سـؤال لاهل الـفن فقط حول الشيالين بتاعين الحقيبة وووو

مكتبة هشام هباني سـؤال لاهل الـفن فقط حول الشيالين بتاعين الحقيبة وووو!!
11-08-2006, 02:59 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200123354&rn=0


--------------------------------------------------------------------------------
مداخلة: #1
العنوان: سـؤال لاهل الـفن فقط حول الشيالين بتاعين الحقيبة وووو!!
الكاتب: هشام هباني
التاريخ: 11-08-2006, 02:59 م



كنت قبيل بتابع حلقة برنامج (اسماء في حياتنا) للمذيع الشطوري جدا عمر الجزلي مع الفنان الشعبي القدير والمبدع بادي احمد الطيب.. واللافت للنظر انو الشيالين بتاعين عمنا بادي ظاااطهم ناس كبار شداد في سن الفنان المبدع بادي الذي ناهز السبعين ونيف امد الله في ايامه وايامهم واعطاه واعطاهم الصحة والعافية..
والسعال بتاعي حول مصير هذه الشريحة اي الشيالين في حال رحيل الفنان لو قدر الله
يعني حقهم راح .. ولا بقوم واحد فيهم بحل محل الفنان وبواصل الغنا وهذا ما لم اراه حتى اليوم ما شفت لي شيال اترقى وبقي فنان!! يعني شنو مصير هذه الشريحة المبدعة وماهو وضعهم في نقابة الفنانين,,, هل يتم تحويلهم وتوريثهم لفنان جديد اخر ولا شنو الحكاية ياجماعة.. الناس ديل مهمشين شديد ومظلومين كمان!!
ديل بشبهوا لي الجماعة القاعدين في احزاب الحقيبة!!.. ديمة شغالين شيالين وما في زول اصلو ببقى فنان.. ولمن اموت الفنان الواحد بتاعهم... بس بجي ولدالفنان وهو ظاااطو بعمل فنان وبجي بتعلم فيهم الغنا لمن اجود الحكاية وهم برضو بظلوا شيالين وما في زول طولة الزمن ده اتعلم الصنعة بتاعة الغنا.... وكمان لمن افوت ود الفنان امكن اجي ود خالتو احل محلو وبرضو هم شيالين... حاجة تجنن مش معقول!!


هشام المحتار

--------------------------------------------------------------------------------
مداخلة: #2
العنوان: Re: سـؤال لاهل الـفن فقط حول الشيالين بتاعين الحقيبة وووو!!
الكاتب: Elmosley
التاريخ: 11-08-2006, 04:58 م
Parent: #1


هشام

انت نسيت انو الفن ظااااااتو ترف ولاشنو

وبقيت تناقش موضوعاتو

عموما موضوع جيد والله يطول عمر الفنان البديع بادي

شكرا لموضوعك

--------------------------------------------------------------------------------
مداخلة: #6
العنوان: Re: سـؤال لاهل الـفن فقط حول الشيالين بتاعين الحقيبة وووو!!
الكاتب: هشام هباني
التاريخ: 11-08-2006, 08:35 م
Parent: #2


الاستاذ المبدع الدكتور موصلي

انت عارف يا استاذي الجميل الفن ببقي ترف متين؟ .. لمن ما يلامس مشاكل الناس ولمن اكون من غير هدف ورسالة واضحة وفي الحالة دي ممكن اكون اسمو اي حاجة غير فن!!والاغنية والقصيدة والقصة والمسرحية واللوحة كادوات فنية ابلغ من اي خطاب سياسي او مسيرة او ندوة سياسية لمن تطرح قضية فيها السياسي والاجتماعي والثقافي.

عشان كده اخوك هباني مسكون بشيطان السياسي ولازم رغم انو ما محترف سياسة زول تكاسي وبس لكن الساندويتش عندو اهم احيانا كتيرة من الموضوع عنوان البوست الاساسي وهاك الساندويتش ده:

Quote: ديل بشبهوا لي الجماعة القاعدين في احزاب الحقيبة!!.. ديمة شغالين شيالين وما في زول اصلو ببقى فنان.. ولمن اموت الفنان الواحد بتاعهم... بس بجي ولدالفنان وهو ظاااطو بعمل فنان وبجي بتعلم فيهم الغنا لمن اجود الحكاية وهم برضو بظلوا شيالين وما في زول طولة الزمن ده اتعلم الصنعة بتاعة الغنا.... وكمان لمن افوت ود الفنان امكن اجي ود خالتو احل محلو وبرضو هم شيالين... حاجة تجنن مش معقول!!



محبتي واحترامي

هباني

--------------------------------------------------------------------------------
مداخلة: #8
العنوان: Re: سـؤال لاهل الـفن فقط حول الشيالين بتاعين الحقيبة وووو!!
الكاتب: هشام هباني
التاريخ: 20-10-2006, 10:06 م
Parent: #6


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

--------------------------------------------------------------------------------
مداخلة: #3
العنوان: Re: سـؤال لاهل الـفن فقط حول الشيالين بتاعين الحقيبة وووو!!
الكاتب: Hassan M Saeed
التاريخ: 11-08-2006, 06:50 م
Parent: #1


هباني أخوي سلامات

القصة مش في الغنا بس حتى الرياضة

و السادة ديل لعبوا بينا كورة عديل كده

السيد (فلان) يمرر الكوره يقطعها منه السيد (فلان)

أها ياهباني اخوي أنحنا لمتين يلعبوا بينا السادة ديل.
متين نقطع منهم الكورة؟ هو دا السؤال

مع خالص التحايا

--------------------------------------------------------------------------------
مداخلة: #4
العنوان: Re: سـؤال لاهل الـفن فقط حول الشيالين بتاعين الحقيبة وووو!!
الكاتب: Hassan M Saeed
التاريخ: 11-08-2006, 07:08 م
Parent: #1


أخونا هباني

تعرف داير أقول ليك سر

السادة قاعدين في كنبة الإحتياطي

يازول بقول ليك قسما بالله الناس ديل مستنيين

--------------------------------------------------------------------------------
مداخلة: #5
العنوان: Re: سـؤال لاهل الـفن فقط حول الشيالين بتاعين الحقيبة وووو!!
الكاتب: Hassan M Saeed
التاريخ: 11-08-2006, 07:35 م
Parent: #1


هباني اخوي

حصل في حياتك شفت ليك ناس قاعدين في كنبة الإحتياطي و لابسين عمم

غير السادة ديل؟

--------------------------------------------------------------------------------
مداخلة: #7
العنوان: Re: سـؤال لاهل الـفن فقط حول الشيالين بتاعين الحقيبة وووو!!
الكاتب: هشام هباني
التاريخ: 11-08-2006, 08:42 م
Parent: #5


حسن اخوي

ات يا زول مالك ومال السياسة والاسياد نحن بنتكلم عن حقيبة الفن والشيالين
انت توووووووووووش ناطي في السياسة اللهم لا اعتراض في حكمك يا الله
عالم بتاعين مشاكل بشكل!!


ظااااطو


--------------------------------------------------------------------------------