الخميس، 1 مايو، 2008

يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟

مكتبة هشام هباني يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
21-01-2006, 07:28 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1199945353&rn=0


--------------------------------------------------------------------------------
مداخلة: #1
العنوان: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: هشام هباني
التاريخ: 21-01-2006, 07:28 م


كلما حطت طائرة رئاسية تقل احد الرؤساء من ضيوف القمة الافريقية للخرطوم هب رئيسناالهمام وحاشيته وحرسه الدمية والذي لا اعرف نعته واسمه حتي اليوم يرتدي الريس بدلة ( مخستكة) والكرشة زايدة اليومين ديل ماطة البدلة لقدام رغم انو عامل عسكري وكمان مظلي وكان افضل ليهو لخلقتو دي الجلابية ( بيضة مكوية) عشان بتستر الكرشة الشينة ديك .. وبعدين الزول ده كنت بشوفو زمان طويل عديل لكنو اليومين ديل بقي جضيب وقصير عديل جنب الرؤساء الافارقة والمصيبة طوالي مكشر ومتلش وبعدين في استعراضه طابور الشرف الراجل بقت عندو عرجة وكجل واضح وما فاضح فبالله ورونا يا جماعة القصة شنو الزول ده عيان ولاشنو ولا عندو حساسة كبيرة؟؟

--------------------------------------------------------------------------------
مداخلة: #2
العنوان: Re: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: ABDELMAGID ABDELMAGID
التاريخ: 22-01-2006, 01:00 ص
Parent: #1


ود العم هشام
مساك الله بالخير
يا اخوى خلى قصرو و جضبو داك .. ات دحين بينى و بينك ياتا فى ( الحريم ) سيدة السودان الأولى ؟؟؟
كسره
و لا زى ما بقولوا أهلنا الجديد فى ( الكرو ) سمح !!!!
عبدالماجد

--------------------------------------------------------------------------------
مداخلة: #3
العنوان: Re: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: wadalzain
التاريخ: 22-01-2006, 03:48 ص
Parent: #2


يا هشام

الزول ده كان الرقيص الكتير عامل ليهو رياضه واخونا طول من الرقيص شغلو ليهو شنان وقيقم عشان يرقص باقى الزول خرمان وحرام يموت بخرمتو دى بعد شويه بدقدق واتورم واتربع يبقى زى فندك الفلاته , والله انا ما عارف بتلاليشو دى بقامل ودويه كيف غايتو بت العم ديك مجبوره عليهو لكن ديدى , الله يستر .

--------------------------------------------------------------------------------
مداخلة: #4
العنوان: Re: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: Nasruddin Al Basheer
التاريخ: 22-01-2006, 04:12 ص
Parent: #3


كيف حالك يا ود هباني
وكل سنة وإنت طيب

كل ما أدخل لبوست من بوستاتك بضحك من
شدة كراهيتك للراجل العجيب ده..
والله يا هشام نفس الملاحظة بتاعتك دي لاحظتها أنا أمس
جقيقة ، شكلو ما بيدل على إنو عسكري على الإطلاق
لأنو مرخرخ والكريشة ظاهرة وفعلا بقى قصيّر لأنو كش
زي توب الدمورية الجديد بسبب المشاكل والهموم
أما الحرس الشخصي بتاعو فاسمو رشاد البلك..
لك التحية عشان إنت حاتيهو قرض مع الجماعة..
وتسلم من أي تهديد

--------------------------------------------------------------------------------
مداخلة: #5
العنوان: Re: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: هشام هباني
التاريخ: 22-01-2006, 10:42 ص
Parent: #4


الاعزاء/ عبد الماجد وودالزين وناصر

ليكم التحايا والود وانتم تشخصون معي حالة ريسناعمر العيفة التليفة وانا معاكم حكايى الكريشة الزايدة دي ربما الراجل طول من الرقيص والكشف الزمان مما دخلت عليهو حساسة لاهاي والتزنيقات بتاعةالخواجات الشديدة عليهو واماقصة الكجولة دي ربما بعد الزواج الجديد من سيدتنا الاولى ( ودوية) فالامور عاوزة مجاهدات شديدة مما اصاب الريس حالة كجولة مزمنة اثرت علي مشيته في طوابير اللا شرف الرئاسي ولا كمان ممكن الزول ده يا جماعة اكون اتعرض لمحاولة اغتيال حديثة مسكوت عنها بعكاكيز سودانية مضببة وصادفت هذه العكاكيز والقرجات كرعين الريس وربما (كورة ظراطه) الامر الذي اعجز اطباءه الخصوصيين في مداواته استعدادا لهذه القمة الافريقية ولله في خلقه شئون.

--------------------------------------------------------------------------------
مداخلة: #6
العنوان: Re: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: omar ali
التاريخ: 22-01-2006, 11:21 ص
Parent: #1


يا اخوي هشام ما تنسي ان الكرشة البارزة
دي والكضيمات والشحوم المكتنزة في
مؤخرته هي من جهة اخري دليل علي النعمة
التي يسبح فيها آل البشير مرددين:
الم يجدك يتيما فآوي ووجدك عائلا فاغني..
لك ان تعود لاول صورة نشرت للبشير بعد
انقلابه المشؤوم ..والله زي القصبة وغائر
الوجنتين..اها بعد داك النعمة درت ...وجبات
من الهيلتون وفيلات في كافوري درجة اولي
جنب السفارات ..وكأنه يرديد الانتقام من التاريخ
حيث ان والده كان يعمل عاملا في مزارع كافوري
كما يقال.
وعين الحسود فيها عود

--------------------------------------------------------------------------------
مداخلة: #7
العنوان: Re: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: محمد عثمان الحاج
التاريخ: 23-01-2006, 02:28 ص
Parent: #1


ود هباني تحياتي


Quote: لكنو اليومين ديل بقي جضيب وقصير عديل



تعرف انا يخيل لي إنو السبب الرئيسي في فشل الجيش السوداني وهزائمه المنكرة واضطهاده لمن يسميهم باحتقار الملكيه وهدمه للديمقراطيات ومن ثم نشر الفساد المالي والاخلاقي ونهب البلاد أن سبب كل ذلك يعود لأن شرط القبول في الجيش السوداني هو "لايقل طول المتقدم عن خمسة قدم وسته بوصات".

تخيل أعظم قائد عسكري في العالم الحديث الجنرال جياب قائد الجيش الفيتنامي الذي هزم فرنسا ومن بعدها أقوى قوة في العالم أمريكا والذي تدرس معركته الشهيرة ديان بيان فو في الكليات العسكرية طوله أربعة أقدام وسته بوصات فقط ورغم أن الفيتاميين مثلهم مثل بقية الآسيويين قصار القامة فالجنرال يعتبر بينهم قصير قامة أيضا!!!!

هذا إذا غضضنا النظر عن نابليون أما هتلر فلا داعي لذكره!

حين يأتي اليوم الذي يكون فيه قائد جيشنا طوله أربعة قدم وستة بوصات تأكد أننا سنكون ناعمين بالديمقراطيه غير خائفين من سطوة العسكر عليها بليل وسيتفرغ الجنود لبناء المدارس ومساعدة الاطفال على عبور الشوارع بدلا من أن يكونوا بعبعا!!!

--------------------------------------------------------------------------------
مداخلة: #8
العنوان: Re: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: علي عبدالرحمن الزين
التاريخ: 23-01-2006, 05:23 ص
Parent: #7


هشام هباني:
*شخص أباد ما يقارب النصف مليون شخص في دارفور,يتم أطفال وجعل امهات ثكلى ورمل نساء كيف تريد لشكله ان يكون؟
*ان الله يريه سوء أفعاله قبل ان يموت.

--------------------------------------------------------------------------------
مداخلة: #10
العنوان: Re: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: هشام هباني
التاريخ: 23-01-2006, 06:42 ص
Parent: #8


العزيز عمر علي

سلام
والله كلامك في محلو الزول اثار النقنقةباينة في وجناتو وفرق ما بين صورتو( الخايف منها) في ثلاثين يونيو يوم الانقلاب المشؤوم وصورتو( الخايف عليها) الليلة في يوم القمة الاسطورة.. بس المحيرني مالو اتعفص واطفق كده زي كوز الطلس القاعد عشرين سنة في زير السبيل... ولو لاحظتو ليهو الكرعين في المشي بقوا اتلخبتن لخبتة شديدة ما قادرات اظبطن مع الزمن بتاع موسيقي طابور العرض... يعني بقي زول مجوبك وكمان خلايقة عديل...والله محتاج لدكتور ختري شديد..لانو يا جماعة في النهاية الزول رئيسنا بندورو اكون قيافة بين ( الكدامير) الرؤساء الضيوف..


اخي محمد عثمان

سلام

ياريت لو عندنا زول زي الجنرال جياب رجل عملاق باخلاقه وبطولاته وحرر شعبا عملاقا....لكن زولنا مقصر في خلقتو وفي اخلاقو والله اعينا علي الظالمين..


اخوي علي

صـــــاح كلام عقل ....سوء اعمالو ومصايبو بانت في خليقتو وقالوا اهلنا ( التسوي كريت في القرض تلقاهو في جلدها) محبتي واحترامي

--------------------------------------------------------------------------------
مداخلة: #9
العنوان: Re: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: شمس الدين محمد العوض
التاريخ: 23-01-2006, 06:29 ص
Parent: #1


هشام

هل سمعت مقاله رسول الله صلي الله عليه وسلم ل أم المؤمنين عائشة رضي الله عنها حينما وصفت إحدى زوجاته بالقصر- قال لها:

(لقد قلت كلمة لو انها مزجت بماء البحر لمزجته) انتقد الرجل في خلقه(بضم الخاء) وليس في خلقه (بفتح الخاء)

--------------------------------------------------------------------------------
مداخلة: #11
العنوان: Re: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: abuguta
التاريخ: 23-01-2006, 07:02 ص
Parent: #9


[greeen]
قريبى عمر
كيف حالك

ياخوى انت زولك دا قاعد يستقبل فى ماندلا ..ماهم كلهم شبهو جميعهم جو بانقلاب ودبابات
وواحدين مكنكشين فيها من سنة حفروا الترع.وشعوبهم كارهاهم ..لذا لو صار رئيس دورة او ما صار كل عتدالمستنيرين راعى بقر...ربك يهونها لينا ويكشحهمم كلهم من عيونا...
تحياتى لك...لكن اجمل استقبال عجبنى لرئيس الحبوش...الناس التقول تيمان...لكن الحبشى
خرط البشير بالرشاقة والوجاهة والحيوية...لكن بتنا وداد طالبة الطب عافى عليها والله حيرت ليك بتاع الكاميرا ذاتو...لكن والله نجيضة احسن تدردس اصلو ولادة مافى وممكن بكرة زولك دا يشنقلوه بره الكرسى المربط عليه دا...تقول كدا تمشى تشتغل بشهادتها دكتورة فى الجزيرة
ها ها ها ها ها ها

--------------------------------------------------------------------------------
مداخلة: #12
العنوان: Re: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: هشام هباني
التاريخ: 23-01-2006, 12:23 م
Parent: #11


اخونا شمس الدين

جزاك الله عنا كل خير للنصيحة الغالية و( الدين النصيحة).



اخونا العزيز ابو قوتة


يا زول ما تفلت ساكت ات وراك عيال بتدور تيتم وليداتك ولا شنو وكمان بتسافر السودان مالك ومال ام المؤمنين تلد ولا ما بتلد والله وحده يهب الذكور والاناث؟؟

محبتي واحتراماتي

--------------------------------------------------------------------------------
مداخلة: #13
العنوان: Re: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: عبدالرحمن خلف الله
التاريخ: 23-01-2006, 02:21 م
Parent: #12


الاخ هبانى
ان من اسباب فشلنا هو احتقارنا لولاة امورنا
البشير الذى تتحدث عنه بهذا الاسلوب هو الذى صال وجال فى ساحات الوغى
وهو نفسه الذى قاد الفيالق زحفا وسيرا على الاقدام فى اشد مناطق الجنوب وعورة
وهو نفسه الذى صارع التمرد فى الاحراش واكل من اوراق الشجر
وهو نفسه الذى مرغ انف المتمردين اعداء الوطن ونام مع الثعابين وزواحف الارض
لتنام انت وغيرك على اسرة الراحة فى المدن المحصنة باشلاء الشرفاء من اصحاب البشير
وهو نفسه البشير الذى جاء الى السلطة من احراش ميوم بعد ان تعالت الاجراس معلنة عن
المزاد الذى نصب لبيع السودان
واخيرا وليس اخرا هو البشير الذى خلقه الله فسواه فعدله فهل لديك اعتراض
وان عدتم عدنا

--------------------------------------------------------------------------------
مداخلة: #14
العنوان: Re: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: هشام هباني
التاريخ: 23-01-2006, 02:30 م
Parent: #13


اخوي عبد الرحمن

مبـــــــــــــــــــــــــروك عليك البشير العيفة التليفة وارقد قفا اخوي لي قدام

محبتي واحترامي

--------------------------------------------------------------------------------
مداخلة: #15
العنوان: Re: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: ghariba
التاريخ: 23-01-2006, 03:03 م
Parent: #1


الاخ هشام

اشعر دائما عند دخولي لبوستاتك بانها مقززة

سؤالي :

هل انت مثل بوستاتك ؟

--------------------------------------------------------------------------------
مداخلة: #16
العنوان: Re: يا جماعةانتو مالو البشير اليومين ديل مكرش ومتلش ومتكجول وكمان بقي قصيرعديل؟؟
الكاتب: هشام هباني
التاريخ: 23-01-2006, 03:21 م
Parent: #15


اخوي غريبة


يا سبحان الله والله غريبة



حتـــي انت يا غريبة؟؟؟


--------------------------------------------------------------------------------

ليست هناك تعليقات:

إرسال تعليق