مكتبة هشام هباني ( من غشـنا لـيس منـا) يا احمــد الريـح!!
27-06-2006, 08:37 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1164842834&rn=0
--------------------------------------------------------------------------------
مداخلة: #1
العنوان: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 27-06-2006, 08:37 م
Quote: لأنو موضوع اللجوء ده أي زول في أمريكا عارف حكايتو، هو مجرد وسيلة للبقاء في أمريكا والحصول على حق العمل فيها بغرض تحسين الأوضاع، كمان دايرين تحرمو الناس حق البحث عن حياة أفضل وحق رؤية أهلهم بالسودان؟!
ـــــــــــــــــــــــــ
احمد الريح
سلام
الكلام الفوق الخط ده كلامك... في مداخلتك معاي في البوست بتاعي(كيف يمكن ان تكون لاجئا سياسيا...) والحديث الشريف الفي العنوان فوق داك حديث مؤكــد و مشهور!!
كدي دحين يا ابو الاخلاق وابو الاديان ورينا فهمك في الاخلاق والدين في مقارنة بين حديثك وحديث النبي ( ص)!!
هباني ظااااطو
--------------------------------------------------------------------------------
مداخلة: #2
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 27-06-2006, 08:48 م
Parent: #1
اوعي كمان تكون فاهم انو الاسلام بجوز لينا نغش غير المسلمين
يعني تكون فاهم حكاية ( من غشنا) دي مقصودين بيها نحن المسلمين
انو ما نغش بعضنا ..يعني المسلمين ما اغشوا المسلمين بس!!
--------------------------------------------------------------------------------
مداخلة: #3
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 27-06-2006, 09:35 م
Parent: #2
وبعدين يا ابو حميد انت زول تبدو كويس وود ناس ومربى شديد ودايما شايفك كلامك تقيل كلو في الاخلاق والتهذيب والمثل العليابس اظنك الليلة دقست ساكت..وانا متعجب شديد القاك بتايد بصراحة انو الناس تصلح ظروفها هنا في امريكا ولو بالكذب.. وانو هباني ده زول قطاع نصيب ساكت.. وعايز اقطع علي الناس معايشها..وعليك امان الله لو انت اوراقك في امريكاعاملها بالطريقة دي ما عندي معاها شغلة تب لكن الزول بس ما اكضب..علي الاقل الامريكان ديل ناس نحن قاعدين في بلدهم وادونا الامان...فحرام نكضب عليهم وفي نفس الوقت نامن جانب الناس العواليق الهججونا من بلدنا وكتلوا وعذبوا وسرقوا البلد..ومن غير استحياءنتعامل معاهم وندافع عنهم ولا شنو رايك يا الاخو!!
سنده : عارف يا ابو حميد اخوك اليومين ديل جاي مفلس بعدالاجازة الصغيرة دي والشغل في التكسي اليومين ديل سجمان شديد فقلنا ندردش مع اخونا ابو حميد ده ولا رايك شنو؟؟
ظاااااطو
--------------------------------------------------------------------------------
مداخلة: #4
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 27-06-2006, 09:40 م
Parent: #3
وبعدين اي زول عارف حكاية اللجوء دي كيف؟؟
غايتو ما فاهمك قاصـد شنــــو,,,,اشرح بالله!!
--------------------------------------------------------------------------------
مداخلة: #5
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 27-06-2006, 09:50 م
Parent: #4
Quote: Ahmed Alrayah
الحالة: .
عدد البوستات: 2239
تاريخ التسجيل: 21-07-2002
محل الاقامة: الولايات المتحدة الأمريكيّة
: Not shown
عنوان مكتبتى بسودانيزاونلاين دوت كم :
اكلات مفضلة:
الاسم الحقيقى: أحمد الريّح عمر عبدالرحيم أبوبكر
التعليم:
التلفون:
الحالة الاجتماعية: Married
العنوان الدائم:
الفنان المفضل: عبدالعزيز محمد داؤود
اللون السياسى:
النوع: Male
الهوايات المفضلة:
الوظيفة:
تاريخ الميلاد: الحادي عشر من سبتمبر 1978
ـــــــــــــــــــــــــــــــــــــــــــــــــ
بعدين ياحمـــــــــاده انت زول حربي خلاص معقولة مولود في اليوم الحار ده
صغير وجاهل مولود في (11/9) ده ما يوم الكعـــــــــــة ظااااااطها!!
--------------------------------------------------------------------------------
مداخلة: #6
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 28-06-2006, 04:58 ص
Parent: #5
ابو حميــد الزول شبيه الصيد!!
سلامات
نعل ما في عوجــــــــــة يا زول.... ما قال بيجي مالو ما جا!!
اخوك هباني ظاااطو
--------------------------------------------------------------------------------
مداخلة: #7
العنوان: Re: ( من غشـنا لـيس منـا) يا احمــد الريـح!!
الكاتب: Deng
التاريخ: 28-06-2006, 07:41 ص
Parent: #1
هل الكوز أحمد الريح حصل على اللجؤ السياسي بنفس الطريقة؟
أم فاز بقرعة الفيزا.
يا هباني.
شوف لينا فتوة بالله عن القرين كارد لوتري حرام ولا حلال.
دينق.
--------------------------------------------------------------------------------
مداخلة: #8
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 28-06-2006, 01:16 م
Parent: #7
العزيز دينق
اللوتري ده قمار عديل....يعني بتخشوا برسوم محددة وكان ما وقعت ليك القرعة يعني قروشك راحت عليك واطلب الله..اذن هو حــرام!!
يعني اخونا حمادة كان جاء لوتري اكون لعب القمار وارتكب كبيرة وموبقة من الموبقات!!
وكان جاء باللجوء بالكضب والمعلومات المضللة..برضو ارتكب كبيرة وهي الكضب بتوديهو النار!!
وبعدين عايش في امريكا وبدفع ضريبة للحكومة الامريكية.. والحكومة الامريكية بتدعم(اعداء الله) ودي كمان موبقة الموبقات بتوديهو جهنم ظااااطها!!
اها رايك شنو يا دينق اخوي في الفتاوي دي؟؟
الشيخ هباني
--------------------------------------------------------------------------------
مداخلة: #9
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 28-06-2006, 01:20 م
Parent: #8
وبعدين يا دينق اخوي حمادة ده السوداني الوحيد الفي الدنيا بحتفل سرا بعيد ميلادو
عارف لايه؟؟
لانو مولود يوم العكـــــــــــــة ظااااطها الحادي عشر من سبتمبر!!
--------------------------------------------------------------------------------
مداخلة: #10
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 28-06-2006, 06:33 م
Parent: #1
سلام يا هشام،
أخي الحبيب أحمد الريح لا يحتاج من يدافع عنه، لكني لم أستطع الصبر حتي يأتي ليرد علي أسئلتك
فيما يتعلق بكلام أحمد فمن الواضح لكل من قرأ مقالاً لأحمد من قبل أنه يتهكم علي من يفعل ذلك. لأحمد أسلوب ساخر لا يخفي علي أحد؛ فكيف بك وقد تداخلت معه كثيراً من قبل؟!!
وبالمناسبة،
لم يدع أحمد يوماً الكذب علي وطنه لينال اللجوء السياسي - وليس أحمد من يفعل ذلك
وبصراحة؛
لو كان القائمون علي أمر البلاد كأحمد الريح لتغير حالها
--------------------------------------------------------------------------------
مداخلة: #11
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 28-06-2006, 08:10 م
Parent: #10
اخونا خالد
سلامات
ولينا فترة ومن ديك وعيك مارجعت ما قلت بتجي!!
Quote: لو كان القائمون علي أمر البلاد كأحمد الريح لتغير حالها
كتر خيرك في الدفاع عن صاحبك ودي محمدة....لكن صاحبك كلامو اعوج تب وما بنبلع وما اظن الزول بهاظر وساخر زي ما بتفترض..ده زول جاد وانا عارفو وتقيل اوي اوي!!
و البلد السجمانة الراجية ود الريح ظاااطها ما هو القائمين علي امرها في شاكلة اخونا ود الريح. ظاااطو عطر الله ثراه ...ياها الميكافيلية والتزوير والكذب والتبرير ولله في خلقه شئون!!
ظاااطو
--------------------------------------------------------------------------------
مداخلة: #12
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 29-06-2006, 08:06 ص
Parent: #11
Quote: قلنا ده أمر خاص، ولا لسه عندك راي تاني؟!
يا ابو حميد فعلا باجابتك الخجولة دي خليتني اصدق افتراضي
وهواجسي بانك من المستفيدين من حق اللجوء السياسي وخجلان منها
لانها بتحرجك جدا جدا مع احبابك!!
في اتنظار ردك
--------------------------------------------------------------------------------
مداخلة: #13
العنوان: Re: ( من غشـنا لـيس منـا) يا احمــد الريـح!!
الكاتب: Deng
التاريخ: 29-06-2006, 08:13 ص
Parent: #1
شيخنا هباني.
رأيك شنوا في الكيزان الذين حصلوا على جنسيات من الغرب وأمريكا؟
وأنت زي ما عارف يا شيخنا, من ضمن الشروط للحصول على تلك الجنسيات يجب حلف قسم اليمين بالولاء والدفاع عن تلك الدول.
هل يجوز ذلك يا شيخنا؟ وهسع أحمد الريح ده بكون حالف على شنو يا رب؟
دينق.
--------------------------------------------------------------------------------
مداخلة: #14
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 29-06-2006, 08:31 ص
Parent: #13
الابن دينق حفظه الله
السلام عليكم ورحمة الله تعالي وبركاته
ان اداء القسم من قبل مسلم بالغ لكافر ذمي يتعهد فيه بحماية دولة الكفر والاشراك
التي تعاون اعداء الاسلام ضد اهل الاسلام لهو كفر صريح يدخل صاحبه النار!!
ولا مجال للقاسم غير التوبة التوبة ومغادرة ارض الكفر والاشراك حتي يغفر الله له
هذا الذنب العظيم!!
جزاك الله عنا كل خير ابننا دينق
الشيخ هباني
--------------------------------------------------------------------------------
مداخلة: #15
العنوان: Re: ( من غشـنا لـيس منـا) يا احمــد الريـح!!
الكاتب: Deng
التاريخ: 29-06-2006, 08:36 ص
Parent: #1
يا شيخنا.
ماذا بشئن الدولارات التي تم جمعها من تلك الدول؟
هل هي حلال أم حرام؟
دينق.
--------------------------------------------------------------------------------
مداخلة: #16
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 29-06-2006, 08:56 ص
Parent: #15
الابن دينق حفظك الله
السلام عليكم ورحمة الله تعالي وبركاته
ان دولارات الغرب الكافر بلا شك لهي اموال مدنسة برجس الشيطان لانها معطونة في معاملات الربا والميسر وتجارة الخمور والدعارة اي ارتكاب الفاحشة وايضا هي اموال غير مزكاة بل مستقطع من اصحابها ضرائب تذهب لخدمة دولة الشيطان لمعاداة امة الاسلام..اذن حرمتها لا غبار عليها وصاحبها مشرك بالله وهو ذاهب الي جهنم وبئس المصير!!
سندة: ارجو ان يكون اخونا احمد الريح جزاه الله عنا كل خير ليس منهم.
جزاك الله عنا كل خير ابننا دينق هداه الله
الشيخ هباني
--------------------------------------------------------------------------------
مداخلة: #17
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 29-06-2006, 09:25 ص
Parent: #1
سلام يا هشام،
زي ما قلت قبل كده، أحمد قادر يدافع عن نفسه ..
أما بخصوص الموضوع التاني، أنا رجعت ليهو من بدررررررري ..
بس إنت شكلك ما مشيت عليهو تاني
--------------------------------------------------------------------------------
مداخلة: #18
العنوان: Re: ( من غشـنا لـيس منـا) يا احمــد الريـح!!
الكاتب: Mohamed Elboshra
التاريخ: 29-06-2006, 12:31 م
Parent: #17
Quote: الشيخ هباني
جينا نقول سلام
ونقول ليك انت قريت (عبري) واللا (شريعة)
وما تضايقو الناس في اكل عيشها
--------------------------------------------------------------------------------
مداخلة: #19
العنوان: Re: ( من غشـنا لـيس منـا) يا احمــد الريـح!!
الكاتب: wesamm
التاريخ: 29-06-2006, 12:52 م
Parent: #18
ودهباني ودينق وكل الحادبين علي مصلحة الوطن والمكتوين بنار كيزان الشيطان معا لنعطي هذا الامر الاهمية القصوي ولنفضح اكاذيبهم للسلطات في كل دول الغرب وخاصة امريكا ليتم كشف وترحيل هولاء الكلاب من منافينا وليذهبوا الي دولة العادلة والرفاه والفضيلة او يبحثوا عن منفي اخر عله في قندهار او اطفهان.
ولاننسي ان هولاء الاوغاد استغلوا فرص منح اللجوء وخاصة في الغرب الصليبي لدرجة ان الوغد دكتور الفضيحة الهارب التيجاني المشرف كان واحدا من هولاء الانتهازين والمعروف ان المجرم التجاني المشرف من كبار الكيزان وكان رئيس اتحاد طلاب جامعة الخرطوم في فترة التسعينيات.
--------------------------------------------------------------------------------
مداخلة: #24
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 29-06-2006, 03:38 م
Parent: #19
الاخ ابو العز
سلامات
هذا واجب اخلاقي وانساني ووطني ان نساهم في كشف هؤلاء الكذبة الارزقية
معدومي الضمير تركنا لهم الوطن قسرا فلاحقونا في المنافي كلابا في خدمة رؤسائهم في الخرطوم.. وطالما لم يرحمونا في اوطاننا كيف نطيقهم هاهنا جواسيس علينافي المنفي اللئيم!!
محبتي
هباني
--------------------------------------------------------------------------------
مداخلة: #23
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 29-06-2006, 03:28 م
Parent: #18
حبيبنا ود البشرى
سلامات يا زول يا جدع
والله مشتاقين.. وحمدا لله الشفناك وتحياتنا للمدام والعيال
وكل الحلوين في لندن وهولندا.
اما بخصوص العبرية قلنا نخليها ما بتاكل عيش فالدين هذه الايام سلعة رائجة
ولذلك فتح الله علينا ببصيرة في الدين ولله الحمد!!
هباني
--------------------------------------------------------------------------------
مداخلة: #20
العنوان: Re: ( من غشـنا لـيس منـا) يا احمــد الريـح!!
الكاتب: شرف الدين آدم إسماعيل
التاريخ: 29-06-2006, 01:46 م
Parent: #1
Quote:
كدي دحين يا ابو الاخلاق وابو الاديان ورينا فهمك في الاخلاق والدين في مقارنة بين حديثك وحديث ال
نبي ( ص)!!
هو بالله كده
--------------------------------------------------------------------------------
مداخلة: #21
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 29-06-2006, 02:55 م
Parent: #20
اخوي خالد
سلامات
ما دام اخوك الكاشف ما جاي..كدي خلينا ندردش معاك انت ياظريف!!
انت رايك شنو في كلام صاحبك الفوق ده بامانة واستحلفك بالله من منظور ديني واخلاقي؟؟
نسمع منك لمنفعة الجميع.
هباني
--------------------------------------------------------------------------------
مداخلة: #22
العنوان: Re: ( من غشـنا لـيس منـا) يا احمــد الريـح!!
الكاتب: AMNA MUKHTAR
التاريخ: 29-06-2006, 03:08 م
Parent: #1
Quote: ...ياها الميكافيلية والتزوير والكذب والتبرير ولله في خلقه شئون!!
ود هبانى فعلا الكثير من ألكيزان وأذيالهم سافروا عن طريق اللجوء السياسى ..
الى استراليا وكندا وأمريكا ومعظم دول العالم الأول ، بالرغم من ذلك تجدهم
من أبرز المجاهدين فى هذا المنبر ومنابر أخرى مدافعين عن حكومة المدينة
الفاضلة !!
--------------------------------------------------------------------------------
مداخلة: #25
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 29-06-2006, 04:30 م
Parent: #1
سلام يا هشام،
لو كنت أعلم أن أحمد يقصد المعني المباشر للكلام لكنت من أوائل من يلومه عليه ..
لكني أعلم المقصد من وراء كلام أحمد ..
وغداً يتضح لك صحة كلامي
-----------------
بالمناسبة، غداً دي مجازية المقصود بيها في المستقبل؛ عشان مافي واحد يجي بكرة الصباح بدري ويشبكنا ما قلتو نوبة!
--------------------------------------------------------------------------------
مداخلة: #26
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 29-06-2006, 05:19 م
Parent: #25
خالد اخوي سلام
لسه عندي الرغبة اتونس بيك
يعني اخوك الكاشف ما قاصد الكلام القالو حسب اجتهادك وافتراضك الحسن في الكاشف صاحبك....طيب ما اجي الكاشف وهو ما شاء الله زول فصيح ومتمكن واوضح الكلام ده!!
طيب انت حتلومو لايه لو طلع الكلام قاصدو زي ما قلت ؟؟
وبعدين وينك انت عايش يا خالد صاحب الكاشف؟؟
هباني
--------------------------------------------------------------------------------
مداخلة: #27
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 29-06-2006, 07:13 م
Parent: #1
Salam ya Hisham
I just want to say that I don't like the way you are talking to me. If you really want to be engaged in a discussion that could lead somewhere, then you should not make fun of others. No one who has self-respect will respond to you if you keep on addressing them like that.
On the other hand, if the whole thing is that you have spare time and you want something to fill it with, then I am sorry. I don't have enough time for that.
With due respect,
Khalid
--------------------------------------------------------------------------------
مداخلة: #28
العنوان: Re: ( من غشـنا لـيس منـا) يا احمــد الريـح!!
الكاتب: Deng
التاريخ: 29-06-2006, 07:32 م
Parent: #1
يا خالد.
كلام أحمد الريح واضح وضوح الشمس وتفسيرو واضح جدا.
دينق.
--------------------------------------------------------------------------------
مداخلة: #29
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 29-06-2006, 08:48 م
Parent: #28
خالد اخوي
سلامات
مالو كلامك فجأة بقى رطانة بالانجليزي السمح ده!!
ده كلو عشان سالناك بس مجرد سؤال عملت زعلان ..الله معاك بالتوفيق والنجاح..
وكان ات معانا هنا في امريكا ان شاء الله انت ظاااطك تاخد لجوء وكمان بدل واحد الله اديك تلاتة لجوءات ولله في خلقه شئون!!
هباني
--------------------------------------------------------------------------------
مداخلة: #30
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 30-06-2006, 09:49 ص
Parent: #28
يا دينق،
أصبر شوية وإنت تعرف أحمد قصدو من الكلام ده شنو ..
--------------------------------------------------------------------------------
مداخلة: #31
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 30-06-2006, 09:56 ص
Parent: #1
سلام يا هشام،
إستيائي كان من أسلوب الحوار؛ ما من السؤال ..
أمّا بخصوص اللجوء فرأيي واضح في كل من يستغل مشاكل البلد عشان يحصل علي اللجوء السياسي بالكذب.
وإطمئن؛ أنا ما معاكم في أميركا، وما عندي غير الجنسية السودانية
واسأل الله سبحانه وتعالي إني ما أحتاج لإني أعمل لجوء سياسي أبداً ..
--------------------------------------------------------------------------------
مداخلة: #32
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 30-06-2006, 10:28 ص
Parent: #31
العزيز خالد
سلامات
المهم حصل خير... بس برضو دي مناسبة خليني اتناقش معاك وانت زي ما قلت متواجد بالسودان..وربنا ما احوجك للجوء..وده كلام جميل..
انا عايز رايك بصراحة مما يدور في السودان الان بعد سبعتاشر سنة من عمر هذا النظام القذر في السلطة هل انت كمواطن سوداني راض عن اداء هذا النظام ولماذا؟؟؟ واذا لم تكن راضياايضا برر سبب عدم الرضا؟؟ نسمع منك يا عزيز
محبتي واحترامي
هباني
--------------------------------------------------------------------------------
مداخلة: #36
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 02-07-2006, 06:04 م
Parent: #32
سلام يا هشام،
سبق وأن ذكرت رأيي فيما يحدث في السودان عندما سألتني عن ذلك في المرة السابقة.
في رأيي أن للنظام الحاكم إخفاقات علي مختلف الأصعدة - وبخاصة في سنوات حكمه الأولي. الوضع الآن برمته غير مطمئن ولا أحد يعلم ما ستؤول إليه الأمور في المستقبل القريب ..
لكن رأيي دوماً أن الإنتقاد من أجل الإنتقاد لن يقودنا للأمام. ولأنني لا أنتمي إلي أي حزب أو جماعة سياسية، فبإمكاني تقييم الأمور بصورة أكثر حيادية. لذلك أقول بأن للنظام الحاكم بعض الإيجابيات كذلك - وإن كانت لا تغطي علي السلبيات.
----------
وبالمناسبة،
أنا ما قلت إني حالياً في السودان!
--------------------------------------------------------------------------------
مداخلة: #42
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 03-07-2006, 09:31 ص
Parent: #36
Quote: لكن رأيي دوماً أن الإنتقاد من أجل الإنتقاد لن يقودنا للأمام. ولأنني لا أنتمي إلي أي حزب أو جماعة سياسية، فبإمكاني تقييم الأمور بصورة أكثر حيادية. لذلك أقول بأن للنظام الحاكم بعض الإيجابيات كذلك - وإن كانت لا تغطي علي السلبيات.
الاخ خالد
سلامات
حسب قولك انك لا تنتمي لاي مجموعة سياسية ولكن من حقي المشروع ان اوجه اليك السؤالين التاليين :
هل عدم انتمائك لاي حزب سياسي يعفيك كمواطن سوداني حر بالغ من المشاركة في التغيير ومقاومة الفساد والظلم وانصاف المظلومين وانت تميز الحق من الباطل ...والاثر المقدس يقول :من راي منكم منكرا فليغيره بيده او بلسانه او بقلبه وهو اضعف الايمان ,,والساكت عن الحق شيطان اخرس؟؟
وهل هنالك حيادية في المواقف الوطنية بين الحق والباطل؟؟
تحياتي
هباني
--------------------------------------------------------------------------------
مداخلة: #33
العنوان: Re: ( من غشـنا لـيس منـا) يا احمــد الريـح!!
الكاتب: Deng
التاريخ: 30-06-2006, 10:44 م
Parent: #1
Quote: وإطمئن؛ أنا ما معاكم في أميركا، وما عندي غير الجنسية السودانية
واسأل الله سبحانه وتعالي إني ما أحتاج لإني أعمل لجوء سياسي أبداً ..
أخونا خالد.
طيب مش مفروض يكون عندك وضع قانوني معين؟
ولا أنت جيت أمريكا مبتعث على حسابك الخاص أو حساب الدولة؟
كده ورينا وضعك القانوي ده بعدين تعال نتفاهم.
أما صديقك أحمد الريح فهوا كذاب ومنافق من الدرجة الاولى.
دينق.
--------------------------------------------------------------------------------
مداخلة: #34
العنوان: Re: ( من غشـنا لـيس منـا) يا احمــد الريـح!!
الكاتب: Deng
التاريخ: 01-07-2006, 06:48 ص
Parent: #1
شيخنا هباني.
ما هو حكم الشرع في الشخص الذي يكذب على غير المسلمين, ويقيم في بلدهم بطريقة غير شرعية؟
دينق.
--------------------------------------------------------------------------------
مداخلة: #35
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 01-07-2006, 09:10 ص
Parent: #34
الابن دينق رعاك الله
السلام عليكم ورحمة الله تعالى وبركاته
الكذب خصلة ذميمة ترفضها كل الاديان والاعراف والقوانين وفي الاسلام بالطبع كرسالة سماوية تعرض القران الكريم لهذه الخصلة الذميمة محرما اياها و في الاثر هنالك حديث شريف مؤكد وصريح للنبي ( ص) يقول ( من غشنا ليس منا) .. اذن الكذب والخداع حــــرام
والحصول علي اية فائدة بالكذب والخداع والتضليل تبطل هذه المنفعة وشرعيتها.. ولذلك حرام وحرام اسلاميا الحصول علي اقامة امريكية باسم اللجوء لشخص بالغ عاقل قد استعمل الكذب والخداع في تقديم معلومات مضللة لجهات الاختصاص وجزاك الله عنا كل خير ابننا دينق
والسلام.
الشيخ هباني
--------------------------------------------------------------------------------
مداخلة: #37
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 02-07-2006, 06:10 م
Parent: #1
أهلاً يا دينق،
صاحبي أحمد الريح أقدر علي الدفاع عن نفسه. وأنا أعلم يقيناً إنو لا كذاب ولا منافق ..
أما بخصوص سؤالك عن وضعي القانوني في أميركا فببساطة الإجابة هي:
أنا ما قاعد أصلاً في أميركا ولا عمري زرتها!
--------------------------------------------------------------------------------
مداخلة: #38
العنوان: Re: ( من غشـنا لـيس منـا) يا احمــد الريـح!!
الكاتب: Deng
التاريخ: 02-07-2006, 06:26 م
Parent: #1
المعزرة لك يا خالد, لسؤ الفهم.
أرجو أن تقبل أعتزاري لك.
Quote: أنا ما قاعد أصلاً في أميركا ولا عمري زرتها!
أنت يا خالد بتلف وبتدور مالك, خلي كلامك يكون واضح من الاول.
يعدين من أسلوبك ده واضح جدا أنت كوز وبتحاول تدافع عن أحمد الريح.
بعدين أنت لو عمرك ما زرت أمريكا, بتعرف شنوا عن الكوز الارهابي أحمد الريح أصلا؟
دينق.
--------------------------------------------------------------------------------
مداخلة: #39
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 02-07-2006, 07:26 م
Parent: #1
ضحكتني يا دينق ..
إنت بتتكلم بالجد ولا بتهظر؟!!! ياخي أقرا الكلام بالراحة قبل ما ترد..
كلامي الأول كان واضح: أنا ما معاكم في أميركا!
بعدين نحن بنتناقش تقوم طوالي تطلعني كوز!!! دي ما سبقك عليها زول!
ياخي خليك موضوعي شوية وبلاش حكاية إنت كده وإنت كده البتكتبها بعد كل كلمتين أو تلاتة!
أما سؤالك الأخير فبرضو جوابو بسيط وبديهي:
إنت أحمد الريح ده مولود في أميركا ولا كان عايش في السودان!
-----
بالمناسبة،
شايفك طلعت أحمد إرهابي المرة دي!!!
--------------------------------------------------------------------------------
مداخلة: #40
العنوان: Re: ( من غشـنا لـيس منـا) يا احمــد الريـح!!
الكاتب: ABDELMAGID ABDELMAGID
التاريخ: 03-07-2006, 00:27 ص
Parent: #39
Quote: تاريخ الميلاد: الحادي عشر من سبتمبر
اللييييله !!!
مره واحده ؟؟؟
و عديل كدى ؟؟؟؟ و بالحرف مو بالنمره كمان ؟؟؟؟
عبدالماجد
--------------------------------------------------------------------------------
مداخلة: #41
العنوان: Re: ( من غشـنا لـيس منـا) يا احمــد الريـح!!
الكاتب: Deng
التاريخ: 03-07-2006, 06:54 ص
Parent: #1
أين هرب الارهابي أحمد الريح؟
دينق.
--------------------------------------------------------------------------------
مداخلة: #43
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 13-07-2006, 07:23 ص
Parent: #1
يا دينق،
حصل خير وإعتذارك مقبول، وأحيي شجاعتك في الإعتراف بالخطأ ...
--------------------------------------------------------------------------------
مداخلة: #44
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 13-07-2006, 07:24 ص
Parent: #1
سلام يا هشام،
أعد بالعودة للرد علي كلامك حالما أجد الوقت إن شاء الله ...
--------------------------------------------------------------------------------
مداخلة: #45
العنوان: Re: ( من غشـنا لـيس منـا) يا احمــد الريـح!!
الكاتب: Deng
التاريخ: 13-07-2006, 07:26 ص
Parent: #1
مافي مشكلة يا خالد.
بس كده أحمد الريح يجينا مارق بي جاي.
دينق.
--------------------------------------------------------------------------------
مداخلة: #46
العنوان: Re: ( من غشـنا لـيس منـا) يا احمــد الريـح!!
الكاتب: hatim
التاريخ: 13-07-2006, 09:51 ص
Parent: #45
Quote: لأنو موضوع اللجوء ده أي زول في أمريكا عارف حكايتو، هو مجرد وسيلة للبقاء في أمريكا والحصول على حق العمل فيها بغرض تحسين الأوضاع، كمان دايرين تحرمو الناس حق البحث عن حياة أفضل وحق رؤية أهلهم بالسودان؟!
مولانا هشام هباني...
..أنت ما فهمت كلام أحمد الريح..الراجل قال هو عارف حكاية اللجوء ده أنو كلوا كذب .. طبعا ما كلو اللجوء ..أنت عممت الموضوع ليه..؟؟ ، ده مختصر كلامو طيب أنت هس كذبت ولا ما كذبت لمن جيت أمريكا..لو إجابتك نعم ..يبقى مافي كلام تاني لأنك بقيت أزفت منو ..!! ولو إجابتك لا ،يبقى إحتمال بقيت في صف واحد مع أحمد الريح يمكن ما كذب...طيب أنت أصدرت فتاويك العاملة زي كاويك اللوبي ده على أنو أي واحد جا أمريكا لوتري ولا غير لوتري يبقى وضعوا حـــــــرام..إذن كلامك بجر معاك ناس كتار ..
أحمد لو جا للرد أنت احتمال تخسر الناس المعاك في أمريكا ديل كلهم مع أنو انا ما شايف اي شيء يخليك تفتي لو الواحد يجي أمريكا كلجوء سياسي لو شايف نفسو مظلوم- كونو الواحد مظلموم ده معناه أنو يتجدر من المبادئ-ولا لوتري لو شايف أنو ممكن يخدم في تطوير أي علم من العلوم ..أمريكا ده ما فيها غير الحرام أهو ناس الشرق ودارفور بيأكلو في المكتوب عليه ميد ان أميركا..ليه ماقالو حرام وماتو بالجوع أنت نسيت فقه الضرورة ولا شنو يا مولانا....
--------------------------------------------------------------------------------
مداخلة: #47
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 13-07-2006, 03:25 م
Parent: #1
سلام يا هشام،
نعم معك حق. يجب علي كل منّا مقاومة الظلم والفساد والسعي لإنصاف المظلوم - كل حسب طاقته ...
من جهتي قدرت أنني فرد، وليس بمقدوري منفرداً تغيير مالا يُرضي. ونظرت فلم أجد نفعاً في الأحزاب والجماعات السياسية الموجودة. فآثرت النأي بنفسي عن السياسة والسعي لأكون مفيداً للوطن عندما يحتاج إليّ.
قد لا يكون هذا حلاً أمثلاً، ولكن دعني اسألك بالله عليك وأنت تعتبر نفسك مناضلاً ضد النظام القائم؛ ما الذي أنجزته من خلال ما تفعل؟ بل ما الذي أنجزه كل المناضلين عن بعد الذين يعج بهم المنبر؟!!
لا شئ!
لم يتغير النظام ولم يهتز للعنتريات التي نجدها مكتوبة هنا!
أرجو ألا يفهم من كلامي هذا أنني أؤيد حمل السلاح؛ فعاقبة ذلك تقع أولاً علي المساكين الذين لا ذنب لهم. ودونك دارفور وما يحدث فيها
لا تسلني ما الحل. فلو وجدت الحل لإنصاف المظلومين لما احتجت لتسأل.
ولكن يقيني أن معظم ما نقرأه هنا هو زوابع في فناجين، سرعان ما تهدأ فتجد المحصلة صفراً كبيراً ...
علي كلٍ فإن لكل منا قناعاته. وقناعتي كانت وما زالت الإبتعاد عن السياسة وألعابها القذرة.
--------------------------------------------------------------------------------
مداخلة: #49
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 13-07-2006, 06:16 م
Parent: #47
عزيزي حاتم
سلامات
غايتو عمك ولا اخوك هباني بعد معافرتو السجمانة دي والدهجي مع النظام ده
لو بعد ده كان مكضب في (كيسو) واخد لجوء اوانطة ساكت ..غايتو شدو حيلكم واتلزموا با ناس الحيكومة من الناس الجد جد الما كضبوا...اذا كان كضابن زي اخوك هباني ومال الجد جد ديل اكونوا كيفن!!
احترامي
هباني
--------------------------------------------------------------------------------
مداخلة: #50
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 13-07-2006, 06:23 م
Parent: #47
Quote: نعم معك حق. يجب علي كل منّا مقاومة الظلم والفساد والسعي لإنصاف المظلوم - كل حسب طاقته ...
خالد
سلامات
ارنا ما فعلته لمظاليم السودان حسب قدرتك ولو باضعف الايمان ولو بمقالة او مجرد امتعاض حتى نصدقك القول وحاشاك انت ايها الصديق من العنتريات!!
وكي تنصر الحق ليس بالضرورة ان تكون مشتغلا بالسياسة لانها قضية اخلاقية وانسانية وليست سياسية!!
هباني
--------------------------------------------------------------------------------
مداخلة: #51
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 13-07-2006, 06:38 م
Parent: #47
Quote:
من جهتي قدرت أنني فرد، وليس بمقدوري منفرداً تغيير مالا يُرضي. ونظرت فلم أجد نفعاً في الأحزاب والجماعات السياسية الموجودة. فآثرت النأي بنفسي عن السياسة والسعي لأكون مفيداً للوطن عندما يحتاج إليّ.
قد لا يكون هذا حلاً أمثلاً، ولكن دعني اسألك بالله عليك وأنت تعتبر نفسك مناضلاً ضد النظام القائم؛ ما الذي أنجزته من خلال ما تفعل؟ بل ما الذي أنجزه كل المناضلين عن بعد الذين يعج بهم المنبر؟!!
لا شئ!
لم يتغير النظام ولم يهتز للعنتريات التي نجدها مكتوبة هنا!
أرجو ألا يفهم من كلامي هذا أنني أؤيد حمل السلاح؛ فعاقبة ذلك تقع أولاً علي المساكين الذين لا ذنب لهم. ودونك دارفور وما يحدث فيها
لا تسلني ما الحل. فلو وجدت الحل لإنصاف المظلومين لما احتجت لتسأل.
ولكن يقيني أن معظم ما نقرأه هنا هو زوابع في فناجين، سرعان ما تهدأ فتجد المحصلة صفراً كبيراً ...
علي كلٍ فإن لكل منا قناعاته. وقناعتي كانت وما زالت الإبتعاد عن السياسة وألعابها القذرة.
ــــــــــــــــــــــــــــــــــــــــــ
الاخ خالد
سلامات
ان عجزي ان انجز شيئا يا سيدي لتغيير النظام ليس هو اخر المطاف وليس مدعاة لك للتقاعس عن مناصرة المظاليم في وطنك المظلوم وعذرا لك للتهرب من مسئوليتك الفردية الوطنية للادلاء بدلوك في قضايا مصيرية وطنية ..فقد فعلنا قدر الاستطاعة..ولم ندعي النضال ابدا..ولكن ارنا انت ايها الصادق الصدوق بذلك وعطاءك للوطن الذي يحتاجك الان
وليس بالضرورة الحل عند الجماعات السياسية والاحزاب ففشلها ابدا لن يعطيك عذرا للهروب من مواجهة الواقع؟؟
هباني
--------------------------------------------------------------------------------
مداخلة: #54
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 15-07-2006, 07:58 م
Parent: #51
سلام يا هشام،
دعني اسألك مرة أخري؛ ما الفائدة الملموسة التي جناها الوطن من إدلاء كل من هب ودب بدلوه في "القضايا المصيرية الوطنية"؟!! النقطة التي أريد إيضاحها أن الكلام لوحده لا يفيد. ولعلك تعرف المثل القائل (أسمع جعجعة ولا أري طحناً!)
ولنكون عمليين أكثر، دعني اسألك: كيف تتم مواجهة الواقع وفق ما تراها (بعيداً عن إدلاء المرء بدلوه في القضايا المصيرية الوطنية!)؟؟!!
لم أدعِ يوماً أنني بذلت للوطن كما يجب؛ لكنّي -وكما قلت- في مرحلة الإعداد لأن أفعل. كثيراً ما استاء لما اقرأ من أخبار بلدي؛ ولكني أعلم أن تسويدي لصفحات المنبر بالكتابة لن يغير شيئاً. ولذلك أفضل إستغلال ذلك الوقت فيما يفيد.
برأيي أن أغلب ما يكتب هنا عن "القضايا المصيرية الوطنية" لهو عبارة عن تفريغ لشحنات عاطفية ليس إلا. ولذلك يجئ بدون حلول عملية. فإن كان هذا هو ما تعنيه بإدلاء المرء بدلوه في القضايا المصيرية الوطنية، فأحمد الله سبحانه وتعالي علي عدم مشاركتي فيه!
--------------------------------------------------------------------------------
مداخلة: #55
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 15-07-2006, 08:07 م
Parent: #54
Quote:
ولنكون عمليين أكثر، دعني اسألك: كيف تتم مواجهة الواقع وفق ما تراها (بعيداً عن إدلاء المرء بدلوه في القضايا المصيرية الوطنية!)؟؟!!
لم أدعِ يوماً أنني بذلت للوطن كما يجب؛ لكنّي -وكما قلت- في مرحلة الإعداد لأن أفعل. كثيراً ما استاء لما اقرأ من أخبار بلدي؛ ولكني أعلم أن تسويدي لصفحات المنبر بالكتابة لن يغير شيئاً. ولذلك أفضل إستغلال ذلك الوقت فيما يفيد.
برأيي أن أغلب ما يكتب هنا عن "القضايا المصيرية الوطنية" لهو عبارة عن تفريغ لشحنات عاطفية ليس إلا. ولذلك يجئ بدون حلول عملية. فإن كان هذا هو ما تعنيه بإدلاء المرء بدلوه في القضايا المصيرية الوطنية، فأحمد الله سبحانه وتعالي علي عدم مشاركتي فيه!
الاخ خالد
مثلما ذكرت انك في مرحلة الاعداد لكي تفعل شيئا فنحن والوطن في انتظارك
حتى تاتينا بالخبر اليقين والحل المكين!!
هباني
--------------------------------------------------------------------------------
مداخلة: #56
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 15-07-2006, 08:24 م
Parent: #55
سلام يا هشام،
ألاحظ أنك لم تجب علي سؤالي هذا:
Quote:
كيف تتم مواجهة الواقع وفق ما تراها (بعيداً عن إدلاء المرء بدلوه في القضايا المصيرية الوطنية!)؟؟!!
--------------------------------------------------------------------------------
مداخلة: #57
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 15-07-2006, 09:01 م
Parent: #56
خالد
سلامات
ادخل في الموضوع ادناه وستجد الاجابة وليتك تكون طرفا فيها وخاصة وانت لا زلت في فترة اعداد كما تقول لتفعل:
اما ان الاوان لبنــاء التنظيــم الوطنــــي الحلم الكاســح؟؟
--------------------------------------------------------------------------------
مداخلة: #48
العنوان: Re: ( من غشـنا لـيس منـا) يا احمــد الريـح!!
الكاتب: يوسف الولى
التاريخ: 13-07-2006, 03:43 م
Parent: #1
Quote: اللوتري ده قمار عديل....يعني بتخشوا برسوم محددة وكان ما وقعت ليك القرعة يعني قروشك راحت عليك واطلب الله..اذن هو حــرام!!
اخى هشام
تحيه طيبه عطره
بالمناسبه الحكومه الامريكيه بتخلى الناس يقدمو للوترى بالمجان
يعنى ماف رسوم تقديم وما اظن المعلومه دى تكون خافيه عليك ... اما اللوترى الفيهو قروش دا لوترى تانى.....
اما باقى كلامك فاوافق عليه قلبا وقالبا
بالمناسبه دى الناس الماتو فى ميدان مصطفى محمود هل هم شهداء ؟؟
والناس الدخلت اسرائيل بحثا عن لجوء ديل تصنيفم كيف
مع خالص الود
--------------------------------------------------------------------------------
مداخلة: #52
العنوان: Re: ( من غشـنا لـيس منـا) يا احمــد الريـح!!
الكاتب: Deng
التاريخ: 14-07-2006, 09:01 م
Parent: #1
أين هرب أحمد الريح من هذا البوست المفتوح بأسمه؟
دينق.
--------------------------------------------------------------------------------
مداخلة: #53
العنوان: Re: ( من غشـنا لـيس منـا) يا احمــد الريـح!!
الكاتب: hatim
التاريخ: 15-07-2006, 05:08 ص
Parent: #52
أحمد الريح يترفع عن مثل هذه الأمكنة ....ولا أرى شيئا يستحق الرد عليه..
مع الاحترام للجميع
--------------------------------------------------------------------------------
مداخلة: #58
العنوان: Re: ( من غشـنا لـيس منـا) يا احمــد الريـح!!
الكاتب: هشام هباني
التاريخ: 17-07-2006, 01:17 م
Parent: #53
حاتم
وانت تنصح صاحبك ان لا يرتاد مثل هذه الامكنة ولكن ما الذي اتى بك انت اليها
ايها( الرمة)!!
--------------------------------------------------------------------------------
مداخلة: #59
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 17-07-2006, 04:28 م
Parent: #1
سلام يا هشام،
دخلت إلي الموضوع الذي رشحته لي. للأمانة فإن بداية الموضوع كانت مبشرة، ولكن ما أن بدأت اقرأ أكثر حتي توقفت...
أولي المداخلات إقترحت بعض الأسس للتنظيم الجديد أمّنت أنت عليها بلا تحفظ. لفت نظري من بينها فصل الدين عن الدولة.
باختصار فإنني ضد فصل الدين عن الدولة. فالإسلام شامل لكل ضروب الحياة، وإلا فلماذا نجد له أحكاماً وضوابطاً محدده في كل شئ تقريباً؟!!
أعلم أن رأيي لن يروق لكثيرين، وخاصة بعد تجربة الإنقاذ...
لكن هذه قناعتي ...
وبالمناسبة،
أميريكا التي يعتبرها الكثيرون رائدة الحرية (!) ليست دولة علمانية. وأنت تعلم بحكم عيشك هناك أن الدستور الأميريكي يعرف أميريكا كدولة مسيحية؛ أليس كذلك؟!!
علي كلٍ، وبغض النظر عن هذه النقطة الأساسية، يبرز سؤالان:
ما هي آلية إنشاء مثل هذا التنظيم؛ وأعني بذلك أنّك وأغلب مناصري الفكرة تعيشون خارج السودان، فكيف لتنظيم كهذا -يفترض أنه جامع لكل ألوان الطيف - أن يتحول واقعاً في السودان؟! اللهم إلا إذا كان سينشأ خارج البلاد - وفي هذه الحالة فإني أضمن لك شهادة وفاته قبل أن يبدأ؛ حيث ثبت في كثير من الأحداث أن السياسيين والمعارضين بالخارج يعيشون في وادي وباقي الشعب يعيش في وادي آخر.
السؤال الثاني هو: ما الفرق بين هذا التنظيم وتنظيم "كفاية" الذي أُنشئ مؤخراً؟!!
علي كلٍ لا أريد أن أكون متشائماً، ولكن من قراءة سريعة لأغلب المداخلات كوّنت فكرة عن التنظيم الذي تدعو إليه ...
وبصراحة فإنه إمّا أن يشمل هذا التنظيم الكل فعلاً (أعتقد أن إسم التنظيم "العنقاء" سيكون مناسباً أكثر في هذه الحالة!)
أو أن هذا التنظيم -ككل التنظيمات الأخري - يقوم علي أسس محددة سلفاً (تتضح من أغلب المداخلات)؛ وفي هذه الحالة فإنه لا يلبي طموحي ...
--------- ------
بالمناسبة،
من أين جئت بمعلومة أن معظم اللامنتمين يؤيدون فكرة الدولة العلمانية؟!!
--------------------------------------------------------------------------------
مداخلة: #60
العنوان: Re: ( من غشـنا لـيس منـا) يا احمــد الريـح!!
الكاتب: Deng
التاريخ: 18-07-2006, 03:04 م
Parent: #1
فوق.
من أجل فضح الكيزان وتعريتهم.
دينق.
--------------------------------------------------------------------------------
مداخلة: #61
العنوان: Re: ( من غشـنا لـيس منـا) يا احمــد الريـح!!
الكاتب: Deng
التاريخ: 19-07-2006, 11:28 ص
Parent: #1
لن ترتاح يا كوز.
دينق.
--------------------------------------------------------------------------------
مداخلة: #62
العنوان: Re: ( من غشـنا لـيس منـا) يا احمــد الريـح!!
الكاتب: Deng
التاريخ: 20-07-2006, 08:12 ص
Parent: #1
هل هرب الكوز أحمد الريح من شيكاغوا معقل الكيزان لولاية فيرجينيا, بعد أحداث الحادي عشر من سبتمبر؟
دينق.
--------------------------------------------------------------------------------
مداخلة: #63
العنوان: Re: ( من غشـنا لـيس منـا) يا احمــد الريـح!!
الكاتب: Deng
التاريخ: 20-07-2006, 06:26 م
Parent: #1
الارهابي ده هرب وين؟
دينق
--------------------------------------------------------------------------------
مداخلة: #64
العنوان: Re: ( من غشـنا لـيس منـا) يا احمــد الريـح!!
الكاتب: Khalid Osman Jaafar
التاريخ: 21-07-2006, 03:42 ص
Parent: #1
He is waiting for you here:
كيف تكون لاجئا سياسيا ولا تملك موقفا وطنيا مستمرا يبرر اللجوء؟؟!!
--------------------------------------------------------------------------------
الاشتراك في:
تعليقات الرسالة (Atom)
ليست هناك تعليقات:
إرسال تعليق