الأربعاء، 30 أبريل، 2008

اسمعنــي يا هــوي يا عمــر البشيــــــــر؟؟

مكتبة هشام هباني اسمعنــي يا هــوي يا عمــر البشيــــــــر؟؟
02-11-2005, 09:47 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200202346&rn=0


--------------------------------------------------------------------------------
مداخلة: #1
العنوان: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 02-11-2005, 09:47 ص


اسمعني يا هوي ياعمر

الدنيا عيد وبنقول لك العيد مبارك عليك بس نسوي حق الله وفرض الله
لكن ان درت النصيحة والحق الله لا يبارك فيك ولا عيد مبارك عليك..

اسمع يا عمر من غير اي لقب واهلنا قالوا( اسمع كلام الببكيك وما تسمع كلام البضحكك)
وانا زول نصيحة تب ومارق كمان للربا والتلافي في القضية العامة من ما جا شيخك السفاح حليفك ورئيسك نميري في مايو ولحد ما جيت انت سعادتك للسلطة بالانقلاب والسرقة والغدر يوم تلاتين يونيو المشؤوم.. يعني من قولة (تيت) للانقاذ ولحد الليلة انا ضدكم بشكل علني وده كلام انا مسئول عليهو ليوم القيامة ولو اجيبونا جنايز في صناديق من امريكا ومواقفي كانت واضحة وباينة ومن غير لف ودوران وات عارف وكلابك عارفين من يوم جو كلابك ليبيا ووفودك من تيجاني ادم طاهر لحد القواد سبدرات والناس شاهدة وشافت وعارفة الحقيقة ....
اولا : كان للرجالة ماك ارجل مني ولاك ارجل من كتير من الشرفاء الجو الوطن وخارج الوطن وكان للفهم ماك افهم مني ولاك افهم منهم ... وكان للمواقف الوطنية انا بكاتل من عمري خمستاشر سنة في حكم رئيسك نميري اللعين وانت ما سمعنا ليك بمواقف ولا محاولة انقلاب زيك وزي كتير من الرجال الشرفاء في الجيش...يعني زول نكرة..وكان للاصول ات ماك مأصل اكتر مننا ونحن اولادرجال واولاد قبايل وما تخلينا وتضطرونا نتكلم باللغة العنصريةالشينة دي ودي لغة هسع رايجة شديد في البلد وجبتوها انتو.. وحاجة مخجلة...وانا بوجه ليك كلامي مباشرة لانك انت رئيس البلد ومسئول عن كل الخراب الفيها يعني مسئول عن الزول المواطن الجعان والعطشان والعريان والبنات الانحرفوا والبيوت الفكت والناس الانكتلت بالظلم والناس الاتشردت والناس الاتعذبت والاولاد المظاليم الماتوا في الجنوب بالتضليل ومسئول عن كل الفساد والمفسدين والمتنفذين من كلاب النظام ومسئول عن كل صغيرة وكبيرة والدين وات كان بتعرف الدين بقول ( كلكم راع وكلكم مسئول عن رعيته)..
وبمناسبة العيد ده الكلام بوجهوا ليك وزي ما انا في المنبر ده من اول يوم انامتلح النظام ومتلحك انت شخصيا وبشكل ممل لكني حأظل في ذات الخط ليوم القيامة لمن نقابل المولى هناك واورينا منو الصاح ومنو الغلط يعني ما تغتر تقول الناس كلها انكسرت داك التجمع انكسر وديك الحركة خلاص كتفتهوها بالاتفاقية .. بالواضح والواضح مو فاضح ولو افضل فت فرد يعني يا ني هباني ذاتو (سيك سيك معلق فيك يعني زول عكليت حسكنيت)..لانو الحياة يا سيد المشير عزة وكرامة ومواقف وما في راجل من غير مواقف والا اكون ما راجل وما في زول بموت قبل يومو والزارعة الله في الحجر بتقوم .. صاح كتير من الناس نخـــت وفترت من المواجهة ضدكم وفي ناس انكسرت وفي ناس جبنت عن المواجهة وفي ناس عندها مصلحة في استمرار النظام الفاسد بتاعكم استمرار الفساد والعصابة والمفسدين المعاك والانت كمان مسئول عليهم ورب العالمين بسألك يوم القيامة عن كل بلاويهم.... نواصل


--------------------------------------------------------------------------------
مداخلة: #2
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 02-11-2005, 11:36 ص
Parent: #1


نواصل يا عمر

طبعا بعد ما التجمع السجمان انكسر وباع القضية وده شي طبيعي وكان متوقع لانو رئيس التجمع الميرغني شخصيا ما هو ابدا زول وجيع ولا كان بالغلط زول قضية لاتاريخو بقول كده ولا حاضرو وكانت مهزلة وفضيحة للحركة الوطنية السودانية و للعمل الوطني الشريف ان يقود الحركة الوطنية السودانية في اعتاب القرن الحادي والعشرين واحد خاين زي محمد عثمان الميرغني واخرين .. واما بقية المناضلين القدامى هذا جيل لا احترمه ابدا وهو الجيل الذي فرط في منجزات الشعب بعد اكتوبر وسلمها لقمة سايغة للسفاح نميري وايضا اجهض نضالات الشعب في ابريل واجهضوا الديموقراطيةبالمزايدات الرخيصة وبيعت مصلحة الوطن لمكاسب حزبية ضيقة وسلموك ليها جاهزة وانت نطيت فيها يوم تلاتين بلا ادنى مقاومة ....عشان كده لقيتها ساهلة من غير مقاومة ... والشيء المؤسف انو ذات القيادات التي اهنتها وجردتها من السلطة الشرعية هاهي اليوم تنقاد تساوم عصابةالانقاذ على الفتات في السلطة التشريعية والتنفيذية السؤوقة منها بلا ادنى حياء وقد ارتخصوا دماء الشهداء والمناضلين والمعذبين في رابعة النهار.... لكن ثق انو في اجيال جديدة اتولدت من رحم المعاناة ومن حريق الوطن لن ترحمك يا عمر وشلة المفسدين المعاك ويوم التار جاي... فلا تعتبر انكسار التجمع وانكسارالدناصير العتيقة انو القضية انطفت وحواء تاني ما بتلد رجال .. لكن حواء الجابت الشهداء في رمضان وجابت التاية الشهيدة وايضا الشهداء الكتيرين لسع ولادة وبتجيب الرجال البجيبوا التار وما تظن وتتوهم انو الله معاك ونصرك على اعداء الدين... كل الاحزاب من غير فرز ..لو كان الله بنصرالفاسدين والظالمين والقتلة والسراق نحن من بكرة الدين بتاع الله ده بنخليهو...لانو ده ما دين الله ....فالله هو العدل وهو الحق وهو العزيز القدير .. لكنو ده دينكم قاطعنو من راسكم الفاسد وهو دين الفاسدين؟؟

وانت لو زول عادل يا عمر (الفاروق) واهلك سموك على اعدل الناس بن الخطاب وينو العدل هل سألت نفسك يوم من الايام من وين اصحابك وكلابك الحولك من عصابات الانقاذ جمعوا وكدسوا الثروات الهايلة والمفضوحة دي علي عينك يا تاجر ومن وين بنوا العمارات والقصور الشاهقة ديك ؟ ومن وين اشقاءك وشقيقاتك امتلكوا المال والجاه و القصور ؟؟ هل اتوا بها وورثوها من مال وجاه الوالد في ( صراصر ولا حوش بانقا)؟؟ ام ورثوها بالتنفذ واستغلال السلطة سلطة اخيهم امير المؤمنين؟؟ وهل خرجت يوم متخفيازي الفاروق بن الخطاب ودخلت خفية بيوت واكواخ فقراء السودان في احياء الكرتون والصفيح حول العاصمة لتتعرف على احوالهم ومعاشهم وعذاباتهم؟؟ طبعالا ما فاضي من الرقيص في كل دلوكة وفي كل عرضة كاشف ومصدق انك الفاروق وانت لا تسمع الا للقوادين والمطبلاتية من اوغاد الانقاذ من السراق والمفسدين والذين ما عندهم غير ( كلو تمام يا فندم)..

وبعدين شنو حكاية الفاسد صاحبك عبد الرحيم حسين وشنو سر اصرارك عليهو والراجل عملية العمارة كانت واضحة ومخجلة قدام العالمين وقدم استقالتو من الفضيحة تجي انت سعادتك حاكم البلاد والفاروق العادل بلا ادني حياء بدل تقدمو للمحاكمة وتقطع رقبتو و يدينو وكرعينو تجي ترقيهو للفريق اول وكمان وزير للدفاع؟؟؟؟ يعني في استهتار وانحطاط اكثر من كده؟؟؟بدل تقيف وتنحاز للشعب ضد المفسدين حتى ولو كانوا اصحابك تعلن بلا ادنى حياء انحيازك للسراق والمفسدين ؟؟اذن انت فاسد وانت حرامي طالما تقر افعالهم؟؟ ونواصل

--------------------------------------------------------------------------------
مداخلة: #3
العنوان: Re: اسمعنــي يا هــوي يا عمــر البشيــــــــر؟؟
الكاتب: فتحي البحيري
التاريخ: 02-11-2005, 11:48 ص
Parent: #2


معك
لي آخر حد
وآخر نفس
وآخر نبض في عروقي
يا أيها العفوي الصادق الشجاع ... هشام هباني
معك
ألف لا بارك الله في عيد المجرمين
وبارك الله لنا في غضبك أيها الحبيب
وجذوة جرحك المضيئة
خذ عافيتي وأمني وودي

--------------------------------------------------------------------------------
مداخلة: #4
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 02-11-2005, 12:04 م
Parent: #2


وبعدين يا اخونا عمر الراقص ليها شنو... وبين كل خمسة مواطنين سودانيين في دولتك الرسالية يوجد اربعة معدمون اي اباطهم والنجم..
والراقص ليها شنو... وبين كل خمسة بنات سودانيات في دولتكم الرسالية الموقرة ثلاثة منهن لديهن جاهزية الانحراف وفعل الرذيلة مقابل دراهم ترجع بيها عشان تساهم في معاش اسرة شريفة هداها الفقر بفعل اقتصاد دولتكم الرسالية الفاسدة..
والراقص ليها شنو ... وبين كل خمسة سيدات سودانيات ثلاثة مطلقات بسبب الفاقة والفقر وتشرد رب الاسرة في المهاجر بحثا عن رزق وترك عائلته في كف الرحمن والارزاق في دولتكم الرسالية كوش عليها رفاقك الاتقياء الفاسدون؟؟

والراقص ليها شنو يا سعادة المشير.... ودولتكم السنية تنعدم فيها السيادة وبها جيشان سودانيان وجيوش اجنبية تحفظ امن اراض سودانية قحة والامم المتحدة والمنظمات الاقليمية تلعب كما تشاء بقرار الدولة الرسالية الشماء؟؟

والراقص ليها شنو... والبلد هاجر وطرد من ترابها المدنس بكم جل الكفاءات الوطنية الشريفة وورثها السراق والغلمان؟؟؟
والراقص ليها شنو وفي دولتك الرسالية العصماء يموت العشرات يوميا بوباء الايدز والذي تتسترون عليه وايضا يموت العشرات باحقر مخلوقات الله البعوض؟؟؟ نواصل

--------------------------------------------------------------------------------
مداخلة: #5
العنوان: Re: اسمعنــي يا هــوي يا عمــر البشيــــــــر؟؟
الكاتب: فتحي البحيري
التاريخ: 02-11-2005, 12:11 م
Parent: #4


مشينا ....

--------------------------------------------------------------------------------
مداخلة: #6
العنوان: Re: اسمعنــي يا هــوي يا عمــر البشيــــــــر؟؟
الكاتب: ادريس خليفة علم الهدي
التاريخ: 03-11-2005, 03:45 م
Parent: #4


معاك يا خال لي اخر نفس

--------------------------------------------------------------------------------
مداخلة: #7
العنوان: Re: اسمعنــي يا هــوي يا عمــر البشيــــــــر؟؟
الكاتب: فتحي البحيري
التاريخ: 04-11-2005, 00:30 ص
Parent: #6


#

--------------------------------------------------------------------------------
مداخلة: #8
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 04-11-2005, 08:42 ص
Parent: #7


اها جيناك يا عمر العرور وخلينا نتكلم بالواضح وبالدارجي ولغة الشارع عشان الناس تفهم وخلينا من كلام المثقفاتية الفارغ الخلاك لسع قاعد فينا خازوق ستة سنين تانية من عمرنا يعني اتنين وعشرين سنة من عمر البلد ضاعت ساكت ؟؟

وكمان يا جنابو المشيرعليك قوة عين لا بتستحي وكمية من العبط والهبالة ومترقي زي رئيسك الاهبل السفاح الشرد والرجعتو تاني نميري لرتبة مشير والمترقي ليها شنو ؟؟ دي يا سجم الرماد رتبة للقادة العظام المنتصرين في المعارك القومية الكبيرة و بس في الدول المستقرة الفيها الجيوش العظيمة والصناعات الحربية الضخمةوالجيوش هناك بتحمي السيادة الوطنية وبتحمي المواطن وبتحمي حدود البلد و فيهاالقادة العظام وعارفة دورها الوطني بموجب الدستور والقانون.... مش جيش عصابة مصمم عشان اكتل واشرد المواطنين بتاعين البلد زي ما بحصل الليلة في دارفور والشرق الجيش صار اداة لتقتيل المواطنين وتشريدهم خارج البلاد والجيش اكاتل المواطنين في قلب الخرطوم وشفت براك الحصل من مهازل في مذبحة سوبا الماتوا فيها مواطنين ابرياء بدافعوا عن بيوتهم الفقيرة مش بيوت في حي كافوري واحياء المفسدين بتاعينك اكاتل في ناس بتدافع عن بيوت فقرانة وموكحةبالفقر والغلب .. وكمان لو بتذكر يا بجم مذبحة العيلفون قبال سبعة سنوات ويوم وقفة عيد الضحية بتذكر جيشك الرسالي عمل شنو في اطفال صغار رافضين الحرب وهربوا من التجنيد القسري وزجهم في حرب الجنوب القذرة.... جيش من المجرمين والقتلة يقتل العشرات من الاطفال بالرصاص الحي في يوم العيد.... وكتير منهم غرقوا في النيل هربا من رصاص جيشك البليد ... حتقول لربك شنو يا عمر بن الخطاب يوم القيامة
حتقول لرب العزة ( كلو تمام يا فندم)؟؟
والمترقي ليها شنو ؟ والبلد ماشة في التقسيم يا سعادة المشير وانت مصدق انو في سلام وانك حققت السلام ؟؟ وهل انت كنت اصلا داعية سلام؟؟ نسيتو المظاهرات المليونية بتاعة امان السودان في سنة ستة وتمانين الرافضة تفاوض القوة الوطنية مع الحركة الشعبية في( كوكا دام وفي امبو) وقامت المظاهرات بتاعة المهووسين وقالوا ( قنطار دهب لدعم القوات المسلحة)؟؟ نسيتو لمن قمتوا بالانقلاب المشؤوم انكم بررتوه بزعم توقيف الحركة الشعبية عند حدودها وانكم جيتوا لاجل شرع الله والحفاظ على وحدة التراب الوطني وايقاق الخط الانهزامي بتاع الاحزاب في التفاوض مع الحركة الشعبية ولولا مجيء جيشكم الرسالي لوصل ( الكافر المتمرد العميل قرنق) الخرطوم......... اها يا سجمان اهلنا قالو الكضب حبلو قصير.... اهو ده قرنق وصل الخرطوم من زمان ومن غير رصاصة واحدة وناسوا قاعدين ليكم في حلقومكم النص بالنص والجنوب كلو عندهم وما تقدروا تقولوا بغـــم وكمان عندهم جزء من الشمال والانفصال جاي وعوافي عليهم ............ وسلفاكير داك ليهو في امريكابصرح ولا داسيها حكاية الانفصال دي.......... طبعا بعد فضيحة وزارة الطاقة الفيكم انعرفت يا شيخ الحرامية وانعرفت نواياكم في خم المال والاصرار علي الخم واللم بشيق ونهم غريب ....... عشان كده ليهم الحق اهلنا الجنوبيين ما اثقو ا في هذا المثل السيء للشمالي الجشع وليهم الحق للانفصال وايضا اهلنا في دارفور وفي الشرق ليهم نفس الحق طالما المظالم لن تقيف وسياساتكم الظالمة ماشة بهذا الخط المتشدد ابدا وهسع اولاد الناس المساكين ديلك الماتوا في الجنوب بعد ما ضضللتوهم وغشيتوهم بشرع الله المضروب ووجهتوه للجنوب عشان المشروع الحضاري وعشان وحدة البلد وانا بحترمهم اكتر منك رغم الاختلاف معاهم في كل شيء لانهم كانوا صادقين في قضيتهم وبالدليل ماتوا لاجلها والبموت في قضية تحترمو بس عشان الصدق ... لكن انت يا التلوقة الكضاب هسع حتقنع اصحابهم المشوا معاهم ( الجهاد) بشنو والكانوا ممكن احتمال انقرضوا مع اصحابهم كبير..... حتقول ليهم شنو يا المشير؟؟ حتقول ليهم كنا بنكاتل عشان حق تقرير المصير للجنوب وانفصال الجنوب ... وحتقول ليهم شرع الله بس صنع خصيصا للشمال وحتقول ليهم ارادة امريكا اكبر من ارادة الله ... وحتقول ليهم.... اشهد ان( الكافر العميل) جون قرنق وطني ووحدوي .... وحتقول ليهم والله المشروع الرسالي ده يعني نعتبرو مشروع تم تاجيلو لاجل غير مسمى؟؟ وحتقول ليهم والله السلام ده انتو زمان استشهدتوا من اجلو ........... يعني كمية من الكضب والدجل والعبط يا عمر والله لو في مكانك اشيل لي طلقةو( انتحر) يعني كل الرقيص والعرضات ديك راحت فشنك والمدفع الرزام طلع هبوب ساكت.......... حاجة مخجلة في حق اي مواطن عادي لو تصرف كده ما بالك في رئيس تخين وعريض شغال كضب ودجل............ وكمان اخر حلايف وصدقناك في مسرحية اتهام شيخك الترابي ابليس السودان الكبير ( كبير اخوانو).. قدام كل الناس :انا الترابي ده والله حاقطع راسو... ونحن حنحاكمو بالقوانين بتاعتو ونحنننننننننن وشفنا المسرحية بتاعة المؤامرة والسلاح المفبرك والبطل المختفي حاج ادم الهارب لارتريا والزعيم العراب الترابي وراء القضبان والمناضلون الابطال على الحاج والمحبوب يشعلون الثورة على العصابة في الخارج وكمان الود (الملظلظ) حسين خوجلي ايضا بطل وراء القضبان وكمية من الدجل والكذب ما انزل الله بها من سلطان.............المحصلة... ابليس الترابي طلع ساكت لا ظلطة ولا طقة بل بطل من السجن لا تحقيق ولا كلام ولا ضبح يعني مسؤحية بايخة لا تصلح للعرض للاطفال وهسع ابليس خش ارتريا وقابل افورقي وهاجم العصابة في الخرطوم وفي قتاة الجزيرة وكمان بقابل الحركات المسلحة في الشرق وكمان قابل كل قيادات التجمع الفشنك في الداخل وبعد ده بدخل وامرق الخرطوم وكمان الود ( الملظلظ) يا هوداك ليهو متوهط التلفزيون وكمان اعمل في مقابلات مع عالم فايق من القادة الخوازيق المواهيم اصحاب الانفصام المستدام وهم اس هذه المصايب في هذه البلاد و لن احترمهم الى يوم الدين. طالموا ظلوابعيدا غير منحازين للغلابة والغبش من شعبنا التعيس.......... يعني يا عمر التلوقة لقيتها ودي بلد منتهية والقصة كلها كضب في كضب والمحصلة هي شعب صابر وضايع وكمية من الشرفاء مشتتين في الدنيا في دروب الضياع وكتير من الشرفاء مكتفين داخل البلد في قصة البحث عن الرزق وما عندهم نفس للكتلال والعصابة بتاعتك مكنكشة في كل مفاصل الامن والمال والادارة بتاعة البلد والاعلام وما هماكم تروح كل البلد طالما مصالحكم مضمونة والحكاية سايبة وفي النهاية لو البلد خربت واتقسمت عندكم ما يعيش وليداتكم لجنا الجنا ليوم القيامة من مال الشعب المنهوب والما عندو وليدات ان شاء الله الدولارات ديل اتغتغت بيهم من سقط سويسرا ولا من مطر ماليزيا والباقي ................

نتواصل ونتلاقي



--------------------------------------------------------------------------------
مداخلة: #9
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 05-11-2005, 04:56 م
Parent: #2


ولســـــــــــع بجيك يا عمر ارجاني بس مشغوليات رزق ونحن هنا عايشين على التاكسي وهو لا يقل مخاطرة عن مخاطرالرزق في بلدي الذي تتخطفه الضباع............وانت ضبعهم الكبير..
وعندما ياكل الضبع الكبير كانما اسنانه تقول قرش.....قرش........قرش بضم القاف

( مطالعة سودانية من السودان القديم)

--------------------------------------------------------------------------------
مداخلة: #10
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 05-11-2005, 04:56 م
Parent: #2


ولســـــــــــع بجيك يا عمر ارجاني بس مشغوليات رزق ونحن هنا عايشين على التاكسي وهو لا يقل مخاطرة عن مخاطرالرزق في بلدي الذي تتخطفه الضباع............وانت ضبعهم الكبير..
وعندما ياكل الضبع الكبير كانما اسنانه تقول قرش.....قرش........قرش بضم القاف

( مطالعة سودانية من السودان القديم)

--------------------------------------------------------------------------------
مداخلة: #11
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 05-11-2005, 04:56 م
Parent: #2


ولســـــــــــع بجيك يا عمر ارجاني بس مشغوليات رزق ونحن هنا عايشين على التاكسي وهو لا يقل مخاطرة عن مخاطرالرزق في بلدي الذي تتخطفه الضباع............وانت ضبعهم الكبير..
وعندما ياكل الضبع الكبير كانما اسنانه تقول قرش.....قرش........قرش بضم القاف

( مطالعة سودانية من السودان القديم)

--------------------------------------------------------------------------------
مداخلة: #12
العنوان: Re: اسمعنــي يا هــوي يا عمــر البشيــــــــر؟؟
الكاتب: Tragie Mustafa
التاريخ: 05-11-2005, 05:22 م
Parent: #11




هباني

العيد مبروك ومنتظرنك وجوانا مكسورين وحزانا لانه الكتبته كله صح.

وده كلام بيختف الفرح من جواك تماما.

تراجي.

--------------------------------------------------------------------------------
مداخلة: #13
العنوان: Re: اسمعنــي يا هــوي يا عمــر البشيــــــــر؟؟
الكاتب: domdom
التاريخ: 06-11-2005, 00:29 ص
Parent: #1


الاخ هباني
اولا معارضة النظام مقاس للموقف الوطني
معارضة مساومات النظام مع المعارضين استشعار عالي الحساسية ضد مكايد الكيزان
لكن و بكل صراحة انا ضد مس الابرياء من اهل المسئولين
بالواضح مسني بعض من رشاش قولك
اولا اهل صراصر عانوا من النظام و اليوم احد كبار المسئولين الممثلين للحركة الشعبية في الحكومة تربطة صلة رحم بعمر البشير و قد عاني الاعتقال و التشريد هو و اخوتا
والدة ياسر عرمان من البديرية و تربطها صلة قرابة بعمر البشير
ما لايعرفة الكثيرين لربما عمر البشير نفسة ان عمر البشير تربطة صلة قرابة بعيدة بالترابي
و كلنا بديرية الجزيرة اقارب فهل نحاسب علي عمر البشير
هل تحاسب اخي هباني بنسبكم مع غازي صلاح الدين او علي عثمان ؟
الرجاء الابتعاد عن هذا الاشياء وعدم مس اهل المسئولين ان لم يكن لهم دخل بالسياسة
بالمناسبة يا هباني انا امي كاهلية لو مساكم شي برضو يمسنا .
و شكرا

--------------------------------------------------------------------------------
مداخلة: #14
العنوان: Re: اسمعنــي يا هــوي يا عمــر البشيــــــــر؟؟
الكاتب: ABDELMAGID ABDELMAGID
التاريخ: 06-11-2005, 00:40 ص
Parent: #13


الأخ ( دومدوم ) انا امكن اكون اقرب من الناحية القبلية للدكتاتور الكذاب عمر حسن احمد البشير و انا اهلى اساسا من كبوشية و المتمة و حوش بانقا و جبل ام على ، و نحن من مشايخة الجعليين و اولاد بلد ما فينا شق و لا طق ، لكن و العياذ باللله بلكن بنكره الدكتاتورية و العنصرية الأصولية الدينية و بنحب الديمقراطية و سيادة القانون من دون فوارق دينية و بنأمن بفكر الدين للله و الوطن للجميع ...
د. عبدالماجد محمد عبدالماجد
ميامى

--------------------------------------------------------------------------------
مداخلة: #15
العنوان: Re: اسمعنــي يا هــوي يا عمــر البشيــــــــر؟؟
الكاتب: domdom
التاريخ: 06-11-2005, 01:11 ص
Parent: #1


شكرا يا دكتور بس عايز اقول
ان ينطبق علينا قول
و جرم جره سفهاء قوم و حل بغير جارمه العذاب
و شكرا

--------------------------------------------------------------------------------
مداخلة: #16
العنوان: Re: اسمعنــي يا هــوي يا عمــر البشيــــــــر؟؟
الكاتب: محسن عبدالقادر
التاريخ: 07-11-2005, 10:29 ص
Parent: #15


هشام ود هباني
ود الأبطال رجال كرري وشيكان

وحاتك ات ماك براك
نحن طارشين الدم مكن الأسمو القشير
والله ما هادناهو ولا بنهادنو لامن نموت
وتأكد اخوي هشام انو المصادمين كتار
ويا ويلك يا بشير يا عرورة من غضبة الشرفاء

ولي قدام يا ود الرجال

--------------------------------------------------------------------------------
مداخلة: #17
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 07-11-2005, 08:04 م
Parent: #16


جيناك يا عمر العرور

طيب عايز اسالك سؤال عديل لا لف ودوران: انت المعرس ليها شنو شايفك بقيت عريس كانك خلاص عدلت وكملت كل العدالة والبلدفي خير وفير وفي امن وامان وعدلك عم الانسان والحيوان وبس فضل ليك العرس؟؟

المعرس ليها شنو والعرس لزومو شنو يا سعادة الرئيس ما خلاص عرست وكملت نص دينك من زمان ولا الرئاسة بتستحق ليها انتاية مناسبة للكاميرات والمناسبات والمراسم واستقبال الرؤساء وحضور الحفلات عيب والله يا ريس عيب كبير في حقك وانت امير المؤمنين ويبدو الحكاية الايام دي اصبحت موضة واصبحت سنة اتبعوها الهلافيت بتاعينك وكل واحد نهب البلد ومن غير خجلة قام اعرس ليهو مرة ومرتين وفي العرسوا اربعة نسوان في سنة واحدة يعني قمة المهازل والانحطاط والسفور في استفزاز الشعب التعيس ...
يعني بالله عندك نفس للعرس والبلد كيلو الطماطم فيها بعشرة الف جنيه وكيلو اللحم فيها بستاشر الف جنيه ولسع الناس بتموت بالبعوضة؟؟

والمعرس ليها شنو يا عرة الرجال واولاد الناس المساكين ناس علي عبد الفتاح وعبيد ختم
ضللتوهم وقلتوا ليهم امشوا الجنوب وجاهدوا عشان تعرسوا الحور العين وانت سعادتك لبدت في بيتك لا جهاد ولا كتال زيك وزي القادة في زمن الاسلام كانوا في صدر المعارك وبكاتلوا وما بدسدسوا وراء الخطوط .. وات مالك ما مشيت الجنوب وجاهدت للحور العين واستشهدت زيك وزي الرجال مع الاولاد المساكين ..........عيب ياريس عيب ...

والمعرس ليها شنو... يعني عاوز تقنعنا انك انساني جدا و عاوز تربي اولاد الشهيد؟؟ طيب يا خوي ما تربيهم ومن غير تعرس امهم وخليها لحظها ونصيبها في الدنيا اجيها شاب ود حلال واديها الذرية الصالحة وتنجب البنات والبنين ............ وكان لنسوان الشهد%C

--------------------------------------------------------------------------------
مداخلة: #18
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 07-11-2005, 08:04 م
Parent: #16


جيناك يا عمر العرور

طيب عايز اسالك سؤال عديل لا لف ودوران: انت المعرس ليها شنو شايفك بقيت عريس كانك خلاص عدلت وكملت كل العدالة والبلدفي خير وفير وفي امن وامان وعدلك عم الانسان والحيوان وبس فضل ليك العرس؟؟

المعرس ليها شنو والعرس لزومو شنو يا سعادة الرئيس ما خلاص عرست وكملت نص دينك من زمان ولا الرئاسة بتستحق ليها انتاية مناسبة للكاميرات والمناسبات والمراسم واستقبال الرؤساء وحضور الحفلات عيب والله يا ريس عيب كبير في حقك وانت امير المؤمنين ويبدو الحكاية الايام دي اصبحت موضة واصبحت سنة اتبعوها الهلافيت بتاعينك وكل واحد نهب البلد ومن غير خجلة قام اعرس ليهو مرة ومرتين وفي العرسوا اربعة نسوان في سنة واحدة يعني قمة المهازل والانحطاط والسفور في استفزاز الشعب التعيس ...
يعني بالله عندك نفس للعرس والبلد كيلو الطماطم فيها بعشرة الف جنيه وكيلو اللحم فيها بستاشر الف جنيه ولسع الناس بتموت بالبعوضة؟؟

والمعرس ليها شنو يا عرة الرجال واولاد الناس المساكين ناس علي عبد الفتاح وعبيد ختم
ضللتوهم وقلتوا ليهم امشوا الجنوب وجاهدوا عشان تعرسوا الحور العين وانت سعادتك لبدت في بيتك لا جهاد ولا كتال زيك وزي القادة في زمن الاسلام كانوا في صدر المعارك وبكاتلوا وما بدسدسوا وراء الخطوط .. وات مالك ما مشيت الجنوب وجاهدت للحور العين واستشهدت زيك وزي الرجال مع الاولاد المساكين ..........عيب ياريس عيب ...

والمعرس ليها شنو... يعني عاوز تقنعنا انك انساني جدا و عاوز تربي اولاد الشهيد؟؟ طيب يا خوي ما تربيهم ومن غير تعرس امهم وخليها لحظها ونصيبها في الدنيا اجيها شاب ود حلال واديها الذرية الصالحة وتنجب البنات والبنين ............ وكان لنسوان الشهداء ما هن يا سيدي الرئيس بالكوم .........وات كان زولا عادل وراجلا كلس تمام واخو اخوان طيب عشان وحدة البلد وعشان تأكد نواياك الطيبة لاخوانا في الجنوب ونحن كلنا اخوان نعم تقدم لخطبة السيدة العظيمة ربيكا زوجة الشهيد البطل الدكتور قرنق واكون منك موقف بطولي ونبيل ووفي للسلام وللشهيد ولوحدة الوطن وكمان هي ذاتهاعندها يتامي بحتاجوا للرعاية والعناية ولا قرنق في رايك ما شهيد او السيدة ربيكا ليست من المقام يا حاكم البلاد الهوان وبنتلاقي..........

--------------------------------------------------------------------------------
مداخلة: #19
العنوان: Re: اسمعنــي يا هــوي يا عمــر البشيــــــــر؟؟
الكاتب: صديق الموج
التاريخ: 07-11-2005, 09:06 م
Parent: #1


هبانى كل عام وانت والسودان بالف خير

واسمعت اذ ناديت حيا

لكن ديل لا احياء ولا حياء

ولا نملك الا ان نقول اللهم لاتؤاخذنا بما فعل السفهاء منا وفينا،،

--------------------------------------------------------------------------------
مداخلة: #20
العنوان: Re: اسمعنــي يا هــوي يا عمــر البشيــــــــر؟؟
الكاتب: فيصل عثمان الحسن
التاريخ: 08-11-2005, 05:57 ص
Parent: #19


العزيز الارباب هبانى كل عام انت واسرتكم الكريمة بألف خبر وصحة وعافية.
انت عارف الجماعة ديل وكت الواحد منهم ظروفه تتحسن شوية اول شى يفكر فيهو
هو الغدر بزوجته الاولى التى عاشت معه الحلوة والمرة كما يقول اهلنا, فكيف
امثال هؤلاء يمكن ان يأتمنوا على مستقبل بلد ,الخيانة والغدر واذية الآخرين
تجرى فى عروقهم مجرى الدم,نسأل الله ان يعجل برحيلهم.

--------------------------------------------------------------------------------
مداخلة: #21
العنوان: Re: اسمعنــي يا هــوي يا عمــر البشيــــــــر؟؟
الكاتب: mutwakil toum
التاريخ: 08-11-2005, 06:21 ص
Parent: #20


هباني ..
كلو سنة وانت طيب ..
الزول ده مالك شايلا معاو كدي . اهلوا شكروه قالوا عوير و عبيط ساي
يادووب ود طه علموا الكعوبية . واسي تحت تحت بقولوا عايز يقلب علي ودطه
تعرف البشير ده . انا واثق انو بعمل علي وضع فكرة انو بليد بذكاء
وانو واعي لي كل المصايب الحولو . ما زولاً ساي طالع للصفقة والرقصة (الله يخيبوا) ..
غايتو ربنا يورينا فيهو يوم نستمتع بي جضوموا النايرات ديل . كلوا مواطن كف

--------------------------------------------------------------------------------
مداخلة: #22
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 08-11-2005, 07:50 ص
Parent: #21


الاخ / دمدوم

كل العام وانتم بخير

يا حبيبي وعزيزي دمدوم انا لم اتعرض لاهلي واهلك في صراصر ولا حوش بانقا بل كنت مباشرا في مخاطبة السفاح البشير وحاشا ان اسيء اهلي واهلك لو تمعنت جيدا وبصدق ما كتبت وايضا لا تهمني المصاهرة وذات القربى بالمدعو علي عثمان او غازي صلاح الدين عندما تكون هنالك اولوية لقضية الوطن والوطن فوق الجميع وليذهب علي وغازي الى الجحيم طالما ظلوا جزءا من الة الدمار والظلم الرهيب واركان اساسية في هذا النظام البغيض ولك معزتي واحترامي.


الرائع الجسور/ دكتور عبد الماجد

كل العام وانتم والوطن بالف خير وشكرا على التوضيح وعاش اهلنا في كل ربوع الوطن ولتسقط الدكتاتورية الى الابد.. محبتي واحترامي


الاخت الباسلة/ تراجي

كل العام وانت والوطن بالف خير
امثالك من نسائنا الشوامخ فخر يكلل هاماتناويعطينا ثقة في مستقبل ات بالرائعين الانقياء وقد تربوا في كنف الشموخ والكبرياء وهم بحسهم النبيل وعطائهم الاصيل حتما لن ينحنوا للطاغوت بل دومالاجل الشعب العظيم.... محبتي واحترامي


الاستاذ الرائع/ صديق الموج

كل العام وانتم والوطن بالف خير

عشت ايها النبيل الاصيل بحسك الوطني السليم وسوف نواصل فضح المفضوحين الى يوم الدين بهكذا لغة حتى تعيد اليهم شيئا من حياء ان كانوا يستحون ولك الف معزة.


الرائع الباسل/ فيصل

كل العام وانتم والوطن بالف خير
معا يدا واحدة لدك معاقل الظلم اللئيم بالكلمة الصادعة المنحازة لشعبنا الكريم ولك معزتي واحترامي..


العزيز الرائع/ متوكل

كل العام وانتم والوطن بالف خير

(والله يا متوكل اخوي المكاجرة لا بد منها وديل اولاد حنوت لا ذمة لا اخلاق فما بنفع معاهم الا الكلام الشين والواضح ده والله المستعان) محبتي واحترامي



هشام هباني

--------------------------------------------------------------------------------
مداخلة: #23
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 08-11-2005, 07:51 ص
Parent: #21


الاخ / دمدوم

كل العام وانتم بخير

يا حبيبي وعزيزي دمدوم انا لم اتعرض لاهلي واهلك في صراصر ولا حوش بانقا بل كنت مباشرا في مخاطبة السفاح البشير وحاشا ان اسيء اهلي واهلك لو تمعنت جيدا وبصدق ما كتبت وايضا لا تهمني المصاهرة وذات القربى بالمدعو علي عثمان او غازي صلاح الدين عندما تكون هنالك اولوية لقضية الوطن والوطن فوق الجميع وليذهب علي وغازي الى الجحيم طالما ظلوا جزءا من الة الدمار والظلم الرهيب واركان اساسية في هذا النظام البغيض ولك معزتي واحترامي.


الرائع الجسور/ دكتور عبد الماجد

كل العام وانتم والوطن بالف خير وشكرا على التوضيح وعاش اهلنا في كل ربوع الوطن ولتسقط الدكتاتورية الى الابد.. محبتي واحترامي


الاخت الباسلة/ تراجي

كل العام وانت والوطن بالف خير
امثالك من نسائنا الشوامخ فخر يكلل هاماتناويعطينا ثقة في مستقبل ات بالرائعين الانقياء وقد تربوا في كنف الشموخ والكبرياء وهم بحسهم النبيل وعطائهم الاصيل حتما لن ينحنوا للطاغوت بل دومالاجل الشعب العظيم.... محبتي واحترامي


الاستاذ الرائع/ صديق الموج

كل العام وانتم والوطن بالف خير

عشت ايها النبيل الاصيل بحسك الوطني السليم وسوف نواصل فضح المفضوحين الى يوم الدين بهكذا لغة حتى تعيد اليهم شيئا من حياء ان كانوا يستحون ولك الف معزة.


الرائع الباسل/ فيصل

كل العام وانتم والوطن بالف خير
معا يدا واحدة لدك معاقل الظلم اللئيم بالكلمة الصادعة المنحازة لشعبنا الكريم ولك معزتي واحترامي..


العزيز الرائع/ متوكل

كل العام وانتم والوطن بالف خير

(والله يا متوكل اخوي المكاجرة لا بد منها وديل اولاد حنوت لا ذمة لا اخلاق فما بنفع معاهم الا الكلام الشين والواضح ده والله المستعان) محبتي واحترامي



هشام هباني

--------------------------------------------------------------------------------
مداخلة: #24
العنوان: Re: اسمعنــي يا هــوي يا عمــر البشيــــــــر؟؟
الكاتب: عمر الفاروق
التاريخ: 08-11-2005, 10:42 ص
Parent: #1


هشام هباني


Quote: ولو اجيبونا جنايز في صناديق من امريكا


وانا أقول الفصاحة وطولة اللسن دي شنو ؟؟؟؟
تاريك تاكل في بلاد العم سام بتضرب في المايونيز والكاتشب والبطاطس المقلي !!!!

يا أخوي كان دي الريبا والتلافي المارق ليهم الله يخيبك !!!!!!!!!!
أبقا راجل وأمشي في ميدان أبو جنزير وأنبح جنس النبحي ده وورينا بعد داك البيحصل شنو !!
لكن غالباً انا حا أوريك الممكن يحصل شنو :
حا يودوك أمريكا في صناديق يعني مش يجيبوك منها ..ومش ناس الحكومة لالالالالالا لكن أهل الناس الإنت مادي فيهم لسانك ديل !!!!!

تخريمة :

لكن ما تقول لي الريبا والتلافي ماااااااااااااااااااااااااااا عندك !!!!!!!

--------------------------------------------------------------------------------
مداخلة: #25
العنوان: Re: اسمعنــي يا هــوي يا عمــر البشيــــــــر؟؟
الكاتب: waleedi399
التاريخ: 08-11-2005, 11:39 ص
Parent: #24


Quote: أبقا راجل وأمشي في ميدان أبو جنزير


جنزير في النجوم هـباني يا حليلو ...

قوم جاك البشير، الليلة البشير عـيدو

--------------------------------------------------------------------------------
مداخلة: #26
العنوان: Re: اسمعنــي يا هــوي يا عمــر البشيــــــــر؟؟
الكاتب: Saifeldin Gibreel
التاريخ: 09-11-2005, 00:32 ص
Parent: #25


ودهبانى يا رائع.............. ايدن ازتا ما بنسالما... لى جنا الجنا

وكل سنة وانت طيب وتحياتى لكل ناس تكساس.
سيف الدين جبريل

--------------------------------------------------------------------------------
مداخلة: #27
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 09-11-2005, 11:22 ص
Parent: #24


اخونا عمر الفاروق ابو طايوق

العيد مبارك علينا عليك

يا خوي اظنك ماك عارف انوالبطاطس المقلية والمايونيز والكاتشب دي اكلات الفقرانين في امريكايعني الزينا نحن التكاسة الغلبانين هناك وبعدين يا خوي حتى لو اكلناها اكلناها بعرقنا وكدحنا وبكل المخاطر بتاعة التاكسي في بلاد العم سام واظنك ما سمعت بالاغنية البتقول( وفي تكساس الضرب رصاص) ديل ما نحن ظـــــــــاتو التكاسة المارقين للربا والتلافي .. وما بناكلها بالحرام ونهب العباد وفساد البلاد زي ما بسووا ( اخوانا في الله) من حكام السودان والتابعين من الكلاب والازلام والقوادين والخصيان وبالطبع انت ياخوي لست منهم والله اكضب الشينة......... محبتي واحترامي







الباسل/ سيف جبريل

كل العام و وانتم والوطن بالف خير

(وراهم وراهم والزمن طويل وسيك سيك معلق فيك) هي نهجنا في فضح الخونة والمستبدين ودونه ارواحنا كما يفعل الشهداء والابطال فهم افضل واشرف منا جميعا لانهم قالوها بملء الفم لا والف لا للظلم لا ولاجلها وهبوها رخيصة المهج والارواح ولا نامت اعين الجبناء ولي قدام . محبتي واحترامي

--------------------------------------------------------------------------------
مداخلة: #28
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 13-11-2005, 02:51 م
Parent: #1


ولسسسسسسسسسسسسسسسسسسج بنجيك يا العرور الكرور وكيتا في كلابك البتنبح؟؟

--------------------------------------------------------------------------------
مداخلة: #29
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 15-11-2005, 02:36 م
Parent: #28


ولسسسسسسسسسسسسسع ما فضينا ليك يا عرور

--------------------------------------------------------------------------------
مداخلة: #30
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 18-11-2005, 05:36 ص
Parent: #29


ولسسسسسسسسسسسسسسسع ما فاضيين ليك يا عرور

--------------------------------------------------------------------------------
مداخلة: #31
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 21-11-2005, 00:28 ص
Parent: #1


...................

--------------------------------------------------------------------------------
مداخلة: #32
العنوان: Re: اسمعنــي يا هــوي يا عمــر البشيــــــــر؟؟
الكاتب: هشام هباني
التاريخ: 08-12-2005, 06:24 ص
Parent: #1


....................


--------------------------------------------------------------------------------

ليست هناك تعليقات:

إرسال تعليق