الاثنين، 28 أبريل، 2008

السبب شنو يا جماعة اسم (ابونا ادم وامنا حواء)ارتبط بالسودانيين الزرق

مكتبة هشام هباني السبب شنو يا جماعة اسم (ابونا ادم وامنا حواء)ارتبط بالسودانيين الزرق!!
16-06-2006, 03:51 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200199521&rn=0


--------------------------------------------------------------------------------
مداخلة: #1
العنوان: السبب شنو يا جماعة اسم (ابونا ادم وامنا حواء)ارتبط بالسودانيين الزرق!!
الكاتب: هشام هباني
التاريخ: 16-06-2006, 03:51 م


السبب شنو يا اخوانا وانا محتار من زمان انو السودانيين ( العاملين اولاد البلد) ما بسموا اولادهم علي اسم (ابونا ادم) ابو الانبياء وابو البشر... ولا بناتهم علي امنا حواء ام البشر ودايما اسم ادم ارتبط باهلنا السودانيين( الزرق) وكمان اسم امنا حواء ارتبط بامهاتنا وباخواتناالسودانيات السوداوات شنو السبب في رايكم ولي شنو بنقول فلان(ازرق ) ما (اسود) !!؟

والله محتار شديد!!؟؟


هباني ظاااااطو

--------------------------------------------------------------------------------
مداخلة: #2
العنوان: Re: السبب شنو يا جماعة اسم (ابونا ادم وامنا حواء)ارتبط بالسودانيين الزرق!!
الكاتب: محمد الامين احمد
التاريخ: 16-06-2006, 06:19 م
Parent: #1


العزيز هبانى تحية طيبة

نفهم من كده ان فى ابنائك من هو اسمه (ادم) و (حواء) ؟

--------------------------------------------------------------------------------
مداخلة: #3
العنوان: Re: السبب شنو يا جماعة اسم (ابونا ادم وامنا حواء)ارتبط بالسودانيين الزرق!!
الكاتب: هشام هباني
التاريخ: 16-06-2006, 07:11 م
Parent: #2


محمد الامين

سلامات

كدي قبل مااجاوبك دحين انت اخدر ليموني ولا ازرق ولا البرتكان الناير!!



ظاااااطو

--------------------------------------------------------------------------------
مداخلة: #5
العنوان: Re: السبب شنو يا جماعة اسم (ابونا ادم وامنا حواء)ارتبط بالسودانيين الزرق!!
الكاتب: ابوالقاسم ابراهيم الحاج
التاريخ: 16-06-2006, 10:26 م
Parent: #3


Quote: كدي قبل مااجاوبك دحين انت اخدر ليموني ولا ازرق ولا البرتكان الناير!!



والله ضحكتنى يا هبانى.
خليت الراجل هبب!!.

والله اعلم لكن يا هبانى الجماعة اول ما اسلموا مسكوا فى حاجة اسمها ( اسم الكتاب) !!.
لذلك تجد كل اسماء الانبياء ( بدون فرز) الاخوان الزرق او الازارقة بيسموا بيها اولادهم وكذلك والامر مع الاناث كذلك حتى زليخة !!.

وعملوا ليك اشتقاقات وتصريفات من فقهاء الازارقة للاسماء تجد فى غرب افريقية مثلا ( آدم ) للمرأة و( أدما) للرجل كما عندنا( ادم, ادمو , الدومة , ادمين . وهلمجرا!!.

واسماء الصحابة فى المرتبة الثانية : ابوبكر ومشتقاتها من ابكر وابكورة .

مما اصبح ثقافة لغرب ووسط افريقية حتى بين القبائل العربية ( الرحل) تجد اسماء ابكر وادم وحواء وخاصة فى تشاد وغرب السودان وشرق نيجيرية فى مايدوغرى وشمال كاميرون اهل كسرى ومروة وقروة من الرحل فيهم هذه الاسماء.
ولكن ناس الشمالية من النوبة للمستعربة من النوبة من امثال الجعليين او الشايقية تجد انهم قد استعارو الاسماء من مصر مباشرة وتسموا بأسماء اسيادهم مركبة حتى من مثل ( محمد عثمان )( محمد احمد) ( ابراهيم) لكن اسماعيل ( لا) لظروف تاريخية!!.

(محمد على )الكبير او الصغير؟!.

--------------------------------------------------------------------------------
مداخلة: #4
العنوان: Re: السبب شنو يا جماعة اسم (ابونا ادم وامنا حواء)ارتبط بالسودانيين الزرق!!
الكاتب: Hassan M Saeed
التاريخ: 16-06-2006, 07:29 م
Parent: #1


الاخ هباني

ملاحظ انه الخواجات عندهم اسماء مشتركة معانا يعني سارة ، آدم فأنا بفضل انه نسمي اولادنا زي الأسماء دي عشان ما يكون الإسم غريب.

--------------------------------------------------------------------------------
مداخلة: #6
العنوان: Re: السبب شنو يا جماعة اسم (ابونا ادم وامنا حواء)ارتبط بالسودانيين الزرق!!
الكاتب: هشام هباني
التاريخ: 17-06-2006, 12:21 م
Parent: #4


عارف يا ابو القاسم وحسن

نحن السودانيين عادي بنستعمل كلمة اسود من غير حساسيةفي اي حاجة,, يعني
بنقول: ناكل ملاح اسود..فلان ده قلبو اسود وعلان نيتو سوداء.الله اسود يومك!!
اما الحكاية لمن تجي عند لونا هنا العقدة تركبنا ونصاب بعمى الالوان وتلقي الفنان اغني للاخدر الليموني...وخداري الما بخلي الاخدر ولونو زرعي!! وفلانة زرقاوعلان ازرق والمسيرية الزرق والحمر!!
يعني كمية دجل...يعني كدي اتخيل انو في زول لونو اخدر زرعي ولاكمان ازرق زي الظهرة! يعني حيكون اقبح زول!!
واخوكم العبد لله في بعض الاوراق الامريكية في خانة اللون (اسود ولاابيض) قربت اكتب لوني(green or blue) حسب عقدة اللون الراكبانا!!

محبتي

ظاااطو

--------------------------------------------------------------------------------
مداخلة: #7
العنوان: Re: السبب شنو يا جماعة اسم (ابونا ادم وامنا حواء)ارتبط بالسودانيين الزرق!!
الكاتب: محمد الامين احمد
التاريخ: 17-06-2006, 01:00 م
Parent: #1


ازرق

--------------------------------------------------------------------------------
مداخلة: #8
العنوان: Re: السبب شنو يا جماعة اسم (ابونا ادم وامنا حواء)ارتبط بالسودانيين الزرق!!
الكاتب: ABDELMAGID ABDELMAGID
التاريخ: 17-06-2006, 10:22 م
Parent: #7


هشام اخوى ...
انها اسماء فى حياتنا !!!
زيا و زى ....
قسم السيد ...
و فضل السيد ...
و سلامة ( سيتا !!!) ...
و الله جابو ؟؟؟؟
كسره :
و كمان ضيف ليا ( حوا !!! ) بت ) ( عبدالتام !!! ) صفاية ( الحسوه !!! ) ... شن قولك يا هشام يا ود هبانى ؟؟؟؟
عبدالماجد

--------------------------------------------------------------------------------
مداخلة: #9
العنوان: Re: السبب شنو يا جماعة اسم (ابونا ادم وامنا حواء)ارتبط بالسودانيين الزرق!!
الكاتب: هشام هباني
التاريخ: 24-06-2006, 01:31 م
Parent: #8


عبد الماجد اخوي

سلامات

لا تذكرنا بالمسكوت عنه من تاريخنا العنصري البغيض...وهذه الاسماء التي ذكرتها
هي الادانات الشاهدة و الدامغة لنا من تاريخ الرق في بلادنا..ولا زالت هنالك كثير من الشواهد المحزنة التي بقيت من ذلك الماضي الاليم.

هباني


--------------------------------------------------------------------------------

ليست هناك تعليقات:

إرسال تعليق