الاثنين، 28 أبريل، 2008

فى معيتنا هشام ود هبانى ظااااطو ؟؟؟ كان كدى !!! يانا الضابحنلو

مكتبة هشام هباني فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
27-05-2006, 10:43 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200199576&rn=0


--------------------------------------------------------------------------------
مداخلة: #1
العنوان: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: ABDELMAGID ABDELMAGID
التاريخ: 27-05-2006, 10:43 م


يشرفنا هذه الأيام بمنطقة ميامى الماطرة جدا أخونا الصنديد و عضو البورد هشام هبانى ظااااااطو و اسرته الكريمة ... فبالرغم من أن يوم وصوله صادف الذكرى المشؤومة لأنقلاب ٢٥/٥/١٩٦٩ الا أنه قد كان لنا احتفالين :
الأول بمقدمه الكريم .
و الثانى بالذكرى الحادية و العشرين لأنتفاضة الشعب فى أبريل و اندحار عهد الطاغوت و الظلام المايوى و ذهاب ( نميريه !!! ) الى مزبلة التاريخ غير مأسوف عليه ... فتبا لسدنة ذلك النظام و صبيته و غلمانه و خصيانه ....
عبدالماجد

--------------------------------------------------------------------------------
مداخلة: #2
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: فيصل محمد خليل
التاريخ: 28-05-2006, 01:12 ص
Parent: #1


الاخ عبد المجيد سلام

بلغ تحياتنا لهباني و اسرتة

ولك التحية

فيصل محمد خليل

--------------------------------------------------------------------------------
مداخلة: #3
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: ABDELMAGID ABDELMAGID
التاريخ: 28-05-2006, 09:24 ص
Parent: #2


العزيز فيصل محمد خليل
يبلغ انشاء الله ...
تحيتى و احترامى و سلامى
عبدالماجد

--------------------------------------------------------------------------------
مداخلة: #4
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: ادريس خليفة علم الهدي
التاريخ: 28-05-2006, 05:50 م
Parent: #3


هباني ظاااطو وعبدالماجد ظاااطو انه لعمري محور الشر

--------------------------------------------------------------------------------
مداخلة: #5
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: Hassan M Saeed
التاريخ: 28-05-2006, 06:20 م
Parent: #1


هم فعلاً محور الشر ياإدريس لانه شايف عبد الماجد عنده ضبيحه وانحنا بي جاي ما حاسين بأي أثر ليها، ياجماعة الكلام دا ما معقول.

انتو رسلو ضلعه واحدة والكيزان ديل بتنديهم الكوارع

أها رأيكم شنو

هباني اخوي ياخي نسيت اقول ليك والله كان جدي سعيد بحب الشعر وكان بقول لي الشعر أيام الإنجليز وكان قرأ لي قصيدة سمحة انا متذكر منها بيتين فقط

بنات الشعر قولي وأجيزي رجال الشرع أصبحوا كالمعيزي
الأليت اللحى كانت حشيشاً لتعلفها خيول الإنجليز

--------------------------------------------------------------------------------
مداخلة: #6
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: ABDELMAGID ABDELMAGID
التاريخ: 28-05-2006, 07:05 م
Parent: #5


الناظر ادريس ...
صباحك سعيد ...
اهلنا قالوا ( الله اكفينا شر خلقو !!! ) ...
كسره :
محور الشر البتقصدو ده الا اكون ضد جلاوزة الإنقاذ و سدنتها و مهووسيها ..
عبدالماجد

--------------------------------------------------------------------------------
مداخلة: #7
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: ABDELMAGID ABDELMAGID
التاريخ: 28-05-2006, 07:19 م
Parent: #6


Quote: هم فعلاً محور الشر ياإدريس لانه شايف عبد الماجد عنده ضبيحه وانحنا بي جاي ما حاسين بأي أثر ليها، ياجماعة الكلام دا ما معقول.

انتو رسلو ضلعه واحدة والكيزان ديل بتنديهم الكوارع


حسن محمد سعيد اخوى ...
نقريك السلام ..
و حبابك عشره بلا كشره ...
انت ليك الخروف كلللللللوا يا ود البلد ...
كسره :
أما العضام و الكرشه و ( الشخت !!! )... فالكلاب و الكدايس ( جر !!! و بس !!! ) فهم أولى بها !!!!!
عبدالماجد

--------------------------------------------------------------------------------
مداخلة: #8
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: Tragie Mustafa
التاريخ: 28-05-2006, 08:41 م
Parent: #7




العزيز عبد الماجد

كيفنك يا زعيم؟؟؟

هبني زاتو شخصيا, يا بختكم وياريتنا معاكم.

والضبيحه كان ما بقت لهباني تبقى لمنو؟؟؟؟؟

والضابح كان ما عبد الماجد يبقى منو؟؟؟؟؟

تراجي.

--------------------------------------------------------------------------------
مداخلة: #10
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: ABDELMAGID ABDELMAGID
التاريخ: 28-05-2006, 09:16 م
Parent: #8


حفيدة دقنه ... المقاتلة ... تراجى بت مصطفى ...
لك عاطر التحايا و السلام ...
زى ما قلتى ...

Quote: والضبيحه كان ما بقت لهباني تبقى لمنو؟؟؟؟؟


أها أنا بقول تبقى ليك انت يا بطله و ( تور ) بحااااالو كمان ... عجب العدو حتى و لا غلبو !!!
عبدالماجد

--------------------------------------------------------------------------------
مداخلة: #9
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: عمر ادريس محمد
التاريخ: 28-05-2006, 09:15 م
Parent: #1


هنايقضى ود هبانى ظااااطو من اهالى (نعيمة) واسرتة الكريمة بصحبة الفارس عبدالماجد إجازة سعيدة وممتعة ان شاء الله



تحياتى

--------------------------------------------------------------------------------
مداخلة: #11
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: عمر ادريس محمد
التاريخ: 28-05-2006, 09:19 م
Parent: #1


وهنا يستمتع ( ظااااطو ) لما تجى سيرة الجماعة



--------------------------------------------------------------------------------
مداخلة: #12
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: ABDELMAGID ABDELMAGID
التاريخ: 28-05-2006, 09:35 م
Parent: #11


عمر ود ادريس ... اخوى
مساك الله بالخير ...
ظااااتنا نحن دايرنك ( بيجاى ) و لتصير الحكايه من محور شر الى مثلث شر !!!!
عبدالماجد ،
و ضيفو هبانى ظاااااطو ...

--------------------------------------------------------------------------------
مداخلة: #13
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: Marouf Sanad
التاريخ: 28-05-2006, 09:48 م
Parent: #12


يا عبد الماجد

تحياتنا لي صاحبنا هشام

--------------------------------------------------------------------------------
مداخلة: #14
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: ABDELMAGID ABDELMAGID
التاريخ: 28-05-2006, 10:03 م
Parent: #13


Quote: يا عبد الماجد

تحياتنا لي صاحبنا هشام


وصل يا معروف ...
عبدالماجد

--------------------------------------------------------------------------------
مداخلة: #15
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: عبدالرحمن الحلاوي
التاريخ: 28-05-2006, 10:42 م
Parent: #14


العزيز دكتور عبدالماجد وراعي التكسي ( بلغة أهل الخليج ) دحين خروفكم دا بتاكلوا مرارتو ولا كيف ، الخروف دا دايرين لينا فيهو إن شاء الله كوم مرارة . وتحياتي لك وللأسرة ولهباني وأسرته .. ورسلت ليك رسالة علا ما وصلني ردك قلت الجنا دا مالو .. علا إن شاء الله المانع خير .

--------------------------------------------------------------------------------
مداخلة: #16
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: ABDELMAGID ABDELMAGID
التاريخ: 28-05-2006, 10:59 م
Parent: #15


عبدالرحمن الحلاوى اخوى ...
الصمد ود الجزيره ...
صباحك سعيد ...
أقولك قوله أنا ما زولن شديد كدى فى ( الكمبتوتر !!! ) زى ما بقولوا حبوباتنا ...لكن !!!
كان لقيتك مرسل لى بالماسنجر و ما رديت عليك ؟؟؟ امسحا لى فى وشى ...
كسره :
و ليك المراره و ( ام فتفت !!! ) و ( اب غازىى !!! ) ...
كسيره :
بس ما اكون ( غازى !!! ) مستشار ( الهناى !!! ) أبو كبيره ظااااطو ...
عبدالماجد

--------------------------------------------------------------------------------
مداخلة: #17
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: Rashid Elhag
التاريخ: 28-05-2006, 11:10 م
Parent: #15


الأعزاء عبد الماجد وهباني...ما أجمل لقاء الأصدقاء والأحباب خصوصآ في المنافي...عشان كده اللقاء القادم عندنا بي هنا...كاليفورنيا...وحرم خرفانا وضبايحنا تطاقش عشانكم يا الغاليين....أبقوا عشرة علي ودهباني وعيالوا....قالوا بلدكم دي فيها التماسيح البتاكل الناس...وكمان منتظرين الصور بالحيل....ودعناكم الله....

راشد

--------------------------------------------------------------------------------
مداخلة: #18
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: Mamoun Ahmed
التاريخ: 28-05-2006, 11:16 م
Parent: #1


حظكم

وكت ابيتو لينا بالكبدة
ادونا الجلد والراس
لصالح جامع ود ابهل
نصلحو برانا قبال ما يجو الكيزان

تحياتنا

--------------------------------------------------------------------------------
مداخلة: #19
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: ABDELMAGID ABDELMAGID
التاريخ: 28-05-2006, 11:30 م
Parent: #18


راشد اخوى ..
أهلنا قالوا ... الشى ده ( انس ؟؟؟ ) و لا ( جنس ؟؟؟ ) ... أها أنا بقولك قولا !!! أحسن لينا ( تماسيح !!! ) ( الجنس !!! ) من الإنس و كلاب الإنقاذ !!!! البياكلو ( الزول ) الضحى ( الليعلى !!! ) ...
عبدالماجد

--------------------------------------------------------------------------------
مداخلة: #20
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: ABDELMAGID ABDELMAGID
التاريخ: 28-05-2006, 11:42 م
Parent: #19


Quote: وكت ابيتو لينا بالكبدة
ادونا الجلد والراس
لصالح جامع ود ابهل
نصلحو برانا قبال ما يجو الكيزان


مامون ود أحمد اخوى ...
ات من الله خلقك شفت ليك ( كوزا !!! ) بقى جلدا و لا راس ؟؟؟؟
كسره :
مو ناسا ( اباريق !! ) و ( اضينات !!! ) سااااااكت ... كان عجبم و لا غلبم !!!!!
تحيتى و احترامى ليك يا مامون ...
عبدالماجد

--------------------------------------------------------------------------------
مداخلة: #21
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: Rashid Elhag
التاريخ: 29-05-2006, 00:05 ص
Parent: #20


Quote: أها أنا بقولك قولا !!! أحسن لينا ( تماسيح !!! ) ( الجنس !!! ) من الإنس و كلاب الإنقاذ !!!! البياكلو ( الزول ) الضحى ( الليعلى !!! ) ...
عبدالماجد




أها...دي والله صدقت فيها تب....يا عبد الماجد أخوي..

--------------------------------------------------------------------------------
مداخلة: #22
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: Saifeldin Gibreel
التاريخ: 29-05-2006, 00:22 ص
Parent: #21


العزيز دكتور عبدالماجد تحياتى لك وللاسرة وللاخ العزيز هشام هبانى واتمنى له عطلة ممتعة وسعيدة بمدينة ميامى والتى لها وقع خاص فى نفسى فقد قضيتُ بها سنتين كانت من الايام الجميلة التى لا انساها ابدآ وخاصة رحلات الاعياد التى تتميز بها مدينة ميامى فكم لى حنين واشواق لميامى بيش تلك المنطقة الحبيبة لدى نفسى كما اضم صوتى للاخ دكتور راشد الحاج لاجدد لك الدعوة بزيارتنا فى كاليفورنيا.

سيف

--------------------------------------------------------------------------------
مداخلة: #23
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: ABDELMAGID ABDELMAGID
التاريخ: 29-05-2006, 09:50 م
Parent: #22


الأخ سيف ...
مساك الله بالخير ...
على بالأيمان ات ود حلال ... أمبارح كنا فى منطقة A1A و عند تقاطع SURFE SIDE و 36TH ST قلت لهشام سيف جبريل كان ساكن فى المنطقه دى ... يا اخوى معليش اتأخرت عليك فى الرد لكن اتوقع منى تلفون ... وحلو الكلام بالنضم مو بالكتابه ... هشام و المدام قطعوا مصارينا بالضحك و مازالوا !!!
كسره :
ما تنسى كمان MIAMI HEAT مولع ..
عبدالماجد

--------------------------------------------------------------------------------
مداخلة: #24
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: Saifeldin Gibreel
التاريخ: 29-05-2006, 10:33 م
Parent: #23


Quote: على بالأيمان ات ود حلال ... أمبارح كنا فى منطقة A1A و عند تقاطع SURFE SIDE و 36TH ST قلت لهشام سيف جبريل كان ساكن فى المنطقه دى ... يا اخوى معليش




آه انى اذوب شوقآ لميامى وشاطئها الجميل والذى يزكرنى بالنيل ومسقط راسي الجريف وربما تلمح مدينة هافانا فى الشط الاخر يالها من ايام جميلة وبعدين يا دكتور لازم تزكر هشام انو يزور ديتونا بيش بالمرة لانو فيها شاطئ جميل وقمة فى الروعة.
مع تحياتى

سيف

--------------------------------------------------------------------------------
مداخلة: #25
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: Hassan M Saeed
التاريخ: 01-06-2006, 06:25 ص
Parent: #1


الخروف وين يا جماعة

سبحان الذي يحي العظام وهي رميم

--------------------------------------------------------------------------------
مداخلة: #26
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: ABDELMAGID ABDELMAGID
التاريخ: 01-06-2006, 09:52 م
Parent: #25


Quote: الخروف وين يا جماعة


البقيه فى حياتكم !!!!
عبدالماجد

--------------------------------------------------------------------------------
مداخلة: #27
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: Mohamed Elboshra
التاريخ: 02-06-2006, 03:33 ص
Parent: #26


دكتور عبدالماجد تحياتى لك وللاسرة وللاخ العزيز هشام هبانى

--------------------------------------------------------------------------------
مداخلة: #28
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: abdalla elshaikh
التاريخ: 02-06-2006, 03:59 م
Parent: #27


ألأخ عبد ألـماجد إستوصي بودهبانى خيرا وخاصة من شر ألجماعة[إياهم]..يعني في ألحلم ..مايحلم بيهم
عبدالله عبدألوهاب

--------------------------------------------------------------------------------
مداخلة: #29
العنوان: Re: فى معيتنا هشام ود هبانى ظااااطو ؟؟؟ كان كدى !!! يانا الضابحنلو !!!!
الكاتب: هشام هباني
التاريخ: 21-06-2006, 11:31 ص
Parent: #28


العمدة عبد الماجد والشراتاية فاطنة والعصابة!!

عــــــــوافي

عشتم ذخرا لهذا الوطن ايهاالكرماء والله اديكم الصحة و العافية
ولكم الشكر اجزله علي حسن الوفادة والضيافة..
والشكر لكل الاحباب الذين سالوا عناوامنياتي ان يحفظ الله الود والخير بين الناس.
والعفو والعافية


هباني والاسرة


--------------------------------------------------------------------------------

ليست هناك تعليقات:

إرسال تعليق