الأحد، 27 أبريل 2008

الكديس السـوداني البطل يهزم الكديس الامريكي العظيم

مكتبة هشام هباني الكديس السـوداني البطل يهزم الكديس الامريكي العظيم!!
12-10-2006, 02:10 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200026439&rn=0


--------------------------------------------------------------------------------
مداخلة: #1
العنوان: الكديس السـوداني البطل يهزم الكديس الامريكي العظيم!!
الكاتب: هشام هباني
التاريخ: 12-10-2006, 02:10 م



في المسابقة العالمية لمصارعة القطط العالمية المشهورة التي تنظمها الولايات المتحدة الامريكية...انتصر كديسنا السوداني الحمش جدا في المباراة النهائية علي لقب البطولة علي القط الامريكي العظيم صاحب اللقب العالمي لاكثر من خرتمية مرة بعد ان هزم كل كدايس الدنيا!!
عقب المبارة عقدت منظمات صحافية عالميةمؤتمرا صحافيا عالميا مع كديسنا البطل ووجهوا له عدة اسئلة وهم يبدون تعجبهم من هذا الكديس المعجزة القادم من بلد فقران وجوعان من افقر وافسد بلدان الدنيااذ كيف ينتصر علي الكديس الامريكي السوبرالعظيم الشحمان المرتاح صاحب اللقب بلا منازع...وبالطبع كديسنا السوداني لا يعرف الكذب...كعادة اهله السودانيين من ذلك الزمن الجميل وهو يقول لسائليه: والله ياجماعة الكضب حرام...والله انا البطولة دي ما بستحقها..عشان انا اصلا والله ما كديس..اصلو انا نمـــر لكن نسبة للظروف الاقتصادية والمجاعات(كشيـت) من الجوع لمن بقيت كـــــــــــــــديس!!

حلوة

--------------------------------------------------------------------------------
مداخلة: #2
العنوان: Re: الكديس السـوداني البطل يهزم الكديس الامريكي العظيم!!
الكاتب: هشام هباني
التاريخ: 12-10-2006, 05:33 م
Parent: #1


قيل ان الحمار والكلب والثعلب ضبطوهم على الحدود في حالة هروب وتسلل من البلد وعندما سالوا الكلب لماذا قرر الهجرة...فاجابهم بانه في الزمن الجميل القديم كان بامكانه ان يتحصل علي لحمة وعظمة يومية من اقرب جزارة او بيت طهور او بيت عرس او بيت سماية... والان صار ياكل اب سبعين والقصب مع خروف سيده... ولذلك قرر الهروب بسبب الجحم للعضة!!
ولما جاء دور الثعلب قال لهم انه كان معروفا بالثعلب المكار والمحتال وعلي هذه الخلفية كان يقتات من فهلوته واحتياله... واما الان فانه لا يستطيع العيش علي النصب والاحتيال نسبة لان بالبلاد اليوم اكثر من مليون محتال وحرمي ونصاب وحتى التيوس اخر الزمن اتعلمت تغش!!
وعندما جاء الدور علي الحمار....قال لهم انه سيحتفظ باجابته لحين ملاقاته الرئيس البشيرفحملوه بطائرة رئاسية الى الخرطوم وهناك في القصر الجمهوري قابل الرئيس البشير..وساله البشير قائلا: اها يا شيخنا الحمار عرفنا انو الكلب عندو عذر في الهجرة والثعلب كمان كلامو منطقي... وانت الموديك معاهم شنو!! وهنا ضحك الحمار قائلا للريس البشير: داير الصراحة يا سعادتك..علي بالطلاق انا ظاااطي ظيك ما عارف الحاصل شنو!!

--------------------------------------------------------------------------------
مداخلة: #3
العنوان: Re: الكديس السـوداني البطل يهزم الكديس الامريكي العظيم!!
الكاتب: هشام هباني
التاريخ: 12-10-2006, 05:38 م
Parent: #2



بالمناسبة اي زول عندو نكتة ( انقاذية) ما اقصر بالله من تزويدنا بيها لانو الدنيا عيد
وعايزين حبة فرفشة مع الصيام ده!!

--------------------------------------------------------------------------------
مداخلة: #4
العنوان: Re: الكديس السـوداني البطل يهزم الكديس الامريكي العظيم!!
الكاتب: محمد مختار جعفر
التاريخ: 13-10-2006, 05:34 ص
Parent: #3


بس يا أبو ( أحمد ) و ( نضال ) الدنيا رمضان
والواحد خايف على صيامه ، تطلع منو نكته فيها
كدى .. والله كدى طوالى دل وقالو زى ما الحسنة
مضاعفة السيئة كمان مضاعفة كدى أمسك خشيمك حبتين
اليومين الفضلو ديل ..........
أو عك تقول حالتى دى ماسكو .. لكن لو فى ناس فى
بلاد العم سام خارتنو يمكن ما يفرق معاهم كتير ..
تحيــــــــــاتى وإحترامى ...
محمد مختار جعفر



--------------------------------------------------------------------------------

ليست هناك تعليقات:

إرسال تعليق