في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟

مكتبة هشام هباني في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
22-02-2006, 11:00 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1155304153&rn=0


--------------------------------------------------------------------------------
مداخلة: #1
العنوان: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 22-02-2006, 11:00 م


هاتفني صديق لي اليوم من الخرطوم وهو متحسر يحكي لي احدي مآسي الهوس في بلادي وقد طال شر الهوس الانسان والحيوان معا جراء اللوثة التي عمت كثيرا حياة الناس بفعل هذا النظام الظليم حيث شهد صاحبي و جمع كبير من الناس في عصر يوم الاحد الماضي في احدي ساحات حي جبرة بالخرطوم حادثة الاولي من نوعها في المنطقة وربما في كل السودان وهي حادثة رجم حد القتل مصحوبا بالتهليل والتكبير لحيوانين بريئين كلب وكلبة اثناء عملية تناسل طبيعية بينهما امام بيت يملكه شخص هو صاحب الكلبة المفعول بها اذ قام نفس الشخص صاحب الكلبة وابنه في حالة هستيرية بعد عودتهم للبيت وبصحبة الام وابنتهامن المستشفى بعداداء زيارة لاحد الاقارب.... حيث قاما برجم الكلب والكلبة حد الموت بعد ان استفزتهما حادثة المواقعة امام باب بيتهم.. وكان منظرا بشعا حيث اغمي علي البنت الصغيرة بنت السبعة اعوام في الحال من بشاعة منظر والدها واخيها وهما يصرخان ويهللان وهما يحملان الطوب وينقضان علي الحيوانين البريئين بوحشية فظيعة حتى قضيا عليهما في جو مفعم برائحة الدم وعواء الكلبين البريئين وعلت فيه صيحات التكبير والتهليل من الرجل وابنه.. وفزعت الام والجيران وبعض من اهل الحي لهذا المنظرالبشع غير المألوف في حياتهم.....واخبرني صديقي بان جارهم حاول ان يثنيهما عن هذه الفعلة الشنيعة ولكنه قدباءت كل محاولاته بالفشل في هذا الجو المجنون المكفهر بالشر والهوس وهو يطال حتى حيوانات الله في حياتها.... ولله في خلقه شئون

سندة: ولا املك الا ان اقول لا حول ولا قوة الا بالله.. والجايات اكتر من الرايحات

--------------------------------------------------------------------------------
مداخلة: #2
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: aosman
التاريخ: 22-02-2006, 11:29 م
Parent: #1


ارحموا عقولنا رحمكم الله

--------------------------------------------------------------------------------
مداخلة: #3
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 22-02-2006, 11:51 م
Parent: #2


ولا زلت اخي مثلك احتاج من يرحم عقلي وشعوري وانا اسمع هذه الماسي وهي صورة تحكي عن اي درك فيه نحن سافلون... وفي اي عصر عائشون... وباية عقلية نحن محكومون.. ولله في خلقه شئون ؟؟

--------------------------------------------------------------------------------
مداخلة: #5
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 23-02-2006, 00:07 ص
Parent: #3


بالتأكيد هذا الحدث ليس حدثا عاديا وخبرا للتسلية ليمر مرور الكرام ونحن احيانا نعيش خمولا في ذهنية الرصد والتحليل والاستنتاج بسبب اللهاث اليومي والاستغراق في حريق المعايش ... ولكن تبرز الاسئلة التالية قافزة بملحة فوق دخان الحريق تبحث عن اجابات لهذا التداعي الخطير...وهي:

ما راي الشرع الاسلامي في مثل هكذا حوادث؟؟


وهل هنالك تشريعات وضعية جنائية تحمي الحيوان في مثل هذه الحالة؟

وهل صاحب الكلب المقتول وفقا لقوانيننا يملك حق مقاضاة الاب وابنه والمطالبة بالتعويض عن كلبه القتيل؟

وسؤال هام واخير: الى متي نعيش تداعيات اللوثة في بلادنا وهي تطال كل مناحي الحياة
ولم يسلم من شرها الانسان والحيوان؟؟

--------------------------------------------------------------------------------
مداخلة: #4
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: Ahmed Mohammed Osman
التاريخ: 23-02-2006, 00:02 ص
Parent: #1


ماعارف نقلك لي الواقعة دي اسميهو سذاجة ولا غباء ولا عبط؟؟؟؟
يعني لو اتجاوزنا نقمك علي النظام وتشويه دواخلك بسبب النظام الحاكم لي درجة المساس بي اي شي تاني .. زي المجتمع السوداني مثلا ،، بنلاقي حدثين ذكرتهم لا يمكن لي اول اهبل انو يصدق خلي غبي او عبيط ...
الاول : في حياتي ما شفت كلاب بتجامع بعضها في العصر.. كل الاحداث في الوقت البارد (الصباح بدري او اخر الليل) ..
الثاني: الكلاب البرجموها دي مكسحة ولا مسلمة(نطقت الشهادتين) ولا ما بتعرف الدرب للهروب؟؟؟؟؟ ياسيد الكلب لو دنقرت تربط رباط الجزمة بجري، فمابالك بي راجلين عدول بفلقوهم وهم ساكتين وواقفين ومتقبلين تنفيذ حد الله بالرجم يأملون في غسل الذنب الذي اقترفوهو في الدنيا...

اتقوا الله يا عباد الله وحقو قبل ما الزول بنزل قصة او نكته يتحقق من مصداقيتها

--------------------------------------------------------------------------------
مداخلة: #6
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 23-02-2006, 00:16 ص
Parent: #4


اخي المؤمن .........وعليكم السلام

يا اخي المسلم لا تنفعل هكذا ولم التشنج اتقي الله يا عبد الله.. وجادلني بالتي هي احسن ولا تكن فظا غليظ القلب يا عبد الله حتي لا ينفضوا من حولك.. اهل المنبر..

ومن قال لك يا اخي المؤمن ان الكلاب لا تواقع بعضها في العصاري؟؟ وهل لديك دليل علمي علي ذلك؟

وثم ثانيا ان مواقعةالكلاب لبعضها البعض تتميز بالتماسك ببعضها وهو ما يعسر قضية هروبها.....وسهولة المساك بها والانقضاض عليها..


ومن قال لك ان الموضوع سياسي يا عبد الله اتقي الله يجعل لك مخرجا..

والسلام عليكم

--------------------------------------------------------------------------------
مداخلة: #7
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 23-02-2006, 00:26 ص
Parent: #6



وبعدين يا اخونا من وين جبتها حكاية مواقعة الكلاب دي ( الصباح بدري ولا بالليل) وانت البوديك تعاين ليها شنو بالصباح ولا بالليل..........عيب عليك يا راجل..اتقي الله

--------------------------------------------------------------------------------
مداخلة: #8
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 23-02-2006, 00:39 ص
Parent: #7





انتو يا اولاد الكلب حتي كلاب الله المسكينة دي لا بتعرف سياسةولا معارضة ما عاوزين تريحوها والله عجايب واخر زمن نحيا ونشوف؟؟؟

--------------------------------------------------------------------------------
مداخلة: #9
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: Ahmed Mohammed Osman
التاريخ: 23-02-2006, 02:06 ص
Parent: #1


اولا :
ما عندي دليل علمي.. عندي دليل عويناتي ديل وزي ما قلت ليك ما شفت كلاب بتجامع بعضها عصر... ودي ما محتاجة جريدة ولا صورة يا سيد.. دا شوف عين بقابلك في الطريق لو بتصحي بدري تسك معايشك مش تتندل تنوم زي بقجة الهدوم الراجية المكوجي ولا راجي ليك اعانة ... ومصادفة الحاجة دي ما عيب لكن العيب في الزول البخلق مواضيع فارغة وغبية عشان شنو ما عارف... قال عيب قال.. بعدين انت قبل يومين مش خشيت في بوست وشبكتا الزول دا موضوع ليك ؟ ودي ما وطنية؟ وشوفو هموم البلد ؟؟ وشنو شنو... هسي خلاااااااااااااااس دي فلاحتك؟؟؟ البلد مشاكلها اتحلت وارواح البني ادم فيها اتحفظت عشان تجي تفتح ليك بوست لحفظ خصوصية الكلب وروحو.. كان نضالك المدعي دا عشان الكلاب احسن تشوف ليك شغلة تانية...

ثانيا:

Quote: انتو يا اولاد الكلب حتي كلاب الله المسكينة دي لا بتعرف سياسةولا معارضة ما عاوزين تريحوها والله عجايب واخر زمن نحيا ونشوف؟؟؟



ممكن تحدد المعني منو بي اولاد الكلب دي؟؟



--------------------------------------------------------------------------------
مداخلة: #10
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: Ahmed Mohammed Osman
التاريخ: 23-02-2006, 02:30 ص
Parent: #1


انا راجيك يا سيد عشان توريني اولاد الكلب ديل منو؟

--------------------------------------------------------------------------------
مداخلة: #11
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: Hani Arabi Mohamed
التاريخ: 23-02-2006, 03:35 ص
Parent: #10


اخي الكريم هاشم


هل انتهت المظالم الحقيقة التي تستحق الكتابة عنها حتى تتابع تصرفا مزعوما لشخص مجنون؟

اليس كل بلاد الدنيا بها مجانين يمكن ان يفعلوا فيها هذا ؟

بعدين يا هاشم , ايوة الوضع سيء ..... لكن الاسوأ ان الواحد يكتب لاجل الكتابة بس

ركز يا اخوي على المعارضة الحقيقية التي تكشف وتعالج وتبحث عن الحل وتنهض بالهمم

--------------------------------------------------------------------------------
مداخلة: #12
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: aosman
التاريخ: 23-02-2006, 03:58 ص
Parent: #1


السيد هشام

نصيحتي لك ان تبتعد من نسج هذه القصص الوهمية التي لا تمت للواقع بصلة ولا يمكن ان يصدقها عاقل وهنالك اكتر من طريقة يمكنك ان تتبعها للظهور بدلا عن هذه الطريقة التي تفقدك أحترام الأخرين

--------------------------------------------------------------------------------
مداخلة: #26
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 23-02-2006, 10:54 ص
Parent: #12


الاحباء هاني واوسمان

تحياتي

كثيرا ما يتسرع بعض الناس في اطلاق الاحكام المسبقة علي اية شيء قبل ان تكتمل الفكرة ويبداون كيل اصناف من النقد لها وازدرائها قبل ان تتبدي كل معالمها وهو اجحاف في حق الفكرة وصاحب الفكرة مهما كان شكلها... وانتم لم تصبروا حتى تكتمل كل ملامح الفكرة فالامر يا عزيزي ارجو ان لا يفهم بهذه النظرة المسطحة للاشياء حيث لكل انسان في الحياة اسلوبه في عرض افكاره... وهذا اسلوبي اتبعه دوما في هذا المنبر اي احيل ( الحبة الي قبة) اي من هذا الخبر البسيط والواقعي والحقيقي احاول ان اصوغ منه فكرة نقدية لواقع مشوه هو واقع الوطن في زمن الظلام واللوثات... وحمدا لله رزقني هذا البوست( الكلبي) الذي تزدرونه الان صديقا جديدا اسمه عثمان... واعتز بصداقته .... لانه يحمل ايضا موقفاوطريقة مغايرة لطريقتي ونحن جميعا في خندق واحد لمحاربة الخونة والقتلة والسفلة في هذا الوطن التعيس واهلا بكما معنا في هذا الخندق النضالي...... ان اردتما الوطن والانحياز لشعبنا الابي...والا جاوبوني علي كل الاسئلة اعلاه والتي سالتها صديقي عثمان حتي نتبين في اي وطن تعيشون واية مواقف تحملون واية اهتمامات تمارسون وعندها نبتديء النقاش الوطني الصريح والذي هو قد كان طعمه هذا ( البوست الكلبي المستفز) وحمدا لله تبدو لديكما الجاهزية لمناقشة الاسئلة اعلاه....ولله الحمد..
هباني ظاااطو

--------------------------------------------------------------------------------
مداخلة: #13
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: Ahmed Mohammed Osman
التاريخ: 23-02-2006, 05:25 ص
Parent: #1


مشيت وين يا استاذ؟ في كديس اقامو عليه حد السكر ولا شنو؟؟؟
ما تحرمنا من الاخبار الجليلة دي
وبعدين لسه منتظرك تشيل صباعك وتأشر علي اولاد الكلب ديل منو؟؟


--------------------------------------------------------------------------------
مداخلة: #14
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 23-02-2006, 06:03 ص
Parent: #13


اخي المؤمن

تمهل وهون عليك ..واراك شرسا في خصومتك ومفجرا كل براكين الغضب والسخط والازدراء كانك القيم علي اخلاق البلاد ومثلها وقيمها لمجرد ايراد خبر يتعلق بحالة هوس من ضمن تفاصيل الهوس العام في بلادنا والذي صار سمتهاوثقافتها الرسمية وبدأ ينتقل للنسيج الاجتماعي مضرا بالانسان والحيوان معا ... (واولاد الكلب) التي عنيتها ولا ازال واصر والح عليها هم يا اخي ( ابو عرام)كل المهووسين والفاسدين الذين احالوا البلاد الي هذا الجحيم والخراب ويتبعهم ايضا الابواق من المدافعين والمأجورين وان كنت منهم يا عزيزي حتما سينطبق المعني عليك ولست اسفا في ذلك ولكني موقن انك لست منهم( بس حارقك انو فاتتك الحكاية ما دام بتعرف تماما الكلاب بتتجامع متين ودايما ...متعودة..)
وما دام تمتلك هذا المخزون الرائع من الغضب والبراكين اولي ان تفجرها لمصلحة شعبك منحازا للحق والحقيقة لجوعانا ومرضانا ومعذبينا ومشردينا ودماء شهدائنا لا ضد بوست يستنكر هذا الواقع المرير الذي الت اليه البلاد بفعل اولئك الكلاب ومن يتبعهم من تافه الكلاب واتمني ان لا تكون منهم وان كنت منهم فانت كلب وستين بن كلب.........

محبتي واحترامي

هباني ظااااطو

وانتم يا بقية المستنكرين المؤمنين.... وفروا غيرتكم هذه واذهبوا وقاتلوا الذين اوصلونا الي هذا القاع السحيق من الهوس واللوثة ولا تسالونا ونحن مثلكم ساخطون مستنكرون رافضون ومقاتلون ولسنا نائمين ومخمورين وموهومين..

معزتي واحترامي


سندة: وبعدين ده موضوع حيوي وليس هايفا لانو يتعلق بموقف وقضية نحن نحارب لاجلها وهي قضية كشف الهوس واللوثة حتي في تفاصيل حياتنا الدقيقة ولو كان في ام عوراتنا سنتصدى له.

هباني ظااااطو

--------------------------------------------------------------------------------
مداخلة: #15
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 23-02-2006, 07:02 ص
Parent: #14


لا للهوس واللوثة.........والظلام والتضليل... وايديولوجيا الخراب واليباب

--------------------------------------------------------------------------------
مداخلة: #16
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: Ahmed Mohammed Osman
التاريخ: 23-02-2006, 07:13 ص
Parent: #1


هشام هباني
يا خوي انا ممهول تب بس ما هاين علي الاخبار الملفقة وغير واقعية دي.. كلاب شنو البرجموها وتكون ثابتة في حتتها لغاية ما تموت (دا الا كلب جعلي)..
اما كون اني اكون قيم علي اخلاق البلد فدي حاجة ما ادعيتها ولا بقدر عليها .. لكن قيم علي فهمي ومابرضي الاستهزاء..
وكويس انواولاد الكلب طلعو المهووسين والفاسدين الذين احالوا البلاد الي هذا الجحيم والخراب ويتبعهم ايضا الابواق من المدافعين والمأجورين (وبتفق معاك في دي لاول مرة )
بس يا عزيزي السودان ما كلو مهوسيين او ماجورين.. لسه البلد بي خيرا والناس بي طيبتهم وعقلهم ولي هسي المسلم مع المسيحي في خندق واحد الا من ابي..
اما قصة انو افجر غضبي دا متين ووين وكيف فاعتقد انو دا خياري زي ما كان خيارك انك تهاجر وتعمل وتعمل انا برضو خياري بحتفظ بيهو لي نفسي وما شرط انا اوريك انا بعمل في شنو.. لانك ما قيم علي مصالح البلد وتنميتها...

اخيرا انا لست منهم وما بايعت بعد محمد رجلا.. ولكن حتي لو كنت منهم لن اسمح لك بانك تنبذني بي اني كلب وابن ستين كلب... انت الحقو تطلع من هوسك وتشنجك دا وخت الكورة واطا

وحريقة فيك
وفي امريكا اللاماك
وفي الكيزان من الترابي لعلي عثمان
وفي الساسة والسياسة
وحبابك الف بعد دا
يا


سيد


--------------------------------------------------------------------------------
مداخلة: #17
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 23-02-2006, 07:24 ص
Parent: #16


هييييييييييييع عوافي عليك الكلس


حمدا لله طلعت زولا ضكر.... وربنا اديك العافية وخلينا من يوم الليلة نسمع منك خير ونحن سويا ضد الخونة والسراق والفاسدين واولاد الكلب ونشوف منك بوستات لمحاربة الظلم والظالمين والزارعة الله في الحجر بتقوم....


سندة: بخصوص الحريقة التحرقني ..نحن يا اخوي عايشين الحريقة من زمان ومااظنها فارقتنا.. والعفو والعافية وقالوا المسامح كريم... ومسامحك تب ... ولي قدام


هباني ظاااطو

--------------------------------------------------------------------------------
مداخلة: #18
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 23-02-2006, 07:29 ص
Parent: #17


الاخو ود عتمـــــــــان

اخوك ود هباني نسي اسعلك سعال واحد...........شايفك بس ناولت التراب وعلي عثمان وما اديت البشير ظااااطو حقو...ولا كمان تكون من جماعة البشير مش جماعة شيخ علي...كدي ورينا رجالتك دي في البشير ظااااااااطو وبعد داك بنتفاهم..


هباني ظااااطو

--------------------------------------------------------------------------------
مداخلة: #19
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 23-02-2006, 07:37 ص
Parent: #18


هييييييع اخوي عثمان الجعلي

كدي خلينا من قصة الشهيدين الكلبين


اخوك ود هباني تاني عندو سعال ليك الفنجري اب جيبين واهلنا الجعليين ما بدسوا ولا بتلبدوا....

كدي ورينا اخوي رايك في اليخت الرئاسي بتاع الحيكومة وكمان بدور اسمع منك عديل رايك في طيارة وزير دفاع الدنمارك الركت في مطار الفاشر وحكومتنا الوطنية... ما قال بغم ودي بطينة ودي بعجينة.......... والمسلمين هايجين في العالم كلو ضد الدنمارك ومنتجات الدنمارك شان سبو رسولنا الكريم (ص) ونحن جانا وزير دفاع الدنمارك ظااااطو... نسمع منك يا الهميم....

--------------------------------------------------------------------------------
مداخلة: #20
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: Ahmed Mohammed Osman
التاريخ: 23-02-2006, 08:21 ص
Parent: #1


Quote: حمدا لله طلعت زولا ضكر



الحمد لله الانت عرفت


Quote: المسامح كريم... ومسامحك تب ... ولي قدام



لله والرسول...


Quote: ولا كمان تكون من جماعة البشير مش جماعة شيخ علي


هو البشير عندو جماعة؟؟؟؟ بااااااااااااع
انت من جماعة منو ؟؟ خليني انا


Quote: هييييييع اخوي عثمان الجعلي


شايقي وحاتك

--------------------------------------------------------------------------------
مداخلة: #21
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 23-02-2006, 08:45 ص
Parent: #20


اها اخوي السنجك ود عصمان


جيتنا عديل وتب...........وراجي منك الاجابات علي سعالي القبيل وكمان بدور اسعلك من قريبك ود الجاز ان شاء الله خير وكيف حال البترول ومال المساكين الغلابة ان شاء الله ماشي لصالح الشعب المسكين؟؟؟

محبتي واحترامي

--------------------------------------------------------------------------------
مداخلة: #22
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 23-02-2006, 09:07 ص
Parent: #21


عصمان السنجك اخوي


اها شفت البوست بتاع الكلاب القايلو سجمان وهايف ده ده بوست سياسي ( للطيش) وحمدا لله عرفنا بناسا رجالا زيك عديل ما بداروا كلمة الحق و بنبزوا الحيكومة الفاسدة جو السودان ظااطو بس يا خوي فاضل ليك تدي لي البشير والجاز ديل في راسهم واكون عافي منك تب.................. وما تنسي الوزير الدنماركي وكمان قريبك السنجك محمد طه الدنماركي النبذو الرسول(ص) في جريدتو الدنماركية ونسمع منك يا خوي الضكران هييييييع.


سندة: انت عارف يا عصمان اخوي لمن كنا صغار في قرانا كنا بنشرك للطير بالعيش والدود والجراد وبنشرك للسمك بالصارقيل وبالرغيف....وللناس ب( الحمير والكلاب) وحمدا لله قلوبيتنا الليلة قبضت ليها شيتا مو هيـــــــــــــــن؟؟

محبتي واحترامي


ولو ماك قادر ترد في البوست علي سعالي ليك هاك تلفوني في امريكا: 4696825300

وكان داير العنوان الالكتروني بتاعي:hushamhabani1@hotmail.com

وبعدين دحين مالك فوق صورتك مداري وشك لي غادي؟

--------------------------------------------------------------------------------
مداخلة: #23
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: Ahmed Mohammed Osman
التاريخ: 23-02-2006, 09:22 ص
Parent: #1


Quote: كدي ورينا اخوي رايك في اليخت الرئاسي بتاع الحيكومة وكمان بدور اسمع منك عديل رايك في طيارة وزير دفاع الدنمارك الركت في مطار الفاشر وحكومتنا الوطنية



عندي راي واضح في النظام الجاثم علي صدورنا ... وفي مثل بقول "ايش ياخد الريح من البلاط" يعني الكيزان ديل مافي يوم ورونا موقف صح او احترمو فينا حاجة..فيبقي ايه فايدة الاستنكار او الاستغراب في نزول طائرة الدنماركي ؟؟؟ عشان منو؟؟ عشان رسول الله صلي الله عليه وسلم؟؟؟ ديل ما كتلو شباب السودان باسم الاسلام والجهاد وجو هم زاتهم نكروهم.. يعني يبقي لو اتحالفو مع الشيطان مافرقت بعد دا.. ما بخلعني بقي... ولا اليخت الرئاسي النازل في النيل ما هو الحيعدل اقتصاد السودان.. الناس ديل من سياسة تحرير الاسعار دييييييييييييييك بقي مافيهم خير اقتصادي ، فيبقي برضو صرف ملايين في الفارغة ما بيؤلم زي الالم داك..
الجوه جوه يا هباني .. بس شكل تحركك لتغيير الوضع دا بفرق من شكل تحركي وتحرك فلان وعلان واي زول تاني...
الداير اقولو.. كل زول بناضل وبيغيير حسب فهمو ... وما عشان الزول ما بتكلم يبقي ما بعمل حاجة..
الكلام نخليهو لي اسيادو.. ولا ما كدا؟؟

--------------------------------------------------------------------------------
مداخلة: #25
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 23-02-2006, 09:35 ص
Parent: #23


هيييييييييع عوافي عليك اخوي عثمان




والقومة ليك يا زول يا وطن.... والعفو والعافية...ومعا يدا واحدة ضد الخونة والسفلة
الكلاب.........ورحم الله كلبينا الطيبيبن البريئين ولي قدام.


سندة: شفت البوست ده تقول لي ندوة سياسية ...اها لمانا مع رجال وعرفنا بيك وهذا يشرفني كثيرا ونتلاقي يا خوي والعنوان عندك........ واحذر اولاد الحرام اقولوا ليك كمان علاقتك شنو بهشام هباني .. وده زول طابور عشاري عديل ده ولا سوداني ولا حاجة وما عندو لا احمد ولدو جنسية سودانية ظااااطها.... والجنسية التافهة بت الكلب ادوها للعيبة اجانب عندهم ولاء للدولار وللكورة بس وليس للوطن الحبيب ياحبيب .....الله معاك؟؟


بعـــــــــــــــــــدو...... جبرة نازل ....محطة الشهيد جرقاس ..نازل

--------------------------------------------------------------------------------
مداخلة: #24
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: Ahmed Mohammed Osman
التاريخ: 23-02-2006, 09:27 ص
Parent: #1


هباني انت جنسك شنو وعمرك كم؟

--------------------------------------------------------------------------------
مداخلة: #27
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 23-02-2006, 11:03 ص
Parent: #24


عصمان اخوي



انا زول غلبان ومنزوع الجنسية انا و(والصغير ابو حميد) وعشان كده حكاية ( حريقة فيك وفي امريكا اللمتك) دي ولا حاجة لانو اخوك هباني هو (الحريقة ظااااطها)... واما العمر فالاعمار بيد الله.... واديناك التلفون وتأكد.........يا حبيب.

وخليها مستورة


محبتي واحترامي

--------------------------------------------------------------------------------
مداخلة: #28
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 23-02-2006, 01:49 م
Parent: #27


اخر تداعيات الحادثة المؤسفة ....فقد تاكد الناس من هوية صاحب الكلب المقتول وهو شخص يسكن بعيدا في ذات الحي من بيت القاتل صاحب الكلبةالمقتولة ويقال عنه انه شخص معارض سياسي وشخص هاديء ويقال انه ينتمي لاحد التنظيمات المسلحة الحديثة وكان مسجونالاكثر من عامين وقد اختفي قبل اكثر من عام من الحي بعد اطلاق سراحه والشائعات تقول عنه انه سافر الي القاهرة او اسمرا.... ومنها الي مهجر من مهاجراللجوء واما القاتل صاحب الكلبة القتيلة فهو قد كان رئيس لجنة الحي ومن مناصري واعوان النظام المتشددين في الحي وبينه وبين صاحب الكلب المقتول مناوشات مشهورة في الحي بسبب مواقفهما المتصادمة وذلك في عدة مناسبات...............انتهي

--------------------------------------------------------------------------------
مداخلة: #29
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: Khalid Osman Jaafar
التاريخ: 24-02-2006, 12:11 م
Parent: #1



سلام يا هشام،

بدون زعل ..

البوست ده كأني شفتو قبل كده

هنا

مهــــــووس يغـتال حمــارا فحــلا بدعــوى ارتكـابه الفاحشــة؟؟





--------------------------------------------------------------------------------
مداخلة: #30
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 24-02-2006, 01:05 م
Parent: #29


عزيزي خالد


سلامات


اولا تشكر يا عزيز جزيلا انك اعدت الي (حماري) الشهيد ابو كدر بعد مناشدات لاخي بكري باءت كلها بالفشل.

وثانيا يا اخي البشر لم يسلموا من هوس هذا النظام وامس كانت الحمير واليوم الكلاب وبعد غد القطط؟؟

(وكمان حتى النمل زمان لم يسلم من الجماعة لو سمعت بنكتة النمل احكيهاليك بالمناسبة)

قالوا النمل طلع مظاهرة كبيرة جدا وتوجه نحو السفارة الامريكية... ووقفوا قدام السفارة وكانت الهتافات عالية وبقولوا ( عايزين لجوء) فقالو طلع السفير الامريكي فوق ضهر السفارة وقعد اخطب فيهم...قال ليهم اللجوء ده حق مكفول للبشر فقط وليس للحشرات...قالوا ليك قام طاير ليك واحد ضكر نمل ابو ريش ( مع الاعتذار لاخي ابي الريش )
ورك ليك في اضان السفير الامريكي ظاطو لمن انخلع السفير وعايز اقع اتفنقل علي قفاه من ضهر السفارة..لو ما لحقوا اخونا صلاح غريبة قبل مااغترب السعودية كان السفير راح فيها
المهم ضكر النمل( ابو الريش) وسوس للسفير في اضانو وقال ليهو : اسمع يا خونا نحن ما بشر عارفين...ولكن انا سمع اضاني هسع دي انا جيت من القصر الجمهوري وفي اجتماع فيه البشير العوير ظااطو وابو ريالة والمسطول بكري وكل جماعة ( لاهاي) والبشير ازبد وارغي وقال ليهم بالحرف الواحد ( والله علي بالطلاق بالتلاتة وتحرم ودوية انا الشعب التافه ده الليلة الا اني.............. النملة؟؟) وعشان كده نحن جايين ياخوي وطالعين نغتي عروضنا في البلد الصعبة دي؟؟)
محبتي واحترامي

سندة: شت البوست ده سياسي كيفن......جاب ليها نكات وحاجات بتزعل ناس الحيكومة ظااطها

--------------------------------------------------------------------------------
مداخلة: #31
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: Khalid Osman Jaafar
التاريخ: 25-02-2006, 07:33 ص
Parent: #1



سلام مرة تانية يا هشام،

ومقدر تقبلك لتعليقي بصدر رحب ..

يا عزيزي حقك في التعبير عن رأيك ومعارضة أي ظلم شايفو مكفول؛ بس لفت نظري إنو الموضوع مكرر بصورة أو بأخري - رغم غرابتو ولا معقوليته

أما النكت العجيبة من عينة النكتة دي فبصراحة ما بحبها لأني ما بحب اللغة المستعملة فيها

أخيراً لو سمحت لأخوك الصغير إنو ينصحك، تفاعل الناس مع كلامك بيقل لو الإنفعال خلاك تستعمل لغة ما بتشبهك

مع الود ..




--------------------------------------------------------------------------------
مداخلة: #32
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 25-02-2006, 09:11 ص
Parent: #31


اخي الاصغر خالد


صباحاتك بالف خير

وتشكر يا عزيزي علي التصويب ومقبول جدا جدا

لكن دعنايا عزيزي لنتفاكر حول هذاالوطن الذي يجمعنا وبالذات القضية العامة وهذا الحريق الراهن وتداعياته ومسئوليتناالاخلاقية والوطنية تجاهه وهو ما يحركني لا نصب هذه المصائد الصغيرة للالتقاء باناس يستفزهم صيدي البائس هذا وتخدش حياءهم لغتي الركيكة هذه ولا يستفزهم حريق هائل وكارثي كالذي هو الان في الوطن ولاتستفزهم لغة القتل والترهيب والفساد التي هي سائدة في الوطن كله بفعل النظام القائم ..انها يا عزيزي بمثابة دعوة للحوار بيني وبينك امام الناس هنا...ان قبلتهافاهلا بك....وان لم تقبلها ايضا فقد ظفرت بصديق ولكنه افلح من الهروب من شراكي واكيد نتقابل ..
معزتي واحترامي

--------------------------------------------------------------------------------
مداخلة: #33
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: Khalid Osman Jaafar
التاريخ: 27-02-2006, 02:54 م
Parent: #1



الأخ هشام،

السلام عليكم

اسمح لي في البداية أن أبدي إعجابي بسعة صدرك وتقبلك للنقد بصدر رحب ..

ولا أخفيك أن أي رد آخر كان سيسبب لي خيبة أمل كبيرة. فنحن وإن لم نعرف بعضنا بصورة شخصية، إلا أن صورتك التي نشرتها من قبل كانت تشي بهيبة وإحترام. لذا فقد صدمني بعض ما جاء في بوستات كتبتها مؤخراً.

يسعدني أن أقبل دعوتك للحوار، ولكن أرجو أن تصبر علي تأخري في الرد للمشاغل اليومية التي نعانيها جميعاً.

مع خالص الود ..




--------------------------------------------------------------------------------
مداخلة: #34
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 27-02-2006, 03:25 م
Parent: #33


اخي الاصغر خالد


حبي واحترامي.. وانت ايضا لم تخيب ظني فيك وانت تقبل التحاور معي وهذه محمدة اشكرك عليها في زمن يسوده حوار الطرشان......فاهلا بك صديقا....

واريد منك رايا واضحا حول هذا الحريق الذي يشتعل في الوطن اسبابه ومآلاته وانت مواطن حر بالغ مسئول ومطالب وطنيا واخلاقيا ان تبدي رايك متجردا في مثل هكذاامور مصيرية تمس كل الوطن بما فيه انت وانا واخرون..... عشت

هشام

--------------------------------------------------------------------------------
مداخلة: #35
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: ديامي
التاريخ: 27-02-2006, 08:06 م
Parent: #34


جبره مربع كم ؟

--------------------------------------------------------------------------------
مداخلة: #36
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: هشام هباني
التاريخ: 27-02-2006, 10:06 م
Parent: #35


المهم المحطة الان اسمها محطةالشهيد (جرقاس) اها يا خوي نازل؟؟


ولا تجاوب لينا كمان علي الاسئلةالفوقانية زي اخوانك ونقول الليلة القلوبية قبضت ليها
طير وطني كبير.................... والحمد لله والله اكبر

--------------------------------------------------------------------------------
مداخلة: #37
العنوان: Re: في احد ى ساحات حي جـبرة بالخرطوم رجـل وابـنه يرجمان كلبا وكلبة؟؟
الكاتب: Khalid Osman Jaafar
التاريخ: 18-03-2006, 05:41 م
Parent: #1



الأخ هشام،

السلام عليكم

هأنذا أعود كما وعدت ..

الجميع يعلم من المسؤول عن ما يحدث في الوطن الآن. ولا أحد يعلم يقيناً ما سيؤول إليه الأمر. غير أن المؤشرات لا تدل علي خير - والله أعلم

عن نفسي، أفضل النأي عن السياسة وألعابها القذرة. يمكننا أن نتناقش عن الوضع السائد في البلاد بإطناب؛ ولكن هذا لن يغير منه شيئاً. ولو كانت الكلمات وحدها تفي، لكان الكلام المكتوب عن ذلك الأمر في سودانيز أونلاين وحدها يكفي لقلب الوضع في السودان ..

لذا فبدلاً عن الكلام والجدال، فإني أفضل الإستفادة من الوقت في العمل وإجادة ما أفعل؛ لعل السودان ينتفع به ذات يوم

ما دفعني لكتابة ما كتبت هو إختلافي معك في جدوي الأسلوب الذي تنتهجه للفت النظر لما تريد. من ناحية فإنني أري أن الغبار الذي تثيره لذلك الغرض يغطي في كثير من الأحيان علي ما تريد أن يراه الناس. فبدلاً عن مناقشة ما تريد، تجدهم قد إنصرفوا لنقاش العبارات والأسلوب المستخدم (تماماً كما فعلتُ أنا). من ناحية أخري فإن بعض من يتفقون معك في الرأي ينأون بأنفسهم عن المشاركة في موضوع يحفل بالألفاظ التي لا يستسيغونها.

في رأيي فإن الغاية لا تبرر الوسيلة؛ ولفت النظر لما تريد لا يتم بهذه الطريقة. ربما يكون هذا مثالياً، ولكن رأيي هو أن المرء عندما يكون في حالة خلاف ما فإن أساليبه يجب أن تكون وفقاً لقناعاته هو، وليس وفقاً للأساليب التي يستخدمها خصومه.

هذا مع إقراري بحقك في معارضة الوضع الحالي في البلاد ..

وقديماً قالوا أن إختلاف الرأي لا يفسد للود قضية ...





--------------------------------------------------------------------------------