الجمعة، 25 أبريل 2008

حفارو قبور بنغلاديشيون دفنوا جدة صديقي بمقابر البكري

مكتبة هشام هباني حفارو قبور بنغلاديشيون دفنوا جدة صديقي بمقابر البكري!!
03-02-2007, 02:09 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1199607996&rn=0


--------------------------------------------------------------------------------
مداخلة: #1
العنوان: حفارو قبور بنغلاديشيون دفنوا جدة صديقي بمقابر البكري!!
الكاتب: هشام هباني
التاريخ: 03-02-2007, 02:09 م



سبحــــــــــــــــــــان الله...حتي حفر المقابر بالقروش والعمالة البنغلاديشية
ارخص من العمالة المحلية....احب العولمة والقبر العالمي والموت العالمي !!
يبدو انه ايضا قد دخل الموت في ثقافة الفشخرة السودانيةمن صنف البوباريات السودانيات!! حتى في الاتراح والكل يبوبر ( حبوبتي دفنوها كوريين وخالتي دفنوها عراقيين وجارتنا والله دفنوها بنغلاديش....ظبطوا ليها القبر اريتو قبر البنات لحدهن..حتى السيراميك فيهو وقفلوا ليها ود الاحد بالخرصانة المسلحة والله نكير الا اجي راكب ليهو كاتربلر شان احصلها !!والله الاتراك اخوان البنات حتى الزهور ختوها في قبر المرحومةسعدية بت العمدة....وفي المقابر كفوا الناس بالتانج والموية المعدنية والزول البقرا القران الجابوا لادريس ود عشةوالله خريج جامعة القران الكريم بمرتبة شرف وشايل موبايلو معاهو وقالوا كمان محضر ماسستير!!

عالم تفففففففففففففففففففففففففففففففففففففففففففف!!

--------------------------------------------------------------------------------
مداخلة: #2
العنوان: Re: حفارو قبور بنغلاديشيون دفنوا جدة صديقي بمقابر البكري!!
الكاتب: سليمان عبد الغني
التاريخ: 03-02-2007, 03:41 م
Parent: #1


هباني المدبرس الظريف

أنا ما عارف الأخبار العجيبة دي بتجيبها من وين

قصة النائحات بالآجرة سمعنا بيها

لكن كلامك الفوق ده كان صح

علينا .. وعلى دنيانا السلام

لكن بما إني زول إنتهازي

ممكن إنتهز ثقافة الفشخرة دي

وأسس لي بزنس وأعمل لوحة بتضوي بكم لون

وخط أنيق ... وسلمانكو لخدمات الدفن الراقي وبمواصفات عالمية

--------------------------------------------------------------------------------
مداخلة: #3
العنوان: Re: حفارو قبور بنغلاديشيون دفنوا جدة صديقي بمقابر البكري!!
الكاتب: Mustafa Mahmoud
التاريخ: 03-02-2007, 04:22 م
Parent: #2




أنا ما عارف الأخبار العجيبة دي بتجيبها من وين

?????????????????????????????????



wad habbani
i real do not know from where you get these ideas
one thing i know
you are real wad ballad aseel
zool raghee
and my best friend

god bless you
you are a gifted unique writer
deep respect
mustafa

--------------------------------------------------------------------------------
مداخلة: #4
العنوان: Re: حفارو قبور بنغلاديشيون دفنوا جدة صديقي بمقابر البكري!!
الكاتب: جمال هباني
التاريخ: 03-02-2007, 07:35 م
Parent: #3



العم هشام

حبابك لف

بقينا ذي اهلنا المصريين ولا شنو؟

عضو برلمان مصري طلب من رئيس الوزراء التدخل لمنع الاعلانات الاستفزازية عن وجود مقابر ( فايف استار ) بوجود حراسة واضاءه ليليه وووو

--------------------------------------------------------------------------------
مداخلة: #5
العنوان: Re: حفارو قبور بنغلاديشيون دفنوا جدة صديقي بمقابر البكري!!
الكاتب: هشام هباني
التاريخ: 05-02-2007, 07:07 م
Parent: #4



ود اخوي جمال

سلامات

دي ما حصلت حتي حفارين القبور بقوا اجانب وبالقروش وكمان بوبار في الموت لا اله الا الله ..الله ارحمك يا حسن حواتي واديك الصحة يا جبارة والدنقل وعبد الساوي والنعيم...ارموا عبارات مريستن من خشومن في الانداية لمن اسمعوا بفلان مات وكل زول اشيل طوريتو وازمتو وكوريقو.... وكداري من نعيمة لود الماجدي في ود شلعي شان استروا الميت...واترحموا عليهو.. وبعد داك ارجعوا جداري لنعيمة اتموا مريستن في الانداية الجنب الجامع الحيطة بالحيطة!! تقول لي المريسة حرام يا جمال وعاوزين السودان الجديد..داك ما ياهو السودان الجديد ظااااطو لكن شفع الزمن ده ما شافوهو..عشان كده اهاتو بيهو.. ومن راي ليس كمن سمع..فنحن راينا وسمعنا وعشنا وانت كذلك......هرا.......ود المــرا
تااااااااخ انا ود مررررررره!!؟

وجه ضاحك اكبر من مطمورة والقبيل الله والطلحة والباره!!

--------------------------------------------------------------------------------
مداخلة: #6
العنوان: Re: حفارو قبور بنغلاديشيون دفنوا جدة صديقي بمقابر البكري!!
الكاتب: هشام هباني
التاريخ: 07-02-2007, 12:30 م
Parent: #2


العزيز سليمان


اسف لتاخري في الرد


لكن والله اشرع في البزنس السمح بتاعك ده قبل ما الهف الفكرة كوز بن كلب انتهازي
وبكرة تلقي المقابر كلها مظبطة بالاكشاك الزي دي.... وكمان ما تنسي تعمل ليك محل لتجهيز الموتي من المستشفي الي ود الاحد اي الي المقابر حسب الطلب....الحنوط والكفن انواع واشكال حسب نوعية القماش والعطور للموتي بانواعها والزهور والتوابيت لغير المسلمين والشواهد والعربية الليموزين البنشال عليها الجثمان وكمان عندك نائحات اشكال والوان نواح علي الطريقة المصرية او الشامية او التركية او نواح علي الطريقة السودانية حسب جهة الميت من الشرق او الغرب او الجنوب او الشمال بالعربي الفصيح او بالرطانة.. وكمان عندك مقرئين من النوع الجامعي والعندو ماجستير او دكتوراه في التلاوة!! وايضا تزيين القبر بالرخام او السيراميك.....شفت المشروع ده خطير كيفن...انا بكره خائف اختف الفكرة واحد كوز انتهازي واقوم اخمنا.. المهم اشرع في الفكرة وانا بشاركك فيها من بكرة. واله ده مال كتير كترة!!


--------------------------------------------------------------------------------

ليست هناك تعليقات:

إرسال تعليق