الأحد، 27 أبريل 2008

رسالة الي سيدي حفيد رسول الله الختم محمد عثمان الميرغني

مكتبة هشام هباني رسالة الي سيدي حفيد رسول الله الختم محمد عثمان الميرغني!!
17-09-2006, 08:32 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200027567&rn=0


--------------------------------------------------------------------------------
مداخلة: #1
العنوان: رسالة الي سيدي حفيد رسول الله الختم محمد عثمان الميرغني!!
الكاتب: هشام هباني
التاريخ: 17-09-2006, 08:32 ص


ازيك يا مولانا ..كيف حالك واحوالك..ازيك الله يسلمك ..الله يعزك..ازيك الله يسلمك ..يا سلام ازيك الله يسلمك يا الله والله حمد لله علي السلامة ازيك الله يسلمك ( معاهانخيجة وحبة مخاتة وبكية وحنية راس و انبراشة واندراشة لزوم ادب وتادب)!!
والله مشتاقين ليك شديد ليك ولصوتك يا حليلك يا مولانا طولت شديد..سبعطاشر سنة الله اجازي اللي كانوا السبب اولاد الحرام!!
ازيك الله يسلمك ...الله يعزك ,,الله ينصرك...ازيك الله يسلمك( طبعا مافي طريقة تسلم وطبطب عليهو في كتفو الشريف والا تكون قلة ادب وعدم احترام)!!

ازيك الله يسلمك... والله رفعت راسنا عالي يا مولانا حمدا لله الله خلاكم لينافي المعارضة الشريفة العفيفة النضيفة....يا سلام ذرية بعضها من بعض..يا سلام الله يسلمك..الله يعافيك( طبعا مولانا ما قاعد اتكلم ولابرد السلام) بنظرية اذا كان الكلام من فضة فالسكوت من ذهب!!
والله يا مولانا ده الصلاح ذاتو وده الشرف ذاتو انك حمدا لله شغال معارضة تمام التمام و شغال حكومة التش التش .. والله دي ما حصلت لا عند السابقين ولا عند اللاحقين باذن الله..الحمدلله وليداتنا كلهم دخلوا الحيكومة واتوظفوا وسيدي احمد ما قصر معانا تب....
وانا من زمان قلت ليك ( العرجاء لمراحها) ناس البشير وعلي عصمان ديل مو وليداتنا واولاد خلفاء..اها الحمد لله رجعوا لدرب الطريقة والله اخليك لينا في المعارضة وفي الحيكومة!!
ونواصل

--------------------------------------------------------------------------------
مداخلة: #2
العنوان: Re: رسالة الي سيدي حفيد رسول الله الختم محمد عثمان الميرغني!!
الكاتب: هشام هباني
التاريخ: 17-09-2006, 09:30 ص
Parent: #1


ازيك الله يا مولانا الله يسلمك ازيك الله يسلمك الله اغتي عليك والله انصرك ياحتة من رسول الله يا نفحة من روحه الطاهرة..يا سلام والله جنس شوق يا مولانا اذا مر بالجبال هداها واذا مر بالسحاب فشاها واذا مر باشجار النخيل حياها وطال ثمارهاواذا مر باشجار المانجو اخذ خراجها!!
ياالله الله يسلمك ازيك الله يسلمك ..الله يعافيك ..الله يرضيك ونواصل...........

--------------------------------------------------------------------------------
مداخلة: #3
العنوان: Re: رسالة الي سيدي حفيد رسول الله الختم محمد عثمان الميرغني!!
الكاتب: Adrob wad Elkhatib
التاريخ: 17-09-2006, 09:34 ص
Parent: #1


بركات CD تصلك فى DVD



(DVD = (da very good DIALOGUE


--------------------------------------------------------------------------------

ليست هناك تعليقات:

إرسال تعليق