السبت، 26 أبريل، 2008

وفي المغــرب جعــاب طــرية للـبيع

مكتبة هشام هباني وفي المغــرب جعــاب طــرية للـبيع!!
24-11-2006, 11:38 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1164732428&rn=0


--------------------------------------------------------------------------------
مداخلة: #1
العنوان: وفي المغــرب جعــاب طــرية للـبيع!!
الكاتب: هشام هباني
التاريخ: 24-11-2006, 11:38 ص


فجأة صدمني عنوان اليافطة حد الدهشة وبينما انا اتجول في باب مراكش بمدينة الدار البيضاء واليافطة علي باب الدكان تقول جعاب طرية)!! ترددت في الدخول.. ربما المكان( منزل احرار)!! وانا لا اعرفه.. ولكن ما جعلني اتشجع للدخول هو وجود مواد بناء معروضة في مدخل الدكان..فتوكلت ودخلت.. وانااجد نفسي داخل متجر صغير للمواسير البلاستيكية فقط..فلما سالت صاحب المتجر محتشما عن انواع( الجعاب الطرية) لديه فاشار الي كل اصناف المواسير البلاستيكيةوحينها لعنت ابليسي السوداني البائس وهو يغرقني في هذه الظنون السخيفة!!فرد علي ابليسي :ات يا ودهباني مجنون هسع اكعب الجعاب الطرية ولا ملاح ( قلة الادب)!!
فقلت له : ات قاصد شنو يا ابليس بملاح قلة الادب ده ؟؟ فقال لي : ملاح الشرموط البتبلعوا فيهو ده الله ما بسعلكم فيهو ما تغيروا اسمو الشين ده.. والله شعب عجيب!!


هباني

--------------------------------------------------------------------------------
مداخلة: #2
العنوان: Re: وفي المغــرب جعــاب طــرية للـبيع!!
الكاتب: هشام هباني
التاريخ: 24-11-2006, 12:03 م
Parent: #1



يعني الواحدلو فكر في الخرطوم في السوق العربي جنب الجامع الكبير اعمل ليهوبزنس بتاع عصيدة بملاح الشرموط وكمان ببيع مواسير بلاستيك معاهو... وكتب علي اليافطة (محلات الشرموط والجعاب الطرية)!! طبعا عنوان جذاب شديد!!

في رايكم لو ده حصل في زمن الانقاذ والناس المهووسين ديل المتوقع شنو!!

--------------------------------------------------------------------------------
مداخلة: #3
العنوان: Re: وفي المغــرب جعــاب طــرية للـبيع!!
الكاتب: bob
التاريخ: 24-11-2006, 12:08 م
Parent: #2


بما لا داعى للشك!!
بانك دايــه او عاشرته الدايات !!

مره قعور مره جعاب

ربنا اطهر لسانك يا ابنى

--------------------------------------------------------------------------------
مداخلة: #4
العنوان: Re: وفي المغــرب جعــاب طــرية للـبيع!!
الكاتب: هشام هباني
التاريخ: 24-11-2006, 12:08 م
Parent: #2




هل في قانون بمنع التسميات بالشكل ده... ولا كمان انط فيك مهووس اقطع راسك وحاجات تانية!!


غايتو في رايي لو كنت في هيئة علماء السودان حاقول انو ملاح الشرموط السوداني لا بد اتغير.. والا اكون عندو حرمة لحم الخنزير من اسمو البذيء ده الما سماهو ليهو هشام هباني.!!

--------------------------------------------------------------------------------
مداخلة: #5
العنوان: Re: وفي المغــرب جعــاب طــرية للـبيع!!
الكاتب: هشام هباني
التاريخ: 24-11-2006, 12:13 م
Parent: #4



هسع احمد ولدي ما قاعد اياكلو مقاطعو مرة واحدة.. وقلت ليهو لايه ما بتاكل
الملاح ده....قال لي( ده ملاح قليل ادب)!!

--------------------------------------------------------------------------------
مداخلة: #6
العنوان: Re: وفي المغــرب جعــاب طــرية للـبيع!!
الكاتب: هشام هباني
التاريخ: 24-11-2006, 12:18 م
Parent: #5


انا الحاجة المستغرب ليها ناس الانقاذ والمهذبين وناس التأصيل ديل ابدا ما اتعرضوا
لتغيير الاسماء الفاحشة عندنا في البلد دي زي اسم مدينة النهود... و المدينةالفي الشمالية الفوق لفة النيل ديك جنب كريمة وكمان ملاح الشرموط..شنو الحاصل...معقولة جدودنا كانوا بذيئين بالمستوى ده ولا التسميات كانت معقولة... وطبعا ما سماها هشام هباني!!

--------------------------------------------------------------------------------
مداخلة: #7
العنوان: Re: وفي المغــرب جعــاب طــرية للـبيع!!
الكاتب: saif massad ali
التاريخ: 24-11-2006, 12:24 م
Parent: #6




الناظر


سلام


انت دي براها القرية اسمها جعيبات ومحطة القطر في طريق الابيض اسمها (حق)المفتش

والقرية التي اسمها الحشرو طه انت وين يازول من المغرب

--------------------------------------------------------------------------------
مداخلة: #13
العنوان: Re: وفي المغــرب جعــاب طــرية للـبيع!!
الكاتب: هشام هباني
التاريخ: 24-11-2006, 02:24 م
Parent: #7


ودعوج الدرب

ده شنو الكلام الاعوج ده....دحين في بلد التاصيل والرسالة السودانية في حتات بالاسماء
الطعانة اللعانة الفاحشة دي عندنا...طيب وين المهذبين والمؤدبين في السودان ما فكروا
اغيروا الاسماء البذيئة دي:

Quote: انت دي براها القرية اسمها جعيبات ومحطة القطر في طريق الابيض اسمها (حق)المفتش


Quote: انت دي براها القرية اسمها جعيبات ومحطة القطر في طريق الابيض اسمها (حق)المفتش

والقرية التي اسمها الحشرو طه انت وين يازول من المغرب



والله كان كدي كلمةالكوندوم بتاعتنا كلام في قمة التهذيب!!

--------------------------------------------------------------------------------
مداخلة: #8
العنوان: Re: وفي المغــرب جعــاب طــرية للـبيع!!
الكاتب: محى الدين ابكر سليمان
التاريخ: 24-11-2006, 12:40 م
Parent: #6


لكن يا هشام هبانى يا خوى ضيعت هيبتى قدام الولد, الشافع مخلينى صارى وشى خمس ساعات عشان يقعد ساكت, دخلت البوست قعدت افرفر بالضحك, ياخى عندك كتابة كدة ترد للواحد ادميتو.
طيب رايك شنو فى اسماء القرى الجمب كوستى دى: الجعيبات, اباريق, الوساع!

--------------------------------------------------------------------------------
مداخلة: #9
العنوان: Re: وفي المغــرب جعــاب طــرية للـبيع!!
الكاتب: mohamed osman bakry
التاريخ: 24-11-2006, 01:03 م
Parent: #8


Quote: المدينةالفي الشمالية الفوق لفة النيل ديك جنب كريمة



العليقة

--------------------------------------------------------------------------------
مداخلة: #15
العنوان: Re: وفي المغــرب جعــاب طــرية للـبيع!!
الكاتب: هشام هباني
التاريخ: 24-11-2006, 03:04 م
Parent: #8


عارف يامحي الدين

انا لو كنت في هيئة علماء المسلمين بالسودان كان غيرت اسماء الحلال ديلك بالقوة... وكان اهلها ما وافقوا كان حاقيم الجهاد عليهم حتي يستجيبوا!!
بس برضو عاوز اسمع راي المهذبين في البورد عن رايهم في الاسماء العجيبة دي
ورايهم شنو في الحملة الوطنية لتغيير اسم ملاح الشرموط الي ملاح القديد او ملاح الفضيلة !!

--------------------------------------------------------------------------------
مداخلة: #44
العنوان: Re: وفي المغــرب جعــاب طــرية للـبيع!!
الكاتب: نصرالدين بابكر بدرى
التاريخ: 26-11-2006, 03:58 م
Parent: #15


العزيز هشام هباني

ح أقول ليك عن حكاية حقيقية حصلت في منطقتنا
المهم الجماعة افي الحلة إحتجوا على وجود الأضان الزرقا في طرف الحلة وقاموا عقدوا إجتماع وقرروا طرد الناس ((الكمبو)) من الجوار 00000 وده الحصل
إقوم نا الكمبو يا الناظر ( زي ما بقول ود عوج الدرب ) إمشو إبنو قطاقيهم في حته تانية مشية من الحلة في ( اللقد )
المهم في الموضوع إسم الكمبو الجديد تعرف سمو شنو ها ها سموه كــ ........... أم العرب

وبقى عنوان سكان الكمب الرسمي في كوته التموين ..... والمواصلات ومحطه رسمية في الخط


أها تقول شنو في دا



ودالبدري

--------------------------------------------------------------------------------
مداخلة: #14
العنوان: Re: وفي المغــرب جعــاب طــرية للـبيع!!
الكاتب: عوض حمزة
التاريخ: 24-11-2006, 03:00 م
Parent: #6


هاهاهاااااااااااى

شكيت محنك يا ود هبانى

--------------------------------------------------------------------------------
مداخلة: #21
العنوان: Re: وفي المغــرب جعــاب طــرية للـبيع!!
الكاتب: غزلان إدريسي
التاريخ: 24-11-2006, 05:12 م
Parent: #2


عذرا للاقتحام ...


لكن دعوني أقول أني دخلت البوست عن حسن نية ،، وفجأة صدمني المحتوى..
ووجدت أن الكلمة المغربية البريئة تجد تعثرا لدى السودانيين ..

عذرا صار محتم أن ازيد معلوماتي عن اللهجة السوادنية ...


--------------------------------------------------------------------------------
مداخلة: #34
العنوان: Re: وفي المغــرب جعــاب طــرية للـبيع!!
الكاتب: فاروق حامد محمد
التاريخ: 25-11-2006, 04:40 ص
Parent: #21


الأخت غزلان

معذرة للاقتحام ولكني أستفسر : هل كلمة حساس في

لهجتكم الدارجة لها مدلول غير ما نعرفه في الفصحى

فقد قلت لصديق مغربي قبل فترة : ياخي انت حساس أكثر

من اللازم ... فغضب غضبة مضرية ولم أستطع الاتصال به

بعد ذلك ......

ولك فائق احترامي

--------------------------------------------------------------------------------
مداخلة: #10
العنوان: Re: وفي المغــرب جعــاب طــرية للـبيع!!
الكاتب: يوسف الولى
التاريخ: 24-11-2006, 01:12 م
Parent: #1


وطيب ... دا علاقتو بالنضال شنو؟؟

--------------------------------------------------------------------------------
مداخلة: #17
العنوان: Re: وفي المغــرب جعــاب طــرية للـبيع!!
الكاتب: هشام هباني
التاريخ: 24-11-2006, 03:13 م
Parent: #10


يوسف الولي

سلامات


Quote: وطيب ... دا علاقتو بالنضال شنو؟؟



ده نحن حنجاهد عديل لتغيير اسماء قرانا وحلالناالبذيئة دي تماشيا مع شرع الله الحنيف!!
وتساوقا مع الذوق السوداني العام لانو عندنا نسوان وبنات واولاد صغار بركبوا القطارات والبصات والعربات وبمروا بالقرى والحلال البذيئة دي.. ودي اسماء بتدخلهم في اضافريهم
عديل اخير منها كوندوم هباني علي الاقل كلمة اجنبية في ناس كتيرين ما عارفينها!!

--------------------------------------------------------------------------------
مداخلة: #11
العنوان: Re: وفي المغــرب جعــاب طــرية للـبيع!!
الكاتب: omer abdelsalam
التاريخ: 24-11-2006, 01:27 م
Parent: #1


هاشم هباني
المتسلل الى شوارع المغرب
موضوعك صعب شوية ويحتاج الى مواراته عن اعين الجنس اللطيف
لكن كان لابد من التعليق عليه ، خاصة ان العبارة المذكورة ( مضطر اكتبها -- الله يجازيك ياودهباني )
(جعاب لينة شديدة الحصر ) كانت أول تعبير( شوارعي ) صدمنا ونحن نتجول للأول مرة في شوارع مدينة فاس عندما اتينا اليها ( برالمة ) في اواخر السبعينات للدراسة بجامعتها .
حين رأينا اليافطة معلقة على باب احد محلات بيع مواد البناء ( مغلق ) اصابتنا موجة ضحك هستيرية ، حتى فهمنا انها لاتحمل ذلك ( المفهوم السوداني ) وهي كلمة ( بريئة جدا ) في المغرب كما شرحتها ، مجرد مواسير مياه مرنة
ولكن اذكر طرفة ارتبطت بالموضوع : حين شاهد احد زملائنا من شلة ( الخبثاء ) تلك اليافطة الفضيحة حسب القاموس السوداني
لم يرد تفويت فرصة تدبير ( مقلب مدنكل ) فاسرع صاحبنا الى بيت الطالبات السودانيات وكن بدورهن ( برلومات ) لايدرين شيئا عن تلك
اللوحة الإعلانية ، فطلب من الزميلات وبكل خبث التجوال معه في شوارع المدينة بحجة تعريفهن باهم المعالم
وبكل براءة انصعن لطلبه ، فتعمد صاحبنا المجئ بجوار المغلق ، واشار بكل خبث( وبراءة الأطفال في عينيه ) الى اليافطة مدعيا انه يلاحظها للمرة الأولى وقال لزميلاته : شنو المكتوب على اليافطة دي ؟
طبعا كان الموقف مفاجئا وصادما للجنس اللطيف ، واصابهم ارتباك تخللته ضحكات مكتومة
ولم يكتف صاحبنا بهذا لمقلب ، فجاء الى سكن الطلبة السودانيين ليحكي كل تفاصيل المشهد الدرامي !

--------------------------------------------------------------------------------
مداخلة: #12
العنوان: Re: وفي المغــرب جعــاب طــرية للـبيع!!
الكاتب: SAdo7
التاريخ: 24-11-2006, 02:06 م
Parent: #11


اللهم لا تؤاخذنا بما فعل السفهاء منا

--------------------------------------------------------------------------------
مداخلة: #18
العنوان: Re: وفي المغــرب جعــاب طــرية للـبيع!!
الكاتب: هشام هباني
التاريخ: 24-11-2006, 03:21 م
Parent: #11


عمر عبد السلام

يا زول اعمل حسابك اتشهد وامسك ادبك ساكت...شوف اللغم الفي البوست ده
لموا عليكم جعابكم ديل والله الزول التحت ده اجمر فيك جمرة واحدة الحقك امات طه ومحمد طه في فاس الما وراها ناس


--------------------------------------------------------------------------------
مداخلة: #16
العنوان: Re: وفي المغــرب جعــاب طــرية للـبيع!!
الكاتب: عبد المنعم سليمان
التاريخ: 24-11-2006, 03:10 م
Parent: #1


Quote: فجأة صدمني عنوان اليافطة حد الدهشة وبينما انا اتجول في باب مراكش بمدينة الدار البيضاء واليافطة علي باب الدكان تقول جعاب طرية)!! ترددت في الدخول.. ربما المكان( منزل احرار)!! وانا لا اعرفه.. ولكن ما جعلني اتشجع للدخول هو وجود مواد بناء معروضة في مدخل الدكان..فتوكلت ودخلت.. وانااجد نفسي داخل متجر صغير للمواسير البلاستيكية فقط..فلما سالت صاحب المتجر محتشما عن انواع( الجعاب الطرية) لديه فاشار الي كل اصناف المواسير



ود هباني

انا ذاتييي دخلت البورد وقلت ود هباني دا جنا ولا شنو ..



الا كويس دقت في العارضه ..

كسره : المتداخل ال قبلي دا منو اب صوره دا .. جووك الجماعات يا عمده

فتك بعافيه

منعم

--------------------------------------------------------------------------------
مداخلة: #19
العنوان: Re: وفي المغــرب جعــاب طــرية للـبيع!!
الكاتب: هشام هباني
التاريخ: 24-11-2006, 03:26 م
Parent: #16


هلا هلا الدود النتر صحي المرافعين هوووووووووي!!!!



--------------------------------------------------------------------------------
مداخلة: #20
العنوان: Re: وفي المغــرب جعــاب طــرية للـبيع!!
الكاتب: محى الدين ابكر سليمان
التاريخ: 24-11-2006, 04:45 م
Parent: #19


ابو "تفة" من تحت دة منو طمم بطنا ينعل نوعو, انتا يا ود هبانى الكلب دة الله خلقو عشان يحب خناقو ولا شنو؟
غايتو الفى الصورة دة لو شايف اصبعى الوسطانى يقعد بس ولا يغور.

--------------------------------------------------------------------------------
مداخلة: #22
العنوان: Re: وفي المغــرب جعــاب طــرية للـبيع!!
الكاتب: raheemsudani
التاريخ: 24-11-2006, 06:26 م
Parent: #20


والله لو كنت مسئولا لرميت مثل هذه الاثارات الرخيصة في أقرب مرحاض

متى تكبرون يا ناس؟؟؟؟؟

--------------------------------------------------------------------------------
مداخلة: #23
العنوان: Re: وفي المغــرب جعــاب طــرية للـبيع!!
الكاتب: هشام هباني
التاريخ: 24-11-2006, 09:31 م
Parent: #22


بالطبع يبدو موضوعا ساخرا جدا وهايفا ولا علاقة له بالنضال ان يفترع هباني
مثل هذا الموضوع الانصرافي!!

ولكنه ردي للذين يفطنون بشكل ساخر للمهذبين وللمؤدبين والحساسين جدا في هذا البورد من اصحاب الحملة الوطنية الاخلاقية لتهذيب هباني... وهباني يرد اليهم الكرة في مرماهم من واقع حيثيات من بلادنا( بنحب من بلدنا...عاشق ود بلد) من واقع اشياء هي البذاءة والفحش بعينها ونحن نتعايش معها واقعاقائما مئات السنين ولا يثير فينا رغبة بالتغيير
(اسماء في حياتنا) لبعض قرانا ومدننا الحبيبة ووجباتنا التي نحبها... والتي لو جردنا الامر من عواطفنا وانصعنا لنفسيات المشوهين لوجدناها اشياء خادشة للحياء ووجب تغييرها لان لنا بنفس المنطق نساء وبنات واطفال وبنات يسافرون ويتجولون ويسيحون في ربوع الوطن الحبيب بين مدن وقرى نحبها اسمها جعيبات والدبة والنهود وحق المفتش والوساع وقنيطة.. ولا نريد لهم ان يخدش حياؤهم بهذه الاسماء الفاحشة البذيئة بحسب عقل ومنطق المشوهين.... ولكننا برغم بذاءتها نحبها جدا ولن نرضي ابدا بالمساس بقدسيتها في تلكم الاسماء المحببة الينا رغم بذاءتها... ولله في خلقه شئون!!


هشام هباني

القائد العام للحملة القومية لتغيير اسم ملاح الشرموط!

--------------------------------------------------------------------------------
مداخلة: #24
العنوان: Re: وفي المغــرب جعــاب طــرية للـبيع!!
الكاتب: برير اسماعيل يوسف
التاريخ: 24-11-2006, 10:10 م
Parent: #23


شكيت محنك يا هشام هباني ... يا زول انت الحكاية شنو ... ماسك الناس ديل من تحت التكاكي/التكيات.

صحيح كلامك يا هباني و الي وقت قريب لم يلتفت الناس الي مدلولات المعاني الجنسية للكثير من قري السودان ... و الي وقت قريب كانت المرأة تلبس جكسا في خط ستة و بدون ان ينظر اليها الناس النظرات الفتاكة ... و لكن بعد ان ظهر الانبياء السودانيون الجدد تبدل الحال و اصبح هم الناس الاول و الاخير هو المحافظة علي ما تحت السراويل من كنوز نادرة قل ان يجيد الزمان بمثلها و لحكمة يعلمها الله...

عشان كده نتمني ان ينقلب الحال بان يترك الانبياء الجدد ملاحقة ما تحت سراويل العباد... حتي لا يلهوهم عن القضايا الهامة و الملحة...

اتركوا ملاحقة سراويل العباد و اعطوهم حقوقهم السياسية و الثقافية و الاجتماعية ...الخ.


بمناسبة قرية جعيبات ريفي كوستي فقد جاءني بيان قبل لحظات يقول فيه اصحاب قرية جعيبات بانهم بصدد تكوين حزب سياسي هدفه استعادة حقوق اهل القرية المهضومة عبر الزمان و بانهم مهمشين لان اسم قريتهم لم يرتق حتي الي اسم جعبات كاملات ؟ و ربما ينسقون معك يا هباني لتغيير اسم القرية من جعيبات الي جعبات... و ذلك اضعف الايمان.

الله يجازي محنك يا هباني.

--------------------------------------------------------------------------------
مداخلة: #25
العنوان: Re: وفي المغــرب جعــاب طــرية للـبيع!!
الكاتب: هشام هباني
التاريخ: 24-11-2006, 10:23 م
Parent: #24


البرير الممسوخ والمسخوت

سلامات
والله ليك وحشة تخلي اخوك لكلاب لهب براهو اعافر واداقش والبركة في الاخوان!!

Quote: بمناسبة قرية جعيبات ريفي كوستي فقد جاءني بيان قبل لحظات يقول فيه اصحاب قرية جعيبات بانهم بصدد تكوين حزب سياسي هدفه استعادة حقوق اهل القرية المهضومة عبر الزمان و بانهم مهمشين لان اسم قريتهم لم يرتق حتي الي اسم جعبات كاملات ؟ و ربما ينسقون معك يا هباني لتغيير اسم القرية من جعيبات الي جعبات... و ذلك اضعف الايمان.





وانا معك اعلن تضامني مع اهلنا المهمشين في ( جعيبات) وكمان دبة نيران وان يمن الله
عليهم بنعمة الجعبات ليبلغوا مرتبة العظام من اهل النظام اهل( ايام لها جعبات) ولله في خلقه شئون!!

--------------------------------------------------------------------------------
مداخلة: #26
العنوان: Re: وفي المغــرب جعــاب طــرية للـبيع!!
الكاتب: برير اسماعيل يوسف
التاريخ: 24-11-2006, 11:17 م
Parent: #25


Quote: وانا معك اعلن تضامني مع اهلنا المهمشين في ( جعيبات) وكمان دبة نيران وان يمن الله
عليهم بنعمة الجعبات ليبلغوا مرتبة العظام من اهل النظام اهل( ايام لها جعبات) ولله في خلقه شئون!!




هباني الله يجازي محنك .

شوف يا اخوي انت ادري بالقضايا الملحة من غيرك ... و الناس ديل ما خلو ليهم سراول ما طاردوه حتي يصرفوا الناس عن المطالبة بحقوهم كاملة غير ناقصة... فبدلا من تغيير اسم قرية من جعيبات الي ام القري ... لماذا لا يعطوا اهل قرية جعيبات حقوقهم السياسية و الثقافية و الاجتماعية...الخ و يتركوهم و جعيباتهم ... هذا هو لب الموضوع ... و انت يا هشام اعلم من غيرك بناس قرية امسكني مرخي ريفي كوستي ... فهم مسلمون اب عن جد و عن ام و يصلون و يصومون و بعضهم يزكي و لكن حقوقهم مهضومة ... فما هي الفائدة من تغيير اسم قريتهم الي عرفات ان كانوا يعيشون في الدرك الاسفل من شعوب الارض؟ عشان كده بنقول الاسماء ذات الابعاد الجنسية ليست مشكلة المشكلة تكمن في هضم حقوق الناس و باسم الاسماء التي يرضي عنها الله و رسوله... هنا يباع الثلج!!

--------------------------------------------------------------------------------
مداخلة: #27
العنوان: Re: وفي المغــرب جعــاب طــرية للـبيع!!
الكاتب: ABDELMAGID ABDELMAGID
التاريخ: 24-11-2006, 11:48 م
Parent: #25






ودهبانى اخوى ...
الله اجازى محنك ...
طريتنى ( تيس !!! ) ناس جدى عبدالماجد ود احمد !!!
عبدالماجد

--------------------------------------------------------------------------------
مداخلة: #28
العنوان: Re: وفي المغــرب جعــاب طــرية للـبيع!!
الكاتب: حيدر حسن ميرغني
التاريخ: 25-11-2006, 00:37 ص
Parent: #27


هشام

زولنا ود عطبرة كان يبيع الباسطة في محطة القطر بشوية ترنيم بري .. ما بالسمنة وكده ..

الجماعة جوهو وطلبو منو عدم استخدام الترنيمة دي تماشياً مع التَوجه العام للرساليين

الجدد..ارسلهم الله الى جهنم

سأله الغبش ... مالك سكتَايازول

قال ما منعونا وكده

--------------------------------------------------------------------------------
مداخلة: #33
العنوان: Re: وفي المغــرب جعــاب طــرية للـبيع!!
الكاتب: abuguta
التاريخ: 25-11-2006, 02:33 ص
Parent: #28




ود هبانى....

عندنا قرية فى غرب الجزيرة. ريفى ابقوتة اسمها ام حجر...تسلطو عليها ناس الانقاذ وسموها ام القرى...علق على الكلام دا ( والدنا الله يطراه بالخير...وقال لى من قمنا ومن عهد اجدادنا نعرف ان هذه القرية اسمها ام جحر)..والمرة تكون جاية من الخرطوم ..تقول للكمسارى بصوت عالى..عليك الله غشينى ام حجر..وحين نسمع اسمها يتبادر الى خاطرنا جحر الارنب والفار والجربوع.وتسبح بفكرك مع رحلات الصيد وجرى الكلاب وسط شجر الآراك واللعوت .ولكن مما غيرو اسمها لام القرى ..اسئلة كثيرة بقت تدور بخاطر الناس شنو العيب فى الاسم دا..هل هنالك معنى اخر..مرة جاى من الخرطوم ونمت فى البص وصحيت عند قرية قلت للجنبى دى ود الهبيل...قال لى يازول براحة ما يسمعوك..قول ود المؤدب...قلت ليه خلاص غيرو اسمها..قال لى الحكومة شغالة تغير اسامى..لكن لحد امس اسمها القديم..فالجدير بالذكر ان الهبيل نوع من النبات كان يسكن تلك المنطقة فاطلقو عليها الاسم.. مرة ماشين القطينة لمناسبة ومرينا بقرية .. اول ما وقف البوكسى اتلملمو حولنا الاطفال الجميلين المهمشين..سالناهم القرية دى اسمها شنو..ردو بصوت واحد قالو الجعيبة...النسوان المعانا ردن اجى....اسم جميل وحلو وله ذكريات عند اهله...ولكن عندنا نحن منكر..بالجدير بالذكر ان الجعيبة قرية بالقرب من ود بلال ريفى القطينة...فى الخريف لها جو خاص وتحيط بها اشجار السبال وقيزان الرمال .مما حجب اسمها من التغير السياسى...وكثيرا كنا نترحل فيها ونضبح الخروف ونعلقه فى احد اشجارها..ويحوم حلونا اطفالها البرئين وهم يشركون للفر والقطا والقمرى ولهم اهازيج وترانيم عندما يفيض الوادى وتتملىء مجعة ام طير..
هشام تعرف الوزير المايوى الذى قال لاهل الدبة...سوف تظل قريتكم هذه عالية
علو الجبال الشامخات...




--------------------------------------------------------------------------------
مداخلة: #35
العنوان: Re: وفي المغــرب جعــاب طــرية للـبيع!!
الكاتب: هشام هباني
التاريخ: 25-11-2006, 09:31 ص
Parent: #27


العمدة عبد الماجد

سلامات

Quote: طريتنى ( تيس !!! ) ناس جدى عبدالماجد ود احمد



والله كان كدي ماك شكرت تيس جدك عبد الماجد الكلس...الله اديهو العافية!!

لكن يا العمدة ما عاجبني الا كلبكم الاحمر داك.. ده اول كلب سوداني عضو في الانترنت

--------------------------------------------------------------------------------
مداخلة: #29
العنوان: Re: وفي المغــرب جعــاب طــرية للـبيع!!
الكاتب: Amin Hamad
التاريخ: 25-11-2006, 01:29 ص
Parent: #1


الفاضل هشام
وضيوفه الكرام

بالله أيهما يخدش الحياء العام؟ ملاح الشرموط
الذي نعتز به تراثاً ومعني ولا يقل قيمة عن البركاوي
والقنديلة، ولا عن القرمصيص والشيلة
او الفركة والفردة والشايلة منديلة
أم
هذا الجاحظ اب عيناً قوية والذي لم "نتقرف" بمعرفته
كنت كويس اقلب في المداخلات الا ان صدمني في مداخلة
عبد المجيد، قمت ارتديت جلابية وعمة عشان اتم مطالعتي
للبوست، فقد انخدش حيائي

تحية للأخ عبد المجيد
أمين حمد

--------------------------------------------------------------------------------
مداخلة: #30
العنوان: Re: وفي المغــرب جعــاب طــرية للـبيع!!
الكاتب: hatim
التاريخ: 25-11-2006, 02:20 ص
Parent: #29


هشام هبانى...نستسمحك التهذب فى تعابيرك!!!!!!!



ده علاقتو شنو بالنضال يا أبوالنضال..

بح حلاقيم العقلاء في البورد وهم يستسمحونك التهذب في تعابيرك .. هذا البورد يجمع والرجال والأطفال والنساء..لكن تظل ترسل ساقط القول بإسم النضال...
ستظل سلطة الإنقاذ في رقابنا مادام من يحدو الركب فاقد الأهلية..

--------------------------------------------------------------------------------
مداخلة: #32
العنوان: Re: وفي المغــرب جعــاب طــرية للـبيع!!
الكاتب: ABDELMAGID ABDELMAGID
التاريخ: 25-11-2006, 02:32 ص
Parent: #29


Quote: وفي المغــرب جعــاب طــرية للـبيع!!


ود هبانى ...
اخوى ...
الله اكفينا شر ( الجعاب !!! ) الطريه !!! و العين ( القويه !!! )
عبدالماجد

--------------------------------------------------------------------------------
مداخلة: #31
العنوان: Re: وفي المغــرب جعــاب طــرية للـبيع!!
الكاتب: محمد أبوالعزائم أبوالريش
التاريخ: 25-11-2006, 02:21 ص
Parent: #1


الأخ هشام هباني
الأخوة المتداخلين – ما عدا أبوعقال ودقن ما شافت ليها مُشُط
أولاً أحب أن أنوه إلى أن السيد القائد الهُمام، والإمام المُلهم جعفر محمد نميري (أبعاج) قد سبقك في هذا النهج وغيّر فعلاً أسماء بعض القُرى. أذكر منها قرية أرجو إعفائي من ذكر اسمها القديم، إلاّ أنه غيره إلى (مبيريكة)، ولو أمهله الشعب السوداني لطالت رياح التغيير مُلاح الشرموط، والكوَل ومدينتي النهود والدبة، ودبة الفُقرا (حتّى الفُقرا؟).

المسألة حالياً ما مسألة أسماء مدن وقرى، لكن حتى ألفاظنا اليومية أصبحت مستوردة من التاريخ الإسلامي، يعني زمان لو عملت معروف في واحد، يقول ليك (كتّر خيرك والله يبارك فيك، وياها المحرية فيك ...إلخ.)، بس هسة لو ما قال (جزاك الله خيراً، وبارك الله فيك) يكون ناقص الدين والإسلام.

اللهم ثبت عقيدتنا،،

--------------------------------------------------------------------------------
مداخلة: #36
العنوان: Re: وفي المغــرب جعــاب طــرية للـبيع!!
الكاتب: برير اسماعيل يوسف
التاريخ: 25-11-2006, 10:00 ص
Parent: #31


Quote: ستظل سلطة الإنقاذ في رقابنا مادام من يحدو الركب فاقد الأهلية..




عزيزنا/ حاتم

هدي السرعة شوية ... الشغلانية لا تتحمل ما توصلت اليه من نتيجة (فاقد الأهلية)... و يمكنك تجاوز خطاب اخونا هباني بخطاب آخر دون اللجوء الي السباب...

اعتقد بان لخطاب هباني دور في العمل العام و دور موجب و ليس سالب ... و لخطابات الاخرين/ات دور ايضا... لذلك الشغلانية ليست ابيض و اسود كما يوحي كلامك بذلك... المسألة معقدة كتير... فتك بعافية ... و ارقد فايق... و لا تخف علي الناس من كتابات هباني ... فللناس عقول تميز بها الامور... وهي امور جلية وواضحة وضوح الشمس في كبد السماء... فلماذا نترك الجمل بما حمل و نتشعبط في الطريقة التي يكتب بها هباني و كأنما المعارضة لم تنتصر منذ عام الرمادة بسبب كتابات اخونا هباني؟ يا عالم رحمة بنا ... قولوا خير.

--------------------------------------------------------------------------------
مداخلة: #37
العنوان: Re: وفي المغــرب جعــاب طــرية للـبيع!!
الكاتب: هشام هباني
التاريخ: 25-11-2006, 10:02 ص
Parent: #31


الاعزاء/ فاروق,برير, عبد الماجد , حيدر , ابو قوتة, امين وابو العزائم

سلامات

ان حياتنا السودانية بتفاصيلهاالجميلة نحبها حد القداسة ب(شرموطها وكولها وجعيباتها
ودبتها ونهودها وحق المفتش والوساع وقنيطةوحاجات كتيرة لا داعي لسردها) .... لانها صارت جزءا من نسيجنا الاجتماعي والثقافي والوجداني وتخللت مسام الروح فينا ولن نسمح ذات يوم لاي من كان ان يتطاول عليها والنيل منهابرغم بذاءة الفاظها!! وقد احببت ان اذكر مدعي الادب والتهذيب واصحاب الحملات المشهودة في المنبر ضد منهجي في الكتابة والذي اعتذرت مقدما قبل الخوض فيه للقراء الكرام اني مضطر لتجريب هذا المنحي من الكتابة عله يصلح ما افسده الدهر في بلادنا لتوصيف نظام ما بعد البذاءة والعهارة والفحش فعلا لا قولا والذي صمت اولئك الجرادل حتى بالتصدي له باساليب مهذبة ومؤدبة..ببساطة لانهم جبناء ومنافقون مع اعتذاري ايضا للذين لم يتفهموا حتى اللحظة تبريري واضطراري للسير في هذا الخيار القاسي من الكتابة(قليلة الادب) لوصف نظام هو ما بعد(قلة الادب) فعلا عندما اغتصب الرجال والنساء ومارس الفعل الشائن والفاحش باقذع الطرق التي لم تعرفها اليات التعذيب حتى في حقبتي النازية والفاشية!!
واكرر ايضا اعتذاري واسفي جدا لكل المهذبين من اصدقائي وقرائي.. واقول لهم اني لا زلت مضطرا ان اواصل في ذات المنحي القاسي من الكتابة حتى يتوقف المشوهون عن جرائمهم في حق شعبي المظلوم والمغتصب والمقتول والمشرد والمنهوب بفعل لا بقول اولئك المجرمين!!

--------------------------------------------------------------------------------
مداخلة: #45
العنوان: Re: وفي المغــرب جعــاب طــرية للـبيع!!
الكاتب: ABUHUSSEIN
التاريخ: 27-11-2006, 09:12 ص
Parent: #31


Quote: المسألة حالياً ما مسألة أسماء مدن وقرى، لكن حتى ألفاظنا اليومية أصبحت مستوردة من التاريخ الإسلامي، يعني زمان لو عملت معروف في واحد، يقول ليك (كتّر خيرك والله يبارك فيك، وياها المحرية فيك ...إلخ.)، بس هسة لو ما قال (جزاك الله خيراً، وبارك الله فيك) يكون ناقص الدين والإسلام.




يا محمد أبوالعزائم دي ما مستوردة من التاريخ الإسلامي و لا من الدنمارك !!!!!

دي سنة .... يعني الرسول صلى الله عليه و سلم قال لينا قولو كــدا !!!!!

و أعرف السنة علشان الله إستجيب لي دعوتك و إثبتك على عقيدتك

--------------------------------------------------------------------------------
مداخلة: #38
العنوان: Re: وفي المغــرب جعــاب طــرية للـبيع!!
الكاتب: أبو الحسين
التاريخ: 25-11-2006, 10:09 ص
Parent: #1


Quote: ده علاقتو شنو بالنضال يا أبوالنضال..

بح حلاقيم العقلاء في البورد وهم يستسمحونك التهذب في تعابيرك .. هذا البورد يجمع والرجال والأطفال والنساء..لكن تظل ترسل ساقط القول بإسم النضال...
ستظل سلطة الإنقاذ في رقابنا مادام من يحدو الركب فاقد الأهلية..




بدون تعليق!!!؟؟؟


--------------------------------------------------------------------------------
مداخلة: #39
العنوان: Re: وفي المغــرب جعــاب طــرية للـبيع!!
الكاتب: امير عوض الجمري
التاريخ: 26-11-2006, 01:45 ص
Parent: #1


Quote: والله لو كنت مسئولا لرميت مثل هذه الاثارات الرخيصة في أقرب مرحاض

متى تكبرون يا ناس؟؟؟؟؟




سلمت يا رحيم

--------------------------------------------------------------------------------
مداخلة: #40
العنوان: Re: وفي المغــرب جعــاب طــرية للـبيع!!
الكاتب: امير عوض الجمري
التاريخ: 26-11-2006, 01:55 ص
Parent: #1


Quote: بالطبع يبدو موضوعا ساخرا جدا وهايفا ولا علاقة له بالنضال ان يفترع هباني
مثل هذا الموضوع الانصرافي!!



بالطبع .. ونحن نحترمك كثيراً ونقدر لك نضالك .. فرجاءاً عدم تشويش الصورة التي تبدو عليها في دواخلنا.

--------------------------------------------------------------------------------
مداخلة: #41
العنوان: Re: وفي المغــرب جعــاب طــرية للـبيع!!
الكاتب: حبيب نورة
التاريخ: 26-11-2006, 06:42 ص
Parent: #40


وانا أقول بكري عامل لينا صداع بي مشكلة الباندويث
هشام هباني الباندويث حبيبي

--------------------------------------------------------------------------------
مداخلة: #42
العنوان: Re: وفي المغــرب جعــاب طــرية للـبيع!!
الكاتب: ABUHUSSEIN
التاريخ: 26-11-2006, 09:18 ص
Parent: #1


نـعـم الأدب و الإحترام و الألفاظ الجميلة


فعلا بتعكسوا وجه كـل السودانيين الطيبين في فـضـاء العالم

--------------------------------------------------------------------------------
مداخلة: #43
العنوان: Re: وفي المغــرب جعــاب طــرية للـبيع!!
الكاتب: هشام هباني
التاريخ: 26-11-2006, 10:53 ص
Parent: #42


العزيزان المهذبان المؤدبان ABUHUSSEIN وابو الحسين

سلامات

ولا زلت اعتذر واعترف اني اكتب كلاما خادشا للحياء ولكني لا زلت للاسف مضطرا ان اواصل في ذات المنحي و هو دلوي بهذه اللغة البشعة في توصيف نظام ما بعد البذاءة والعهارة والفاحشة فعلا لا قولا.. ولا اجد له في اللغة من مفرداتها المنحطة جدا والتي تعجز في توصيفه الا هذه المفردات وهي مقال للاسف يتقاصر في توصيف المقام!!
ولكني استحلفكما بالله ايها المهذبان الشريفان هل ابديتما ولو رايا مهذبا خجولا في ادانة عصبة الانقاذ في بشاعاتها المشهودة.. والموثقة من اغتصاب للرجال حد ادخال الحديد والقزاز في ادبارهم وانتما تحقان الحق وهو امر نادي به الدين والساكت عن الحق شيطان اخرس..!!
اسمع منكما وبعد ذلك نواصل الحوار المهذب

محبتي واحترامي

هشام

--------------------------------------------------------------------------------
مداخلة: #46
العنوان: Re: وفي المغــرب جعــاب طــرية للـبيع!!
الكاتب: مأمون عوض محمد أحمد
التاريخ: 27-11-2006, 03:08 م
Parent: #43


أقترح تجنيد الناس في الدفاع الشعبي والخدمة الإلزامية
بأي طريقة لمحاربة هذه الكلمات ومن يمت منهم يكون شهيدا
ويستحق عرس الشهيد

--------------------------------------------------------------------------------
مداخلة: #47
العنوان: Re: وفي المغــرب جعــاب طــرية للـبيع!!
الكاتب: سيف النصر محي الدين محمد أحمد
التاريخ: 28-11-2006, 04:56 ص
Parent: #46


يا ود هباني ممكن كمان تغيروا لينا أسم الحيوان القبيح أبو سنام داك..يعني ممكن الأكتفاء بأسم سفينة الصحراء لأنو بصراحة أسمو مخجل شديد.


--------------------------------------------------------------------------------

ليست هناك تعليقات:

إرسال تعليق