السبت، 26 أبريل، 2008

حــوار بيني وبين امـي الحاجــة امنـــة

مكتبة هشام هباني حــوار بيني وبين امـي الحاجــة امنـــة!!
13-06-2006, 06:38 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1199947276&rn=0


--------------------------------------------------------------------------------
مداخلة: #1
العنوان: حــوار بيني وبين امـي الحاجــة امنـــة!!
الكاتب: هشام هباني
التاريخ: 13-06-2006, 06:38 ص




بالامس اتصلت بالسودان ووجدت الوالدة في حالة قـــــــــرف شديد....
ـ مالك يا حاجة نعل ما في عوجة....؟؟
ـ والله العوج يا ولدي لسة حاصل؟؟
في شنو يا حاجة؟
ـ يومين يا ولدي البيت الكهربة قاطعة و ما عندنا موية والماسورة مرة تشخشخ ومرة تنقط....وكمان الكتاحة والحر والفلس والغلاء والقرف....
ـ لكن يا والدة بعد سبعتاشر سنة وكل الاسلام ده والمشروع الحضاري ده و البترول العندنا ده وباسعارو الفوق دي وبتخش ملايين الدولارات يوميا في خزينة الدولة وتجي هسه تقولي لي الكهرباء قاطعة والموية قاطعة؟؟
ـ ده الحاصل يا ولدي مصيبتنا مصيبة وشكيناهم علي الله!!
ـ لكن يا امي الله ما شايف البحصل ده وعارف كل حاجة!!!!
ـ هي لكن نسوي ليهم شنو كان السياسيين الكبار واهل الفهم الكنا عشمانين فيهم بقوا ناس معايش ساكت وكنا ستاشر سنة عشمانين فيهم اجونا من برة اشيلوا مننا الغمة دي...اهامما جو الكنكش ليهو في وزارة لبد وسكت والعصروا ليهو سردب وسكت والحال يا هو ذاتو الحال!!!!
ـ والحل شنو يا امي؟؟
ـ شكيناهم علي الله...
ـ لكن يا امي الله عارف وشايف!!
اها اهايا ولدي ودعتك الله الموية دايرة تجي سامعاها تشخشخ..
ـ وان شاء الله ازياركم مليانة موية؟؟
والله يا ولدي تنقح عدمانة الجغمة!!
ـ ولسه بتشربو يمة بالكوز؟؟
ـ اي لسه بنشرب بالكوز؟؟
ـ ولسه اللواري عندكم بربطوا ليها الكوز؟؟
ـ اي يا ولدي اللواري لسه بربطوا ليهاالكوز؟؟
ـ ولسة البلد رابطين ليها كوز؟؟
ـ ات قاصد شنو يا ولدي؟؟

ده يمة المغتس حجركم لي هسه قاطع منكم الموية والكهرباء والرزق ومنشفها عليكم؟؟
هو شنو يا ولدي ما توضح كلامك..؟؟

الكوووووووووووووووووووووووووووووووووووووووز يمة ؟

هباني ظاااااااطو


--------------------------------------------------------------------------------
مداخلة: #2
العنوان: Re: حــوار بيني وبين امـي الحاجــة امنـــة!!
الكاتب: lana mahdi
التاريخ: 13-06-2006, 06:46 ص
Parent: #1


Quote: ـ شكيناهم علي الله...


غايتو دعوة حجة آمنة الما بتقع واطاة لو غتست حجرهم ما خاتية

--------------------------------------------------------------------------------
مداخلة: #3
العنوان: Re: حــوار بيني وبين امـي الحاجــة امنـــة!!
الكاتب: هشام هباني
التاريخ: 13-06-2006, 07:02 ص
Parent: #2


الجسورة الكنانية لنا

مشتاقين

كل دعوات امهاتنا الصالحات المظلومات باذن الله مستجابة لصد هذا البلاء!!

وسلامي للامير يعقوب.



هباني

--------------------------------------------------------------------------------
مداخلة: #4
العنوان: Re: حــوار بيني وبين امـي الحاجــة امنـــة!!
الكاتب: هشام هباني
التاريخ: 13-06-2006, 09:49 م
Parent: #3


فوق لامي

--------------------------------------------------------------------------------
مداخلة: #5
العنوان: Re: حــوار بيني وبين امـي الحاجــة امنـــة!!
الكاتب: EL fahal Abdelatif
التاريخ: 13-06-2006, 10:12 م
Parent: #4


تحياتى عبر كل الفضاءات للحاجة آمنة

--------------------------------------------------------------------------------
مداخلة: #6
العنوان: Re: حــوار بيني وبين امـي الحاجــة امنـــة!!
الكاتب: Saifeldin Gibreel
التاريخ: 13-06-2006, 10:21 م
Parent: #5


عبر الحاجة آمنة نرسل تحيانا لكل الامهات الاحياء منهم والاموات ومن خلالها نحي الرعيل الاول من رواد الحركة النسائية السودانية.

--------------------------------------------------------------------------------
مداخلة: #7
العنوان: Re: حــوار بيني وبين امـي الحاجــة امنـــة!!
الكاتب: هشام هباني
التاريخ: 14-06-2006, 00:11 ص
Parent: #6


الفحل وسيف

سلامات

(الله اخلي لينا اماتنا) مستودعات الحكمة والمحنة والصبر
ومناهل القيم الجميلة!!

هباني

--------------------------------------------------------------------------------
مداخلة: #21
العنوان: Re: حــوار بيني وبين امـي الحاجــة امنـــة!!
الكاتب: عصام أحمد
التاريخ: 06-11-2006, 09:41 م
Parent: #2


.

--------------------------------------------------------------------------------
مداخلة: #8
العنوان: Re: حــوار بيني وبين امـي الحاجــة امنـــة!!
الكاتب: siddieg derar
التاريخ: 14-06-2006, 00:34 ص
Parent: #1


دا بوست التكاسى ؟

--------------------------------------------------------------------------------
مداخلة: #9
العنوان: Re: حــوار بيني وبين امـي الحاجــة امنـــة!!
الكاتب: هشام هباني
التاريخ: 14-06-2006, 00:44 ص
Parent: #8


صديق الجميل

سلامات با بطل...فارس من زمان جميل..اسمه صديق ضــرار!!


صاحبك الطكاسي ظااااطو

--------------------------------------------------------------------------------
مداخلة: #10
العنوان: Re: حــوار بيني وبين امـي الحاجــة امنـــة!!
الكاتب: siddieg derar
التاريخ: 14-06-2006, 01:01 ص
Parent: #1


هشام

أولا سلامى الكثير للوالدة

ولبشرى وعصام والبقية

بعدين أنا قصدى لأنه أفتكر برضه

سيف جبريل مرة قال هو تكاسى زيك

وقلت يمكن الفحل برضه

وندا الأستاذة طبعا بعيد عنكم

أهو البقى علينا مع الكيزان

زمان كان بحر وهم الكيزان يغرفون منه

لكن حسع محيط وهم الأزيار يشفطونه كله

سلام لكم جميعا

صديق ضرار

--------------------------------------------------------------------------------
مداخلة: #11
العنوان: Re: حــوار بيني وبين امـي الحاجــة امنـــة!!
الكاتب: Aisha Hommaida
التاريخ: 14-06-2006, 03:43 ص
Parent: #1


هكذا لخصت الوالدة امنة كل القصة:


Quote: والله العوج يا ولدي لسة حاصل؟؟




يالها من امراة حكيمة

الأخ هشام

تحياتى عبرك وسلامى الوافر الى امى الحاجة امنة بت كرار ود الرضى والى امى الحاجة امنة ام هشام الصابرة على العوج والموية القاطعة ولسه عشمها كبير وقلبها عامر بالحب وبالغد الجميل.

امى تعتقد ان البلد صار حاله احسن للعندو قروش وبقدر يدفع اما المسيكين فله رب العباد

محبتى لها ولامى حاجة امنة ولكل اماتنا الطيبات الصابرات

مودتى

--------------------------------------------------------------------------------
مداخلة: #12
العنوان: Re: حــوار بيني وبين امـي الحاجــة امنـــة!!
الكاتب: JAD
التاريخ: 14-06-2006, 07:00 ص
Parent: #1


Quote: فوق لامي





تسلم والدتنا ..



Quote: ـ هي لكن نسوي ليهم شنو كان السياسيين الكبار واهل الفهم الكنا عشمانين فيهم بقوا ناس معايش ساكت وكنا ستاشر سنة عشمانين فيهم اجونا من برة اشيلوا مننا الغمة دي...اهامما جو الكنكش ليهو في وزارة لبد وسكت والعصروا ليهو سردب وسكت والحال يا هو ذاتو الحال!!!!

ـ والحل شنو يا امي؟؟

ـ شكيناهم علي الله...





شكيناهم على الله ..


سلام للحاجة آمنة ..


جاد

--------------------------------------------------------------------------------
مداخلة: #13
العنوان: Re: حــوار بيني وبين امـي الحاجــة امنـــة!!
الكاتب: هشام هباني
التاريخ: 15-06-2006, 00:24 ص
Parent: #12


الاخت الاصيلة عائشة

تحياتي للوالدة الحاجة امنة بت كرار ودالرضي بالصحة والعافية
ولكل امهاتنا الصابرات عبر الوطن فهن مستودع الحكمة
والقول الطيب والدعوات الصالحات وبالتاكيد يستجيب الرب
لدعوات المظاليم ويقتص لهن من الطغاة الظالمين..امين

عشت



الاخ جاد

تشكر علي المرور وربنا ايضا يحفظ لنا والدتكم بالصحة والعافية
وعلي قول اهلناالمصريين ( الله اجازي اللي كانوا السبب!!)
وعلي كلام اهلنا الغبش ( الشكية لابو ايدا قوية)



هباني

--------------------------------------------------------------------------------
مداخلة: #14
العنوان: Re: حــوار بيني وبين امـي الحاجــة امنـــة!!
الكاتب: Randa Hatim
التاريخ: 15-06-2006, 08:14 ص
Parent: #13


ود هبانى ....

شكيناهم شكيتن لا تتعطل ولا تتبطل..

امانة ما ليهم يوم ...

اصبر صبر ايوب وشوف

ح تسمع صوت حوافر الخيل

وصوتن زى هدير السيل

ولونن زى سواد الليل

وليلهم مافى فيهو امان

لا للعسكر .... لا الكيزان




قررررررررربت .........

--------------------------------------------------------------------------------
مداخلة: #15
العنوان: Re: حــوار بيني وبين امـي الحاجــة امنـــة!!
الكاتب: هشام هباني
التاريخ: 15-06-2006, 10:00 م
Parent: #14


الاخت رندا

سلامات

امين يا رب العالمين


والجايات اكتر من الرايحات!!

--------------------------------------------------------------------------------
مداخلة: #16
العنوان: Re: حــوار بيني وبين امـي الحاجــة امنـــة!!
الكاتب: هشام هباني
التاريخ: 17-06-2006, 06:29 ص
Parent: #15


التحية لكل امهاتنا الصابرات

--------------------------------------------------------------------------------
مداخلة: #17
العنوان: Re: حــوار بيني وبين امـي الحاجــة امنـــة!!
الكاتب: هشام هباني
التاريخ: 04-11-2006, 09:16 ص
Parent: #16


.................................

--------------------------------------------------------------------------------
مداخلة: #18
العنوان: Re: حــوار بيني وبين امـي الحاجــة امنـــة!!
الكاتب: هشام هباني
التاريخ: 04-11-2006, 09:17 ص
Parent: #16


.........................

--------------------------------------------------------------------------------
مداخلة: #19
العنوان: Re: حــوار بيني وبين امـي الحاجــة امنـــة!!
الكاتب: عبده عبدا لحميد جاد الله
التاريخ: 04-11-2006, 10:05 ص
Parent: #18


العزيز هشام ... سلامات

لك التحية ونسأل الله يمد في اعمار الأمهات ويتقبل اللائي قبولاً
حسناً ونسأل لهن المغفرة والرحمة

--------------------------------------------------------------------------------
مداخلة: #20
العنوان: Re: حــوار بيني وبين امـي الحاجــة امنـــة!!
الكاتب: عصام أحمد
التاريخ: 05-11-2006, 08:16 م
Parent: #1


.


--------------------------------------------------------------------------------

ليست هناك تعليقات:

إرسال تعليق