الخميس، 24 أبريل، 2008

أيجوز شرعنا رضاعة التكاسي من زبونته الفاتنة جدا!؟

مكتبة هشام هباني أيجوز شرعنا رضاعة التكاسي من زبونته الفاتنة جدا!؟
21-05-2007, 03:00 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1188804720&rn=0


--------------------------------------------------------------------------------
مداخلة: #1
العنوان: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 21-05-2007, 03:00 م


وفقا لهذا الجدل الدائر هذه الايام حول رضاعة الكبير وفق حديث صحيح في الصحيحين يجوز رضاعة الكبير درءا للفتنة...ايجوز لنا معشر التكاسة ونحن في مهنة دائما ما نختلي بسيدات جميلات فاتنات في مشاوير طويلة وفي اوقات مرات متاخرة من الليل..وهو امر ينشط همة ابليس والوسواس الخناس..والانسان اي المؤمن ضعيف امام مغريات الدنيا...هل يجوز لنا هذا الحديث هذه الرخصة وهو الحديث الذي اجزم انه كان سببا في ولوج ديننا كثير من الخواجات بالالاف حسب احصائيات اخينا في الرضاع فرانكلي..لانه بسبب هذا الحديث سيصير ديننا ليبراليا جدا جاذبا ومقصدا لكثير من العجول والمتاليب الكافرين وهم بالتالي سيكونون اخوتنا في الرضاع.. والله اعلم!
افتونا يا علماء اخر الزمان ان شاء الله ترضعوا السم الهاري...وهو نحن حكامنا قصروا في الرضاعة ما الرضاعة خشم بيوت ارضعوا في المال العام وحلبوا خزاين الدولة واهو عمر بن الخطاب بتاعنا حايم في المتع والمباهج ما بين مصر والمغرب..بعد ان رضع اهله ومحاسيبه شطر البلد الهاملة الما عندها وجيع!

هشام

--------------------------------------------------------------------------------
مداخلة: #2
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: نصار
التاريخ: 21-05-2007, 03:05 م
Parent: #1


العزيز ابو أحمد
حسب الفتوي المنشورة قالوا الخلوة البتستوجب الرضاعة
شرطة انكم تكونوا تالتكم الشيطان و المكان المتواجدين
فيهو ما بشوفكم فيه زول و ما يتيسر دخوله الا بموافقتك
يعني مافيش رضاعة ليك يا نمس الا اذا كان تكسيك دا تكسي
جوي يا خليل عثمان ههههههههههه

--------------------------------------------------------------------------------
مداخلة: #6
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 21-05-2007, 03:26 م
Parent: #2


اخوي نصار


Quote: المكان المتواجدين
فيهو ما بشوفكم فيه زول و ما يتيسر دخوله الا بموافقتك
يعني مافيش رضاعة ليك يا نمس الا اذا كان تكسيك دا تكسي
جوي يا خليل عثمان ههههههههههه



والله معظم تكاسينا مظللة لا من شاف لا من درى...اها بعد ده الرخصة مو جايزة؟
وكمان الايام دي الدنيا صيف والصيف موسم العورات في البلدان دي والرضاعة تظل امر واجب!
وهو بعدين الحديث جوز رضاعة اخواتنا في الدين القانتات العابدات...حتى الكافرات عاوزين تعملوا لينا فيهن كاني وماني !!

--------------------------------------------------------------------------------
مداخلة: #18
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: حافظ العشا
التاريخ: 21-05-2007, 06:25 م
Parent: #6


يا هشام
والله المرا كان بتتصفح البوستات دي
الا تبيع التكسي ده
ولكن حسب الفتوى ابداء
وكان كترت بنسوي ليك لجام
عشان تخلي معاك لي اخوانك



تحياتي

--------------------------------------------------------------------------------
مداخلة: #19
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 21-05-2007, 06:39 م
Parent: #18


ود العشا

سلامات


Quote: والله المرا كان بتتصفح البوستات دي
الا تبيع التكسي ده
ولكن حسب الفتوى ابداء
وكان كترت بنسوي ليك لجام
عشان تخلي معاك لي اخوانك




نحن يا حافظ بعد ده معانا رخصة رضاعة شرعية مرفقة مع رخصة التاكسي
يعني بالواضح نحن الله معانا والله ادانا والماعجبو الانفقع!

--------------------------------------------------------------------------------
مداخلة: #3
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: BAKTASH
التاريخ: 21-05-2007, 03:06 م
Parent: #1


Quote: ...هل يجوز لنا هذا الحديث هذه الرخصة وهو الحديث الذي اجزم انه كان سببا في ولوج ديننا كثير من الخواجات بالالاف حسب احصائيات اخينا في الرضاع فرانكلي


(لا ضرر ولا ضرار)... الله اعلم

--------------------------------------------------------------------------------
مداخلة: #4
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: نصار
التاريخ: 21-05-2007, 03:09 م
Parent: #1


بكتاش كيفنك

ضرار دا عرفناه محمد ضرار كرياكو ضرر دا منو ما يكون مامون عكس؟ ههههههه

--------------------------------------------------------------------------------
مداخلة: #5
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: BAKTASH
التاريخ: 21-05-2007, 03:15 م
Parent: #1


Quote: ضرار دا عرفناه محمد ضرار كرياكو ضرر دا منو ما يكون مامون عكس؟ ههههههه


الغالي نصار وينك يا راجل يا ملك؟
قلت لي عكس...... هههههه
هباني دا بتاع محن..جننا وجنن الكيزان
لك الود.

--------------------------------------------------------------------------------
مداخلة: #7
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 21-05-2007, 03:31 م
Parent: #5


ازيك اخوي باكتاش

والله يا باكتاش نحن في المهنة دي في فتنة شديدة...وحمدا لله ما دام عندما رخصة من زمان ولابدين بيها الجماعة ومرقوها اليومين ديل جاتنا في جرح الرخصة دي... وما شاء الله في الصيف ده( الضروع) برة جاهزة للرضاعة حد الشبع ومسح الشنبات والتكرع حمدا لله علي الحليب الامريكي الحلال الزلال!

--------------------------------------------------------------------------------
مداخلة: #8
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: وليد محمد المبارك
التاريخ: 21-05-2007, 03:35 م
Parent: #7




--------------------------------------------------------------------------------
مداخلة: #9
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 21-05-2007, 03:36 م
Parent: #7


غايتو البوليس الامريكي تعب مع التكاسة ابان دقون عندنا كتيرين وبكونوا طايرين بيها السماء الرخصة العجيبة دي..يعني حتلقي في كل تركينة تاكسي مركلس في الطريق السريع في الزقاق في السوق...افهم معناهو انه هنالك تكاسي ورع تقي في حالة رضاعة.. ولا يستطيع البوليس الامريكي التدخل في تصرفاتنا والا سترفع عليهم قضايا قانونية لانهم يسيئون الي
معتقداتنا ويحجرون علينا اداء شعائرنا في الرضاعة في بلاد تؤمن بحرية التدين والمعتقدات!

--------------------------------------------------------------------------------
مداخلة: #10
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 21-05-2007, 03:44 م
Parent: #9


غايتو تراهم الفقهاء عندنا حاسدين جنس حسادة نايمين بالرخصة دي اربعطاشر قرن
والامة عينها طايرة اربعطاشر قرن... والفتوي موجودة..الله اقد عماركم امانة يا الرضاعة ما جاك بلا.....غايتو كتير من العجول والمتاليب سيجلبون الينا مؤمنات لديننا الحنيف بسبب هذه الرخصة الجاذبة وما شاء الله ديل حيرضعوا باثر رجعي!

--------------------------------------------------------------------------------
مداخلة: #11
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: Alshafea Ibrahim
التاريخ: 21-05-2007, 03:48 م
Parent: #1


العمدة
حسب الفتوى إذا كان زجاج التاكسي مظلل يجوز لإكتمال عناصر الخلوة الصحيحة ، بختك ياعمده ، بالهناء
الشفيع

--------------------------------------------------------------------------------
مداخلة: #14
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: محمد حسن العمدة
التاريخ: 21-05-2007, 03:53 م
Parent: #11


Quote: حسب الفتوي المنشورة قالوا الخلوة البتستوجب الرضاعة
شرطة انكم تكونوا تالتكم الشيطان و المكان المتواجدين
فيهو ما بشوفكم فيه زول و ما يتيسر دخوله الا بموافقتك
يعني مافيش رضاعة ليك يا نمس الا اذا كان تكسيك دا تكسي
جوي يا خليل عثمان ههههههههههه



يا نصار شروطك دي كلها بتنطبق على ود هباني

انا خايف يلصقا في قزاز التاكسي حقو لووووول

غايتو ده زمن العجائب بالجد
هو بدون فتوى الجماعة ما مقصرين

--------------------------------------------------------------------------------
مداخلة: #16
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: محمد حسن العمدة
التاريخ: 21-05-2007, 04:00 م
Parent: #14


فتوى تبيح للمرأة ارضاع زميل العمل منعاً للخلوة المحرمة

حسب الرابط ده يا هشام ما محتاجة تكون فاتنة جدا

--------------------------------------------------------------------------------
مداخلة: #22
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 21-05-2007, 08:17 م
Parent: #14


ود العمدة

سلامات

والله ما عارفين اهلنا انصار الدين يا الله الحديث الصحيح ده من زمان كانواعارفنو
ولا ما دارين بيهو... بس واقعين معط ساكت في (الراتب) والجزيرة ابا عدمانة السجارة والتمباك...علي الحرام كان وقعت عينن في الحديث ده من زمان علي الحلال ده كان رضعوا الملكة فكتوريا وصويحباتها الكافرات من االتايمز حتي نهر الدانوب!

--------------------------------------------------------------------------------
مداخلة: #25
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 21-05-2007, 08:27 م
Parent: #11


الشفيع اخوي مادام في رخصة شرعية واستوفينا كل شروطها ما الحرج في ذلك ونحن نؤدي رخص الله علي اكمل وجه!

--------------------------------------------------------------------------------
مداخلة: #12
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: altahir_2
التاريخ: 21-05-2007, 03:49 م
Parent: #1


افتونا يا علماء اخر الزمان ان شاء الله ترضعوا السم الهاري

والله زى ما قلت يا هشام

--------------------------------------------------------------------------------
مداخلة: #13
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: Mustafa Mahmoud
التاريخ: 21-05-2007, 03:51 م
Parent: #12


دبي - فراج اسماعيل

احتدم جدل بين علماء دين في مصر ووصل إلى البرلمان بعد فتوى لرئيس قسم الحديث بجامعة الأزهر، تبيح "إرضاع الكبير"، في وقت انتقدت عدة صحف تدريس كتاب في هذا القسم يؤكد أن الارضاع يحلل الخلوة بين رجل وإمرأة غريبة عنه في مكاتب العمل المغلقة.


وقال عضو مجلس الشعب عن كتلة الاخوان المسلمين صبري خلف الله إن نحو 50 نائبا في البرلمان تدارسوا هذا الموضوع مساء الأربعاء وأعربوا عن قلقهم من انتشار هذه الفتوى اعلاميا، واقترح بعضهم تقديم طلبات احاطة، لكنهم اتفقوا على ارجاء ذلك، واعطاء فرصة للأزهر والاعلام لوقف الخوض في هذا الموضوع الذي أثار حالة من اللغط الشديد في الشارع المصري خصوصا في أماكن العمل التي تضم موظفين وموظفات، وعندها قد يمتنعون عن طلبات الاحاطة منعا لحدوث زوبعة برلمانية قد تساهم في تضخيم المسألة وتضر بالاسلام.

كان د.عزت عطية رئيس قسم الحديث بكلية أصول الدين بجامعة الأزهر فجر مفاجأة حيث أباح للمرأة العاملة أن تقوم بإرضاع زميلها في العمل منعاً للخلوة المحرمة، إذا كان وجودهما في غرفة مغلقة لا يفتح بابها إلا بواسط أحدهما.

واكد عطية لـ"العربية.نت" أن إرضاع الكبير يكون خمس رضعات وهو يبيح الخلوة ولا يحرم الزواج، وان المرأة في العمل يمكنها أن تخلع الحجاب أو تكشف شعرها أمام من أرضعته، مطالباً توثيق هذا الإرضاع كتابة ورسميًا ويكتب في العقد أن فلانة أرضعت فلانًا.

وفي تصريحات لـ"العربية.نت" قال عضو مجلس الشعب خلف الله: أن الخطأ في هذا الموضوع أنه لم يتم تناوله بطريقة علمية أو أكاديمية، فلو حدث ذلك لاختلفت المسألة، لكنها أثيرت اعلاميا بطريقة ساخرة كأن هناك من يحبون أن تشيع الفاحشة.

--------------------------------------------------------------------------------
مداخلة: #24
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 21-05-2007, 08:25 م
Parent: #13


حبيبنا دكتور مصطفي

سلامات

والله يا مصطفي عبد الرحيم حسين الحرامي ابو ريالة ده...اظن ريالتو دي بسبب الرضاعة الكتيرة لمن انعوج خشمو.....غايتو خشموا الشين ده تاني الا ارضعوهو في فيلة ثيب مات زوجها موت الفيلة!!

--------------------------------------------------------------------------------
مداخلة: #23
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 21-05-2007, 08:21 م
Parent: #12


يا ضياء اخوووي


الامة دي ما دام غلبها الجهاد بالسلاح والعلم ورص الصفوف افتكر اخر محاولة ليهم
الجهاد بالرضاع....الموا في الخواجيات الامبرياليات ديل رضاعة ومص لبن حتى تجف الضروع
وحينها لن يجد اطفال الكفرة الفجرة جغمة حليب واثرهايموتون جوعا وحينها تخلو لنا الدنيا لنرضع الي ما شئنا الي ابد الابدين!

--------------------------------------------------------------------------------
مداخلة: #15
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: Raja
التاريخ: 21-05-2007, 03:54 م
Parent: #1


هباني العزيز إزيك..

تعرف من يوم الأربع الفات وأنا ما قادرة أضحك من البلوة الإسمها فتوى دي..
لكن الليلة ضحكت في:

Quote: حسب احصائيات اخينا في الرضاع فرانكلي



تخريمة: حتى الفتاوى مفصًلة لمزاج الرجال..
سبحان الخالق

--------------------------------------------------------------------------------
مداخلة: #26
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 21-05-2007, 08:35 م
Parent: #15


رجاء

ازيك....ابعدي من البوست ده....ده خاص باخوتي في الرضاع معشر الرجال ولا مكان
للمرضعات!
اما بخصوص اخينا في الرضاع فرانكلي فقد تاكد لي انه حاسدجدا وهو عالم بهذا الحديث
العظيم.. ولذا تاكدت من سر ارقامه الفلكية في الوالجين ديارنا الرضاعية!

--------------------------------------------------------------------------------
مداخلة: #17
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: ناذر محمد الخليفة
التاريخ: 21-05-2007, 04:12 م
Parent: #1


!!!!!


Quote: حسب احصائيات اخينا في الرضاع فرانكلي





--------------------------------------------------------------------------------
مداخلة: #20
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: Mohamed Kheir
التاريخ: 21-05-2007, 06:45 م
Parent: #17


انا غايتو فكرت ابقا تكاسي....
الهم انعم علينا بنعمتك يا الله!!
ود هباني البداية وين..;
سريع سريع قبل الفتوى دي ما يمسخوها بي نسخ!!!هاهاها!!

--------------------------------------------------------------------------------
مداخلة: #21
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: hatim
التاريخ: 21-05-2007, 07:02 م
Parent: #20


متى ينضح عقلك...

غايتو أرزل العمر ده شيء مخيف..
يخليك طوالي طالع من طورك...
أنت ما عندك غير سفاسف الأمور ياعمنا..



http://www.alarabiya.net/articles/2007/05/21/34660.html

--------------------------------------------------------------------------------
مداخلة: #29
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 21-05-2007, 08:52 م
Parent: #21


يبدو انك يا حاتم علماني جدا وربما عميل للسي اي ايه!
وانت ترفض السلفية التي لاول مرة نتفق معها
في جهادها بالرضاعة لتجفيف منابع حليب ابناء الكفرة من اثداء امهاتهم المشركات!

--------------------------------------------------------------------------------
مداخلة: #28
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 21-05-2007, 08:49 م
Parent: #20


محمد خير

سلامات

Quote: انا غايتو فكرت ابقا تكاسي....
الهم انعم علينا بنعمتك يا الله!!
ود هباني البداية وين..;
سريع سريع قبل الفتوى دي ما يمسخوها بي نسخ!!!هاهاها!!


اولا قبل رخصة التاكسي عليك برخصة الرضاع من اقرب مفتي في مكان سكنك
وثانيا ان تكون سيارتك مظللة وثالثا ان تذهب لتقوم بعملية تعديل خشمك لتطويل القدوم والبوز والتلاليش لتجاهد في الرضاع جهادا لا تفقد فيه نقطة حليب من ثدي الكافرة حتى نجفف منابع الحليب لاطفال الكفرة ليموتوا جوعا وسغما...ونسود نحن الرعاع امة الرضاع!

--------------------------------------------------------------------------------
مداخلة: #27
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 21-05-2007, 08:42 م
Parent: #17


ناذر الخليفة

عارف الان الخواجات ( الكفرة الفجرة) ادركوا سرنا العظيم في استقطاب بناتهم الي ديننا
بواسطة هذا المنجز الرضاعي العظيم.... ولكنهم الان قد افلحوا في عمل مضاد لايقاف هذا الغزو الرضاعي لبناتهم الحوريات.. وذلك بابتداع شكائم للمسلمين الداخلين الي ديارهم يلزمونهم بارتدائها في افواههم وقداديمهم طيلة فترة بقائهم في ديار الكفر حتى لا يستطيعون رضاعة بناتهم وايضا ابتدعوا نوعا من ( الصرار) الكيميائي العفن جدا من رائحة الزرنيخ لتدهن به فاتناتهم من ذوات الثدي بنات لبون اثدائهن وصدورهن لمنع متاليب وعجول المسلمين من الاقتراب منهن! ولكن ما شاء الله لدينا متاليب من فصيلة (الفحل مو عواف) يمضغون الصرار الكيميائي والباقي يتمسحون به ويتكرفونه!!

--------------------------------------------------------------------------------
مداخلة: #30
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: Shalabi
التاريخ: 21-05-2007, 09:10 م
Parent: #1


هباني
تحياتي ،،

أرى ان تستفتى شيخ ( حسن ) أصلوا هواليومين دي ( مجلي ) وبقى يقابض ...و مابخذلك
يعني فتوتك دي حاتجيهو في جرح ..و بعدين الاعمال بالنيات و حسب التساهيل ...

--------------------------------------------------------------------------------
مداخلة: #31
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 22-05-2007, 00:19 ص
Parent: #30


حبيبنا شلبي

سلامات


Quote: أرى ان تستفتى شيخ ( حسن ) أصلوا هواليومين دي ( مجلي ) وبقى يقابض ...و مابخذلك
يعني فتوتك دي حاتجيهو في جرح ..و بعدين الاعمال بالنيات و حسب التساهيل ...



انا المحيرني يا شلبي الحديث العجيب ده لابد وين كان اربعطاشر قرن ...يا الله اكونوا اخوانا عارفنو ابان دقون اكون من زمان ناقشنو وشغالين بيهو تش في كل خلوة....ونحن مضهبين ساكت في قصة غض الطرف دي واهلي الانصار الغبش المساكين مكبسين عيونن في الراتب وما عارفين الخير ده كلو في الدين ورخصة كمان شرعية رضاعة لحد ما تجيب الحليب ظااااطو!
غايتو انا عاوز اجابة صريحة من اهلنا السلفيين الفي المنبر ده اورونا الحاصل شنو في الحديث الصحيح ده..في الصحيحين والطبري....اليس بسنة مؤكدة وجب اتباعها ام ان في السنة خيار وفقوس!
اما بخصوص شيخ حسن...لا اعتقد هنالك مانع عندو من حكاية الرضاعة دي..ما دام برخصة شرعية مؤكدة في الصحيحين!

--------------------------------------------------------------------------------
مداخلة: #32
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: Tariq Villamosh
التاريخ: 22-05-2007, 01:08 ص
Parent: #31


ألذ حاجة في الموضوع دا، انو المفتي قال بعد ما الواحد يرضع، يجوز للمرضعة ان تكشف عن شعرها ووجهها، وغير مسموح لها ان تكشف عن عورتها، طيب الزول دا حا يرضع كيف؟

يمكن wireless والله اعلم

غايتو الناس ديل حيرونا عديل، الواحد فينا يا دوب داير ليهو معلومات عشان يتوضأ ويصلي كيف، ويجوك زي دا وأم أنس، وواحد برضو قال انو البشوف عورة مرتو أولادهم يبقوا أولاد حرام يقطعوا ليك الدين راسك

--------------------------------------------------------------------------------
مداخلة: #39
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: خالد عبد الله محمود
التاريخ: 22-05-2007, 06:27 ص
Parent: #32


Quote: يمكن wireless والله اعلم





دي لذيذة لكن بالغت فيها

--------------------------------------------------------------------------------
مداخلة: #33
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: محمد المختار الزيادى
التاريخ: 22-05-2007, 01:18 ص
Parent: #31


الراضع ليها شنو يا زول ياكبير انت دع هذا الامر للصغير احمد وبهذا تكون قد حرمت عليك الفاتنه المصاحبه للاب والابن عليك الله هسع انت من غير الفتوي دي وقبل ما تسمعها ما ..... ولا شيطان امريكا دا باطل وماشادي حيلو ?ام .... يا زول انا مارق من فتاويكم المهببه دي التي لا تغني ولا تسمن من جوع

--------------------------------------------------------------------------------
مداخلة: #34
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: عبدالغني بريش فيوف
التاريخ: 22-05-2007, 01:47 ص
Parent: #33


الأزهر يوقف صاحب فتوى «إرضاع الكبير» عن العمل ويُحِيْلُه للتحقيق بتهمة «إثارة البلبلة»
اعتبرها تتنافى مع الإسلام وتخالف مبادئ التربية والأخلاق
القاهرة: محمد خليل
في تطور مثير لقضية فتوى «إرضاع الكبير»، المثيرة للجدل، التي أفتى بها عَالِمْ إسلامي يُدَرِسْ علم الحديث، في جامعة الأزهر، وأجاز فيها «إرضاع الموظفة لزميلها في العمل حال وجودهما معا في مكتب واحد لمنع وجودهما في خلوة شرعية»، ثم عاد واعتذر عنها، قرر المجلس الأعلى للأزهر في اجتماع طارئ، صباح أمس إيقاف «العَالِمْ الإسلامي» عن العمل بالجامعة وإحالته إلى التحقيق من جراء ما صدر عنه وما تناقلته وسائل الإعلام المسموعة والمرئية، مما آثار البلبلة في الشارع الإسلامي.
وقال المجلس الأعلى للأزهر في بيان أصدره أمس أن ما جاء على لسان الدكتور عزت عطية أستاذ علم الحديث بكلية أصول الدين بجامعة الأزهر «يتنافى مع مبادئ الدين الإسلامي الحنيف ويخالف مبادئ التربية والأخلاق ويسيء إلى الأزهر كمؤسسة إسلامية مرموقة».
ولازال الموضوع معروضا على مجمع البحوث الإسلامية بتكليف من شيخ الأزهر الدكتور محمد سيد طنطاوي لتحديد الموقف الشرعي من تلك القضية»، التي كاد الجدل حولها أن يتحول إلى «حرب منشورات»، بين العلماء وشارك فيها طلاب بجامعة الأزهر، بعد أن نقلت وسائل إعلام محلية وعربية فتوى «د.عطية». وذلك لإغلاق باب الخلاف بين علماء الأزهر.
وعلى صعيد متصل بردود الفعل على فتوى «إرضاع الكبير» أيد وزير الأوقاف المصري الدكتور محمود حمدي زقزوق قرار المجلس الأعلى للأزهر بإيقاف د.عطية، مؤكدا «حرص المؤسسة الدينية في مصر على القيام بدورها فى التوعية الدينية الصحيحة وتصحيح أي مفاهيم شاذة نتيجة الخلط الذي تحدثه فوضى الفتاوى».
وأوضح زقزوق في بيان أصدره أمس: إن فوضى الفتاوى وعدم انسجامها مع العقل والفطرة الإنسانية أكثر خطرا على الإسلام من خصومه، واصفا هذه الفتوى ومثيلاتها بأنها «تمثل انحدارا في الفكر الديني، الذي ينير العقول ويسمو بفكر المسلمين ولا يجرهم إلى التخلف والجهل ومنافاة قواعد الذوق العام»، كما طالب الوزير العلماء والدعاة الذين يتصدون للإفتاء بإحكام عقولهم في كل ما يقولونه ويقرأونه كي يتفق ذلك مع العقل وصحيح الدين والابتعاد عما يشكك الناس في دينهم، والعمل على تصحيح المفاهيم الخاطئة لدى العامة خاصة ما يتعلق بالجانب السلوكي وحثهم على العمل والإنتاج. وكان الدكتور عزت عطية قد تراجع عن فتواه، قائلا في بيان أصدره مساء أول من أمس حصلت «الشرق الأوسط» على نسخة منه «ما أثير من كلام حول موضوع ارضاع الكبير وما صرحت به «إنما كان نقلا عن بعض الأئمة مثل ابن حزم وابن تيمية وابن القيم والشوكاني وأمين خطاب وما استخلصته من كلام ابن حجر رحمه الله .. ومع هذا فالرأي عندي أن الرضاعة في الصغر هي التي يثبت بها التحريم كما قال الأئمة الأربعة وأن «موضوع ارضاع الكبير كان واقعة خاصة لضرورة، وما أفتيت به كان مجرد اجتهاد»، وأضاف: في بيانه «بناء على ما تدارسته مع إخواني من العلماء فأنا أعتذر عما بدر مني قبل ذلك وأرجع عن هذا الرأي الذي يخالف الجمهور».
وفي لقاءات متفرقة لـ«الشرق الأوسط» أوضح د.عطية قبل أن يعتذر رسميا عن فتواه «أن الشرع يجيز لأحد البالغين (رجل وامرأة) اللذين تضطرهما الظروف للبقاء في خلوة أن يرضع أحدهما من والدة أو أخت الطرف الآخر، لكي يصبحا أخوين في الرضاعة، وبالتالي تحريم العلاقة الجنسية بينهما»، لكن الدكتور محمد عبد المنعم البري، أستاذ التفسير والحديث، رئيس جبهة علماء الأزهر السابق، وصف فتوى «إجازة إرضاع الرجل الكبير» بأنها «فتنة وافتراء على الشرع الإسلامي الحنيف»، قائلاً إن «ما فهمناه عن الرضاع في كتب السنة أن يكون دون الحولين وأن يكون خمس رضعات مشبعات متفرقات». وقال «البري» جازما: لا يجوز لعلماء من أي تخصص في جامعة الأزهر أن يفتوا في مسائل فقهية لأن الفقه تخصصٌ له رجاله، معتبرا ان ما قاله عطية «كلام الجاهلية والترويج للباطل». وأشار إلى أن الكثيرين من علماء الأزهر المخلصين الذين يتولون إلقاء خطب الجمعة في المساجد خصصوا خطبة الجمعة الماضية للحديث عن موضوع رضاعة الكبير، قائلاً: لقد فوجئت بعد أن فرغت من أداء خطبة الجمعة أمس بقيام بعض الشباب بتوزيع منشورات وبيانات ترفض الفتوى وتؤكد بطلانها.
وتفجرت القضية بسبب الخلاف على تفسير لواقعة تقول إن النبي صلى الله عليه وسلم أمر سهلة بنت سهيل بأن ترضع سالماً مولى زوجها أبي حذيفة وكان كبيراً، فلما كبر، حيث أبطل الإسلام التبني، طلبت من النبي الحل لهذا الأمر فأمرها بأن ترضعه خمس رضعات.

والله يا هباني
انا بتعاطف مع هذا العالم المسكين - هددوه بالقتل حتى تراجع صاحبنا خوفا من ان تعلن الجماعات المناهضة لإعمال العقل الجهاد عليه - يعني الازهر مارست اسلوبا ديكتاتوريا في اقصاء هذا الرجل العالم - رغم ان الفتوى مدعمة بادلة صحيحة وقوية 0

--------------------------------------------------------------------------------
مداخلة: #35
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: EL fahal Abdelatif
التاريخ: 22-05-2007, 03:10 ص
Parent: #34


الحمدلله الذى بنعمة فتوى الرضاعة احل الايمان على قلب هشام...

فها أنت ياهشام وبهذه النعمة........Born Again Muslim

مصدقا لما فعله وجاء به من السلف الراضعين...

وعليك بشكر الله ...اناء الليل واثناء النهار...

وعليك بالدعاء ..اللهم لا تمنع عنا صدرا ولا تجفف لنا ضرعا...

--------------------------------------------------------------------------------
مداخلة: #48
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 22-05-2007, 01:14 م
Parent: #34


عزيزي بريش

سلامات


Quote: الأزهر يوقف صاحب فتوى «إرضاع الكبير» عن العمل ويُحِيْلُه للتحقيق بتهمة «إثارة البلبلة»
اعتبرها تتنافى مع الإسلام وتخالف مبادئ التربية والأخلاق



اها الان التيار السلفي في حيص بيص والكرة في مرماه والدكتور معه كل
الحق في نشر فتواه طالما الحديث صحيح ومؤكد...اما ان ينحازوا لسلفيتهم
النقلية والنصية وناصروا الدكتور واما حادوا عنها وبذلك يفقدون المصداقية وسينتصر عليهم المجددون والمجتهدون المحدثون!

--------------------------------------------------------------------------------
مداخلة: #36
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: EL fahal Abdelatif
التاريخ: 22-05-2007, 03:31 ص
Parent: #1


الى السيد العائد الى الدين بنعمة السلف الراضعين...

لقد ورد بخاطرى سؤال وددت ان لو تجاوبنى عليه او من له الكفاءة من الفقهاء السيبريين...

ماذا تفعل ان تقدمت لك زبونتك التى تزن 290..كيلو جراماو تجلس بجانبك فى التاكسى برجاء ...توضح

لك فيه انها دخلت الاسلام جديدة وتخاف على نفسها الفتنة اثناء مشوارها الطويل وتريد هى ان ترضع منك

فكيف يكون حكمك..وجوابك..؟؟؟؟

--------------------------------------------------------------------------------
مداخلة: #37
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: Ashraf el-Halabi
التاريخ: 22-05-2007, 05:39 ص
Parent: #1


Quote: متى ينضح عقلك...

غايتو أرزل العمر ده شيء مخيف..
يخليك طوالي طالع من طورك...
أنت ما عندك غير سفاسف الأمور ياعمنا..

يا حاتم كلامك دا موجه لهشام ولاّ للشيخ التحفة بتاع الفتوى الأنتيكا دي!؟

--------------------------------------------------------------------------------
مداخلة: #38
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: Ashraf el-Halabi
التاريخ: 22-05-2007, 05:45 ص
Parent: #1


Quote: الأزهر يوقف صاحب فتوى «إرضاع الكبير» عن العمل ويُحِيْلُه للتحقيق بتهمة «إثارة البلبلة»

الصراحة هي أثارت اللبلبة أكتر


أما شيوخ تيوس بصحيح

--------------------------------------------------------------------------------
مداخلة: #40
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: Zoal Wahid
التاريخ: 22-05-2007, 06:29 ص
Parent: #1


Quote: الامة دي ما دام غلبها الجهاد بالسلاح والعلم ورص الصفوف افتكر اخر محاولة ليهم
الجهاد بالرضاع....الموا في الخواجيات الامبرياليات ديل رضاعة ومص لبن حتى تجف الضروع
وحينها لن يجد اطفال الكفرة الفجرة جغمة حليب واثرهايموتون جوعا وحينها تخلو لنا الدنيا لنرضع الي ما شئنا الي ابد الابدين!



يا هشام

خطباء المساجد دائمافي خطبة الجمعة بيقولوا اللهم اجعل نساء الكفار غنيمة للمسلمين.


بعد الفتوى دي قدرت افهم كلام الشاعر:

لنا الصدر دون العالمين او القبر


صحيح عالم خيانة، وين كانوا داسين الفتاوي الزي دي ؟؟؟؟؟

--------------------------------------------------------------------------------
مداخلة: #41
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: نيازي عبدالله مرحوم احمد
التاريخ: 22-05-2007, 06:36 ص
Parent: #40


Quote: غايتو تراهم الفقهاء عندنا حاسدين جنس حسادة نايمين بالرخصة دي اربعطاشر قرن



تحياتي يا هشام شديدة منك والله

--------------------------------------------------------------------------------
مداخلة: #42
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 22-05-2007, 07:31 ص
Parent: #41


الاعزاء/بريش والفحل واشرف والزيادي ونيازي وزول

سلامات

اليس حال امة الاسلام وفقهائها في اخر الزمان في حاضر النهضات العلمية الكبري وثورة المعلومات لهو حال يدعو للسخرية بل الرثاء وخاصة في دولة هي الاكبر بل تعد منارة منائر الاشعاع الثقافي والحضاري العربي والاسلامي وبها اقدم جامعة اسلامية في الدنيا وهي جامعة الازهر والتي في اروقتها هذه الايام الكالحات تخرج مثل هذه الفتاوي المقرفة والمضحكة والتي لا اشك بالتاكيد انها ستحقر من دين الاسلام في عيون بعض ابنائه المستنيرين ومن هم خارجه موصدة الباب امامهم منعا لدخولهم الاسلام اذا استمر فقهاء الغفلة واخر الزمان في هذا المنحي التخريفي والتهريجي المقرف في تناول مواضيع دينية حساسة بهذه السذاجة والتفاهةالتي تحقر وتستخف بعقولنا في زمن المعارف وثورة المعلومات الكبرى وهي ثورة العقل علي الجمود والمسلمات والنقل والتلقين التي ترفض رفضا قاطعا مثل هذه الاوهام والسخافات التي ترتكب باسم دين هو واحد من اعظم الاديان السماوية وهو دين يدعو للعقلانية بالتبصر والتمحيص والتدبر في ملكوت الله وليس دينا لمثل هذه السخافات والتخريجات المضحكة....ارحمونا يرحمكم الله يا فقهاء الغفلة في زمن هو زمن النهضات العالمية الكبرى والنماء والرفاه وانتم فيه ترجعونا الي الحقب الصفراء اربعة عشر قرنا الي الوراء ليرضع كبارنا من اثداء الحريم درءا لنزوات مريضة وقد نسوا ان يرضعوا العلم الحقيقي من مناهله درءا للجهل والهوس والغباء!؟

--------------------------------------------------------------------------------
مداخلة: #43
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: Mohamed Kheir
التاريخ: 22-05-2007, 07:59 ص
Parent: #42


تعرف يا هباني...
امبارح بعد ما اتعشينا خشيت علي المنبر و دوش لي البوست الحلاوة دا
وطبعا اتفقت ضحك جات ام يسن تشوف البضحكني كدر دا شنو المهم قمت شرحت الحاصل و طوالي وريتها رغبتي القوية في انو عايز ابقا تكاسي تعرف كان ردها شنو:
no way, forget about this
اسع عرفت انو شيخنا رجع من كلامو قلتليها خلاص هي زاتا اتقفلت من امها
اتحداك لو عرفت تعبير (اتقفلت من امها) دي!!
سلامات


محمد

--------------------------------------------------------------------------------
مداخلة: #47
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 22-05-2007, 01:09 م
Parent: #43


حبيبنا محمد خير


Quote: امبارح بعد ما اتعشينا خشيت علي المنبر و دوش لي البوست الحلاوة دا
وطبعا اتفقت ضحك جات ام يسن تشوف البضحكني كدر دا شنو المهم قمت شرحت الحاصل و طوالي وريتها رغبتي القوية في انو عايز ابقا تكاسي تعرف كان ردها شنو:
no way, forget about this
اسع عرفت انو شيخنا رجع من كلامو قلتليها خلاص هي زاتا اتقفلت من امها
اتحداك لو عرفت تعبير (اتقفلت من امها) دي!!




يا زول كدي امش جرب الرضاعة الشرعية دي ما دام معاك الرخصة والحديث صحيح ما فيهو لا طق لا شق والتاكسي المظلل تنطبق عليه كل شروط الرخصة! بس خايف ام العيال تطرشق ليك الرخصة و حتقول ليك(ما عاوز ليك مساعدي في التاكسي)!

--------------------------------------------------------------------------------
مداخلة: #44
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: خالد العبيد
التاريخ: 22-05-2007, 08:35 ص
Parent: #1


Quote: ونسب الي صاحب الفتوي الدكتور عزت عطية ان ارضاع الكبير يكون بخمس رضعات وهو يبيح الخلوة ولا يحرم الزواج (...) وانه يمكن المرأة من ان تخلع الحجاب بعده امام زميلها علي ان يكون الارضاع موثقا في عقد بينهما .
وكانت الفتوي نشرت لاول مرة العام الماضي عندما نسبت صحف الي الشيخ الدكتور عبد المهدي عبد القادر استاذ الحديث في جامعة الازهر قوله بأنه يحق لزوجات الاثرياء اللاتي يختلين برجال من الخدم في بيوتهن ان يستخدمن رخصة ارضاع الكبير تفاديا للخلوة الحرام معهم. ولكن الشيخ تبرأ من هذا التأويل، وان كان اقر بصحة ما اسماه حديث ارضاع الكبير الذي رواه الامام مالك.
وربط الشيخ الحديث بقصة محددة وهي ان احدي السيدات كانت تبنت طفلا وعندما اصبح شابا عمره عشرون عاما نزلت آية تحريم التبني فذهبت الي الرسول الكريم (صلعم) تستفتيه فقال لها ارضعيه يحرم عليك . واعتبر ان المسلم يستطيع ان يأخذ بالحديث او يتركه



نقلا عن موقع اخبارنا الاسلامي

--------------------------------------------------------------------------------
مداخلة: #45
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: Abdulbagi Mohammed
التاريخ: 22-05-2007, 10:13 ص
Parent: #44


Quote: وايضا ابتدعوا نوعا من ( الصرار) الكيميائي العفن جدا من رائحة الزرنيخ لتدهن به فاتناتهم من ذوات الثدي بنات لبون اثدائهن وصدورهن لمنع متاليب وعجول المسلمين من الاقتراب منهن! ولكن ما شاء الله لدينا متاليب من فصيلة (الفحل مو عواف) يمضغون الصرار الكيميائي والباقي يتمسحون به ويتكرفونه!!


:

--------------------------------------------------------------------------------
مداخلة: #49
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 22-05-2007, 01:32 م
Parent: #44


خالد العبيد

سلامات

الرخصة قوية وواضحة وكل الاسانيد مؤكدة.....بس الجماعة ليه نايمين بيها اربعتاشر قرن
وشنو الجد هسع شان امرقوها ولا العالم وامة الاسلام بس ناقصة حليب....!؟

--------------------------------------------------------------------------------
مداخلة: #46
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: Ahmed Mohammed Osman
التاريخ: 22-05-2007, 10:27 ص
Parent: #1


الفتوي كانت واضحة انو اذا اختلي الرجل بامراء في مكتب | يجوز ان يرضع الرجل
اما في التاكسي فماعارف منو الحيرضع من منو؟؟؟
غايتو البنسمعو عن رضاعة العربات تجنن
وعشان تكون في السليم خليك دايما الراضع (بس في حالة الزبون امرأة، غير كدا اوعك)

--------------------------------------------------------------------------------
مداخلة: #50
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 22-05-2007, 01:40 م
Parent: #46


احمد محمد عصمان


Quote: الفتوي كانت واضحة انو اذا اختلي الرجل بامراء في مكتب | يجوز ان يرضع الرجل
اما في التاكسي فماعارف منو الحيرضع من منو؟؟؟
غايتو البنسمعو عن رضاعة العربات تجنن
وعشان تكون في السليم خليك دايما الراضع (بس في حالة الزبون امرأة، غير كدا اوعك)



انا متاكد انه هنالك خواجات لو علموا بهذا المنجز الرضاعي الاسلامي سيتركون علي الفور اديانهم الحالية.. وسينخرطون في ديننا افواجا ووحدانا طالما الرضاعة مرخصة فيه وبالتالي اخاف ان يتكون المذهب الرضاعي او الطائفة الرضاعية وهي طائفة من المسلمين الخواجات حديثي العهد بالاسلام وهم الطائفة الاسلامية الوحيدة التي ستمارس هذه الشعيرة الرضاعية في كل مكان... ولا يستطيع كائن من كان منعهم في يلدانهم الحرة من ادائهالانه تعد سافر علي عقيدتهم وهو ما يتناقض مع دساتيرهم الليبرالية وبالتالي سيكسبون حكم المحاكم الدستورية!

--------------------------------------------------------------------------------
مداخلة: #51
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: عبدالغني بريش فيوف
التاريخ: 22-05-2007, 09:29 م
Parent: #50


من قلم : محمد يسر سرميني
إنهم يحتكرون الله

لم يعد لنا نحن المساكين مكان عند الله عز وجل لقد احتكروا الله وأصبح يأتمر بأمر الأحزاب الإسلامية يرضى على من يرضون عنه ويغضب على من يغضبون عليه.
يصعدون المنابر وكلهم ثقة بأن الله عندهم بالمنزل يحضرونه متى يشاءون لكي
يخوفونا منه أو لكي يرونا كيف أن الجنة والنار أصبحت بأيديهم يدخلون إليها من يشاءون ويمنعون عنها من يشاءون ويقولون أن المساجد بيوت الله!!
لم يعد لله بيوت في الأرض أصبح جزء منها للإخوان وجزء للقاعدة وجزء للسلفية وجزء للصوفية وجزء وجزء وجزء .....
لم يعد لله مكان في بيوته لقد استولوا عليها ولن ننسى بأن جزء منها أصبح للحكام
عندما لا يتكلم الله يتكلم الكثيرون باسمه .
نحن حكومة مؤيدة من الله أحدهم يقول وآخر يقول إننا لسنا أي حزب إننا حزب الله وثالث يقول إن هذا نصر إلــــهي إذا كان هذا نصر إلـــهي فليعلم الجميع إني لا أريد هذا النصر ورابع يقول سينصرنا الله لا أدري كيف علموا هذا هل لدى الله وزير إعلام يصدر بيانات ونحن لا ندري .
متى سنترك الله لكي يرتاح ونتكلم بأسمائنا وليس باسمه انظروا إلى العراق كلهم يحتكرون الله وكلهم إذا قتلوا سيذهبون إلى الجنة والذين سيقتلونهم سيذبون إلى النار وقتلاهم في الجنة وقتلى الفريق الآخر في النار .
كلهم يملكون صكوك غفران كنا نسمع بأن الكنيسة في فترة من فتراتها كانت تبيع صكوك غفران ولا أدري إن كان هذا الكلام صحيح أم لا ولكني أرى الآن صكوك الغفران في خزائن كل الأحزاب الإسلامية تمنحها لمن تشاء وتمنعها عن من تشاء .
لقد آن لنا أن نسمي الأشياء بأسمائها إنها ليست أحزاب بلا ملل وطوائف هذا الزمان طائفة الصوفيين وملة القاعدة وطائفة السلفيين وملة الأخوان وملة التكفير والهجرة وطائفة الجماعة الإسلامية وهكذا لكي نضع الأمور في نصابها
كل الأحزاب الإسلامية تكفيرية لافرق لحزب عن حزب وكلهم يعملون في (التقيه) ويتحالفون مع أعداء الأمة هل نصر الإسلام يبدأ بالتحالف مع من يذبح المسلمين انظروا إلى الأحزاب الإسلامية في العراق ومصر والأردن والسعودية وسورية وكل العالم الإسلامي نفس النظام حزب يقوم بالتحالف معه وحزب أخر يحاربه
والله أمر غريب متى كان نصر المسلمين بالكذب وبالتحالف مع يذبح المسلمين.
انه كرسي الحكم وليس إسلام ولامسلمين

--------------------------------------------------------------------------------
مداخلة: #56
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 23-05-2007, 07:04 ص
Parent: #51


حبيبنا بريش


Quote: إنهم يحتكرون الله





والله بالفعل العنوان ده افضل اختذال لتعبير يشمل كل مشروع الهوس
اي احتكار الله!
بس لكن العاجبني في القضية بتاعة توقيف الدكتور بتاع الرضاعة انو الان
وضع الفكر السلفي النقلي كلو في زاوية ضيقة بحديث صحيح مية بالمية
والموضوع سيشمت اهل الاجتهاد والتحديثيين فيهم.. والحيص بيص وقع!

--------------------------------------------------------------------------------
مداخلة: #52
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: حسن النور محمد
التاريخ: 22-05-2007, 09:48 م
Parent: #1


هشام ازيك
ياخى الفتوى دى جاءت متأخرة الناس بحسها الدينى العالى بترضع من زمان لكن اعلانها فى الوقت دا عشان نعرف انة بعض رجال الدين الاسلامى اصبحت مهمتهم هى اعطاء مبرر لتسفيةالاسلام وياما حتظهر فتاوى عجيبة .

--------------------------------------------------------------------------------
مداخلة: #57
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 23-05-2007, 07:10 ص
Parent: #52


ازيك يا ابو علي

كيفنك والعيال والاهل في السودان

Quote: . ياخى الفتوى دى جاءت متأخرة الناس بحسها الدينى العالى بترضع من زمان لكن اعلانها فى الوقت دا عشان نعرف انة بعض رجال الدين الاسلامى اصبحت مهمتهم هى اعطاء مبرر لتسفيةالاسلام وياما حتظهر فتاوى عجيبة .



يا خوووي الناس دي قاعدة ولابدة بالحديث السمح ده اربعطاشر قرن واكونوا شغالين رضاعة
ساكت ونحن مطششين وما عارفين...غضو الطرف نغضو,,لا تلامسوا لا نلامس..لاتختلوا...لا نختلي واقوم لي التعترن الدكتور الطيبان بتاع الازهر ده اطلع الموضوع للعلن واجيب للسلفيين الهواء ظاااااطو..لانو بكون ده اقوى الاحاديث واقدسها عندهم..عشان كده معظم السلفيين ديل تريانين وليهم جضوم وشدوق اتاري من كترة الرضاعة والعضعضة لمن بقوا اشبهو السخلان التريانة!

--------------------------------------------------------------------------------
مداخلة: #53
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: نصار
التاريخ: 22-05-2007, 09:54 م
Parent: #1


العزيز ود العمدة


Quote: يا نصار شروطك دي كلها بتنطبق على ود هباني




اها خم وصر الشيخ زنقوهوا بلع فتوته بموية زرقة ساكت بدل اللبن الكان بمني به نفسه و عباد الله الصالحين.. اسع بكلامك دا ود هباني بدرعا ليك في رقبتك و ينصبك مفتي الانصار في عموم الاقطار و هاك يا جبنة الدويم ههههههه.. زوق بسرعه باعتبار انه القزاز الامامي ما ممكن تظليله و علي كدا تنتفي شروط الخلوةو بعدين في امريكا اي شرامي عنده مسدس ممكن يقطع خلوة عمك بوش زاتو خليك من التكاسي ود هباني.......

--------------------------------------------------------------------------------
مداخلة: #54
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: Hassan M Saeed
التاريخ: 22-05-2007, 11:08 م
Parent: #1


الأخ هباني

في مشيتي للقاهرة ياريت لو اشتريت صحيح البخاري .

انت عارف في تكاسينا دي الواحد يشيل باقة موية بتاعة اللديدر وباقة موية تانية للمضمضمة، بعد الخلوة المأمونة.

--------------------------------------------------------------------------------
مداخلة: #55
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: عبدالغني بريش فيوف
التاريخ: 23-05-2007, 04:56 ص
Parent: #54




--------------------------------------------------------------------------------
مداخلة: #58
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 23-05-2007, 04:42 م
Parent: #1


.

--------------------------------------------------------------------------------
مداخلة: #59
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: محمد احمد سنهورى
التاريخ: 23-05-2007, 06:12 م
Parent: #1


الاخ هبانى:
يجوز لك ذلك شرعاًً..
بشرط ان لاترضع بنهم او شفقة، بل بتروى وحكمة
وفق الله وسدد خطاك
سنهورى

--------------------------------------------------------------------------------
مداخلة: #61
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 26-05-2007, 06:13 م
Parent: #59


عزيزنا سنهوري


Quote: يجوز لك ذلك شرعاًً..
بشرط ان لاترضع بنهم او شفقة، بل بتروى وحكمة
وفق الله وسدد خطاك




طيب ما ممكن نحلب ساكت بدل الرضاعة الفاضية دي ونعبي في بزازة!

--------------------------------------------------------------------------------
مداخلة: #60
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: علي عبد القادر
التاريخ: 23-05-2007, 09:52 م
Parent: #1


الاخالعزيز/ هشام هباني
سلام
في تقيري ان المسالة لو وقفت لحدي هنا تكون جات سليمة
ويا دار ما دخلك شر. لكن الخوف من ان تمتد المسألة لإرضاعات
تانية ماهي المسالة دي ما غريبة .
مع التقدير
محمد علي عبد القادر (الناظر )

--------------------------------------------------------------------------------
مداخلة: #62
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: هشام هباني
التاريخ: 26-05-2007, 06:15 م
Parent: #60


الناظر

سلام


Quote: تقيري ان المسالة لو وقفت لحدي هنا تكون جات سليمة
ويا دار ما دخلك شر. لكن الخوف من ان تمتد المسألة لإرضاعات
تانية ماهي المسالة دي ما غريبة



عشان كده الراجل قمعوهو وبلعوهو كلامو وجماعة السلفيين لبدوا ساكت امام الحديث الصحيح
وخايفين الجماعة اهل القياس اقوموا اقيسوا علي الرضاعة رضاعات تانية... وتبقي الرضاعة خشم بيوت!!

--------------------------------------------------------------------------------
مداخلة: #63
العنوان: Re: أيجوز شرعنا رضاعة التكاسي من زبونته الفاتنة جدا!؟
الكاتب: علي عبد القادر
التاريخ: 27-05-2007, 10:56 ص
Parent: #62


العزي / هشام
سلام
بالمناسبة ده مربط الفرس لو ما بلعوه كلامو
كانوا حيرضعوا مقلب .
مع التقدير
الناظر


--------------------------------------------------------------------------------

ليست هناك تعليقات:

إرسال تعليق