المجاهدون والدبابون يزرزرون الترابي والبشير؟؟

مكتبة هشام هباني المجاهدون والدبابون يزرزرون الترابي والبشير؟؟
10-05-2006, 06:22 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200199895&rn=0


--------------------------------------------------------------------------------
مداخلة: #1
العنوان: المجاهدون والدبابون يزرزرون الترابي والبشير؟؟
الكاتب: هشام هباني
التاريخ: 10-05-2006, 06:22 ص




امبارح يعني دغش الليلة ده بعد سهرة صباحية مع التاكسي و( الويك اند) وما خلينا سكران ما رجعناهو لبيتو ووليداتو قبل ما يرتكب الكبائر وتبقي الشربة ام الكبائر( يعني لسه في حالتهاالقال عليها شيخ حسن حلال)..وما خلينا مطلوقة ما وصلناها لبيتها قبل( الشروع في الزنا) اخوكم قال اياخد ليهو دقسة قدام طلمبة بنزين وبعد داك اواصل الرجعة للبيت الذي بناهو الجاك؟؟؟
المهم الحلم حصل وحمدا لله بت ابليس ما عندها طريقة في بلاد العم سام..المهم حلمت انو القيامة قامت....ونحن في طريقنا ( ام فكو) نفتش لرسولنا الشفيع يعني قافلين علي الشفاعة....المهم شايفين العجاج اكتح وشكله وكواريك وناس ام فكو وتكبير وتهليل ..
اول ما قربنا وكل زول طبعا قابض ( عدتو) بندور السترة في الزمن الصعب داك....المهم لقيت ليك علي عبد الفتاح ومعاهو جماعة من اصحابو المجاهدين كلهم ام فكو وما في زول ساتر عورتو لانو الشكلة والزرزرة شديدة...وما في زول عندو وقت للسترة..المهم لقيتم قابضين شيخ الترابي والبشير الاتنين وهم ام فكو وخانقنهم خنق شديد....وعلي عبد الفتاح اقول للترابي :انا فطيسة يا فطيسة انت يا رمة يا مجنون ....تغشونا وتودوناوتكتلونا وتقعدوا لي في بيوتكم في المنشية وضاربين الراحات انتو واولادكم وتودوا اولاد الناس اموتوا في الجنوب ..وبعد ده تقولوا علينا فطايس والشريعة غيرتوها يا زنديق وصاحبنا الترابي اكورك كواريك شديدة.... الحقوني يا ابو مروة...وسامع ليك صوت مرة من بعيد اظنو صوت حاجة سعاد وتقول لي ناس علي عبد الفتاح : فطسوهو الزنديق السود وشنا قدام العالم ..ده مجنون..وقعدت اتاوق عشان اشوف ست الصوت. قام صاحبي قرصني وقال لي : ات يا زول عوير ده جو بتمرق فيه حرمة..الحريم ديل ما عندهن غير اطلعن ريسينن من القبور والا الحكاية بتضربها الهبوب ساكت...هناك شفنا بقية المجاهدين مزرزرين ليكم البشير ظااااطو بتلاليشو الكبار ديل خانقنو من رقبتو واخونا قاعد ام فكو ساكت.... واقولوا ليهو: صدقنا انك امير المؤمنين وتودونا نكاتل في الجنوب وتقولوا لينا الحور العين ونحن نموت وانتوا قاعدين تنهبوا في المال وتعرسوا في النسوان وحتى انت يا سعادتك تقوم بلا خجلة تعرس يا تافه يا كضاب....يا حرامي والشريعة طلعت فشنك ساكت ودفنتونا في الجنوب وهملتونا و صاحبنا البشير اعيط....واكورك وجنبو كالعادة عبد الرحيم ابوريالة لاصق فيهو وكلما الجماعة اشلتوا البشير تروح عورتو طالعة بره وفي اللحظة اروح عبد الرحيم مغتي للبشير عورتو واقوم ليك في اللحظة ديك واحد من الدبابين مشلت ليك عبد الرحيم في بلنجاتو واقول ليهو : ات تعرصتك دي حتى ليوم القيامة ما بتخليها... و شوال الكبس حسين خوجلي شايل دلوكة احرر في الشكلة و عندو بلنجات بت كلب (ايام لها بلنجات) .... وهناك شايفين ليك عجاجة عاكلة بس دهمة زرقة طلعت ده علي الحاج جاري فاكي البيرق ازرق بس زي شوال الفحم طاير والله جراي جري والجماعة ساكنو ياهو ياهو ياهو والعدة ضاربها الهوا واشلتوا فيهو في بلنجاتو وهو اكورك واقول ليهم : يا جماعة خلوها مستورة...خلوها مستورة وطلعوا الجماعة ديل اهلنا ناس الغرب بتاعين طريق الانقاذ الغربي وبعد لحظات نشوف ليك جماعة طايرين طير وانطوا ليك في عبد الرحيم ابو ريالة واقوم جاري ام فكو واروحو ساكنو الجماعة وصاحبي اقول لي عارف ديل منو ..ديل ما ناس ضحايا مستشفى الشرطة الوقع وفعلا قعدواشلتوا فيهو في بلنجاتو..وريالتو سايلة وشايل كتابو بشمالو واكورك البتاع في البتاع في البتاع والمهم شكلةلرب السما وبعد داك شفت ليكم ابليس ميت بالضحك واعاين للترابي واقول ليهوشمتان براي السويته في نفسي والتسوي كريت في القرض تلقاهو في جلدها)....وهناك في حتة بعيدة نشوف ليكم العجاج كاتح واب عاج نميري ببلنجاتو جاري فللي ساكنو جماعة انططوا زي حيوانات الكنغارو ولمن قربنا منهم طلعوا مقطعين من كرعينن ويدينن وبس حصلوا ليكم نميري ووقعوا فيها شلاليت وعض شديد وبس صاحبي قرصني قال لي ما عرفت ديل منو؟؟ قلت ليهو ابدا قام قال لي ديل جماعة الشريعة المقطعين من خلاف وواحد فيهم من الزعل قعد اعضي نميري من بلنجاتو ونميري اكورك والزول اعضي فيهو من بلنجاتو عض شديد والنميري اكورك واعاين للترابي من بعيد واقول ليهو : ده كلو منك يا دجال يا ضلالي يا مجنون.. وحاجة سعاد براسها الكبير مارق من القبر تقول للنميري الترابي الله العنو السود وشنا قدام الدنيا المجنون ... وطبعا مافي طريقة تمرق من القبر تفرفر في محلها والا الحكاية بتبوظ ساكت... قمت بعد داك سالت صاحبي لزوم شمشرة ساكت عن الرفيق (نقد) وين محلو صاحبي قال لي والله ده بكونوا الملايكةلهسع لافين بدوروا عليهو و ما عارفين قبرو بي وين ولابد وين؟؟ وسالتو عن الامام فقال لي والله ده بكون حلج منكر ونكير نقة تقيلة ( بالجنة المستدامة وحيث انو كما ينبغي تكوين مؤتمر قومي جامع لمراحيم السودان) وهسع بكون نكير ظاااطو ما فاهم حاجة واكون بقي انصاري عديل...وسالتو عن مولانا واخبارو شنو بكون وين فاجابني :ات يا زول مودر مولانا ما بطلع في حر زي ده ده جدو النبي جنتو مضمونة و ده بكون لهسع نايم ما جايب خبر القيامة ظاااطها وما سمع الصفارة لهسع وضارب النوم تقيل....ديل اولاد راحات ... المهم فجاة اخوكم اصحى والقي نفسو قدام الطرمبةبتاعة البنزين...وهناك زبون في راسي منتظر الطاكسي وقلت اللهم اجعلو خير.....كدي بالله فسروها لي الحلمة دي..


ظااااطو



--------------------------------------------------------------------------------
مداخلة: #2
العنوان: Re: المجاهدون والدبابون يزرزرون الترابي والبشير؟؟
الكاتب: هشام هباني
التاريخ: 10-05-2006, 01:45 م
Parent: #1


..................................

--------------------------------------------------------------------------------
مداخلة: #3
العنوان: Re: المجاهدون والدبابون يزرزرون الترابي والبشير؟؟
الكاتب: هشام هباني
التاريخ: 10-05-2006, 09:26 م
Parent: #2


اللهم اجعله خيرا

--------------------------------------------------------------------------------
مداخلة: #4
العنوان: Re: المجاهدون والدبابون يزرزرون الترابي والبشير؟؟
الكاتب: هشام هباني
التاريخ: 11-05-2006, 04:51 ص
Parent: #3


القيامة قامت

--------------------------------------------------------------------------------
مداخلة: #5
العنوان: Re: المجاهدون والدبابون يزرزرون الترابي والبشير؟؟
الكاتب: هشام هباني
التاريخ: 11-05-2006, 06:20 ص
Parent: #4


والقيامة قامت

--------------------------------------------------------------------------------
مداخلة: #6
العنوان: Re: المجاهدون والدبابون يزرزرون الترابي والبشير؟؟
الكاتب: هشام هباني
التاريخ: 11-05-2006, 10:20 ص
Parent: #5












القيامة قامت

--------------------------------------------------------------------------------
مداخلة: #7
العنوان: Re: المجاهدون والدبابون يزرزرون الترابي والبشير؟؟
الكاتب: هشام هباني
التاريخ: 12-05-2006, 10:05 ص
Parent: #1


............................

--------------------------------------------------------------------------------
مداخلة: #8
العنوان: Re: المجاهدون والدبابون يزرزرون الترابي والبشير؟؟
الكاتب: هشام هباني
التاريخ: 14-05-2006, 09:42 ص
Parent: #7


؟؟؟؟؟؟؟؟؟؟؟؟؟؟؟؟؟؟؟؟؟؟؟؟

--------------------------------------------------------------------------------
مداخلة: #9
العنوان: Re: المجاهدون والدبابون يزرزرون الترابي والبشير؟؟
الكاتب: Sabri Elshareef
التاريخ: 14-05-2006, 12:56 م
Parent: #1


يا سلام ياود يا همام ظرافة ولطافة وحسن كتابة ولك شوقي

--------------------------------------------------------------------------------
مداخلة: #10
العنوان: Re: المجاهدون والدبابون يزرزرون الترابي والبشير؟؟
الكاتب: الجيلى أحمد
التاريخ: 14-05-2006, 04:02 م
Parent: #1


Quote: قمت بعد داك سالت صاحبي لزوم شمشرة ساكت عن الرفيق (نقد) وين محلو صاحبي قال لي والله ده بكونوا الملايكةلهسع لافين بدوروا عليهو و ما عارفين قبرو بي وين ولابد وين؟؟




هبانى إزيك

--------------------------------------------------------------------------------
مداخلة: #11
العنوان: Re: المجاهدون والدبابون يزرزرون الترابي والبشير؟؟
الكاتب: ABDELMAGID ABDELMAGID
التاريخ: 14-05-2006, 08:42 م
Parent: #10


Quote: المجاهدون والدبابون يزرزرون الترابي والبشير؟؟
والقيامة قامت


ودهبانى اخوى ...
قلت لى الجماعه زرزروم و كمان ام فكو عدييييل كدى ... اوعى اكون كمان حمار الوادى !!!
عبدالماجد

--------------------------------------------------------------------------------
مداخلة: #12
العنوان: Re: المجاهدون والدبابون يزرزرون الترابي والبشير؟؟
الكاتب: هشام هباني
التاريخ: 15-05-2006, 06:30 ص
Parent: #11


صبري والجيلي وعبد الماجد


صباحاتكم بالف خير


والله حتكون هناك جنس زرزرة قبل الحساب شي شلاليت وشي قبقيب وشي خنق وفطيس والعورات بره وما في زول شغال بي زول حتى لو جا الجكس كلو حافي حالق ما في زول شغال بي زول الا اللهم العينو طايره حتي يوم القيامة ما بخلي عادتو ....بس يا الله متين تجي القيامة ونشوف الحاصل شنو!!

ظاااااطو

--------------------------------------------------------------------------------
مداخلة: #13
العنوان: Re: المجاهدون والدبابون يزرزرون الترابي والبشير؟؟
الكاتب: هشام هباني
التاريخ: 23-05-2006, 12:39 م
Parent: #12


................................

--------------------------------------------------------------------------------
مداخلة: #14
العنوان: Re: المجاهدون والدبابون يزرزرون الترابي والبشير؟؟
الكاتب: عمر ادريس محمد
التاريخ: 23-05-2006, 09:51 م
Parent: #1


....بس يا الله متين تجي القيامة ونشوف الحاصل شنو!!



--------------------------------------------------------------------------------
مداخلة: #15
العنوان: Re: المجاهدون والدبابون يزرزرون الترابي والبشير؟؟
الكاتب: هشام هباني
التاريخ: 12-06-2006, 06:07 م
Parent: #14


عمر ادريس

سلامات

يا خوي القيامة قامت وانت دحين ما كلموك!!

--------------------------------------------------------------------------------
مداخلة: #16
العنوان: Re: المجاهدون والدبابون يزرزرون الترابي والبشير؟؟
الكاتب: هشام هباني
التاريخ: 14-06-2006, 01:48 ص
Parent: #1


؟؟؟؟؟؟؟؟؟؟؟؟؟؟؟؟؟؟ظ

--------------------------------------------------------------------------------
مداخلة: #17
العنوان: Re: المجاهدون والدبابون يزرزرون الترابي والبشير؟؟
الكاتب: هشام هباني
التاريخ: 15-06-2006, 00:29 ص
Parent: #1


؟؟؟؟؟؟؟؟؟؟؟؟؟؟؟؟ظ


--------------------------------------------------------------------------------