زبونتي الامريكية عاشـقة للمبدعة الصاعدة رشا شيخ الدين

مكتبة هشام هباني زبونتي الامريكية عاشـقة للمبدعة الصاعدة رشا شيخ الدين!!
14-09-2006, 10:45 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200026746&rn=0


--------------------------------------------------------------------------------
مداخلة: #1
العنوان: زبونتي الامريكية عاشـقة للمبدعة الصاعدة رشا شيخ الدين!!
الكاتب: هشام هباني
التاريخ: 14-09-2006, 10:45 ص


هذه الايام ونحن اهل التاكسي اهل فن ومزاج ( فرمالتي) الوحيدة من الاسطوانات السودانية اسطوانة غنمتها غنيمة من احد اصدقائي التكاسة السودانيين وهي للمبدعة الصاعدة رشا شيخ الدين شقيقة عضوي المنبر المبدعة الاستاذة تماضر والاستاذ هشام شيخ الدين..وايضا (فرمالتي) من اغانيها الجميلة كلها وبصوتها الشجي جدا اغنية (عذارى الحي) للراحل المبدع ( ابو داؤود) وقد ابدعت في ادائها بصوتها الطروب.. ولدي زبونة هي (مسز سيمون) من اهلنا الامريكان الافارقة وهي سائقة حافلة عامة دائما ما اقلها لمكان عملها...ودائماما تصادفني مع اغنية( عذارى الحي) وهن نساء السودان القديم ما قبل عهد (عبيد ختف) فكانت تطرب جدا لهذه الاغنية وانا اقلها لمشوارها الطويل وهي تردد احيانا بلكنة اعجمية بعض المقاطع من الاغنية!!

اليوم فقط وقبل ساعة ذهبت اليها لاقلها لمكان عملهاوعندما تحرك التاكسي سالتني عن اسطوانتي ( السي.. دي) وفي داخل نفسي قلت لها نحن اول شعب في التاريخ انتج ال(الس دي) اسطوانتين قديمتين( سيدي السيد علي وسيدي السيدعبد الرحمن)!! وعندما سالتها اي اسطوانة تعني اجابت بلكنة اعجمية محببة(اذارا الهي) اي (عذارى الحـــــــــــــــي)!!
وكالعادة (اخوكم هباني ما بقصر تب شغلت ليها ( عذارى الحي)) ورددتها منتشية وانا ايضا رددتها مفاخرا بهذه المبدعة السودانية التي افحمت وشنفت اذن هذه السيدةالامريكية السمراء والتي فضلتها علي اغاني (الراب) الامريكية وهو (الربة) علي الطريقة السودانية!!
التحية للمبدعة الصاعدة رشـــا شيخ الدين ولكل ال شيخ الدين المبدعين.

هشام هباني

--------------------------------------------------------------------------------
مداخلة: #2
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: هشام هباني
التاريخ: 14-09-2006, 11:55 ص
Parent: #1


الغناء حول الفضيلة والعذرية سمة من سمات السودان العذري القديم الجميل ما قبل سودان الفتح الانقاذي العاهرالمهووس العميل الذي فتح الوطن كله للغرباء والمهووسين وايضااشاع الفساد والرذيلة بسبب افقار الناس وتجويعهم واليوم يعرض الوطن كله للفتح الامبريالي الجديد.. وفيه فضت عذرية حلايب السودانية وايضا فضت عذرية سيادتنا الوطنية عندما سمحنالعشرة الاف جندي اجنبي بوطيء ترابنا الوطني وفي ذات الوقت نصرخ ضد القوات الدوليةفي دارفور ولله في خلقه شئون!!

--------------------------------------------------------------------------------
مداخلة: #3
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: Adrob wad Elkhatib
التاريخ: 14-09-2006, 12:09 م
Parent: #2


Quote: لها نحن اول شعب في التاريخ انتج ال(الس دي) اسطوانتين قديمتين( سيدي السيد علي وسيدي السيدعبد الرحمن)!! ]



ده اسمه الابداع ..........مع تحياتى

--------------------------------------------------------------------------------
مداخلة: #4
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: هشام هباني
التاريخ: 14-09-2006, 12:35 م
Parent: #3


العزيز ادروب


اعتقد انه لا زال بعض من اهلنا البجا يحتفظون في قلوبهم وعقولهم ب(سيدي)
قديم والجديد وهو(سيدى منسوخ منتج في استوديوهات مكة والقاهرة)!!

--------------------------------------------------------------------------------
مداخلة: #5
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: هشام هباني
التاريخ: 14-09-2006, 08:07 م
Parent: #4


بالله يا شباب اي واحد عندو حاجة للمبدعة رشا شيخ الدين ما ابخل بيها عليناانزلها لينا هنا لانها فنانة ذات صوت تطريبي تريان ومليان وفظيع...ده جنن زبونتي مسز سيمون الامريكية السوداء واهلنا(البلاك ) ديل اضانن سنينة!!

--------------------------------------------------------------------------------
مداخلة: #6
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: Adil Osman
التاريخ: 15-09-2006, 08:26 ص
Parent: #5


هبانى
شكرآ على خفة دمك القانونى!
رشا هنا عندها اغانى كتار
http://www.m-huether.de/sudan/sudmus/wafir/rasha.htm


رشا شيخ الدين

--------------------------------------------------------------------------------
مداخلة: #7
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: خالد عبد الله محمود
التاريخ: 15-09-2006, 08:53 ص
Parent: #6



و الله يا هباني الأغنية دي من أمس بحاول بنزلها لكن ما عايزة تترفع على السيرفر


يمكن لازم أغير نوع الملف , المهم لسه بحاول و بنزلها ليك إن شاء الله



تحياتي لزبونتك الزوق

--------------------------------------------------------------------------------
مداخلة: #9
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: هشام هباني
التاريخ: 15-09-2006, 09:10 ص
Parent: #7


خالد عبد الله يا زول ياجميل

عارفك ما بتقصر والله اديك الصحة والعافية
ومتع الناس والدنيا( ويك اند) بصوت هذا الرائعة رشا
لها التحايا والتقدير بشهادة اهلنا الامريكان!!

هباني

--------------------------------------------------------------------------------
مداخلة: #8
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: هشام هباني
التاريخ: 15-09-2006, 09:06 ص
Parent: #6


عدولي ود القانون الظريف

شكرا علي الذوق الرفيع والتحية للمبدعة الجميلة رشا شيخ الدين ولكل مبدعي بلادي
يمختلف صنوف الابداع....عشت يا عادل

هباني

--------------------------------------------------------------------------------
مداخلة: #10
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: Tragie Mustafa
التاريخ: 15-09-2006, 09:18 ص
Parent: #8


يا هباني

والله تكاسيكم عظمه ساي

يا اخوي نحن المساكين في كندا دي مانعينهم الموسيقى.

واعتقد ممنوع المسجل في التاكسي ينفقعوا بس( بموسيقى الراب) في الراديو.

فيا بختكم القادرين تسمعوا وتسوقوا, تحياتي للمبدعه رشا شيخ الدين.

تراجي.

--------------------------------------------------------------------------------
مداخلة: #11
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: غادة عبدالعزيز خالد
التاريخ: 15-09-2006, 09:25 ص
Parent: #10


Quote: اليوم فقط وقبل ساعة ذهبت اليها لاقلها لمكان عملهاوعندما تحرك التاكسي سالتني عن اسطوانتي ( السي.. دي) وفي داخل نفسي قلت لها نحن اول شعب في التاريخ انتج ال(الس دي) اسطوانتين قديمتين( سيدي السيد علي وسيدي السيدعبد الرحمن)!! وعندما سالتها اي اسطوانة تعني اجابت بلكنة اعجمية محببة(اذارا الهي) اي (عذارى الحـــــــــــــــي)!!



سلامات يا هباني
و التحية لآل شيخ الدين
و نسجل اعجابنا باغنية اذارا الهي
آآآآآآآآنقصد
عذارى الحـــــــــــــــي


التحية لذبونتك الذواقة

كل المودة
غادة

--------------------------------------------------------------------------------
مداخلة: #14
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: هشام هباني
التاريخ: 15-09-2006, 01:56 م
Parent: #11


الاخت العزيزة غادة


Quote: التحية لآل شيخ الدين
و نسجل اعجابنا باغنية اذارا الهي
آآآآآآآآنقصد
عذارى الحـــــــــــــــي



وانا ايضا اكرر التحايا للمبدعة رشا والى الجميلين ال شيخ الدين
واسمعوا معانا(اذارى الهي) مع تحيات مسز سيمون!!

وتحياتي لشبليك وابيهم وجدهم الاسد الكبير (ابو خالد)


هباني

--------------------------------------------------------------------------------
مداخلة: #12
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: هشام هباني
التاريخ: 15-09-2006, 09:26 ص
Parent: #10


Quote: والله تكاسيكم عظمه ساي

يا اخوي نحن المساكين في كندا دي مانعينهم الموسيقى.

واعتقد ممنوع المسجل في التاكسي ينفقعوا بس( بموسيقى الراب) في الراديو.

فيا بختكم القادرين تسمعوا وتسوقوا, تحياتي للمبدعه رشا شيخ الدين.

تراجي.



العزيزة تراجي

هو التكاسة غير سماع المسجلات والنقة في الكورة والسياسة شغلتن شنو!!
والله اعين تكاسة كندا... تاكسي من غير مسجل ده ما الدفاع الشعبي ظاااطو!!!
ولي هسع ما شرفنا ولا تكاسي من كندا في المنبر اورينا اخبار المهنة شنو هناك!!
اظن الحكاية عندهم واررررة شديد وما عندهم الوقت للنقة زي حالة المهترش هباني ظااااطو

محبتي واحترامي
سلامي للعيال

--------------------------------------------------------------------------------
مداخلة: #13
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: Shao Dorsheed
التاريخ: 15-09-2006, 11:27 ص
Parent: #1


Quote: (اذارا الهي) ]


UP

--------------------------------------------------------------------------------
مداخلة: #15
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: هشام هباني
التاريخ: 15-09-2006, 02:00 م
Parent: #13


العزيزShao Dorsheed

الله ارفع قدرك واعظم اجرك واعلي امرك واديك الصحة والعافية .

هباني

--------------------------------------------------------------------------------
مداخلة: #16
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: هشام هباني
التاريخ: 17-09-2006, 08:08 ص
Parent: #15


....................................

--------------------------------------------------------------------------------
مداخلة: #17
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: nadus2000
التاريخ: 17-09-2006, 10:03 ص
Parent: #16


عشان هباني ظاااااتو
وعشان بنات شيخ الدين ظاااااااتهم
وعشان أولاد شيخ الدين ظااااااااااتهم

--------------------------------------------------------------------------------
مداخلة: #18
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: هشام هباني
التاريخ: 17-09-2006, 10:08 ص
Parent: #17


عشت يا nadus2000ظاااطو

--------------------------------------------------------------------------------
مداخلة: #19
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: هشام هباني
التاريخ: 21-09-2006, 00:40 ص
Parent: #18



واخيرااليوم الاربعاء الموافق العشرين من سبتمبر بعد منتصف النهار قررت اهداء (السي دي) الخاص بالفنانة المبدعة رشا شيخ الدين لزبونتي (مسز سيمون) بعد ان سالتني كالعادة من اغنيتها المفضلة (اذارى الهي)..واخوكم الليلة( التكسي قاعد ميطي من غير( سيدي) الا صورة (سيدي) المهدي والعندو سيدي الهندي ولا الميرغني ولا المكاشفي ارسلو لينا
ولا يضيع الله من اطاع سيده!!

--------------------------------------------------------------------------------
مداخلة: #20
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: Tumadir
التاريخ: 22-09-2006, 11:57 ص
Parent: #19


يللا ترسل لى عنوانك ..

وانا امشى امازون دوت كوم

واطلب الشريط ويصلك فى تكسيك

ومعاه تحياتى واحترامى

ليك ولاسرتك

ولصيقتك الامريكية عاشقة المبدعة الصاعدة رشا شيخ الدين

ومحبتى الصادقة

--------------------------------------------------------------------------------
مداخلة: #21
العنوان: Re: زبونتي الامريكية عاشـقة للمبدعة الصاعدة رشا شيخ الدين!!
الكاتب: هشام هباني
التاريخ: 01-10-2006, 08:29 م
Parent: #20


الاستاذة المبدعة تماضر

رمضان كريم


Quote: يللا ترسل لى عنوانك ..

وانا امشى امازون دوت كوم

واطلب الشريط ويصلك فى تكسيك

ومعاه تحياتى واحترامى

ليك ولاسرتك

ولصيقتك الامريكية عاشقة المبدعة الصاعدة رشا شيخ الدين

ومحبتى الصادقة





شكرا لهذا الكرم الفياض و هو ليس غريبا علي بيت من بيوت الابداع السوداني (ال شيخ الدين) المبدعون الذين اعطوا الوطن كل جوانياتهم المبدعة وهي اسمي ايات العطاء.. ولكم الحب والتقدير مع تحياتي للصاعدة المبدعة (رشاشيخ الدين) وكل العام وانتم والوطن بالف خير...محبتي واحترامي.
هشام هباني


--------------------------------------------------------------------------------