الأحد، 27 أبريل، 2008

احمـــــــــد ابني ارهابــي ..فهل من معيـــن

مكتبة هشام هباني احمـــــــــد ابني ارهابــي ..فهل من معيـــن!!
19-06-2006, 06:42 ص المنتدى العام لسودانيز أون لاين دوت كوم
» http://www.sudaneseonline.com/cgi-bin/sdb/2bb.cgi?seq=msg&board=138&msg=1200025986&rn=0


--------------------------------------------------------------------------------
مداخلة: #1
العنوان: احمـــــــــد ابني ارهابــي ..فهل من معيـــن!!
الكاتب: هشام هباني
التاريخ: 19-06-2006, 06:42 ص


بالامس وانا عائد الي البيت من معافرة الرزق اليومي وانا نازل من صهوة التاكسي السجمان فاذا بجموع من طيور تكساس السوداء -وهي طيور شائعة الانتشار في منطقة تكساس - تتجمع افواجا واسرابا امام البيت( الذي بناه الجاك) وهي تحدث جلبة وصياحا مفزوعة..وهي تذكرني باصوات الطيور في السودان في بيئاتنا الريفية الجميلة وهي فزعة عندما يتهددها وصغارها الخطر كظهور قط او كلب او ثعبان بالقرب من اعشاشها فسرعان ما تتجمع اسرابا تحدث مثل هذه الاصوات المفزوعة تنذر بعضها من هذا الشر القادم وهي تتبع هذا القادم الشرير وهو يهدد حياتها وصغارها!!
في البدء تعجبت من هذا الحدث..وانا اعلم ان الطيور في هذا البلد تعيش امنا وطمانينة وامانا اكثر من مواطني السودان اهلي الذين تتهددهم المخاطر من كل صوب وعلي راس المهددات والمخاطرالدولة نفسها ولصوصها ومجرموها والمتنفذون فيها من المفسدين!! فالطيور والحيوانات البرية هنا تعيش الامن والسلام بسبب الثقافة السائدة التي ترعاها وتهتم بها والقوانين الصارمة التي تحميها وتنزل اقسى العقوبات بالمتعدين عليها...
ظللت ابحث عن هذا الخطر الداهم الذي يتهدد هذه الحيوانات الطيبة..فقلت ربما كان قطا او ثعبانا يتهدد اعشاشها..وتتبعتها وهي تواصل صياحها داخل حديقة البيت وتبعتها وهي كانها تشكو الي من هذا الخطر وتطلب مني الحماية.. وظللت ابحث عن هذا الشر القادم الذي يهدد طيور الله المسكينة...وكانت المفاجأة والدهشة وانا اراها تتجمع في شجرة معينة
فقلت في نفسي هذه هي الشجرة المقصودة التي بها الخطر ودهشتي كانت عظيمةعندما وجدت
الخطر المحدق بهذه الحيوانات الطيبة انه ابني احمــــــــــــــــــــــد كان صاعدا الشجرة مطاردا احد افراخها وهو يتلذذ بهذه المطاردة الشقية وهو يقضي اجازته الصيفية
وعندها صحت فيه صارخا انزل يا مصيبة عاوز تجيب لينا البوليس والهوا البارد في البلد دي..الله العنك يا الملعون...حتى طيور البلد المسكينة دي ما عاوزين تريحوها..!!)
وقلت في نفسي :الهذا الحد نحن العنف ناخع في جيناتنا..من اين حصل هذا الشقي علي هذه الثقافة العنفية....فلعنت المنفي وام المنفي وام الانقاذ ودين الترابي الذي اورثنا هذا
البلاء!!


هباني ظاااطو

--------------------------------------------------------------------------------
مداخلة: #2
العنوان: Re: احمـــــــــد ابني ارهابــي ..فهل من معيـــن!!
الكاتب: هشام هباني
التاريخ: 19-06-2006, 07:30 ص
Parent: #1


من هذه الحادثة العارضة تاكد لي ان العنف ناخع في ثقافتنا وفي جينات التكوين لدينا
ففي ثقافتنا في افراحنا نجده في عادة ( البطان واطلاق الرصاص في الهواء) تعبيرا عن الفرح وايضا في اكل (المرارة) وهي اشرس طبق طعام بشري علي الاطلاق ( فشفاش+ابو الدمام
ضنب+كبده +كلوة+ حلقوم+ بول وده كله طبق نــي غير مطبوخ يعني دي اكلة توديك غوانتانامو عديل!!)
وايضاناخع العنف في ثقاقة صيد الطيور الصغيرة الجميلة التي تعيش بجوارنا!! وهذا بالاضافة لتفسيراتنا المغلوطة للدين والتي تكيل للاخر الويل والثبور وتستبيح دمه حلالا..كما يحدث الان في سودان الانقاذ المهووس وسجله الحافل بالقتل والتعذيب..والذي لم ينته بعد وحادثة محاولة اغتيال الدكتور النجيب الحديثة هي واحدة من ملامح هذا العنف المتأصل في ثقافات بعض من مكونات هذا السودان !!
وهنالك جوانب متعددة في ثقافتنا تتبدي فيها صور العنف..

--------------------------------------------------------------------------------
مداخلة: #3
العنوان: Re: احمـــــــــد ابني ارهابــي ..فهل من معيـــن!!
الكاتب: Marouf Sanad
التاريخ: 19-06-2006, 07:42 ص
Parent: #2


Quote: ( فشفاش+ابو الدمام
ضنب+كبده +كلوة+ حلقوم+ بول




مالك بتمطق فينا من الصباح


تعرف أنا اليومين دي في أرانب خلا بتحاومن جنب البيت , انا قانص ليهن وكان لقيت فرصة في واحدة بجيب اجلها .

تحياتنا لي ابو حميد

--------------------------------------------------------------------------------
مداخلة: #4
العنوان: Re: احمـــــــــد ابني ارهابــي ..فهل من معيـــن!!
الكاتب: هشام هباني
التاريخ: 19-06-2006, 08:03 ص
Parent: #3


معروف

سلامات

ايه رايك عازمك صحن (ام فتفت) كده من الصباح بس لا بد من اكلها سرا هنا في
امريكا...والا جماعة الاف بي اي بغتسوا حجرك!!

والله انا ظاااطي لمن اشوف لي بطة ولا وزينة تتقدل جنب بيتي طوالي ( بمطق) لكن وين مع القانون ده...البط والوزين عارف القانون عشان كده بقدل ساكت وما خايف من الوحوش الزينا...هاك الفانون ده!

--------------------------------------------------------------------------------
مداخلة: #5
العنوان: Re: احمـــــــــد ابني ارهابــي ..فهل من معيـــن!!
الكاتب: هشام هباني
التاريخ: 19-06-2006, 10:02 م
Parent: #4


...................ز

--------------------------------------------------------------------------------
مداخلة: #6
العنوان: Re: احمـــــــــد ابني ارهابــي ..فهل من معيـــن!!
الكاتب: هشام هباني
التاريخ: 20-06-2006, 10:41 ص
Parent: #5


؟؟؟؟؟؟؟؟؟؟؟؟؟؟؟؟؟؟

--------------------------------------------------------------------------------
مداخلة: #7
العنوان: Re: احمـــــــــد ابني ارهابــي ..فهل من معيـــن!!
الكاتب: غادة عبدالعزيز خالد
التاريخ: 20-06-2006, 10:49 ص
Parent: #6


هشام هبانى يا اخوى
ابقى على ولدك دة عشرة
حالة صعبة خلاس

خالص التحايا
غادة

--------------------------------------------------------------------------------
مداخلة: #8
العنوان: Re: احمـــــــــد ابني ارهابــي ..فهل من معيـــن!!
الكاتب: هشام هباني
التاريخ: 20-06-2006, 11:02 ص
Parent: #7


الاخت الكريمة غادة

سلامات ونهارك سعيد

والله الزول ده باقي عليهو الف الشديد
لكن المحيرني الشقاوة دي لقاها وين زول ابدا ما عاش في السودان
وحتي الجيران الجمبنا امريكان (مساكين) !!
يعني لو قلنا نتفسح ساكت في اي حديقة..لازم نوجه ليهو جملة تحذيرات
قبل الذهاب..انو ما اهبش بطة ولا طيرة من طيور الله ولا اسك ليهة كلب امريكان....اها بعد ما نمشي الزول بس زي ناس (الانقاذ) لا بعرف عهود ولا وعود..نبقي طول الفسحة قلوبنا في ايدينا والبط اكورك والطير اكورك وكلاب الخواجات تنبح ونضطر نقطع الرحلة ونرجع( الغابة) تاني زي ناس (رياك مشار وكاربينو) وما عندنا غير نقول الله يهديهو!!

هباني

--------------------------------------------------------------------------------
مداخلة: #9
العنوان: Re: احمـــــــــد ابني ارهابــي ..فهل من معيـــن!!
الكاتب: هشام هباني
التاريخ: 20-06-2006, 11:08 ص
Parent: #7


الاخت الكريمة غادة

سلامات ونهارك سعيد

والله الزول ده باقي عليهو الف الشديد
لكن المحيرني الشقاوة دي لقاها وين زول ابدا ما عاش في السودان
وحتي الجيران الجمبنا امريكان (مساكين) !!
يعني لو قلنا نتفسح ساكت في اي حديقة..لازم نوجه ليهو جملة تحذيرات
قبل الذهاب..انو ما اهبش بطة ولا طيرة من طيور الله ولا اسك ليهة كلب امريكان....اها بعد ما نمشي الزول بس زي ناس (الانقاذ) لا بعرف عهود ولا وعود..نبقي طول الفسحة قلوبنا في ايدينا والبط اكورك والطير اكورك وكلاب الخواجات تنبح ونضطر نقطع الرحلة ونرجع( الغابة) تاني زي ناس (رياك مشار وكاربينو) وما عندنا غير نقول الله يهديهو!!

هباني

--------------------------------------------------------------------------------
مداخلة: #12
العنوان: Re: احمـــــــــد ابني ارهابــي ..فهل من معيـــن!!
الكاتب: عصام أحمد
التاريخ: 05-11-2006, 08:14 م
Parent: #7


.

--------------------------------------------------------------------------------
مداخلة: #13
العنوان: Re: احمـــــــــد ابني ارهابــي ..فهل من معيـــن!!
الكاتب: عصام أحمد
التاريخ: 06-11-2006, 09:42 م
Parent: #5


--

--------------------------------------------------------------------------------
مداخلة: #10
العنوان: Re: بطـِّـل الجرسه وارجى الراجيك!!
الكاتب: ابي عزالدين البشري
التاريخ: 20-06-2006, 11:47 ص
Parent: #1


للأسف ياأخوي ثقافة الأرهاب تجري في دمانا من زمن ( وحاتي كان تشمها) والمثل ما بغباك.
منو البنعدو زمان راجل كان ما سكينه من مغنطيس ولا من يايات لوري ويدها مزينة بالفضة. منوالماعندو عكازا مضبب بهد الفقرة؟
الترابي ده ساكت شايل النايحه، راجل مسكين غلبو البسويه بعد حـُـواره علي عثمان ما قلب اللوح والدواية، والتسويه كريت تلقاهو في جلدها. سيموت الترابي -كما مات موتا سريريا(فكريا)- لكن سيولد ألف ترابي نشأ وترعرع في نفس المدرسة، وود المراسيه ما ببيع بروش الجامع.
المدرسة الترابية أخذت وقتا ليس بالقصير من عمر الجيل الحالي. استغلوا فيها الإعلام و بثوا ثقافة (...) جيشوا كل الشارع حتى كتبوا على كل شارع اسم شهيد، ثم كفروا بما قالوا...
عليك الله ما تزيد الهموم الجاينا أكتر من المتوقعو إنت بس الصبر أو الثقافة البديلة (شبه المستحيلة) وحفظ الله أبناءنا جميعا

--------------------------------------------------------------------------------
مداخلة: #11
العنوان: Re: بطـِّـل الجرسه وارجى الراجيك!!
الكاتب: هشام هباني
التاريخ: 04-11-2006, 09:42 ص
Parent: #10


صديقي ابي عز الدين

وما قلت الاالحق


Quote: للأسف ياأخوي ثقافة الأرهاب تجري في دمانا من زمن ( وحاتي كان تشمها) والمثل ما بغباك.
منو البنعدو زمان راجل كان ما سكينه من مغنطيس ولا من يايات لوري ويدها مزينة بالفضة. منوالماعندو عكازا مضبب بهد الفقرة؟
الترابي ده ساكت شايل النايحه، راجل مسكين غلبو البسويه بعد حـُـواره علي عثمان ما قلب اللوح والدواية، والتسويه كريت تلقاهو في جلدها. سيموت الترابي -كما مات موتا سريريا(فكريا)- لكن سيولد ألف ترابي نشأ وترعرع في نفس المدرسة، وود المراسيه ما ببيع بروش الجامع.
المدرسة الترابية أخذت وقتا ليس بالقصير من عمر الجيل الحالي. استغلوا فيها الإعلام و بثوا ثقافة (...) جيشوا كل الشارع حتى كتبوا على كل شارع اسم شهيد، ثم كفروا بما قالوا...
عليك الله ما تزيد الهموم الجاينا أكتر من المتوقعو إنت بس الصبر أو الثقافة البديلة (شبه المستحيلة) وحفظ الله أبناءنا جميعا



--------------------------------------------------------------------------------

ليست هناك تعليقات:

إرسال تعليق