الجمعة، 25 أبريل 2008

أليست فكرة سخيفة ان تكون في بلادنا الفقيرة كلية سجون!!

مكتبة هشام هباني أليست فكرة سخيفة ان تكون في بلادنا الفقيرة كلية سجون!!؟
30-03-2007, 01:34 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1199606934&rn=0


--------------------------------------------------------------------------------
مداخلة: #1
العنوان: أليست فكرة سخيفة ان تكون في بلادنا الفقيرة كلية سجون!!؟
الكاتب: هشام هباني
التاريخ: 30-03-2007, 01:34 م



قبل ساعتين حملت زبونا كان خارجا لتوه من السجن وامام السجن كانت سيارات الشرطة العادية والشرطي الذي امام مدخل السجن هو شرطي عادي.. ورجعت بي الذاكرة الي صورة السجن والسجان في بلادي...حيث السجان الضابط هو خريج كلية متخصصة هي كلية السجون والتي كان يمني كثيرون من الشباب انفسهم بدخولها لما لها من امتيازات من حيث المرتب وبقية المخصصات من بيت وسيارة ومجموعة خدامين في البيت من رواد السجن نفسه من المساجين المحكوم عليهم بفترات طويلة..يعملون بالمجان لصالح ضابط السجن..في المطبخ في الحديقة للغسيل والكي والنظافة ومشاوير السوق..اي اقطاعية حقيرة لاستغلال الانسان في ابشع صور الاستغلال حيث تستغل حاجته كفاقد للحرية... وهو مطالب ان يقدم مزيدا من الخضوع لاباطرة السجن من ضباطه كبارا وصغارا ليظفر بمعاملة اكثر تعاطفا معه داخل السجن في حال كونه يرضي باستعباد الضابط له!
فقلت في نفسي الا زالت في بلادي كلية للسجون... وهل ذات ضباط السجون بزيهم المميز وبذات المخصصات.. وذات الاستغلال البشع للمساجين.. اتحتمل ميزانية الوطن كل هذا الترهل في اجهزة الدولة..فلماذا لا تدمج كلية السجون مع كلية الشرطةوتدرس موادها لطلابها ولماذا لايكون البوليس العادي هو الذي يؤدي مهمة السجانين مثلما قائم هنا في هذه البلاد المتحضرة حيث الشرطي العادي هو ايضا شرطي المرور وايضاهو السجان وتجده يخدم الناس في الطرقات تحت السيارات المعطلة يساعد اهلها.. ويساعد شيخا وهو يوقف سيارته ليساعده في عبور الطريق وغاية في التادب والتهذيب... وبهذا الدمج بين الكليتين والمهنتين وبعد تقليص اعداد الضباط العاملين نستطيع ان نوفراموالا طائلة كانت مهدرة في جهاز ليس ضروريا وجوده طالما في امكان شرطي عادي ان يؤدي مهمة السجان.. وايضا قلت في نفسي وانا ادرك ان شعبنا نزاع للتحرر والانعتاق بالثورات وقد غني شاعرنا قائلا : اصبح الصبح ولا السجن ولا السجان باق....اليس شيئا معيبا ان نخصص كلية لتقنين الاستعباد والاستغلال وكتم حرية الانسان ونسميها كلية السجون وفي ذات الوقت نحن نغني لمستقبل ينعدم فيه السجن والسجان وهو مستقبل الحرية والانعتاق!

--------------------------------------------------------------------------------
مداخلة: #2
العنوان: Re: أليست فكرة سخيفة ان تكون في بلادنا الفقيرة كلية سجون!!؟
الكاتب: عبد المنعم سليمان
التاريخ: 30-03-2007, 01:44 م
Parent: #1


كدي احكي لينا يا خال سجينك الزبون ده كان تهمته شنو



والله بوستاتك شايفة بقت زي mbc action

--------------------------------------------------------------------------------
مداخلة: #11
العنوان: Re: أليست فكرة سخيفة ان تكون في بلادنا الفقيرة كلية سجون!!؟
الكاتب: هشام هباني
التاريخ: 30-03-2007, 06:12 م
Parent: #2


منعم ود اختي

(صباح الخير)
طبعا خالك نام الساعة تمانية صباحا..الشغل تعبان وقلبنا الوردية بالليل!
اما بخصوص زبوني خواجة نضيف وقبضوهو شربان طالع من بار الله والرسول تخيل وشالو رخصتو وعربيتو جروها ومارق بضمانة!!
و الحلبي زعلان داير اطرشق لان الرخصة بعطلوها مرات لسنة او سنتين وتحرم عليك السواقةبموجب قانون الولاية!
شفت الشريعة دي هنا قوية كيفن!

--------------------------------------------------------------------------------
مداخلة: #3
العنوان: Re: أليست فكرة سخيفة ان تكون في بلادنا الفقيرة كلية سجون!!؟
الكاتب: lana mahdi
التاريخ: 30-03-2007, 01:48 م
Parent: #1


الحبيب هشام
أعتقد وجود كلية لتاهيل ضباط السجون مهمة
السجن من المفترض في أي دولة يحترم نظامها نفسه مؤسسة إصلاحية و تأهيلية و ليست عقابية
بس تقول شنو!!
مفروض يلغوها حسة لأنو البلد كلها سجن

--------------------------------------------------------------------------------
مداخلة: #12
العنوان: Re: أليست فكرة سخيفة ان تكون في بلادنا الفقيرة كلية سجون!!؟
الكاتب: هشام هباني
التاريخ: 30-03-2007, 06:15 م
Parent: #3


اختنا الحبيبة لنا الانصارية


Quote: بس تقول شنو!!
مفروض يلغوها حسة لأنو البلد كلها سجن



والله اجابتك دي ابلغ اجابة! ما هو الناس مسجونة وما عارفة انها مسجونة!
نعم التخصص مطلوب بس رايي انو ادمجوا الكليتين في واحدة ونفس المواد الهناك اضيفوها هنا بدل الصرف الكتير المحتاجين ليهو في بنود تانيةمن ميزانية البلد!

مودتي واحترامي

--------------------------------------------------------------------------------
مداخلة: #4
العنوان: Re: أليست فكرة سخيفة ان تكون في بلادنا الفقيرة كلية سجون!!؟
الكاتب: محمد مكى محمد
التاريخ: 30-03-2007, 02:09 م
Parent: #1


ودهبانى
سلام وتحايا ولضيوفك زيهم
ما لاحظت انو شارع الحرية بيوصل السجانة?
طبعا السجن فى السودان-بتاع المجرمين -اكبر مؤسسة لتأهيل المجرمين والكان نشال قبل السجن بقى موزور بعدة.

قرصة
قول لاخونا منعم يكتب لينا عن كاريزما السجون فى السودان

--------------------------------------------------------------------------------
مداخلة: #13
العنوان: Re: أليست فكرة سخيفة ان تكون في بلادنا الفقيرة كلية سجون!!؟
الكاتب: هشام هباني
التاريخ: 31-03-2007, 02:56 ص
Parent: #4


الصديق الرائع محمد مكي

سلامات


Quote: ما لاحظت انو شارع الحرية بيوصل السجانة?




والله من اجمل التعليقات تعليق اختنا لنا وتعليقك الفوق ده..انو شارع الحرية بيوصل السجانة!!......و اكيد سجن كوبر انجاز عظيم لصالح الشعب السوداني عندما كان يؤمه المناضلون المعتقلون من جميع القطاعات من المثقفين والسياسيين والمفكرين ويتعلم منهم
كثيرون ويتخرجون من سجن كوبر كالمتخرج من ارقي كليات العلوم السياسية ولذلك اقترح ان نوضح ايضا في هذا البوست بعض الاشراقات في ظلامات الاسر وغياب الحرية اي داخل السجون السودانية مثالا.. سجون ((كوبر ودبك وشالا)) لاشتهارها بانها سجون لكبار المناضلين والسياسيين... وفيها تقام الامسيات الادبية والسياسية وتلقي المحاضرات الفكرية القيمة.. وتتوثق عرى العلاقات بين المناضلين من مختلف الوان الطيف السياسي!

--------------------------------------------------------------------------------
مداخلة: #5
العنوان: Re: أليست فكرة سخيفة ان تكون في بلادنا الفقيرة كلية سجون!!؟
الكاتب: عبد المنعم سليمان
التاريخ: 30-03-2007, 02:24 م
Parent: #1


محمد مكي

تحياتي


والله اخوك منعم عندو فوبيا من كاريزما السجون

--------------------------------------------------------------------------------
مداخلة: #6
العنوان: Re: أليست فكرة سخيفة ان تكون في بلادنا الفقيرة كلية سجون!!؟
الكاتب: محمد مكى محمد
التاريخ: 30-03-2007, 02:58 م
Parent: #1


منعم
سلامات يا حبيب
تعرف انو انا متاكد من شجاعتك واحيك عليها والسجن لرجال
زمان اياالديمقراطية الثالثة وبالتحديد سنة 1987 ....طلعنا مظاهرة ضد زيادة اسعار السكر وبعض السلع التموينية واخوك كان من ضمن المقبوضين ..تخيل الدستور كان بيكفل حرية التعبير مع ذلك التظاهر...ودى واحدة من انتكاسات الانتفاضة...وبالرغم ان اسباب احتجازنا كانت سياسية الا وحشرونا فى الصين الشعبية(اسم واحدة من حرسات القسم الشمالى -امدرمان.بعد ما ضربونا ناس الاحتياطى المركزى -نقيب اسمو على-وقالوا علينا طلبة صعاليك..و و و..بتذكر انو كنا حوالى 65 فرد( فى مساحة 20 م م.


للاسف ديمقراية العالم الثالث لا تكفل حرية التعبير ...المؤسسات الاصلاحية اكثر الاماكن لانتهاك حقوق الانسان
اخةك محمد

--------------------------------------------------------------------------------
مداخلة: #7
العنوان: Re: أليست فكرة سخيفة ان تكون في بلادنا الفقيرة كلية سجون!!؟
الكاتب: عبد المنعم سليمان
التاريخ: 30-03-2007, 03:09 م
Parent: #1


محمد مكي

والله البلد دي فوق كل تحليل

تعرف قبل فترة لقينا طفل (جنوبي)عمره 6 سنوات مقبوض في حراسة الناس الكبار

كلمنا زول وجينا للقسم قابلنا الضابط تعرف بكل صلف وبطريقة استفزازية قال

علاقتكم بيهو شنو ؟

قلنا ليهو والله الانسانية وحق الطفل

عاين كده وكلم شرطي جيب الود ده من الحراسة

جابو الود الصغير وكان ليهو 4 ايام جوه

سالنا الضابط هو الود ده مالو

قال لينا ناس الطوف لقوه الساعة 1 صباحا بتمشي وما عارف بيتهم

قلنا ليهو هو الطفل البضيع بعاقبوه وللا شنو

سالنا الود بتعرف بيتكم بكي

اتبرعنا بعربيتنا وبمشي معانا عسكري نوديهو

وافق الضابط بعد ما لقا اسم الطفل ما مسجل حتي في السجل مع المساجين ؟!!!

استغربنا

وكيل النيابه كل يوم يجي يتمم ع المساجين بالاسم ما سال عنه (ده قالو لينا الشرطي في الطريق)

تعرف من القسم 5 دقايق بس الود عرف بيتهم لانهم ساكنين بفعل الظروف في عمارة تحت التشييد

وكل العمارات تتشابة !!!!

وقس ع ذلك



وربنا يحفظنا ويحفظ البلد


منعم

--------------------------------------------------------------------------------
مداخلة: #8
العنوان: Re: أليست فكرة سخيفة ان تكون في بلادنا الفقيرة كلية سجون!!؟
الكاتب: محمد مكى محمد
التاريخ: 30-03-2007, 03:18 م
Parent: #1


Quote: وربنا يحفظنا ويحفظ البلد



rgards pal
mohammed

--------------------------------------------------------------------------------
مداخلة: #9
العنوان: Re: أليست فكرة سخيفة ان تكون في بلادنا الفقيرة كلية سجون!!؟
الكاتب: lana mahdi
التاريخ: 30-03-2007, 03:35 م
Parent: #1


Quote: زمان اياالديمقراطية الثالثة وبالتحديد سنة 1987 ....طلعنا مظاهرة ضد زيادة اسعار السكر وبعض السلع التموينية واخوك كان من ضمن المقبوضين ..تخيل الدستور كان بيكفل حرية التعبير مع ذلك التظاهر...ودى واحدة من انتكاسات الانتفاضة...وبالرغم ان اسباب احتجازنا كانت سياسية الا وحشرونا فى الصين الشعبية(اسم واحدة من حرسات القسم الشمالى -امدرمان.بعد ما ضربونا ناس الاحتياطى المركزى -نقيب اسمو على-وقالوا علينا طلبة صعاليك..و و و..بتذكر انو كنا حوالى 65 فرد( فى مساحة 20 م م.


للاسف ديمقراية العالم الثالث لا تكفل حرية التعبير ...المؤسسات الاصلاحية اكثر الاماكن لانتهاك حقوق الانسان


غلطانين
كان ترفعوا قضية على وزير الداخلية زي الترتيب

ويحاكم بالقانون و بموجب مواد الدستور
وكانت ستكون حاجة جميلة وربما دققتم بها جرس إنذار مبكر
لنا

--------------------------------------------------------------------------------
مداخلة: #10
العنوان: Re: أليست فكرة سخيفة ان تكون في بلادنا الفقيرة كلية سجون!!؟
الكاتب: محمد مكى محمد
التاريخ: 30-03-2007, 04:03 م
Parent: #1


الغالية لنا
تحية وود
المشكلة يااختى بعد كل المهانة دى ودونا محكمة العمد...وحكموا علينا بالجلد 25 جلدة لكل واحد مع كتابة تعهد بعدم العودة للشغب مرة اخرى ...انا شخصيا رفضت الحكم ورأسى وألف سيف فى المحافظة على حقوقى الدستورية ...فزادوها 15 جلدة وده عشان الفلسفة والفلقصة بتاعتى لانو السادة العمد ماكنوا فاهمين ان الاصل الدستور والقانون يجب ان لا يتنافي مع الدستور....
كل الشكر لاخونا أشرف ابوعكر الذى قام بالدفاع ...
انا لم أجلد ...
لكن زملائى جلدو...
وفى النهاية فكونى لانى (متفلقص ومتفلسف والشاكى لم يحضر...
ويا اختى ديقراطية مجهجهة زى دي اخير من كل الديكتاتوريات الشفناها
ومع ذكرى الانتفاضة كونى بالف خير

قرصة:-
لسة ما كملت بوست الحبوبات

قرصة تانية:-
هبانى طلع مشوار ولا شنو?

--------------------------------------------------------------------------------
مداخلة: #14
العنوان: Re: أليست فكرة سخيفة ان تكون في بلادنا الفقيرة كلية سجون!!؟
الكاتب: lana mahdi
التاريخ: 31-03-2007, 08:18 م
Parent: #10


Quote: ويا اختى ديقراطية مجهجهة زى دي اخير من كل الديكتاتوريات الشفناها
ومع ذكرى الانتفاضة كونى بالف خير


وأنت بألف خير أخي الحبيب
فعلاً الديمقراطية لا علاج لإخفاقاتها سوى المزيد من الديمقراطية



Quote: لسة ما كملت بوست الحبوبات


هو كلام الحبوبات بكمل؟

Quote: هبانى طلع مشوار ولا شنو?


هباني منهمك في البوست التاني حق ال40 سنة و رئاسة السيد للحزب، داير يخرب عليهو رئاسة تانية لكن هيهات له و لكل المرجفين (عملات عادل أمين)

--------------------------------------------------------------------------------
مداخلة: #15
العنوان: Re: أليست فكرة سخيفة ان تكون في بلادنا الفقيرة كلية سجون!!؟
الكاتب: هشام هباني
التاريخ: 01-04-2007, 06:14 م
Parent: #14


الاعزاء/لنا ومحمد

سلامات
بجيكم صاااااااد يا سمحين!

--------------------------------------------------------------------------------
مداخلة: #16
العنوان: Re: أليست فكرة سخيفة ان تكون في بلادنا الفقيرة كلية سجون!!؟
الكاتب: عبد اللطيف عبد الحفيظ حمد
التاريخ: 01-04-2007, 06:18 م
Parent: #1


لا بد من السجون لقبض المجرمين الحقيقيين (أعني التماسيح الكبار)..... مش الورلة الواحد سارق لو ساعة والله مسجل والله شوية غويشات والله حاجات بالشكل ده... والله نشالين سوق الله أكبر................... الناس البتبلع في الناس بلع ديل البستحقوا السجن بالجد


--------------------------------------------------------------------------------

ليست هناك تعليقات:

إرسال تعليق