والله جنس شتارة مباراة كورة قدم تكريم للمفكر العالمي صادق المهدي!!!؟

مكتبة هشام هباني والله جنس شتارة مباراة كورة قدم تكريم للمفكر العالمي صادق المهدي!!!؟
23-03-2007, 12:21 م المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1188806387&rn=0


--------------------------------------------------------------------------------
مداخلة: #1
العنوان: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: هشام هباني
التاريخ: 23-03-2007, 12:21 م


شنو علاقة صادق المهدي ابقى واحد في تصنيف جديد مفكر من مية مفكر عالمي ويقوموا ناس الهلال والموردة اعملوا مباراة في كرة القدم بين الفريقين احتفاءبهذا الانجاز الحضاري لشعب السودان؟؟!..ولا سمعنا بجامعات السودان ولا اتحاد كتاب وادباء السودان ولا صحافيو السودان ولا جمعيات ادبيةقاموا بعمل تكريمي لهذا المفكر السوداني باعتبارو من صميم اهتمامات هذه الجهات الفكرية والثقافية؟
لكن جنس شتارة علينا نحن السودانيين والله دي اهانة في حق صادق المهدي ما بعدها اهانة
مباراة كرة قدم تكريما لزول حاز علي لقب مفكر عالمي...يعني دي اساءة بالواضح معناها يا سيد والله انت بتفكر بكرعينك!

--------------------------------------------------------------------------------
مداخلة: #2
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: هشام هباني
التاريخ: 23-03-2007, 12:51 م
Parent: #1


عشان انا زول انصاري حار ود انصار زعلان لامام الانصار من الاهانة دي والله لو مشي الامام عشان احضر الكورة دي اكون بالغ سيدي....وبكون عرض نفسو لاهانة بالغة...عشان امشي واتكركر لاستاد الهلال عشان هو هلالابي.. واسمع كلام كلو من جنس الفكر ده (ووووب عليكم يا رشاشات واحيي انا ياالقون وتوووش يا الباكات..وبيض ليهو الكورة يا بريش....تنقة تنقة تنقة....)) اها في داعي للبهدلة الفاضية دي واقوموا في اخر المباراة ادوهو وشاح ولا كاس!! غايتو شتارتكم يا شعب السودان والله عينة.. وانا متاكد الزول الفكر في الحكاية دي يا شيطان بن مليون هرمة وقاصد اخت السيد في المهزلة دي ... واما زول مضهب حد الضهب البعيد وانصاري لليفة بفتكر بالحكاية دي جماهير الموردة والهلال حتبايع الامام في الانتخابات الجاية!!

--------------------------------------------------------------------------------
مداخلة: #3
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: هشام هباني
التاريخ: 23-03-2007, 02:10 م
Parent: #2


والنوع ده من المباريات بكون دايما بمناسبة تكريم لاعب قديم بمناسبة اعتزالو...امكن ديل اكونوا جماعة حريفة من الحزب ودبلوماسية جدا فبدلا من اعملوا انقلاب او انشقاق في الحزب تعبيرا عن زهجن وهم خلاص زهجوا من كنكشة الامام المفكراتي الطولت شديد في السلطتين الزمنية والدينية في الحزب والامامة لاكتر من اربعين سنة اكونوا قاصدين ارسلوها رسالة حريفة زي دي وعشان الامام المفكر بفهما طايرها..وحافهم الفيلم انو بعد ده احسن ليهو باقي العمر ده اعتزل السياسة واشتغل مفكراتي في الجامعات والمؤتمرات والسياسة اخليها للاولاد والاشبال الجدد في فريق حزب الامة وانتهي زمن ناس جقدول والسد العالي وقرعم وجكسا عشان ديل من جيل الامام لمن ابتدا كنكش في السياسة وهو من الزمن داك ماشاء الله الكابتن ولاعب النص والهداف والمدرب والمشجع في حزب الامة!!

غايتو لو الامام المفكر العالمي لوما فهم الرسالة دي...اكون بالغ مبالغة!!؟

--------------------------------------------------------------------------------
مداخلة: #4
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: هشام هباني
التاريخ: 23-03-2007, 02:50 م
Parent: #3


لكني عارفو مولاي الامام ما بضيع عضة المكرفون في جمهرة زي دي وجماهير هلال رشاشات وقراقير موردة قدر عين الشمش دي والله تخليهو اكنكش في الحكاية لمن اهنق حمار الوادي لغادي وناس الامير عبد الرحمن ظاااطو ما اضوقوهاولا وليدات ستي مريم والضحك بشرط اصحاب اللعبة المهببة والماقادرين اصارحوا الامام عديل عديل بس فالحين في شغل المطاعنات...اجيبوا الهلال بكل رشاشاتو والموردة بقراقيرها عشان ارسلوا رسالة بايخة زي دي....عالم جبانات بشكل!!!

--------------------------------------------------------------------------------
مداخلة: #5
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: ABDELMAGID ABDELMAGID
التاريخ: 23-03-2007, 04:40 م
Parent: #4


Quote: مباراة كورة قدم تكريم للمفكر العالمي صادق المهدي!!!؟


الناس فى شنو و الحسانيه فى شنو

--------------------------------------------------------------------------------
مداخلة: #6
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: هشام هباني
التاريخ: 23-03-2007, 04:53 م
Parent: #5


هوووووووي يا عمدة!

اوعي تضطرونا نقوم نقلبها....نحن اهل جاهلية...لسع ما قلنا قولتنا!!

--------------------------------------------------------------------------------
مداخلة: #7
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: حيدر حسن ميرغني
التاريخ: 24-03-2007, 05:12 ص
Parent: #6


هشومة

كلامك صحيح

لكن السيد الصادق يستاهل التكريم من ناس الكورة برضو لانه وقت الديمقراطية ما قصَر في حقهم

بعدين اصبح حب الناس للكورة اكبر من حب الوطن

الثقافة السائدة هناك ثقافة رياضية وغنائية وحاجات تانية انت بتعرفا

الانقاذ كرَهت الناس السياسة..

والناس بقت تتنفس كورة بس

خوفي بعد كده يعملوها رياضة جهادية.. زي ما عمل نميري رياضة جماهيرية

--------------------------------------------------------------------------------
مداخلة: #8
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: ناجى أحمد البشير
التاريخ: 24-03-2007, 05:13 ص
Parent: #6


يا خونا هبانى بالراحة

الصادق المهدى برضه رياضى من الطراز الاول .. وكابتن منتخب البولو """"""""""""""""

وكيف للرياضيين الاحتفال به ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الصادق المهدى رغم أنه مفكر عالمى الا ا،ه وبالرغم منحجم مسئوليات الكبيرة , الا انه

مشجع كرة قدم من الطراز الاول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

--------------------------------------------------------------------------------
مداخلة: #9
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: NEWSUDANI
التاريخ: 24-03-2007, 06:04 ص
Parent: #1


في واحد كان زميل المدعو جعفر محمدمحمد النميري في حنتوب بيحكي أنه حكمه زي لعب كورتو فسألنا كيف قال نميري كان بيشوت الكورة من القون لوسط الملعب ويلحق في الوسط ويقالع فيها ويجدعها للجناح ويجري خانة الجناح عشان يرفعها للقون ويجري القون عشان يهدف وفي النهاية يطلعها بره ،،

عرفت التكريم ليه ولا نقول كمان

--------------------------------------------------------------------------------
مداخلة: #10
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: ahmed babikir
التاريخ: 24-03-2007, 06:49 ص
Parent: #9


لماذا لا ترحب هنا ايضا بالفحل منعم سليمان !!
وحتي نسعفك اجرينا عملية النقل حتي لا نقصر في حق فحول السودان القديم والجديد!!


العزيز بشاشا

اهلا بالاخ منعم سليمان قلما يفيض صراحة وضميرا شفافا
نحتاجه في هذا الزمن العتيم لحوارات وطنية جادة تؤسس
علي الصراحة والمكاشفة بين ابناء الوطن الواحد لخلق مذاهنة فكرية سوية ترفض
نظرية( الكلام المغتغت وفاضي) اي جبر الخواطر وتطييبها
علي حساب مصالحنا الوطنية العلياالتي لا تصان الا في جو شفاف وباناس يمتلكون الجراة
في تجاوز حواجزالمسلمات الجائرة والتابوات العتيدة والتي تصادر كل ابداع وكل جديد
وتحنطنافي مقولة( ليس من الابداع افضل مما كان)!

اهلا منعم ولي قدام

--------------------------------------------------------------------------------
مداخلة: #11
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: Mustafa Mahmoud
التاريخ: 24-03-2007, 08:49 ص
Parent: #10


والنوع ده من المباريات بكون دايما بمناسبة تكريم لاعب قديم بمناسبة اعتزالو...امكن

may be sadig
is going to retire

i sincerly hope so

mustafa

--------------------------------------------------------------------------------
مداخلة: #12
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: هشام هباني
التاريخ: 26-03-2007, 09:33 ص
Parent: #1


؟؟؟؟

--------------------------------------------------------------------------------
مداخلة: #13
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: هشام هباني
التاريخ: 04-04-2007, 12:10 م
Parent: #12


؟؟؟؟؟

--------------------------------------------------------------------------------
مداخلة: #14
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: هشام هباني
التاريخ: 04-04-2007, 07:17 م
Parent: #1


؟؟؟؟

--------------------------------------------------------------------------------
مداخلة: #15
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: عبدالمنعم خيرالله
التاريخ: 04-04-2007, 10:09 م
Parent: #14


الحبيب هشام هبانى لك التحيات الطيبات
لالا ده ما شتارة غلطان يا حبيب
لو قريت للصادق المهدى الرياضة لسيت لعبا
بتفهم السوهو ناس هلالنا العظيم (هلال الملايين)
والتناسب واضح الصادق المهدى زعيم فى الامة السودانية,ومفكر سياسى واسلامى على مستوى العالم
والهلال فى زعيم فى السودان والامة الافريقية,يعنى ما فى
اهانة ولا حاجة وده جهد شعبى خالص نعتز بيهو جدااخير لينا من علماء وادباء السجم والرماد
وسؤال يا ود هبانى انت قايل انو فى انصارى بيكون فرحان لو قام عمر البشير بتكريم السيد؟
انت عارف ده الحتكون اهانة ما بعدها اهانة ياود هبانى
ومن هنا نحى الهلال ولاعبى الهلال والموردة ولاعبى الموردة والمريخ وكل الفرق السودانية التى
تطلعت بالدور المناط بها قيامة, وحقيقة كلام سيد صادق ما وقع ا
حقيقة الرياضة ليست لعبا
وانا هى رسالة مجتمية تقول دائما العقل السليم فى الجسم السليم والتحية ليك يا هلالنا

--------------------------------------------------------------------------------
مداخلة: #16
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: ابوبكر يوسف إبراهيم
التاريخ: 05-04-2007, 08:51 ص
Parent: #15


يا هشام

بعد التحية والإحترام يا همام

السيد الصادق دا ما لاعب قديمأ يا أخي.. والمفروض هسه يكون كوتش كبير أكبر من بيكنباور!! ..بالله عليك مش شر البلية ما يضحك!! .. هههههها.. بس أنت حتجيب لي نفسك الكفية يا هشام.. أو إنت فارس من زمان آتي.. يا أخي لآزم تتعود تتأقلم على نظامنا نظام: لبن سمك تمرهندي ومفروكة ؟!!

--------------------------------------------------------------------------------
مداخلة: #17
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: عبدالمنعم خيرالله
التاريخ: 05-04-2007, 03:36 م
Parent: #16


الحبيب هشام هبانى لك التحيات الطيبات
لالا ده ما شتارة غلطان يا حبيب
لو قريت للصادق المهدى الرياضة لسيت لعبا
بتفهم السوهو ناس هلالنا العظيم (هلال الملايين)
والتناسب واضح الصادق المهدى زعيم فى الامة السودانية,ومفكر سياسى واسلامى على مستوى العالم
والهلال فى زعيم فى السودان والامة الافريقية,يعنى ما فى
اهانة ولا حاجة وده جهد شعبى خالص نعتز بيهو جدااخير لينا من علماء وادباء السجم والرماد
وسؤال يا ود هبانى انت قايل انو فى انصارى بيكون فرحان لو قام عمر البشير بتكريم السيد؟
انت عارف ده الحتكون اهانة ما بعدها اهانة ياود هبانى
ومن هنا نحى الهلال ولاعبى الهلال والموردة ولاعبى الموردة والمريخ وكل الفرق السودانية التى
تطلعت بالدور المناط بها قيامة, وحقيقة كلام سيد صادق ما وقع ا
حقيقة الرياضة ليست لعبا
وانا هى رسالة مجتمية تقول دائما العقل السليم فى الجسم السليم والتحية ليك يا هلالنا
(عدل بواسطة عبدالمنعم خيرالله on 05-04-2007, 07:49 ص

--------------------------------------------------------------------------------
مداخلة: #18
العنوان: Re: والله جنس شتارة مباراة كورة قدم تكريم للمفكر العالمي صادق المهدي!!!؟
الكاتب: mekki
التاريخ: 06-04-2007, 06:18 ص
Parent: #1


الأخ هشام هبانى لك التحيه..أنت وضيوفك الكرام...
على العكس نرى ان هذا التكريم فيه كميه لا نهائيه من الخلق والابداع...
فالفكره جميله للغايه...
وتدل على عقليه حباره يمتلكها القائمون على أمر فريقى الهلال والمورده...
تحياتنا موصوله للإمام المفكر العالمى الوطنى السيد الصادق المهدى...
ونحن بصدد كتابة بوست خاص عنه إنشاء الله


--------------------------------------------------------------------------------