الدخــان في السودان اكبر فضيحة يا اخوان

مكتبة هشام هباني الدخــان في السودان اكبر فضيحة يا اخوان!!
01-03-2007, 09:07 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1188806715&rn=0


--------------------------------------------------------------------------------
مداخلة: #1
العنوان: الدخــان في السودان اكبر فضيحة يا اخوان!!
الكاتب: هشام هباني
التاريخ: 01-03-2007, 09:07 م


نحن شعب متدين ومحتشم جدا جدا ومناخنا حارجاف صيفا و حار جاف شتاء ( يعني ما في رطوبة)!
ولكن طقوس الدخان السودانية وارتفاعه من فوق اسقف قطاطينا وصرايفنا ودرادرنا وحيشاننا لهو اصرح موقف اعلامي في الدنيا ولا يضاهينا فيه الليبراليون الغربيون بكل اعلاناتهم التجارية المضيئة في التعبير عن حالة جنسية قادمة..حيث كل اهل القرية والحلة والحي المارين من عند هذا البيت يعلمون علم اليقين ان هنالك مشروع انجاب ذرية صالحة في هذا المصنع والذي يعلو دخان مدخنته الي عنان السماءوان البعل فلان موجود في بيته او قادم اليه من سفرحيث لا يمكن ان تتم هذه الطقوس في غياب البعل الا اللهم ان كان قادما من سفر مؤكد !
والمفارقة ان شكل العلاقة داخل البيت بين الطرفين الاساسيين في هذه العملية علاقة اقرب الي الجفوة,,حيث لا تبدو اية علامات للمودة والمحبة بين الطرفين الاساسيين امام الاطفال
اي المنتوجات ..حيث لا يتناول الوالد الاكل في مائدة واحدة مع ام العيال ويحاول دوما ان يخفي احاسيسه وتعبيراته عن المودة لام العيال امام العيال الصغار والكبار.. ولا تذكره ابدا باسمه ولا هو يذكرها باسمها..ودوما ما ينام الوالد في الديوان ان كان بالقطية ديوان لانه في بيوتنا الريفية لم نعرف حتى ذلكم الزمن غرفة النوم للاب والام شركاء المصنع!! ودوما الام في حالة تبرير وحرج كبيرين عند اقدامها علي ايقاد حفرة الدخان هذه العملية المفضوحة امام صغارها متذرعة برطوبة الجو وهو امر لا يخفي علي ابنها تلميذ الرابعة ابتدائي الدارس طقس السودان ومناخه جيدا ولن تفوت عليه هذه اللعبة البائخة وخاصة لو كان الجو صيفا!!
والمحير لهؤلاء الاطفال كل عام يستقبلون اخا او اختا لهم يحتفون بسمايته وهدهدته وفي اعين الابناء الكبار نظرات اعجاب لهذين الممثلين الكبيرين البارعين المحتشمين والمفضوحين معا ابيهم وامهم وقد فضحهما القادم الصغير الجديد وقبله الدخان الصاعد الي عنان السماء قائلا لكل اهل القرية هنا جنسسسسسسسسسسسسسسسسسسسسس!
ولكن تظل هنالك منخولية في راس احد الابناء الاشقياء وهو يقول لنفسه محتارا((القطية صغيرة ونحن سبعة وعندنا سريرين بس والمحيرني...حمودي السعمبوتي ده جاء كيفن ووين وبتين والله لكن العجايز اولاد هرمة اكون عملوها ونحن بنلعب كرعوت ولا شليل وين راااح!!؟))

اها يا ناس الدين رايكم شنو في الفضيحة دي اليست شيئا مثيرا للفتنة الجنسية اكثر من نظرة الي امراة وهو امر يعلمه كل اهل الحي والقرية

--------------------------------------------------------------------------------
مداخلة: #2
العنوان: Re: الدخــان في السودان اكبر فضيحة يا اخوان!!
الكاتب: shahto
التاريخ: 01-03-2007, 09:11 م
Parent: #1


HAHAHAHAH
YA WALD AL DWEAM MALK ALYNAA

--------------------------------------------------------------------------------
مداخلة: #5
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 01-03-2007, 10:03 م
Parent: #2


ازيك يا شحتو زمان قالوا حبوبتاتنا كانوا قبل الطلح بدخنن بالنيم
يعني جدودنا زمان وصونا علي الوطن.. ونهتم بالنيم وناكل نيم واهو اكلنا النيم!
يعني تخيل جدك طالع من الصباح ماشي الجزر شايل قفتو وريحتو نيم نيم!! فضيحة في السوق ولو سالو في السوق واحد عوير ساكت ريحة النيم دي شنو يا حاج.. بقول ليهم ماكل ملاح نيم؟!!

--------------------------------------------------------------------------------
مداخلة: #62
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 11-03-2007, 08:43 ص
Parent: #5


.............

--------------------------------------------------------------------------------
مداخلة: #3
العنوان: Re: الدخــان في السودان اكبر فضيحة يا اخوان!!
الكاتب: celecon
التاريخ: 01-03-2007, 09:23 م
Parent: #1


العزيز جدا هشام هبانى ..

طيعا من المعجبين بكتاباتك جميعا
ويمكن دى تانى مداخله لى معاك ..
بس عجبتنى شديد وعجبنى كمان طرحك
للموضوع بالطريقة الدرامية الجميلة
دى وعشنا معاك الصورة الخيالية كاملة


يديك العافية ..

--------------------------------------------------------------------------------
مداخلة: #4
العنوان: Re: الدخــان في السودان اكبر فضيحة يا اخوان!!
الكاتب: عبدالرحمن عبدالله أبوشيبة
التاريخ: 01-03-2007, 09:33 م
Parent: #3


على طاري الطلح والدخان يا ود هباني ،، قالوا واحدة من نسوان الحلة جات لي صاحب الزريبة وقالت ليهو إنشا الله يكون طلحك دا من النوع السمح ،،، ؟ قال ليها أنا سماحتو من عدمها مابعرفها،،،، لكن يابت العم امس الفحم خلص وشديت القدرة بالطلح الصباح جيت ادخل الكمشة ماقدرت،،،، أها رايك شنو في طلح زي دا.

--------------------------------------------------------------------------------
مداخلة: #7
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 01-03-2007, 10:09 م
Parent: #4


علي الحرام يا ابوشيبة دي اجمل نكتة سمعتها في العشرة سنوات الاخيرة يا زول يا بلوي يا مسنوح!!

--------------------------------------------------------------------------------
مداخلة: #6
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 01-03-2007, 10:07 م
Parent: #3


حبيبنا سليكون

سلامات

الله اديك العافية واكفيك شر فضيحة الدخان قدام الاهل والحبان والضيفان!
ولو سالك شافع الضيفان ود الحرام ساكت قدام اهلوالضيفان ..اقول ليك: يا عمو ريحتك
زي ريحة الشدرة المحروقة كده لايه؟؟ حتقول ليهو شنو شغال في كماين الطوب!؟

--------------------------------------------------------------------------------
مداخلة: #8
العنوان: Re: الدخــان في السودان اكبر فضيحة يا اخوان!!
الكاتب: celecon
التاريخ: 01-03-2007, 10:10 م
Parent: #1


Quote: اقول ليك: يا عمو ريحتك
زي ريحة الشدرة المحروقة كده لايه؟؟ حتقول ليهو شنو شغال في كماين الطوب!؟



يسعد ايامك ..

--------------------------------------------------------------------------------
مداخلة: #9
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 01-03-2007, 11:52 م
Parent: #8


ان شاء الله العادة الفضيحة خفت في بلدنا واصبحت هنالك بدائل اكثر حشمة
من الفضايح دي الغاشي والماشي عارف سنجة في الرنجة والشفع داخلين في اضافرينن قدام اصحابن...بكونوا اولاد شفوت ناقشين الفلم كلو..ما فلم هندي قديم مدور في الحلة كلها في كل بيت.....طبعا واحد شفت من اصحابن عشان الطف الجو اروح قايل ليهم :والله كفارة للحاجة من الرطوبة ربنا اشفيها واحلها بالسلامة وبرضو الشفع ببقوا داخلين في اضافرينن من العملة المهببة دي وعارفين صاحبن تفتيحة عارف الحدوتة!!

بالتاكيد مثل هذه العادات بشكلها الساذج والعفوي هي التي تصيب بعض الاطفال بالعقد النفسيةوخاصة لو كانوا مراهقين في سن النضج! والمصيبة تجد احيانا الام في ذلك الزمن هي وبنتها المتزوجة يحبلن مع بعض احيانا في وقت واحد..وهو امر نعم ممتع ولكنه مخجل
للابناء الكبار!
اذكر ذات يوم دعاني صديق لي وهو موظف محترم لمادبة غداء في بيتهم وعندما ذهبت معه
وتناولت الغداء شعرت ان هنالك ضيوفا يباركون لوالد صديقي.. ولما سالت صديقي مستفسرا عن سر المباركة وانا خيالي سارح بعيدا وقلت ربما نجح احد اخوته في المدرسة او ان والده قد ترقي لدرجة وظيفية! واجابني صديقي وهو رجل فكه لطيف جدا وهو ضاحك يقول لي :الوالدة الله اديها العافية جابت لينا اخويا سعنتوتي ودي السماية!!
..

--------------------------------------------------------------------------------
مداخلة: #10
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 03:42 ص
Parent: #9


................

--------------------------------------------------------------------------------
مداخلة: #11
العنوان: Re: الدخــان في السودان اكبر فضيحة يا اخوان!!
الكاتب: Tragie Mustafa
التاريخ: 02-03-2007, 04:04 ص
Parent: #10


هباني يجازي محنك
انت كملتوا كله بقيت في دخان النسوان!!!
حقوا تعمل البوست ده هديه لاخونا احمد هارون الذاهب
للاهاي حيث سيفتقد الدخان جدا,وما تنسى زولنا (عامل سبع برومبه) وعنده زوجتين كمان
تلقى ناس الجبهه اخوانه الخونه من حسه بيتاوقوا لنسوانه..فيهم رقشه وله لا...
وما بعيد يكونوا اتقاسموهم في سرهم(زي نسوان الشهداء),يستاهل عشان ثاني يبقى جبهجي.


اها يا احمد هارون ثاني ريحة الدخان تسمك الا تشمها في بوست هباني ده
خلينا نحرص يبقى في الارشيف عشان في لاهاي احتمال يحنوا عليك بكمبيوتر
غايتو وقتها كوس للدخان في ارشيف هباني.

تراجي.

--------------------------------------------------------------------------------
مداخلة: #12
العنوان: Re: الدخــان في السودان اكبر فضيحة يا اخوان!!
الكاتب: معتصم مصطفي الجبلابي
التاريخ: 02-03-2007, 04:14 ص
Parent: #11


هبانى دا حاقد ساي عشان مالاقي ليه طلح في غابات تكساس

--------------------------------------------------------------------------------
مداخلة: #13
العنوان: Re: الدخــان في السودان اكبر فضيحة يا اخوان!!
الكاتب: munswor almophtah
التاريخ: 02-03-2007, 04:45 ص
Parent: #12


النساء والطلح والشاف والجفاف فى السودان

د. عبد السلام نور الدين

المملكة المتحدة
Abdelsalamhamad@yahoo.co.uk

حروب إبادة الشجر والنبات فى السودان

قد سبق التوسع التدريجي في زراعة مساحات واسعة من الذرة في جنوب كردفان – هبيلا، كرتالا ،المقينص ،كيلك ، تأبير لكبرى الاشجار ذات العمر الطويل وازالة غابات بأكملها من الوجود بما يمكن ان يطلق عليه حرب ابادة الغابات في جنوب كردفان التى مهدت للابادة الجماعية للبشر فى جبال النوبة فى سنى الانقاذ الاولى** التى عمدتها الفتوى سيئة الصيت: فتوى بقتال الخوارج الصادرة بتاريخ الاثنين 24 شوال 1413هـ الموافق 27 نيسان ( ابريل )1992**.

بدأت هذه الابادة الجماعية للغابات على يد الفئة التجارية ذات القسمات المرعبة التى اطلت لاول مرة مع زراعة سمسم القضارف التى ارخت لها الاغنية الشعبية الشهيرة فى مطلع عقد الخمسين فى القرن العشرين:يا سمسم الغاضارف الزول سغير ما عارف **، ثم حملت تلك الفئة المرعبة معها ذلك الداء الذى يصيب الانسان والنبات والشجر بفقدان المناعة: الجفاف، التصحر ،والتناحر القبلى ايان سارت و حلت**- من القضارف الى جنوب النيل الازرق الي القيقر فالرنك فدنقولاى فالدالى فالمزموم فهبيلا فكرتالا وكيلك والمقينص ثم اخيرا وليس اخرا جنوب دارفور.

لا تختلف هذه الفئة من تجار الحطب و الفحم والنباتات العطرية التى تقوم عادة بدور الجرار لفتح الطريق امام حاملى تراخيص مشاريع الزراعة الالية- كثيرا عن النخاسين و تجار الحروب الذين لا يزدهرون إلآ مع اشتعال الحرائق والمذابح والدمار وحينما يتحول الانسان الى سلعة** .

حينما تكون الاشجار عدوا تفوح جثتة برائحة زكية



كلمة حق لابد ان تقال اذ ان مسؤولية ما جرى لغابات السودان من تأبير ومذابح لا يتحملها الرجال من "الفحامة" "وعشاق الشواء على الجمر" "ومدمنى معاشرة المرأة "طابقة البوخة" الخارجة لتوها من حفرة الدخان" تهتف من الدوخة" وحدهم فلنساء اصحاب المشاريع فى الزراعة الالية، ولنساء كبار الافندية، ولنساء سماسرة الاراضى و لنساء رجالات بنوك القرض الحسن - وعلى وجة الدقة ارداف النساء بكل الاحجام التى دارت حولها فنتازيا شعراء ومغنيى "الحقيبة" نصيب يستحق عدم الاشادة به فى الخراب الذى قضى على الخضرة فى ارض السودان.

وكما تبدأ كبرى الحرائق من مستصغر الشرر تبدأ كارثة التجنى على الاشجار العطرية بحاسة الشم الحادة لدى تجار الحطب والفحم اذ يمعنون النظر كثيرا وطويلا في انواع الاشجار النادرة التي تفننوا في اقتلاعها وحرقها كما يمعن النخاسون النظر في اجساد الصبايا من السبايا لاختيار الرعابيب منهن لانفسهم والباقيات الاقل تطرية للاسواق- مستخدمين اخر التقنيات التي وصل اليها نظراؤهم فى النحر في غابات الامازون.

يبذل قتلة الاشجار السودانية عادة جهدا خارقا للتعرف على الاشجار العطرية النادرة من فصائل "الطلح" والدوروت" فيعقرونها بفوؤس لها شفرات الصوارم ويترفقون في تشقيقها حتي لا تتطاير بعض الشظايا بعيدا فتذهب سدى ثم يسلخون لحاء الطلح والدوروت بعناية ومتعة بالغة اذ أن جثة العدو فى هذة الحالة تفوح لهم دائما برائحة زكية وكأنهم يدحضون بذلك المثل الذي أطلقتة السيدة أسماء بنت أبى بكر الصديق فاضحى سائرا: ماذا يضير الشاة سلخها بعد ذبحها ، ثم يقومون بتقطيع اوصال شقائق الشجرة العطرية الي ربطات صغيرة كحزم من البصل الاخضر والفجل الاحمر والجرجير لكي يباع ذلك الدوروت والطلح " شافا" مخصوصا لنساء اثرياء المدن اللاتي يحتفين به كثيرا في حضرة الضفرة والصندل المغموس فى "المحلبية" "والسرتية" تحت الشملة، أو بكلمة "الخمرة" فوق" حفرة الدخان"- ثم ينهضن الفارعات تماما كالاشجار الباسقة قبل ان تبقر وتنحر خصيصا لتلبية رغائبهن الشهوانية الجامحة فيضوع الشاف اصورة كما تصورها أغنية" يا طابق البوخة". وهكذا لم تتخلف ارداف نساء المدن الصقيلة الندية ايضا عن حملة التدافع المحمومة لافقار الجسد الدغلى العارم لجنوب القضارف و كردفان ودارفور من اشجار "الطلح" " والدوروت" وطيوب غوانى الشجر والنباتات العطرية واسهمت تلك الشرائح من النساء وعلى طرائقهن الخاصة في الجفاف والتصحر والتنازع القبائلي والتطهير العرقى .

وماذا عن التطهير العروقى للنباتات العطرية واشجار الدروت والطلح والشاف

حسنا، لابد مما ليس منة بد ان يقدم هؤلاء الذين خططوا واقترفوا اوامرا وتنفيذا المذابح الفردية والجماعية فى اى ركن من بلاد السودان لمحاكمات عادلة عاجلا او آجلا ولكن السؤال الذى سيظل ضائعا: و ماذا عن اولاء الذين تولوا عزق الارض وتسويتها التجرى عليها المذابح اليشرية؟

هؤلاء الذين ابادوا غابات باكملها والذين هجروا الطير والحيوان والزواحف زرافات ووحدانا الى خارج الحدود السودانية؟

واخيرا ماذا عن النساء اللاتى شاركن باثقالهن واطماعهن الجسدية فى حروب القضاء على السحاب والنبات والشجر الحسن ؟

عبد السلام نور الدين

Abdelsalamhamad@yahoo.co.uk

--------------------------------------------------------------------------------
مداخلة: #16
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 06:06 ص
Parent: #13


عزيزنا منصور ود المفتاح

سلامات


Quote: حسنا، لابد مما ليس منة بد ان يقدم هؤلاء الذين خططوا واقترفوا اوامرا وتنفيذا المذابح الفردية والجماعية فى اى ركن من بلاد السودان لمحاكمات عادلة عاجلا او آجلا ولكن السؤال الذى سيظل ضائعا: و ماذا عن اولاء الذين تولوا عزق الارض وتسويتها التجرى عليها المذابح اليشرية؟

هؤلاء الذين ابادوا غابات باكملها والذين هجروا الطير والحيوان والزواحف زرافات ووحدانا الى خارج الحدود السودانية؟

واخيرا ماذا عن النساء اللاتى شاركن باثقالهن واطماعهن الجسدية فى حروب القضاء على السحاب والنبات والشجر الحسن ؟





اللهم انصر طلح وشاف السودان علي قوى البغي والعدوان من امهاتنا وخالاتنا واخواتناالنسوان... نسوان السودان التعبان يا حنان يا رحمن يا منان!!

--------------------------------------------------------------------------------
مداخلة: #15
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 05:02 ص
Parent: #12


معتصم

سلامات

دحين ما سمعت قصة الشافع الصحي من الدغش وقام سال ابوهوقال ليهو انوالبارح نص الليل سمع أمه تبكى فسأل ابوه.. يابا أمى دى بتبكى مالها؟ قال ليهو: جانا خبر بكاء من الشرق!!

--------------------------------------------------------------------------------
مداخلة: #14
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 04:56 ص
Parent: #11


اختنا العزيزة تراجي

غايتو محمد هارون الا اياكل ((بيتزا هوت)) في لاهاي وبنات الحور في الجنة
حقو راااح فارقن فراق الطريفي لسفينة الصحراء بتاعتو!!

تحياتي للابنين حازم وسند

--------------------------------------------------------------------------------
مداخلة: #17
العنوان: Re: الدخــان في السودان اكبر فضيحة يا اخوان!!
الكاتب: abuguta
التاريخ: 02-03-2007, 06:21 ص
Parent: #14


ابو احمد
سلام....

حكوة
زمان كنا قاعدين قدام بيت ود عمنا شبه عريس.فى احدى قرانا..ومرتو فى المطبخ ملوعة دخان
عمى جميع ازقة القرية...جانا قريبنا ماسك فرن الحلة البلدى عندة سبعة اطفال ..والمرة شاحنة تانى ,شايل ليه براد شاي مغربية.ومعاه صحن لقيمات لزوم كرم الضيف.وقبل يقعد
قال لاود عمى ..انتو يافلان فرنكم دا شغال لقيتو الدقيق وين....

انت سمعت ياهشام بالنضال الطلحى...
نفس نضال غاندى.non-valonce.ان صحت الجملة..النضال البرىء..فقد امر غاندى الهنود ان يتبرزو ويتبولو ليلا فى المكاتب والشوارع التى يمر بها الانجليز..وبالنهار ياتون ينظفونها باوامر المستعمر..اها الانجليز لما شافو الشغلة بقت مقرفة..سلمو البلد لنهرو ذلك المارد العظيم..الذى تبنى اسم غاندى الزعيم الروحى..ورسخ ديمقراطية حيرت الخواجات انفسهم
( افيدكم علم بان ابناء غاندى لم يكن لهم ضلع فى السياسة ولكن اسمه لمع لتبنى انديرا غاندى وابنها راجيف غاندى والايطالية المضيفة سونيا غاندى زوجة راجيف وبنت راجيف بريانكا غندى او انديرا الصغيرة...وديل كلهم احفاد جواهر لال نهرو( وترجمتها الذهب الاحمر)...لكنهم يحملون اسم غاندى الزعيم الروحى) شفت كيف ياود هبانى..اها فكرته سوف تستمد من الفكرة الغاندية ...النضال الطلحى هو على كل دار فورى ومواطن حر ان يامر زوجته بان تحرق الطلح
ليل نهار..وعندما يشمه الكيزان..تزيد شهوتهم الجنسية..وحين لا يجدون لها مخرج فى زوجاتهم
الثلاث والرباع..القرفانات من افعالهم الوحشية..سوف يتزمرون ويفكرون فى البدائل..بما انهم عندهم المال والسلطان..ولكن بحكم تدينهم الظاهرى....لا يمكن ان يخالفون الشريعة..ويتزوجون اكثر من اربعة لان شيخهم صاحب الفتوى قد فارقهم...لذا سوف يلجؤون لطلاق نسوان الشهداء او العواجيز من نسائهم..وبهذا نكون كبرنا دائرة المعارضة من داخل الداخل..فسوف تجد من ابناء الكوزى الحاكم...من يخرج الشارع فى مظاهرة ضد ابيه الظالم...وكدا نكون قد نجحنا فى كسرة شوكة ناس تور الجواميس وصحبه..ما ممكن ان يسجنو ابناء الذوات..ونسمى هذا بالنضال الطلحى..
ودمت...

--------------------------------------------------------------------------------
مداخلة: #18
العنوان: Re: الدخــان في السودان اكبر فضيحة يا اخوان!!
الكاتب: abuguta
التاريخ: 02-03-2007, 06:21 ص
Parent: #14


مكرر

--------------------------------------------------------------------------------
مداخلة: #19
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 07:29 ص
Parent: #18


قريبي ابو قوتة

سلامات

يا خي نظريتك دي لو فعلا طبقناها قطع شك مستقبلا حنفكفك الجبهة دي كلها
نخليها بلغة السواقين اصحابنا زي كاربريتر اللاندروفر او زي راس السمك
الاكلو زول مجنون!!

--------------------------------------------------------------------------------
مداخلة: #20
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 07:38 ص
Parent: #19


والسؤال الهام جدا وهو امر يتعلق بالتربية السوية في البيت السوداني..حيث ان بيوتا بهذه الاوضاع العشوائية وغالبا ما تكون في الارياف وايضا عادات بهذه الطقوس العشوائية بالتاكيد لن تساهم في تنشئة سليمة لاسرة سوية.. تنتج اطفالا اسوياء.. والسؤال.... هل هذه الوضعية لهذه الحياة علي هذه الطريقة هي وضع اجتماعي مقدس ينبغي ان نحافظ عليه بذات الوضعية كجزء من تقاليدنا واعرافنا التي ينبغي ان نتمسك بها بحذافيرها!؟

--------------------------------------------------------------------------------
مداخلة: #22
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 08:09 ص
Parent: #20


ام نشرع منذ الان في توعية اهلنا بالارياف لاعادة تشكيل حاجاتهم وحياتهم الاجتماعية حتي تكون حياة صالحة لانشاء اسرة صالحة وخالية من العقد والامراض الاجتماعية؟
ولتبدا بشكل البيت نفسه فالبيت الريفي رغم صغره مطلوب فيه كامر ضروري جدا احترام خصوصيات مكوناته اي يحتاج ان نصوغ عمارته وشكله من جديد ليواكب متطلبات نفسية واجتماعية وتربوية اي لا بد من حجرة خاصةبالابوين وحجرة خاصة بالبنات واخرى للذكور حتي تكون الحياة سلسة ليتوفر فيها الاحترام ويمارس الابوان مودة صادقة لها مكانها المقدس بدل هذه العشوائية! وللاطفال من الجنسين ايضا احترام لخصوصياتهم فكيف ستنتج انسانا بهذه الطريقة العشوائية غير المقدسة..((بالدسديس والمناورات والمغامرات والتمويه)) وفي بيتك عيال كبار ناضجون يدركون كل شيء وحتى مغامراتك ستبدو امرا مضحكا لهم يفقدك كثيرا من الاحترام لديهم وانت تحاول دوما ان تخفي مشاعرك وعواطفك تجاه امهم بخجل غير مبرر وهي زوجتك ام عيالك الشرعيين علي سنة الله ورسوله!!
فالام يمكن ان تمارس طقوسها الدخانية في مكان خاص بها من غير حالات الغش والتمويه
والتحرج من العيال...وهم اذكي واقدر علي التركيز ولا تفت عليهم هذه التفاصيل البائخة!
واواصل

--------------------------------------------------------------------------------
مداخلة: #21
العنوان: Re: الدخــان في السودان اكبر فضيحة يا اخوان!!
الكاتب: عبد المنعم سليمان
التاريخ: 02-03-2007, 07:56 ص
Parent: #1


دخان بلدنا ولا ساونة تكساس


بث يكون شاف يا خال


عشان يشوف كده ويبقا لينا شاهد عيان


خاصة ولاهاي جااااي

--------------------------------------------------------------------------------
مداخلة: #23
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 08:17 ص
Parent: #21


عبد المنعم الجميل


Quote: دخان بلدنا ولا ساونة تكساس


بث يكون شاف يا خال


عشان يشوف كده ويبقا لينا شاهد عيان



انت عارف هنا الامريكان هجنوا نوع من الطلح الامريكي مع (الشاف) السوداني وهو نبات لاول مرة في التاريخ يتحرى الرؤيةان كان جدك فرعون او شيخ ابو زيد شيخ انصار السنة!!

--------------------------------------------------------------------------------
مداخلة: #25
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 08:34 ص
Parent: #23


وواحدة من تعقيدات الحياة الاجتماعية في بلادنا ظاهرة التكاثر السكاني الفالتة والمنبهلة بقدرية (( الله ما شق حنكا ضيعو والرزق علي الله ))حيث لازال السودانيون يحبذون الاسرة الكبيرة ولا يرضي الانسان العادي المتزوج في السودان وخصوصا الريفيين وهم غالبية اهل البلاد بالاسرة الصغيرة!
ان كثرة وتزايد حجم الاسرة مع ثبات الدخل الشهري مع تدهور الاحوال الاقتصادية المتمثل في الاضطراد في زيادةاسعار متطلبات ونفقات الحياة اليومية... لهي معادلة صعيبة وخطيرة.. وهي امر يلقي بظلاله علي واقع الاعاشة الصحية والتربية السليمة للاطفال في هذا الجو المازوم وبالتالي يؤثر علي حالتهم النفسية وتحصيلهم العلمي وسلوكهم الاجتماعي..ويصبحون افرادا غير صالحين في المجتمع عرضة لكل انواع الانحرافات!

--------------------------------------------------------------------------------
مداخلة: #27
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 09:04 ص
Parent: #25


وواحدة من مشاكل الاسرة الكبير انهاتنعكس علي وضعية المعاشرة والعلاقات الزوجية في هذا البيت الصغير.. تخيل ان لديك سبعة اطفال من مختلف الاعمار فيهم الكبار والصغار والاولاد والبنات وكلكم تقيمون في قطية او بيت صغير من حجرتين وليست فيه حجرة نوم خاصة بالوالدين ولا بالبنات!!
اي اذا فكر الوالد في قضية المعاشرة الزوجية يتطلب منه والسيدة الوالدة مخططا جهنميا كبيرا للتمويه علي سبعة افراد فيهم(الشفع الدايشين وفيهم اتنين نص نص..وفي اتنين شفوت
ما بتغشوا ولا بنخموا ولا بمشوا العبوا كرعوت ولا كديسا قاسك ولا شليل يعني ناقشين الفيلم كلو...وشطار في الجغرافيا جدا وعارفين انهم في منطقة سافنا فقيرة جافة..يعني مكنة انو الوالدة قامت ولعت حفرة دخان عشان عندها رطوبة دي فيلم بايخ تشوف غيرو.... وتخيلوا انو الوالد بكرة مسافر بكان بعيد....ومحتاج جدا جدا سنجة في الرنجة...والحاجة الطيبة ولعت دخاخينها نص الليل.. والعيال كلهم ناموا الا الشفتين الاتنين ديل فاهمين اللعب.. وقاموا عشان اوروا انهم ناقشين وحقن اولاد كلب كمان جابوا ليهم رتينة ولا لمبة وملوها جاز وبدوا اذاكروا..!!
وكل واحد اسمع للتاني ...!! طبعا الوالد الممكون وصابر بكون زول ريفي ساذج وما ممكن اغش العيال الاتنين ديل بسهولة وهم فاهمين الشغل ده... وممكن اجي داخل الاوضة واسلم عليهم..واكون دايرن اتخارجوا انوموا اي حاجة المهم اسافر سنجة,,حيجي اعرف سر قرايتن اللي نص الليالي دي شنو! طبعا اجباتن جاهزة....عندهم بكرة امتحان وعشان كده حيذاكرو صباحي وهو المسكين ما اقدر اقول ليهم نوموا وخلوا الامتحان بل مفترض انبسط علي الاجتهاد الصباحي ده!!
واقوم واحد شفت فيهم اقول لابوهو: والله ياحاج الوالدة عيانة عندها رطوبة وهديك ليها المسكينة قاعدة تتعالج بالدخان..كدي انت امشي ارتاح وهي كان احتاجت لي حاجة ما بنقصر بنجيب ليها الاسبرو ولا الكافينول ونحن مقدرين ظروفك وانت شفقان عليها؟؟!
طبعا موقف بن ستين مليون كلب....يعني قفلة شديدة... يفترض اشكرن علي الشعور ده !!والشفع قرروا المذاكرة للصباح والحاجة بعد ما عرفت انو اولادها قالوا عليها عيانة..ما تقدر المسيكينة تفوت العتبة بي غادي اذا قام واحد من الشفوت حول لمبتو معاهو في الديوان مع ابوهو بي غادي يعني قفلة بره وجوا!!
و لا توجد بدائل في القرية السودانية فالقرية مجتمع تعبان الابو مسكين لا عندو عربية شان اكضب واتخارج من الشفع اولاد الحنوت ديل واشيل الحاجة اوديها للدكتور لانو ما في دكتور ومن هناك اوديها الفندق اواللكوندة لانو ما في لكوندة ولا فندق!!))
بالله رايكم شنو في موقف الحاج ده وكيفن المخارجة من الورطة دي مع الشافعين الشفتين الحقنتين ديل... وهو مسافر بكرة ومحتاج جدا اسافر سنجة..مش حاجة تمخول الراس!!؟

--------------------------------------------------------------------------------
مداخلة: #24
العنوان: Re: الدخــان في السودان اكبر فضيحة يا اخوان!!
الكاتب: عبد المنعم سليمان
التاريخ: 02-03-2007, 08:23 ص
Parent: #1


Quote: انت عارف هنا الامريكان هجنوا نوع من الطلح الامريكي مع (الشاف) السوداني وهو نبات لاول مرة في التاريخ يتحرى الرؤيةان كان جدك فرعون او شيخ ابو زيد شيخ انصار السنة!!




يا ريت يا هشام يهجنوا لينا خمــرة (فتح ال خ) مع خمـــرة(ضم الخ) عشان يتحري الرؤية ان كان

المجرم هارون ولا كشيب .

--------------------------------------------------------------------------------
مداخلة: #26
العنوان: Re: الدخــان في السودان اكبر فضيحة يا اخوان!!
الكاتب: Muhib
التاريخ: 02-03-2007, 08:40 ص
Parent: #24


البوست دا ريحتوا فاحت
وانا ماشايف ست الطلح والشاف
ودمي فار


وجه خجول

--------------------------------------------------------------------------------
مداخلة: #28
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 01:22 م
Parent: #26



ولا زال البيت السوداني في الريف اوفي الحضر يحتاج تغييرا قاعديا في شكل عمارته ليواكب تلكم المتطلبات التي ذكرتها انفا كي يكون صالحالانتاج بشري سوي يصلح ان نخوض به التغيير والاصلاح الشامل للوطن في سياق مشروع وطني ثوري شامل لبناء السودان الحلم بعد الاطاحة بهذا النظام المسخ الذي دوما يكرس للابقاء علي مثل هذا الواقع الشائه ليسود فيه علي رؤوس بشر من المعقدين والمرضي الذين يسهل استلابهم وتدجينهم في مخطط الخراب الظلامي العظيم!

--------------------------------------------------------------------------------
مداخلة: #29
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 01:26 م
Parent: #28


فالانسان هو المستهدف الاول بالتغيير ولذا لا بد ان تقع الثورة اولا داخل هذا الانسان وتحرره من هذه العقد والامراض الاجتماعية ليقود مشروع التنمية الوطنية الشاملة وهو في حالة سويةوبالتالي تنعكس سويته وصلاحه في حجم الانجازات التي سينجزها ويحققها هذا الانسان الجديد!

--------------------------------------------------------------------------------
مداخلة: #30
العنوان: Re: الدخــان في السودان اكبر فضيحة يا اخوان!!
الكاتب: Mustafa Mahmoud
التاريخ: 02-03-2007, 01:28 م
Parent: #29


wad ahbbani
let us dance
with all th zanubas
with or without dukhan

mustafa

--------------------------------------------------------------------------------
مداخلة: #31
العنوان: Re: الدخــان في السودان اكبر فضيحة يا اخوان!!
الكاتب: Mustafa Mahmoud
التاريخ: 02-03-2007, 01:29 م
Parent: #30


" target="_blank"><...l />

--------------------------------------------------------------------------------
مداخلة: #35
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 01:47 م
Parent: #31


الحبيب دكتور مصطفي

شكرا علي الهدية الاستراحة الجميلة مع الدخان وما ادراك ما الدخان
وهو فضيحة الجنس المعلن للعيان في السودان!

--------------------------------------------------------------------------------
مداخلة: #33
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 01:39 م
Parent: #29


فالوضع الذي حاولت تشريحه بتلكم الطريقة يكرس غياب الصدق والمصداقية واشاعة ثقافة الكذب...فعندما يحاول الوالد ان ينافق مشاعره امام ابنائه او الام تكذب علي ابنائها وهي تخفي مشاعرها الطبيعية والابناء يعلمون جدا ان والديهما يكذبان لاجل تلكم الحالة البايلوجية والتي كان حلها سهلا يتمثل منذ البدء في وجود غرفة خاصة بهذه الخصوصية للوالدين من غير هذا الوضع المزري الذي اضطرهما يكذبان امام ابنائهما.. ومن هنا بدات زراعة الكذب في الثفافة السودانية وهو امر بالتاكيد سيتشربه الصغار من ابائهم وامهاتهم من هذه الجزئية وجزئيات كثيرة يتمثل فيها هذا الكذب الضار في ثقافتنا السودانية!
ولذلك كما اسلفت في بوستات سابقة ان الفارق بيننا وبين هذا الغرب فارق قيمي واخلاقي
فهم صادقون لا يكذبون والصدق وحده دوما وراء هذه الانجازات والحضارة التي حققوها لانه لايمكن ات تقوم حضارة علي الكذب والتضليل...بينما نحن نكذب ولم نعمل الدين في حياتنا لتهذيبها اي لتحقيق هذا الصدق المفقود بل للاسف استخدمنا الدين ورب الدين في الكذب
وتكريس ثقافة الكذب والخداع والتضليل ونظام السودان الحالي اوضح واسفر مثال علي هذه
الحالة المنحطة القميئة!

--------------------------------------------------------------------------------
مداخلة: #32
العنوان: Re: الدخــان في السودان اكبر فضيحة يا اخوان!!
الكاتب: أنور أدم
التاريخ: 02-03-2007, 01:34 م
Parent: #28


هباني

بالمناسبة انت اكتر واحد قاعد يخلي المنبر حي.

هاك دي:
بالمدينة التي اسكن فيها بفرنسا ، في اخ سوداني متزوج ليهو 4 سنة، قال الايام الاولي كانت كلها مشاكل مع المطافي الفرنسي ، لانو المرأة عندما تبدأ الدخان بالشقة ، يتصاعد الدخان لخارجها ،فيقوم احد الجيران او المارة بالاتصال بالمطافي ، تكررت الحكاية 3 مرات ، و في كل مرة يكتشوفوا ان الحريق أمرأة و ليست شقة. طبعا بعد داك صارت علاقة مع المطافي ، و زاد الامر ان اقترحت قناة تلفزيونية عمل تحقيق صحفي فرفض صاحبنا (خوفا من ناشطي الخضر).

..سؤال للمتزوجين لمدة لا تقل عن 3 سنوات:
السؤال هل الدخان يحدث تغيرا ملحوظا؟
هل يمكن للمرأة غير المختونة ان تتدخن؟

--------------------------------------------------------------------------------
مداخلة: #36
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 02:04 م
Parent: #32


عزيزنا انور

اها شفت جنس التخلف ده اسووا لينا الفضايح دي في بلاد الغربة مع الخواجات
يعني هسع واحد ارضي لي روحو الحرج البايخ ده لمن ادخلوا جماعة النجدة والمطافي عشان اطفوا الحريقة والقوا الاخت الزوجة السجمانة المهودة لابدة تحت الشملة ودخاخينا والعة طوالي احاولوا انقذوها افتكروها حرقت او انها تحاول ان تنتحر وللاسف عندما يحملون اختنا الي السيارة حتكون ( ملط)!!
غايتو لو الزوج المسكين لحقها المستشفي في ساعتها قبل ما تبرد حياكل( بيتزا هوت) او
smoked meat زي ما الخواجات بحبوا في المطاعم اللحوم المدخنة!!

--------------------------------------------------------------------------------
مداخلة: #34
العنوان: Re: الدخــان في السودان اكبر فضيحة يا اخوان!!
الكاتب: عبد المنعم سليمان
التاريخ: 02-03-2007, 01:44 م
Parent: #1


شكرا يا انور ياااخ

والله انا ذاتيي ما عارف فايده الدخان شنو ؟


وعلاقتو شنو بموضوع الختان ؟!!


Quote: هل يمكن للمرأة غير المختونة ان تتدخن؟



يعني افهم من كلامك النسوان البدخنن عندنا في السودان مختونان

والمامختونة ما قاعد تدخن !! الهم زدني علما

والله يا انور اول مرة اعرف معلومة زي دي

انشاء الله تجي مراه وتورينا

انشاء الله


مودتي

منعم

--------------------------------------------------------------------------------
مداخلة: #37
العنوان: Re: الدخــان في السودان اكبر فضيحة يا اخوان!!
الكاتب: محمد مكى محمد
التاريخ: 02-03-2007, 02:31 م
Parent: #1


Hisham
kushtageeeeen shadeed
Just passed to say Hello..The smell of the burning shaf)Nd Talih make me hurry on to see what's up
salam
I 'll call you asap
Mohammed

--------------------------------------------------------------------------------
مداخلة: #38
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 03:54 م
Parent: #37


الجميل ود مكي

سلامات ومشتاقين

سمعت بقصةالديك الدرش حبة الفياجرا ولقاها في نص العيش
وقامت عليهو ام هلا هلا وبقي سقراط العظيم وجرى في الشوارع افتش علي الارزاق
لمن عتر ليهو في شواية دجاج والدجاج معلق فوق ودخاخينو طالعة
وصاحبنا بس برك ليك تحت الشواية ومصنقع فوق بس سقراط العظيم او ياسر عمران ظااااطو!
لحدي ما جاء ديك طاير ولقي صاحبنا لابد تحت الشواية وراح قايل
ليهو: يا سجمان قاعد تحت الشواية دي ما بلموافيك الجماعة اهل الشوايةديل بلحقوك
امات طه!
فرد عليه الديك سقراط العظيم: وين يا خوووووي انا امش والجكس المدخن فوق ده البياكلو غيري منو؟؟

--------------------------------------------------------------------------------
مداخلة: #39
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 05:39 م
Parent: #38


...............

--------------------------------------------------------------------------------
مداخلة: #40
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 07:02 م
Parent: #39


انت عارف يا منعم انا عندي مخرج للسودانيين ديل افكهم من الحرج والفضايح دي وحكاية دخان طالع السما والحلة كلها عرفت بناسها وكلابها وطيورها بما فيهم ود ابرق بكون راكي في الكشاشة الجنب حفرة الدخان ظااااطها وكل ما اشم ليهو نفس بجري السبلوقة وبسوي السنة!
اها الامريكان ديل ناس شطار جداممكن ترسلوا ليهم عينات من روايح الدخان بتاع الطلح وبتاع الشاف وبتاع النيم وبتاع الطندب وكل انواع الحطب من السودان في فتايل وترسلوها بالفيديكس.... لامريكاوبعد داك شوف الامريكان بس بشغل كيمياء ممكن اظبطوا ليك كل نكهات الدخان المطلوبة واعبوها في انابيب زي البف باف ولو درت حسب الطلب ممكن اعبوها ليك في انبوبة غاز حسب الحالة والاحتياج للفيلسوف سقراط العظيم!!
وممكن تؤدي بسهولةالغرض اي الاهداف الاستراتيجية من ذات النكهة المطلوبة الي المهمة الجوهرية التي تمارس في طارات المداحين ودلاليك بيوس العرس السوداني المفضوح!!
ويمكن بعد داك اعملواالنكهات بجميعها طلح.. شاف ..سنط عوير.. نيم وكمان لالوب لجميع انواع اللالوب..رمسيسي او ناس شيخ الهدية وابوزيدي!!
وده طبعا بفك الناس من الفضايح بتاعة الدخان الطالع ديك...لا زولا عرف لا زولا درى
يعني ممكن تمشي البقالة وتشتري علبة الدخان حسب النكهة.. بس المصيبة لازم الفوها ليك في كيس او جريدة برضو من الفضيحة ما ممكن تشيلها زي علبة البف باف.. وبرضو كان لم فيك عوير وسالك عن العلبة دي بتاعة شنو...اجابتك جاهزة: علبة بف باف!!
لكن الفضيحة لوطلبت اسطوانة دخان عبوة بتاعة اسبوع...اها دي الفضيحةظاااطها وكمان لو شلتها في ركشة او تاكسي اي زول بعاين ليك..في الاسطوانة الكبيرة ديك المابتندس ابدا
ولا يمكن تقول علبة بف باف!! الا تقول ليهم ده بف باف ماشين نرش بيهو ضبان سوق الجزر بتاع ام درمان..... وحيضحك عليك واحد عوير اقول ليك: الله يساعدك يا عمو شد حيلك وجهز
كفنك ساكت والدنيا نهار بعميك !!

--------------------------------------------------------------------------------
مداخلة: #41
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 08:38 م
Parent: #40


وايضا يمكن ان يوزع الدخان في البيوت بعربية شايلة الاسطوانات زي بتاعةالغاز
وبرضو كمان فضيحة منظر العربية قدام بيتكم وتنزل في الاسطوانات بتاعة الدخان وناس الحلة كلهم بفوق الحيط وبالشبابيك بعاينو ومنططين عينن للعربية الكبيرة وكمية الاسطوانات النازلة بيت صاحبنا سقراط العظيم!
يعني شعب مفضوح مفضوح رغم كل الادعاءات بالحشمة والتهذيب والله حكاية الدخان دي البذاءة ظااااطها وقلة الادب ظااااطها وما عارفين ناس الدين رايهم شنو في الحكاية الفضيحة دي والبسببها الام تكضب والاب اكضب والشفع ناقشين وفاهمين الكضب ده..عشان كده الكضب بدا من هنا في ثقافتنا المحلية يعني كضب مجذر وماسس من البيت.!!
يعني الخواجات لمن تلاقيهم الراجل والزوجة والاطفال ماشين في الشارع بتلقاهم بمودة ورحمة جد جد وممكن اكون قالد الحاجة قدام الوليدات وهو تعبير عن المودة والمحبة ومرة مرة قداديم مودة بريئة......لكن السوداني تلقاهو ماشي مع الزوجة في الشارع المسافة بينو وبينها فراسخ واخر مساخة وهو قدامه بعيد وصاري قدومو الشين داك واكورك فيها يا مرررة الكعي الكع عليك البلا. واخر ذلة ليها المسيكينة قدام الوليدات البشوفو ابوهم عامل فيها حمش مع امهم! ولمن تغيب الشمش ويطلع الدخان السما... وهي الدعوة الصريحة والمفضوحة للجنس ..صاحبنا تلقاهو اضاير بره البيت زي الكديس واخر كبكبة...بس المصيبة العيال الحقن ديل كيفن اتخارجو!! ومن هنا تبدا المؤامرة وبداية الكضب حيث الاب يسعي لمخارجة الوليدات بكل انواع الكضب والخداع....يا ولد امشي العب بره....يا ولد نوم انوم عليك البلا...يا ولد هاك امشي جيب كيس شعيرية وقزازة جاز ونص رطل سكر وامشي دكان حاج عبد الساوي البعيد داك عنده احسن شعيرية في البلد اوعاك تمشي دكان حاج النور القريب ده ده راجل ضلالي!!
ده كلو عشان المشوار اطول علي الشافع الاول واديهو مهلة للموضوع العجيب ولسع في البيت في بلتون بتاع شفع كل واحد عاوز وسيلة تطفيش خاصة بيهو....يعني الوالد عاوز اكون احرف دبلوماسي من كوفي عنان ظاااطو شان اصل لسنجة عبد الله يعني لازم اقنع واغش واكضب علي كل الشفعفي البيت والعن اليوم الجابن للدنيا كتار كدي ! بس ممكن اقنع كل الوليدات لكن المصيبة الوليد الكبير التفتيحةناقش الفيلم من وليعة الحفرة وقصة رطوبة السودان النسوانية المستدامة والوليد الغتيت حارن اطلع....والله الوالد بكون في اللحطة ديك اتمني الشافع الحقنة ود الكلب ده ان شاء الله اودوهو ناس الدفاع الشعبي الجنوب اموت هناك وما اجي تاني ..وليد حرام قطاع نصيب !! او اشيلوهو اودوهو لاهاااااي عديل الحقوهو هارونة وتاني ما اشوفو باذن الله!
كل الكضب والغش واللفلفة دي ده كلو عشان البيت السجمان ده ما فيهو حجرة نوم خاصة بالانتاج البشري... ومن هنا يتاسس الكذب ثقافة في الاسرة السودانية من هذه التفاصيل الصغيرة التي لا نلاحظها بل نستحي عند الخوض فيها لانها تخدش حياءنا المزعوم حيث لا حياء
مع اعمدة الدخان وبه يعلم بالموضوع كل الجيران والضيفان والحبان والاخوان وكل ناس الحيشان بان فلانة بنت فلان وفلان بن فلان في حالة نطاح ونكاح!

--------------------------------------------------------------------------------
مداخلة: #42
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 09:02 م
Parent: #41


............

--------------------------------------------------------------------------------
مداخلة: #43
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 10:29 م
Parent: #42


كونوا صريحين ايها السودانيون في تناولكم لقضاياكم وبكل شفافية في غرفكم الخاصة في بيوتكم في مؤسساتكم في الشارع في احزابكم حتي تقوم المعرفة علي الصدق فلا تنمية تقوم علي الخداع والكذب ولا حضارة يصنعها الدجالون والكذابون والافاكون فالصدق الصدق وحده منجاتكم من هذه الحالة الظلامية التي تسيطر فيهاعلي الوطن ملل من الكذبة والمضللين ونحن لا زال منا بعض الطيبين والساذجين من يصدقهم طالما يتحدثون باسم الله وشرع الله وسيماههم في وجوههم من اثر النفاق والله علي ما اقول شهيد!

--------------------------------------------------------------------------------
مداخلة: #44
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-03-2007, 11:49 م
Parent: #43


ابو العيال جاااي من سفر نص الليل بلوري (تيمس) والحاجة ما نايمة في البيت كانت عند اهلها وساكنين في قطية وكان ابو العيال الجاااي من السفر في حالة الفيلسوف سقراط العظيم....في قمة فلسفته وعلي طول مشي بيت النسابة والناس نايمة
وما في طريقة اكابس القطية والناس نايمة..ما في طريقة الا اشيل حجارة وقعد اطقع في القطية من بعيد..تج...تج.....تج....تج..في الساعة ديك قام الحاج ابو فلانة المستهدفة طوبيا والمطلوب القبض عليها بملحة...وقام تاوق من باب القطية وقام عرف صاحبنا نسيبو سقراط العظيم في قمة حالة فلسفته وقد وصلت به الي درجة الطقيع من غير ميز!!
في الحال قام العجوز لي كريمته المطلوبة في لاهـاااااي مثل هارونة وهويقول ليها:ها بنيتي استهدي بالله قومي قبل زولك ده ما اقد ليهو عين زولا فينا..ده جن عديل!!

--------------------------------------------------------------------------------
مداخلة: #45
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 03-03-2007, 07:26 ص
Parent: #44


.

--------------------------------------------------------------------------------
مداخلة: #46
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 03-03-2007, 11:59 ص
Parent: #45


ماراي اهل الشرع في بلادنا في طقوس الدخان بشكلهاالحالي ورمزيته الجنسية الصريحة
كدعوة صريحة من انثي لذكر هو زوجها علي الملا بلا استحياء وهي رسالة تبعث الفتنة
في قلوب ضعاف النفوس منن عباد الله ممن يشتمون هذا العطر الدخاني العجيب وسرعان ما يحرك فيهم فلسفة سقراط العظيم او باضعف الحالات ادبيات مانفستو السودان الجديد عند صديقي ياسر عمران!!

--------------------------------------------------------------------------------
مداخلة: #47
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 04-03-2007, 02:14 ص
Parent: #46


>>>>>>>>>>>>>>>>.

--------------------------------------------------------------------------------
مداخلة: #48
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 04-03-2007, 04:50 م
Parent: #47


؟؟؟؟؟؟؟؟؟؟

--------------------------------------------------------------------------------
مداخلة: #49
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 04-03-2007, 05:11 م
Parent: #48


بالله عليكم وعليكن كيف يكون شعور اي احد منكم وانت شخص ناضج وكبير وكالعادة السودانية فاجاك صديق/ة لك بزيارة من غير ان يخطرك بها وادخلته بيتكم وانت غير متزوج وفي البيت ربماالسيدة الوالدة اطال الله عمرها وربما اختك المتزوجة وقد ادخلت ضيفك البيت والدخان الملعون المفضوح يملا البيت بشكل يمكن ان يسبب اختناق لضيفك العزيز و بالطبع معروف هذا الدخان واسبابه وما بعده!!
بالله صفوا لي شعوركم/ن في هذه اللحظة....هل هو امر يدعو للحرج ام انه امر عادي وخاصة لو بدا الانزعاج علي وجه الضيف وهو محرج ايضا من هذا الواقع والموقف المحرج الذي وقع فيه وقد سجل زيارة في وقت ربما غير مناسب وربما الوقت مناسب ولكن مواعيد ايقاد هذه الحفرة المفضوحة غير مناسب..فالوالدة امراة طيبة وساذجة وايضا الوالد ريفي ساذج ولا يهمه في نهاية الامر غير سنجة في الرنجة!!

--------------------------------------------------------------------------------
مداخلة: #50
العنوان: Re: الدخــان في السودان اكبر فضيحة يا اخوان!!
الكاتب: EMU إيمو
التاريخ: 04-03-2007, 05:36 م
Parent: #49


هباني
الدخان أحياناً ينقذ من ورطة

الراجل جاء بعد منتصف الليل معشعشة في راسو سكرة بنت كلب
قال : يا ولية قومي سوي لينا شية
قالت: في الزمن دا نحصل لحم وين يا راجل المخرّف دا
قال : عليّ الطلاق تعملي لحم
المسكينة فكّرت جيد ... عندها بطانية الدخان مسبّكة من التوابل
قطعتها شرائح مع تور بصل وشوية دكوة وجابتها للراجل
صاحبنا أكل زيييين ، بااااااع الحمد لله
أخذ عود وبدأ ينظف اسنانه


الثانية
ابو علي اليماني خرج متأخر من منزله ومتجه للورشة، اراد فحص زيت السيارة
رفع رأسه للتأكد من مقاس الزيت، شاف الدخان من المنور لعنان السماء
رفع السماعة وإتصل بالمطافي
في شنو
سودانية تتدخن
ثلاثة سنوات كل ما اقابلو يذكرني بالدخان

--------------------------------------------------------------------------------
مداخلة: #51
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 05-03-2007, 00:40 ص
Parent: #50


العزيز ايمو

سلامات وشكرا علي مرورك الباهي وهذه القفشات الفكهة!

يبدو من ارتياح السودانيين المتدينين والمهذبين من هذه العادة الدخانية حتى اليوم حيث انها لا تسبب لديهم حرجا بل هي جزء من التراث والتقاليد لها القداسة ولا احد حتى اليوم اعترض عليها او حاول محاربتها الحمد لله تحت اي مزعم ديني او اخلاقي باعتبارها امرا مفضوحا وهي تمثل ايحااءات ورمزية جنسية صريحة شالنها شان رقصة العروسة السودانية الهجلوبة اللهلوبة والجلوعةو الدلوعة والمرنوعة والتي رقصت بالرحط ذات يوم وهي في حالة شبه ام فكو في مجتمع مسلم محافظ وقد اقتصرت علي السودانيين المسلمين فقط وانا اوافقهم في ذلك الخيار رغم فضيحته وصراحته طالما كان خيار شعبنا و(الموت نص الجماعة عرس)!!
لكن السؤال والمحك الحقيقي لهذا التهذب ما اذا كان امرا حقيقيا اوغير ذلك..ماذا لو اقام سوداني/ة مسلم/ة بغرض تجاري بحت مجموعة محلات خاصةللنساء للدخان مثل محلات الساونا..وهي صالونات تنتشر في كل شوارع العاصمة ولها لافتاتها وعلاماتها التجارية المضيئة وهي يتصاعد من داخلها الدخان اشكالا والوانا..وتخيلوا منظر السيارات امام المكان ونساء خارجات ونساء داخلات..(طبعا قرش واري ورة زي الرز وهو محل زيو وزي اي كوفير ستات!!) هل هنا في هذه الحالة سنتوقع حملات التشهير بهذا السوداني/ة وانه يساهم في اشاعة الفاحشة والرذيلة وسيتهمونه/ها بالقوادة رغم ان الامر عرف وتقليد مجاز اجتماعيا ومباحا ولا احد يعترض عليه ولم يحرم دينيا ولا اخلاقيا!!؟؟
اخاف ان يقتنص هذه الفكرة كوز بن كلب متنفذ وبعد اسبوع ساسمع بالخرطوم امتلات بمحلات( دخان حذيفةالطلحي وشاف ام القري الاسلامي.....ويثرب للدخان المبارك... والدخان الاسلامي
وذات النطاقين للدخان والحميراء للدخان الرسالي!!


--------------------------------------------------------------------------------
مداخلة: #52
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 05-03-2007, 07:04 ص
Parent: #51


ومن هذه التفاصيل الصغيرة والتي نستحي من تناولها بدات فكرة الكذبة الاولي وغياب الصدقية والشفافيةفي البيت السوداني وللاسف من طرف الابوين القدوة..وكانت ردة الفعل هي المؤامرة من الابن(الحقنة) وهو يدري الكذبة ويرفض استغفاله بهذه الطريقة الساذجة وتبدأحالة ( المكاجرة) رافضا هذا الاستغفال... ويبدو ان هذه هي البدايات الجنينية للمؤامرة في الفكر السياسي السوداني وتطور الكذب من مستوي شخصي حتى وصل ذروة سقفه في الشكل الرسمي السياسي الذي تبدى في اقذع صوره في هذا النظام المعطوب والذي هو الكذب المؤدلج وللاسف باسم قداسة السماء وهو احط انواع السقوط والانحطاط وما بعد سقف الكذب والخداع.

--------------------------------------------------------------------------------
مداخلة: #53
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 05-03-2007, 09:03 ص
Parent: #52


[B]ونخلص من هنا ان رحلة الكذب في السودان بدأت بحفرة الدخان وانتهت بحفرة الانقاذ وهي الكذب في هيئته الضارةجدا عندما ينمو الي حالة متضخمة تلتهم وطنا باهله ومقدراته واحلامهم وباسم السماء ورب السماء...فبدلا من ان يهذب الدين النفس البشرية ويطهرها من ادرانها وارجاسها واولها الكذب نجد ان الدين في حد ذاته صار ضحية ومطية للكذبة والافاكين ابتذلوه ايما ابتذال لتحقيق اغراضهم الدنيئة الاجرامية وقد كذبوا علي الله ايضا والله علي ما اقول شهيد!![/B]

--------------------------------------------------------------------------------
مداخلة: #54
العنوان: Re: الدخــان في السودان اكبر فضيحة يا اخوان!!
الكاتب: JAD
التاريخ: 05-03-2007, 12:40 م
Parent: #1


Quote: ماراي اهل الشرع في بلادنا في طقوس الدخان بشكلهاالحالي ورمزيته الجنسية الصريحة
كدعوة صريحة من انثي لذكر هو زوجها علي الملا بلا استحياء وهي رسالة تبعث الفتنة
في قلوب ضعاف النفوس منن عباد الله ممن يشتمون هذا العطر الدخاني العجيب وسرعان ما يحرك فيهم فلسفة سقراط العظيم او باضعف الحالات ادبيات مانفستو السودان الجديد عند صديقي ياسر عمران!!




دعونا أيها الإخوة الأفاضل أن ننظر بصورة أجمل لهذه العملية ..

إن انتشار رائحة الخمرة والدلكة وبخور عود الصندل المشبع بخلطة العطور السودانية المميزة وتصاعد دخان الطلح والشاف من منزل ما يوحي بأن هذا البيت ينعم بالهدوء والسلم الداخلي بين الزوج والزوجة .. يعني
و - من جهة ما يرمي له البعض هنا- تعني وجود علاقات زوجية حميمة وهي عنصر أساسي من عناصر البيت الذي تتجسد فيه الحكمة الربانية من الزواج ألا وهي تحقيق السكينة بين الزوجين ثم تأتي المودة الرحمة..

ثم ما تلبث هذه السكينة والرحمة والمودة أن تنسكب على الأبناء فيتمتعون باستقرار نفسي وإشباع عاطفي وحنان أسرى فيشبون وهم أكثر اتزاناً في الحياة وأكثر نفعاً للمجتمع حيثما حلوا ..

ولا ننسى أن حسن تبعل المرأة لزوجها يعدل جهاد زوجها في سبيل الله ..

فطوبا لأمهاتنا ولأخواتنا وزوجاتنا وهن يسعين نحو التبعل الحسن للأزواج ..

وسحقاً للنساء الناشزات المائلات المميلات اللاتي يستكثرن شيئاً من التجمل وشيئاً من الطيب على أزواجهن ويهرولن هرولة المسعور نحو العشيق بكل تجمل مصطنع وتودد كله زيف في زيف من أجل المتعة الحرام ..




Quote: حقوا تعمل البوست ده هديه لاخونا احمد هارون الذاهب
للاهاي حيث سيفتقد الدخان جدا,وما تنسى زولنا (عامل سبع برومبه) وعنده زوجتين كمان
تلقى ناس الجبهه اخوانه الخونه من حسه بيتاوقوا لنسوانه..فيهم رقشه وله لا...
وما بعيد يكونوا اتقاسموهم في سرهم(زي نسوان الشهداء),يستاهل عشان ثاني يبقى جبهجي.




الأخ هباني ..

إذا كان الدخان يوحي بقرب حالة جماع وهو شيء مشروع بين الزوجين ومطلوب لإنجاب الذريات البشرية .. فبما يوحى الكلام المقتبس أعلاه؟؟؟!!!!!!!!!!!!!!!!

جاد



--------------------------------------------------------------------------------
مداخلة: #55
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 05-03-2007, 01:29 م
Parent: #54


الاخ/ جاد

شكرا علي المداخلة الجيدة
وحمدا لله ان الامر لا زال عادياطالما ظل لاجل علاقة مشروعة
ولا زال سؤالي قائما حول رمزيته المفضوحة واثارها الجانبية علي بقية اهل البيت والجيران والمارة...وحول شرعيته اذا ما احالته الي مشروع تجاري
يدر مالا لاهله طالما بعض النساء المتزوجات يطلبنه في مكان تجاري مجهز باحدث
ادوات الدخان مثله ومثل اي صالون تزيين سيدات تجاري عادي!!

--------------------------------------------------------------------------------
مداخلة: #56
العنوان: Re: الدخــان في السودان اكبر فضيحة يا اخوان!!
الكاتب: JAD
التاريخ: 05-03-2007, 02:44 م
Parent: #1


Quote: وحول شرعيته اذا ما احالته الي مشروع تجاري
يدر مالا لاهله طالما بعض النساء المتزوجات يطلبنه في مكان تجاري مجهز باحدث
ادوات الدخان مثله ومثل اي صالون تزيين سيدات تجاري عادي!!





دا خليو كدا مقنطر لي بكرة بإذن الله

تحياتي،،

--------------------------------------------------------------------------------
مداخلة: #57
العنوان: Re: الدخــان في السودان اكبر فضيحة يا اخوان!!
الكاتب: عزيز عيسى
التاريخ: 05-03-2007, 04:45 م
Parent: #1


إزيك يا هشام،

شايف عربيتك دخاخينها في السماء

بتذكر لما كنت عايش في السعودية كان في العمارة الساكنين فيها معانا واحد أخ سوداني..
زوجة الراجل وصلها الطلح من السودان وعلى طول ولعت النار وقعدت تدخن في المطبخ..
الدخاخين ملت العمارة كلها وصعدت في السماء.. بعد شوية سمعنا صاحب العمارة بيصيح
الحريقة الحريقة وراح ضارب باب مدخل الشقة كسروا ولم تعد لحظات ناس المطافيء برضو
وصولوا.. بس عايزك تتخيل كيف يكون وضع الولية دي والحرج الذي سببته لزوجها
ولينا أنحنا السودانيين.

--------------------------------------------------------------------------------
مداخلة: #58
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 05-03-2007, 06:01 م
Parent: #57


عزيز

سلامات

ما مهم الحريقة في العمارة وفي سيد العمارة بس ان شاء الله الزول سيد البيتزا اخونا حصل( البيتزا) حارة قبل ما تبرد!

--------------------------------------------------------------------------------
مداخلة: #59
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 08-03-2007, 11:15 ص
Parent: #1


>>>>>>>>>>>>>>

--------------------------------------------------------------------------------
مداخلة: #60
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 09-03-2007, 07:52 ص
Parent: #1


>>>>>>>>>>>>>>>>>

--------------------------------------------------------------------------------
مداخلة: #61
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 10-03-2007, 02:51 ص
Parent: #60


انها رحلة التقصي عن الكذب في السودان من حفرة الدخان حتي حفرة الاخوان!

--------------------------------------------------------------------------------
مداخلة: #63
العنوان: Re: الدخــان في السودان اكبر فضيحة يا اخوان!!
الكاتب: nile1
التاريخ: 11-03-2007, 09:42 م
Parent: #61


هشام هباني
تحياتي

والله السيد والدكم ليهو الجنه إن شاء الله..ما عارفو صبر على شافع مقرم ومقددها زيك كدا كيقن..الله لا يبلي حبيب بي عيال زي عينتك لما كنت صغير..صغير شنو..إنت أظنك ولدوك بي سنونك وشنباتك..لك ودي

--------------------------------------------------------------------------------
مداخلة: #64
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 12-03-2007, 10:46 ص
Parent: #63


نايل 1

سلامات

كل الشعب السوداني شفوت ومقددنها بس الشفتنة خشم بيوت!!

تحياتي

--------------------------------------------------------------------------------
مداخلة: #65
العنوان: Re: الدخــان في السودان اكبر فضيحة يا اخوان!!
الكاتب: ABDELMAGID ABDELMAGID
التاريخ: 12-03-2007, 02:29 م
Parent: #64



الناظر ...
ده ياتو دخان ؟؟؟
البتعنيو ده !!!
اوعى اكون !!!
الطابق ( البوخه !!! )
كان ده ؟؟؟
حلالالالالالالالالالالالاتو !!!
كان ( طلح !!! ) كان ( صندل !! ) كان ( شاف !!! )
عبدالماجد

--------------------------------------------------------------------------------
مداخلة: #66
العنوان: Re: الدخــان في السودان اكبر فضيحة يا اخوان!!
الكاتب: بابكر حامد احمد
التاريخ: 12-03-2007, 07:20 م
Parent: #65


ما سمعت يا ود هباني حكمة اليوم ...

قالوا المره برا دخان زي الشاي بلا هبهان ....

--------------------------------------------------------------------------------
مداخلة: #67
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 13-03-2007, 00:10 ص
Parent: #66


بابكر

سلامات

صدقت حين قلت:
Quote: قالوا المره برا دخان زي الشاي بلا هبهان ....


--------------------------------------------------------------------------------
مداخلة: #68
العنوان: Re: الدخــان في السودان اكبر فضيحة يا اخوان!!
الكاتب: نيازي عبدالله مرحوم احمد
التاريخ: 13-03-2007, 06:40 ص
Parent: #67


حبيبنا ود هباني عدنا اليكم بعد جكة ومعافرة في دروب الحياة وبمجرد ان فتحت المنبر العام شميت الدخاخين وانت عارف عشان اخوك عريس جديد عندو حساسية عالية ضد كل انواع الدخان
الموضوع معقد وشائك لكن من البيت ببداء التكوين الروحي للابناء وقدوتهم الوالدين دا موضوع من جملة مواضيع تساهم في تكوين الشخصية السودانية عشان كده نحنا قدام مواضيع كثيرة حاجاتنا مختلفة ما زي الناس فيها ربما الكويس وربما البطال....صعب تلقي شخص ديمقراطي عنده القدرة الكاملة الي تقبل النقد وعند القدرةعلي ادارة الصراع والحوار الفكري دون شخصنة المواضيع ووضعها في اطارها الصاح دا من شنو من التربية في البيت.....
حاجات كتيرة بداييتها الخطاء البيت لكن برضو هناك جهود وظروف تظافرت معا وجعل الامور تاخد هذا المنحي في تربييتنا بجيك ب رواقة بعدين ما تنساني من البقشيش لو عندك مشوار ساعة كتابو مشاركتي الفاتت فوتناها ليك
لك الود والمحبة

--------------------------------------------------------------------------------
مداخلة: #69
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 21-03-2007, 01:51 م
Parent: #68


حبيبنا نيازي

سلامات


Quote: وبمجرد ان فتحت المنبر العام شميت الدخاخين وانت عارف عشان اخوك عريس جديد عندو حساسية عالية ضد كل انواع الدخان
الموضوع معقد وشائك لكن من البيت ببداء التكوين الروحي للابناء وقدوتهم الوالدين دا موضوع من جملة مواضيع تساهم في تكوين الشخصية السودانية عشان كده نحنا قدام مواضيع كثيرة حاجاتنا مختلفة ما زي الناس فيها ربما الكويس وربما البطال....صعب تلقي شخص ديمقراطي عنده القدرة الكاملة الي تقبل النقد وعند القدرةعلي ادارة الصراع والحوار الفكري دون شخصنة المواضيع ووضعها في اطارها الصاح دا من شنو من التربية في البيت.....
حاجات كتيرة بداييتها الخطاء البيت لكن برضو هناك جهود وظروف تظافرت معا وجعل الامور تاخد هذا المنحي في تربييتنا بجيك ب رواقة بعدين ما تنساني من البقشيش لو عندك مشوار ساعة كتابو مشاركتي الفاتت فوتناها ليك



--------------------------------------------------------------------------------
مداخلة: #70
العنوان: Re: الدخــان في السودان اكبر فضيحة يا اخوان!!
الكاتب: هشام هباني
التاريخ: 02-04-2007, 04:14 ص
Parent: #69


////


--------------------------------------------------------------------------------