الخميس، 1 مايو، 2008

عوووووووك يا ناس الاحزاب صحو النوم ان شـاء الله جـاهزين للانتخـابات الجـاية

مكتبة هشام هباني عوووووووك يا ناس الاحزاب صحو النوم ان شـاء الله جـاهزين للانتخـابات الجـاية ؟؟
11-11-2005, 12:51 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200202137&rn=0


--------------------------------------------------------------------------------
مداخلة: #1
العنوان: عوووووووك يا ناس الاحزاب صحو النوم ان شـاء الله جـاهزين للانتخـابات الجـاية ؟؟
الكاتب: هشام هباني
التاريخ: 11-11-2005, 12:51 م


بالطبع الظلاميون هذه الايام كعادتهم يعدون بكل مااوتوا من خسة ونذالةوخبث وقذارة ما استطاعوا اليها سبيلا اي الانتخابات القادمة لبلوغ السلطة القادمة ديموقراطياوذلك من خلال منازلة خصومهم فرادى او جماعات ويبدو ان مرحلة فك التسجيلات شائعة هذه الايام حيث فك الكثيرون من بعض قيادات واعضاء بعض التنظيات السياسية الكبيرةارتباطاتهم باحزابهم القديمةوانضموا بلا حياء لحزب (السبابي) الكبير امام بريق دولارات النفط المنهوبة من مال الشعب و هم الان في حظيرة السبابي الوحيد اي عصبة النظام ويسيل لعاب الكثيرين من هم في ذات الطريق لاموال النفط المنهوب وهي تستخدم في شراء ذممهم الوطنية الرخيصة وقد افلح سبابة النظام في شراء خراف كثيرة وباسعار زهيدة وذلك استعدادا لذبحنا ديموقراطيا في معركة يبدو ان الاحزاب الاخري لم تحسب لها حسابا بعد والايام ماضية والقادة في نوم مستدام...

السؤال الملح جدا جدا.... هل الاحزاب الاخري جاهزة لخوض الانتخابات القادمة؟ وهل جاهزة لخوضها فرادي بمبدأ ( الحشاش املا شبكتو) ام هنالك تنسيقا فيما بينها لخوضهافي قائمة واحدة على شاكلة دائرة الصحافة1986؟
وهل فترة الثلاث سنين هذه التي تسبق قيام الانتخابات كافية لترتيق الرتوق والشقوق التي اصابت تلكم الكيانات السياسية لتوحيد صفوفها وتحديد برامجها وايضا للتنسيق فيما بينها؟؟؟
واين ستقف الحركة الشعبية في هذا المعمعان هل مع شركائهاالنيفاشيين الجدد اي عصابة الانقاذ بدعوى ومنطق المحافظة على الاتفاقية والسلام ؟ ام انها ستكون وفية الى جانب حلفائها القدامي لا سقاط العصابة ديموقراطيا بمبدأ ( جنا تعرفو ولا ................؟؟
والسؤال الاخير:هل ستؤثر هذه الحرب الاهليةفي شرق وغرب السودان على الاوزان التقليدية للاحزاب الكبيرة وخاصة الامة والاتحادي بعد التحولات الديموغرافية الكبيرة والنزوح لالاف المواطنين بسبب الحرب الاهلية وايضا بعد بروز قوي سياسية شعبية جديدة لها اوزانها الجماهيرية مثل حركة العدل والمساواة وحركة تحرير السودان في غرب السودان وتنظيمات الاسود الحرة و(مؤتمرالبجا) في طبعته الجديدة المنقحة؟

هذه اسئلة ملحة جدا للنقاش استعدادا لمعركة والعصابة تعد لها امام ناظرينا بكل ما اوتيت من قوة دنانير النفط المنهوب ومن رباط الخيل المجلوب وشراء الخراف الوطنية البخيسة بمال النفط المنهوب من داخل زرائب الاحزاب الكبيرة والتي تبدو في نوم مستدام؟؟؟؟




--------------------------------------------------------------------------------
مداخلة: #2
العنوان: Re: عوووووووك يا ناس الاحزاب صحو النوم ان شـاء الله جـاهزين للانتخـابات الجـاية ؟؟
الكاتب: هشام هباني
التاريخ: 13-11-2005, 03:02 م
Parent: #1


صحححححححححححححححححوا النوم يا ناس الاحزاب؟ظ

--------------------------------------------------------------------------------
مداخلة: #3
العنوان: Re: عوووووووك يا ناس الاحزاب صحو النوم ان شـاء الله جـاهزين للانتخـابات الجـاية ؟؟
الكاتب: هشام هباني
التاريخ: 15-11-2005, 02:33 م
Parent: #2


صحـــــــــــــــــــــوا النوم يا ناس الاحزاب قبل الفاس ما اقع في الراس وبعدين تندموا ؟؟؟

--------------------------------------------------------------------------------
مداخلة: #4
العنوان: Re: عوووووووك يا ناس الاحزاب صحو النوم ان شـاء الله جـاهزين للانتخـابات الجـاية ؟؟
الكاتب: هاشم نوريت
التاريخ: 15-11-2005, 06:02 م
Parent: #3


هشام هبانى
دبايوا
انت راجل جميل ومهموم بالوطن واحييك على ذلك واطلب منك ان لا تسرف فى كلمة ظلاميين
لان هذا المصطلح ليس المقصود به الجبهة فى المنبر ولا احسب تقصد ما يعنيه المصطلح
هنا...........................



واما دعوتك للاحزاب فهى خاسرة ولاتحلم بانتخابات حرة والجبهة فى راس السلطة واما
الاحزاب لم تتعلم كثيرا ومنها من فاتها الزمن وهى تعيش بعقلية ما قبل الانقاذ
يجب ان يسبق الاصلاح الداخلى للاحزاب اى اشتراك لها فى اى انتخابات.

--------------------------------------------------------------------------------
مداخلة: #5
العنوان: Re: عوووووووك يا ناس الاحزاب صحو النوم ان شـاء الله جـاهزين للانتخـابات الجـاية ؟؟
الكاتب: هشام هباني
التاريخ: 27-11-2005, 09:06 ص
Parent: #4


اخي هاشم



دابايوا


والله يبدو ان النوم لا زال مستمرا والعصابة شغالة بهمة ليوم الحارة والدواس الديموقراطي وقالوا جاهزين جاهزين والاخرون قالوا نايمين نايمين وكمان ضامنين؟؟؟

اللهم اجعله خيرا

--------------------------------------------------------------------------------
مداخلة: #6
العنوان: Re: عوووووووك يا ناس الاحزاب صحو النوم ان شـاء الله جـاهزين للانتخـابات الجـاية ؟؟
الكاتب: mohamed osman bakry
التاريخ: 27-11-2005, 10:19 ص
Parent: #5


هشام
كيفك
غايتو يا هشام الانتخابات دي حتختنا
أمام خيارين أحلاهما حنضـل عدييييييل كده
يعني يا الانقاذ يا الاحزاب
نسعل الله السلامه
زي النكته بتاعة الجماعة القبضوهم في الغابه
قال ليك ودوهم لسلطان القبيله
قاليهم كايسين شنو هنا في غابه
سكتو ماجواسيس
قال ليهم خلاص حكم عليكم
يا تموتو يا كتموتو
دايرين ياتو?
عاينو لبعض كداااا واحد قال للتاني
كتموتو يعني شنو?
التاني قال ليهو والله ماعارفها إلا أخير من الموت
أها قالو للسلطان دايرين كتوموتو
الجماعة ساقو واحد وراء شجرة كدة عشان ينفذوا فيه
حكم سلطان القبيله
والتاني منتظر لغاية ما جو جماعه تانين من القبيله
ساقوه برضو ماشين بيهو لشجره تانيه
أثناء ماهو ماشي ووراهو تلاتين واحد من القبيله
إلتفت كده وشاف صاحبو بنفذو فيهو حكم الكتوموتو وقعد يفنجط
ويكورك ويجقلب وقال للجماعه رجعوني للسلطان
أها لما رجعو للسلطان قام قال للسلطان
أنا داير تموتو.
السلطان عاين ليهو كداااااا
وقام قال لناسو
خلاص سوقوه كتوموتو لغاية مايموتوو


أها يا هشام
تجي الانتخابات
يفوزو ناس الانقاذ , ياهو الموت الانت شايفو ده
يفوزو ناس الاحزاب ياهو الكوتوموتو زااااااتو
والعجب كان طلعوها ففتي ففتي
يبقي كتوموتو لغاية مانموتو
ساعتها تلاقي صاحبك في السوق الشعبي
بدل تقول ليهو الضحك شرطك
تقول ليهو شنو كده ماعارف شرطك
يعني ميتة و خراب ديار

--------------------------------------------------------------------------------
مداخلة: #7
العنوان: Re: عوووووووك يا ناس الاحزاب صحو النوم ان شـاء الله جـاهزين للانتخـابات الجـاية ؟؟
الكاتب: هشام هباني
التاريخ: 27-11-2005, 04:02 م
Parent: #6


العزيز الاخ/ محمد عثمان

مساك الله بالخير


انت عارف يا اخوي محمد ناس الاحزاب ديل زي الزول القالوا ليهو الامتحانات بعد شهرين وما قاعد اذاكر ومعتمد علي البخرات وقراية علوق الشدة في اخر ثلاثة ايام ومعاها كمان حبةspottiing وعاملين كاشفين الامتحان واقولوا ليك ده ذاتو نفس امتحان 1986والجبهجية مذاكرين تمام التمام وعارفين البير وغطاها لانهم هم الواضعين اسئلة الامتحان ومحددين الفصول بتاعة الامتحان وزمن الامتحان والاساتذة المراقبين.... عشان كد نايمين قفا واخوانا التانيين الله يهديهم الله افك سواجيرهم واحلحل مشاكل احزابهم واديهم الصحة والعافية... وبعد داك خلينا نشوف حيموتوا ولا كتموتــــــــــــو؟؟

--------------------------------------------------------------------------------
مداخلة: #8
العنوان: Re: عوووووووك يا ناس الاحزاب صحو النوم ان شـاء الله جـاهزين للانتخـابات الجـاية ؟؟
الكاتب: هشام هباني
التاريخ: 04-12-2005, 04:59 م
Parent: #7


ولسسسسسسسسسع بنقول عوووووووووووووووووووووك يا اهلنا؟

--------------------------------------------------------------------------------
مداخلة: #9
العنوان: Re: عوووووووك يا ناس الاحزاب صحو النوم ان شـاء الله جـاهزين للانتخـابات الجـاية ؟؟
الكاتب: هشام هباني
التاريخ: 07-12-2005, 11:09 ص
Parent: #1


....................


--------------------------------------------------------------------------------

ليست هناك تعليقات:

إرسال تعليق