الخميس، 24 أبريل 2008

لماذا لا يمرض ولا يموت القادة في بلادنا التعيسة!!؟

مكتبة هشام هباني لماذا لا يمرض ولا يموت القادة في بلادنا التعيسة!!؟
16-05-2007, 03:27 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1188804831&rn=0


--------------------------------------------------------------------------------
مداخلة: #1
العنوان: لماذا لا يمرض ولا يموت القادة في بلادنا التعيسة!!؟
الكاتب: هشام هباني
التاريخ: 16-05-2007, 03:27 م





؟

--------------------------------------------------------------------------------
مداخلة: #2
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: Mustafa Mahmoud
التاريخ: 16-05-2007, 03:41 م
Parent: #1


because they are not true humans

human beings they get old,
tired,
ill,
and if not they retire to live happy
ours are zombies and not humans

--------------------------------------------------------------------------------
مداخلة: #3
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: هشام هباني
التاريخ: 16-05-2007, 03:41 م
Parent: #1



يا كافي البلا ...لا وجع راس ولا وردة... ولا حساسة... ولا فلان جروا بيهو العيادة... ولا فلان سافروا بيهو بره.... ولا فلان كضم..... كبرنا وكبرت احزانا وانتو كبرتو زدتوا بلا!!؟

--------------------------------------------------------------------------------
مداخلة: #4
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: هشام هباني
التاريخ: 16-05-2007, 03:44 م
Parent: #3


حبيبنا دكتورمصطفي الحاصل شنو من وجهة نظركم الطبية في البحصل في قادتنا
ديل....ولسع العمر سارح بيهم ساكت....الشي عزرائيل ده فاطيهم وناسيهم ولا شنو!!؟

--------------------------------------------------------------------------------
مداخلة: #5
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: doma
التاريخ: 16-05-2007, 04:03 م
Parent: #4


يا هباني يا اخوي
الناس الفوق ديل ماكلين سمح شاربين سمح ساكنين سمح لابسين سمح
بس وريني المرض والموت دا بيجيهم من وين ؟؟ !!!

--------------------------------------------------------------------------------
مداخلة: #7
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: هشام هباني
التاريخ: 16-05-2007, 04:25 م
Parent: #5


دومة اختنا في زول كان بياكل ومرتاح ومنقنق احسن من الملك فهد ولا الملك حسين ولا الملك الحسن ولا مرتاح ومنقنق احسن من الرئيس ريجان الامريكاني ظاااااطو؟؟...اها ديل راحوا...وربنا اخد ارواحهم...بس المصيبية جماعتنا ديل عجيبين بكنكشوا في الدنيا دي كنكشة عجيبة لاخر نفس ونقاطة وكمان الحكم ده بموتوا فيهو موت لا بفكروا في الوليدات ولا الاحفاد الشاخوا وكبروا ظاااطم!!

--------------------------------------------------------------------------------
مداخلة: #6
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: oudenoord
التاريخ: 16-05-2007, 04:06 م
Parent: #1


Quote: لماذا لا يمرض ولا يموت القادة في بلادنا التعيسة!!؟


تااااااني
نفسي اسألك سؤال انت عندك (حق) مع ربنا??????????
ياحبيب بتعارض وتناضل عارض وناضل بتتهم الناس اتهم اصلو الدنيا سااااايبه لكن كمان اسألتك التعسوفيه دي صدقني لا انا لا انت لا ارجل راجل بيقدر يجاوب ليك عليها
استغفرتك ياملك روحي

--------------------------------------------------------------------------------
مداخلة: #8
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: هشام هباني
التاريخ: 16-05-2007, 04:30 م
Parent: #6


والمصيبة تلقي كادر حزبي من قبل عشرين سنة عندما كان عمرو تلاتين سنة بقول ليك نحن الشباب ولازم الجماعة ديل افسحوا لينا الدرب شان ناخد حقنا في البلد والمصيبة بعد عشرين سنة لي هسع وعمرو الليلة خمسين سنة لسع اقول ليك نحن الشباب ولازم ولازم وناسي انو القطر صفر زمان بتاع الشباب وهو ظااااطو بقي دقة قديمة زي حالاتنا دي... ولو بقي امين مع نفسو ومشي المراية واتامل في وشو كويس او عاين في صورتو الفوتغرافية قبل عشرين سنة وصورتو الليلة..علي الحرام..تمسكو ام هلا هلا!؟

--------------------------------------------------------------------------------
مداخلة: #9
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: هشام هباني
التاريخ: 16-05-2007, 04:37 م
Parent: #8


وقبل اكتر من اسبوعين ولمن بشاهد في التلفزيون اجتماع صحفي للجنة المفصولين تعسفيا قبل تمنطاشر سنة.. الناس طلعوا ناس شيوخ عديل... وقلت في نفسي يا الله هسع ديل بعد ده ارجعوهم وين واشغلوهم وين الجلاكين ديل غير المعاش طووول واعوضوهم عن خسارات المدة الفاتت ديك كلها....يعني زول فصلوهو وكان عمرو خمسة واربعين سنة واجي يعد تمنطاشر سنة ارجعوهو...بكون شيخ عديل فاقد اهلية العمل بسبب الشيخوخة!!
الا السياسيين عندنا ما بودوهم المعاش لايه ....ده سؤال وجيه جدا!!

--------------------------------------------------------------------------------
مداخلة: #10
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: هشام هباني
التاريخ: 16-05-2007, 04:42 م
Parent: #9


وعليه اقترح انو اي سياسي فوق الستين سنة احرموهو من مزاولة العمل السياسي والزم حدو في بيتو واي عضو برلمان ادق الستين الزموهو بيتو....يعني اطبقوا فيهم قوانين الخدمة المدنية يعني ناس معاشات ساكت!! لانو الاجهزة بتاعة الجسم خلاص بتقدم والزول بفقد التركيز مع الكبر وبحلج والجهاز العصبي بخف وبضعف..عشان كده ببقي فاقد اهلية تحمل العمل الاداري العادي فما بالكم في تحمل المسئوليات الوطنية الجسيمة والكبيرة البتحتاج لتركيز عالي جدا وقوة عقلية صاحية وجبارة وجسم قوي قادر علي الحركة

--------------------------------------------------------------------------------
مداخلة: #11
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: ابراهيم بقال سراج
التاريخ: 16-05-2007, 04:52 م
Parent: #10


بسم الله الرحمن الرحيم

{ كل نفس ذائقة الموت والينا ترجعون} صدق الله العظيم

--------------------------------------------------------------------------------
مداخلة: #13
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: فاروق حامد محمد
التاريخ: 16-05-2007, 05:28 م
Parent: #11


Quote: لماذا لا يمرض ولا يموت القادة في بلادنا التعيسة!!؟




إنهم يموتون فقط يا صديقي حين يفخخ بعضهم لبعض طائرته !!!!!!!!

--------------------------------------------------------------------------------
مداخلة: #17
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: هشام هباني
التاريخ: 16-05-2007, 07:02 م
Parent: #13


حبيبنا فاروق


Quote:
إنهم يموتون فقط يا صديقي حين يفخخ بعضهم لبعض طائرته !!!!!!!!





دحين ما عارف ليك طيارة كركعوبة كده نسفرهم فيها مع لجنة سوار الدهب
دي ونفكهم مع شيخ سوار الدهب ده ظاااطو والبشير وكل الطراطير في السماء الاحمر داك داك الم فيها عصار الف الطيارة دي ظي قلوووووزوتوووووووووش.......... تروووح محل تحتل ما اعرفوها الا نلاقيهم هناك يوم القيامة كلهم ام فكو قدام رب العالمين يوم الحساب لا عندهم كتب باليمين لا بالشمال لانو يدينن ظااااطم مافي!!؟

--------------------------------------------------------------------------------
مداخلة: #16
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: هشام هباني
التاريخ: 16-05-2007, 06:55 م
Parent: #11


الابن بقال


Quote: { كل نفس ذائقة الموت والينا ترجعون} صدق الله العظيم


اي نعم بالله.. بس لكن متين يا بقال بضوقوا الموت ده نحن ما روحنا طلعت من زمان بعد ما طلعوا عينا وايماناوكمان دينا!!

--------------------------------------------------------------------------------
مداخلة: #12
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: هشام هباني
التاريخ: 16-05-2007, 04:56 م
Parent: #10


بعدين نحن خلاص قدرالله بس فرض علينا الشلة بتاعة حنتوب دي لي يوم القيامة
اتبادلوا فينا اللعب والحكم ( توم اند جيري) من قبل اكتر من اربعين سنة؟؟!
والعاجبني الوليدات الاحفاد هسع في الجامعات علي المستوى السياسي اكتر وعيا وانضباطا من جدودهم الزعماء المخضرمين الكبار فوق في قمة الهرم السياسي...الوليدات متوحدين وحسهم الوطني عالي وما عندهم المزايدات الفاضية بتاعة الكبار..بنزلوا قائمة واحدة للقوى الوطنية ضد الجبهة مرة جابوا فيها رئيس الاتحاد لاول مرة ابن جنوبي والليلة جابوا لاول مرة بنت.. يعني مظبطين امورهم احسن من الجلاكين الكبار... وتلقاهم افرحوا لمن البشير اعمل ليهم عشا المهم كلهم... وتلقاهم عسل علي لبن ...المهم في رابطة عمرية بيناتهم وصلات وجدانية بيناتهم هي السبب
في لخبطة امور حاضرنا...لانهم امورهم قايمة علي المجاملات... وهم ظااطهم ما هم افراز معاناة للمرحلة الحالية وما بعرفوا متطلبات الاجيال الحديثة وما قاعدين اعانوا معاناة الاجيال الحديثة من الابناء والاحفاد.. عشان كده هم في وادي والوليدات والاحفاد في وادي تاني....غايتو ما في الحل للوليدات والاحفاد الا الانتظار لمن اجي عزرائيل واياخد اماناتو!

--------------------------------------------------------------------------------
مداخلة: #14
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: هشام هباني
التاريخ: 16-05-2007, 06:50 م
Parent: #6


حبيبنا اودي نورد

سلامات

وانا معاك ظااااااطي اصطخفر اصطخفارا عظيما!

--------------------------------------------------------------------------------
مداخلة: #15
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: خالد علي محجوب المنسي
التاريخ: 16-05-2007, 06:53 م
Parent: #14



هباني سلام
هذه هي حكمة الله في خلقه ... حتى يشقينا بهم بما كسبت آيدينا

خالد

--------------------------------------------------------------------------------
مداخلة: #18
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: هشام هباني
التاريخ: 16-05-2007, 07:08 م
Parent: #15


اخونا خالد

سلامات


Quote: هذه هي حكمة الله في خلقه ... حتى يشقينا بهم بما كسبت آيدينا





ونعم بالله نعم دي حكمة الله في خلقه....لكن نحن خلاص لمتين ما روحنا طلعت والصبر كمل
وشقينا وعرينا وحفينا واهتملنا واتشردنا ودينا طلع.........لكن هن ديل ظااطن من ياتو خلق اصطخفر الله!

--------------------------------------------------------------------------------
مداخلة: #19
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: فاروق حامد محمد
التاريخ: 16-05-2007, 09:00 م
Parent: #18


Quote: المهم في رابطة عمرية بيناتهم وصلات وجدانية بيناتهم هي السبب




والله يا هشام فهمك ده بلحفك أمات طه !!!!

--------------------------------------------------------------------------------
مداخلة: #20
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: wesamm
التاريخ: 17-05-2007, 06:13 ص
Parent: #19


في السودان تموت الاشجار واقفة ويموت مثل هولاء غما وهما من مرض اسمو نظام الانقاذ

في هذا العهد الغيهب!! كم فقدنا من القامات التي كانت تزي... وفاء لمن فقدنا!!!!!

--------------------------------------------------------------------------------
مداخلة: #21
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: NEWSUDANI
التاريخ: 17-05-2007, 07:09 ص
Parent: #1


يا هباني يموتوا كيف ؟؟
أذا البلد قاب قوسين ورئيسها الحالي في أجازة معاهو كافوري كلها في الأسكندرية واليوم ألى المغرب والبلد أنشاء الله تحرق ،، ناس ما بتحس البيقتلها شنو ،،

لكن برضو الحمدلله أنهم ما بيلدوا

--------------------------------------------------------------------------------
مداخلة: #22
العنوان: Re: لماذا لا يمرض ولا يموت القادة في بلادنا التعيسة!!؟
الكاتب: Abdalla mohamed
التاريخ: 17-05-2007, 08:01 ص
Parent: #1


أحكام إلهية تنفذ بيها مقادير


--------------------------------------------------------------------------------

ليست هناك تعليقات:

إرسال تعليق