ما هو الفيروس الذي ضرب الشخصية السودانية!؟

مكتبة هشام هباني ما هو الفيروس الذي ضرب الشخصية السودانية!؟
17-06-2007, 02:04 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1188803451&rn=0


--------------------------------------------------------------------------------
مداخلة: #1
العنوان: ما هو الفيروس الذي ضرب الشخصية السودانية!؟
الكاتب: هشام هباني
التاريخ: 17-06-2007, 02:04 ص


؟؟؟

--------------------------------------------------------------------------------
مداخلة: #2
العنوان: Re: ما هو الفيروس الذي ضرب الشخصية السودانية!؟
الكاتب: هشام هباني
التاريخ: 17-06-2007, 02:26 ص
Parent: #1


مالكم الحاصل عليكم شنو يا سودانيين مالكم متبومين ومسجمين وعينكم في الظلم وضقتوا كل المهانات والرذائل والجرائم وعروضكم اتهملت واحوالكم اتملطشت وسادين دي بطينة ودي بعجينة..ده جن يا الله....ده انبهام يا الله ,,ده خوف يا الله ....ردود افعالكم ما ياها الزمان...حالكم ما ياهو...انصرافية مقيتة وتحير اي زول في هذا الزمن الصعب... وبلادة شديدة وتخن جلد عديل لا احساس لا مشاعر!!
تسمع عن ماسي دارفور ولمن تشوف ردات فعلنا تقول دارفور دي في جواتيمالا..تسمع بمجزرة كاجبار تقول الكاجبار دي في تسمانيا في جنوب استراليا وتسمع وبود جريوة في النيل الابيض تقول ود جريوة دي في خليج البنغال!!
مالكم يا ناس يا بجم يا سجم دحين في فيروس ضرب( السوفت وير بتاعكم) ولا اكون في زول هكركم ونحن ما عارفين!؟
الظلم والقهر الحصل علي السودانيين في التركية وبالاضافة ليهو في حكم المصريين والانغليز وبالاضافة ليهو حكم عبود ونميري لا يسوي عشرة في المية من قهر الليلة وظلم الليلة وسجم الليلة ديل اولاد الكلب اولاد الحرام سووا فينا السبعة وظمتها ومفروض مش نطلع ثورة...ده مفروض كل يوم في ثورة عارمة ليوم القيامة ده شان بس نفش غباينا وزعلنا من اولاد الهرمة ديل!!
انتو ناس ما عندكم احساس لا مشاعر...لا بتقولوا في من اهلكم ناس استشهدوا ولا بتقولوا في ناس اتعذبوا ولا بتقولوا في ناس اتشردت وهسع في معسكرات النزوح في ناس ما لاقين الاكل والشراب والعلاج وفي شفع يتامي ماتوا ابواتن وامهاتن في حروب الزفت دي وبرضو ما جايبين خبر يا هباني يا بذيء يا قليل الادب...الله اطلع دين كل زول ما عندو احساس ومشاعر وطنية اتفاعل بيها وانفعل بيها شان الوطن تفففففففففففففففففف!![/B]

--------------------------------------------------------------------------------
مداخلة: #3
العنوان: Re: ما هو الفيروس الذي ضرب الشخصية السودانية!؟
الكاتب: هشام هباني
التاريخ: 17-06-2007, 09:16 ص
Parent: #2


طيب وين تعليمكم وشهاداتكم والقابكم واخلاقكم ودينكم..دحين خاتنها لليوم الاسود ما ياهو ده اليوم الزفت زاتو.... ولا شفنا منكم مواقف ولا مباديء...طيب فايدة العلم والشهادات والرتب والالقاب والدين والاخلاق شنو..ما دام الناس قاعدة لا بتهش ولا بتنش ولا بتحس ولا بتشعر..انانية فايتة الحد...انصرافية فايتة الحدين...خوف وطمع دنيا للطيش!
تفتكروا الحياة دي بس اكل وشراب ولقيط قروش وعرس نسوان وتناسل وبنيان بيوت وركوب عربات وسفر وفسح؟؟ ومافي النخوة ولا في الشهامة والكرامة وما في حد بحس بغبن وظلم التاني ... ولا في حد بسال لايه في ناس بموتوا بالنيابة عننا ولايه في ناس بتتعذب وبتخش السجون والمعتقلات وبيوت الاشباح...لايه برضو ماهم بشر زينا ما عندهم طموحات وامال زينا وما عندهم حب للحياة زينا..يعني قليلين شغلة وما عندهم الوالي البهديهم!؟ ولا بتفتكروا النضال ده قلة شغلةوانو الناس دي غاوية مشاكل..ليس الا!؟
والمصيبة كتر الملق وارتخاص الانفس فينا وتقبل الظلم والاهانات بسبب الحصول علي منفعة او مصلحة وبقينا خوافين تافهين بس امنياتنا نربي عيالنا وبس! والانكي عندنا الناس بقوا لمن اكبروا واشيخوا ما زي الشعوب التانية عجايزنا بقوا اكتر تمسك بحب الحياة والدنيا وامارسوا الملق والتعرصة لاهل السلطة شان الواحد اظفر ليهو بمنصب بمصلحة مادية زي تسهيلات وحاجات تافهة زي كده!
مالكم يا اهلنا الحاصل شنو في الدنيا دي ..انتو الصاح وانا الغلطان ولا العكس صحيح!؟
ما برضو حقو تكونوا امينين وتسعلوا انفسكم ما برضو نحن ناس زيكم مفروض في وكت زي ده الواحد بدل اتبالي بالسياسة ومشاكل البلد ورافع سكريهو وضغطو اكون مشنغل في سريرو وضارب النوم تحت الكندشة الامريكية الما خمج وفكك يا هباني يا غبيان من السودان ووجع الراس مغلب نفسك فوق شنو حريقة في السودان واهل السودان..ما دام الناس ما بتحس ولا بتهش ولا بتنش مودر زمنك فوق شنو يا غبيان ومساهر عشان منو لقريب الصباح فوق شنو وانت يا هباني ياغبيان ساكن في امريكا ارض الاحلام..يا زول اعمل طناااش ..لكن ما بنقدر نعمل طناش خلاص بقينا مورطين بالالتزام بقضية الوطن وبقت حسكنة وهم يومي زي الادمان والله ما ينقدر وما عندنا مصلحة شخصية في الموضوع ولا عمرو طمعنا في سلطة ولا منصب ولو دايرين المناصب في السودان الرخيص ده ساهلة وما كان بقينا تكاسة في امريكا ونداقش ونعافر للرزق لانصاص الليالي في مخاطرة حقيرة زي دي وهسع الساعة قريب اربعة صباحا في امريكا وانا علي بالحرام جاااي ونازل هسع من التاكسي ومضروب 46 دولار الزبون ود الكلب شلتو وانا كنت راجع خلاص نعسان قريب الصبح للبيت.. واهو الحمد لله قال ماشي( دوان تاون دالاس) فقلت يا ابو هبة ما بطالة ده مشوار بن كلب دي قريب الخمسين دولار نص اليومية وبكرة بغدوة كاربة للعيال انبسطوا...والله اول ما وصلت ود الحرام مكانو والعداد عامل 46 دولارالزول تلبت تلب و راااح جاري زي الغزال...خلي ود هباني الشقيان خشمو ملح ملح..ضياع زمن وبنزين وقريشات وحلم لغدوة لاحمد ونضال مدنكلة في هذا اليوم الاحد! علي طول سبيت دين الانقاذ ودين البشير ودين الجبهة الاسلامية الهم السبب في وعساتنا واحباطاتنا وقرفنا ده كلو!
وتاني بقول ليهم الله اطلع دينكم ودين حكمكم ودين اخلاقكم لانها ما دين الاسلام فالاسلام دين الرحمة والمحبة والعدل والمساواة والاسلام هو المعاملة ولولاكم يا اولاد الهرمة علي بالحراام امريكا دي ما كانت احلامنا..لكن قدرنا انو تكونوا السبب.. وعشان كده انا ورااكم سيك سيك معلق فيكم سفلة حرامية قتلة لصوص فاسدون وكمان عملاء وجواسيس ومفنقسين لامريكا!!

--------------------------------------------------------------------------------
مداخلة: #4
العنوان: Re: ما هو الفيروس الذي ضرب الشخصية السودانية!؟
الكاتب: هشام هباني
التاريخ: 17-06-2007, 01:23 م
Parent: #3


طيب انتو يا الحبان عرفنا الفيكم بسلبيتكم وانانيتكم وجبنكم وكضبكم وانو ما عندكم شغلة بالقضية العامة وما عندكم هم لا احاسيس لا مشاعر وفي رايكم ان شاء الله السودان احرق في ستين داهية..وجلدا مو جلدك جر فيهو الشوك! مالكم انتو يا ناس القضية وفيكم الانسجنوا واتعذبوا وانهانوا واتشردوا وطلعتوا كمان بقيتوا لاجئين واستقريتوا..مالكم الحصل عليكم شنو!!؟

--------------------------------------------------------------------------------
مداخلة: #5
العنوان: Re: ما هو الفيروس الذي ضرب الشخصية السودانية!؟
الكاتب: هشام هباني
التاريخ: 17-06-2007, 02:22 م
Parent: #4


مالكم الحاصل عليكم شنو مرقتوا واستقريتوا وشغالين والجيوب الحمد لله مليانة دولار واسترليني ويورو والعيال في امان وسلام.....طيب وين الهم العام وين القضية المرقتوا لاجلها وين النضال والمواقف وبؤساء السودان والاجتثاث من الجذور وين التار من الخونةوالظلمة الاهانوكم وعذبوكم وشردوكم!
اوعي تقولوا لي انكم محبطين من الشعب السوداني انو شعب ما بستحق النضال ولا المواقف من اجلو لانو ما قدركم وما كرمكم وما رسل ليكم رسايل شكر علي نضالكم!؟
واوعي تقولوا لي انو خلاص عملتوا العليكم وعاوزين تفتحوا الطريق امام اخرين...واوعي تقولوا لي السودان ده قضيتوا ما يحلها الا الجليل الرحيم... وما تقولوا لي نحن والله قافلين علي القوات الدولية تجي تاخد لينا تارنا وتطلع دين اولاد الهرمة ديل!؟
قضية النضال حالة حياتية يوميةمتواصلة من المهد الي اللحد زي شراب الموية واكل الطعام يعني حالة عيشة عديل!
وما ممكن نحن نتقاعس عن النضال لانو الشعب ما بستحق...نحن بنكاتل الظلم وين ما وقع علي الناس ولا يهمنا الناس رضيانين بيهو ولا ما رضيانين بيهو!
وما في حاجة نقول نفتح الطريق لاخرين فالنضال واجب اخلاقي وانساني ما بتحدد بعمر معين!
وقصة الاحباط من حل القضية الوطنية ما بعني انو نتخلي عنها...المهم نوضح مساراتنا للجايين ورانا والقوا الطريق ان شاء الله في بداياتها سالكة وفيها نور واكملوا المشوار
وما بالضرورة نحن نكمل المشوار طالما الموت موجود..المهم نخلي مباديء وقيم واخلاق هي مفتاح الطريق للجايين ورانا عشان اكملوا المشوار!!
ومافي قوات دولية حتحلحل ليكم مشاكلكم لكن ممكن تسهل ليكم الطريق وتسهل ليكم مهمة العبور لكن ما عندها الحلول... وما حك جلدك مثل ضفرك!

يا جماعة شدوا حيلكم وانكربوا دي قضية وطن ما سوق ام دفسو ما بشيلوها شوية ناس وبقية الناس قاعدين مصنقرين ومتندلين راجين الحلول علي حساب دم الشهداء وعذابات الشرفاء دي مسئولية اخلاقية قبل ان تكون سياسية والما بتحملها ابدا تب ما عندو اخلاق!!

--------------------------------------------------------------------------------
مداخلة: #6
العنوان: Re: ما هو الفيروس الذي ضرب الشخصية السودانية!؟
الكاتب: هشام هباني
التاريخ: 17-06-2007, 02:22 م
Parent: #4


..

--------------------------------------------------------------------------------
مداخلة: #7
العنوان: Re: ما هو الفيروس الذي ضرب الشخصية السودانية!؟
الكاتب: هشام هباني
التاريخ: 17-06-2007, 02:23 م
Parent: #4


...

--------------------------------------------------------------------------------
مداخلة: #8
العنوان: Re: ما هو الفيروس الذي ضرب الشخصية السودانية!؟
الكاتب: هشام هباني
التاريخ: 17-06-2007, 07:03 م
Parent: #7


امكن اكونوا اولاد الحرام ديل هكرونا ولعبوا في البرمجة بتاعتنا ونحن مو عارفين
عشان كده اتبرمجنا علي التطبيع والقدرية وتقبل الامر الواقع باعتبارو شان الهي وهو امتحان من رب العباد لينا!

--------------------------------------------------------------------------------
مداخلة: #9
العنوان: Re: ما هو الفيروس الذي ضرب الشخصية السودانية!؟
الكاتب: هشام هباني
التاريخ: 17-06-2007, 10:39 م
Parent: #1


>>>

--------------------------------------------------------------------------------
مداخلة: #10
العنوان: Re: ما هو الفيروس الذي ضرب الشخصية السودانية!؟
الكاتب: Adam Omer
التاريخ: 18-06-2007, 00:22 ص
Parent: #9


واللة يا هشام انا شايف الشايفو انت ومن الحاجات دخلت الاستكانة حصلت فى عشرات البوستات عن كجبار ولا حياة لمن تنادى وموضوع دار فور خلاص الدخل دخل والمثئلة بعد دا ما عايزة كندوم الامور بتمشئ بدون اى وغايةوالناس النايمة دى واللة بس عليك بى البومبان والمايصحى انشاء اللة يلحقو امات طة

--------------------------------------------------------------------------------
مداخلة: #11
العنوان: Re: ما هو الفيروس الذي ضرب الشخصية السودانية!؟
الكاتب: عبدالغني بريش فيوف
التاريخ: 18-06-2007, 02:34 ص
Parent: #10


ود هباني
سلام
هذا الفيروس غالبا "نايل فيروس " وهو فيروس خطير جدا عادة يؤدي الى الموت

ومن اعراض هذا الفيروس

الانبطاح
التطبيل
العوارة
النفاق
الخوف
الدجل
التضليل
00000000000000000000000000الخ 0

--------------------------------------------------------------------------------
مداخلة: #13
العنوان: Re: ما هو الفيروس الذي ضرب الشخصية السودانية!؟
الكاتب: هشام هباني
التاريخ: 18-06-2007, 07:19 ص
Parent: #11


الزعيم بريش


Quote:
ومن اعراض هذا الفيروس

الانبطاح
التطبيل
العوارة
النفاق
الخوف
الدجل
التضليل




والله يا بريش ده فيروس صعب خلاص
الله اعين العيانين بيهو!

--------------------------------------------------------------------------------
مداخلة: #12
العنوان: Re: ما هو الفيروس الذي ضرب الشخصية السودانية!؟
الكاتب: هشام هباني
التاريخ: 18-06-2007, 07:12 ص
Parent: #10


ادووومة

سلامات


والله يا اخوي الحالة كعبة والفزرة بقت كبيرة..لكن ثق لسع الدنيا بخيرها
وحواءوالدة.

--------------------------------------------------------------------------------
مداخلة: #14
العنوان: Re: ما هو الفيروس الذي ضرب الشخصية السودانية!؟
الكاتب: شادية الطيب
التاريخ: 18-06-2007, 07:27 ص
Parent: #1


السودانيين بقت عليهم البقت على محمود الكذاب
كل مرة يغيروا الحكومة تطلع فشنك ... اها قالوا بعد ده مابنغيرا والزارعا الله في الحجر بتقوم

--------------------------------------------------------------------------------
مداخلة: #15
العنوان: Re: ما هو الفيروس الذي ضرب الشخصية السودانية!؟
الكاتب: هشام هباني
التاريخ: 18-06-2007, 01:42 م
Parent: #14


اختنا شادية

سلامات


Quote: السودانيين بقت عليهم البقت على محمود الكذاب
كل مرة يغيروا الحكومة تطلع فشنك ... اها قالوا بعد ده مابنغيرا والزارعا الله في الحجر بتقوم



والله مصيبة!


--------------------------------------------------------------------------------