسي ظللنا علي اتصال دائم هنا بامريكا كانما كنااخوة منذ عشرات السنين... حدثني سعيد علي الهاتف ممتنا جدا وهو يشكرني علي جهدي المتواضع الذي بذلته في قضية اختنا السودانية امنه وبنتهاالمسافرتين بين فرانكفورت والدوحة والخرطوم اي الاخت امنه وابنتها ايمان والتي هرع لنجدتها واعانتها كل السودانيين الاصيلين ما بين اوروبا والخليج واميريكا.. وكم كانت المفاجاة ان علمت منه ان الاخت المعنية وابنتها هما زوجته وابنته..وقد حكي لي وهو كان يتابع قضية زوجته وبنته عبر هذا السايبر اي هذا البوست بكل احاسيسه ونبضه وخلجاته وهو قد تعزز لديه اليقين ان السودان لا زال بخير واننا شعب ينبغي ان يعتز بهذا الكنز العظيم اي هذه الاخلاق الفاضلة وهو ايضا يشيد بهذا الموقع الوطني الجميل و صاحبه الذي احاله الي اكبر حوش فضائي في تاريخ السودان يجمع اهل السودان بكافة مشاربهم مهما اختلفوا وتناحروا وتنابذوا ظلوا هم السودانيين الاصلاء النبلاء وهم يحتفظون بهذه البصمة المميزة والتي ميزتهم عن بقية شعوب الله....وقد حكي لي من قلبه انه بكي من شدة ورهبة اللحظة عندما كان يتابع في الامر بالهاتف مع اسرته عندما وصلت الي مطار الدوحة ومنظر اهله السودانيين الكرماء بمطار الدوحة في انتظار اختهم وبنتهم..فقد كان حقا هو السودان القديم الجديد القديم الجديد والذي لازال في قلوب اهله الطيبين!
حمدا لله علي سلامة الوصول يا امنة وايمان وحمدا لله اننا سودانيون ولله الحمد ومن بعده الحمد للسودان وشكرا للعزيزة الهميمة اختنا الفاضلة الشهمة ام حازم وسند السيدةتراجي مصطفي ولابن العم سيف مساعد ولكل شرفاء الدوحة الاصيلين وكل المتداخلين النبلاء لكم حبي واحتراماتي.

هشام هباني

--------------------------------------------------------------------------------
مداخلة: #2
العنوان: Re: وبكى صديقي سعيد في حضرة الكائن السوداني الجميل!!
الكاتب: هشام هباني
التاريخ: 06-07-2007, 00:44 ص
Parent: #1


..

--------------------------------------------------------------------------------
مداخلة: #3
العنوان: Re: وبكى صديقي سعيد في حضرة الكائن السوداني الجميل!!
الكاتب: Mohamed Abdelmotalib Hassan
التاريخ: 06-07-2007, 03:19 ص
Parent: #2


السيرة الهبانية....... لعضو اللجان الثورية ............... أبو جنسية نيجيرية!!!!

اسمع:

كدي قول لي انت متنكر لي تاريخك ليه؟؟ قول للناس هنا علاقتك شنو باللجان الثورية بالجماهيرية العربية الليبية
الاشتراكية العظمي جدا ( الاسم عندكم لكن) ... كدي قول لي انت فرقك شنو من الكيزان؟؟ مش سيادتك كعضو في اللجان الثورية
صاحب الفكرة الجهنمية بتاعة اللجان الشعبية في السودان؟؟ ولا عامل فيها رايح وما عارف؟؟ مش دي الفكرة اللي كرست للقبلية
والجهوية في السودان؟؟ وقسمت المواطن الي درجة رابعة حسب القبيلة والجهة وحسب الحزب والانتماء؟؟ مش و قية السكر والرغيفة
كانت بتتوزع للمواطن المسكين بي بطاقة وأصحاب الحظوة والقربي باخدو بلا حساب؟؟ ولا نسيت ولا عامل ناسي؟؟


مش دي اللحان الشعبية اللي أهانت الانسان السوداني في كل شبر من أصقاعه؟؟؟

شوف:

الليلة جاي تعمل فيها مناضل وتوزع في الألقاب والشرايط ؟؟ ده كوز؟؟ وده لوز؟؟ انت فرقك شنو من الكيزان؟؟ انت والكيزان
في سرج واحد؟؟ فهمت ولا لسه؟؟ متخيل انك جيت أمريكا خلاص حتتقمص شخصية جديدة بي لسان جديد وبي فكرة جديدة والموضوع يمشي
علي كده؟؟واهم والله...!!

انت ما عارف انو التاريخ لا يرحم ذو الوجوه المتعدده وأصحاب مقولة لكل حالة لبوس؟؟ .. لا والله ما علينا..... الوهمة دي مشيها علي
زول لابس قنبور؟؟

خلي عندك الشجاعة وقول للناس علاقتك مع اللجان الثورية ؟؟ بدت كيف؟؟ وانتهت كيف؟؟ وليه؟؟ ولا لسه مستمرة؟؟

عليك الله انت في الدنيا دي لما انتميت ما لقيت غير اللجان الثورية؟؟ ووقت طلعت من السودان ما لقيت غير ليبيا؟؟ يعني بقن عليك
الاتنين: ليبيا وأمريكا واليمن ضياع زمن!!! وكمان جات عليها سودانييز اون لاين يعني ضياع زمن من كل الاتجاهات!!!

شوف يا وحيد زمانك:

انت مش قلت جنسيتك وجوازك سحبوهم؟؟ وبتصرخ ليل ونهار جنسيتي جنسيتي؟؟ طيب كدي واحده واحده: انت ما عندك لا جنسية سودانية
ولا جواز ( حسب كلامك بي عضمة لسانك) طيب طلعت من ليبيا وجيت أمريكا بي شنو وكيف؟؟ حاااااوي انت؟؟

أكيد طلعت بي جواز سفر..... ورينا طلعت جواز سفر كيف؟؟ ومن ياتو دولة؟؟ قبل كده في زول قاليك ليك انك طلعت جنسية نيجيرية
وفشلت في الرد عليهو!!! يعني الكلام ده صح؟؟ جاوب بي شجاعة!!!! يبقي حقو تلم خشمك عليك وتسكت لأنو الموضوع ده كده ما كويس
في حقك , بعدين الكلام ده فيهو مسئولية قانونية وانت سيد العارفين الكلام ده يعني شنو!!!

كدي أقنع الناس الهنا دي كيف جنسيتك مسحوبة وجوازك مسحوب وسافرت من ليبيا وجيت أمريكا؟؟؟ وما تعمل فيها ما شايف ولا مطنش
السؤال ده!!! السؤال ده حيظل يطاردك ويلاحقك لحدي ما توري الناس الحقيقة...... انت شكلك ما عارف اني عضمة ناشفة وشوكة حوت!!
يعني الشفتنة ما اتعلمتها علي كبر.... فاهم يا شاطر؟؟؟؟

غرزة وطبزة أولي : الفين سلام وتحية لللجان الثورية ... في كل أركان الجماهيرية...... السموها العربية ... ذات العماد الليبية
أم الصبغة الاشتراكية العطمي جدا جدا أوي.

غرزة وطبزة ما قبل الأخيرة كلاكيت تاني مره: اذا لم تستحي فأصنع ما شئت... صحيح الاختشو ماتو.

غرزة وطبزة قبل أخيرة .. كلاكيت تالت مره: التاريخ لا يعيد نفسه مرتين بنفس الطريقة... فهمت يا مناضل يا جسور؟؟؟

غرزة وطبزة أخيرة... كلاكيت رابع مره: سبق وقلت ليك لما تنشر موضوع هنا أعرضه علي مدقق قانوني عشان انت عارف القانون
الجنائي الأمريكي والكريمينال ديفاميشان وأبعاده. ( أنا شفت وممسح زفت.... لو ما عارف؟ أعرف).

--------------------------------------------------------------------------------
مداخلة: #4
العنوان: Re: وبكى صديقي سعيد في حضرة الكائن السوداني الجميل!!
الكاتب: Nader Abu Kadouk
التاريخ: 06-07-2007, 08:31 ص
Parent: #3


محمد عبد المطلب إنت اهبل ولا انا مجنون ام الحكايه ايه
لو عندك جديد ورينا ليهو
قديتنا بالتكرار
ودابكدوك

--------------------------------------------------------------------------------
مداخلة: #5
العنوان: Re: وبكى صديقي سعيد في حضرة الكائن السوداني الجميل!!
الكاتب: هشام هباني
التاريخ: 07-07-2007, 03:30 م
Parent: #4


ندوري

ازيك يا جميل وينك غايب في الراكايب!؟


--------------------------------------------------------------------------------