الأربعاء، 30 أبريل، 2008

اندايات الخرطوم تنتج عرقي (الشيخ) الجديد للشعشعة فقط

مكتبة هشام هباني اندايات الخرطوم تنتج عرقي (الشيخ) الجديد للشعشعة فقط ؟؟
11-04-2006, 10:59 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1199944410&rn=0


--------------------------------------------------------------------------------
مداخلة: #1
العنوان: اندايات الخرطوم تنتج عرقي (الشيخ) الجديد للشعشعة فقط ؟؟
الكاتب: هشام هباني
التاريخ: 11-04-2006, 10:59 م


بعد فتواه الاخيرة بعدم تحريم الخمر اذا كانت لا تجلب العدوان انتجت اندايات الخرطوم
نوعا من العرقي الجديد حسب المواصفات الترابية اسموه عرقي الشيخ وهو نوع من العرقي ( الداشر) الرخيص ونسبة الكحول فيه قليلة جدا وفقط يحدث شعشعة لمتناوليه و( الشعشعة) هي حالة نشوة ما قبل السكر اي حالة ( السنسنة) اي ما قبل ( الطشمة) وقد رحبت صويحبات الاندايات بهذه الفتوى الجليلة واعلن تاييدهن لشيخ حسن ومؤازرتهن له في محنته في مواجهة المشتطين والغلاة الذين يحاولون النيل منه بسبب فتاويه التي في مصلحة عباد السودان الفقراء ولله في خلقه شئون؟؟

هباني

--------------------------------------------------------------------------------
مداخلة: #2
العنوان: Re: اندايات الخرطوم تنتج عرقي (الشيخ) الجديد للشعشعة فقط ؟؟
الكاتب: ادريس خليفة علم الهدي
التاريخ: 12-04-2006, 09:58 ص
Parent: #1


يعني المريسة غذاء ...

فلنغير شعارنا الي مشعشعين مشعشعين لحماية الدين

--------------------------------------------------------------------------------
مداخلة: #3
العنوان: Re: اندايات الخرطوم تنتج عرقي (الشيخ) الجديد للشعشعة فقط ؟؟
الكاتب: ادريس خليفة علم الهدي
التاريخ: 12-04-2006, 10:24 ص
Parent: #1


Quote: وقد رحبت صويحبات الاندايات بهذه الفتوى الجليلة واعلن تاييدهن لشيخ حسن ومؤازرتهن له في محنته في مواجهة المشتطين والغلاة الذين يحاولون النيل منه بسبب فتاويه التي في مصلحة عباد السودان الفقراء


الغريبة يا هشام انو ست الانداية يطلق عليها لقب الشيخة .. اذن لاغرابة شيخة تساند شيخا .. ولله في خلقه شئون.

--------------------------------------------------------------------------------
مداخلة: #4
العنوان: Re: اندايات الخرطوم تنتج عرقي (الشيخ) الجديد للشعشعة فقط ؟؟
الكاتب: AMNA MUKHTAR
التاريخ: 12-04-2006, 11:05 ص
Parent: #3


Quote: ولله في خلقه شئون.


--------------------------------------------------------------------------------
مداخلة: #5
العنوان: Re: اندايات الخرطوم تنتج عرقي (الشيخ) الجديد للشعشعة فقط ؟؟
الكاتب: Deng
التاريخ: 12-04-2006, 11:12 ص
Parent: #1


يا هشام.

بعد كلام الشيخ تاني مافي كلام.

طيب منو حيفوز بالصفقة دي؟
طبعا زي ما عارف قبل قوانين سبتمبر كانت الخمرة
مصدر أكبر دخل لمصلحة الضرائب بعد التبغ.
دي صفقة رابحة مية المية حتقع لياتو كوز؟

يا كيزان البورد ألحقوا الصقة دي أوع تفوتكم.

دينق.

--------------------------------------------------------------------------------
مداخلة: #6
العنوان: Re: اندايات الخرطوم تنتج عرقي (الشيخ) الجديد للشعشعة فقط ؟؟
الكاتب: محى الدين ابكر سليمان
التاريخ: 12-04-2006, 12:46 م
Parent: #1


هشام اخوى الفتوى دى صحى ولا عاوز تجهجهنا ساكت؟
كان صحى من هسع انا من جماعة الشيخ, وبعدين عاوز اعرف العدوان دة كيفن وبقيسوهو كيف, يعنى مثلا شكل باللسان ساكت ما بسوى حاجة؟
غايتو سمعت انو طلع الجهاد وبنات الحور فشنك, هسى قبل على الخمرة, زولك دة عينو على خمرة الجنة عديل كدة, الواحد تانى الا يكب الكاس الاول فى ا########## عشان اسلافنا الراحت عليهم يرووا.

--------------------------------------------------------------------------------
مداخلة: #7
العنوان: Re: اندايات الخرطوم تنتج عرقي (الشيخ) الجديد للشعشعة فقط ؟؟
الكاتب: هشام هباني
التاريخ: 12-04-2006, 06:12 م
Parent: #6


امنة ,ادريس,دينق ومحيي الدين

مساء الخير
غايتو شيخ حسن مع فتاويه العجيبة دي كوم الجبهة بكبر للانتخابات الجاية يعني مع الحجاب الجديد ( الجكس) كلو بقلب جبهة....ومع السكر اللا عدواني...جماعة الطشمة كلهم بخشوا الجبهة....يعني اخوانا ناس اليسار اتمقلبوا عديل في المكاورة دي ولله في خلقه شئون..

هباني

--------------------------------------------------------------------------------
مداخلة: #8
العنوان: Re: اندايات الخرطوم تنتج عرقي (الشيخ) الجديد للشعشعة فقط ؟؟
الكاتب: محمد حيدر
التاريخ: 12-04-2006, 11:01 م
Parent: #1


حقيقة يدهشني الكيزان بسرعة تغيير اولوياتهم ولا اقول مبادئهم لتشككي في وجودهااصلا
في اثناء انتخابات ابريل 1986 وفي الدئرة 46 امدرمان وسط، حضرت مجموعة من الجبهجيه الي احد الخانات لبيع البنقو وتفاكروا مع صاحب الخانة انذاك (عمر كريكرا) واقنعوه بان في حال فوز الشيوعيين فسوف يفتحون البارات ويرجع معظم زبائنه الجدد الي الخمر وسيتركون البنقو وبالتالي سيخسر هو بسطة الرزق تلك الناتجة عن صعوبة الحصول علي الخمور وغلائهاوفي حاله فوز الكيزان فسيستمر الحال علي ما هو عليه وسيزداد زبائنه. وبعد نفحه بمبلغ محترم من اموال الانتخابات اقتنع اخونا بهذه الحجه وامر كل من يعمل معه وكل متعاطي البنقو المترددين علي خانته ان يصوتوا للحمامه رمز مرشح الجبهة انذاك.
وفي يوم التصويت حضر كريكرا في بوكس ومعه حوالي عشرين من مدمني البنقو للتصويت وما انفك من ترديد الحمامة الحمامة حتي خيل للجميع انه سيطير وفي باب مركز التصويت ولعدم معرفته بالقراة والكتابة لاحظ اخونا وجود بوستر لاحد المرشحين مع رمز القندول وطبعا اخونا صاحب مبادئ ويحترم اكل عيشه فرمي للجبهجية بقروشهم وصاح في رفاقه ما في غير القندول دون معرفة اللون السياسي لرمز القندول ولا اذيع سرا ان القندول كان رمز مرشح الحزب الشيوعي التجاني الطيب والحمامة كانت لصلاح عبدالله المصوراتي

--------------------------------------------------------------------------------
مداخلة: #9
العنوان: Re: اندايات الخرطوم تنتج عرقي (الشيخ) الجديد للشعشعة فقط ؟؟
الكاتب: هشام هباني
التاريخ: 13-04-2006, 01:07 ص
Parent: #8


الجميل محمد حيدر

تحياتي
بالطبع الجبهجية لن يتوانوا في ارتكاب كل الموبقات للوصول لغاياتهم وهذه والله طرفة جميلة قصة صفقتهم مع ظريف العباسية وحي الامراء (عمر كريكرا) جوار( مرفعين الفقرا) ودكان عم جعفر وكيف حالك وميدان الربيع....وان شاء الله الظريف ( عمر كريكرا) ظريف العباسية لا زال حيا...والرجل تربطه صلة القرابة بالشهيد محمد نور سعد...
محبتي واحترامي

هباني

سندة: بالله يا محمد حيدر شنو اخبار صاحبي حافظ ( ابو عيون جاحظات)ود العباسية ساكن جنب ميدان الربيع والذي تخرج من المغرب من جامعة فاس في اواخر الثمانينيات...شوف لي اخبارو ورسلها عبر الماسنجر

--------------------------------------------------------------------------------
مداخلة: #10
العنوان: Re: اندايات الخرطوم تنتج عرقي (الشيخ) الجديد للشعشعة فقط ؟؟
الكاتب: ناصر محمد خليل
التاريخ: 14-04-2006, 04:45 ص
Parent: #1


نتمنى سقوط النظام التشادي لتسقط معها أحلام دولة الزغاوة الكبرى .


--------------------------------------------------------------------------------

ليست هناك تعليقات:

إرسال تعليق