يا جماعة الخير الحكاية وصلت وين حكاية النمل دي؟

مكتبة هشام هباني عاجل جدا..مظاهرات حاشـدة ومنقطـعة النظـيرلاول مرة للنـــمـل في كل السودان؟؟؟؟؟؟
19-04-2005, 07:10 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200200241&rn=0


--------------------------------------------------------------------------------
مداخلة: #1
العنوان: عاجل جدا..مظاهرات حاشـدة ومنقطـعة النظـيرلاول مرة للنـــمـل في كل السودان؟؟؟؟؟؟
الكاتب: هشام هباني
التاريخ: 19-04-2005, 07:10 ص


مصادرنا اوردت :

قالوا الليلةالنمل في الخرطوم طلع في مظاهرة كبيرة مليونية محاطة قالو ليكم بالاحتياطي المركزي والشرطة الشعبية والدفاع الشعبي والقرود الحاربت في الجنوب والتيوس الشعبية وطوالي قالو المظاهرة مشت عديل دقشت لحد مكتب الامم المتحدة وقاموا اهتفوا هتافات بت كلب (ماشين لاهاي ماشين لاهاي) وقام طلع عليهم المندوب السامي لمفوضية الامم المتحدة وقال ليهم (مالكم يا نمل السودان الحاصل عليكم شنو وليه ماشين لاهـاي موضوع لاهاي ده خاص ببشر السودان فقط وخاص بموضوع التصفيات العرقية اللي حصلت لاهلنا الغلبانين في دارفور من ناس الحكومة بتاعة الخرطوم والمحكمة دي خاصة بمحاكمة المجرمين الدوليين من البشر فقط وما اظن عندكم حق للترافع عند المحكمة دي) بس قالوا ليك الهتافات زادت والنمل هاج وماج وقام واحد ضكـــر نمل من النوع ابو ريش ( مع الاعتذار للاخ ابو الريش) طار ليكم فوق ورك ليكم في اضــان المندوب الاممي في الدور السابع في عمارة اعلى من عمارة (قرنفلي)ووسوس في اضان المندوب الاممي وقال ليهو كلام سر وخطير وصعب شديد ما بنقال عديل وحسب مصادرنا قال ليهو ( سمع اضاني دي يا سعادتك انا هسه دي جايي من القصر الجمهوري وناس الحكومة مجتمعين والريس الليلة اول مرة احلف طلاق عديل وزعلان شديد من الناس الطلعوا مظاهرات وكانوا بقولو (واي واي من لاهاي) اها الريس حالة ما زعلان ومنفوخ قال للعصابةالمجتمعين في القصر الكبير ( الليلة يا جماعة علي بالطلاق الشعب التافه ده حن..........النملــة) اها بعد ما سمع المندوب السامي الكلام الشين والعفن ده
زعل واتنفخ وبكي من الحرقة والزعل و ما مصدق انو الحكومة السجمانة دي وصل بيها الحد بعد ما العملتو في البشر كمان تطاولت علي عرض النمل المسكين وفي عرضو وشرفو و قال المندوب السامي لضكر النمل ابوريش مع الاعتذار ثانية للاخ ابو الريش( والله معاكم حق ومن حق كل مخلوق اصون عرضو بل ده الشروع في الزنا عديــــــــل؟؟
اها لحد الليلةقالو المظاهرات بتاعة النمل شغالة واخونا( عجـــــــل بقر الجواميس الرقادن لخ )ما وافانا لحد الان باخر التطورات عن مظاهرات النمل وكم شهيد سقط والله اكون في عون نمل السودان؟؟


اها يا ناس البمبر افتونا في الكلام ده نسمع رأيكم النمل ده بستحق اقدم شكوي في لاهاي
والله الشكية لابو ايدا قوية لاحول ولا قوة الا بالله والجايات اكتر من الرايحات.

--------------------------------------------------------------------------------
مداخلة: #2
العنوان: Re: عاجل جدا..مظاهرات حاشـدة ومنقطـعة النظـيرلاول مرة للنـــمـل في كل السودان؟؟؟؟؟؟
الكاتب: هشام هباني
التاريخ: 19-04-2005, 11:35 م
Parent: #1


اها يا اخوان لازال الوضع متأزم جدا والنمل ارسل برقيتين واحدة لعنان السكرتير العام للامم المتحدة والثانية للاتحاد الافريقي يناشدهما بالتدخل الفوري لصون عروص جماهير النمل في السودان واليومين ديل النمل قالوا بس متخصص قريص في الجبهجية بس او اي زول عنو دقن غايتو ربنا اهون..............

--------------------------------------------------------------------------------
مداخلة: #3
العنوان: Re: عاجل جدا..مظاهرات حاشـدة ومنقطـعة النظـيرلاول مرة للنـــمـل في كل السودان؟؟؟؟؟؟
الكاتب: هشام هباني
التاريخ: 20-04-2005, 01:35 م
Parent: #1


ان شاء الله تكون في اخبار عن المسيرات

--------------------------------------------------------------------------------
مداخلة: #4
العنوان: Re: عاجل جدا..مظاهرات حاشـدة ومنقطـعة النظـيرلاول مرة للنـــمـل في كل السودان؟؟؟؟؟؟
الكاتب: هشام هباني
التاريخ: 21-04-2005, 08:19 م
Parent: #3


يا جماعة الخير الحكاية وصلت وين حكاية النمل دي؟

--------------------------------------------------------------------------------
مداخلة: #5
العنوان: فوووووق
الكاتب: هشام هباني
التاريخ: 24-04-2005, 05:47 ص
Parent: #1


فوووووووق


--------------------------------------------------------------------------------