الثلاثاء، 22 أبريل، 2008

عشان خاطر جمال الوالي عبد الحي يصدر فتوى تبيح الفطر للعيبة المريخ!

عشان خاطر جمال الوالي عبد الحي يصدر فتوى تبيح الفطر للعيبة المريخ!
24-03-2008, 04:52 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=150&msg=1206377555&rn=0


--------------------------------------------------------------------------------
مداخلة: #1
العنوان: عشان خاطر جمال الوالي عبد الحي يصدر فتوى تبيح الفطر للعيبة المريخ!
الكاتب: هشام هباني
التاريخ: 24-03-2008, 04:52 م


http://gmrna.com/vb/f4/t33633.html


في مكتب الداعية عبد الحي يوسف رن جرس هاتفه الرسالي والمبرمج صوته علي صوت تهليل وتكبير:
: الله اكبر الله اكبر الله اكبر الله اكبر
: مبسملا رفع الشيخ الهاتف وهو يرد علي الهاتف: السلام عليكم ورحمة الله تعالي وبركاته
: من الطرف الاخر كان الرد: سلام عليكم شيخ عبد الحي يوسف..معاك اخوك جمال الوالي
:يرد الشيخ التحية: مرحبا مرحبا بشيخ جمال...جاتنا البركة.. كيف حالك؟!
:جمال الوالي: يا شيخنا جيتك والله في طلبا بسيط ولاول مرة اطلب منك خدمة وما في غيرك بنجضها انت اهل لهاولا يفتى ومالك بالمدينة يا شيخنا.
شيخ عبد الحي: تفضل يا شيخ جمال طلباتك تجد عندنا كل تقدير واحترام فانتم اهل البركة.
جمال الوالي: والله زي ما انت عارف انا زول مكلف بمهمات كبيرة في دولتنا المنصورة باذن الله وبمجهوداتكم الرسالية الكبيرة... وهسع مكلفني اهلنا في الحكومة تكليف رسمي بادارة فريق المريخ بتاع الكورة وانا عارف رايك الشرعي في الكورة والرياضة لكن انت عارف شعبنا ده مرضان بالكورة وقلنا افضل وسيلة للدخول للناس من باب الحاجات البحبوها والكورة اسهل الطرق للدخول لشعبنا والتعرف عليه والتاثير عليهو...ومن خلال تحقيق انتصارات بالرياضة بنقدر نخلق حالة رضا عن دولتنا عند الشعب الطيبان ده وفي نفس الوقت بنخفف علي الناس الغضب المكبوت في دواخلن بسبب احقادن علينا بسبب حاجات وانت عارفها.. وفي نفس الوقت بنقدر من خلال الكورة تجيير حاجات كتيرة لصالح مشروعنا الرسالي الموفق باذن الله!
عبدالحي: لكن يا شيخ جمال انا فريقك ده مقاشرو لله بلونو الاحمر ده وبنجمتو الصفرا
وبشوف فيهو والله شبهة الحاد عديل!
يضحك جمال الوالي: يا شيخنا( تيك ات ايزي) خليها علي الله...هسع انا جاييك مزنوق وداير منك طلبا بسيط تشوف لي فتوى سريعة من الدين الحنيف لانو عندنا بعد بكرة مباراة في كاس افريقيامع اهلنا الفلاتة في نيجريا والدنيا زي ما عارف رمضان والمباراة بتاعتنا حتكون بعد بكرة العصر يعني قبل الفطور ودي مشكلة يعني اللاعبين لا بد اكونوا في كامل اللياقة وحكاية صايمين دي صعبة يا شيخنا بتضيع مننا النصر ساكت..وبالطبع والمريخ لازم افوز عشان كمان الناس ترضي عننا وما تزعل وتنفقع مننا زي ما بحصل دايما وانت عارف لو انغلبنا والله انا خايف تقوم انتفاضة علينا وتتبخر احلامنا بسبب كورة هايفة زي دي!
عبد الحي: لكن يا شيخ جمال ده موضوعا وطلبا صعب بالحيل وانت عارف رايي في كورة الكرعين دي.. لكن ما في عوجة ما دام في خدمة دولتنا الرسالية لاضرر ولا ضرار وان شاء الله موفقين وعلي بركة الله وبكرة برسل ليكم الفتوى وخلي اولادنا يتوكلوا علي بركة الله وما النصر الا من عند الله وفقكم الله لنصرة الاسلام.
جمال الوالي: جزااكم الله عنا خيرا يا شيخ عبد الحي والسلام عليكم
عبد الحي: وعليكم السلام والرحمة.. ان ينصركم الله فلا غالب لكم ويثبت اقدامكم.

انتهي

--------------------------------------------------------------------------------
مداخلة: #2
العنوان: Re: عشان خاطر جمال الوالي عبد الحي يصدر فتوى تبيح الفطر للعيبة المريخ!
الكاتب: هشام هباني
التاريخ: 24-03-2008, 05:06 م
Parent: #1


الفتوى أجاب عنها
هل تجوز مشاهدة مباريات الكفار؟ د. عبد الحي يوسف
السؤال هل يجوز مشاهدة مباريات كرة القدم على التلفاز؛ مع العلم أن اللاعبين قد يكونون كفاراً؟

الإجابة الحمد لله وحده، والصلاة والسلام على من لا نبي بعده، وعلى آله وصحبه أجمعين، وبعد.

فالواجب على المسلم أن يحفظ وقته من الضياع؛ لأن الله سائله عنه يوم القيامة؛ كما في الحديث عن نبينا صلى الله عليه وسلم {لا تزول قدما عبد يوم القيامة حتى يسأل عن أربع: عن عمره فيما أفناه، وعن جسده فيما أبلاه، وعن علمه ماذا عمل به، وعن ماله من أين اكتسبه وفيما أنفقه} وفي الحديث الآخر {نعمتان مغبون فيهما كثير من الناس: الصحة والفراغ}

وعليه أن ينفق وقته في طاعة ربه وفيما يعود عليه بالنفع في دينه ودنياه، ولا حرج عليه من الترويح المباح في أوقات معلومة؛ لأن القلوب إذا كلت ملت، وهذا الترويح مشروط بألا يشتمل على ما يسخط الله عزوجل، وعليه فإذا كانت هذه المباريات خالية من المحرمات ـ كتبرج النساء وكشف العورات من الرجال والسباب والفسوق ـ فلا حرج على المسلم في مشاهدتها سواء كان اللاعبون مسلمين أو كفاراً، وليحذر المسلم من تعظيم أولئك الكفار أو محبتهم؛ لقوله تعالى (لا تجد قوماً يؤمنون بالله واليوم الآخر يوادون من حاد الله ورسوله ولو كانوا آباءهم أو أبناءهم أو إخوانهم أو عشيرتهم) والعلم عند الله تعالى.


http://meshkat.net/new/contents.php?catid=10&artid=101704


--------------------------------------------------------------------------------
مداخلة: #4
العنوان: Re: عشان خاطر جمال الوالي عبد الحي يصدر فتوى تبيح الفطر للعيبة المريخ!
الكاتب: هشام هباني
التاريخ: 24-03-2008, 05:15 م
Parent: #2


Quote:
وهذا الترويح مشروط بألا يشتمل على ما يسخط الله عزوجل، وعليه فإذا كانت هذه المباريات خالية من المحرمات ـ كتبرج النساء وكشف العورات من الرجال والسباب والفسوق ـ فلا حرج على المسلم في مشاهدتها سواء كان اللاعبون مسلمين أو كفاراً، وليحذر المسلم من تعظيم أولئك الكفار أو محبتهم؛ لقوله تعالى (لا تجد قوماً يؤمنون بالله واليوم الآخر يوادون من حاد الله ورسوله ولو كانوا آباءهم أو أبناءهم أو إخوانهم أو عشيرتهم) والعلم عند الله تعالى.



يعني تاني ما نشجع نجوم العالم عشان كفار كبار!
وكمان ما نشاهدالتلفزيون عشان بجيب العورات بالالوان
من البنات المشجعات وكمان اللعيبة العالميين ديل مو كفار
ودايما لابسين انكسة غير شرعية.. فوق الركبة..يعني عورات للطيش!

يعني بالمختصر المفيد قفلوا التلفزيون عديل!

--------------------------------------------------------------------------------
مداخلة: #3
العنوان: Re: عشان خاطر جمال الوالي عبد الحي يصدر فتوى تبيح الفطر للعيبة المريخ!
الكاتب: Abdulrahman Eldaw
التاريخ: 24-03-2008, 05:11 م
Parent: #1


هشام هباني سلامات

للامانة حضرت الخطبة التي سبقت المباراة وكانت في رمضان الفائت وبعد انتهاء
الخطبة جلس الشيخ ورد غلى اسئلة المصلين وكان من الاسئلة حول جواز الافطار
لللاعبين فرد الشيخ بان السؤال يتردد عليه من الامس بالعشرات وافتى بعدم جواز
الافطار وكنت قريبا من الشيخ حيث همس قي اذن الشخص الذي ياتي بالاسئلة بعدم
الاتيان بهذا السؤال بسبب تكراره.

الاخ هشام
ما تقوم به من كذب وتلفيق لا يخدم قضية , ان تختلف مع عبدالحي هذا شانك لكن
لا تكذب ولا تلفق

--------------------------------------------------------------------------------
مداخلة: #5
العنوان: Re: عشان خاطر جمال الوالي عبد الحي يصدر فتوى تبيح الفطر للعيبة المريخ!
الكاتب: هشام هباني
التاريخ: 24-03-2008, 05:20 م
Parent: #3


اخونا عبدالرحمن الضو

سلامات

انا جبت الخبر ده من الرابط اعلاه!
بث كدي النسعلك سعال..دحين لعيبة المريخ اليوم داااك في عصير رمضان لعبوا صايمين ولا فاطرين عشان نتاكد من كلام ناس موقع قمرنا!؟

--------------------------------------------------------------------------------
مداخلة: #6
العنوان: Re: عشان خاطر جمال الوالي عبد الحي يصدر فتوى تبيح الفطر للعيبة المريخ!
الكاتب: saif massad ali
التاريخ: 24-03-2008, 05:27 م
Parent: #5


حلاتو عبدالرحمن الضو الكضيمات المبغبغات ديل كضيمات كوز

ياربي اكل مال الشعب المسكين

--------------------------------------------------------------------------------
مداخلة: #7
العنوان: Re: عشان خاطر جمال الوالي عبد الحي يصدر فتوى تبيح الفطر للعيبة المريخ!
الكاتب: هشام هباني
التاريخ: 24-03-2008, 05:37 م
Parent: #6


ورجل الدين الذي يصمت عن قولة الحق في وجه طاغية ظلم و قتل وعذب ونهب وشرد شعبه
فهو شيطان اخرس ونذل وجبان وسوف نصدق اي موقف سلبي لاحق سيتخذه حتى ولو كان صغيرا تافهااذا كان لايصدق ولايصمد في المواقف الكبيرة التي تحتاج ايمانا وتقي وورعا وصدقا بل خشية من الله رب العالمين!
ولذلك اصدق هذا القول ان عبد الحي اصدر تلكم الفتوى فكيف لا يصدرها وهو الذي يغيب تدينه عند المحكات الحقيقية التي تتطلب تدينه وصدقه ولا نراه فيها ولم نره يستخدم الدين في مواجهة الطغيان الفاضح!

--------------------------------------------------------------------------------
مداخلة: #11
العنوان: Re: عشان خاطر جمال الوالي عبد الحي يصدر فتوى تبيح الفطر للعيبة المريخ!
الكاتب: هشام هباني
التاريخ: 25-03-2008, 00:03 ص
Parent: #7


.

--------------------------------------------------------------------------------
مداخلة: #8
العنوان: Re: عشان خاطر جمال الوالي عبد الحي يصدر فتوى تبيح الفطر للعيبة المريخ!
الكاتب: محمد الامين احمد
التاريخ: 24-03-2008, 06:09 م
Parent: #1


طبعا يا هبانى بتخرف كـ عادتك ... انت يا زول من جماعة مكين ولا شنو ؟

خلى جادى شوية و اكتب بمصداقية (بتتذكر الكلمة دى؟)

--------------------------------------------------------------------------------
مداخلة: #9
العنوان: Re: عشان خاطر جمال الوالي عبد الحي يصدر فتوى تبيح الفطر للعيبة المريخ!
الكاتب: محمد الامين احمد
التاريخ: 24-03-2008, 06:10 م
Parent: #1


saif massad ali

مبغبغات شنو كمان يا طيرة انت



--------------------------------------------------------------------------------
مداخلة: #10
العنوان: Re: عشان خاطر جمال الوالي عبد الحي يصدر فتوى تبيح الفطر للعيبة المريخ!
الكاتب: saif massad ali
التاريخ: 24-03-2008, 06:14 م
Parent: #9


محمد الامين احمد

عجبك الكلام جيت جاري تطير ماترك

--------------------------------------------------------------------------------
مداخلة: #12
العنوان: Re: عشان خاطر جمال الوالي عبد الحي يصدر فتوى تبيح الفطر للعيبة المريخ!
الكاتب: shaheed gadora
التاريخ: 25-03-2008, 00:31 ص
Parent: #10


يا عمدة ازيك ...


حكم ... والله كلام عجيب

فتوي مدفوعة الأجر ..

يا ربي دفع مسبق ولا فاتورة

--------------------------------------------------------------------------------
مداخلة: #13
العنوان: Re: عشان خاطر جمال الوالي عبد الحي يصدر فتوى تبيح الفطر للعيبة المريخ!
الكاتب: هشام هباني
التاريخ: 26-03-2008, 12:33 م
Parent: #1


..


--------------------------------------------------------------------------------

ليست هناك تعليقات:

إرسال تعليق