(حبابكم عشــرة) دعــوة سودانية رخيصة جــــدا!

مكتبة هشام هباني (حبابكم عشــرة) دعــوة سودانية رخيصة جــــدا!!
09-10-2006, 00:52 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200026667&rn=0


--------------------------------------------------------------------------------
مداخلة: #1
العنوان: (حبابكم عشــرة) دعــوة سودانية رخيصة جــــدا!!
الكاتب: هشام هباني
التاريخ: 09-10-2006, 00:52 ص



قبل قليل كنت اشاهد علي القناة السودانية حلقة من البرنامج الرمضاني اليومي( حبابكم عشرة) حيث كانت توزع فيه الجوائر علي بعض المتسابقين وكانت قيمة كل جائزة( اثنين مليون جنيه) حيث ياتي المتسابق الى المذيع ومعه ضيف الحلقةالذي يسلم اليه الجائزة امام المشاهدين .. ونسبة لطول غيابي عن الوطن كنت اعتقد ان المتسابق سيتسلم ال
( اثنين مليون جنيها) في هيئة (شيك).. ولكن المفاجأة يسلمونه (كمشة) اوراق هي
( المليونين)!!
فقلت في نفسي( غايتو المليون جنيه هاملة هملة شديدة في بلدنا..يعني ممكن نكون بالشكل ده بلد العشرين مليون مليونير!!) اي اغني شعب في الدنيا( بالناكوسي)!!!
فجأة تذكرت اسم البرنامج( حبابكم عشرة) هذه الدعوة القيمة وهي دعوة سودانية مشحونةبزخم من القيم الجميلة ..فالمنطق الخرابي في بلادنايفترض ان قيمتها تتاثر بالحالة الاقتصادية وطالما العشرين جنيه القديمة تضخمت وصارت اثنين مليون جنيه ايضا ينبغي ان تتدهور هذه القيمة وتتضخم لتصير( حبابكم مليون ) مواكبة هذا الخراب ولكنها رغم التضخم والخراب الاقتصادي ظلت عملة صعبة لم تتاثر قيمتها بهذا الخراب وظلت هي ذات العملة القديمة الجميلة من السودان القديم الجميل بذات المضامين الجميلة.. ولا املك الا ان اقول لكم احبكم بالعشرة وحبابكم عشرة وكل العام وانتم بخير ورمضان كريم!!

هباني

--------------------------------------------------------------------------------
مداخلة: #2
العنوان: Re: (حبابكم عشــرة) دعــوة سودانية رخيصة جــــدا!!
الكاتب: هشام هباني
التاريخ: 09-10-2006, 04:08 م
Parent: #1


>>>>>>>>>>>>>>>>>>>>

--------------------------------------------------------------------------------
مداخلة: #3
العنوان: Re: (حبابكم عشــرة) دعــوة سودانية رخيصة جــــدا!!
الكاتب: Mustafa Mahmoud
التاريخ: 09-10-2006, 04:11 م
Parent: #2


احتمالات

ربما الماء يروب ،

ربما الزيت يذوب،

ربما يحمل ماء في ثقوب ،

ربما الزاني يتوب ،

ربما تطلع شمس الضحى من صوب الغروب ،

ربما يبرأ شيطان ، فيعفو عنه غفار الذنوب،

إنما لايبرأ الحكام في كل بلاد العرب من ذنب الشعوب

--------------------------------------------------------------------------------
مداخلة: #4
العنوان: Re: (حبابكم عشــرة) دعــوة سودانية رخيصة جــــدا!!
الكاتب: حسن الجيلى سعيد
التاريخ: 10-10-2006, 07:08 ص
Parent: #1


العزيز/هبانى
والله اكرم والبحبو كلو كريم....
حبابك مليونين ونحن بنحبك بالاف
مودتى

--------------------------------------------------------------------------------
مداخلة: #5
العنوان: Re: (حبابكم عشــرة) دعــوة سودانية رخيصة جــــدا!!
الكاتب: هشام هباني
التاريخ: 10-10-2006, 08:46 م
Parent: #4


دكتور مصطفى وحسن الجيلي

رمضان كريم

وحبابكم بليون عديل شوفوا الرجالة دي!!

تصوموا وتفطروا علي خير.

هشام


--------------------------------------------------------------------------------