يا جماعة وين الزول ده ..حاج ادم بتاع الانقلاب المفبرك بتاع المؤتمر الشعبي!!

مكتبة هشام هباني يا جماعة وين الزول ده ..حاج ادم بتاع الانقلاب المفبرك بتاع المؤتمر الشعبي!!؟
04-04-2007, 05:44 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1199606917&rn=0


--------------------------------------------------------------------------------
مداخلة: #1
العنوان: يا جماعة وين الزول ده ..حاج ادم بتاع الانقلاب المفبرك بتاع المؤتمر الشعبي!!؟
الكاتب: هشام هباني
التاريخ: 04-04-2007, 05:44 ص


؟؟؟؟؟؟؟؟؟؟؟؟؟؟؟؟

--------------------------------------------------------------------------------
مداخلة: #2
العنوان: Re: يا جماعة وين الزول ده ..حاج ادم بتاع الانقلاب المفبرك بتاع المؤتمر الشعبي!!؟
الكاتب: هشام هباني
التاريخ: 04-04-2007, 07:35 ص
Parent: #1


يعني الزول ده اتبخر بعد ما هرب اسمرا!!

--------------------------------------------------------------------------------
مداخلة: #3
العنوان: دكتور الحاج ادم
الكاتب: Osama Siddig
التاريخ: 04-04-2007, 08:09 ص
Parent: #1


أخى العزيز هشـام

دكتور الحاج ادم موجود بالسودان الآن, وقد انتخب أخيرا رئيسا لجمعية المهندسين الزراعيين السودانية.

كنت ضيف شرف فى هذه الأنتخابات , وكان لى شرف لقاء دكتور الحاج ادم وقد كان حقامثالا للعالم المتواضع, انا هنا اتكلم عن حاج ادم العالم وليس حاج ادم السياسى, له التحية وهو يتحمل مسؤلية هذه الجمعية الوليدة.


لكم مودتى
أســــامة صديق

--------------------------------------------------------------------------------
مداخلة: #4
العنوان: Re: يا جماعة وين الزول ده ..حاج ادم بتاع الانقلاب المفبرك بتاع المؤتمر الشعبي!!؟
الكاتب: الطاهر ساتي
التاريخ: 04-04-2007, 10:39 ص
Parent: #1


أبوناالحاج ده موجود بكثافة
ربنا يديهو العافية فك ليهو تصريح قبل كم
ويبدو لى لسة وافق في محطة المكابرة ...




" ست الجيل ... نموذج للمكابرة ..!! "



** ست الجيل ، قد يكون اسمها أو لقبها لا اذكر جيدا ، ولكنها كانت امرأة ذات شوكة في قريتنا ، وذات سلطة بلا رقابة على نسائها ، شخصيتها استمدت تكوينها من حزمة صفات متناقضة ، وكانت على قدر من الجرأة التى لا حياء فيها بحيث لم تكن تتردد في أن ترتدى لكل مقام صفة ولكل زمان صفة مضادة ، ولا تبالي بمذمة المتناقضات في حياتها طالما تخدم أجندتها السلطوية وتمكنها من السيطرة على حركة نساء القرية ، جاءتها ذات يوم فتاة شاكية لأمها فاستمعت اليها فنصرتها في قضيتها ، ثم جاءت أم الفتاة بالمرافعة فنقضت حكمها السابق ونصرت الام على ابنتها ، فنبهها زوجها على خطل تصرفها فاستجابت له أيضا ، فحكمت لصالح زوجها ناقضة حكميها السابقين .. هكذا كانت ست الجيل تجتهد لترضى كل الامكنة والأزمنة ..!!
** وكانت عنيدة ، عليها رحمة الله ، لا اذكر لها تراجعا عن رأي غير صائب ، ولا مراجعة لموقف هى فيه أخطأت في حق نفسها ونساء القرية ، و الى أن توسدت ثرى القبر لم تعتذر لأحد ، وربما لم تكن تعرف مفردات الاعتذار التى من شاكلة « آسف ، عفوا ، معليش و...» ، ولا قيمة تلك المفردات في نفوس الناس ، لذا مكابرتها كانت أبرز كبائرها ، فاذا قالت - مثلا - أن للماء لونا ، لو اجتمعت القرية كلها على نفى قولها لما استطاعت ، تظل تكابر وتكابر حتى تقنع القرية بأن كل الوان الطيف هى التى تشكل لون الماء .. ست الجيل ، سيرة امرأة مسيرتها قد تشجع ذاكرتنا على تحويلها الى دراما وثائقية لو التزم المخرج سيف الدين حسن بتكاليف اخرا جها ... والى أن يلتزم ..!!
** ندع ست الجيل ، ونعرض أفكار المؤتمر الشعبي التى تنزلت نهار أمس على « آخر لحظة» بلسان حال الدكتور الحاج آدم يوسف القائل « استلام الحركة الاسلامية للسلطة بالانقلاب لم يكن خطأ .. ولا يستوجب الاعتذار ..» .. ثم يتمادى في مكابرة - تحسده عليه ست الجيل - قائلا « فقط يجب الاعتذار عن أخطاء مابعد الانقلاب ، وطلب الغفران من الله ..» .. تأمل عزيزى القارئ القيادى يعتذرعن أخطاء مابعد الانقلاب و ليس عن الانقلاب ، هكذا وكأن الأخطاء هطلت مع أمطار خريف عام الانقلاب و ليست ناتجة عن الانقلاب ، و طرائق استنكار بعض قيادات الشعبي لأخطاء مابعد الانقلاب وعدم استنكارهم للانقلاب هى ذاتها طرائق استنكار ست الجيل لتصرفات يتيم بقريتنا ، كانت تنهره بقولها « يا ولد ابوك كان راجل طيب .. لكن انت طلعت ابن ستين كلب » ... وهكذا تظن انها ذمت الصبي ومدحت أباه ..!!
** على كل .. اعتذر الدكتور الترابي عن الانقلاب قبل الاعتذار عن أخطاء مابعده ، ثم تلاه الدكتور علي الحاج واصفا الانقاذ بانها خطيئة الحركة الاسلامية ، وهذا اعتذارعن الانقلاب وعن أخطاء مابعده ، وآخرون أيضا في الشعبي اعتذروا عن الانقلاب قبل الاعتذار عن أخطاء مابعده ، وللشعب حق القبول أو الرفض في الانتخابات المرتقبة .. ولكن بعيدا عن صناديق الاقتراع خير للدكتور الحاج آدم و آخرين - و لكل انسان - الاعتذار عن أخطائه لابتغاة مرضاة الله وغفرانه « الشعب السودانى هين » .. فالعزة بالاثم أو المكابرة ليست من صفات المسلم ، ناهيك أن يكون المسلم ملقبا ب « الاسلامي » ... اعتذروا أثابكم الله ، فمن قبلكم اعتذر اليسار عن مايو، واعتذر الانصار عن نوفمبر ، وربما الغد يحمل اعتذار حزب عن يناير ، مارس ، اغسطس و.... و نحن شعب طيب الاعراق بحيث ندر خدنا الايمن لمن يلطم الايسر ويعتذر له .. فاعتذروا جميعا كجمع السابقين الذين سبقوكم بالانقلابات ثم بالاعتذارات .. وغفرالله لست الجيل عزتها بآثامها ... !!

--------------------------------------------------------------------------------
مداخلة: #5
العنوان: Re: يا جماعة وين الزول ده ..حاج ادم بتاع الانقلاب المفبرك بتاع المؤتمر الشعبي!!؟
الكاتب: هشام هباني
التاريخ: 04-04-2007, 07:12 م
Parent: #4


الطاهر الطاهر


Quote: أبوناالحاج ده موجود بكثافة
ربنا يديهو العافية فك ليهو تصريح قبل كم
ويبدو لى لسة وافق في محطة المكابرة ...



بس لكن كيفن الزول ده جاء راجع بسرعة من اسمرا ولا اعتقلوهو ولا كتلوهو ولا دخلوهو بيت اشباح ولا قعدوهو في قزازة بعد ما قالوا انو كان عاوز اقوم بانقلاب وقالوا اكتشفوا مخابيء السلاح والملابس وجابوها في التلفزيون والجرايدبعد ماوشي فيهم الود بتاع نقطة نظام... يعني الحصل شنو والناس ديل فكوهم من السجون وشيخ حسن سيد الانقلاب بعد ما قالوا حنشنقو ونجيب خبرو الليلة قاعد ابرطع في نص الرطوم واشتم في وليداتوواجلفط في الدين زي ما عاوز ولا شنقوهو ولا رصصوهو.........شنو التسوية التمت بين ((القصر والمنشية)) ورجع الامور للحالة الحلوة دي يا الطاهر اخوووووي!!

--------------------------------------------------------------------------------
مداخلة: #6
العنوان: Re: يا جماعة وين الزول ده ..حاج ادم بتاع الانقلاب المفبرك بتاع المؤتمر الشعبي!!؟
الكاتب: هشام هباني
التاريخ: 05-04-2007, 06:54 ص
Parent: #1


......


--------------------------------------------------------------------------------