الخال نقد (ودملين) يا زول مالك مهموم ومغموم!؟

مكتبة هشام هباني الخال نقد (ودملين) يا زول مالك مهموم ومغموم!؟
09-05-2007, 03:39 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1188805464&rn=0


--------------------------------------------------------------------------------
مداخلة: #1
العنوان: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 09-05-2007, 03:39 م


.


سلامات ياخال

معليش قلنا نناصحك يا خال للمرة التانية وانا يا خال علي بالحرام شايفو في عيونك باين الهم والزعل من حال البلد وانا عارف غباينك وما بتنفش الا لمن تطلع من المهزلة والوعسة الختوك فيها دي ولا ختيت روحك فيها برااااك وما في حل غير الرجوع للناس الغبش وتخرتوا ايدكم من هذي المهزلة وهذي الفضيحة من عفن الجبهجية الجلبطت بيهو تاريخك اللسع نضيف.. شان تبقي صورتك لسع نضيفة وفي اخر العمر ما يقولوا الخال انفزر ولبد ولبد وصام وصام تلاتين سنة اربعتاشر سنة في مايو وستاشر سنة في الانقاذ وفي نهاية العمر اقولوا الخال ود ملين النضيف فطر علي بصلة جبهجية معفنة ..في حين انو لو دفنا شوال بصل تلاتين سنة في الارض ممكن اشبع افريقيا بصل ليوم القيامة واكون عندو فايدة..لكن يا خال تمن اللبدة الطويلة دي ما ممكن اكون كده رخيص وما كان ليها لزوم من البداية اللبدة دي..يا ريت لو كنت في العلن بتقابل صحافة وساسة وجماهير وتخش من سجن لسجن..كان ممكن اتغير الحال وتكون عندك رؤية للامور افضل من الحالة السجمانة دي..وحزبكم الليلة باين فيها كأنو ما حزب الغبش والكادحين الراجينكم زي ما قلتو.ما دام معين في برلمان الجبهة وبياكل نوابو من معاشات مصروفة من مال الشعب المسروق وفي نفس الوكت بتجملوا وش النظام الشين وفعلا بصدقوا الناس انو ده نظام ديموقراطي وبتاع وحدة وطنية ودي ما حكومة الجبهة و كده بطولوا من عمرو وبتدوهو شرعية ما مستحقها امام الشعب الراجيكم وامام العالم الشامت فيكم,,, اسمعوا كلام خالتي فاطنة السمحة وما ممكن تكونوا في سقف واحد مع الحرامية والمجرمين الكتلوا عبد الخالق والشفيع ورفاقكم و الكتلواعلي فضل وبقية رفاقكم اللسع دمهم ما نشف لو كان بتحترموا دم الشهداء..اطلعوا اخير ليكم قبل ما القطر ما اصفر وتحسبوا في يوم من الايام انكم خنتم شعبكم وخنتم دماء الشهداء.. وبعدين فكك من حكاية لم الشمل بتاعة الجبهجي سوار الدهب ..ده كمان شرك جديد عاوز اورطك اكتر واكتر في الوعسة بتاعتكم وانت ناسي انك هسع كمان مع الترابي المجرم كتال الكتلة كتف بالكتف حليف ومعارضين وفي نفس الوقت حزبكم داخل برلمان السفاح البشير.. يعني بقيتوا زي المنشار مع الكيزان بره وجوه (( لليفة))!اسمع كلامي تمام يا خال انا زول نصيحة تكاسي لوجه الله بدور ليك الخير بس شان بنعزك يا خال ما بندور ليك الشينة والله اديك الصحة والعافية وافكك من الكيزان ناس الترابي برة الحيكومة وناس البشير جوه الحيكومة!!؟
ود اختك هشام ودهباني

--------------------------------------------------------------------------------
مداخلة: #2
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 09-05-2007, 06:23 م
Parent: #1


ولا زال يا خال عشمي فيك كبير وان شاء الله الحزب اطير كان بختك الختة الشينة دي اخر ايام عمرك والله اديك الصحة انا الموضوع بالنسبة لي خاص جدا جدا شان ما اقولوا ذات يوم من الايام وليداتنا واحفادنا في القطينة ونعيمة انو جدنا ود ملين انفزر للكيزان في اخر عمرو.... الله اديك الصحة والعافية!

واسمع منك رد ضروري في عنواني التالي:
hushamhabani1@ hotmail.com

--------------------------------------------------------------------------------
مداخلة: #3
العنوان: Re: الخال نقد (ودملين) يا زول مالك مهموم ومغموم!؟
الكاتب: عدلان أحمد عبدالعزيز
التاريخ: 09-05-2007, 06:49 م
Parent: #1


آ خال..

أسمع كلام ود أُختك الفوق ده!
و

Quote: ما في حل غير الرجوع للناس الغبش


--------------------------------------------------------------------------------
مداخلة: #4
العنوان: Re: الخال نقد (ودملين) يا زول مالك مهموم ومغموم!؟
الكاتب: بكري الصايغ
التاريخ: 09-05-2007, 08:12 م
Parent: #3


آ خال..

أسمع كلام ود أُختك الفوق ده!

و........

Quote: "ما في حل غير الرجوع للناس الغبش "
"ما في حل غير الرجوع للناس الغبش "
"ما في حل غير الرجوع للناس الغبش "

--------------------------------------------------------------------------------
مداخلة: #5
العنوان: Re: الخال نقد (ودملين) يا زول مالك مهموم ومغموم!؟
الكاتب: عبدالغني بريش فيوف
التاريخ: 09-05-2007, 09:53 م
Parent: #4


والله ياهشام
الزول دا مشكلته مشاكل 31 سنة في المخابئ و40 سنة هموم وزهج وقرف - عموما ربنا يعينه سيما وانه ورط نفسه مع ناس لملمة الصف الوطني ديل 0

--------------------------------------------------------------------------------
مداخلة: #6
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 10-05-2007, 00:13 ص
Parent: #5


استاذنا بكري واخوتي عدلان وبريش

سلامات

يا جماعة والله الخال ود ملين عزيز علينا بالحيل وما بندور ليهو الشينة واتلغوس اخر العمر مع الناس الوسخانة دي وتنحسب عليهو غلطة لجنا الجنا ما تنمحي و الخال زول اغبش وحقاني و بدور الناس النضيفة البتقول ليهو كلام الحق و المناصحة في وشو وقولوا للوليدات الشعوعيين الجد الجد لو بالجد انتو شعوعيين ورجال تمام التمام امرقوا النصيحة وخلوا الكلام الكبار كبار والمغتغت وفاضي..دحين الشغل الشين ده عاجبكم... وبتدوروا لخالي ولحزبكم الكلام الني ده!!؟
علي بالحرام دي ياها البتغتس حجركم ليوم القيامة والله والشعب ظااااطو ما حيغفر ليكم الكلام الشين ده...خلونا من النفاق ده وخلوا بالكم مع الغبش اهو نحن التكاسة السجمانين الماعندنا حزب وما عندنا لا ديالكتيك ولا حق صابون (الفنيك) عندنا شوفة للحاجات زينا وزي بتاع الورنيش والشماشي البشم البنزين اللي هسع بشوف النظام ده اخير منو ابليس وبت ابليس...ااااخال اسمع كلام ود اختك كلام الببكيك والله اديك العافية!!

--------------------------------------------------------------------------------
مداخلة: #7
العنوان: Re: الخال نقد (ودملين) يا زول مالك مهموم ومغموم!؟
الكاتب: خالد المحرب
التاريخ: 10-05-2007, 01:23 ص
Parent: #6


الاخ هشام هبانى والله نصيحه غاليه من ولد لابيه
ياريت الناس الزى ديل يدركوا هذه النصايح
وينصاعو الى الغبش ودى والله حسن الخاتمه
اتمنى ان يدركوا ذلك القول .

--------------------------------------------------------------------------------
مداخلة: #8
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 10-05-2007, 08:08 ص
Parent: #7


عزيزنا الاصيل خالد المحرب

سلامات


Quote:
الاخ هشام هبانى والله نصيحه غاليه من ولد لابيه
ياريت الناس الزى ديل يدركوا هذه النصايح
وينصاعو الى الغبش ودى والله حسن الخاتمه
اتمنى ان يدركوا ذلك القول .



والله يا خالد الخال نقد ده زولا عزيز علينا بالحيل وما بندور ليهو الحقارة
والله لا جاب اليوم البنحقر فيهو خالنا نقد الزول النضيف العفيف الشريف
عشان كده اولاد الحرام بدورو احقروهو واجلبطوهو بالعفن والكلام الني
وشان كده انا بقول النصيحة دي للخال..شان ريدتنا ليهو لوجه الله!

اها فتناك بعافية يا ود المحرب يا اصيل مع تحايانا للاسرة الكريمة

هشام

--------------------------------------------------------------------------------
مداخلة: #9
العنوان: Re: الخال نقد (ودملين) يا زول مالك مهموم ومغموم!؟
الكاتب: Mustafa Mahmoud
التاريخ: 10-05-2007, 08:25 ص
Parent: #8



لا تصالح على الدم.. حتى بدم!

لا تصالح! ولو قيل رأس برأسٍ

أكلُّ الرؤوس سواءٌ؟

أقلب الغريب كقلب أخيك؟!

أعيناه عينا أخيك؟!

وهل تتساوى يدٌ.. سيفها كان لك

بيدٍ سيفها أثْكَلك؟

سيقولون:

جئناك كي تحقن الدم..

جئناك. كن -يا أمير- الحكم

سيقولون:

ها نحن أبناء عم.

قل لهم: إنهم لم يراعوا العمومة فيمن هلك

واغرس السيفَ في جبهة الصحراء

إلى أن يجيب العدم

إنني كنت لك

فارسًا،

وأخًا،

وأبًا،

ومَلِك!

--------------------------------------------------------------------------------
مداخلة: #10
العنوان: Re: الخال نقد (ودملين) يا زول مالك مهموم ومغموم!؟
الكاتب: ناذر محمد الخليفة
التاريخ: 10-05-2007, 12:10 م
Parent: #1


مراجع :

نصيحة لله الي الخال العزيز محمد ابراهيم نقد ( ود ملين ) ظااااااطو!!!!


للمرة الثانية مناصحة للخال محمد ابراهيم نقد ود ملين!!

--------------------------------------------------------------------------------
مداخلة: #11
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 10-05-2007, 03:47 م
Parent: #10


ناذر الخليفة
سلامات

وشكرا ولك اجر المناولة وانت تربط القاريء بالمناصحتين للخال نقد
مع خالص ودي واحترامي

هشام

--------------------------------------------------------------------------------
مداخلة: #12
العنوان: Re: الخال نقد (ودملين) يا زول مالك مهموم ومغموم!؟
الكاتب: ناذر محمد الخليفة
التاريخ: 10-05-2007, 05:38 م
Parent: #1


تسلم يا هشام ...

أنا بحتت في بوستاتك عشان إنت كتبت في أول بوستك دا العبارة دي :


Quote: معليش قلنا نناصحك يا خال للمرة التانية



وأنا كنت قايل روحي إتلخبطت في العدد لأني كنت متأكد إنو كان في قبل دي مناصحتين !!

إذن إنتا الغلطان في العدد لأنو دي التالتة !!

انا حاسب عشان كدة إنت أعمل حسابك ..

--------------------------------------------------------------------------------
مداخلة: #13
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 10-05-2007, 08:52 م
Parent: #12


والله يا خال الزعل في عيونك باين... والله دي حالة اخير منها السجن عديل!

--------------------------------------------------------------------------------
مداخلة: #14
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 10-05-2007, 09:14 م
Parent: #13


شفت زمان يا خال الوليدات الشعوعيين مجنننا بالطائفية واليمين الرجعي الامبريالي العميل الكهنوتي....اها هسع دي الاية انقلبت شايف اليمين الرجعي بتاع اهلنا الانصار بقيادة السيد الامام بس متحالف مع نسيبو الترابي يعني متحالف مع ( الشعبي) وبس يعني ماخدين 1/ صفر! اها انتو الشعوعيين التقدميين اعداء الرجعية والطائفية الليلة راكبين لليفة مع (الوطني) بتاع البشير في الحيكومة ومع ( الشعبي) بتاع ابليس الترابي في المعارضة!! اها يا خال الجماعة ضاربنكم 2/صفر بره وجوه!!
يعني الطائفية بتاعة الانصار مغلوبة 1/ صفر والشعوعيين التقدميين مغلوبين 2/ صفر!!
اها عليك الله يا خال ما ها وعسة وجوبيكة كبيرة تسوي المغسة عديل... والله علي بالطلاق الحالة دي اخير منها السجن عديل حتى لو تستانفوا وتدفعوا بالدولار لناس الحيكومة شان ادخلوكم السجن....اخير من الحالة الشينة دي!!

--------------------------------------------------------------------------------
مداخلة: #15
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 11-05-2007, 08:23 ص
Parent: #14


صباح الخيرات يا خال وان شاء الله قريت كلام ود اختك ونصيحتو...وزي ما بقولو المتفلفسين عندنا حتى انا سويت لي (خريطة طريق) يا خال تفكك وتفكنامن الوعسة الواقع فيها دي... حيث انو ما في طريقة للقوى الوطنية لو هي فعلا في قوى وطنية..الا التنسيق بيناتها والخروج الفوري من الحيكومة السجمانة دي والمصادمة المباشرة اليومين ديل مع الحيكومة حتى لو تتعبا السجون بالاف المعتقلين والنظام الايام دي علي الحرررام راقد صلطة عشان كده اشيلوا واوسطوا في السماسرة ناس سوار الضهب وعصمان عبدالله ورامبو شان انقذوا الانقاذ من الزنقة الواقعة فيها دي...ما في طريقة الا ضرب الحديد وهو ساخن... وده الموقف الشريف الوحيد الماعندو بديل اما حكاية مساومة وكوار وجوديات فاضية عشان تنقذ الكلاب من الزنقة دي وعشان اجوا تاني من خلال اي تسوية ده ببقي خيانةعديل وكلام ني ساكت ما فيهو اي حس سياسي ولا نوع من الوطنية...لانكم كده بتطولوا في عمر الكلاب وبتدوهم زمن تاني شان اقعدوا واتمكنوا اكتر....فما في حل يا خااال الا بالثورة الشعبية والقصاص من الخونة وارجاع المال المنهوب لاهلو علي داير القرش والملين واعادة كل المفصولين في الخدمة المدنية والقوات النظامية وتطهير اجهزة الدولة من كل الخونة والمندسين ومحاكمة كل القتلة والمجرمين والعذبوا الشرفاء ونعرف وين قبور الشهداء والمفقودين وكمان اولاد الحرااام الهربوا برة حنتابعهم واحد واحد!!

اها رايك شنو يا خاااااال ده الكلام الدغري ودي خارطة الطريق بتاعة ود اختك التكاسي السجمان وبفتكرها ده الحد الادني الممكن نقوم بيهو للناس الغبش االراجنك وراجين الثورة من زمان.. و ما ممكن تجي يا خاااال في اخر العمر تخذلن وتتعاون عينك عينك مع المجرم السفاح الترابي وتشارك السفاح البشير في حكمو افو افو افو يا خاااااال!

--------------------------------------------------------------------------------
مداخلة: #16
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 11-05-2007, 08:29 ص
Parent: #15



واهدي الخال ود ملين هذه الاغنية الجميلة!
" target="_blank"><...l />

--------------------------------------------------------------------------------
مداخلة: #17
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 11-05-2007, 07:10 م
Parent: #16



سلامات يا خال

--------------------------------------------------------------------------------
مداخلة: #18
العنوان: Re: الخال نقد (ودملين) يا زول مالك مهموم ومغموم!؟
الكاتب: Atif Makkawi
التاريخ: 11-05-2007, 09:55 م
Parent: #1


آخال...
نشهد بأن ابن أختك من الذين يحبونك
ويأملون كثير الآمال فيكم

ويا ابن الأخت...
أرجع وأقرأ ما كتبه لك د. أحمد طراوة
في بوست التبريكات عساك تجد ما
يشفي غليلك.

--------------------------------------------------------------------------------
مداخلة: #19
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 12-05-2007, 02:57 م
Parent: #18


حبيبنا عاطف مكاوي

سلامات

يا زووول الخااااال علي الحرررام ما بخيب الامال
الخال دخري الحوبة ود ملين القطاني المتين.. الزول الامين.. الوطني السنين
بكرة...يا ما تشوف موقف رصين...اخرت ايدو من داك العجين....يا الله يارحيم
يا عليم..ياقويم...امين.

محبتي واحتراماتي

هشام

--------------------------------------------------------------------------------
مداخلة: #20
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 13-05-2007, 11:41 ص
Parent: #1





صباح الخيرات يا خاااااال ان شاء الله كلامي وقع ليك تب!!

--------------------------------------------------------------------------------
مداخلة: #21
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 13-05-2007, 06:50 م
Parent: #20





كيفنك يا خااااااال؟

--------------------------------------------------------------------------------
مداخلة: #22
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 14-05-2007, 07:33 ص
Parent: #21




اااااخااال ان شاء الله عافية وارقد عافية!

--------------------------------------------------------------------------------
مداخلة: #23
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 18-05-2007, 04:50 م
Parent: #22


ات عاااارف يا خال حتى (باص) جدنا محي الدين ود المهدي ( ود دقاقة) علي الحررررام كان بريدك....حالة ما كان بريدك الباص داك علي الحرررام لمن اتدشدش ومات جدنا محي الدين بقي البص الوحيد في خط القطينة الخرتوم الما ركبوا ليهو ( كوز) في ماكنتو لحد ما اتدشدش!!
اااااخال شفت جنس العزة دي كيفن ليك ....حتى الباص قرب ابقي شعوعي عديل!!

--------------------------------------------------------------------------------
مداخلة: #24
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 18-05-2007, 06:07 م
Parent: #23


وبعدين يا خاااال زمنا ده كلو بنعرف انو الكوز بركبوهو في مكنة اللوري التيمس ولا الهوستن والسفنجة....تجو اخر الزمن تدخلوا اللوري بركابو ظااااااطو جوه الكـــــــــــوز!؟

--------------------------------------------------------------------------------
مداخلة: #25
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 18-05-2007, 06:16 م
Parent: #24


والله يا خاااااال الكيزان الحرامية ديل حالة ما بقيت مقاشرن قلت للحاجة اختك امنة بالتلفون هي في البلد هناااك... اسمعي...يا حااااااااجة امنة اسمعي الحوش حقنا ده ومزيرتو ومزيرة السبيل البره البيت ....كان بتعزي وليدك شيلي الكيزان الفوق المزيرة الفي البيت والفي السبيل الجنب البيت..شيليهم طيريهن سقط لقط....وما دايرين تاني شراب موية بالكيزان في البيت ولا في السبيل ان شاء الله تشربوا الموية بالقرعة بعلبة صلصة..بجك معفص...بس الكوووووز لا...نحن وين ما مقبلين الكيزان رابطنهم مرة في الحكومة ومرة في المزيرة ومرة في اللوري؟!!

--------------------------------------------------------------------------------
مداخلة: #26
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 19-05-2007, 07:14 ص
Parent: #25





قلنا نصبح عليك يا خااااااال ببركة الصباح و الكسرة والملاح...نصحي بكرة
ونلقاكم تمام وصاح الصاح!

--------------------------------------------------------------------------------
مداخلة: #27
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 22-05-2007, 06:07 ص
Parent: #26


صباح الخير يا خاااااال

--------------------------------------------------------------------------------
مداخلة: #28
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 23-05-2007, 01:29 ص
Parent: #1


...

--------------------------------------------------------------------------------
مداخلة: #29
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 23-05-2007, 04:39 م
Parent: #1


.

--------------------------------------------------------------------------------
مداخلة: #30
العنوان: Re: الخال نقد (ودملين) يا زول مالك مهموم ومغموم!؟
الكاتب: Atif Makkawi
التاريخ: 23-05-2007, 05:14 م
Parent: #1


نطالب شيوعيي الداخل
بلفت نظر (الأستاذ نقد)
لهذا البوست
فهذا البوست يهم الأستاذ بشكل (شخصي)
ومع زحمة الحياة والمهام قد لا ينتبه له
فهذا كلام مليان من رجل حقيقي
واجب القائد أن يقرأ مثل هذا
فهل من الممكن أن أجد من يجيبني؟؟؟؟

--------------------------------------------------------------------------------
مداخلة: #31
العنوان: Re: الخال نقد (ودملين) يا زول مالك مهموم ومغموم!؟
الكاتب: Mohammed Haroun
التاريخ: 23-05-2007, 06:13 م
Parent: #1


Quote: والله علي بالطلاق الحالة دي اخير منها السجن عديل حتى لو تستانفوا وتدفعوا بالدولار لناس الحيكومة شان ادخلوكم السجن....اخير من الحالة الشينة دي!!



Dear brother Husham
Sorry I have no access to an Arabic Keyboard at the moment, but I think the uncertainity and prison life is so miserable for your uncle Wad Maleen in this age. He is in need of peeceful life now because he did his best and may be when he took this picture he was so sad about the days he wasted in hiding. Does communism always undermine religions
or are communists have no sense of belonging other than to obsolete communism. From your writings I know you have the courage to accept the alternate point of view... I hope so



--------------------------------------------------------------------------------
مداخلة: #32
العنوان: Re: الخال نقد (ودملين) يا زول مالك مهموم ومغموم!؟
الكاتب: عصام عبد الحفيظ
التاريخ: 23-05-2007, 06:31 م
Parent: #31


والله يا هبانى
لوكنت عارف الصورة بتسوى
الكلام ده كلو



كنت نسيت الكامبرا اليوم داك !!

--------------------------------------------------------------------------------
مداخلة: #33
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 23-05-2007, 08:55 م
Parent: #32


عصام حررررم كان تفطر معاي ما دام الله جابك لينا!!



--------------------------------------------------------------------------------
مداخلة: #34
العنوان: Re: الخال نقد (ودملين) يا زول مالك مهموم ومغموم!؟
الكاتب: عصام عبد الحفيظ
التاريخ: 24-05-2007, 05:32 ص
Parent: #33


النصيحة لله
يا هشام



فطورك كارب
وبى عبارو

وانشاء الله
تكون دخن بس


وفى احتياطى بى ورا
عشان حنقيل اليوم ده

--------------------------------------------------------------------------------
مداخلة: #35
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 25-05-2007, 08:00 ص
Parent: #34


اها ااااعصام اخووي ان شاء الله عجبتك الكرامة والمريسة!
وما تنسي تسلملنا علي الخاااااال ود ملين الله اديهو الصحة والعافية
وقول ليه شيتك ومرارتك وبقنيتك محفوظة يا خاااااال... وعلي الحلال نجيب ليك السعية والحلال الخروف في قنيطة الخروف بس يوم تمرقوا اللوري من جوه الكوووووووز!!؟

--------------------------------------------------------------------------------
مداخلة: #36
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 31-05-2007, 06:57 ص
Parent: #35


...

--------------------------------------------------------------------------------
مداخلة: #37
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 31-05-2007, 01:03 م
Parent: #1


....

--------------------------------------------------------------------------------
مداخلة: #38
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 01-06-2007, 03:35 م
Parent: #1


...

--------------------------------------------------------------------------------
مداخلة: #39
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 02-06-2007, 06:26 ص
Parent: #38


؟؟

--------------------------------------------------------------------------------
مداخلة: #40
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 02-06-2007, 11:46 ص
Parent: #1


..

--------------------------------------------------------------------------------
مداخلة: #41
العنوان: Re: الخال نقد (ودملين) يا زول مالك مهموم ومغموم!؟
الكاتب: الجيلى أحمد
التاريخ: 02-06-2007, 01:04 م
Parent: #40


ياخال

كلام ودأختك دا كلام نجيض
دا كلام زول مهموم بالقضيه

كلامك دهب ياهشام



__________________________________

ياأخى والله فطورك خلانى (أتمطق)
والحكاية الفى الجردل دى شكلها بديع..

--------------------------------------------------------------------------------
مداخلة: #42
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 02-06-2007, 06:24 م
Parent: #40




اها يا خاااال الزول سيد الصورة الفوق ده ان شاء الله تكون عرفتو كويس الزول ده اكان معاك شغال ليك في دايرة الديوم زولا نشيط وهميم وكان بجيب ليك الناس ده الشهيدعلي فضل ان شاء الله عرفتو منو الكتلوهو.. وقررتو تشكوهم للقاضي ..عشان اياخدوا جزاهم ,,بس قطع شك ما بكونوا ناس الحيكومة ديل..ما اظنهم ناس غوش ديل اولاد ناس ساكت....غايتو علي المسكين مات ساكت لا ايدو لا كراعو...وما لقي الزول البجيب تاروا لا رفاق ولارفاق....
اللهم لا اعتراض في حكمك يا الله وانا لله وانا اليه راجعون!

--------------------------------------------------------------------------------
مداخلة: #43
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 02-06-2007, 09:46 م
Parent: #42


..

--------------------------------------------------------------------------------
مداخلة: #44
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 03-06-2007, 06:41 ص
Parent: #1


......

--------------------------------------------------------------------------------
مداخلة: #45
العنوان: Re: الخال نقد (ودملين) يا زول مالك مهموم ومغموم!؟
الكاتب: محمد راسخ
التاريخ: 03-06-2007, 08:17 ص
Parent: #1


العزيز
هباني

هذه أول مداخله لي في سودانيز أون لاين، أتمني أن أكون خفيف علي ناس البورد


يا ريت يا هباني نصيحتك دي تلقي زول يقراها زاتو، الناس ديل ما سمعوا بالنت زاتو، ويا ما كتبنا في منتديات أخريات عن ما وصل إليه الحزب الشيوعي من تعاسة، وناصحنا حتي أوشكنا أن ندخل إلي مصحة أمراض عقلية، ولكن يبدو أن القنوات مقلقلة ولا أحد يسمع صوتنا

مناشدة للاستاذة نقد

أن يرفع يده عن هذه القذارة

لك ودي

--------------------------------------------------------------------------------
مداخلة: #46
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 03-06-2007, 02:43 م
Parent: #45


حبيبنا محمد راسخ

اولا اهلا بيك ومرحب بيك يا زول يا اصيل وحبابك الف في بيتك بين الشرفاء

Quote: هذه أول مداخله لي في سودانيز أون لاين، أتمني أن أكون خفيف علي ناس البورد


يا ريت يا هباني نصيحتك دي تلقي زول يقراها زاتو، الناس ديل ما سمعوا بالنت زاتو، ويا ما كتبنا في منتديات أخريات عن ما وصل إليه الحزب الشيوعي من تعاسة، وناصحنا حتي أوشكنا أن ندخل إلي مصحة أمراض عقلية، ولكن يبدو أن القنوات مقلقلة ولا أحد يسمع صوتنا

مناشدة للاستاذة نقد

أن يرفع يده عن هذه القذارة





نعم نريد لقادتنا ان يستيقظوا من سباتهم العظيم وان يرتقوا بشرف ومسئولية لمستوي التحديات الراهنة التي تجابه هذا الوطن بسبب هؤلاء المجرمين من يشاركونهم الحكم..وان لا يخونوا دماء الشهداء وتضحيات الابطال الاحياء بالمساومات والتطبيع مع القتلة والمجرمين..لانه منحي غير اخلاقي ومثبط لهمم الملايين من شعبنا عولوا كثيرا علي قادتنا وقادتنا لم يبارحوا نومهم العظيم! فمناضل في قامة الخال نقد.... امر محير جدا ان يكون في هذا الموقف غير المشرف لحزبة ولا لوطنه ولا لنفسه...مهما كانت المبررات ..فالحقيقة واضحة والحق ابلج!

لك معزتي واحتراماتي

هشام

--------------------------------------------------------------------------------
مداخلة: #47
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 04-06-2007, 05:56 م
Parent: #46


....

--------------------------------------------------------------------------------
مداخلة: #48
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 05-06-2007, 04:09 م
Parent: #47


...

--------------------------------------------------------------------------------
مداخلة: #49
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 06-06-2007, 00:52 ص
Parent: #1


....

--------------------------------------------------------------------------------
مداخلة: #50
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 06-06-2007, 09:32 م
Parent: #1


....

--------------------------------------------------------------------------------
مداخلة: #51
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 10-06-2007, 03:04 م
Parent: #1


....

--------------------------------------------------------------------------------
مداخلة: #52
العنوان: Re: الخال نقد (ودملين) يا زول مالك مهموم ومغموم!؟
الكاتب: هشام هباني
التاريخ: 24-06-2007, 06:36 م
Parent: #51


...


--------------------------------------------------------------------------------