الأربعاء، 30 أبريل، 2008

عشان شنو 15 الف دولار يا تاج الطين المهدي ويا سعادتو المصباح..الضباح اللفاح ؟؟

مكتبة هشام هباني عشان شنو 15 الف دولار يا تاج الطين المهدي ويا سعادتو المصباح..الضباح اللفاح ؟؟
22-03-2006, 01:52 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1199944705&rn=0


--------------------------------------------------------------------------------
مداخلة: #1
العنوان: عشان شنو 15 الف دولار يا تاج الطين المهدي ويا سعادتو المصباح..الضباح اللفاح ؟؟
الكاتب: هشام هباني
التاريخ: 22-03-2006, 01:52 ص


((فقد اتصل سعادته امس تلفونيا ووضح مشكورا بعض النقاط التي ازالت
اللبس الحاصل
وذلك بخصوص الأموال التي صرفت في احتفالات السفارة بالإستقلال وقد اكد انه
استلم حوالة مالية من تاج الدين المهدي بمبلغ 15 الف دولار وتم تحويلها
الي 56250 ريال وهو مستعد لتقديم كل المستندات الخاصة بصرف هذا المبلغ
وذلك ابراءً لزمته))
ـــــــــــــــــــــــــــــــــــــــــــــــــــــــــــــــــــــ

عالم تافهة بت مليون كلب لا تستحي من السفلةوالاوغاد واللصوص وما بتستحي في بلد فقرانة تستجدي الصدقات والمنح علانية عند ابواب المانحين ..وكمان عاملين بلد ( رسالية) تبدد بكل استهتارالاموال المجبية من عرق وشقاء المغتربين المشردين في فيافي الدنيا ووهادها تحت سياط الذل والاستغلال والعبودية.. وبكل سهولة تبدد هذه الاموال المنهوبة لتجيير وجه نظام متهالك قذر متعفن بلا استحياء يحتفل بالاستقلال والوطن في زمانهم معدوم الاستقلال منتهك السيادة ومحتل الارض في حلايب وشلاتين والقوات الدولية تمرح في جنوب النيل الازرق وفي جبال النوبة وفي الجنوب و القوات الدولية ايضاقادمة بخنوعهم و( فنقستهم) ايضا لدارفور....والمواطن في زمانهم البئيس يفقد حقه في التعليم والدواء و مقتول ومعذب و مشرد ومطارد يكابد الفقر المرير المهين..وبلا استحياء يبدد هؤلاء الرسميون اللصوص هذه الاموال السائبة في المظاهر والبوبار ليرتع فيها اللصوص الرسميون الرساليون كبنود مفتوحة للنهب اليومي وهو شرعة هذا النظام السراق..
ان مبلغ 15 الف دولار ليس مبلغا تافها وبسيطا يا سعادة تاج الطين المهدي..يا رئيس جهاز (المكتئبين) ويا سعادة اللفاح المصباح .. كان اولي بها ان تنفق في اوجه صرف معقولة لمن يحتاجونها هنالك في الوطن بدل هذا ( البوبار)..في خارج البلاد حيث كان اولي ان تقيموا بها عدة (دناكي) لشرب الماءعند معسكرات اللاجئين في دارفور الحبيبة.. او تنفقوها علي ترحيل بعض اسر المعلمين السودانيين الضائعة في اليمن ولا تملك ثمن تذكرة العودة للوطن الحبيب ..وهو ايضا مبلغ يمكن ان يعيل ثلاث اسر فقيرة لمدة عام في هذا الوطن الشقي.... ولكنكم لستم من يشعر ويحس بمعاناة اهلنا البؤساء.. ويحس بمراراتهم...لانكم تفتقرون للعواطف والاحساس ايها القتلة المجرمون..ومثل هذا المبلغ ادرك تماما انكم تنفقون اضعافه واضعافه في مثل هكذا مناسبات لتبرير النهب المصلح للمال العام تحت بنود وطنية واحتفالية....كالملايين التي انفقتها الدولة السراقة علي القمة الافريقية المخستكة وايضا ستنفقها علي القمة العربية القادمة.. وهي اخصب الاجواء للنهب .. لمصلحةاليعاسيب والصراصير وشي من القرمبع الصغار علي شاكلة قناصل وملاحق واداريين وارزقية في بلاط دبلوماسيتنا العرجاء..فلا نامت اعينكم ايها اللصوص الجبناء........وكان الله في عونك ايها الشعب التعيس وايها المغترب البئيس؟؟
هباني ظاااطو

سندة: النص اعلاه في صدر البوست مقتطف من بوست للاخ المناضل احمد حنين..

( جد جد حارقاني والله ال 15 الف دولار دي..عشان كدة جيت ناطي من الاجازة بتاعتي وبشوفكم في ستة ابريل وشدوا حيلكم يا المفنقسين بعد ما فنقس شيخكم الكبير الضحك شرطكم )

--------------------------------------------------------------------------------
مداخلة: #2
العنوان: Re: عشان شنو 15 الف دولار يا تاج الطين المهدي ويا سعادتو المصباح..الضباح اللفاح ؟؟
الكاتب: ادريس خليفة علم الهدي
التاريخ: 22-03-2006, 03:56 م
Parent: #1


هون عليك يا خال فما بالك بــ 56 مليون دولار تكاليف القمة الافريقية و 6 ميلون دولار تكليف اليخت الرئاسي .. وهناك زاحد آخر هدية من دولة صديقة الآن علي شواطئ بوتسودان .

والله اعلم كم هي تكاليف القمة العربية .

كسرة :
تحياتي لاحمد ونضال وامهم

--------------------------------------------------------------------------------
مداخلة: #3
العنوان: Re: عشان شنو 15 الف دولار يا تاج الطين المهدي ويا سعادتو المصباح..الضباح اللفاح ؟؟
الكاتب: هشام هباني
التاريخ: 30-03-2006, 08:05 م
Parent: #2


معقولة يا جماعة الخير 15 الف دولار الورقة في ...يظ الورقة صرفوها في احتفال سفارة السودان بالرياض بس بمناسبة الاستقلال ومال الاحتفال بالانقاذ بي كم.... وبعدين كيف الحكاية دي صرفوها في شنو يا ناس الرياض دحين ضبحوا ليكم مية تور وجابوا ليكم وردي وابو الامين والطقطاقة فاطمة لستك وود الفاروق ولا شنو؟ وبعدين شنو علاقة ديوان شئون المغتربين ارسل لي سفارة السودلان الغنيانة بالرياض مبلغ قدر ده ما السفارات دي تابعة لوزارة الخارجية....؟ وبعدين يا ناس الرياض انتو ما عندكم ذمة ما تدفعوا من جيوبكم للاحتفال بالاستقلال... والله كلام عجيب يا اخونا المصباح الضباح وعليك قوة عين بالتلفون الفضاح والله ده كلام مو صاح.........ولا شنو يا ود الموج اخوي الضحضاح الجماح النحناح..الكلام ده تب ما بخش في الراس.....وعند (غريبة) الخبر اليقين كهدهد سليمان الزلباح؟؟

--------------------------------------------------------------------------------
مداخلة: #4
العنوان: Re: عشان شنو 15 الف دولار يا تاج الطين المهدي ويا سعادتو المصباح..الضباح اللفاح ؟؟
الكاتب: Saifeldin Gibreel
التاريخ: 31-03-2006, 01:18 ص
Parent: #3


وما تنسى اليخت بتاع البنت العجيبة دى


--------------------------------------------------------------------------------

ليست هناك تعليقات:

إرسال تعليق