الجمعة، 25 أبريل، 2008

الابن المحترم والشجاع والمتدين حميدة......هل الانقاذ حكومة اسلامية محترمة

مكتبة هشام هباني الابن المحترم والشجاع والمتدين حميدة......هل الانقاذ حكومة اسلامية محترمة!!
24-12-2006, 04:56 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1188808459&rn=0


--------------------------------------------------------------------------------
مداخلة: #1
العنوان: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: هشام هباني
التاريخ: 24-12-2006, 04:56 م





humida


؟؟؟؟

--------------------------------------------------------------------------------
مداخلة: #2
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: humida
التاريخ: 25-12-2006, 09:07 ص
Parent: #1


Quote: هل الانقاذ حكومة اسلامية محترمة!!


السؤال دا لو سألتو للسيد ( عمر البشير ) ..
حيقول ليك ..عليك الله يا ( هيشو ) بطل الهظار ..

سؤالك دا زكرني صاحبي العزيز ( مأمون ) ..
ايام ( الجاهلية الاولي ) ..
يجي يقعد معانا .. ويندهش ( بالله دي سيجارة بنقو ) ..!!
اصلووووووو ما بصدق .. كدي كدي النتأكد ..
وهكذا دواليك لحدي ما ( فكت ) منو ..!

طبعا انا اعرف مقصدك ..
الحكاية وما فيها يا سيدي الفاضل ..
اننا نتفق علي المبدأ .. ونختلف في الاسلوب ..
حكومة سيئة .. ومعارضة اسوأ منها ..
والنتيجة زي ما انت شايف ..

بالنسبة لي ( وضعية المتفرج ) .. خير وسيلة في الوقت الحالي
اسلوب المعارضة اقرب لـ( رقصة القرد ) .. من معارضة ممكن تجيب لينا حقنا ..
عشان كدا اكتفي بالمشاهدة ..لحدي ما يغيروا ( الفنان ) ..!!

--------------------------------------------------------------------------------
مداخلة: #3
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: Badri
التاريخ: 25-12-2006, 09:34 ص
Parent: #1


Quote: اننا نتفق علي المبدأ .. ونختلف في الاسلوب ..




انتا قصدك انو عمك هباني دا اسلوبه كعب؟؟!!! طيب لو افترضنا انو فعلاً هباني والمعارضة أسلوبهم كعب فكرك ياتو الأهم المبدأ ولا الأسلوب؟؟ يا ابني للأسف الأسلوب الجميل لا يفهمه الكل وصدقني في كل البتكتب في البورد دا الجماعة ديل ما بفهموا الا اسلوب عمك دا.


وبعدين انت الرماك في درب عمك دا شنو؟؟!! وانصحك شيل صورتك دي من البروفايل لغاية ما البوست يستنفد أغراضه.

--------------------------------------------------------------------------------
مداخلة: #4
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: humida
التاريخ: 25-12-2006, 11:40 ص
Parent: #3


بدري ( الشافع المعجزة ) ..
خليك من البوست دا ..
هل كللت مساعيك بالانضمام للمؤتمر الوطني .. ولا اعتبروك ( قاصر ) ..


تخريمة ..
عملت شنو في موضوع ( فاتورة التلفون ) ..
كدا ولا كدا .. بضرب ليهم طوالي ..

--------------------------------------------------------------------------------
مداخلة: #5
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: هشام هباني
التاريخ: 25-12-2006, 03:50 م
Parent: #4


ابننا حميدة

سلامات


Quote: بالنسبة لي ( وضعية المتفرج ) .. خير وسيلة في الوقت الحالي
اسلوب المعارضة اقرب لـ( رقصة القرد ) .. من معارضة ممكن تجيب لينا حقنا ..
عشان كدا اكتفي بالمشاهدة ..لحدي ما يغيروا ( الفنان ) ..!!




انا مقتنع بكلامك مية المية الحكومة مخستكةوماهااسلامية وشوهت الدين والمعارضة ام الخستكات ظاااطها وهي ظااطها ما في معارضة!
واسلوب عمك هيشو اسلوبو في المعارضة شين وانا مقتنع بيهو جدا انو شين وما بنبلع ..لكن يا ها قدرتناالبنقدر عليها!
اهو انت الحمد لله بقيت بتميز وطورت تقييماتك وخليت المكاجرة الزمان وبقيت تقول الحق وعارف الحال وزول واعي...بس لايه منتظر الفرج لحد ما اجي زول تاني عشان ما اغير الفنان...انت ورينا الدرب النجيض وتب من بكرة عمك ببراك فيهو ليوم القيامة!

--------------------------------------------------------------------------------
مداخلة: #6
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: Bakhaf
التاريخ: 25-12-2006, 03:55 م
Parent: #5


ايوي يوي يوووووووووووووووووووووووووووووووووووووووووووي


حميده وهباني وكلام بي منطق بدون ما العجاجة تقوم ؟!

والله دي دايره ليها ضبيحة في حيطة البورد ده

--------------------------------------------------------------------------------
مداخلة: #7
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: هشام هباني
التاريخ: 25-12-2006, 04:04 م
Parent: #6


يا وليد يا بخاف


سلامات

هسع عمك هيشو منتطر ابننا الحقاني الجد جد والمعارض الاخلاقي والخطير والجديد حميدة المابخاف الا من رب الوجود لا بشير ولا ترابي ولا الجن الاحمر.. وانا متفق معاهو في المبدأ بس زي ما قال مختلفين في الاسلوب...اها عمك هباني سوا قدرتو البقدر عليهاباسلوبو الشين داك.
اها نحن في انتظار اسلوب ابننا حميـــــــــــــــده الله اديهو الصحة والعافية!

--------------------------------------------------------------------------------
مداخلة: #8
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: Bakhaf
التاريخ: 25-12-2006, 04:15 م
Parent: #7


سلامات يا عمنا

حميده قدم السبت يا عمنا ورد على الاستفهام بتاعك بي موضوعية وصدق .. مع انو حميده ده زول مكاجر كان ممكن يلخبت معاك البوست ده


المهم الخلاصة انتو الاتنين سودانية للدين .. يعني حتى الحمقنة والهيجة حقت السودانية فيكم .. ربنا يحفظكم


بخصوص الانقاذ يا عمنا ... لعنة الله عليهم اجمعين واولهم الترابي .. راس الحية

بس عليك الله وانت الخبير قولينا منو الحا يخلفهم وما يسوي فعايلهم .. ونحن وليداتك ديل تلقانا بي وراك

منو العاوز يحكم البلد دي بي نزاهة وعدالة ؟

كلهم زي بعض
ده يطقوا بيه داك

--------------------------------------------------------------------------------
مداخلة: #9
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: هشام هباني
التاريخ: 25-12-2006, 07:51 م
Parent: #8


الابن ( بخاف)

سلامات


طالما (بتخاف) من اسمك انت والشباب المثلك...من تحمل المسئولية الوطنية
(يعني الله حيجيب ليكم سودانيين من المريخ..فاذا لم يعجبكم من هم بالحكم ولا المعارضين
لماذا لا تتحملوا المسئولية الوطنية والاخلاقيةانتم وفي اعماركم الحالية تبوأ كثير من الشباب الوطنيين الثوريين المسئولية الوطنية في بقاع شتى من العالم!

يعني يفترض ان ترتقوا لحجم المسئولية الوطنية وهي مسئولية كل مواطن ولا تحتمل الامور الفرجة!! فبدل حكاية النقد من اجل النقد....حاولوا ان تبحثوا عن حلول لواقع البلاد لان الازمة واحدة والكارثة عندما تقع لا تفرق بين متفرج ومتورط في العمل الوطني ! وماذا تعتقد الحل في رايك يا صغيري!؟


عمو هباني

--------------------------------------------------------------------------------
مداخلة: #10
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: Bakhaf
التاريخ: 26-12-2006, 11:57 ص
Parent: #9


عمنا ( هباني )

مراحب

اقراء تاريخ البورد وتاريخ السودان .. لتعرف اننا مجبرون لا ابطال .. فسبب الاسم والتسمية هي استبداد الحكام في الواقع وعلى الاسافير كذلك .. وضيقهم بالراي الاخر .. ولجوءهم الى حلهم الدائم وهو الاقصاء .. ان كان بامكانك ان ترفع عني ضيم الاقصاء .. فافعل واكون شاكرا .. وسترى بعدك ذلك من منا سيخاف

اما مسئولياتنا الوطني فنحن تحملها على اكمل وجه .. فليس شرطا ان نتبع حزبا او فيئة لنكون وطنيين .. فقط اود ان اذكرك اننا تحمل اوزاركم وارثكم السياسي الثقيل حكومة معارض ومستقلين .. فعندما استولت الانقاذ على السلطة منكم قلع وحمرة عين .. كنت انا وحميده دون عمر التكليف
فماذا فعلتم انتم غير الهروب منهم ؟.

مسئولياتنا تحملناها ونحن على ارض الوطن نعمل على رفعته ومعالجة سلبيات الانقاذ .. بضمير ونزاهة .. بدون ان نسلم للانقاذ او نهرب منهم ..

نحن نبحث عن حلول .. ونتمنى من الخالق ان يوفقنا في مسعانا .. ونتمنى عليكم ان تعينوننا بدلا من ان توصموننا بصفات ليست فينا ..
ولا يكون دعمكم بالعداء السافر للانقاذ فقط .. ولكن لمعرفت لماذا انتج هذا الوطن كيان مثل الانقاذ
وكيف حدث ذلك .. ما هي الاسباب والمسببات التي اوجدتهم .. فاهل الانقاذ ما اتونا من المريخ ... لكنهم نتاج هذا الوطن .. اهل الانقاذ هم .. زميلي وزميلك .. قريبي وقريبك .. جاري وجارك ..
فكيف صاروا كذلك

اذا توصلنا لاجابات على هذه الاسئلة .. حينها فقط نكون قد وضعنا ارجلنا على اول الطريق الصحيح

السوال الحقيقي ليس هو
كيف نخرج الانقاذ؟
ولكن السوال هو
كيف اتت الانقاذ .. وكيف تكون هذا الاحساس بحب الظلم واقصاء الاخر في الشخصية السودانية ؟

فانا لايهمني من يحكم الان معارضتكم .. ام انقاذهم .. فكلكم عندي سواء
ما يهمني هو المعالجات الحقيقية لا اشكالات الشخصية السودانية .. فان عولجت هذه الاشكالات سينصلح حال السودان تلقائيا

مع كل الود يا عمنا

--------------------------------------------------------------------------------
مداخلة: #11
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: humida
التاريخ: 27-12-2006, 09:10 ص
Parent: #10


Quote: انت ورينا الدرب النجيض وتب من بكرة عمك ببراك فيهو ليوم القيامة


طيب .. ( وعلامات و بالنجم هم يهتدون ) ..
شوف يا سيدي ..
المبدأ الاول .. ما تحمل الحاجة فوق طاقتها .. ( لا يكلف الله نفسا إلا وسعها )
المنبر دا .. ( Sudaneseonline ) .. او اي منبر سوداني آخر .. او غير سوداني
هو آداة للـ( تسلية ) .. حسب ما اراد له الناس الجابو فكرة الـ ( Discussion Board )
99% من الشعب السوداني .. ما بعرف شنو يعني ( Sudaneseonline ) ..
كلنا كدا ذي ( 100 نفر ) قاعدين في الحتة دي .. وفاكينها في روحنا ..
داير ( تناضل ) .. اركب الطيارة وامشي انزل في مطار ( الخرطوم ) ..
مجرد ما تطلع من المطار بتلقى ( دار المؤتمر الوطني ) في وشك ..
ممكن تطرح ليهم وجهة نظرك هناك بشكل ( حضاري ) ..

عارف يا هشام ..
انا ما جمهوري .. بس بتكيف ليك للاستاذ ( محمود محمد طه ) ..
لانه السوداني الوحيد ( علي حد زعمي ) .. الوقف علي مبدأه .. ومات عشانه ..
ويمكن مراجعة حيثيات الفترة ديك .. وبتعرف انه الزول دا لو كان نط من كلامو ..
كان بيكون حايم معانا ليوم الليلة ..
الجمهورريين بسموه ( شهيد الحقيقة ) .. وانا بسميهو ( شهيد الواجب ) ..
عارف ياتو واجب ..؟؟؟


المبدأ التاني .. ( الاحترام اساس التعامل ) ..
يعني ما ممكن نتفكا من ( الجبهجية ) عشان يجو يمسكوها ( صعاليق ) ..
ممكن نتكلم علي مستوى المنبر دا ..
اغلبية الناس العاملة فيها ( مناضلين ) ..
هم اشخاص غير جديرين بالاحترام ..
لو قريت تاريخ نضال الشعوب .. والحركات الثورية ..
بتلقى دايما القدوة بتلعب دور ( اساسي ) ..
غاندي .. تشي جيفارا .. مانديلا ..
ما ممكن نستبدل الهو ( أدنى ) بـ ( الادني منه ) ..

انا ابن ( امدرمان ) ..
استمع للمقطع دا عشان تعرف ( التغيير ) بجي كيف ..





--------------------------------------------------------------------------------
مداخلة: #12
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: humida
التاريخ: 27-12-2006, 09:24 ص
Parent: #11


Quote: فانا لايهمني من يحكم الان معارضتكم .. ام انقاذهم .. فكلكم عندي سواء
ما يهمني هو المعالجات الحقيقية لإشكالات الشخصية السودانية .. فان عولجت هذه الاشكالات سينصلح حال السودان تلقائيا..



بخاف ..
شكرا يا سيدي .. لخصت ليهم المسألة في ( عبارة ) ..

سؤال يا هشام ..
حزب أمة .. شيوعي .. اتحادي .. جبهة .. ناصري .. مريخاب .. بعثيين ..
منو البقدر يرد علي الكلام أعلاه ..
بشكل منطقي .. يمكن ان يكون ( مقنع ) ..!!

--------------------------------------------------------------------------------
مداخلة: #13
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: humida
التاريخ: 27-12-2006, 09:31 ص
Parent: #12


سؤال تاني ..
وين كنت يا سيد هشام ما بين سنة 92 الي 98 ..
عشان لو كنت ما موجود في السودان ..
نجي نحكي عن معاناة الشعب السوداني ..
وربما شئ مما مررنا به ..!!

--------------------------------------------------------------------------------
مداخلة: #14
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: Bakhaf
التاريخ: 27-12-2006, 01:25 م
Parent: #13


!!

--------------------------------------------------------------------------------
مداخلة: #15
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: Alfarwq
التاريخ: 28-12-2006, 00:45 ص
Parent: #1


دروس مجانية ............ في انتظار شيخ مناضلي سودانيز اون لاين


Quote:

عمنا ( هباني )

مراحب

اقراء تاريخ البورد وتاريخ السودان .. لتعرف اننا مجبرون لا ابطال .. فسبب الاسم والتسمية هي استبداد الحكام في الواقع وعلى الاسافير كذلك .. وضيقهم بالراي الاخر .. ولجوءهم الى حلهم الدائم وهو الاقصاء .. ان كان بامكانك ان ترفع عني ضيم الاقصاء .. فافعل واكون شاكرا .. وسترى بعدك ذلك من منا سيخاف

اما مسئولياتنا الوطني فنحن تحملها على اكمل وجه .. فليس شرطا ان نتبع حزبا او فيئة لنكون وطنيين .. فقط اود ان اذكرك اننا تحمل اوزاركم وارثكم السياسي الثقيل حكومة معارض ومستقلين .. فعندما استولت الانقاذ على السلطة منكم قلع وحمرة عين .. كنت انا وحميده دون عمر التكليف
فماذا فعلتم انتم غير الهروب منهم ؟.

مسئولياتنا تحملناها ونحن على ارض الوطن نعمل على رفعته ومعالجة سلبيات الانقاذ .. بضمير ونزاهة .. بدون ان نسلم للانقاذ او نهرب منهم ..

نحن نبحث عن حلول .. ونتمنى من الخالق ان يوفقنا في مسعانا .. ونتمنى عليكم ان تعينوننا بدلا من ان توصموننا بصفات ليست فينا ..
ولا يكون دعمكم بالعداء السافر للانقاذ فقط .. ولكن لمعرفت لماذا انتج هذا الوطن كيان مثل الانقاذ
وكيف حدث ذلك .. ما هي الاسباب والمسببات التي اوجدتهم .. فاهل الانقاذ ما اتونا من المريخ ... لكنهم نتاج هذا الوطن .. اهل الانقاذ هم .. زميلي وزميلك .. قريبي وقريبك .. جاري وجارك ..
فكيف صاروا كذلك

اذا توصلنا لاجابات على هذه الاسئلة .. حينها فقط نكون قد وضعنا ارجلنا على اول الطريق الصحيح

السوال الحقيقي ليس هو
كيف نخرج الانقاذ؟
ولكن السوال هو
كيف اتت الانقاذ .. وكيف تكون هذا الاحساس بحب الظلم واقصاء الاخر في الشخصية السودانية ؟

فانا لايهمني من يحكم الان معارضتكم .. ام انقاذهم .. فكلكم عندي سواء
ما يهمني هو المعالجات الحقيقية لا اشكالات الشخصية السودانية .. فان عولجت هذه الاشكالات سينصلح حال السودان تلقائيا

مع كل الود يا عمنا






Quote:


المبدأ التاني .. ( الاحترام اساس التعامل ) ..
يعني ما ممكن نتفكا من ( الجبهجية ) عشان يجو يمسكوها ( صعاليق ) ..
ممكن نتكلم علي مستوى المنبر دا ..
اغلبية الناس العاملة فيها ( مناضلين ) ..
هم اشخاص غير جديرين بالاحترام ..
لو قريت تاريخ نضال الشعوب .. والحركات الثورية ..
بتلقى دايما القدوة بتلعب دور ( اساسي ) ..
غاندي .. تشي جيفارا .. مانديلا ..
ما ممكن نستبدل الهو ( أدنى ) بـ ( الادني منه ) ..




--------------------------------------------------------------------------------
مداخلة: #16
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: هشام هباني
التاريخ: 28-12-2006, 02:48 ص
Parent: #15


الاخوان/ حميدة وبخاف

سلامات

اتفق معكما انكما من جيل عاني ما عاني من القهر ويلاته والضياع احباطاته وهو ليس بجيلنا وعانيتم معاناة ليست شبيهة بمعاناتنا في كل ما سردت.. ولديكم تطلعات وطموحات مشروعةقد تختلف عما نحمل من طموحات وايضا انه لا الحاكمون قد لامسوا همومكم وتطلعاتكم ولا المعارضون هم من يرضونكم بتصرفاتهم!
واود فقط ان اصحح لديكم معلومة ان المعارضة ليست كيانا واحدا او حزمة موحدة من ناس ذات افكار واحدة اوتطلعات واحدة ولكنهم ايضا اطياف من البشر الذين عانوا وهم من عدة اجيال فيهم اجيال عانت ذات معاناتكم ولا زالت تقاتل لرد اعتبارها... واجيال قديمةفي ذات المعارضة لا يرضون تطلعات تلكم الاجيال التي تلتها باعتبارعم اجيال ساهمت في خلق هذا الخراب العظيم بمقدار!
ولذلك عندما يعارض الناس الحكومة الان هناالكل باختلاف مشاربهم ومعترفون بالفوارق الفكرية والسياسية والعمرية ايضا وهم يناضلون جميعا في سبيل حريتهم وكرامتهم و لاجل استقرار البلاد السياسي والاقتصادي وهي مزدهرة ومتفقون علي صيغة سلمية شفافة لتداول السلطة فيما بينهم تحقق لهم هذا التوازن السياسي الذي يسمح للكل التعبير عن افكاره وتطلعاته وهي صيغة الديموقراطية التعددية.
اذن عندما نتحدث عن حكومة ومعارضة لا ينبغي ان ننظر للامر بصيغة من سيخلف من اي ان التغيير كانه افراد سيحلون محل افراد....حيث التغيير المنشود هنا حول كيفية حكم السودان وليس من يحكم السودان وهي المفاضلة بين الشمولية والديموقراطية حيث تحصر الشمولية كما هو الان في السودان الحكم في تيار سياسي واحد صاحب منهج ورؤية سياسية واحدة لا تقبل الشراكة وتفرض وجودها بالقوة علي الاخرين.... ولذلك تاسس الصراع بين دعاة الديموقراطية والذين ينادون بالتداول السلمي الحر بين كل التيارات السياسية وفق نظام حر شفاف وهم يقاتلون لاستعادة هذه الكيفية الحضارية السلمية في تداول السلطة من براثن الشموليين الذين قوضوا هذه الالية السلمية واقاموا محلها الشمولية الدينية الشوهاء!
اذن الان من حقكم كاجيال ان تثبت وجودها وحقها في العيش الوطني الكريم من خلال التعبير عن افكاركم بحرية تامة سلميا وفقا لهذه الالية السلميةالتي تنجز التراضي بين كل الاطياف السياسية وهي تتداول السلطة سلميا.. والتي نناضل لاجل استعادتها اليوم اي قيام الديموقراطية التعددية والتي لا مكان فيها للاقصاء او الغاء اخرين حتى ولو كان هؤلاء المشوهزن اذا ارادوا وقبلوا صيغة التداول السلمي للسلطة..لا مانع في وجودهم واذا وصلوا السلطة من خلال هذه الالية فهم اذن بجدارة استحقوها لانها تمت وفق شفافية تامة
وبالتالي ليحكموا الي يوم الدين اذا احتفظوا بثقة الجماهير واعادت انتخابهم مرات ومرات!! ولكن ليس في الديموقراطية امكانية للتلاعب بمقدرات الوطن و استغلال موارده لمصلحة الحاكمين وممارسة الاستهتار والقهر والبطش كما يحصل الان في ظل النظام الشمولي الثيوقراطي الشائه...فللديموقراطية الياتها للمراجعة والمساءلة والمحاسبة وهي تحقق الشفافية وتتمثل في قيام مبدأ فصل السلطات...سلطة قضائية حرة وتشريعية حرة مستقلة وصحافة حرة تمارس النقد البناء للحكومة وايضا توجد معارضة دستورية تمارس دورها في توجيه السياسات العامة ونقد وتوجيه وتصويب الحاكمين.
ولذلك ليس امامكم كاجيال للتعبير عن افكارها وتطلعاتهاالا من خلال تبنى والدعوة لعودةالنظام الديموقراطي التعددي الذي يسمح للكل بمختلف افكارهم بالتداول السلمي للسلطة وللتعبير عن الافكار والمعتقدات.....

--------------------------------------------------------------------------------
مداخلة: #17
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: هشام هباني
التاريخ: 28-12-2006, 03:42 ص
Parent: #16


اذن نكون قد استعدلنا المفهوم المغلوط عند الكثيرين لمفهوم المعارضة من (فكرة القط والفأر توم وجيري) اي ليست استبدال افراد بافراد بل الي مفهوم كيفي...اي كيفية ان يحكم السودان وليس من يحكم السودان..وهي مفاضلة بين الشمولية والديموقراطية!
وحينها لا مكان في الديموقراطية(للصعاليق والتكاسة) بل البقاء للافضل من يطرح طرحا راقيا وموضوعيا ومقنعا وجاذبا للجميع الذين حتماسيحسمون خيارهم في اختياره عبر الالية السلمية من خلال صناديق الاقتراع الديموقراطية وليس عبر الانقلاب وحتى ولو كان الترابي ثانية.. طالما اختاره الناس بشفافية...او ربما يشاء (تكاسة) السودان في حملتهم اقناع شعب السودان بافكار زميلهم هباني والذي من حقه ايضا الترشح طالما مؤمن بالديموقراطية
وملتزم بقواعدها ولديه افكار قد تقنع شعب السودان!! وايضا قد يكون الحظ من نصيب (حميدة او بخاف) وقداقاما كيانا سياسيا شابا مقنعا جاذبا لكل شباب السودان بافكار جديدة تقنع الناخبين في اختيار هذا التيار الجديد بالفوزواستحقاقه حكم السودان
ولا مستحيل تحت ضوء الشمس والزارعة الله في الحجر بتقوم..

محبتي واحترامي

عمو هباني

--------------------------------------------------------------------------------
مداخلة: #18
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: humida
التاريخ: 05-01-2007, 07:41 م
Parent: #17


العم هشام ..
كلامك ( كُتر ) .. ويجب الرد عليه نقطة نقطة ..
وبكل شفافية ..

سأعود إليك عندما اجد متسعا من الوقت ..
كل عام وانت بخير ..

--------------------------------------------------------------------------------
مداخلة: #19
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: humida
التاريخ: 07-01-2007, 06:28 م
Parent: #18


Quote: وايضا انه لا الحاكمون قد لامسوا همومكم وتطلعاتكم ولا المعارضون هم من يرضونكم بتصرفاتهم


المعادلة الصحيحة بتقول ..
حكومة سيئة .. معارضة كويسة .. او العكس ..( بالدارجي كدا ) ..
ما بنفع انه كفتي المعادلة يكونوا متساويتين ..
المشكلة الحالية .. بتتمحور في ( الزول السوداني ) ..
الي الآن ما طلع لينا زول في أرض المليون ميل مربع المتعددة الاعراق والثقافات ..
ممكن يقود ليهو ( قطيع غنم ) .. ناهيك من أنه يبقى ( رئيس جمهورية ) ..
العلة دي اذا ما ( اعترفنا ) بيها .. يبقى كلامنا دا كلو ( طق حنك ) ..
ولحدي ما نعترف بيها .. بنكون مرحبين بجميع التجارب ..
من زمن ( سيدي وسيدك ) .. لحدي الانبياء السايقين لاندكروز والصحابة السايقين مواتر .
ومدام رضينا نكون ( فيران تجارب ) او بصيغة آخرى ( شعب ماشي ساكت ) ..
فعلينا القيام بدورنا بكل ( تجرد وانكار زات ) ..!!


عفوا بعد ما بديت ارد علي كلامك ..
جاني تلفون ..
ماشي ألعب كورة .. ( الجسم السليم في العقل السليم ) ..
وانا بجهز نفسي للمعركة الكبري من أجل القضية وكدا ..!!

--------------------------------------------------------------------------------
مداخلة: #20
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: هشام هباني
التاريخ: 07-01-2007, 08:59 م
Parent: #19


الابن حميدة

سلامات

ليه يا ابني الانهزام ده.. وانت برضو زي الناس الساكت برضو منتظر مهدي اخر زمان او امام غائب في الراكايب او زول وطني غيور من السودان ولا من المريخ.. ولسع عشمان اجينا واحد..احلحل مشاكلنا!!
وانت مالك ناقصك شنو تراك زول بتناقش وواعي و زول كويس وواعي ومدرك لحجم مشاكل البلد...لايه عدم الثقة الفي النفس ده.. وامكن تكون الزول الممكن احلحل لينا بلاوي البلد. ونحن ما عارفين .. ولايه ترضى تكون فار تجارب طالما الله اداك راس ومخ والله الراس ده بس للقطعية بس!! يا ابني ثق في الله وفي نفسك وفي الشعب.. وقول كلام غير ده... انتو قلنا عليكم اجيال التغيير نكتشف برضو كمان انتو برضو منتظرين راعي للقطيع.. ولله في خلقه شئون!!

كدي يا ابني وري عمك انت عاوز شنو.. وما عاوز شنو!!؟

عمو هباني

--------------------------------------------------------------------------------
مداخلة: #21
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: وليد محمد المبارك
التاريخ: 08-01-2007, 12:17 م
Parent: #20


عمنا هباني

غيرنا هدومنا وجيناك بالدرب

كده كيف معاك

بجي لي كلامك واحده واحده

--------------------------------------------------------------------------------
مداخلة: #22
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: humida
التاريخ: 08-01-2007, 12:58 م
Parent: #21


اكتر حاجة عاجباني في البوست دا ..
انه ما نطا لينا واحد من ( الوطاويط ) لحدي هسع ..
واعجبني اكثر ..
اولاد جيلنا .. بخاف .. ووعد وليد بالتواجد ..
اتخيل لي انه الناس دي هي الوحيدة الممكن تتكلم عن ( مشكلة الزول السوداني ) ..
بكل وضوح .. !!

--------------------------------------------------------------------------------
مداخلة: #23
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: هشام هباني
التاريخ: 08-01-2007, 01:54 م
Parent: #22


اهلا بالابناء وليد وحميدة


اهايا جنيات الليلة الكرة في ملعبكم وعمكم وراكم قدرتو البقدر عليها وعملها
كان تعجبكم ولا ما تعجبكم!!...الانبياء جوا برسالات من رب العزة وكمان مشفوعة بالمعجزات
وبعد ده البني ادم رفضها وحاربها.. وهسع الاسلام ليهو خمستاشر قرن..يعني كلام الله عديل ولا كلام تكاسة... اها المسيحيين اكتر من المسلمين وكمان اها الليلة البوذيين مع الهندوس اكتر من المسلمين..اتمني اكون حوار مفيد ومن غير مكابرة ومهاترة!!
اها يا وليدات بس ورونا شوتكم ولعبكم انتو وينو... وعايزين شنو وعمكم كلو اضنين بسمع ليكم لمن اهنق حمار الوادي!!؟

اهايا وليدات ذاكروا البوست التحت ده بفيدنا كتير في النقاش.. والحمد لله انتو ما من الناس القاصدينهم ديلك عشان اتو عندكم رؤية وموقف:
لنستنطق مرة اخرى فصيلة (جعـــ... كلب السرة ) في هذا ا...دل السوداني العاصف!!
=]عمو هباني

دحين يا وليد خليت ( بخاف) لايه مو اسم سمح!!

--------------------------------------------------------------------------------
مداخلة: #24
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: وليد محمد المبارك
التاريخ: 08-01-2007, 02:20 م
Parent: #23


Quote: دحين يا وليد خليت ( بخاف) لايه مو اسم سمح!!



ما قبيل وريتك يا عمنا

مجبر اخاك لا بطل .. باعتبار ما قد كان

--------------------------------------------------------------------------------
مداخلة: #25
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: هشام هباني
التاريخ: 11-01-2007, 02:01 م
Parent: #24


؟؟؟؟؟؟؟؟؟؟؟؟؟؟؟؟؟؟؟؟؟

--------------------------------------------------------------------------------
مداخلة: #26
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: هشام هباني
التاريخ: 14-01-2007, 02:10 ص
Parent: #25


؟؟؟؟؟؟؟؟؟؟؟؟؟؟؟؟؟؟؟؟

--------------------------------------------------------------------------------
مداخلة: #27
العنوان: Re: الابن المحترم والشجاع والمتدين حميدة......هل الانقاذ حكومة اسلامية محترمة!!
الكاتب: صلاح الدين عبدالله محمد
التاريخ: 14-01-2007, 05:36 ص
Parent: #26


Quote: المعارضة ليست كيانا واحدا او حزمة موحدة من ناس ذات افكار واحدة اوتطلعات واحدة ولكنهم ايضا اطياف من البشر الذين عانوا وهم من عدة اجيال فيهم اجيال عانت ذات معاناتكم ولا زالت تقاتل لرد اعتبارها... واجيال قديمةفي ذات المعارضة لا يرضون تطلعات تلكم الاجيال التي تلتها باعتبارعم اجيال ساهمت في خلق هذا الخراب العظيم بمقدار!


هنا تكمن قضية السودان فى ان يكون وطنا واحدا امنا
1/افكار مختلفة
2/تطلعات مختلفة
3/ اجيال قديمة تبحث عن اعتبارها التاريخى
جميعهم يتفقون فى انهم يعارضون
ولكن ماذا بعد زوال الوضع السىء الحالى هل نعود لنفس تجربة الديمقراطية الاولى والثانية صراع من اجل البقاء وتدهور مريع اعلى كثافة ويقفز عسكرى جديد ونعود لنفس الموال الاول (هذا مثل ياتى فصل الصيف فنقول الشتاء افضل والعكس ونتوة ويتوة كل الوطن ونجلس نبكى من جديد


--------------------------------------------------------------------------------

ليست هناك تعليقات:

إرسال تعليق