السبت، 26 أبريل، 2008

نكتـة قد تضحكك وتبكيك وقد تضطرك لحمل السلاح

مكتبة هشام هباني نكتـة قد تضحكك وتبكيك وقد تضطرك لحمل السلاح!!
02-11-2006, 10:29 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1199946681&rn=0


--------------------------------------------------------------------------------
مداخلة: #1
العنوان: نكتـة قد تضحكك وتبكيك وقد تضطرك لحمل السلاح!!
الكاتب: هشام هباني
التاريخ: 02-11-2006, 10:29 ص



الزول محمد احمد ابو العيلة الموظف الحكومي الشريف ابو الخمسة عيال قاموا شالوهو الجماعة الرساليين (للصالح العام).. والزول عندو بنتين في العام وواحدة في العالي وواحدة يا دوب دخلت الجامعة في الخرطوم وعندو وليد صغيرون في الابتدائي وهو كان ساكن في واحدة من مدن السودان الكتار...
الحالة بعد الفصل من العمل بقت شلش....البنات عاوزات مصاريف دراسة وملابس وحاجات بنات خاصة.. والبيت بيت ايجار عاوز اكل وشراب وفواتير موية وكهرباء وعلاج ومواصلات وحبة مصاريف شوية للحاجة تشتري حاجياتها!!
الحاجة زولة طيبة بت ناس قامت باعت الغوايش الفي اليدين.. وعشان بس اياكلوا.. وبعد داك بدوا ابيعوا حبة عفش الصالون.. وباعوا العربية القديمة من ايام الوظيفة... وباعوا الارض الخاتنها للظروف عشان ابنوها وبعد داك بدا البيع في حاجات كتيرة!!
الزول محمد احمد....لازال مشدوه..مصدوم..العين بصيرة والايد قصيرة...فجأةالبنت امونة بتاعة الجامعة دبرت روحها ومشت تلحق الدراسة في الخرتوم.. وسكنت داخلية بالايجار.. واشترت هدوم جديدة... واشترت الكتب.. ورجعت في الاجازة وجابت لابوها هدوم العيد و كمان ساعة ومركوب!!
فجأة في البيت الاكل اتصلح..كبد وشيات وكلاوي وجبن وزيتون....والزول محمد احمد لازال مصدوم..الليلة اول يوم اياخد مصروف من بنتو بتاعة الثانوي.. والليلة الحاجة ادتو لاول مرة مصروف عشان اجيب ( القزازة) الكان متعود اجيبها ايام الوظيفة.... وصلى العشاء وشرب المعلوم واتخدر ونام وسوا السنة زي ما بسووا الرجال مع النسوان!!
واستمر الحال..وحصل التطبيع زي مصر العروبة وكامب ديفيد والسادات ورابين!!
يوم من ذات الايام صحا محمد احمد,, وكورك: يا حاجة الفطور..يا حاجة مالو اتاخر الفطور
وجابت الحاجة الطيبة الفطور...لكنو الدور ده الفطور تعبان شديد بس فــــــد صحن فول بالزيت وملاحة من غير شطة ونص عيشة.....وقام محمد احمد اتنفخ وبرم شنباتو زعلان شديد وحمبك في الحاجة وهاج في الحاجة: يا مرة يا بت اللزينا يا سجمانه يا رمدانة يا حيوانة!!
قامت الحاجة المسكينة قالت ليهو: في شنو يا محمد احمد اخوي نعل ما في عوجة؟؟
هنا اتنفخ محمد احمد وقال ليها باعلى صوتو: كيفن ما في عوجة بعد العوج ده امانة في زمتــك ده الليلة ياحاجة ده فطور معــــــــــــــــرررررررررررررص!!؟؟
اللهم لا اعتراض في حكمك يا الله

--------------------------------------------------------------------------------
مداخلة: #2
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: SAdo7
التاريخ: 02-11-2006, 10:57 ص
Parent: #1


يا هاشم
الا الواحد اضحك على الهباله
والانحطاط بتاع البوست ده
ولك كل التحايا يا مناضل

--------------------------------------------------------------------------------
مداخلة: #3
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: هشام هباني
التاريخ: 02-11-2006, 05:24 م
Parent: #2


فلان

ازيــك


Quote: الا الواحد اضحك على الهباله
والانحطاط بتاع البوست ده
ولك كل التحايا يا مناضل



أليس ما ذكرته هنا واقع ماساوي معاش يدعو للرثاء والبكاء بل حمل السلاح ؟؟ و ماذا تعني لديك احصائيات الايدز الوبائية الرسميةالمخيفة؟؟.. الا تدلل
علي صدق هذا الواقع...ام يا تري قد تكون يا ايها المؤمن بريئا حد السذاجة ومقتنعا ان الايدز اتي الي بلادنا من كثرة تناولنا لوجبة (ملاح الشرموط) الحقيقي لا المجاز!!
وهل تناول (ملاح الشرموط )المجاز ياتي من مواقعة بين رجل ودجاجة ام بين نفسين بشريتين
سودانيتين ولا يهم من اية عائلة او قبيلة او مدينة!!
اتق الله يا مؤمن يا جبان!!

--------------------------------------------------------------------------------
مداخلة: #4
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: عبد المنعم سليمان
التاريخ: 02-11-2006, 05:36 م
Parent: #1


الاخ هشام ..

اخونا صاحب الرقم 7 دا بمارس في جهاد اسفيري خليه ..


مسكين جاي ينصر الاسلام بالكلمتين ديل ..



عالم غريب



منعم

--------------------------------------------------------------------------------
مداخلة: #5
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: هشام هباني
التاريخ: 02-11-2006, 07:06 م
Parent: #4


العزيز منعم

سلامات

Quote: اخونا صاحب الرقم 7 دا بمارس في جهاد اسفيري خليه ..


مسكين جاي ينصر الاسلام بالكلمتين ديل ..





هم لكن ما بعترفوا بالكي بورد وسيلة للجهاد..لكنهم كمان مصرين اجاهدوا بيها
يا سبحان الله !!

--------------------------------------------------------------------------------
مداخلة: #6
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: هشام هباني
التاريخ: 02-11-2006, 10:43 م
Parent: #5


اللقب: SAdo7
الحالة: .


عدد البوستات: 741
تاريخ التسجيل: 06-01-2003
محل الاقامة: لا دار للمرء الا التى كان قبل الموت يبنيها . . فان بناها بخير طاب مسكنه وان بناها بشر خاب بانيها
: Not shown
عنوان مكتبتى بسودانيزاونلاين دوت كم : http://www.sudaneseonline.com/uploadvideo/protected/Aghamy.ram
اكلات مفضلة: اى حاجه من يد ست الناس
الاسم الحقيقى:
التلفون:
الجامعة/المعهد: اللهم انى اسالك علما نافعا ورزقا واسعا وما قل وكفى خير مما كثر والهى
الحالة الاجتماعية: Single
العنوان الدائم: جاء رجل لسفيان الثوري فقال : إني أشكو مرض البعد عن الله فماذا أفعل ؟
فأجابه : يا هذا عليك بورق الصبر .. وعروق الإخلاص .. وعصير التواضع .. ضع ذلك كله في إناء التقوى .. وصب عليه ماء الخشية .. وأوقد تحته نار الحزن .. وصفه بمصفاة المراقبة .. وناوله بكف الصدق .. واشربه في كأس الاستغفار .. وتمضمض بالورع .. وأبعد نفسك عن الحرص والطمع .. تشفى من مرضك بإذن الله ..


الفنان المفضل: اولئك الذين ضل سعيهم فى الحياة الدنيا وهم يحسبون انهم يحسنون صنعا
اللون السياسى: لقد اعزنا الله بالاسلام فما ابتغينا العزة فى غيره الا اذلنا الله
النوع: Male
الهوايات المفضلة: فلما نسوا ماذكروا به فتحنا عليهم ابواب كل شئ حتى اذا فرحوا بما اتوا اخذناهم بغتة فاذا هم مبلسون
الوظيفة:
تاريخ الميلاد: 07 / 07
درست المرحلة الابتدائية فى ......و سنة....:
درست المرحلة الثانوية فى ......و سنة....:
درست المرحلة المتوسطة فى ......و سنة....:
شاعرك المفضل: http://media.islamway.com/several/239/09_Klna.rm
عدد الاطفال:
معلومات اضافية: اللهم انى اشكو اليك ضعف قوتى وقلة حيلتى وهوانى على الناس
انت ارحم الرحمين ورب المستضعفين انت ربى الى من تكلنى؟
الى قريب يتجهمنى ؟ او الى عدو وكلته امرى ؟
ان لم يكن بك على غضب فلا ابالى غير ان عافيتك هى اوسع لى
اعوذ بنور وجهك الذى اشرقت له الظلمات وصلح عليه امر الدنيا والاخرة
ان ينزل بى غضبك او يحل بى سخطك لك العتبى حتى ترضى

ــــــــــــــــــــــــــــــــــــ

الذي اعلاه هو ملف لمؤمن صالح يخاف الله كما يخاف الناس وبالدليل هو خوفه من نشر اسمه
الحقيقي..اي يجبن من المواجهة باسمه لانه لا يريد ان بتحمل مسئولية ما يكتب!! يا بئس الرجولة والايمان!!

وما تحته خط في ملفه هو اعتراف صريح بضعفه وقلة حيلته وهوانه!!
وانا اسالك يا عزيزي( الخفاش)....سؤالا صريحا: واذا كنت ضعيف الحيلة والقوة ومهانا
ما الذي اتي بك هنا محل الرجال الصناديد الذين يتحملون مسئولية ما يكتبون باسمائهم الحقيقية وهم يدافعون عن قضايا شعبهم امام السلطة الجائرة والتي لا يجرؤ امثالك ايها الجبان الرعديد من مواجهتها!! كن رجلا ولو لحظة حتى يحترمك الجميع؟؟!!


--------------------------------------------------------------------------------
مداخلة: #7
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: فاروق حامد محمد
التاريخ: 03-11-2006, 06:15 ص
Parent: #6


الباسل هشام خليك من الجماعة ديل ربنا يهديهم !!!!!!!!!!!!




اليوم فتحنا بوست مش بجيب كتاحات!!! ده بجيب اعصار كاتارينا

(ظاتو)- كما تقول - وهو يتحدث عن السبب الحقيقي وراء بقاء

الانقاذ حتى اليوم !!! وعن سر ضياع حلايب !!!! وسر موقف مولانا

وقادة التجمع الوطني !!!! وعن الخ ..... وعنوانه :

لولا تأييد نظام حسني مبارك لما بقي انقلاب الانقاذ اسبوعا واحدا !!!!!!!!!!!!


المهم شوف لينا معاك تاكسي ولا حتى كارو ... فالمصريون اخواننا

دول ايديهم طوييييييييييييييييييلة بهنا ... وربك يستر وقبل ده شوف

لينا فيزا !!!!!!!!!!!!!!!!!

--------------------------------------------------------------------------------
مداخلة: #8
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: محمد عادل
التاريخ: 03-11-2006, 06:25 ص
Parent: #7


الهم الحبيب هشام هبانى
والله ياعم هشام القصة الحكيتها دا
دا الواقع المعاش الان فى السودان والله لم تقل الى الحقيقة المعاشة فى المجتمع السودانى
البنت تجى من الاقاليم تدرس فى الخرطوم وترسل لى اهلها المصاريف
احكى ليك قصة
عندنا واحد صاحبنا بيتهم جنب داخلية
قالو مرة قاعدين فى الشارع جات بنت من بنات الاقاليم ديل مسافرة ماشا اهلها
قالو جابت بوكسى كبير وقفتو جنب الداخلية
وجاب ليها 2عتالة اشيلو ليها الحاجات
حلف قالو تلفزيون تلاجة 3شنط طلعت من الداخلية ماشى لى اهلها
شفتى كيف
دا الحالة الاقتصادية لنظام الانقاذ اشتغلت

--------------------------------------------------------------------------------
مداخلة: #18
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: هجو الأقرع
التاريخ: 16-11-2006, 04:38 م
Parent: #8


محمد عادل اتق الله لسع ما وصلت المستوى .... واله بالغت قالوا والله قالن

--------------------------------------------------------------------------------
مداخلة: #13
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: عصام أحمد
التاريخ: 05-11-2006, 08:17 م
Parent: #4


.

--------------------------------------------------------------------------------
مداخلة: #9
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: عبد المنعم سليمان
التاريخ: 03-11-2006, 08:08 ص
Parent: #1


يا هباني رقم 7 كتب :

Quote: محل الاقامة: لا دار للمرء الا التى كان قبل الموت يبنيها . . فان بناها بخير طاب مسكنه وان بناها بشر خاب بانيها




اخي المؤمن 7 انت ساكن في بيت عنكبوت ولا شنو ...


ولا شنو


منعم

--------------------------------------------------------------------------------
مداخلة: #10
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: ABDELMAGID ABDELMAGID
التاريخ: 03-11-2006, 11:32 ص
Parent: #9


Quote: نكتـة قد تضحكك وتبكيك وقد تضطرك لحمل السلاح!!


ود هبانى اخوى .....
اظهر انو فى ناس قصتك دى بكتم لحدى ما ( جعروا !!! )
اللهم اجعل فى ( جعيرهم !!! ) كيدا لهم و لأسيادهم ....
و لييييفوق يا يا هشام .....
عبدالماجد

--------------------------------------------------------------------------------
مداخلة: #11
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: Sabah Hussein
التاريخ: 04-11-2006, 01:11 ص
Parent: #1


اتفق معكم ان الفساد عم كل انحاء السودان.

بمافيها العاصمه التـى امتلأت بالاجانب وخصوصا العرب والكيزان المحترفون

لمهنة اللواط. ولا استثنى نساء العاصمه .وليس طالبات الاقاليم وحـدهم المفسدات.

اتمنى ان لايكون الاسم الذى ذكرته فى النكته حقيقى درأ للتشهير.

كنت اتمنى عدم ذكر اسم مدنى لحبى وغيرتى عليها.

ياليتك عممت النكته لعدم جرح مشاعر ناس مـدنى

هذا الحال يدعو لحمل السلاح.

--------------------------------------------------------------------------------
مداخلة: #12
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: هشام هباني
التاريخ: 04-11-2006, 08:15 ص
Parent: #11


استاذ فاروق,محمد ,منعم,عبد الماجد وصباح

سلامات

انها صورة يومية للواقع المر بكل تجرد وشفافية..ولكننا احيانا
نجبن استحياء من التعرض له بينما هو واقع يتهدد
اسرنا,,,,اهلنا...بالسقوط والفناء اذا لم نوقف تدحرج كرة الثلج
هذه التي تدهس الجميع اثناء دورانها,,اي بالثورة
واقتلاع هذا الكابوس وكنسه في مذابل التاريخ.

--------------------------------------------------------------------------------
مداخلة: #14
العنوان: Re: لا لا يا ود هباني.. رجال مدني مو زي قولك!!
الكاتب: المسافر
التاريخ: 06-11-2006, 03:44 ص
Parent: #12


قالوا

أعياهم نضال مدني

شوقي لي

أبوي ود مدني

دار أبوي السني
ساكن القبة ود مدني

--------------------------------------------------------------------------------
مداخلة: #15
العنوان: Re: لا لا يا ود هباني.. رجال مدني مو زي قولك!!
الكاتب: هشام هباني
التاريخ: 16-11-2006, 10:05 ص
Parent: #14


المسافر اخوي

سلامات والحب والاحترام لاهلنا في مدني السني

ومعا لعودة المناضلين تراجي مصطفي ودكتور مصطفي محمود.

هباني

--------------------------------------------------------------------------------
مداخلة: #17
العنوان: Re: لا لا يا ود هباني.. رجال مدني مو زي قولك!!
الكاتب: cantona_1
التاريخ: 16-11-2006, 01:05 م
Parent: #15


إلى محمد عادل


Quote: البنت تجى من الاقاليم تدرس فى الخرطوم وترسل لى اهلها المصاريف
احكى ليك قصة
عندنا واحد صاحبنا بيتهم جنب داخلية
قالو مرة قاعدين فى الشارع جات بنت من بنات الاقاليم ديل مسافرة ماشا اهلها
قالو جابت بوكسى كبير وقفتو جنب الداخلية
وجاب ليها 2عتالة اشيلو ليها الحاجات
حلف قالو تلفزيون تلاجة 3شنط طلعت من الداخلية ماشى لى اهلها



كلامك واضح يا محمد عادل أن المفسدات هن بنات الأقاليم وهذا خطأ تعميمي كبير.
هل تعني أن بنات العاصمة التي أصبحت كرش فيل ولحم راس هن الشريفات العفيفات ؟؟ لا أظن ذلك ولكن يبدو أن تجربتك محدودة مع بنات الهوى في الخرطوم.

فلا داعي لشخصنة الموضوع العام وكل بيت وكل اسرة فيه الصالح وفيه الطالح وكل شارع وكل حي وهكذا وحكاية البنت الشحنت البوكس دي قصة لا يصدقها العقل والمفروض صاحبك دا يخلي باله من أخواته المجاورات لتلك الداخلية لا أن ينظر للداخلية وساكناتها.

والله يهدي الجميع

عمك كانتونا

--------------------------------------------------------------------------------
مداخلة: #16
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: Mahjob Abdalla
التاريخ: 16-11-2006, 01:02 م
Parent: #1


*

--------------------------------------------------------------------------------
مداخلة: #19
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: هجو الأقرع
التاريخ: 16-11-2006, 04:54 م
Parent: #1


هشام هبانى ، سلام لقد لا مست هما عظيما، وواقعا مؤسفا، ولكن يمكن ان تكون البنت غاشه اهلهافى بعض الامور ، اما ان تاتى بمصرف البيت وحاجات العيد وهى طالبة دى شوية من اكسسوارات النكته . هشام مثل هذا الطرح يجد القبول ، الا ان الانصارى محمد عادل مسخها.

--------------------------------------------------------------------------------
مداخلة: #20
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: د.محمد الطاهر
التاريخ: 17-11-2006, 03:35 ص
Parent: #19


أخي هشام..

لقد سلطت الضوء على واقع اجتماعي متزايد في الظهور..

والما مصدقين من ناس رقم (007) ولا غيرهم، مرور واحد لشارع عبيد ختم، ولا الإنقاذ ببحري، ولا شقق موظفي الـ (U.N) المفروشة في الرياض والطائف وغاردن سيتي كافية!!


ده الواقع، فما هو الحل..

هل كان هتاف (شعب جبان حيموت جوعان.. وشعب صاغر حيموت عاهر).. منبئة للخمل والانهزام الذي سيمر بالمجتمع؟؟

هل انتهى عصر التباهي على الأمم من حولنا أننا أمة ثورات وعدم استسلام انتهى، وانتقلت لنا عدوى الإنهزام ممن حولنا؟؟

هذا سؤال؟؟
والحل لا يأتي عبر الجعجعة والتنظير.. لا بد من عمل شيء.. والآن!!!

--------------------------------------------------------------------------------
مداخلة: #21
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: هشام هباني
التاريخ: 17-11-2006, 05:32 م
Parent: #20


الاخوة المتداخلون

سلام

هذاواقع ماثل وخطير بل كارثي... واحزنني جدا جداقبل ايام قول صديق لي اثيوبي قادم من اثيوبيا عبرالسودان وهو يزور اصدقاء له سودانيين كان يعمل عندهم سائقا ايام حكم منقستوحينما كان لاجئا بالسودان...وهو يقول لي بلسان اثيوبي( والله كرتوم بقت هاجة تمام بالليل اهسن من اديس ابابا بنات وويسكي وبيرة وشقق مفروشة بس لكن ايدز كتير سديد في كارتوم!!)..

وسبحلت وحوقلت من الدهشة والصدمة!!

--------------------------------------------------------------------------------
مداخلة: #22
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: هشام هباني
التاريخ: 18-11-2006, 11:46 ص
Parent: #21


؟؟؟؟؟؟؟؟؟؟؟؟؟؟؟؟؟؟؟؟؟؟؟

--------------------------------------------------------------------------------
مداخلة: #23
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: مهند مامون
التاريخ: 18-11-2006, 12:21 م
Parent: #1


مؤسف جدا ومحزن جدا

--------------------------------------------------------------------------------
مداخلة: #24
العنوان: Re: نكتـة قد تضحكك وتبكيك وقد تضطرك لحمل السلاح!!
الكاتب: هشام هباني
التاريخ: 19-11-2006, 08:02 ص
Parent: #23


.............................


--------------------------------------------------------------------------------

ليست هناك تعليقات:

إرسال تعليق