يا جماعة شنو حكاية الدكتور المهووس عمر فضل وقصة الجان المسلم وسد الحماداب؟؟

مكتبة هشام هباني يا جماعة شنو حكاية الدكتور المهووس عمر فضل وقصة الجان المسلم وسد الحماداب؟؟
20-11-2005, 11:50 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200203224&rn=0


--------------------------------------------------------------------------------
مداخلة: #1
العنوان: يا جماعة شنو حكاية الدكتور المهووس عمر فضل وقصة الجان المسلم وسد الحماداب؟؟
الكاتب: هشام هباني
التاريخ: 20-11-2005, 11:50 ص


الدكتور عمر فضل الله صاحب درجة علمية رفيعة في علم الحاسوب وهو شقيق المهندس الاذاعي المهووس اسحق فضل الله صاحب برنامج ( ساحات الفداء) والذي سبق ان شهدته في الفضائية السودانية في ذات البرنامج المهووس وهو في (عرس شهيد) وكان يتحدث عن كرامات ذاك ( الشهيد) امام جماعة العرس وهو يقول لهم بانهم عندما هموا بدفنه اي الشهيد وقرأنا عليه في القبر سورة الفاتحة فأتمها الشهيد معنا.... وكبر وزغرد الحاضرون في تلكم الحفلة (الربة)بالطبع الشهيد كان حي ودفنوه المسكين حـــــــــي عديل؟؟
نرجع للمهووس الملتاث الدكتور عمر فضل الله و الذي تهكم عليه دكتور منصور خالد شريك الانقاذ والمهووسين ومستشار الرئيس ظااااطو في على ما اظن ( النخبة وادمان الفشل) حينما تحدث عن مدى الهوس الذي كان يعتري هذه الطغمة الظلامية... حيث كان هنالك مؤتمر للحوار الاقتصادي في اولى سنين الانقاذ وكانت اجندة المؤتمر حول الحلول الاقتصادية الممكنة لانعاش الاقتصاد السوداني وكان الحديث عن مشروع تشييد سد الحماداب وكيفية توفير الموارد المالية لانشاء هذا السد الاعجوبة و قدمت عدة مقترحات بهذا الصدد .... ولكن ورقة الدكتور المعجزة عمر فضل الله تقدمت بحل اسطوري من وحي الذهنية الملوثة المهووسة رغم تقلدها شهادة عليا في ادق التخصصات في علوم الحياة الراهنة وهي علوم الكمبيوتر.... فقد اقترح الدكتور المعجزة تسخير الجـــــــان المســلم في بناء هذا السد الاسطورة ورفعت الورقة المعجزة للرئيس المعجزة عمر البشير وهو يبدي ارتياحه لهذا المقترح المعجزة....
اها يا جماعة الخير الكلام ده لحد الليلة ما مصدقه وبالله افيدونا يا اهل العلم ..

--------------------------------------------------------------------------------
مداخلة: #2
العنوان: Re: يا جماعة شنو حكاية الدكتور المهووس عمر فضل وقصة الجان المسلم وسد الحماداب؟؟
الكاتب: Eng. Mohammed al sayed
التاريخ: 20-11-2005, 12:09 م
Parent: #1


ياخي إنت النوم في التكسي بخليك تحلم جنس أحلام




ولا حاتقول لي دا ما حلم؟





غايتوا أنا لي هسع بضحك

--------------------------------------------------------------------------------
مداخلة: #3
العنوان: Re: يا جماعة شنو حكاية الدكتور المهووس عمر فضل وقصة الجان المسلم وسد الحماداب؟؟
الكاتب: ABDELMAGID ABDELMAGID
التاريخ: 20-11-2005, 01:51 م
Parent: #1


البعاتى !!!!! البعاتى !!!!! البعاتى !!!!!

--------------------------------------------------------------------------------
مداخلة: #4
العنوان: Re: يا جماعة شنو حكاية الدكتور المهووس عمر فضل وقصة الجان المسلم وسد الحماداب؟؟
الكاتب: هشام هباني
التاريخ: 20-11-2005, 08:29 م
Parent: #3


الاخوة الاعزاء/ محمدالسيد ود .عبد الماجد


مساكم الله بالخير

طبعا الموضوع ده اشار ليهو منصور خالد في كتابه( النخبة السودانية وادمان الفشل) ولكن انا لي الليلة ما قادر اصدق شغلانية زي دي انو في ناس في الوطن بمؤهلات زي مؤهلات اخونا د. عمر ولسع عايشين بعقلية (جان كافر وجان مسلم) وهو طيب لو في جان مسلم ما كانوا اسخروه لتحرير القدس او سحق حركة التمرد في جنوب السودان يعني شغلانية ما بتركب في الراس لكني برضو عاوز اتاكد من اهل العلم انو هل فعلا كان هذا الموضوع صحيحا وانه قدمت ورقة بهذا الشأن في ذاك المؤتمر؟؟
بس دي يا محمد اخوي ما دقسة تاكسي اظنها جد جد والبعاتي يا عبد الماجد قاعد وياهو الحاكمنا ظااااتو؟؟

محبتي واحترامي

--------------------------------------------------------------------------------
مداخلة: #5
العنوان: Re: يا جماعة شنو حكاية الدكتور المهووس عمر فضل وقصة الجان المسلم وسد الحماداب؟؟
الكاتب: Bakhaf
التاريخ: 20-11-2005, 09:06 م
Parent: #4


مساك الله بالخير ياودهباني
ليس لدي تفاصيل كثيرة حول هذا الموضوع لكني اؤكد لك حدوثه
ولعلمك الدكتور لا يخفي هذا الكلام وقد اسر به للكثيرين .

تخريمة:-

سلامي لشله الكيووو وخاصه عادل اغا
بختكم قالوا وارة معاكم الايام دي
هاهاهاهاها




--------------------------------------------------------------------------------
مداخلة: #6
العنوان: Re: يا جماعة شنو حكاية الدكتور المهووس عمر فضل وقصة الجان المسلم وسد الحماداب؟؟
الكاتب: ABDELMAGID ABDELMAGID
التاريخ: 20-11-2005, 10:27 م
Parent: #4


يا و دهبانى الكيزان ديل صوروا كل شى بكاميرات الفيديو بس الا حكاية الفطايس ( البعاعيت ) البتتكلم ميته دى و كذلك حكاية الشجر ( البكبر ) و ( القرده ) التى تكسح الألغام !!! ما عارف دايرين نشوفها ما كان احسن !!!!
عبدالماجد
ميامى


--------------------------------------------------------------------------------