لاجئون ولاجئات للاسف هم في الاصل (مغتربون)!؟

مكتبة هشام هباني لاجئون ولاجئات للاسف هم في الاصل (مغتربون)!؟
08-08-2007, 11:48 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1190793304&rn=0


--------------------------------------------------------------------------------
مداخلة: #1
العنوان: لاجئون ولاجئات للاسف هم في الاصل (مغتربون)!؟
الكاتب: هشام هباني
التاريخ: 08-08-2007, 11:48 ص




هذه ظاهرة سالبة جدا تجتاح هذه الايام كثيرا من فئات( اعادة التوطين) اللاجئين سابقا عندما يهمون بالعودة للوطن بعد الانقطاع الطويل لاول مرة وهم تنتابهم وبل تتقمصهم جدا للاسف روح وسلوكيات فئات بعض من ( المغتربين البوبارين والفشخارين ) بكامل ثقافتها وسلوكياتها حينما يبداون الاستعداد للسفر بتجهيز الهدايا للاهل والاقارب وموضوع شكل المظاهر عند العودة..الملابس والاحذية والماكياج وشكل الشنط اي يبحثون عن مظهر يليق بالعائد والعائدة من امريكا او اوروبا او كندا او استراليا وهم عائدون من العالم الاول كمواطنين من ذلك العالم..وهو امر يزيد الموضوع اوالطين بلة..حيث العائد من العالم الاول في عرفهم ينبغي ان يكون في مظهر يليق بسمعة العالم الاول من حيث المظهر والهدايا والسلوك و( العصرة) بالدولار واليورو والاستيرلنج...وكثيرمن هؤلاء اللاجئين (المغتربين) امعانا في هذه الروح(البوبارية) حين يقررون السفر يشترطونه مرورا باحدي محطات الخليج العربي قبل الوصول للوطن لتتزود النسوة ( اللاجئات )بذهب وملابس الخليج تشبها بنساء المغتربين..بل يسرفون في شراء هذه الاشياء اكثر من جماعات المغتربين... ببساطة لانهم قادمون من العالم الاول ولذلك ينبغي عليهن وعليهم ان يكونوا في مستوى هذا ( البريستيدج) الراقي لمواطني العالم الاول!!
وقد استنتجت هذه الاشياء من خلال معايشتي لكثير من الاصدقاء والاقارب...من خلال تعاطيهم مع هذه المسالة بهذه العفوية...وهو امر عندما اتمعنه بعمق اجد فيه للاسف ماخذ كثيرة علي هؤلاء الذين اعزهم وهم قد نسوا انهم في الاساس لاجئون وسياسيون مطرودون اي اصحاب قضية وطنية لا زال اهلهم في الوطن ينزفون مشردين جائعين مقهورين ولا زال الظالم هو الظالم والظلم قائما ودولته سادرة في غيها وضلالها! اذن من منطلق اخلاقي ينبغي ان تنسجم الناس مع قناعاتها ومواقفها وتؤكد كل يوم مناصرتها لقضيتها التي بسببها تشردوا وطوردوا وقهروا مهما تبدلت وتنعمت احوالهم في ملاذات امنة...فهم في الاساس ليسوا مغتربين مهاجرين عاديين بل مناضلين سياسيين اصحاب قضية لا زالت مشتعلة في كل ارجاء الوطن ولم تحل بعد...وعليهم ان يحترموا مواقفهم ومشاعر شعبهم البائس المشرد في العراء وفي كل الاصقاع!
فحتى المغتربون العاديون هم ايضا مواطنون مشردون فهم ايضا مطالبون بان ينضبطوا في سلوكياتهم بلا استفزاز لمشاعر شعبهم من البؤساء والفقراء وهم يسرفون في المظاهر والتي وصلت بالعديد منهم الي استجلاب الخادمات الاجنبيات من كل اصقاع الدنيا في بلاد هي مصنع البؤس والفقر والمرض والجوع والقتل والظلم..اذن من باب اولي ان ينضبط اللاجئون العائدون الي الوطن وهم يذكرون شعبهم وانفسهم واطفالهم انهم في الاساس لاجئون وليسوا مغتربين عاديين ومنحازون الي شعبهم وهمومه!
فبسلوكياتكم السالبة غير المسئولة تسيئون لقضية كثيرين من مناضلينا الشرفاء في الخارج
وهو للاسف سلوك سالب شجع في الاونة الاخيرة ما يسمي بجهاز شئون المغتربين التابع لجهاز الامن الخارجي بقيادة مسئول الامن الخارجي مطرف النميري للحضور شخصيا بلا تحفظ واستحياء للولايات المتحدة للطواف بتجمعات السودانيين في بعض من الولايات الامريكية باعتبارهم مغتربين عاديين شانهم شان اخوتهم في الخليج والسعودية ليمارسوا عليهم جمع الجبايات لصالح دولة الظلم والقهر التي طردتهم وطاردتهم و(بقوة عين) وصلت اليهم في امريكا لجباية الضرائب لصالح جهاز امنها الخارجي باعتبارهم مغتربين سودانيين بالمهجر ولكن نسوا ان اكثر من 90 بالمائة من السودانيين بالولايات المتحدة هم من اللاجئين والمطرودين ومن فئات ( اعادة التوطين)حاملي جنسيات هذه البلدان الملاذات ولكن سلوك معظمهم غير المسئول شجع كلاب السلطة الحاكمة لاعتبارهم مغتربين عاديين حكموا عليهم بسلوكياتهم حينما يعودون للوطن بسلوك المغتربين وايضا حيث يتواجدون بالمهاجر وهم لا ينفعلون او يتفاعلون مع قضاياهم الوطنية وهو امر شكك الظلمة في عدالة قضية السودانيين اللاجئين بالخارج طالما سلوك الغالبية منهم يعبر عن هذا السقوط والانحطاط
وعدم المسئولية حيال القضايا الوطنية التي باسمها الان ( يبوبرون ويتفشخرون) مجرد
لاجئين ولاجئات بماكينات مغتربين ومغتربات!!

هشام هباني

--------------------------------------------------------------------------------
مداخلة: #2
العنوان: Re: لاجئون ولاجئات للاسف هم في الاصل (مغتربون)!؟
الكاتب: هشام هباني
التاريخ: 08-08-2007, 06:53 م
Parent: #1


....

--------------------------------------------------------------------------------
مداخلة: #3
العنوان: Re: لاجئون ولاجئات للاسف هم في الاصل (مغتربون)!؟
الكاتب: Mohamed Elgadi
التاريخ: 08-08-2007, 11:24 م
Parent: #2


Always you bring important issues to our attention...
thanks Ya Habani..


mohamed elgadi

--------------------------------------------------------------------------------
مداخلة: #4
العنوان: Re: لاجئون ولاجئات للاسف هم في الاصل (مغتربون)!؟
الكاتب: محمود ريحان
التاريخ: 09-08-2007, 01:50 ص
Parent: #3


بس ياهباني الحبوبات هناك بعرفو ليك لجو بس بعرفو جاي من بره
انشاء الله بره الحوش لازم تجي محمل

--------------------------------------------------------------------------------
مداخلة: #5
العنوان: Re: لاجئون ولاجئات للاسف هم في الاصل (مغتربون)!؟
الكاتب: هشام هباني
التاريخ: 17-08-2007, 08:18 ص
Parent: #4


دكتور القاضي وريحان

سلامات

شكرا علي المرور الباهي والله اديم الصحة

--------------------------------------------------------------------------------
مداخلة: #6
العنوان: Re: لاجئون ولاجئات للاسف هم في الاصل (مغتربون)!؟
الكاتب: shahto
التاريخ: 17-08-2007, 02:07 م
Parent: #5


واحد قال ليهم يا كافي البلاء وحايد المحن شحتو دا قاعد لينا برة السنين دي كلها و جاينا ادينوا فاصية
قال سياسة قال بلا لمة و لا كلام فاضي


قلنا ليهم اخير من نقول المصاري في البنك و السبارة في الشحن معاها الشنط و نتسلف يمين و شمال لحد ما تنتهي الاجازة و الاستهبال في بلد الاستهبال


لكن ياهشام بعد مراة الزول بقول لو ما كان عامل فيهاسياسي كان حيكون مروق و يقول ليك البلد اصلحت و العماراة قامت و شوارع الظلت و البنات نورن والاولاد كما
ومافي ايدز ولا جوع ...... ياخي والله انت عند محن ياهشام و حتخلي الناس يكوهوك لانه يكون رآئ الاقلبية المكنيكية

هاهاهاها

--------------------------------------------------------------------------------
مداخلة: #7
العنوان: Re: لاجئون ولاجئات للاسف هم في الاصل (مغتربون)!؟
الكاتب: هشام هباني
التاريخ: 17-08-2007, 03:09 م
Parent: #6


الدويمابي الكردفاني السوداني شحتو

سلامات


Quote: واحد قال ليهم يا كافي البلاء وحايد المحن شحتو دا قاعد لينا برة السنين دي كلها و جاينا ادينوا فاصية
قال سياسة قال بلا لمة و لا كلام فاضي


قلنا ليهم اخير من نقول المصاري في البنك و السبارة في الشحن معاها الشنط و نتسلف يمين و شمال لحد ما تنتهي الاجازة و الاستهبال في بلد الاستهبال


لكن ياهشام بعد مراة الزول بقول لو ما كان عامل فيهاسياسي كان حيكون مروق و يقول ليك البلد اصلحت و العماراة قامت و شوارع الظلت و البنات نورن والاولاد كما
ومافي ايدز ولا جوع ...... ياخي والله انت عند محن ياهشام و حتخلي الناس يكوهوك لانه يكون رآئ الاقلبية المكنيكية





اخير ليك يا شحتو تبقي سياسي وتخن جلدك عشان تتحمل كل الدقداق
والضرب تحت الحزام!...اصلو السياسة ما بتاكل عيش عند السودانيين الا بس اولاد المصارين البيض المن نومو ولقى كومو... وانت ديل ما بتشبهم انت ما شبهك ناس النور الجربق وابو رزقة واولاد لبيب وناس ود البيبسي وكمان ود القسيس زيادة خير!


--------------------------------------------------------------------------------