الخميس، 1 مايو، 2008

يا جماعة الخير: انتو الزول المهبب الاسمو التيجاني حسن امين ده دكتور في شنو؟؟

مكتبة هشام هباني يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
07-12-2005, 09:46 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200202253&rn=0


--------------------------------------------------------------------------------
مداخلة: #1
العنوان: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: هشام هباني
التاريخ: 07-12-2005, 09:46 ص


غايتو الشي البعرفو انو زمان لمن جينا برالمة ودخلنا جامعة الخرتوم كان في دكتور اسمو تيجاني حسن امين زول فتوة وما عندو دقن وكمان قالوا بطشم طشمي شديد في نادي الاساتذة زمن البيرة(الهينيكن) و تب ما عندوعلاقة بالدين وكمان كان عميد شئون الطلاب ومكتبو برة علي شارع الجامعة..
لكن كمان الزول الشفتو امبارح ده عندو دقن طويلة واسمو كمان دكتور تيجاني حسن امين ياااااخ ده زول عبيط جنس عباطة وكمان عامل دمو خفيف وبقدم برنامج ديني ( اطلع الدين ظاااطو)شفت ليهو حلقة امبارح مع المهووس جعفر شيخ ادريس ومعاهم كوز غليد وشحمان متمكن في بلد فقران وجيعان اسمو العلوي .... غايتو حلقة سجمانة لا تصلح للنشر في فضائية..كانت حول ادب الاختلاف.. يعني المتداخلين بالتلفون اتكلموا اكتر من الضيوف ومقدم البرنامج كمان بدع في خفة الدم واتكلم اكتر من الضيوف.. يعني الضيوف راحوا في غضب الله والمهووس جعفر ما ادوهو فرصة اتكلم واغرد وخاصة شيخ حسن خارج اللعب ....يعني فضائية تجنن مش معقول....

لكن سؤالي يا جماعة الخير الزول ده ظااااطو دحين ده مو التيجاني حسن امين عميد الطلاب في عام 1979 وكان دكتور بتاع بطري ولا اكون انا مطششششششششش ساكت.... اللهم اجعله خير.

--------------------------------------------------------------------------------
مداخلة: #2
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: أبكر آدم إسماعيل
التاريخ: 07-12-2005, 10:05 ص
Parent: #1



الآخ هشام هباني
تحياتي الطيبات
الراجل دة حسب معلوماتي من بلدياتنا (الدبكر، شمال غرب الدلنج شرق أبوزبد) في كردفان
خريج بيطرة، وعنده دكتوراه في علوم الصيدلة
جبهجي من النوع الصعب داك
في أيام الإنقاذ الأولانية ديك عينوه والي لشمال دارفور (علي ما أظن)
في نكتة بتتحكي عن قريبنا دة إنو مشى للجماعة أهلنا بتاعين دافور وراح شابكهم ليك أنا بروفسير بروفوسير، بروفيسير برفسير ب فا سير، وبتكلم عربي وإنجليزي وفرنساوي
ومرة (علي حسب الراوي) قاعد يخاطب في الناس وقام شطح قال ليهم هسي ديل أنا القدامكم دة قاعد آتكلم مع الأمريكان بالقمر الصناعي وراح شابكهم ليك إنجليزي وفرنساوي
واحد من الجماعة بتاعننا البسطا ديلك إسمه (أبكر) قام سأل الزول الواقف جنبو البسيط زيو الإسمه (إساخا)، قال ليهو:
"إساخا آخوي، إتي بروفسير دي ياني شنو؟"
قام إساخا رد لقريبو (أبكر):
"بروفسير دي ياني زول قرت كي قرت كي لمّن جنت"
----------------

لكن حكاية الطشمي دي أنا ما عندي عنها فكرة
غايتو مريسة دي الفكي بتاعنا الحفظنا القرآن ذاتو كان قاعد يشربها، لكن "هاينكن" دي ما بعرفها


أبكر آدم إسماعيل

--------------------------------------------------------------------------------
مداخلة: #3
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: Haydar Badawi Sadig
التاريخ: 07-12-2005, 10:20 ص
Parent: #2



Ismail,
!!!You made laugh my guts out. Thank you
Thanks, Husham.

--------------------------------------------------------------------------------
مداخلة: #4
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: Haydar Badawi Sadig
التاريخ: 07-12-2005, 10:20 ص
Parent: #2


Sorry, Repeated!

--------------------------------------------------------------------------------
مداخلة: #5
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: أبكر آدم إسماعيل
التاريخ: 07-12-2005, 10:28 ص
Parent: #4



الأخ العزيز الدكتور حيدر بدوي
في رواية آخرى":
"قرت كي قرت كي لمّن شوطنت"



أبكر آدم إسماعيل

--------------------------------------------------------------------------------
مداخلة: #6
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: هشام هباني
التاريخ: 07-12-2005, 10:33 ص
Parent: #4


الحبيب دكتور ابكر

شكرا للتوضيح

لقد اضحكتني حتى كدت ان ( اتفنقل) من على الكرسي بالنكتة الحلوة بتاعة عمنا الحاج اساغة عن الدكتور المهووس.
المهم في الامر البلد زي ما قالوا هاملة وما عندها وجيع اي صعلوك ناطي في السلطة اسوي العايزو واجيب العايزو.... يعني هم الكيزان السجمانين ديل مالقين ليهم زول اقدم برنامج ديني كبير زي ده واتناول قضايا هامة زي دي وفي فضائيةعالمية يشاهدها الاخرون ما لقوا غير العبيط ده ..........اللهم ارفق بشعب السودان من هؤلاء الاوغاد.
محبتي واحترامي


شكرا دكتور حيدر علي المرور

وشر البلية ما يضحــــــــــــــك؟؟



--------------------------------------------------------------------------------
مداخلة: #7
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: Bakhaf
التاريخ: 07-12-2005, 10:49 ص
Parent: #6


اخي هشام
لقد سالت قبل بضعه ايام الاستاذه سارة عيسي عن بروفسور التجاني وكان هذا ردها


Quote: اخي الكريم
قصة يروفيسور الايمانيات التيجاني الامين حول تزوير انتخابات جامعة الخرطوم عام 93
كان ذلك في عهد وزير الداخلية الحالي الزبير طه عندما كان مديرا للجامعة أنذاك ، وقد تم استحداث لجنة بغرض صياغة دستور اتحاد الطلاب ولوائحه ومراقبة الانتخابات، وكان في هذه اللجنة كل من بروفيسور حسن الامين ودكتور زيدان وهو قيادي ورئيس اتحاد سابق لاتحاد طلاب جامعة الخرطوم.
تم وضع صناديق الاقتراع في دار اتحاد طلاب جامعة الخرطوم وكانت هذه هي فكرة البروفيسور الامين حيث طلب من أعضاء اللجنة تناول بعض المرطبات والشاي الي حين اكتمال الصناديق العائدة من كلية الزراعة والطب ، وقبل هذا الترتيب قام جهاز الامن وبالتنسيق مع الاتجاه الاسلامي بفك حاجز خشب البليود الذي يفصل بين الصناديق الانتخابية ومقر جمعية الانتاج الاذاعي والتلفازي ، وهي جمعية كان يراسها الدكتور وليد محمد الفايت ، وهو الان يشغل منصبا رفيعا في الخارجية السودانية ومتزوجا من أبنة الطيب النص ، بخطة محكمة وفي غاية الدهاء ألهي بروفيسور حسن الامين ودكتور التيجاني بقية أعضاء اللجنة بالحديث في مختلف الشئون ، وفي هذه الاثناء تمكنت كوادر الامن من استبدال الصناديق ، تم التزوير في صناديق الاقتصاد والاداب ، وهي كليات ذات كثافة طلابية عالية ولكن الاتجاه الاسلامي بعد تأييده لسياسة الغاء السكن والاعاشة اصبح لا يحظي بقبول في هذه الكليات
تم اكتشاف التزوير عندما تم اكتشاف أن العدد المصوت كان أكثر بكثير من العدد الفعلي المسجل في كشوفات هذه الكليات ،
بلغ التصويت نسبة 98% للاتجاه الاسلامي في كلية الاداب ، وأول من اكتشف هذا التزوير بهذه الكلية المهندس/عثمان البشير رأس قائمة الاخوان المسلمين جناح الصادق عبد الماجد ، حيث لم تفز قائمته بعد احصاء الاصوات بأي صوت في كليتي والاداب والقانون علي الرغم أن 20 ممثلا من أصل أربعين ممثلا يدرسون بهذه الكليات ، وكانت هذه مفارقة مضحكة عندما حصدت مجموعته الحاصل صفر في من أصوات الطلاب ، وسخر من ذلك حيث قال : (( اين ذهبت اصوات المرشحين من مجموعتي )) ؟؟؟
ضحك بروفيسور حسن الامين كثيرا من ذلك وقال له: لم ترمي عندما رميت ولكن الله رمي !!..كنتم تشقون الصف الاسلامي عندما قدمتم قائمة منفصلة.. ولكن الله تم نوره رغم كره الكافرين
هذا موجز بسيط من هذه الحادثة


--------------------------------------------------------------------------------
مداخلة: #8
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: حسين يوسف احمد
التاريخ: 07-12-2005, 10:51 ص
Parent: #6


العـزيـز هشــام...
التحـايـا والـود ...
يـا عـزيــزي أحمــد الله ســيدك ، إنـك شـأهـدت هـذا الشــخص ، وسـمعـته ، بكـامـل إرادتك ...
فمـا بـالك بنـا نحــن طـلاب جـامعــة الجــزيــرة ، الذي أبتلينــا بهــذا الزول وهــو مـديــر للجـامعــة !!؟؟؟
أجـارك الله ...،
والله يا هشام الدكتوراة بتاعتو مافينا زول عارفة عن شنو بالضبط ...!!!
بس دايما هو بفتخر بأنه أهم عالم في منطقة جنوب الصحراء ..!!!
وفي الجامعة كنا بنسميه (جوبيتر)...
وقصصو مع الطلبة لا تعد ولا تحصى ...
أما بلاويه في الجامعة ، فهي تؤكد أنه (دكتور) في الارهاب والتسلط ...
وفي عهده وفي عام 1994 دخلت قوات الأمن والشرطة للجامعة وقبضت على ما يقارب الألف طالب ، وشحنونا في الدفارات ....
المهم عزيزي قصص هذا الزول عديدة ...
وأستأذنك أن أضع هذا البوست كرابط في بوست (النشيشيبة) ، وستجد ألف اجابة لسؤالك ...
مــع ودي وتقديري ...

--------------------------------------------------------------------------------
مداخلة: #9
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: أبكر آدم إسماعيل
التاريخ: 07-12-2005, 10:52 ص
Parent: #6



الأخ العزيزهشام
تحياتي الطيبات
أنا طبعا ما قاعد أتابع برامج التلفزيون السوداني دة باستمرار - آخوك لسة فقران طبعا
لكن مرة كدة قاعد لي مع واحد صاحبنا عنده دش بجيب القناة السودانية
ولسوء حظي (أو حسنه ما عارف) كان في جماعة ومن بينهم التجاني حسن الأمين بتجادلوا في غلوتية مافي زول في الزمن دة بتمحرك فيها إلا هم
الغلوتية إنو الأطباء الرجال يكشفوا علي النساوين العندهم أمراض نساء وولادة ولا "الشرع" عنده كلام؟
تخيل بس!!!

طبعا أستاذنا دكتور آبوه حيموت من الغيظ لما يسمع مجادلات زي دي



أبكر آدم إسماعيل

--------------------------------------------------------------------------------
مداخلة: #10
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: Shinteer
التاريخ: 07-12-2005, 11:56 ص
Parent: #9


Quote: "قرت كي قرت كي لمّن شوطنت"


مبالغة مبَدِّعة. هههههههههها. والله ده حقو يدوهو لقب بروفيسور.
ده زول بديع في طايوقو ده.

التيجاني حسن الأمين سُمعَتو كانت بتصلنا من جامعة الجزيرة بأنه أول إرهابي يتولى إدارة الجامعة. وطبعاً في الفترة ديك كان كل مديري الجامعات بياطرة، لسبب غير معروف. وما مستبعد إنهم يكونوا اعتبروا الطلاب فصيلاً من زمرة الدواب والهوام.

قرت كيْ قرت كيْ لمّن شوطنت. شوف التعريف البليغ ده البيتناسب مع الموقف المذكور.

أهديتنا ضحكة جامدة يا أبكر. شكراً ليك وشكراً لهشام الجاب سيرة البحر.

--------------------------------------------------------------------------------
مداخلة: #12
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: أبكر آدم إسماعيل
التاريخ: 07-12-2005, 12:39 م
Parent: #10



شنتير يا صديقي أهو طلعت أنا مدين ليك بضحكة
ويا زول أنا متأسف علي المناكفات بتاعة زمان ديك
بس شوف المحن النحن فيها دي - يعني شفتة ناسنا بعاعين الهامش بيجو يتطهضوا ليك في البشرية دي كيف!!؟
الزول دة بتاعنا وأنا ما بقدر أنكر القصة دي. عشان الأمانة الفكرية يعني.. ممكن يكون إضطهد الجماعة بتاعنكم الشكرية ولا الشنو داك ما عارف
أنا غايتو ما بقدر أنكر القصة دي - يا زول أمسحوها لينا في وشنا
أنا شخصيا ما بعذر أي زول غرابي متخفي في القفطان الكبير دة



أبكر آدم إسماعيل

--------------------------------------------------------------------------------
مداخلة: #14
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: Shinteer
التاريخ: 07-12-2005, 06:45 م
Parent: #12


تعرف يا أبكر إن المشوطنين ديل موجودين في كل زاوية من زوايا السودان .. وما لقيت ليهم تعريف مظبوط غير تعريف زولك ده.

يازول ولا يهمك بالمناكفات القديمة ديييييييك. وتقبّل أسفي أيضاً. والله يكفينا شر المشوطنين.

--------------------------------------------------------------------------------
مداخلة: #31
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: Al-Shaygi
التاريخ: 10-12-2005, 11:57 م
Parent: #2





Quote:
"بروفسير دي ياني زول قرت كي قرت كي لمّن جنت"




طيب لايمين الشيخ الدكتور البروف حسن الترابي ليه
في زول في الدنيا دي قرت أكتر منه ؟؟؟

والله يا أبكر ضحكتني لا من دمعت !!!
هذا أجمل تعليق على هؤلاء المهوسين أسمعه خلال السنوات الأخيرة..

لك الشكر على بعث البسمة في زمن العتمة والعبوس

الشايقي

--------------------------------------------------------------------------------
مداخلة: #11
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: محمد السر
التاريخ: 07-12-2005, 11:59 ص
Parent: #1


:يا ناس الإنقاذ... حيَّرتوا سِنْبِر الكوَّة

--------------------------------------------------------------------------------
مداخلة: #13
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: هشام هباني
التاريخ: 07-12-2005, 12:44 م
Parent: #11


العزيز دكتور ادم

بالطبع نحن نعيش اللوثة..والشطحات كتيرة ( يا اخي ديل اغتالوا( ابو كدر) حمار مستورة بس عشان سوى ( قلة الادب) مع حمارة واحد مهووس ... وقام صاحبنا طاااااااخ ضرب الحمار كتلوا.........وافتى احد المهووسين في القرية ذاتها ان منع البنات من ركوب الحمير الذكور... وحرم دخول الحمير الذكور في بيوت تؤمها الحريم... بل طالب بستر الحمير وتفصيل سراويل لها درأ للفتنة.... تصور هذا الهوس والشطط ورد علي صاحبنا المهووس اخونا (ود ابوكليع) احد ظرفاء القريةقائلا وساخرا: اسمع يا شيخ فلان كان داير سترة عورةالحمير انا علي بالطلاق مو مستطيع اشتري لي طاقة وزن عشرة كاملة عشان بدور لي خيمة عديل حتين تستر عورة حماري ؟؟

--------------------------------------------------------------------------------
مداخلة: #15
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: ABDELMAGID ABDELMAGID
التاريخ: 07-12-2005, 08:36 م
Parent: #1


يا ود هبانى يا خوى مساك الله بالخير
انت يا ود عمى الوداك تفتح تلفزيون السودان زى الوقت ده شنو !!!! براك بتفتش فى المحن و الساعات و بتقلب ( البعر ) !!! اصلو فى القت ده ياجات ناطه ليك ( عائشه الغبشاوى ) او ( التجانى حسن ) او ( زهير عبدالرحمن ) و انتهاء بجمعة ( مامون حميده ) !!!!!! و الكل دكاتره و كيزان وفى المؤتمر الوطنى ( البلد بلدنا و نحن اسيادا )و الما عاجبو عليو بالريموت كنترول و الإستراحه مع ال NBA او ياكل ( نيم ) و اشرب من (البحر المالح ) !!!!!!
عبدالماجد

--------------------------------------------------------------------------------
مداخلة: #16
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: Tragie Mustafa
التاريخ: 07-12-2005, 09:16 م
Parent: #15




هشام هباني

كعادتك بوست في الصميم

ويا ابكر فطعته مصارييني بالضحك

وياها مأساتنا في ايجاد القياده الفاعله.

تراجي.

--------------------------------------------------------------------------------
مداخلة: #17
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: ABDELMAGID ABDELMAGID
التاريخ: 07-12-2005, 09:18 م
Parent: #15


مواصلة لما انقطع امس من حديث عن بروفسر التجانى حسن و الذى اخر مره اشاهده فيها كان ذلك فى اليوم الثانى لانتصار انتفاضة مارس ابريل و تحديدا يوم ٧ ابريل ١٩٨٥ بنادى اساتذة طلاب جامعة الخرطوم و كان هنالك نقاشا حادا و محتدما و جدلا بين فصائل تجمع الإنتفاضة فيما بينها حول عما اذا كان يجب الإستمرار فى مواصلة الإضراب السياسى حتى تتم الإستجابة لكل بنود ميثاق الإنتفاضه او رفع الإضراب و المشاركه فى الحكومة الإنتقالية ، بالرغم من ذلك كان الجو العام داخل النادى اشبه بالإحتفالى فالكل فى فرحه و تفاؤل يتبادلون التهانى بزوال الكابوس المايوى و بزوغ شمس عهد ديمقراطى جديد ، فجأة سمعنا اصوات تشابك بالأيدى و راينا بروفسر التجانى حسن هائجا يتلفظ بكلمات مثل ( كلابات و حنوريكم و الأيام بيننا يا صعاليك و ....... و ......) و اشياء يكف المرء عن ذكرها لم نسأل عن سبب المشكله فقط قمنا و معى ابن عمى ( عبدالقادر) بسحب ( البروف ) بعيدا و تطييب خاطره ( معليش اهدأ يا بروف ... الخ ) احتارما لمكانته و اصطحبناه الى ان ركب سيارته مغادرا النادى غاضبا متوعدا ... وقتها قلت لأبن عمى ما معناه ان بروفسر التجانى ده ما زول سياسه هو فقط شخصيه اكاديميه و اداريه داخل الجامعه .... فرد على ابن عمى ( الفتره الأخيره بقى برو كيزان ) و اردف مواصلا الله استرنا منهم الكيزان ديل حيكونوا عقبه و حجر عثره للوضع الجديد و كأنه كان يتنبأ بما سيحدث بعد ٤ سنوات .... منذ تلك الحادثه لم ارى التجانى حسن الا العام الماضى و من خلال الفضائية السودانية فى برنامج ( وضح النهار ) فصحت يا جماعه التجانى حسن بقى داعيه اسلامى ؟ فردت على زوجتى ( وهى خريجة جامعة الجزيره ) انت بتعرف التجانى حسن ده من وين ؟ و واصلت ده كان مدير جامعتنا و قد فعل بنا الأفاعيل و كان يطلق عليه ( التجانى جوبيتر ) !!!! فقلت سبحان الله مغير الأحوال و كان الله فى عون اهلنا فى السودان من امثال هؤلاء !!!!!!
عبدالماجد
ميامى
نقلا عن مداخلة لى فى بوست سابق يتحدث عن نفس الرجل كتبته الأخت الأستاذه ساره عيسى
عبدالماجد

--------------------------------------------------------------------------------
مداخلة: #18
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: هشام هباني
التاريخ: 07-12-2005, 10:52 م
Parent: #17


العزيز/ة تراجي ودكتور عبد الماجد
شكرا على المرور والاهتمام ونحن نعيش زمنا صير من الصعاليك دعاة يتصدرون وجه اعلامنا المأزوم والمخصي بلوثة الضمير وهو اعلام اقل ما نوصفه بانه صنع خصيصا للمعتوهين؟؟
محبتي واحترامي

--------------------------------------------------------------------------------
مداخلة: #19
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: Abd-Elrhman sorkati
التاريخ: 08-12-2005, 03:51 ص
Parent: #1


سلام هشام وضيوفه

البرنامج الذي يقدمه هذا البروفسيور ( وجه النهار)........

يطلق عليه شعبيا اسم ( وجع النهار)...............

--------------------------------------------------------------------------------
مداخلة: #20
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: هشام هباني
التاريخ: 08-12-2005, 06:00 ص
Parent: #19


والله صدقت اخوي عبد الرحمن في حكاية ( وجــع النهار) دي حلوة وبعدين الزول عندو (وجع وش عديل) يعني تيـــــــــــــــــــــــــــــــس دخل التلفزيون غلط وانا بقول ليهو :تـــك..تــك.

محبتي

--------------------------------------------------------------------------------
مداخلة: #21
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: wadalzain
التاريخ: 08-12-2005, 08:38 ص
Parent: #20


وجـــــــــــــــــه النهــــــــــــــــــــار

وتابعــــــــــونا

--------------------------------------------------------------------------------
مداخلة: #22
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: هشام هباني
التاريخ: 08-12-2005, 08:41 ص
Parent: #21


ود الزين يا جميل

كيفك شايفك تكون قريب لينا في كلية القانون جامعة الخرطوم واظنك عاصرت هذا التيس الاسمو تيجاني وجع النهار..... محبتي

هباني

--------------------------------------------------------------------------------
مداخلة: #23
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: ابراهيم بقال سراج
التاريخ: 08-12-2005, 11:09 ص
Parent: #22


Quote: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟



زمان لمن كان والي لشمال دارفور مشي مؤتمر في محافظة مليط ,, قال للجمهور وهو يخاطبهم الحمد لله الذي جعلني بروفسير عليكم ,, لكن هو بروفسير في شنو ما عارف

--------------------------------------------------------------------------------
مداخلة: #24
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: Foetus
التاريخ: 08-12-2005, 11:26 ص
Parent: #1


Salam ya shabab,
Please try to refrain from personal insults and throwing accusations such as alcohol drinking without any proof, this board is read by many people and I think it is unfair to be used for spreading rumours about people who can not defend themselves, the fact that the man is koz and whatever things he did as a chancellor of Gezira university or governor of Darfur does not justify this petty name calling.
regards

--------------------------------------------------------------------------------
مداخلة: #25
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: ABDELMAGID ABDELMAGID
التاريخ: 08-12-2005, 10:12 م
Parent: #24


Author: Foetus
salamat
i respect ur opinion , but this post is solely about a person who took a public office as a governor or a university chancellor by appointment not even thru election & trying to dictate his ideology by taking the advantage of religion !!!!! as a result of that policy hundreds of inocents have been brain washed & sent to the war zone to kill their fellow citizens in the name of ALLAH & jihad agains what they've been told infidels & crusaders !!!! this post is to demonstrate that, those people took islam as an umbrella to justify their crimes against our people in SUDAN , their past history & background is totally diffrent from what they trying to play now, TIJANI HASSAN ,is just an example of those HYPOCRITES , finally taking a public office or to be an official in charge even by election is not a JOKE its a responsiblity & u will be a public RECORD subjected to all kind of history & background checks & verifications for the interest of people of THAT DISTRICT
sincerely urs
abdelmagid

--------------------------------------------------------------------------------
مداخلة: #26
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: jini
التاريخ: 09-12-2005, 03:35 ص
Parent: #1


Quote: "قرت كي قرت كي لمّن شوطنت"



الأخ فويتس
الرجل بحمل دكتوراة فى الفارموكولوجى لا يتطرق اليها الشك ولا يتعاطى المسكر بيد انه عمل مخلبا لأجهزة الأمن برتبة عميد طلاب وكان جعظريا جواظا لا يكن أدنى إحترام لأى إبن أنثى طالت عمامته أو سلامته لا يرى وإلا متفرعنا ولسان حاله ومقاله ياأرض ما فيك إلا أنا!!!
الجواظ معناها:-
منّاع الخير- المستكبر - جمّاع للمال - الممتلئ كثير اللحم- المختال في مشيته - الأكول ( كثير الأكل )

الجعظري معناها:-
الفظ- الغليظ - المتكبر - الشديد
جنى





جنى

--------------------------------------------------------------------------------
مداخلة: #27
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: Dia
التاريخ: 09-12-2005, 04:06 ص
Parent: #26




ان اسوأ ما قام به التيجانى حسن الامين هو تفريغ جامعهة الجزيرة من الكفاءات ووقف فى وجهه الكثيرين وعلى راسهم الدكتور الفاضل كرار رئيس قسم التنمية الريفية والذى يحمل دكتوراة فى تنمية وتطوير جبال النوبة واجه الدكتور الفاضل خزعبلات الدكتور التجانى الذى لم يجد بدا من استصدار قرار من رئاسة الجمهمورية باحالته للصالح الام. وبدا فى تشريدكوادر جامعة الجزيرة وعلى ذمة زميل دراسة قيادى من الاسلاميين قال لى ان هذا الرجل ليس بنصيح وانهم عندما انتبهوا لما يحصل فى جامعة الجزيرة بعد ان كثرت الشكاوى من افراد يتبعون لهم الجزيرة وجدوا ان 80% من هيئة تدريسها قد تمت تصفيتهم.



--------------------------------------------------------------------------------
مداخلة: #28
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: عبدالكريم الامين احمد
التاريخ: 09-12-2005, 12:23 م
Parent: #27


انت عارف يا ابكر زولك القراء لمن قراية شوطنا ده
.. لمن كان مدير الجزيرة .كان عندو
برامج في تلفزيون الجريرة..ناس مدني بسمو برامج وجع وش...
وهو في الاصل من حلة وديعة
في احضان كردفان اسمها قليصة ناسها طييبن ..
.لكن تقول شنو مع القراية البشوطن دي..و
كمان تكوزن

--------------------------------------------------------------------------------
مداخلة: #29
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: اشرف السر
التاريخ: 10-12-2005, 11:37 ص
Parent: #1





هشام هباني

قلبت علينا المواجع بسؤالك دا!!!
التجاني حسن الأمين جوبتر المهوسين الإنقاذيين..
ما ارتكبه في حق طلاب الجزيرة لم يسمع به في جامعات العالم...

في الاسبوع الأول لمقدم الدفعة 14 من طلاب جامعة الجزيرة،، لم نجد سكناً ولا قاعات ولا أي مقوم من مقومات الحياة.. فاعتصمنا أمام مكتبه في الكلية الإعدادية...

فجاءنا ونزل من عربته وهو يرتدي "البارقيت" ويحمل مسدسه في يده.. وقال لنا بالحرف الواحد:
الراجل فيكم اليجيني في المكتب فوق!!!!
هذا رغم أن الاعتصام كان سلميا ولم يكن فيه ما يهدد حياته!!!!




--------------------------------------------------------------------------------
مداخلة: #30
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: ABDELMAGID ABDELMAGID
التاريخ: 10-12-2005, 10:01 م
Parent: #29


ان ما خفى من ممارسات هذا الزنديق ( التجانى حسن ) لهو اعظم و اشد !!!
عبدالماجد

--------------------------------------------------------------------------------
مداخلة: #33
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: إسماعيل وراق
التاريخ: 11-12-2005, 02:20 ص
Parent: #30


الدكتور التيجاني حسن أمين
المشهور بجيبوتير
هذا البروفيسور لم يتحترم مهنته كأستاذ جامعي فكان يجند الطلاب في نجيلة كلية الزراعة وفي مكتبه الخاص بالجامعة..

ما يدهشني حقاً أن البروف التجاني أما مغرور أو موهوم
حاضرتنا في مرة من المرات وقال أنه حفظ القرآن الكريم في شهر واحد وكان ذلك بود الفادني.

وقال أنه على إستعداد أن تذكر له الأية ويقول لك مكانها كذا في المصحف وشكل الحرف كذا وفي الصحفة رقم كذا..
ربما يكون صادق... ولكني أحسبه صاحب شطحات..

قال لأهل دار فور... أحمدوا ربكم أنو أدوكم والي بمرتبة بروفيسور والسودان ده كله ما فيه والي بتاع ماجستير..

--------------------------------------------------------------------------------
مداخلة: #32
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: dalihabboub
التاريخ: 11-12-2005, 02:17 ص
Parent: #1


ياهو زاتو يا هشام

لا أذكر عندما كنا في الجامعة أنه كان طشمنجي
لكن أعرف أنه كان متعلقا بالخطابة رغم أن
نبرات صوته لا تسمح له بذلك وكان مغرما
بترديد الغريب من العبارات الانجليزية كأنه
في امتحان لإثبات إجادته لها.

لكنه والله كان أقل خبلا مما هو عليه الآن وكان على الأقل
يسمح للطالبات بحضور الحفلات بزياد ساعات الليت بيرمشن
وكان يحرص على إعلان ذلك بنفسه وباللغة الإنجليزية المقعرة
تلك التي لم يكن يمل تردادها.

أتفق معك بان ما يقدمه الآن على تلفزيون السودان
مهزلة ولا يليق بمن يدعي علمه والله إلا إذا
كان كلام الصديق (المشوطن) أبكر صحيح وأنو صاحبنا قرا
لا من جنا.

تحياتي لك وللدكتور أبكر.

دالــي

--------------------------------------------------------------------------------
مداخلة: #34
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: shammashi
التاريخ: 11-12-2005, 02:42 ص
Parent: #32


يا جماعة أصلو ما ممكن أصدق إنو سواق القندران البيقدم برنامج وجه النهار دا ياهو عميد الطلبة بتاعنا؟؟؟؟


الزول دا ما كان سمين كدي

من وين عمل الجضوم دي؟؟؟

--------------------------------------------------------------------------------
مداخلة: #35
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: هشام هباني
التاريخ: 11-12-2005, 03:22 ص
Parent: #34


الاخوة المتداخلون/ابكر , فويتس,ضياء, اشرف, عبد الكريم, عبد الماجد, دالي , اسماعيل,جني وشماشي

صباحاتكم بالف خير

يبدو ان هذا الشخص حسب هذه المداخلات المتعددة ليس له صليح يدافع عنه وحتى الظلاميون انفسهم ليس بينهم من انبرى للدفاع عنه..لانه واجهة مظلمة في وضح النهار لا تملك مقومات الجدارة ولا يملك ادنى مقومات ما يجعلك تدافع عنه...( طيب يا جماعة وهو تلفزيون السودان السجمان ده ما في زول اقدر اقول بقم ..والكيزان ديل ظاااطهم مليانين بالمهووسين الممكن اتكلموا في امور الدين ولو بشكل ظاهري احسن من هذا المهبب ولا هم رضيانين بيهو وتكون دي مصيبة... ولله في خلقه شئون؟؟
محبتي

--------------------------------------------------------------------------------
مداخلة: #36
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: البحيراوي
التاريخ: 11-12-2005, 03:28 ص
Parent: #1




الأخ هشام هباني نهارك إنشاء ما يبقي زي وجه النهار بتاع زولك دا

وفي واحد قبل كدا قال والله كويس وجه النهار دا بجي بالليل خالص

المهم البروف دا يا زول آلهم زيد وبارك يعني من وين يبقي زولاً كاارب

أتذكر نحن في كردفان قومي يا مصالحة أقعي وتعالي وناس الجبهة الوطنية

دخلوا العملية السياسية بتاعة الإتحاد الإشتراكي وبعدها جات الإتخابات بتاعة ولاة الأقاليم يلا يا ناس كردفان حظكم العجيب داك جاب ليكم مرشح سمين ومتين ولابس فول سوت وقال في سيرتة الذاتية محضر دكتوراة في أدنبرة بإنجلترا في سنو كدا ما عارف .

وجات الإنتخابات بزخمها العجيب داك ... والله دقي الدلجة لمن عجاجة طار
ومن يومها وما سمعنا بية إلا مدير جامعة الجزيرة ومقدم لبق في تلفزيون السودان

وأحياناً بصلي في جامع القصر الجمهوري كدا . بعدين يا أخوانا خلونا نشارك الإخوة في جامعة الجزيرة طعم الراجل دا من خلال شاشة التلفزيون القومي عشان يكون الطعم قومي


بحيراوي

--------------------------------------------------------------------------------
مداخلة: #37
العنوان: Re: يا جماعة الخير: انتو الزول المهبب الاسمو التيجاني حسن امين ده دكتور في شنو؟؟
الكاتب: هشام هباني
التاريخ: 11-12-2005, 07:46 ص
Parent: #36


العزيز بحيراوي


صباحك خير


ما دي بلد هاملة و ما عندها وجيع... اقدلوا فيها السفلة والمشوهون امثال هذا التيس تيجاني اذا كان قياداتها السياسية ما عندها النفس الطويل للنضال اهم ديك كلهم كسروا ركب .... وخانوا المباديء ودماء الشهداء والمواثيق .. ويا ريت لو سكتوا ساكت وقعدوا بالسترة وصم الخشم لا حتى قضية الانضمام للنظام بسلطتية التشريعية والتنفيذية وهي خيانة واضحة ... اصبحت تحتمل وجهات النظر ( نخش ولا ما نخش .. لا والله بس تشريعية بس...لا والله تنفيذية احسن؟؟) يعني زي حكاية البتاعة العايزة البتاع وخايفة من البتاع .... محبتي واحترامي


--------------------------------------------------------------------------------

ليست هناك تعليقات:

إرسال تعليق