الخميس، 1 مايو، 2008

الـرســول) شــوفوا البنيــــة اليانـكـية دي ضكــرانــــة كيـفن؟؟

مكتبة هشام هباني ( الـرســول) شــوفوا البنيــــة اليانـكـية دي ضكــرانــــة كيـفن؟؟
01-11-2005, 12:39 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200203261&rn=0


--------------------------------------------------------------------------------
مداخلة: #1
العنوان: ( الـرســول) شــوفوا البنيــــة اليانـكـية دي ضكــرانــــة كيـفن؟؟
الكاتب: هشام هباني
التاريخ: 01-11-2005, 12:39 م


(تقول لي دبابين ويا امريكا لمي جدادك وياالاميريكان ليكم تدرينا وامريكا دنا عذابها)
وبعد داك انبراش وانبطاح ونكاح ..كدي خلونا في الكلام المهم فكونا من السياسة و حكاية عمر البشير العوير وعبد الرحيم ابو ريالة والترابي ابليس السودان غشاش الشعب السوداني وكمان بقي شيخ المعارضين الجديد والتجمع المخستك ومولانا المهبب الباع القضية وقبضوهو ابو صلعة عديل والفساد بتاع الدولة الرسالية وسلفاكير الماشي امريكا اروق المنقة في دارفور وناس دارفور الله ليهم وسلفاكير ما عندو حق المنقة ولا عبين بيهو ناس رياك مشار والانفصاليين... اللهم ارحم قرنق رحمةواسعة وتب علي عبادك الصالحين..امين


خلونا في المهم
امس صاحبي تكاسي سجمان زيي كده كان شايل ليهو نسوان حمــر يعني امريكانيات حــرات مرة وبتها ولابسات اسود وشايلات زهور وقالن ليهو ودينا المدرسة الفلانية وكانت ا########## بالليل يعني بعد فطور رمضان.... قال لي قمت ليك بالتاكسي فللي ( سداري) بس كان فاقد الكوز اكون مربوط فيهو لكن الحمد لله الكوز ما مربوط كان قبضوني ناس البوليس انا والتكسي والكوز وما تقول غوانتنامو جبدة من فلوريدا كان على الطلاق لحقت اخونا سامي الله يعينو...... المهم قال لي وصلتهن ليك المدرسة وجنس لمة بتاعة حريم حور عين عديل سمحات جنس سماحة واولاد سمحين بس (ولدان مخلدون تحسبنهم لؤلؤا منثورا) وكل زول لابس اسود وشايل زهور وهناك في مبنى عالي من المدرسة كانت في كشافة داقة فيهو وكانوا في تلاته ناس فوق واقفين في شباك المبنى العالي راجل ومرة وبيناتن بنية عمرها حوالي التلتاشر سنة ولابسة فستان اسود جميل ومسرحة جنس تسريحة ما شاء الله ..
صاحبي قال لي سألت النسوان بعد ما حاسبتهن وقبضني ابو صلعة و( التب) سالتهن عن المناسبة شنو ده عرس ولا تخريج ولا خطوبة ولا زواج جماعي ولا مهرجان الحور العين..

قال لي المرة الكبيرة بأدب قالت لي : نحن جايين نودع زميلة بتى دي في المدرسة والناس الكتار ديل كلهم زميلاتها وزملاها في المدرسة شايف البت المعلقة فوق المبنى العالي داك ومعاها امها وابوها ... دي البت ذاتها العاملين ليها حفلة الوداع..
قال لي سالتهن : ومودعنها ماشة وين السعودية... ناقلنها لمدرسة تانية مع ناس ابوها ولا ماشة الخرتوم تزور ناس حبوبتها....
المرة الكبيرة قالت ليهو: يا عزيزي البنية دي الدكاترة قالوا عندها سرطان وفضل ليها تلاتة ايام وتموت وهسع الناس ديل كلهم جايين اودعوهاوشايلين الزهور وهي ذاتها جاية تودعهم وكمان حتقول كلمة وداع من فوق الشباك العالي داك...

صاحبي قال لي :علي الطلاق يا ود هباني كان ما شفتها خجلة قربت اغمر واجعـــر زي ما بسووا الرجال عندنا تلقاهو الخملة اقولو ليهو حبوبتك ما تت اجي من الخرتوم راكب اللواري ضارب اللالايا و(مخاخيتو ونخاخيمو) حاجة تقرف ... واقول كدي احصل الحلة وانزل من اللوري وابدا في الجعير التقول رابطين ليهو كــــــــــــوز في خشمو والخملة تلقاهو قاعد ليهو تحت حيطة بيت الفراش زبالتها حاجة عجيبة اعيط ( حبوبتي يا حبوبتي) والرجال واقفين اسكتوا فيهو واصبروا فيهو العرة وهو ازيد في الجعيــــــــر والنسون هناك ضاربات الحي ووب ومكندكات بالتراب التقول الحبوبة دي ( ما رغريت تاتشر) والمخاخيت لا مناديل ولا حاجة بس اقرب كراع عنقريب والبمشي ا########## الجداد بتاع بيت الفراش شغال بس عمال نضافة في city of dallas وكمان بيت الفراش اكون لامي فيه ضبان اخدر عكليت مجهجه الجهال والشفع و ناس البكا جنس جهجهة شي في النخرة وشي في العين وشي كمان لو عندك ( كرو) الله قال بقولك ولا كمان عندك ( دبرة) في ( كورة الظراط) اتشهد ساكت.....

المهم صاحبي قال لي اترجلت وقلت اشوف الحكاية دي صح ولا كضب ساكت.... قال لي بعد شوية دقت ليك مزيقة خفيفة اظنها من بيانو والناس كانت بتقول في نشيد حاجة تخوف ليها رهبة
وبعد شوية سمعت صوت زول بقدم في البنية الفوق عشان تقول كلامها.. وجات البنية وقالت كلامهها .... فال لي علي بالطلاق مافي زول بكى ولا اتنخج ..... كمان صفقوا ليها...

الحكاية انتهت ... شفتو ضكارة البنية اليانكية دي شفتو الموت يا كده ويا بلاش في ضكارة اكتر من كده..........

هاك الرجالة دي يا عنر البشير











--------------------------------------------------------------------------------
مداخلة: #2
العنوان: Re: ( الـرســول) شــوفوا البنيــــة اليانـكـية دي ضكــرانــــة كيـفن؟؟
الكاتب: Saifeldin Gibreel
التاريخ: 01-11-2005, 02:09 م
Parent: #1


هشام هبانى يا رائع يا ظريف بوستاتك دائمآ محببة للنفس عل العموم هذه سانحة لنزكر شاعرنا الكبير خليل فرح فقد مرى بنفس هذا المصير وصاغ اغنيته المشهورة:
ماهو عارف قدمو المفارق يا محط آمالي السلام

--------------------------------------------------------------------------------
مداخلة: #3
العنوان: Re: ( الـرســول) شــوفوا البنيــــة اليانـكـية دي ضكــرانــــة كيـفن؟؟
الكاتب: Sidahmed elrayah
التاريخ: 01-11-2005, 03:34 م
Parent: #1


ضكرانه والله جنس ضكرنه.....بس عاوز اعرف القريه الماته فيها الحبوبه السودانيه ..كمااخاف الكذب...
تقول.....قريه..( نعيمه) ولا شنو..مع شكرى الجزيل

--------------------------------------------------------------------------------
مداخلة: #4
العنوان: Re: ( الـرســول) شــوفوا البنيــــة اليانـكـية دي ضكــرانــــة كيـفن؟؟
الكاتب: هشام هباني
التاريخ: 01-11-2005, 10:30 م
Parent: #3


سيف الجميل

كل العام وانتم والوطن بالف خير

شكرا علي المرور( لكن علي الحرام يا سيف اخوي ديل حريم ارجل من الدبابين اللابدين ولا قالو بغم بعد نيفاشا وبعد ما باعوا المساكين وقالوا عليهم فطيس ولا شنو رايك؟؟) محبتي واحترامي


هشام هباني



العزيز سيد احمد ود الريح


كل العام وانت بخير

( والله كتلتها كتلة ياها نعيمة ست الاسم ذاتها ) ات قايل الحبوبة دي ميتة في العمارات ولا شنو؟؟ محبتي واحترامي


هشام هباني

--------------------------------------------------------------------------------
مداخلة: #5
العنوان: Re: ( الـرســول) شــوفوا البنيــــة اليانـكـية دي ضكــرانــــة كيـفن؟؟
الكاتب: wadalzain
التاريخ: 01-11-2005, 11:19 م
Parent: #4


بالاحترام

الحزن الخاص على الحبوبات مستودع الحكمه والحنان الاسرى والدفء العائلى واحدى الجذور الممتده فى العائله السودانيه الممتده لا يجوز التهكم عليه هكذا .

وبالاحترام ايضا

--------------------------------------------------------------------------------
مداخلة: #6
العنوان: Re: ( الـرســول) شــوفوا البنيــــة اليانـكـية دي ضكــرانــــة كيـفن؟؟
الكاتب: Ahmed Abdallah
التاريخ: 01-11-2005, 11:30 م
Parent: #1


Quote: فكونا من السياسة و حكاية عمر البشير العوير وعبد الرحيم ابو ريالة والترابي ابليس السودان غشاش الشعب السوداني وكمان بقي شيخ المعارضين الجديد والتجمع المخستك ومولانا المهبب الباع القضية وقبضوهو ابو صلعة عديل والفساد بتاع الدولة الرسالية وسلفاكير الماشي امريكا اروق المنقة في دارفور وناس دارفور الله ليهم وسلفاكير ما عندو حق المنقة ولا عبين بيهو ناس رياك مشار والانفصاليين







وين الصادق المهدي ..ما أديتواحقوا ليه .. ????? !!!!!!!!!!

--------------------------------------------------------------------------------
مداخلة: #7
العنوان: Re: ( الـرســول) شــوفوا البنيــــة اليانـكـية دي ضكــرانــــة كيـفن؟؟
الكاتب: هشام هباني
التاريخ: 02-11-2005, 09:10 ص
Parent: #6


الجميل /ود الزين

كل العام وانتم والوطن بالف خير

(حبوباتنا تيجان فوق رؤوسنا) ولن يكن ابدا مادة تهكم ولكن يا اخوي المزعلني الزول التلوقة البجعر ده وانا بتكلم عن ضكارة البنية الصغيرونة البتواجه الموت بخطبة وزهور

محبتي وتقديري

هشام



العزيز /احمد عبد الله

كل العام وانتم بخير

يا اخوي السيد الامام اليومين ديل عندو يوم العيد مظاهرة كبيرة ضد ناس الحيكومة ومؤيدة لاهلنا في دارفور زي ما صرح اخونا دودي ونحن ما دايرين نشوش عليهو وخلينا النشوف مويتهاشنو وبعد داك تعال زرزرني .... لكن كنت بدور اعرف الحرقك شنو في الجماعة الفوق ديلك ات مع منو من الخلق القلتهم انا؟؟

محبتي واحترامي

هشام

--------------------------------------------------------------------------------
مداخلة: #8
العنوان: Re: ( الـرســول) شــوفوا البنيــــة اليانـكـية دي ضكــرانــــة كيـفن؟؟
الكاتب: Ahmed Abdallah
التاريخ: 02-11-2005, 12:56 م
Parent: #7


مع مولانا مشار


--------------------------------------------------------------------------------

ليست هناك تعليقات:

إرسال تعليق